KAHISE K’AMASHENGERO YA

PENTEKOTE MU BURUNDI
N’INGENE YIFASHE

Décembre 2022
 URUTONDE RW’IBIRI MUR’IKI GITAGO

i . INTANGAMARARA……………………………………….. 6
0 . ICEGERANYO C’INGENE AMASHENGERO
YATANGUYE MU BURUNDI N’INGENE YASHI-
SHIKAYE GUKWIZA UBUTUMWA BWIZA…………… 8
I. AMAMUKO Y’ISHENGERO RYA PENTEKOTE............ 12
Candikiwe mw’iyandikiro ry’ibitabo rya
II. ABATANGUJE AMASHENGERO YA PENTEKOTE
………………………………………. MU BURUNDI……………………………………………….. 20
III. INGENE ABAMISIYONERI BA MBERE BASHITSE
MU BURUNDI……………………………………………..... 24
III.1 Urugendo rwa mbere rw’abamisiyoneri baje gutata ibibanza
vyo gushingamwo imisiyoni.………………………………….. 25
III.2 Urugendo rugira kabiri rw’abamisiyoneri baje gutata ibibanza
vyo gushingamwo imisiyoni…………………………………... 26
III.3 Ingene abamisiyoneri baje gukorera mu bibanza vy’i
Kayogoro n’i Kiremba………. 28
III.4 Ingene abamisiyoneri ba mbere babayeho…………………….. 32
IV. INGENE ABENEGIHUGU BAKIRIYE
UBUTUMWA BWIZA……………………………................ 34
Tous droits réservés  par Dr SEHEYE Emmanuel V. INGENE AMASHENGERO YA PENTEKOTE
YATANGUJWE N’ABAMISIYONERI MU BURUNDI.... 37
V.1 Ishengero rya pentekote rya Kayogoro……………………….. 38
V.1.1 Ingene abazezwashengero (pasitori) ba mbere barobanuwe
mw ishengero ryo mu Kayogoro …………………………… 41
V.2 Ishengero rya pentekote rya Kiremba……………………… 46
V.3 Ishengero rya pentekote rya Mugara………………………… 60
V.4 Ishengero rya Gishiha………………………………………... 76
V.5 Ishengero rya pentekote rya Nyanza-Lac…………………….. 84
V.6 Ishengero rya pentekote rya Bujumbura……………………… 88
VI. IVYARANGUWE MU MASHENGERO IMBERE
NO HANYUMA Y’AHO ARONKEYE INTAHE YO
KWIKUKIRA……………….......................................... 96
VI.1 Ivyerekeye amashure……………………………………. 96
VI.2 Ivyerekeya amavuriro……………………………………. 99
VI.3 Ivyerekeye amashure ya Bibiliya………………………... 102
VI.4 Iyandikiro ry’ibitabo n’ibinyamakuru…………………… 106
Décembre 2022
VI.5 Irerero ry’impfuvyi n’ikigo c’abagendana ubumuga…… 107
VI.6 Amashure nyigishamibano(Foyers sociaux)……………. 108
 IX.4 Ingorane abagiye kuvuga ubutumwa bakunda
VI.7 Umutwenzi……………………………………. 108 guhura na zo…………………………………………. 167
VI.7 Ibindi vyaranguwe…………………………….. 109 X. INGENE AMASHENGERO YA PENTEKOTE YO
VII. INGENE AMASHENGERO YATANGUJWE MU BURUNDI YASHISHIKAYE GUKWIZA
N’ABAMISIYONERI YIKUKIYE………………….. 109 UBUTUMWA BWIZA MU BINDI BIHUGU ……….. 170
VII.1 Inama y’abamisiyoneri n’abazezwashengero bo muri X.1 Ishengero rya Mugara 171
Kongo no muri Rwanda-Urundi yabereye i Buvira……. 110 X.2 Ishengero rya pentekote rya Kayogoro 173
VII.2 Impari zabereye muri Sweda kuvyerekeye ivyavugiwe X.3 Ishengero rya pentekote rya Gishiha 174
mu nama y’i Buvira…………………………………….. 112 X.4 Ishengero rya pentekote rya Nyamutobo 183
VII.3 Ingene habaye ibisikanya ku burongozi bw’amashe- X.5 Ishengero rya pentekote rya Karama 185
ngero n’ingingo zafatiwe ishirahamwe MLS ry’abami- X.6 Ishengero rya pentekote rya Nyanza-Lac 189
siyoneri………………………………………………… 113 ii INDUNDURO YA VYOSE…………………………… 193
iii Abamfashije kwegeranya ivyabaye
VII.3.1 Ibisikanya mu burongozi bw’amashengero 115 mu mashengero ya pentekote mu burundi………. 195
VII.3.2 Gushiraho ishirahamwe risubirira MLS 116 iiii. Ibitabo vyafashije kwegeranya amakuru y’ivyabaye
VII.3.3 Ibisikanya mu migambi y’iterambere 120 mu mashengero ya pentekote mu Burundi………… 196
VII.3.3.1 Ibisikanya mu burongozi bw’amashure 120 iiiii. Insobanuro y’amajambo amwe amwe……………… 197
VII.3.3.2 Ibisikanya mu vyerekeye ubuvuzi 124 iiiiii Amajambo y’impfunyapfunyo yakoreshejwe……… 199
VIII. INGENE ISHENGERO RYA GISHIHA RYABA-
YEHO RIMAZE KWIKUKIRA………………………. 125
VIII.1 Ingene ishengero rya Gishiha ryari ryifashe
Imbere y’ikiza ca 1972 n’inyuma yaho……….. 125
VIII.2 Ingene ububwiriza bwa Kididage n’ububwiriza
bwa mbizi bwegukiye Ishengero rya Kayogoro……. 129
VIII.3 Ingene ikibazo c’imitobe cahagurukiwe
n’amashengero yose ya Pentekote........................ 130
VIII.4 Ivyabaye inyuma y’ifatwa ry’ingingo yo kubuza
kunywa ibiboreza……………………………………. 132
VIII.5 Ingene abarongoye ishengero rya Gishiha
bagiye bakwirikirana…………………………………. 135
IX. INGENE UBUTUMWA BWIZA BWASHISHIKAYE
GUKWIRAGIZWA MU BURUNDI…………………. 137
IX.1 Ingene amashengero yikukiye yatwaye ubutumwa
mu tundi turere tw’igihugu…………………………… 137
IX.2. Ingene amagume yadutse mu mwaka wa 1972
yononye igikorwa cari gitanguye co kuvuga
ubutumwa mu Burundi bwa ruguru n’ingene
igikorwa canagutse inyuma y’ikiza……………….. 164
IX.3 Ingene habaye igaburwa ry’uturere hagati
y’ishengero rya Kiremba n’ishengero rya Gishiha… 166
 6
i. INTANGAMARARA
Mu Burundi, hamaze kuronka intahe yo kwikukira ama-
shengero 15 ya Pentekote, yandi abiri amaze kuronka
ubwigenge. Mur’ayo mashengero. abatari bake ntibazi
ingene ubutumwa bwa Pentekote bwashitse ngaha mu
Burundi. Abakurambere bazi neza akahise k’amashengero
ya Pentekote mu Burundi bariko baraherengetera.
Mur’ino misi, nagiye mbona abantu batari bake banshikira
bakambaza ingene vyagenze kugira ngo amashengero ya
Pentekote aboneke mu Burundi, nkabayagira bimwe-
bimwe nari nzi nk’uko abanyitangiye imbere bagiye
barabinyagira.
Abantu batari bake bansavye ko nokwandika ako kahise,
nca nterwa intege nyinshi n’umwungere wa mbere
w’ishengero ry’i Gishiha yansavye ko noba mu murwi
ujejwe kwandika kahise k’ishengero rya pentekote ry’ i
Gishiha.
7
kugira ngo tubashe kumenya neza kahise k’amashengero
ya Pentekote mu Burundi.
Ivyo bishobora gufasha gutahura ikibanza c’umwe-umwe
mw’ishengero n’ingene amashengero ya Pentekote
yubatswe mu gihugu c’Uburundi. Gurtyo vyofasha
kumenya imyifato dukwiye kugiriranira mu migenderanire
hagati y’amashengero, kugira ngo twoye kuvogerana
bigatuma haduka icuka kibi hagati yacu.
Ndakengurukiye cane abemeye kumpa inkuru ku bitari
bike vyamfashije kwandika iki gitabo. Gishobora kuba
urufatiro rwotuma abazi inkuru barushaho kuzegeranya no
kuzishikiriza gurtyo tugatahura amamuko n’imigendere
y’amashengero yacu.

Ni mur’ubwo buryo natanguye kwegeranya ivyiyumviro.

Ntanguye kwegeranya ivyo vyiyumviro, nahuye n’ibibazo
vyinshi, abantu bakambaza ingene vyagenze mu yandi
mashengero.

Ni kubw’ivyo nashimye kwegeranya inkuru yerekeye

cane–cane amashengero yatangujwe n’abamisiyoneri mu
Burundi, yahawe ukwikukira mu mwaka wa 1960 imbere
y’uko Uburundi buronka intahe yo kwikukira n’ingene
yashishikaye kuvuga ubutumwa irya n’ino.

