SKEMA PEMARKAHAN PENTAKSIRAN SETARA BAHASA IBAN TAHUN 5 2021

BAGI A : 15 MARK

1. C

2. B

3. B

4. A

5. C

6. B

7. A

8. C

9. C

10. B

11. D

12. A

13. D

14. B

15. D

BAGI B : 5 MARK

16. C

17. C

18. A

19. D

20. B
BAGI C : 10 MARK

1. (a) Mensia mayuh diperansang nengkebang mayuh agi teknologi baru ti ulih mantu

ngereja pengawa besehari-hari.

(b) Rayat patut nemu virus COVID-19 ulih berampit nengah angin lalu ngerampit

sebarang orang.

2. (a) Kepala Opis Pelajar Negeri Sarawak ngelawa makmal Sains sekula kami.

(b) Kitai bulih informasyen ti betul ari radio.

(c) Sundai belagu ngena sura nyawa ti lunak sambil bejugit enggau ati ti gaga.

(d) Kemaya sengkabung mulut enggau idung patut dikena?

3. (a)

(i) A – Baka muai garam ke tasik

(ii) C – Baka pagar makai umai

(b) Jiram munyi empulu dichabut iku laban iya enda ngetu-ngetu becherita senentang

peneleba nemuai sida sebilik ke Punchak Borneo maya peremisi sekula.

BAGI D : 20 MARK

Penyakit ti pemadu dikenangika di serata dunya naka ke diatu tu iya nya COVID-19.

Penyakit COVID-19 tu bansa penyakit ti mudah amat ngerampit tauka ngerekai ngagai bala

mensia kenyau taun 2019 bepun ari Wuhan, China. Pengerekai penyakit tu udah ngerampit

bejuta-juta perayat serata dunya lalu mega nabanka nyawa mensia enda ngira bansa. Enda

mina nya, pengerekai virus corona mega ngubah gaya pendiau pengidup mensia sereta

ngeruga ekonomi menua. Nyadika tanya, nama chara ti semitan dikena nyeliahka diri ari

COVID-19?

Chara ti keterubah dikena nyaga diri ari COVID-19 tu iya nya mensia mayuh dipinta

diau ba rumah aja. Perintah udah ngeluarka atur tauka penerit pejalai sementara, kena

ngelindung pengerai sereta nyelamatka nyawa kitai. Peranak Malaysia dipechaya besedia

lalu nerima enggau manah Atur Nagang Pemindah (PKP) ti dipejalaika kena nagang

pengerekai igi penyakit COVID-19 di bagi menua tu. Tu mih awak ti manah dikena

ngerapitka agi kaul antara diri sebilik. Apai indai ulih ngaga bemacham aktiviti kreatif

begulai enggau bala anak baka meresi rumah, betukang, bepandukka lauk, bekebun sereta

besukan ba laman rumah.

Kedua, dikena nyeliahka diri ari ti dirampit penyakit tu iya nya kitai enda ulih enda

ngemeranka gaya ulah bepengerai tauka dikumbai personal hygiene dalam jaku English.

Kitai mega dipinta semampai masu jari ngena ai sereta sabun tauka utai ti ulih kena munuh

kuman (hand sanitizer) sepengelama 20 sikin. Tutup mulut enggau idung ngena tisu maya

batuk tauka engkasi lalu anang negu mua, mata, idung enggau pending. Kelimpah ari nya,

pemeresi dalam rumah mega mesti ditingkatka enggau chara meresi endur ke suah ditegu.

Kitau tau nyampurka utai ti ulih dikena munuh kuman dalam ai ke dikena ngelap endur ke

suah ditegu baka suis lampu, talipaun, pintu peti ais enggau ti bukai.

Chara ketiga nyaga diri enggau orang bukai ari kena virus COVID-19 tu iya nya

kitai semua dipinta nyeliahka diri ari betemu enggau orang bukai. Enti maya betemu tauka

berandau enggau orang, anang enda ngemeranka seraka sosial tauka social distancing iya

nya genyauhka diri empu ari orang bukai entara pangan diri abis nadai 1 meter. Penyakit

tu ulih ngerampit mensia enti bala mensia kelalu semak sereta bisi teteguka ai liur tauka
engkasi orang ti udah kena jangkit virus COVID-19 nya. Nambahka nya, nitihka lalau ari

bala lutur, enti ulih kitai nyeliahka diri ari betabi jari enggau pangan diri ngambi ulih

ngurangka penyakit tu ari berampit.

Dikena nentuka pandemik nya enda ngerekai ngagai rumah panjai, bala di mengeri

dilalau anang guai pulai ke menua tauka ngagai rumah panjai laban enggaika ngerampit bala

di menua. Enti kitai sayau ke sida, kitai patut nitihka atur tu kena munas ke rentayan

COVID-19. Diatu laban dunya udah moden, kitai tau ngatur gawai chara baru nengah online

enggau pangan diri baka ngena aplikasyen Google Meet, zoom enggau mayuh macham

aplikasyen ke bukai. Tambah mega, bala Komiti Pengelikun enggau Pemaju Genturung

Menua (JKKK) rumah panjai tau nirika notis dichop ba kain bekaul enggau pengerekai

COVID-19 ba simpang jalai taman ngelawa ngagai rumah panjai nya ngingatka sida iya

ngena kain notis nya.

Kepenudi, enti bisi kena tanda- tanda kena jangkit virus COVID-19 baka renga,

batuk, engkasi enggau sendat seput jampat ke klinik berubat tauka talipun ngagai opis

pengerai perintah. Enti bisi tanda sakit, kita patut ngena pemampul mulut & idung (mask)

tauka manah agi kitai belelak ba rumah. Tu ulih nyeliahka penyakit kitai ngerampit orang

bukai. Anang enggau aktiviti bebala mayuh, chunto pengawa besembiang tauka begempuru

bebala mayuh. Semua aktiviti iya ke bisi mayuh orang mesti dilanjar awakka penyakit

COVID 19 enda ngerembai ngagai bala mayuh.

Nyadika simpul, perintah menua Malaysia sereta Gerempung Opis Pengerai ba

derata dunya udah bejalaika pengawa kena napi virus COVID-19 enggau bebendar. Nya

alai, aram mih kitai semua perayat menua sama bela nyukung atur perintah ngambika ulih

munaska pengerekai virus tu awakka ulih baka selama.