Syair Wafeut Nabi

Saket nabi sang Bungoeng keumbe

Hana Jan tathe siar ka mala

Saket Ngon siat sang Bungoeng laye

Sahbat Han Neuthe Soe Peugah Hana

Nabi Neukheun Ulon Neuk Wafeut

Karap Ngon Suekreut Malaikat Ba

Yoeh Ban Geudeungo Nabi Rap Wafeut

Bandum Meureut-Reut Tijoh le mata

Di Abu Bakar Neukheun le Rijang

Hate ka leukang kamoe Nyoe Dumna

Meuseu Hana le ya Rasulullah

Ka Gadoeh Tuah Dum Asoe Donya

Teungoh nyan mandum baca seulaweut

Nabi Neuk Wafeut Malaikat Ba

Nyawoeng bak Reukung Janjongan nabi

Udah yang suci Neu Hei Ummati

Leupah That sayang nabi keu Ummati

Meunyoe Ta Ingat Taroe le mata

Cukop That sayang Ngon cukop Gaseh

Geu Bela abeh umat Di Nabi

Wate Neu Tareuk nyawoeng di Nabi

Neu Hei Ummati Neu Hei Ummati

Menyoe lage Nyoe Saket That Suekreut

Umat loen Beujeut Bek Neubri Rasa

Dum Malaikat Neu Troen U Bumoe

Nabi Geutanyoe Neu Peumulia

Nabi ka Wafeut Panghule Alam

Rasul Pilihan Ateuh Rueng Donya

Wareh Dan Sahbat Teu Roe le mata

Intan Permata Gadoeh lam Donya

Hanle Pat ngadu Hanle Pat Peugah

Ya Rasulullah ka neujak Bungka

Yoeh Goh Neubaloet ya Rasulullah

Tamoeng Fatima Neucoem bak dada

Beudoh A'isyah Neucoem Bak Talak

Safyiah Minaj Keuneung Ban dua

Teuma Hafsah Bak Uboen-uboen

Maimunah Neucoem Geulunyung Dua

Di Juariyah Neucoem Bak Gaki

Hindoen di pipi antara mata

Hasan ngen Husen Bandua Cucoe

Neusampoeh muka Jaroe Janjoengan

Oleh lheh nyan Bandum Neu kalon-kalon

Baroe Neupeuboh Gapeuh di Muka

Yang Peu ile le Salman Farisi

Yang duek Bak Gaki di Abu Bakar

Oeh Ban Seuleusoe Peu ija Kafan

Yang boeh Bebewan Ali Murtadho

Nabi ka Wafeut Neu Tinggai Donya

Sempurna Agama Peutunyok Nabi

Yang Na Neutinggai keu Bandum Ummat

Qur'an Sunnati le nabi Muhammad. Allah

Saket Nabi sang Bungoeng Keumbe

Hana Jan tathe siat ka Mala

Sakeut ngen siat sang Bungoeng laye

Sahbat Han Neuthe Soe Peugah Hana 2x