Ivyo bizotuma abandi bagira umwete wo kurondera no

gutohoza neza ivyabaye bafatiye ku bimaze kwandikwa
8 9
0. ICEGERANYO C’AKAHISE K’AMASHENGERO YA
PENTEKOTE MU BURUNDI N’INGENE YIFASHE.
Amashengero atandatu yatangujwe n’abamisiyoneri bava
mu gihugu ca Sweda, yaronse intahe yo kwikukira mu
mwaka wa 1960. Na yo ni aya: Kayogoro, Kiremba,
Mugara, Gishiha, Nyanza-Lac na Bujumbura.
Abamisiyoneri bayatanguje twasanze bari bamwe,
bakorera hamwe, bakaja ah’ariho hose bakenewe ata
karimbi kiretse abapasitori Gösta Werlinger na Winberg
Thomas bakoze cane mu mashengero bari barongoye ari
yo Kayogoro na Kiremba, n’aho Thomas Winberg yaja
aragenda gufasha mw’ishengero ryo mu Kayogoro iyo
habuze umumisiyoneri w’umugabo ateguza uruhimbi. Ayo
mashengero 6 yose yavyajwe ubutumwa bwiza
n’amashengero ya Sweda yarungika abamisiyoneri
akabaha uburyo bwose bukenewe kugira ngo bashobore
kurangura ico gikorwa. Ayo mashengero yo muri Sweda,
ni yo yahabwa raporo y’ivyaja biraba, ishengero rimaze
kuvuka rigaca ryandikwa ku rutonde rw’amashengero azwi
muri Sweda amaze gutanguzwa mu Burundi.
Muri make ayo mashengero atandatu yofatwa kw’avukana.
Ivyigaragaza ni uko hari amashengero yatanguriye ayandi
kubaho nka Kayogoro na Kiremba. Dufatiye ku ngingo
yavuga ko kugira ngo ishengero rya pentekote ritangure,
hategerezwa kuboneka umumisiyoneri w’umugabo
arirongora, ashobora kubatiza no gusangiza; dusanga ko
n’aho Kayogoro ariyo yabaye imisiyoni ya mbere
yatangujwe n’abakobwa babiri Alice Kjellberg na Alma
Andersson, ishengero rya mbere rya pentekote
ryatanguriye i Kiremba, kuko umubatizo wa mbere wabaye
ku musi ugira 13 w’ukwezi kw icenda k’umwaka wa 1936,
mu Kayogoro na ho umubatizo wa mbere ukaba ku musi
ugira 25 w’ukwezi kwa cumi na kabira mu mwaka wa
1936.
Ayo mashengero abiri ariyo Kayogoro na Kiremba
ntarutana cane mbere yofatwa nk’amahasa, ariko kubera
yuko no mu mahasa habamwo bukuru na butoyi, ishengero
rya pentekote ry’i Kiremba ni ryo ryoba bukuru.
Ayo mashengero ashobora gufatwa nk’imfura y’ayandi mu
Burundi. Ariko rero, twihweje neza kahise k’amashengero
ya pentekote mu Burundi, ntitubona ico yofatirako mu
kwemeza ayatangujwe mu nyuma n’abamisiyoneri
kw’ariyo yayavyaje ubutumwa. Na yo nyene ubwayo
ntiyemera kw’amashengero y’i Kongo mbirigi abo
bamisiyoneri baje baturukamwo ariyo yayavyaje
ubutumwa, n’aho abo bamisiyoneri b’abazungu
bazananye n’abamisiyoneri b’abanyekongo babafasha
kumena umushike. Abo bamisiyoneri b’abanyekongo
bategekwa n’abamisiyoneri b’abazungu, nta jambo bagira.
Ayo mashengero abiri ariyo Kayogoro na Kiremba
yarerekanye koko ubufura bwayo kuko Imana
yayakoresheje cane ivy’ubuhizi mu kuramira amashengero
ya Nyanza-Lac, Mugara na Bujumbura yari yasinzikajwe
n’ikiza c’ubwicanyi bwabaye muri 1972, no mu
kubandanya ibikorwa vy’Imana vyariko birarangugwa
n’ayo mashengero mu turere dutandukanye tw’igihugu
c’Uburundi.
Mu vyo tumaze gutohoza, dusanga kw ata na kimwe
ishengero na rimwe mur’ayo 6 ryoshobora gufatirako ngo
ribashe kwigarurira ibikorwa vyakozwe n’abamisiyoneri mu
kwemeza ko ryavyaye irindi kukw ayo mashengero atari
bwabeho abamisiyoneri bataraza kandi amaze kubaho
atari yo yatuma abamisiyoneri gutanguza
amashengengero. Abo bamisiyoneri batumwa na MLS,
10
iryo shirahamwe rimaze kuronka aho rishinga imisiyoni.
Intumbero y’abamisiyoneri kwari ugutanguza
amashengero, amaze gukomera bagaca bashikiriza
uburongozi bwayo abanyafrika.
Imana ishimwe yakoresheje abo bamisiyoneri ivy’ubuhizi,
bamwe bakemera guheba amagara yabo bakagwa ku kivi,
abandi bakemera kuruha no kuburanirwa muri vyose,
mugabo bakihangana kugeza aho amashengero 6 avuka
mu Burundi.
Ayo mashengero yo muri Sweda amaze kurungika
abamisiyoneri, bakunda gushikira i Buvira; ishirahamwe
MLS rigaca ribarungika aho bakenewe, ku buryo ata
shengero ryo muri Sweda ryoshobora kwemeza kw’ariryo
ryavyaje ubutumwa bwiza ishengero kanaka mu Bururndi.
Ikindi na co, haracariho ikibazo c’amazu y’abamisiyoneri.
Abarongozi b’amashengero bamwe-bamwe, ntibazi ko
amazu y’abamisiyoneri ata bubasha bayafiseko bivuye ku
masezerano yashizweko urukumu mu mwaka wa 1960 yo
kuyubahiriza igihe cose abamisiyoneri bazoba
bakiyakeneye. Bamwe biyumvira ko bashobora
kuyakoresha ivyo bashaka bigatuma haba icuka kibi hagati
yabo n’abamisiyoneri bayubatse.
Abamisiyoneri baza gukorera mu Burundi si benshi,
n’abaje bahaca barengana baje mu misi mikuru nk’iyo
kwinjira insengero nsha canke kwigisha mu bikorane. Bisa
n’aho ayo masezerano atagifashe, akwiye gusubirwamwo.
Ayo mazu adakoreshwa ariko arononekara kandi muri kino
gihe amatongo yaze, ashobora gusubirizwa n’amazu
y’amagorofa. Birakwiye ko abarongozi b’amashengero
bokwigira hamwe n’abamisiyoneri bene amazu ico kibazo
kugira ngo abo bene amazu bahe abarongozi
11
b’amashengero uburenganzira bwo kuyakoresha. Mu
kurorera uwo mwunvikano, abarongozi b’amashengero ya
pentekote boguma bubahiriza iyo ngingo, ayo mazu
akaguma mu minwe ya CEPBU kugira ngo hoye kuba
icuka kibi hagati yabo na benamazu. Ayo mazu n’ibibanza
vya misiyoni kugeza ubu ni CEPBU ibijejwe
.
Ayo mashengero amaze kwikukira, yaciye afata ibintu mu
minwe atangura kuvuga ubutumwa bwiza mu turere tutari
bwashikemwo amashengero ya pentekote haba mu
buseruko, mu buraruko no mu burengero. Ni gurtyo
hamaze kuvuka ayandi mashengero cenda yikukiye ariyo
y’aya: Nyamutobo, Kigozi, Karama, Mukoni, Kagari,
Rusagara, Gashikanwa, Maramvya na Gitega.
Amashengero yandi abiri ariyo Butara na Karusi amaze
kuronka ubwigenge. Ayo mashengero ya pentekote ari mu
turere twose tw’Uburundi. Ubu ayo mashengero ya
pentekote yo mu Burundi ariko akwiragiza ubutumwa
bwiza bwa Yesu Kristo mu bindi bihugu, aha twovuga muri
Kenya, mu Buganda, muri Tanzaniya, muri Zambiya, muri
Mozambique, muri Malawi, muri Zimbabwe, n’ahandi
henshi.
Imana Data wa twese ahoraho se w’Umwami wacu Yesu
Kristo n’ihabwe ishimwe, n’icubahiro n’inganji ibihe vyose
ku bikorwa bitangaje yadukoreye, n’ibitangaza iriko
ikoresha abasavyi bayo mu Burundi no mu bihugu vyo
hanze. Amen.
12
I. AMAMUKO Y’ISHENGERO RYA PENTEKOTE
Ishengero rya Kristo ryatanguye ku musi mukuru
w’Abayuda witwa “Pentekote”, aho Mpwemu Yera
yururukira ku ntumwa n’abigishwa bari bakoraniye
mw’igorofa, bose hamwe bashika hafi abantu 120. Kur’uwo
musi, habaye igitangaza gikomeye, indimi z’umuriro
z’ururukira kur’abo bantu, buzuzwa Mpwemu Yera, baca
batangura kuvuga mu zindi ndimi. Abantu bazazaniwe,
bagatangura kwiyumvira ko baborewe igisama, intumwa
Petero yaciye ahaguruka abasobanurira ibibaye, aca
abasaba kwihana. Dusoma muri Bibiliya ko kur’uwo musi
hihanye abantu hafi ibihumbi bitatu. Ishengero rimaze
kuvuka, haciye haduka ihamwa rikomeye riterwa n’idini
ry’Abayuda.
Mu mwaka wa 66; inyuma y’ivuka rya Yesu, ihamwa
ry’Abakirsto ryakomejwe n’abami b’Abaroma, ritanguwe
n’umwami w’abami Néron yagiriza Abakristo basaba
umuriro wa Mpwemu Yera, ko ari bo batumye igisagara ca
Rome gisha kigatokombera. Yamara abatari bake
batohoje akahise bemeza kw’ari we yagituriye arondera
kwubaka ukundi gusha amazu yaho. Uwo Néron ni we
yaciye umutwe Paulo, yica Petero amubamvye acuritse.
Abami b’Abaroma bamukurikiye abenshi barahamye
ishengero twovugamwo nk’umwami yitwa Vespasian
yasambuye igisagara ca Yerusalemu na Domisiyano
yataye Yohana mu kizinga Patimo, Trajan, Adiriyano
n’abandi benshi.
Umwami w’abami w’Abaroma Constantin mu mwaka wa
313, afatiye ku vyo yeretswe vyatumye atsinda intambara,
ni we yafashe ingingo yo guhagarika ihamwa ry’abakristo.
Aca ashinga ko umuntu wese afise uburenganzira bwo
gusengera mw’idini agomba (édit de tolérance de Milan).
Aca ashinga kandi k’umusi wa mbere w’imisi ndwi
13
abakristo bari basanzwe bateranira hamwe, ubaye umusi
w’akaruhuko. Mu nyuma y’ivyo, umwami yitwa Theodosius
amaze kwima mu myaka ya 378-395, yaciye yemera
kw’idini rya gikristo ari ryo ryonyene ryemewe na Leta, aca
ategeka gusambura ayandi madini yose, abuza gusenga
ibigirwamana. Mur’ico gihe ishengero ryaciye rinyegeterwa
n’abantu batarinze kwihana, mbere n’abahora ari
abaherezi b’ibigirwamana baza bazananye n’ibikoresho
vyabo hamwe n’imigenzo yabo mu bikorwa vy’ubuherezi.
Ishengero rica ricura umwiza mwinshi, kuko hagiye
harafatwa ingingo nyinshi zinyuranye n’ijambo ry’Imana,
maze ishengero rica rirononekara.
Kuva mu kinjana ca 4 gushika ku kinjana ca 14 haciye
hatangura ibihe bibi kw’ishengero, vyari ibihe vy’umwiza.
Umuco wongeye kwaka mu kinjana ca 15 habonetse
abantu biheba bakarwanira ukuri nka Yohana Wicliff na
Yohana Huss umunyeshure wiwe yaturiwe abona
n’abanyedini b'ico gihe. Uwundi twovuga ni Yohannes
Gutenberg yagunduye imashine yo kwandika ibitabo mu
mwaka wa 1450, Yashoboye kwandika bibiliya igizwe
n’imirongo 42 bise Bibiliya ya Gutenberg mu mwaka wa
1954.
Iyo mashini ni yo yabaye iya mbere yakoreshejwe mu
kwandika Bibiliya. Ivyo vyatumye abantu benshi
 15
14
bashobora kwisomera ijambo ry’Imana ryari rimaze igihe
kirekire ryaranyegejwe. Uwo Martin Luter ni
we Imana yakoresheje
mu gukura inyigisho
z’ibinyoma mw’ishen-
gero ry’Imana

Iyandikiro ry’ibitabo
ryakoresha ubuhinga
bwagunduwe na
Gutenberg
Hambavu yabo, Imana yarongeye ihagurutsa Martin
Luther yari asanzwe ari umupadiri. Yari yigishijwe
kw’agakiza, umuntu ashobora kukaronka kavuye mu
kwibabaza. Aca agerageza kwibabaza uburyo bushoboka
bwose kugira ngo aronke agakiza kazana amahoro mu
mutima, aragahebura. Ni ho yasoma muri Bibiliya asanga
handitswe kw’agakiza kava ku buntu bw’Imana, aca
yemera ijambo ry’Imana, yakira agakiza. Kuva ubwo aca
atangura gukwiragiza izo nyigisho aho agiye hose.
Izo nyigisho zimaze gufata, Imana yahagurukije abandi
bagabo babiri ari bo Ulrich Zwingli n’umwigishwa wiwe
Yohana Calvin. Abo ni bo Imana yakoresheje cane kugira
ngo bashire urutonde mw ishengero. Basubizaho
umubatizo, isangira ryera, bakuraho umubatizo w’inzoya,
bakuraho gusenga ibishushanyo no gusabira abapfuye,
gurtyo igikorwa c’Imana gisubira mu buryo, ishengero
ritangura guhembuka.
Abo ni bo basubije
urutonde
mw’ishengero
ry’Imana.

