MODUL BAHASA IBAN 18 November 2021 (Ari Empat)

Unit 7 : Sama Ngaling Sama Minching

SP : 1.2.3, 1.4.4

Aktiviti :

1. Peda bup teks lambar 53.

2. Bacha teks ngena sada nyawa enggau intonasi ti betul.
3. Aktiviti
 Saut tanya lumur 2 lalu salin ayat perintah ke ditemu dalam teks.

4. Latih
 Tulis 2 ayat bagi
 Ayat asuh
 Ayat tagang
 Ayat peminta
5. Salin dalam bup latih.

NOTA.

i)  Ayat asuh

Ayat asuh nya ayat ti selalu disebut maya kitai ngasuh orang ngereja pengawa. Dalam ayat
asuh, kadang-kadang subjek ayat nya ditinggal. 

Chunto:

- Sapu bilik tu!

- Kirumka pesan ngagai iya.
- Buru mayau ti enchuri salai nya.
- Bai kitu  mih komputer nya.
- Beri surat tu ke Endun.

(ii)  Ayat tagang

Ayat tagang nya bansa ayat perintah ti mai jaku tagang baka, anang enggau enda, sebedau
rambai jaku nama, rambai jaku pengawa, rambai jaku adjektif tauka rambai jaku penempat.

Chunto:

- Anang beduan adi nuan.

- Enda ibuh kitu nuan pagila.
- Anang nginsap.
- Anang engkah pekakas tajam di atas mija nya

iii) Ayat peminta

Ayat peminta nya bansa ayat perintah ti selalu disebut kitai maya kitai minta utai ari orang. 
Mayuh orang suah deka nanda ayat peminta ngena leka jaku siru baka, tulung, uji,
minta enggau arapka.

 Chunto:
- Minta semua kita duduk jenuh.
- Tulung beri bup tu ngagai pengajar kita.
- Uji gaga semua tanya tu.
- Arapka nuan enda laun malas surat aku tu.
- Arapka penerang ti diberi aku tu beguna ba bala kita.