Uwo mukozi w’Imana, vyaramukomereye cane kuko abari

barongoye idini ya gikristo mur’ico gihe barondeye
kumwica aho amanikiye ivyiyumviro 95 yashaka ko
bokwigako vyerekana inyigisho mbi zari ziganje
mw’ishengero ry’Imana. Asabwe kudohoka kur’uwo
mugambi no gusaba imbabazi yaranse, avuga kw’ahagaze
imbere y’Imana, kw’ico ashobora gukuramwo gusa ari
igitandukanye n’ivyanditswe muri Bibiliya. Baciye
barondera kumwica; mugabo Imana ntiyamubaha. Ari aho
abagenzi biwe bamunyegeje aca atangura gusobanura
Bibiliya mu Kidagi.
Kuva ico gihe Mpwemu Yera yagenda amanuka ku muntu
umwe-umwe nko mw’isezerano rya kera, mbere
ntibanatahure ivyabashikiye, bakiyumvira ngo
n’umuhezagiro udasanzwe baronse (onction spéciale).
Mu mpera y’ikinjana ca 19, Imana yahagurukije uwitwa
Charles Param w’umunyamerika. Atangura gukwirikiza
uko ivyanditswe bivuga, asengera abarwayi
abarambitseko ibiganza barakira. Aca yumva akwiye
gutanguza ikigo co gusengeramwo abarwayi citwa Beteli.
16
Mu nyuma y’ivyo, yagiye kwumviriza inyigisho z’abantu
bazwi cane mur’ico gihe. Avuyeyo aca atanguza ishure rya
Bibiliya ryitwa Beteli. Mur’iryo shure, harimwo
umunyeshurekazi w’umwigeme yitwa Agnès Ozman. Igihe
kimwe uwo Charles Param yafashe urugendo rw’imisi itatu,
asiga abwiye abanyeshure ngo barondere muri Bibiliya
ikimenyetso c’ukuri, cerekana ko umuntu yabatijwe muri
Mpwemu Yera. Agarutse, abanyeshure baca bamubwira
kw’ikimenyetso cerekana k’umuntu yabatijwe muri
Mpwemu Yera ari ukuvuga mu zindi ndimi.
Uwo Agnès Ozman ni
we yabaye uwa mbere
yuzuye Mpwemu
Yera akavuga urundi
rurimi
Uwo mwigeme Agnès Ozman, yaciye yumva inyota nyinshi
yo kubatizwa muri Mpwemu Yera. Ku bunani bw’umwaka
wa 1901, abanyeshure bagiye mu giteramo
c’amasengesho. Bariko barasenga, uwo mwigeme aca
yumva inyota nyinshi cane, arabura uko yifata, aca ava
hasi aja imbere y’umwigisha Charles Param arapfukama,
amusaba kumusengera amurambitse kw’ibiganza. Buno
nyene Mpwemu Yera aca aramanuka, aramwuzura, uwo
mwigeme aca atangura kuvuga mu rundi rurimi bamwe
bemeza ko cari Igishinwa.
17
Ni ho yatangura gushingira intahe abandi ivyamushikiye,
abahumuriza yibaza ngo n’ivyiwe wenyene. Mugabo abo
bandi banyeshure babonye ingene kuva abatijwe muri
Mpwemu Yera yahindutse, baca bagira ishaka ryo
kubatizwa muri Mpwemu Yera. Baca batangura gusenga
basaba Mpwemu Yera. Mu misi ikurikira, Mpwemu Yera
aca atangura kwururukira kur’umw’umwe.
Mu nyuma, Charles Fox Param na we arashikirwa yuzura
Mpwemu Yera. Aca atangura kwigisha ku mubatizo wa
Mpwemu Yera. Mur’ico gihe hari umwirabure yitwa William
Joseph Seymour yashaka kwiga mur’iryo shure. Ariko
ntivyamukundira kuko ryari iry’abazungu gusa. Nta
mwirabure yemererwa kuryigamwo. Aca aronka iciyumviro
co kwinyegeza inyuma y’urugi, atangura gukwirikirana
inyigisho Charles Param yigisha ku mubatizo wa Mpwemu
Yera, akaja arazandika.
Uwo Charles Fox Param
bemeza kw’ari we sekuru
w’abapentekote bo mur’iki
gihe
Haheze amezi atatu yiga, aca aronka umutumiro wo kuja
kwigisha mw’ishengero « Assemblée Nazarienne»
rirongowe n’umukenyezi yitwa Hutchinson. Aca yigisha
mur’iryo shengero yuk’ubatijwe muri Mpwemu Yera avuga
indimi nsha. Abarongozi b’iryo shengero baca bafata
ingingo yo kumwirukana, baramwima inahuri imusubiza
iyo yari yaje ava.
18
Abuze iy’aja n’iy’ava, aca yakirwa n’umuzungu yitwa
Richard Asbury amuha indaro mu kurorera kw’aronka
uburyo bwo gusubira i wabo i Houston.
Imisi yamaze mur’ico cumba, nta kindi yasigara arakora,
atari ugusoma ijambo ry’Imana n’ugusenga. Mu misi
mikeya aca abatizwa muri Mpwemu Yera, avuga izindi
ndimi. Uwo muzungu yamuhaye indaro yama asanga ari
ku mavi asenga. Umusi umwe amusaba ko yopfukama i
ruhande yiwe bagasengera hamwe. Amwemereye, na we
aca abatizwa muri Mpwemu Yera. Baca batangura kuvuga
ubutumwa bwiza, bashingira intahe Yesu beruye. Abantu
batangura kuza kwumviriza ubutumwa bwiza. Batanguye
kugwira, baca bakoranira aho babika imiduga (garage). Mu
misi mikeya hababera hato, baca bubaka ihema
kw’ibarabara ryitwa Azusa. Aho ni ho hatanguriye
umuvyuro ukomeye wakwiye kw’isi yose, abantu bakihana,
bagakira indwara, bakuzura Mpwemu Yera, bakavuga mu
ndimi zitamenyekana.
William Joseph Seymour ni
we bemeza ko yabaye
umupasitori wa mbere
w’ishengero rya Pentekote
mu mwaka wa 1906
Abamenyeshamakuru baca bandika mu binyamakuru yuko
hadutse idini rishasha, aho abantu baduka bagatangura
guhinda agashitsi, bakavuga mu ndimi zitamenyekana
basa n’abataye ubwenge. Abantu baca bava mw’isi yose
bazanywe no kuraba iryo dini ry’icaduka. Ni ho basubira
gusoma muri Bibiliya basanga ni ko vyabaye ku ntumwa
19
n’abigishwa ba Yesu ku musi wa pentekote. Abaronse
Mpwemu Yera bagashishikara izo nyigisho, ni ko guca
babita “Abapentekote”. Abaje bazanywe no kuraba ivyo
bitangaza, baca badomekwa na Mpwemu Yera, uwo
muriro wa Mpwemu Yera uca urarandagata, mu kanya
gato waza wakwiye isi yose.
Uwa mbere yashikanye inkuru y’iryo kanguro i Bulaya, ni
Barrat. Amaze kwumva inkuru y’uwo muvyuro, yaciye afata
urugendo rwo kuja kwirabira ivy’ari vyo. Ari mu nzira
yerekeje kw’ibarabara Azusa, yaciye abatizwa muri
Mpwemu Yera ageze i New York. Aca asubira i Oslo muri
Norvège mu mwaka wa 1906. Ashitse aca yugurura
imisiyoni ya mbere ya pentekote i Bulaya. Inyigisho ziwe ni
zo zatumye umuriro wa Mpwemu Yera waka muri Norvege,
muri Sweda, muri Danemarke, mu Bwongereza no mu
Budagi. Uwo muriro waciye wandagara ushika mu
Bufaransa, no mu Bulayi bwo mu buseruko, ushika no mu
Burusiya ujanywe na Ivan Voronaeff umukristo wo
mw’ishengero ry’ababatiste b’i New York yamuka mu
Burusiya.
Umuriro wa Mpwemu Yera umaze kwaka muri Sweda,
amashengero ya pentekote yaciye atangura kurungika
abamisiyoneri irya n’ino, na cane-cane muri Africa yo
hagati aho baciye bahera kuvuga ubutumwa bwiza mu
buseruko bwa Kongo, i Buvira mu mwaka wa 1921.
Satani yaciye akura hasi kurwanya ishengero acishije mu
yandi madini. Ishengero rya Charles Param ryarimwo
abazungu gusa, ryo no kwatsa ntiryakije, mu kanya gatoya
ryaza ryazimangaye. Charles Param batanguye
kumwagiriza kw’ari umusambanyi kandi kw’aryamana
n’abagabo. Mugabo irya William Seymour ryari rivanze
abazungu n’abirabure, ryarameze nk’iryifata, kuko
Seymour amaze kwitaba Imana mu mwaka wa 1922
20
umugore wiwe yashishikaye kurongora iryo ishengero rica
rirazimangana nko mu mwaka wa 1930. Ariko Imana yaza
yamaze kudomeka isi yose. N’ubu umuriro wa Pentekote
uracariho.
II. ABATANGUJE AMASHENGERO YA PENTEKOTE
MU BURUNDI
Nk’uko tubisanga mu Gitabo citwa “Le mouvement
pentecôtiste : Une communauté alternative au sud du
Burundi, 111935-1960’’ canditswe na Gunilla Nyberg no
mu gitabo canditswe na Margit Sôderlung citwa « La
mission Libre Suédoise au Congo, au burundi, au Rwanda,
n’udutabo twanditswe n’amashengero ya Kayogoro na
Mugara mu mwaka wa Yubile, dusanga kw’Abamisiyoneri
barungitswe n’ishirahamwe bakoreramwo
ry’Abamisiyoneri ryitwa “Mission Libre Suédoise” mu
mpfunyapfunyo “MLS” ari bo babaye aba mbere gushikana
mu Burundi ubutumwa bwiza bwa pentekote. Nk’uko
tubisanga mu gitabo canditswe na Margit Söderlung citwa
Mission Libre Suédoise au congo, au Burundi, au Rwanda,
iryo shirahamwe ryatangujwe mu mwaka wa 1924 mu
nama yabereye mw’ishengero rya Filadelufiya i Stokolme
ku mutumiro urungitswe na Lewi Pethrus na Alfred
Gustafsson.
Mur’ico gihe amashengero yari amaze kurungika
abamisiyoneri 90 kuvuga ubutumwa bwiza. Umumisiyoneri
wese yari afise uburenganzira bwo kwironderera
imfashanyo zikenewe abicishije mu kinyamakuru Evangilii
Harold canke akandikira ishengero arisaba imfashanyo.
Ishengero rironse ikete risaba imfashanyo rivyemeye,
canke umukristo akozwe ku mutima, haba mu
kinyamakuru canke kur’iryo kete, haba hariko imyidondoro
ituma izo nfashanyo zirungikirwa uwazisavye zigatako
zikamushikira.
21
Kubera ko bamwe bajuragirika ntibamenye neza iyo
bacisha izo mfashanyo ku buryo zishobora gushikira
abazigenewe, mu muhari w’abapantekote, baciye babona
kw’ ari ikibazo gikwiye kwicarirwa.
Bamaze gusenga no guca hirya no hino ingene bokorana
neza n’abamisiyoneri, haciye hagenwa benedata batutu
umwe yitwa Rikard Fris, uwundi ni A.P. Franklin na Ivar
Cleason. Abo bantu ntibaserukira ishengero na rimwe
kuko batatowe n’abaserukira amashengero. Bari bagize
urwego rwigenga, amashengero ya pentekote yigenga
muri Sweda yashobora gukoreramwo ibikorwa vyo
kurungika abamisiyoneri gukwiza ubutumwa no
gucishamwo imfashanyo bagenewe bavyishakiye. Ni
mur’ubwo buryo havutse iciyumviro co gutanguza
Ishirahamwe Ryigenga ry’Abamisiyoneri (MLS). Mu
ntango z’umwaka wa 1925 ni ho bamenyesha kw
‘imfashanyo zose z’ibikorwa vy’abamisiyoneri
zategerezwa guca mur’iryo shirahamwe.
Habaye impari nyinshi, bamwe babifata nk’uko rihindutse
ishirahamwe ry’amashengero ya pentekote. Mur’izo mpari
amashengero menshi yahisemwo gukorera mu
mwidegemvyo mugabo ayashatse agakorana n’abo
bahamagariwe gukora ico gikorwa kidasanzwe. Haciye
haduka ikibazo c’uko amashengero yose yarungika
abamisiyoneri cane-cane muri Kongo mbirigi, yerekana
kw’azwi muri Leta (Personnalité civile), kugira ngo aronke
uburenganzira bwo gukorana na Leta mbirigi.
Ntivyashoboka ko ayo mashengero arungika
abayaserukira mu bihugu vyose bafisemwo abamisiyoneri
ngo baje kwerekana kw ayo mashengero yemewe muri
Leta ya Sweda bitwaje personnalité civile, kugira ngw
abone gushirwa ku rutonde rw’amashirahamwe afise
uruhusha rwo gukora ku mugaragaro.
22
Abamisiyoneri bakorera muri Kongo mbirigi, ntibashobora
kugura canke kugurisha canke kugira ico batunze, canke
kurengana i Buvira ngo baje gutanguza igikorwa c’Imana
mu kandi karere, kuberako ata burenganzira bari babifitiye.
Mu gihe izo mpari zari zikibandanya mu gihugu ca Sweda,
abamisiyoneri bakorera muri Kongo mbirigi, baciye basaba
ivyemezo kw’iryo shirahamwe ryemewe muri Kongo
mbirigi (Personnalité Civile). Mu mwaka wa 1929,
amashengero yo muri Sweda yaciye afata ingingo yo
gufuta iryo shirahamwe muri Sweda, mu gihe muri Kongo
mbirigi bari barindiriye inyishu yo kwemererwa ku
mugaragaro ko rizwi n’amategeko. Izo ngorane zo
kutagira ico bagura canke ico batunga, canke gusaba aho
bakorera zamazwe mu mwaka wa 1930 iryo shirahamwe
ryemerewe gukorera ku mugaragaro muri Kongo mbirigi
n’aho ryaza ryamaze gufutwa muri Sweda.
Abamisiyoneri bakoraniye i Buvira kw’itariki 15 z’ukwezi
kw’icumi k’uwo mwaka, bamenyeshejwe ko ishirahamwe
«Mission Libre Suédoise » ryemerewe n’amategeko
gukora ku mugaragaro. Iryo shirahamwe rica ryandikwa ku
rutonde rw’ayandi mashirahamwe yemewe n’Ababirigi
batwara Kongo, Urwanda n’Uburundi kw’izina rya «
Mission Libre Suédoise » (MLS). Baca baronka
uburenganzira bwo kugura, gutunga no kudandaza
ubutunzi bwaryo haba inyubakwa canke amatongo,
n’uburenganzira bwo gusaba gutanguza igikorwa ahantu
hashasha. Abamisiyoneri bakorera mur’iryo shirahamwe,
bari bafise intumbero yo kuvuga ubutumwa bwiza bwa
Yesu Kristo, gushinga amashengero no gutegura
abarongozi ba kavukire bo kuyarongora. Rica rimara igihe
kirekire rizwi gusa muri Kongo mbirigi kugeza mu mwaka
wa 1960.
N’aho bakorera mur’iryo shirahamwe, carazira ko ryivanga
mu vyerekeye uburongozi bw’amashengero yigenga.
23
Iryo shirahamwe rimaze gukomera, umumisiyoneri wese
aronse umuhamagaro wo gukorera mu karere ka Kongo
mbirigi, no muri Rwanda-Urundi yarinda kwemerwa n’iryo
shirahamwe rikamurungika aho akenewe. Iryo
shirahamwe ryari rimaze imyaka irenga cumi rikorera muri
Congo. Benshi mur’abo bamisiyoneri bava muri Sweda.
Amashengero yabarungika ntituyabona neza, umenga yari
yagizwe akabanga. Mugabo twihweje amashengero
yatumye intumwa gushikiriza amashengero atandatu yari
amaze gutangura mu Burundi intahe yo kwikukira mu
mwaka wa 1960, twiyumvira ko ari yo yoba yari makuru-
makuru mu mashengero yabatuma ; kuko yari afise
ububasha bwo gufata ingingo zikomeye zatumye abo
bamisiyoneri bagondozwa bagataha i wabo. Ayo
mashengero na yo ni aya:
1. Ishengero Filadelufiya ry’i Stokolme ryarungitse
abapasitori babiri umwe yitwa Lewi Pethrus, uwundi na
we ni Willis Säve
2. Ishengero rya Goteberg ryarungitse umupasitori yitwa
Harald Gustafsson
3. Ishengero rya Oslersund ryarungitse umupasitori yitwa
August Brissler
Ico tubona mu matohoza twagize, n’uko ayo mashengero
yose yo muri Sweda n’aho yari afise ubwigenge, kandi ata
shirahamwe ryayahuza, yose yakorera hamwe. Abakristo
bo mur’ayo mashengero bari bahurikiye mu muhari
w’abapentekote utazwi muri Leta ya Sweda, wari
urongowe n’umupasitori yitwa Lewi Pethrus. Uwo muhari
w’abapentekote nta bubasha wari ufise ku mashengero ya
pentekote yigenga. Mur’ayo mashengero, habonetse
ikibazo cerekeye ivyo gukwiza ubutumwa, abayaserukira
bakunda guhurira i Stokolme mw ishengero rya
Filadelufiya kwiga ico kibazo. Ni ho bashoboye gutorera
inyishu ikibazo co kurungikira imfashanyo n’imishahara
abamisiyoneri n’abigisha b’abanyafrika babafasha mu gihe
24
c’intambara y’isi yose. Kandi bashoboye no gutorera
inyishu ikibazo c’ivyerekeye ingendo z’abamisiyoneri
inyuma y’intambara y’isi yose, kuko vyasaba uburyo
bwinshi kubera ko abamisiyoneri bamaze igihe kirekire
babuze uburyo bwo gusubira i wabo kuruhuka, n’abagira
baje kubakorera mu ngata bari benshi. Baca bafata ingingo
yo kwigurira indege DC3 bise Ansgar yo kurerura
abamisiyoneri bose b’abaswedwa mu bihugu vyose
bakoreramwo.
Abamisiyoneri barungikwa gukorera muri Kongo mu
Rwanda no mu Burundi, ayo mashengero baturukamwo,
ntiyabashingira akarimbi aho bategerezwa gukorera, ku
buryo bashobora kuva mu karere kamwe bakaja mu kandi
aho bakenewe hose ata rundi ruhusha rurinze gusabwa
mw ishengero ryabatumye. Kandi baronka imfashanyo
ziva irya n’ino muri Sweda. Mu matohoza tumaze kugira,
ntitubona neza ishengero rya pentekote ryo muri Sweda
twokwitirira ko ryavyaye ishengero kanaka haba muri
Kongo, canke mu Rwanda, eka no mu Burundii.
III. INGENE ABAMISIYONERI BA MBERE BASHITSE
MU BURUNDI
Mu mpera z’umwaka wa 1932, umumisiyoneri yitwa
William Backman yashitse mu Burundi yitavye umutumiro
w’ishengengero ry’Ababatiste bakomoka mu gihugu ca
Danemarke wo kwinjira urusengero. Uwo mu misiyoneri
abonye igihugu ingene ari ciza n’ingene cuzuyemwo
abantu, yaciye yandikira bagenzi biwe abamenyesha ko
bakwiye gutanguza imisiyoni ya pentekote mu Burundi.
Abo bamisiyoneri baca basaba uruhusha rwo gukorera mu
Burundi.
25
Abo bamisiyoneri bamaze kuronka urwo ruhusha rutanzwe
n’Ababirigi bari bahawe na ONU kurera Uburundi
n’Urwanda kugira ngo bategure ivyo bihugu imbere y’aho
bironka intahe yo kwikukira; baciye basaba umubonano
Burumatari i Bujumbura.
Burumatari i Bujumbura yaciye abakirana akanyamuneza,
abatera intege ko bakwiye gutangura ningoga igikorwa mu
Burundi, cane-cane bagatangurira ahantu ata bamisiyoneri
barashika. Baca biyumvira ko icobabera ciza ari uko
bakwiye gusaba aho kwubaka imisiyoni yabo i Gitega.
Baciye batangura kurungika abaza gutata igihugu.
III.1 Urugendo rwa mbere rw’abamisiyoneri baje gutata
ibibanza vyo gushingamwo imisiyoni.
Mu kwezi kwa kabiri k’umwaka wa 1934, Lemuel Karlsson,
Gösta Palmertz na Yulius Aspenlind baciye bafata
urugendo rwo kuja kuraba uko i Gitega hameze, bahashika
biboroheye kuko hariho ibarabara ryiza kuva i Bujumbura
gushika i Gitega, bituma bashobora kuhagenda
n’imodokari. Baca babona ikibanza ciza i ruhande
y’igisagara, barakigomwa. Bagiye kugisaba, abakuru
bahatwara barabankira, kuko ico kibanza cari ku
birometero hafi munani y’imisiyoni ya Katolike, amategeko
y’ico gihe yavuga ko hagati y’imisiyoni hategekanywa
ibilometero 10.

26
Burumatari aca abagira inama yo kuja kurondera ikibanza
mu bumanuko bw’igihugu mu karere ka Bururi na Rutana.
Mur’ako karere kwose nta misiyoni n’imwe yari
bwahashingwe, haba iy’abakatolike canke iy’abaporoti.
III.2 Urugendo rugira kabiri rw’abamisiyoneri baje
gutata ibibanza vyo gushingamwo imisiyoni
Mu mwaka wa 1934 mu kwezi kwa gatanu, ni ho bongera
kugerageza kugaruka mu Burundi kurondera ikibanza mu
bumanuko bw’igihugu. Urwo rugendo, Gösta Palmertz na
Julius Aspenlind barugize bonyene. Mur’urwo rugendo,
abo bamisiyoneri barabuze ubwato bubazana mu
Rumonge. Ni ko guca bahitamwo gufata urugendo bava i
Buvira muri Kongo baja i Bururi n’amaguru. Batanguye
kuduga imisozi miremire; uwo mudugo bawumazeko
amasaha atatu, bava ku mutumba, baja ku wundi berekeye
mu bumanuko bw’igihugu. Umusi wa mbere bararushe
cane kuko baduze imisozi mire-mire imbere y’uko bwira.
Icabanezereje n’uko aho baciye hose hari huzuye abantu.
Bagenda babona utuzu tw’ivyatsi n’indimo zirimiriye neza i
ruhande yatwo.
27
Bamaze gushika hejuru ku misozi bahuye n’imbeho
nyinshi, baca babinjiza mu nzu bararamwo kugira ngo
bahikinge iyo mbeho. Haheze igihe gito, baciye baterwa
n’intozi, baca basohora uburiri n’imisegetera, baja kurara
hanze. Kandi bukeye babamenyesha kw’i ruhande y’uwo
muhana haraye intambwe. Ku musi ugira kane babonye
ahantu heza habereye kwubaka imisiyoni ku musozi
Kiremba, umuganwa Ndarishikije aca aremera kuhabaha.
Mugabo rero, kuberako atari afitaniye imigenderanire
myiza n’abapadiri, yaciye atinya ko bohava biyumvira ko
yirondereye ababarwanya hagaca haduka intureka, aca
abagira inama ko bobandanya kugendura igihugu batera
baja mu Buragane, aho murumunawe Hararawe yatwara,
akaba ariho batanguriza imisiyoni; bakabona kugaruka
gutanguza imisiyoni ya Kiremba bavuye mu bumanuko.
Bashitse kwa Hararawe, yabakiriye neza. Aca
arabaherekeza kurondera ikibanza kibereye
kwubakwamwo imisiyoni. Bamaze kuronka ico kibanza,
Hararawe aca abahanura ko boca bandika ikete ryihuta ryo
gusaba iryo tongo komiseri yaganza ako karere, kugira ngo
abakatolike ntibabatange kuhasaba ngo bahave
baburiramwo. Baca bashishikara urugendo rwabo
berekeje mu kiyaya c’Imbo. Urungendo rw’amaguru
barumazemwo imisi indwi. Bashitse i Nyanza-Lac baca
burira ubwato basubira i Buvira iyo bari baje bava.
Ku musi ugira 20 w’ukwezi kwa gatandatu 1934, Lemuel
Karlsson aca ashikiriza ikete ryo gusaba amatongo abiri
Burumateri Yungers, iryo mu Kayogoro n’iry’i Kiremba.
Burumatari amaze kubaza ivy’ayo matongo abatware bo
mur’utwo turere, aca arungikira inyishu abo bamisiyoneri
yuko bashobora kuba baratanguza ibikorwa vy’infataki-
banza mu kibanza c’i Kiremba, ikibanza ca Kayogoro
kitarimwo kuko igice c’iryo tongo carimwo indimo. Aca
abemerera kw’azobavugira neza ku Mushikiranganji
28
yatwara ibihugu biganzwa n’Ababirigi. Urwo rwari urwi
twazo rwo kubankira kwubaka mu kibanza co mu
Kayogoro, kandi ivyo vyagiye biba henshi aho bagenda
basaba ibibanza. Mu kwezi kw’icenda k’uwo mwaka,
Lemuel Karlsson yongeye kwandika ikete arirungikira
Burumatari amumenyesha ko bakwirikije impanuro
z’umutware, bari bahisemwo gutangurira mu Kayogoro.
Hashize iyinga rimwe, aca aronka inyishu nziza
imwemerera gutanguza ibikorwa mu Kayogoro. Mu
mpera z’uwo mwaka bariko baratunganya neza ivy’ayo
matongo, ishirahamwe ry’abamisiyoneri “MLS” ryaciye
rironka ikontara y’ihegitare 5 z’itongo ry’i Kiremba
n’ihegitare 6 z’itongo rya Kayogoro. Impapuro zateweko
igikumu ku musi wa 14 w’ukwezi kw ‘icenda 1934.
Ayo matongo yategerezwa gushirwamwo indimo imbere
y’uko imyaka itanu ishira, hakubakwamwo amazu imbere
y’uko imyaka cumi irangira; atari uko ayo matongo bagaca
bayakwa. Bamaze kuronka izo nzandiko, baciye batangura
kwitegura kurungika abamisiyoneri bakorera mur’ayo
matongo.
III.3 Ingene abamisiyoneri baje gukorera mu bibanza
vy’i Kayogoro n’i Kiremba
Bamaze kuronka ayo matongo, Pasitori Paul Ongman muri
Sweda, yaciye arondera abamisiyoneri bokwemera kuza
gutanguza imisiyoni mur’ivyo bibanza. Abamisiyoneri
bemeye kuza mu Burundi ubwa mbere ni Alice Kjellberg na
Alma Andersson. Abo bigeme babiri bari bamaze igihe
kitari gito barangurira iyo mirimo yo gukwiza ubutumwa
bwiza bwa Kristo Yesu muri Kongo mbirigi, baciye
bahitamwo gutangurira mu Kayogoro.
Mu kwezi kwa kane mu mwaka wa 1935, bamaze gutekera
ivyabo vyose, baciye bavuduka i Buvira inyuma
29
y’umutaga bari mu bwato, bagenda ijoro ryose, bashika i
Nyanza-Lac mu gitondo c’umusi ukurikira bazananye
ikiyaga Tanganyika. Abo bigeme baje baherekejwe na
Lemuel Karlsson, yaserukira ishirahamwe ry’abami-
siyoneri (MLS) i Buvira. Abo bamisiyoneri baje bari kumwe
n’abo bari basanzwe bakorana b’abanyekongo batatu
aribo Sauli Karekezi, Samweli Ntakandi na Kanderoni yari
yazananye n’abaje gutata aho bazokorera mu mwaka wa
1934. Abo banyekongo b’abanyamulenge ni bo babaso-
banurira igishwahili bakabafasha no kwigisha gusoma no
kwandika.
Mur’ico gihe nta modokari zariho, eka mbere nta
n’ibarabara ryari bwasekerwe. Baje bazanye ibintu vyinshi,
baca birirwa bararondera abikorezi babatwaza ibintu.
Bukeye bafata urugendo bafise abikorezi bashika hafi 80
babikorereye ivyo bazanye. Baciye bafata inzira baduga
imisozi, baca mu tuyira twuzuye ivyatsi birebire. Alice
Kjellberg yanditse avuga k’umenga ngo yariko aca
mw’ishamba ry’ivyatsi. Bagenda barajabuka inzuzi, mbere
hamwe barinda kubaheka mu kubajabutsa inzuzi.
Bashitse ku ruzi musi y’imisozi, baricaye, barafungura,
bahikinga indugumba y’izuba mu gatutu musi y’ibiti, imbere
y’uko batangura kuduga imisozi. Bariko baraduga,
30
wamenga ngo igihugu cose kigizwe n’imisozi, n’imitumba.
Bashitse kw ikampi y’i Butanyerera hafi y’ingoro
y’umuganwa Hararawe, bararaho. Umuganwa Hararawe
yabakiriye neza. Ku musi ukurikira, baciye batumako
umutware w’aho hantu kugira ngo bashinge akarimbi
k’itongo ryegukiye imisiyoni yo mu Kayogoro.
Lemuel Karlsson yaciye atemesha ivyatsi vyuzuye mur’iryo
tongo. Bagize barakuraho ivyatsi, basanga huzuyemwo
imigina y’imiswa. Vyarabagoye cane kugira ngo bashobore
kugira ico barima mur’iryo tongo kuko imiswa yaca irya ivyo
barimye vyose. Lemuel Karlsson yaciye abubakishiriza
utuzu tw’ivyatsi kamwe kari gafise ivyumba bibiri
bashikiramwo n’akandi ko kubikamwo ibintu, aca asiga
ashinze akarimbi k’aho itongo ry’ imisiyoni yo mu Kayogoro
rigarukira, amaze no gupima aho inyubakwa izokoreshwa
nk’urusengero n’ishure ryo kwigiramwo gusoma no
kwandika izokwubakwa.
Mu gitondo izuba rimaze kurasa, abakozi baritavye nk’uko
bisanzwe, batonda umurongo kw’ipero kandi bari benshi,
bose bitwaje amacumu mu minwe, bambaye insato, biteze
kubwirwa ico bakora kur’uwo musi. Lemuel Karlsson aca
atoramwo abamutwaza imizigo. Aca asiga abahaye
impanuro ingene bazoshishikara ibikorwa. Aca asezera
abo bigeme b’abamisiyonerikazi aragenda. Alice aca
akwirikiza amaso uwo mumisiyoneri abataye mur’ako
gahinga, kugeza arengereye. Yibajije ingene ashobora
kubasiga bonyene ari abigeme babiri bakikijwe n’abo
banyeshamba bitwaje ibirwanishwa, araturikisha ararira!
Hageze mw’ijoro, imvura iragwa, akazu barimwo ntikari
gasukaye neza, amazi aca abasanga aho baryamye.
Bagerageza gupfukisha imitaka uburiri barayeko,
birasendwa. Baca barara bicaye amatonyanga y’imvura
abahererako. Bukeye, baciye barondera ubundi bwatsi
31
bwinshi bongereza ku bwari busakaye ako kazu kugira ngo
ntikongere kuva. Ikindi cabagoye, n’inyo zava mu
gasongero k’inzu babamwo mu gihe co mu ci, zikururukira
ku meza aho bariko barafungurira ziza k’utuntu tumeze
nk’utunyuzi twera. Izo nyo zari nyinshi cane kandi zishisha.
Abo bakobwa babaswedwakazi, bafatanije n’abo bakorana
bari bazananye, batanguye gukora bakurikije uko bari
basanzwe bakora muri Kongo, bagerageza kugiriranira
imigenderanire myiza n’abenegihugu baba hafi yabo, mu
gushinga ishure ryigisha gusoma no kwandika no kuvura
abarwayi.
Inyuma y’amezi makeya, haciye hashika abandi
bamisiyoneri bavuye muri Sweda. Dushobora kuvuga nka
Alda Holmström bita Madame Muganga, yava i Norrköping
na Thomas hamwe n’umukenyezi wiwe Anna Winberg
bava i Vetlanda. Thomas Winberg yari yarungitswe kuvuga
ubutumwa bwiza bwa Yesu Kristo n’ishengero rya
pentekote rya Vingaker. Abo ukw’ari batatu bari bamaze
igihe bakorera i Kongo, baca baronka umuhamagaro
w’umwihariko wo kuja gukorera i Kiremba.
Mu kuja i Kiremba, baciye mu Kayogoro bahamara amezi
makeya. Umuhisi Madengo Abedunego, yari umwungere
wa mbere w’ishengero ry’i Kiremba, yaribuka umusi abo
bamisiyoneri bashikiyeko. Bashitse i Kiremba ku musi
ugira 15 w’ukwezi kw’icumu mu mwaka wa 1935.
Mu kwezi kw’icumi na rimwe mu mwaka wa 1935 uwundi
muryango w’abamisiyoneri waciye ushika uje gukorera mu
misiyoni ya Kayogoro, bari Viola na Gösta Werlinder.
Gurtyo rero iyo misiyoni iba iraronse umumisiyoneri
w’umugabo afise umuryango, ashobora kurangura
amabanga yose y’ishengero nk’uko vyari bitegekanijwe na
MLS.Abagabo bonyene ni bo bari barekuriwe n’amategeko
32
kubatiriza no gutegura uruhimbi rw’Umwami no kurangura
n’ayandi mabanga y’ishengero nko guhezagira ubugeni no
gusengera abana.
Aho mu misiyoni ya Kayogoro, hakorerwa ibikorwa vyinshi
vy’iterambere harimwo kwigisha kwandika no gusoma, no
kuvura, n’ibindi nk’ivyo. Abantu rero baciye baja mu
misiyoni bisunga ivyo bikorwa baca babigisha ijambo
ry’Imana. Alma Anderson yari yazananye na Alice
Kjellberg yaciye asubira muri Sweda mu mwaka wa 1936
ntiyongera kugaruka mu Burundi.
III.4. Ingene abamisiyoneri ba mbere babayeho
Abamisiyoneri baje mu Burundi bashika bubaka utuzu
tw’infatakibanza tw’ivyatsi. Bakunda kugira ibibazo vyo
guteka kuko imyotsi yabamerera nabi cane. Icabatera
ubwoba kurusha ibindi vyose, vyari ibikoko vyo mw
ishamba. Mur’ico gihe hari ibikoko vyinshi vyo mw ishamba
bikaze cane nk’ingwe, intambwe, nyamyoma, amagabura
n’ibindi. Ivyo bikoko vyaratera imihana bigasahura
ibitungwa, mbere n’abantu bama bariwe n’intambwe canke
ingwe. Akenshi intambwe zaraza mu misiyoni, zigashika
no ku madirisha y’utuzu baryamyemwo. Bamaze kwubaka
33
inzu zifise amadirisha, barugurura amadirisha bakazibona.
Mugabo zibabonye bariko baraziraba zigaca zitontoma.
Zari ziteye ubwoba ku buryo bumvise zegereye inzu
barimwo, ata kindi basubira gukora atari gusenga no
kwishira mu maboko y’Imana. Mu ngendo bagira,
vyarabagora kuko hari imisozi mire-mire. Kubera ko ata
mabarabara yari ahari, iyo bafashe ingendo ndende,
babohera intebe y’inyegamo ikozwe mu ngage ku miniho
ibiri, bakicaramwo, hanyuma abagabo bane bagafata iyo
miniho bakabarerura nk’uko barerura abaganwa
n’abatware mur’ico gihe. Uwabonye Alice Kjellberg ariko
agira ingendo mu mashure akukira ishengero rya
pentekote rya Gishiha, avuga ko bagenda bamureruye
agiye hariya ku Rubanda, ku Murinda canke mu Rusesa,
akagenda aherekejwe n’imbwa yiwe. Ashitse ku
rusengero, agaca asasa mu kazu bamuteguriye k’ivyatsi,
agiye kuryama imbwa yiwe igaca ija mu muryango kurarira
kugira ngo ntihagire icinjira ngo kimugirire nabi.
Ikindi na co, n’uko abantu barwanya cane ivyo bikorwa
bishasha bizanywe n’abamisiyoneri. Mu babirwanya,
harimwo abakatolike n’abapagani. Abo bansi bama
bashoreye abamisiyoneri amata bashizemwo uburozi.
Abamisiyoneri baca bafata ingingo yo kwama bayateka
imbere yo kuyanywa. Bayatetse, amata arimwo ubumara,
yaca ahindura irangi, akavura. Akenshi barabagabira
amagi, canke inyanya zirimwo uburozi. Umusi umwe
umukozi wo mu gikoni yakiriye inkoko. Abamisiyoneri baca
baranka guca bayibaga ubwo nyene. Haheze imisi mikeya
ica irapfa. Axelia Lundström yanditse avuga ko akenshi
baza bazi gutandukanya ingemu ziribwa n’izitaribwa.
Abakozi bo mu gikoni basanzwe babizi, akenshi ni bo
babibira akabanga ko ivyo kurya babagemuriye birimwo
uburozi.
34
Ni mur’ivyo bihe hadutse ikibazo gikomeye. Abavugabu-
tumwa b’abigisha, baguze inyama mw isoko ku Mugara,
baziriye baca bafatwa n’ingwara. Batangura gushuha
cane, inkomezi zibavamwo. Hanyuma amaguru
n’amaboko bitangura kuvyimba, aca arakongatara. Umusi
ugira 7 w’ukwezi kwa mbere 1941, Tito aca arapfa, ku musi
ugira 21 w’uko kwezi kwa mbere Eleyasari na we arapfa.
Abandi bari basangiye ari bo Daniyeli, Yohana, Gaburiyeli,
Abeli, Sadoke na Manase Mafefere bararwara cane
bahakwa gupfa. Abantu baca bibaza ko boba bahawe
uburozi n’abansi b’ubutumwa bwiza.
Abo bavugabutumwa bamaze kwitaba Imana, inyuma
y’amayinga makeya, haciye haza abandi babasubirira
aribo Rubeni Chomachoma, Isaya na Asani mu bikorwa
vy’Imana mw’ishengero rya pentekote rya Mugara.
IV. INGENE ABENEGIHUGU BAKIRIYE UBUTUMWA
BWIZA
Abaragane ntibashotse bakira ubutumwa bwiza.
Misiyoneri Lemuel Karlsson amaze kwikebanura abigeme
baje gutanguza imisiyoni ya Kayogoro, Alice Kjellberg
yaciye atangura kwubakisha ishure yo gusengeramwo no
kwigishirizamwo gusoma no kwandika (chapelle-école).
Abakozi baje kwubaka, yabanza kubasomera ijambo
ry’Imana no kubasengesha mu gitondo imbere y’uko
batangura ibikorwa. Mur’abo baje mu bikorwa, Alice
Kjellberg, yaba yazanye umukama w’ibikwashi, akabanza
kubibaha bakikura imvunja mu mano no mu bitsintsiri.
Bamaze kurangiza kwubaka iyo nzu, Alice aca yiyumvira
kw’adakwiye guhembera abakozi hanze nk’uko yahora
35
abigenza, ariko kw akwiye kubinjiza akabahembera imbere
mu rusengero kugirango abonereho kubasengesha imbere
yo kubahemba.
Alice Kjellberg yiyumvira k’ubwoba bwagabanutse, ko
badashobora gutinya kwinjira mu nzu bo nyene
biyubakiye. Aca abasaba kwinjirana na we mu rusengero
kwakira impembo yabo. Baca baramukurikira, bose
bashitse imbere y’urusengero bagandagazaho, baricara.
Alice agerageza kubahamagara ngo binjire bariyankira.
Alima na Alice bari bategekanije ko binjiye, babanza
kuririmba, kubigisha ijambo ry’Imana no gusenga imbere
yo kubahemba.
Abo bakozi ntibubahuka kwinjira mur’iyo nzu kugira ngo
imiyaga mibi ntibice. Baca babwira Alice bati: “Cisha ayo
mahera mw idirisha uyaduterere, turayatora”. Alice
Kjellberg aca arasohoka yigishiriza hanze y’urusengero.
Dusesanguye akahise k’ishengero rya Kayogoro, dusanga
kw’abanyabukurira n’abanyembo ari bo babaye aba mbere
mu kwakira ubutumwa bwiza. Baca babatizwa n’abo
bamisiyoneri. Bamwe mur’abo ni nka Nisubire Yohana yari
mu bambere batanguye kubatizwa, hamwe n’umukenyezi
wiwe Eramu Mugunge kuri noweli 1936.
Abandi dusanga mur’abo babatijwe kuri uwo musi ni Filipo
Nyandwi na Yakobo Rwitaba. Mu nyuma habatijwe abandi
bakristo batari bake bava i Gishiha nka Baricako Zakariya,
Ndirabika Petero, Barankitse Yosefu, Samiye Lazaro
n’abandi benshi.
Abakristo bamaze kugwira, abo bamisiyoneri baciye
batanguza amashure ya Kiyazi, Kibingwe na Runda. Abo
twabajije, bemeza kw’ amazina y’abakristo yimuriwe
mur’ayo mashure avuye mu Kayogora, yashika hafi 500.
36 37
Abo bamisiyoneri baje gutanguza ivyo bikorwa baciye muganwa Hugano n’abatware bafatanije, bose bari abo
bagomwa umusozi wa Gishiha aba ariho bashinga mw idini rya katolike.
imisiyoni, bahubaka n’íshure rya Gishisha.

Abo bigeme
babiri ni bo
batanguye
imisiyoni ya
Gishiha

Batanguye kwagiriza abakristo kw’ari abagumutsi

batubaha abatware.

Kubera ko abatware batorohereza abakristo, benshi

Abamisiyoneri ba mbere baje i Gishiha ni Hilda Karlsson
mur’abo bakristo bahisemwo kuja kuba i ruhande
na Alice Kjellberg bari basanzwe barahubatse utuzu
y’abamisiyoneri kuko babubahiriza. Baca batanguza
bafashijwe na Hararawe. Umwigeme Alice Kjellberg
agasagara ko mu Kayogoro i ruhane y’imisiyoni. Mur’abo
yigeze kumara amezi atandatu aba i Gishiha ari wenyene
harimwo Samiye Lazaro yava i Kibingwe, Ntampera
kuva mu kwezi kwa gatandatu k’umwaka wa 1942.
Daniyeli yava mu Kibira, Kayaga Luka, Mugunira Yakobo,
Cobaharaye, Tinya Petero n’abandi benshi. Bamwe muri
Anna-Lisa Andersson yaraje gukorera mu misiyoni yari
bo bari abarimu b’amashure akukira ishengero ry’i Gishiha.
itangujwe i Gishiha mu mwaka wa 1940 aje gusubirira
Birashoboka ko abo bakristo boba bimutse ishengero ry’ i
Gösta Palmertz yari agiye gukorera muri Afrika
Gishiha ritararonka ubwigenge. (Hobaho amatohoza
y’Ubumanuko. Hongeye kuza i Gishiha umumisiyoneri
kugirango hamenyekane urutonde rw abakristo bavuye
yitwa Hanna Ihalainen aturuka mu gihugu ca Finlande
mw ishengero ry’i Gishiha bakimukira mw ishengero ryo
azanywe no gufasha abamisiyoneri bakorera i Gishiha. Iyo
mu Kayogoro)
Andersson atabonetse mu Kayogoro, uwo mwigeme ni we
yaca aja mu Kayogoro gufasha Hilda Karlsson. V. INGENE AMASHENGERO YA PENTEKOTE YATA-
NGUJWE N’ABAMISIYONERI MU BURUNDI
Igihe cose hatwara Hararawe, habaye umwumvikano
mwiza hagati y’abatware n’abamisiyoneri kandi bagafata Amashengero atandatu ni yo yatangujwe n’abamisiyoneri
neza abakristo bo mw ishengero rya pentekote. Ingorane mu Burundi. Atanu muri yo yari mu bumanuko bw’igihugu,
zatanguye kwibonekeza Hararawe amaze gukukuruka mu rimwe na ryo ryari i Bujumbura. Abo bamisiyoneri
mwaka wa 1944 agasubirirwa n’umuganwa Hugano. Uwo bayatanguje bafadikanije n’abaje babaherekeje
b’abanyekongo bavuye mu mashengero y’i Kongo mbirigi
38
aho abo bamisiyoneri bari bamaze imyaka irenga cumi
bakorera. Ayo meshengero ni aya akurikira:
 Ishengero rya pentekote ryo mu Kayogoro
 Ishengero rya pentekote ry’i Kiremba
 Ishengero rya pentekote ryo ku Mugara,
 Ishengero rya Pentekote ry’i Gishiha
 Ishengero rya pentekote ry’i Nyanza-lac
 Ishengero rya pentekote ry’i Bujumbura
Imbere yo kugira ico tuvuze kuri ayo mashengero,
twashaka tubanze kwibukanya ko kugira ngo hemezwe
kw’ishengero rya pentekote rifise ubwigenge bwo
kwirangurira amabanga y’ishengero no kwifatira ingingo,
ryatanguzwa n’imisiyoni ishizweho n’ishirahamwe
ry’abamisiyoneri ryitwa Mission Libre Suédoise “MLS”. Iryo
shirahamwe ryaca rirungika abamisiyoneri gutanguza
ibikorwa vyo gusoma no kwandika.
Abigishwa babonetse bagaca babigisha ijambo ry’Imana.
Ishengero ryose ritangujwe mu misiyoni ryemererwa ko
rironse ubwigenge habonetse umumisiyoneri w’umugabo
arirongora, ashobora kurangura amabanga mw ishengero
abakenyezi batari bafitiye uburenganzira bwo kuyarangura
nko kubatiza, gutegura ivyerekeye isangira, kurongoza,
gusengera abana n’ibindi.
V.1. Ishengero rya pentekote rya Kayogoro
Imisiyoni ya Kayogoro yatanguye mu mwaka wa 1935
nk’uko twamaze kubibona, itangujwe n’abigeme babiri
umwe yitwa Alice Kjellberg uwundi yitwa Alma Andersson
b’abamisiyonerikazi baturuka mu gihugu ca Sweda, baje
bava i Kongo aho bari basanzwe barangurira ibikorwa. Abo
bigeme baje barungitswe n’ishirahamwe ry’abamisiyoneri
39
ryitwa MLS. Baje baherekejwe n’ uwaserukira iryo
shirahamwe i Buvira yitwa Lemuel Karlsson.
Bamaze gushika mu Kayogoro batanguye kwigisha
gusoma no kwandika no kwigisha ijambo ry’Imana.
Mugabo rero ntibashobora gutanguza ishengero kuko
batari bemerewe kubatiza canke gutegura uruhimbi. Mu
kwezi kw’icumi na rimwe mu mwaka wa 1935, uwundi
muryango w’abamisiyoneri waciye ushika uje gukorera mu
Kayogoro, bari Viola na Gösta Werlinder; haba
harabonetse umugabo ashobora kurangura amabanga
yose y’ishengero. Haciye hatanguzwa inyigisho zitegura
abimirije kubatizwa, haca haba umubatizo wa mbere kuri
noweli umwaka wa 1936. Mu babatijwe ubwa mbere
harimwo Nisubire Yohana, n’umugore wiwe Eramu
Mugunge, hamwe na Filipo Nyandwi na Yakobo Rwitaba.
Gurtyo rero ishengero rya Kayogoro rifise ubwigenge bwo
kwitunganiriza ivyaryo riba riratanguye, kuko haciye haba
isangira ryera maze ayandi mabanga yose y’ishengero
agaca atangura kurangurwa.
Mu mwaka wa 1939, umumisiyoneri yitwa Lemuel Karlsson
yakorera mu misiyoni yo mu Kayogoro yaciye yitaba Imana
ku musi ugira 17 w’ukwezi kwa 8, bamuhamba aho nyene
mu misiyoni. Umupfakazi yasize Hilda Karlsson yaciye
asubira muri Sweda mu mwaka wa 1944 ari kumwe
40
n’umukobwa wiwe Ingrid na Alma Andersson yari
yarungitswe n’ishengero Elim ry’ i Styrsö
Abaragane ntibashotse bemera ubutumwa, ariko abenshi
mu bakristo babatijwe mu Kayogoro bava i Bukurira.
Ishengero rya Kayogoro ryaragize cane ingorane zo
kuronka abamisiyoneri ku buryo hashobora kubura
abateguza ikanisa. Nko mu mwaka wa 1943 Thomas
Winberg yarinda kuva i Kiremba agiye guteguza ikanisa
mw’ishengero ryo mu Kayogoro canke hakajayo Yakobo
Kapitura kandi cari ikizira kw’ishengero rifise ubwigenge
rivogegwa n’irindi shengero. Ivyo vyarashitse no mu
mwaka wa 1944 aho Andersson yaja arava i Gishiha agiye
guteguza ikanisa mu Kayogoro. Tubona rero ko
ubwingenge bw’ishengero rya pentekote ryo mu Kayogoro
bwagiye bucumbagira. Abazezwashengero (pasteurs)
baratevye kuboneka mu Kayogoro. Kuko kugeza mu
mwaka wa 1946, hatabonetse umumisiyoneri ntacakorwa.
Mu kwezi kwa mbere k’umwaka wa 1947 ni ho habonetse
abazezwashengero babiri Filipo Nyandwi na Yakobo
Rwitaba bashoboye kubatiza.
Ku ntwaro yose y’umuganwa Hararawe, ishengero rya
pentekote ryari rifise imigenderanire myiza n’abatware.
Umutware yitwa Hugano, ni we yasubiriye Hararawe
amaze gukukuruka. Uwo na we yari umukatolike,
yumvikana cane n’abapadiri. Ntiyorohereza abaporoti.
41
Mur’ico gihe Gösta Werlinder yari arongoye ishengero rya
Kayogoro yaranka akarenganyo cane kugeza n’aho
atatinya kwitwarira abategetsi muri ONU. Abakristo b’i
Bukurira baciye bimukira i ruhande y’urusengero,
bahubaka agasagara ka Kayogoro karacariho na bugingo
n’ubu. Ishengero ribona kugira agahengwe, kuko
abaragane batashotse bitaba ubutumwa bwiza. Haca
hatirwa Pasitori Samiye Lazaro yimutse avuye i Bukurira
ku musozi Kibingwe mu mabanga yo kurongora ishengero
ryo mu Kayogoro mu mwaka wa 1950. Yari afise
umutambukanyi yitwa Mariya Nyandwi, amuvyarako
abana 6.
Pasitori Lazaro Samiye ni we yabaye uwa mbere mu
bashoboye kugendera amashengero ya Sweda, mbere
yaciye agendera n’amashengero yo muri Swise.
V.1.1. Ingene abazezwashengero (pasitori) ba mbere
barobanuwe mw ishengero ryo mu Kayogoro
Nta kintu kigaragaza aho abapasitori ba mbere
barobanuriwe ayo mabanga mw ishengero ryo mu
Kayogoro n’aho ibiharuro vyatanzwe mu mwaka wa 1945
vyerekana ko hari hamaze kurobanurwa abazezwa-
shengero babiri. Icibonekeza, n’uko Thomas Winberg
canke Yakobo Kapitura baza baraja mu Kayogoro
gutegura amakanisa iyo Alfred Andersson atahari mu
mwaka wa 1943.
Uwo mumisiyoneri ni we
yatana imbu n’abanyakiremba
kugirisha ikanisa mu Kayogoro
avuye i Gishiha iyo ata
mumisiyoneri w’umugabo
ateguza ikanisa ahari/
42
Mu mwaka wa 1944 Alfred Andersson adasanzwe ari mu
Kayogoro, yarinda kuva i Gishiha akaja mu Kayogoro,
agiye guteguza amakanisa. Vyerekana ko ubwigenge
bw’ishengero ryo mu Kayogoro kugeza mur’ico gihe
bwacumbagira.
Ikindi tubona ni uko mu kwezi kwa mbere k’umwaka wa
1947, abazezwashengero babiri aribo Filipo Nyandwi na
Yakobo Rwitaba babatirije. Mu kwezi kwa gatanu k’uwo
mwaka wa 1947 harobanuwe abandi bazezwashengero
babiri ari bo b’aba: Nisubire Yohana yabatijwe kuri Noweli
1936 agaca aba umuvugabutumwa mw ishure rya
Kibingwe na Petero Ndirabika yabatijwe kuri Noweli 1937
agaca aba umuvugabutumwa mw’ishure ry’i Kiyazi.
Umuzezwashengero Ndirabika Petero yemeza ko Nisubire
Yohana yamutanze kurobanurirwa ayo mabanga.
Bishoboka rero ko Nisubire Yohana yoba yarobanuriwe
ayo mabanga mu mwaka wa 1946. Abo bazezwashengero
uko ari babiri ntitubona ko boba barigeze gukorera mu
Kayogoro, ariko baciye barungikwa gukorera i Gishiha.
Ikindi na co n’uko umuvugabutumwa Ntakandi Samuel
w’umunyamulenge yahawe amabanga yo kugenzura ivyo
abavugabutumwa bakora, atigeze arobanurirwa
amabanga y’ubuzezwasengero n’aho abantu bose
bamushingira intahe nziza, kandi yari n’iteka mu bantu.
Bishoboka kw’abamisiyoneri bari bafise intego yo
kurobanurira ayo mabanga abarundi imbere y’abandi
bose. Ntakandi Samuel yaciye ava mu Kayogoro asubira i
Kongo mu mpera z’umwaka wa 1940. Mu mwaka wa 1950,
yari umuvugabutumwa i Buvira.
Imbere yuko arobanurirwa ayo mabanga, Samiye Lazaro
yoba yavutse mu mwaka wa 1927. Akiri umwana, yabaye
umwungere w’inka, agafasha n’abavyeyi biwe mu ndimo.
43
Akiri muto, n’aho yari azi imana abarundi bizera, ntiyitaho
cane ivy’iyo mana.
Uwo ni we yabaye
umuzezwashengero
wa mbere yari
arongoye ishengero
rya pentekote rya
Kayogoro kuva mu
mwaka wa 1950
Abamisiyoneri baje mu mihana yabamwo, yatanguye
kwumva ivyo bigisha bimuryoheye, cane-cane ko
batumirira abana kuja kw ishure kwiga kwandika no
gusoma. Yamaze amezi ndwi yumviriza ivyerekeye
urukundo rw’Imana yigishwa n’umwigisha wiwe Petero
Ndirabika kw ishure ry’i Kiyazi.
Aravye abamisiyoneri yabona buzuye umunezero, aca
ahitamwo kuba umukristo. Ntivyamworoheye mu ntango,
kuko abavyeyi bavyanka. Mugabo babonye ingene
umwana wabo ahindutse, na bo baciye bemera gukizwa.
Muri ico gihe, abakiri bato vyaraborohera gukizwa kuko
batari bwiyegurire Kiranga.
Amaze gukizwa, Samiye Lazaro yahindutse
umuvugabutumwa mu nzu kwa se. Yakunda guhagarara
ku murongo wa Bibiliya wo muri Yohana 3: 16. Nyina
amaze kwihana, aca aturira ibigirwamana yari atunze.
Ababanyi biwe baca batangura kumutera ubwoba,
bamubwira ko bizomugirira ingaruka mbi. Avyumvise, aca
abishura yuko imana baturirira ivyayo ibona, atari Imana
y’ukuri, ariko kw’ari ingegene z’ibiti gusa.
44
Samiye Lazaro, yabatijwe ku musi ugira 4 w’ukwezi kwa 4
umwaka wa 1939, yagira 26 ku rutonde rw’abakristo
mw’ishengero ryo mu Kayogoro. Mu mwaka wa 1943 aca
abatizwa muri Mpwemu Yera.
45
Imana, Pasitori Nizigama Esron, yamusubije mu mabanga
nk’umuzezwashengero kugeza yitavye Imana.

Yaronse umuhamagaro wo gukorera Imana mu nzozi mu

mwaka wa 1942, aho yumva ijwi rimubwira riti: “Ngomba
ngutume”. Ivyo bica vyemezwa mw ishengero
n’umumisiyoneri yamuhamagaye aramubwira ati: “Wewe
ufise agafuko mu ntoke, mur’iri joro Imana yambwiye ko
yaguhamagaye. Pfukama tugira tugusengere”.

Pr Samiye Lazare yaciye arungikwa ajanye n’uwundi

muvugabutumwa i Nyanza-Lac aho yakoreye imyaka
itandatu. Yatanguriye kuvuga ubutumwa mu Gifuruza. Aho
i Nyanza-Lac yashishikaye yigisha kuri wa murongo wo
muri Yohana 3:16 uvuga ivy’urukundo rw’Imana, kandi
Imana ikorana na we, abantu benshi barakizwa,
Pasitori Ntampera Daniyeli amaze kuva mu mabanga yo
ibigirwamana biraturirwa, abarwaye bakabasengera
kuba umwungere wa kabiri w’ishengero rya Kayogoro,
bagakira. Avuye i Nyanza-Lac yaciye arungikwa gukorera
yaciye asubirirwa na Pasitori Musa Ruranika. Ikiza
mw ishure ry’i Kibago. Avuye aho i Kibago, yaciye aja
c’ubwicanyi kimaze gutera mu mwaka wa 1972, Pasitori
gukorera ku Murara. Mu mwaka wa 1950 ni ho
Musa Ruranika yaciye ahungira i Tanzaniya, ajanye
yarobanurirwa amabanga yo kuba umuzezwashengero.
n’abakristo benshi bashikira mw’ikampi y’i Mishamo.
N’aho yarangura ayo mabanga, iryo shengero rya
Aho mw’ikampi, Pasitori Musa Ruranika yaciye
Kayogoro ryari mu minwe y’abamisiyoneri kugeza aho
arobanurirwa amabanga yo kuba umwungere wa mbere
atorewe kuba umwungere wa mbere w’ishengero ryo mu
kugeza yitabiye Imana mu buhungiro. Pasitori Musa
Kayogoro mu mwaka wa 1960.
Ruranika amaze guhunga yaciye asubirirwa na Pasitori
Kayaga Luka, uwo na we amaze kwitaba Imana asubirirwa
Umuzezwasehengero yatowe mur’ico gihe ngw
na Pasitori Niyungeko Emmanuel yaruhiye gukurwa
amwunganire mu kuba umwungere wa kabiri yari¨Pasitori
mur’ayo mabanga, asigara ari umukristo asanzwe, aca
Ntampera Daniyeli yahavuye akurwa mur’ayo mabanga
asubirirwa na Pasitori Nimpa Seth. Pasitori Seth Nimpa na
yagirijwe k’umuhungu wiwe yoba yivye ikibazo catanga
we haheze igihe gito aca arapfa, ishengero rica ritumako
uburenganzira bwo kwinjira mu mashure yisumbuye
Pasitori Ngendakuriyo Yonasi yari misiyoneri mu Buganda
(concours national), aca aba umukristo asanzwe kugeza
ngw’amusubirire.
aho uwasubiriye Pasitori Samiye Lazaro amaze kwitaba
46
Ico gihe ishengero rya Kayogoro ryaronka ukwikukira,
umumisiyoneri yakorera muri ryo yitwa Gideon Josefsson.
Mur’uwo mwaka nyene abamisiyoneri Gunnar na Evy
Norman bakora mu misiyoni yo mu Kayogoro. Mu mwaka
wa 1961, Gunnar Norman yaciye atanguza ishure rya
Bibiliya ryo mu Kayogoro aho Yonas Westman batazira
Gisevya yamaze imyaka myinshi yigisha
V.2. Ishengero rya pentekote rya Kiremba
Imisiyoni ya Kiremba yatangujwe na Thomas Winberg
batazira Fumbere. Uwo mumisiyoneri yari afise
umuhamagaro wo gutanguza imisiyoni i Kiremba, yaciye
mu Kayogoro ahamara amezi makeya. Aca aduga i
Kiremba n’umuryango wiwe wose, ari kumwe
n’umumisiyonerikazi yitwa Alda Holmström batazira
Madame Muganga. Bavuye mu Kayogoro baherekejwe
n’abavugabutumwa bane bazi ivy’imyuga. Mur’abo
bavugabutumwa harimwo David Vyemuguru. Baca
bashika i Kiremba mu ntango z’ukwezi kw icumi k’umwaka
wa 1935. Amaze gushika i Kiremba, yaciye atangura
kuvuga ubutumwa no kwigisha abantu gusoma no
kwandika.
47
Kubera ko Winberg Thomas yari umumisiyoneri
w’umugabo, yari afise uburenganzira bwo gutanguza
ishengero rifise ubwigenge no kurangura amabanga yose
y’ishengero no gufata ingingo mu burongozi bw’ishengero,
yaciye atunganya umubatizo. Umubatizo wa mbere waciye
uba kw itariki 13 z’ukwezi kw’icenda mu mwaka wa 1936.
Kur’uwo musi habatijwe abantu bane. Umubatizo wa kabiri
wabaye ku bunani bw’umwaka wa 1937, habatizwa abantu
13, hakwirikira uwundi mubatizo kw’itariki 2 z’ukwezi kwa
gatanu 1937 aho habatirijwe abantu 31.
Mugabo kugeza ico gihe abamisiyoneri bari
bagihagaritswe umutima n’uko ata mukristo n’umwe yari
bwabatizwe muri Mpwemu Yera. Hashize igihe gito ni ho
Yohana Barungako, yari yabatirijwe mu mubatizo wa
mbere wabereye i Kiremba, yongeye aba mu ba mbere
babatijwe muri Mpwemu Yera, bagatangura kuvuga mu
ndimi zitamenyekana. Iryo shengero ryaciye rikura cane ku
buryo mu mwaka wa 1941 ryari irya kabiri mu mashengero
afise abakristo benshi arongowe n’ishirahamwe MLS
rikorera mu karere ka Kongo mbirigi na Rwanda-Urundi.
Ishengero rya Kiremba mur’uwo mwaka ryaza rimaze
kuronka abakristo 554.
48
Kuva ico gihe amashure y’ububwiriza yaciye atangura
kugwira ava kuri 16 mu mwaka wa 1937 agera kuri 34 mu
mwaka wa 1940. Mu mwaka wa 1941 ni ho abakristo bo
mw ishengero rya pentekote mu Burundi, bashoboye
kwitaba igikorane cabereye i Lemera muri Kongo. Mur’abo
bavugabutumwa bitavye ico gikorane harimwo Madengo
Abedunego.
Abitavye ico gikorane bagiyeyo n’amaguru kandi urugendo
ntirwaboroheye cane-cane hageze kugaruka. Bashitse
barushe cane bagize ibirometero 200 mu misi ndwi.
Mur’ico gikorane nta baririmvyi bari bwaboneke.
Abamisiyoneri ni bo gusa begerana bagategura indirimbo
zo kuririmba mu bikorane.
49
Aho tuhabona abanyagice bariko barabatizwa mu mazi menshi.
Igikorane c’umwaka ukurikira wa 1942 gica kibera i
Kiremba. Ico gikorane citabwe n’abamisiyoneri benshi. Mu
bavuze ubutumwa mur’ico gihe harimwo umumisiyoneri
w’umupentekote aturuka mu gihugu c’Ubwongereza na
Harris Kapiga wo mu gihugu ca Tanzaniya.
Mur’uwo mwaka wa 1942 ni ho abashingantahe ba mbere
b’ishengero barobanurwa, aribo Filipo Bwanike na
Madengo Abed-Nego bamaze hafi imyaka mirongwibiri
y’amavuka. Mu mwaka wa 1943, Pasitori Thomas Winberg
yafashe ingingo ivuga kw amashure atatu y’ishengero rya
Kiremba yegereye ku Mugara, yegukiye ishengero rya
Mugara.
Mur’ico gihe haciye hatangura kwubakwa urusengero rwa
kijambere ngaho i Kiremba. Mu kurwubaka, abatware ni bo
bararika abenegihugu, bakaza gufyatura amatafari,
kuyaturira no kwubaka.
50
Nta mukristo yaja mu bikorwa vyo kwubaka. Rurangiye
kwubakwa, Pasitori Winberg Thomas, yari yasabwe
n’ababirigi gufasha mu bikorwa vy’iterambere mu gihe
c’ingwano y’isi yose, Leta mbirigi yaciye imuhemba.
Amafaranga yahembwe aca ayagura inzugi zo kwugara
urwo rusengero. Mu mwaka wa 1945 ni ho hinjirwa urwo
rusengero rwa mbere rwari rwubakishijwe amatafari ahiye
Urusengero rw’ishengero
rya pentekote rya
Kiremba rwinjiwe mu
mwaka wa 1945
Kur’uwo musi mukuru wo kwinjira urusengero, Umwami
Mwambutsa yarahishikiye ari kumwe n’uwatwara intara ya
Bururi, n’abandi bakozi bakuru ba Leta babiri. Ibirori vyo
kwinjira urusengero vyahagarikiwe na Pasitori Thomas
Winberg. Hans Yensen wo mu misiyoni y’ababatiste bo
muri Danemarke na Gösta Palmertz yaserukira
ishirahamwe ry’abamisiyoneri MLS ni bo bavuze
ubutumwa bwiza bwa Yesu Kristo.
Ibirori vyo kwinjira urusengero birangiye, Anna Winberg
muka Thomas Winberg aca azimana abazungu bose bari
bitavye urubanza hamwe n’abirabure b’abanyacubahiro
harimwo umwami w’Uburundi n’abamuherekeje. Ivyo
vyatumye agakengerwe gahera kuko abanyagihugu
biyumvira ko abaswedwa boba ari abanenwa nk’uko
umuzezwashengero Filipo Bwanike yakunda kubitubwira.
51
Ishengero ryashishikaye kugwira cane, kubera ubwinshi
bw’abakristo urwo rusengero rwahavuye ruba ruto, baca
bararwagura rumera bwa musaraba.
Mur’iryo shengero rya Kiremba, hagiye haraba ibihe
vy’ikanguro vyinshi, vyatumye ishengero rigwira cane
ningoga. Bavuga ko igihe kimwe higeze kuba amaterano
ahuriyemwo abakristo baturuka mu mashure yose akukira
iryo shengero. Hari hatumiwe ishengero ry’abasamwesi
(Anglicane) ry’i Matana. Abakristo bo mur’iryo shengero ry’i
Matana baca baritaba umutumiro. Bagenda i Kiremba
baherekejwe n’umumisiyoneri wabo.
Mur’ico gikorane, habaye ikanguro rikomeye, umuriro wa
Mpwemu Yera uramanuka, abantu benshi batangura
kuvuga mu ndimi nsha. Abo batumire babibonye
batangura kugira ubwoba. Uwo mumisiyoneri yari
yabaherekeje aca abwira abantu biwe ati « Duhunge,
duhunge !» ; ni ko guca batemesha barahunga, basubira
iyo baje bava.
Abedunego Madengo yagize uruhara rukomeye
mw’iterambere ry’ishengero rya Kiremba, yari yavutse mu
ntango z’umwaka wa 1920. Yaribuka neza igihe
abamisiyoneri ba mbere bashikiye i Kiremba. Hari ku musi
ugira 15 w’ukwezi kw’icumi mu mwaka wa 1935. Abantu
bababonye barabahunga bakaja kwinyegeza kuko hari
igihuha kivuga ko abemeye kubatizwa babinika mu mazi
yuzuye ikinogo baboshwe bakabasigayo kugeza
haciyemwo amasaha 12. Bavuga ko abakristo b’ukuri ari
bo bashobora kurokoka.
Yamara rero, ivyo bihuha ntivyaciye intege Abedunego
Madengo, yaciye yemera kwiheba atangura kuja kwiga
mw’ishure mu mwaka wa 1936. Abavyeyi biwe
ntibavyemera, yamara abana bagiye kw’ishure baronka
52
impuzu n’umunyu bituma Abedunego Madengo
ahurumbira ishure.
Pr Madengo Abedunego
n’umugore wiwe Elisabeth
bagize uruhara runini
rwatumye ishengero rya
pentekote ry’i Kiremba ritera
imbere cane.
Pr Abedunego Madengo n’umutambukanyi
wiwe Elisabeth.
Amaze igihe yumviriza inyigisho, Abedunego Madengo
yaciye yihana. Mu kwezi kwa 5 mu mwaka wa 1937 aca
arabatizwa hamwe n’abandi bashika nka 20. Mu mwaka
wa 1939, yaciye abatizwa muri Mpwemu Yera.
Pasitori Abedunego Madengo yari mu masengesho, aho
yumva ukuboko kw’Imana kuje ku mutwe, aca yumva
umenga yuzuyemwo umuriro. Buno nyene atangura
kuvuga mu ndimi zitamenyekana. Yumva aranezerewe
cane, aca yaduka atwenga ashira ijwi hejuru, biranka ko
yokwigumya. Amiga aheze, abandi bagatangura gutaha,
we yumva yokwigumira ngaho mu masengesho. Ashitse i
muhira yakunda kuja mu mirima gusengerayo.
Amaze kurangiza ivyigwa, Abedunego Madengo yaciye
atogwa ngw’abe umuvugabutumwa, aca arungikwa mu
mihana itandukanye kuvugayo ubutumwa. Mu ntango
ntivyari vyoroshe kuko abavugabutumwa batarabwa ryiza
53
n’abenegihugu. Abana baca baja kwinyegeza, abakuze na
bo bakaja mu vyo kubakubitisha inkoni.
Abavugabutumwa bagiye kuvuga ubutumwa mu mihana baherekejwe
n’abamisiyonerikazi mu myaka ya 1950.
Ifoto yafashwe na : Inger-Britt Ahlström
Ico gihe, abavugabutumwa baregeranira i Kiremba bavuye
iyo barungitswe kuvuga ubutumwa, bakamara iyinga ryose
canke amayinga abiri mu masengesho no mu nyigisho za
Bibiliya. Aho baja kuvuga ubutumwa, barasengera
abarwaye bagasenda n’abadayimoni, abantu bagakira.
Ivyo vyatumye igikorwa c’Imana gitera imbere cane.
Kugeza 1939, Alda Holmström ni we yari ajejwe ishure ry’i
Kiremba. Mur’uyo mwaka ni ho Lemuel Karlsson yapfira
mu Kayogoro. Alda rero aca agenda gufasha umupfakazi
asigaye, ishure aca arisigarana Abedunego Madengo.
Kuva ico gihe, Abedunego aca akora
nk’umuvugabutumwa, umwigisha n’umuyobozi w’iryo
shure kugeza aho arobanuriwe kuba umwungere wa
mbere w’ishengero rya pentekote rya Kiremba.
Mu mwaka wa 1942, Abedunego Madengo yarobanuriwe
amabanga yo kuba umushingantahe w’ishengero hamwe
na Filipo Bwanike.
54 55
Mu mwaka wa 1944 na 1945 habaye ingorane zitewe
n’ubukene buturutse ku ngwano y’isi yose yabaye mu
myaka ya 1940-1945. Amahera yo guhemba
abavugabutumwa arabura, amashure atangura gusabwa
guhemba abarimu, kandi bakagabanya cane umushahara
bahora bahembwa. Abakristo benshi batangura
kubivamwo eka mbere n’abarimu. Hongerako ikiza
c’inzara cateye mu mwaka wa 1945 kigahitana abantu
benshi. Mur’iyo myaka aho kugwira abakristo mbere
n’abarimu baragabanutse cane.

Abarimu benshi baciye baja gusaba akazi i Buganwa kwa

Ndarishikije ko kwigisha mu mashure ya Leta. Nk’uko
umupfasoni wa Pasitori Madengo Abedunego yabinyagiye,
umunega wiwe yagiye inama n’abandi barimu, bahana
isango ryo kuja kwiyandikisha mu bashaka akazi.

Isango ryo kuja kwiyandikisha rigeze, yazindutse aritegura,
hanyuma afata inzira ngw ahamvye bagenzi biwe. Ageze
mu nzira, haca hamuhwikira umuco mwinshi agwa hasi,
ubwenge buca burazimira. Abagiye kwiyandikisha
baramurorera baramuhebura. Ngo yagiye gutora ubwenge
amasaha yo kwiyandikisha yamaze kurenga, aca
arabivamwo asubira i muhira ashishikara gukorera Imana
mur’ubwo bukene.
Hashize imyaka hafi cumi n’umwe, Pasitori Thomas
Winberg ataronse akaruhuko, yahisemwo kugenda
kuruhuka mu mwaka wa 1946 asiga ata mu misiyoneri
w’umugabo arashika ngw amusigaranire ishengero.
Ishengero rica risigaranwa na Filipo Bwanike na
Abedunego Madengo.
Nk’uko Pasitori Filipo Bwanike yigeze kubimbwira, Thomas
Winberg yaciye arobanura Abedunego Madengo na Filipo
Bwanike amaze kubashingira abageni ngo babe
abazezwashengero, aca asaba Filipo Bwanike ko yoja
kuba mu misiyoni kugira ngo asigarane imisiyoni.
Mugabo kubera ko Filipo Bwanike yari inyakamwe, atari
afise abo bavukana basigara kw’itongo, aca
arabimwankira. Filipo Bwanike ni ko guca asaba Thomas
Winberg ko Madengo Abedunego yari afise abo bavukana
basigarana itongo, yoba ari we yoja kuba mu misiyoni. Uko
ni ko Pasitori Madengo Abedunego yaciye aja kuba mu
misiyoni i Kiremba ari kumwe n’umutambukanyi wiwe
Elisabeth.
56 57

Abasigaranye
ishengero rya
Kiremba Pasitori
Thomas Winberg
agiye kuruhuka

Ubuzima bwo mu misiyoni ntibwamworoheye. Nk’uko

yigeze kubinyagira, yashikiye mu kazu k’icumba kimwe
kubatswe n’amatafari ahiye harya mu misiyoni. Nta bintu
vyo kumufasha vyinshi yari afise. Yaryama ku kirago,
agasangira n’umugore akarengeti gatoya. Yambwiye ko
imbeho ibateye mw ijoro baja mu vyo kukaniganira
n’umukenyezi wiwe.

Umusi umwe umuhungu wa Fumbere ariko arakina, yaciye

imbere y’ako kazu. Kubera ko ijisho ry’umwana ritimirwa,
yacishije ijisho mu muryango utari wugaye neza, aca
abona baryamye ku buriri batipfutse uburengeti. Aca
agenda arirukanga, abwira abavyeyi ko Madengo
n’umutambukanyi wiwe bakenye cane batagira n’ico
bipfuka. Ubwo nyene, Anna muka Winberg, yaciye
abatumako abaha uburengeti n’ibindi vyo kwipfuka.
Pasitori Thomas Winberg, agiye mu buruhuko, abo
bazezwashengero ukw ari babiri Abdenego Madengo na
Filipo Bwanike, baciye barangura amabanga yose
atarekuriwe abagore b’abamisiyonerikazi mw’ishengero.
Umumisiyonerikazi yitwa Linea Halldorf batazira
Kanyabuyange, yabagira inama, agafatanya na bo kandi
vyagenze neza cane haca habatizwa abakristo benshi
mur’uwo mwaka kurusha uko vyahora.
Bidatevye haciye haboneka umuryango w’abamisiyoneri
Harry na Edit Yansson baca bashishikarira aho abo
bazezwashengero bari bagejeje igikorwa.
Mur’ico gihe abazezwashengero bari bamaze
kurobanurirwa ayo mabanga bari bane. Mu mwaka wa
1950, abazezwashengero (pasteurs) Madengo
Abedunego na Filipo Bwanike baciye barungikwa kwiga kw
ishure rya Bibiliya ry’i Buvira.
Mw’ishengero rya Kiremba, hakoze abamisiyoneri benshi,
nka Lindgren Viola, Inger-Britt Ahlström yakoze cane
mw’irerero ry’impfuvyi, Söderlund Margit, Ada Nyberg
n’abandi. Bamwe bakora mw’ishure ry’inderabigisha ry’i
Kiremba, abandi batanguza irerero ry’impfuvyi, abandi
baja mu Gakwende gutanguza ikigo c’abana bagendana
58
ubumuga. Mur’abo bamisiyoneri harimwo uwahasize
ubuzima yitwa Svea Nyberg. Uwo mumisiyonerikazi yari
yavutse ku musi wa 27/ 8/1906, aca yitaba Imana umusi
ugira 2/5/1965 akiri muto, imva yiwe iri i Kiremba i ruhande
y’imva ya Pasitori Mafefere Manase.
Kugeza rironse intahe yo kwikukira, ishengero rya
pentekote rya Kiremba ryari rirongowe n’abamisiyoneri.
Umupasitori waryo yari Thomas Winberg, mu ntango
yafashwa n’uwitwa Kapitura yari ameze nk’icegera ciwe.
Mugabo rero uwo Kapitura yakobo yaruhiye kugwa mu
caha, ntiyaba akizezwa amabanga ahambaye mu
burongozi bw’ishengero.
Mu mwaka wa 1960, hageze ko ishengero rya Kiremba
rironka intahe yo kwikukira, haciye hatogwa Pasitori
Madengo Abedunego, ngw abe umwungere wa mbere,
Pasitori Mafefere Manase arobanurirwa kuba umwungere
wa kabiri.
Uwo Pasitori Mafefere Manase, amaze kugenwa mur’ayo
mabanga yo kuba umwungere wa kabiri w’ishengero rya
Kiremba, yaciye atorwa ngw afatanye ayo mabanga no
guserukira ADEEP muri Leta.
59
Pr Manase Mafefere yaciye aja gufasha kwegeranya
abakristo mw’ishengero rya Bujumbura ryahuye
n’amagume ya 1972, aca asubirirwa na Pasitori Eliya
Ndikunkiko.
Pasitori Abedunego Madengo amaze kwitaba Imana
yasubiriwe na Pasitori Eliya Ndikunkiko, aho yahora
harobanurwa Pasitori Eliyakimu Nirikana.
Abo ni bo
bungere
b’ishengero
rya kiremba
Kandi dutohoje twasanze ata na rimwe iryo shengero
ryigeze ryitorera abamisiyoneri barirongora. Mu mwaka wa
1960 abamisiyoneri Edith na Harry Jansson bari basa-
60 61
nzwe bakora mw ishengero rya pentekote rya Kiremba Mur’ico gihe umwungere w’ishengero rya Kiremba yitwa
baciye baja mu karuhuko. Thomas Winberg ni we yari afatanije no kurongora
ishengero rya Mugara. Pasitori Thomas Winberg canke
V.3. Ishengero rya pentekote rya Mugara umwe mu bashingantahe b’ishengero rya Kiremba haba
Yakobo Kapitura yaboneka nk’icegera ca Thomas
Dutohoje kahise k’ishengero rya pentekote rya Mugara, Winberg, canke Filipo Bwanike, canke Abedunego
dusanga ko mu mwaka wa 1936 haza harabonetse Madengo baja baramanuka guteguza amakanisa mw
ibibanza vyo kwubakamwo amashure ya pentekote mu ishengero ryo ku Mugara.
karere k’Imbo. Ayo mashure n’aya akwirikira :
 Buruhukiro amagana i Bururi ;
 Buganga hegeranye n’imisozi ihanamiye ikiyaya c’Imbo ;
 Cabara hagati ya Kigwena na Karonda. Pasitori Filipo Bwanike
yari mu ba Pasitori ba
Mu mwaka wa 1937 hari hamaze kuboneka abanyeshure, mbere mw’ishengero rya
mbere n’abamaze kwihana mw’ishure ry’i Rukinga. Kiremba. Ari mu
Umuvugabutumwa wa mbere yarungitswe i Rukinga yari bapasitori baja baramanuka
ku Mugara guteguza
Ezekiya Ndayumwansi yava i Kiremba. Mu mwaka wa
uruhimbi
1940 hari hamaze kwugururwa amashure bigiramwo
kwandika no gusoma, bakongera bakayakoresha
nk’isengero (chapelles-écoles) atatu yari hafi ya Mugara,
ni ukuvuga Rukinga, Buruhukiro na Buganga. Gideyoni
Ciza yaturuka i Kiremba, ni we yatanguje ishure ry’i Bugeni
mu mwaka wa 1938. Mu mwaka wa 1940, Ishirahamwe
Yohana Barungako, yabatirijwe mu mubatizo wa mbere
ry’abamisiyoneri MLS ni bwo bwa mbere ryaguze itongo
wabereye i Kiremba, akongera akaba mu ba mbere
mu Burundi. Ryariguze na Rurashitse, haca hubakwa
babatijwe muri Mpwemu Yera, akavuga mu rurimi
imisiyoni ya Mugara.
rutamenyekana, yarungitswe gukorera igikorwa c’Imana
mu Rumonge. Pasitori Madengo Abedunego yari ajejwe
Iryo tongo rya hegitare zitatu ryari i ruhande y’ikampi yitwa
akarere k’Imbo yari afise uburenganzira bwo kubatiza, no
Mugara. Isangiza ryatanguye kubera ku Mugara kuva mu
guteguza uruhimbi. Mur’ako karere, ishengero rya
kwezi kwa mbere mu mwaka wa 1943. Thomas Winberg
pentekote ryatanguriye i Cabara hafi yo mu Karonda, rica
aca afata ingingo yo kwegurira ishengero rya pentekote rya
ryimukira ku Mugara, Pasitori Thomas Winberg amaze
Mugara amashure akukira ishengero rya pentekote ry’i
kugura ikibanza co kwubakamwo imisiyoni kw’izina rya
Kiremba aryegereye. Mur’uwo mwaka abakristo bashika
MLS.
36. Baca batangura kuhagirira uruhimbi, bakaharongo-
reza, bagahezagira abana.
Umumisiyonerikazi yitwa Siri Karlsson yari yashitse i
Kongo ku musi ugira 30 w’ukwezi kugira 9 umwaka wa
62
1936 aje gukorera i Buvira n’i Ntoto. Mu mwaka wa 1940
yari yiteguye kuja mu buruhuko muri Sweda. Aca arabura
itike kuko ubwato bwari buyizanye baburashe
bugasambukira mu kiyaga Mediterane, hagati y’i Bulaya
na Afrika mu gihe c’intambara ya kabiri y’isi yose. Uwo mu
misiyonerikazi n’abo bari kumwe bari bamaze kuja gufata
ubwato ngo baje i Dar-es-Salaam, baca basubira mu
mashengero bari basanzwe bakoreramwo.
Mur’ico gihe, umwungere w’ishengero rya pentekote rya
Kiremba, Pasitori Thomas Winberg, yari yamanutse i
Bujumbura gusuma. Ashitse i Bujumbura, yumva ashaka
gusimbira i Buvira kuramukanya no kuraba ko hari
abamisiyoneri bokwemera kuza mu Burundi gutanguza
iyindi misiyoni haba iya Mugara canke iya Gishiha.
Ashitseyo, Thomas Winberg yasanze umumisiyonerikazi
Siri Karlsson yabuze ingene ataha mu buruhuko,
ahasanga na Axelia Lundström yari ashitse ubwa mbere i
Kongo ku musi ugira 17 w’ukwezi kwa 4 k’umwaka wa
1940. Aca abasaba ko bokwemera kuza gukorera mu
Burundi. Abo bigeme babiri, bari basangiye icumba kimwe
babamwo, baca binjira mu cumba batangura gusenga.
Inyuma y’imisi mikeya baca bumva barongowe kuza
gukorera mu misiyoni yo ku Mugara.
63
Siri Karlsson yava i Filadelufiya ahitwa Karlskrona, Axelia
Lundström yava i Filadelufiya ahitwa Mullsjö. Abo bigeme
bari barize amashure na Bibiliya, baronka ubuzi
butandukanye, baraba n’abavugabutumwa. Hanyuma
baca baja kwiga igifaransa mu Bubirigi, babona
kurungikwa muri Kongo, bashikira i Buvira. Aho i Buvira ni
ho Pasitori Thomas Winberg yabasanze.
Bamaze kwemerera Pasitori Thomas Winberg kuza
gutanguza imisiyoni ya Mugara mu Burundi, mu kurorera
uruhusha rwo gutanguza iyo misiyoni, abo bigeme babiri
Siri na Axelia bamaze gushika mu Burundi, bagiye
gutembera mu misiyoni ya Kayogoro kugira ngo barabe
Ingene ibikorwa vyifashe. Baca baduga i Kiremba bamara
imisi bafasha mu misiyoni y’i Kiremba. Hanyuma, baca
bafata inzira bamanuka ku Mugara. Mu kuja ku Mugara
bagira kw’ikinga rimwe, bakagenda bararyakiranwa.
Bashitse i Buruhukiro, bahasanga ishure ryatangujwe na
Matayo Rugenyeka w’Umunyekongo na Filipo Bwanike wo
mw’ishengero rya Kiremba kw’igenekerezo rya 6/6/1936
barungitswe n’ishengero rya Kiremba.
Baca bahahitana Yohana Mchukiwa w’umunyekongo
yigisha mur’iryo shure ngw’abereke inzira ya hafi ari
kumwe n’umunyeshure yigisha yitwa Ezekiya Biyorero yari
yabatijwe i Kiremba ku wa 18/12/1938. Bashitse ku Mugara
mu mwaka wa 1940. Inzu ya mbere bashikiyemwo yari
inzu y’ingenzi ya Leta y’impome zitatu n’inusu; itagira
umwango canke idirisha. Abo bamisiyoneri baca bashinga
ihema mur’iyo nzu, baba ngaho mur’iryo hema.
Ku mugoroba wa mbere bashitseyo, baciye bagira inama
yitabwe n’umukuru yaganza imihana ikikuje iyo misiyoni
umutware Barirura, hamwe n’abavugabutumwa bari
bamaze gushikayo, harimwo n’abaje babikoreje ibintu
kuva i Kiremba. Uwo mutware yaje abazaniye ingemurano

64
y’inkoko n’amagi kugira ngw abipfurize umuzo mwiza,
arabazimana, abereka ubumwe yari afitaniye n’abo
bavugabutumwa, umwe mur’abo bavugabutumwa yitwa
Eliyazeli Nayumunsi.
Haheze imisi, abubatsi 13 baca bava i Kiremba baje
kububakira inzu mu kibanza imisiyoni yari yaguze. Mu
mpera y’ukwezi kwa mbere k’umwaka wa 1941,
abamisiyoneri baca babona kuva muri ya ndaro ya Leta
bashikiramwo, yari yubatswe n’imigano, isukajwe ubwatsi,
hasi hatagira isima, baca bimukira mu nzu ntoya bari
bamaze kububakira.
Mu ntango iyo nzu yarimwo umukingo w’imigano
wayigaburamwo kubiri. Icumba kinini bagihindura ishure
yo kwigiramwo gusoma no kwandika n’urusengero,
akumba gatoya aba ariko abo bamisiyoneri babamwo.
Inyuma y’imisi mikeya, hari hamaze kwubakwa akandi
kazu gatoya bakoresha mu guteka ivyo kurya.
Abamisiyoneri baca bakimukiramwo. Mu kwezi kwa 10
k’umwaka wa 1941 ni ho babonye kwimukira mu nzu yabo.
Kuri bo wari umusi mukuru ukomeye cane.
Umusi umwe abavugabutumwa bagiye gusuma inyama
mw’isoko. Baziriye baca bafatwa n’ingwara, barashuha
cane, bakama amaraso, bavyimba amaguru. Abenshi muri
bo baca baritaba Imana harimwo Eliyazeli Nayumunsi, yari
yavuze ko kwemera umuhamagaro wo kuja kuvuga
ubutumwa ku Mugara gusa n’ukwiyahura. Umwe mu
barokotse muri bo yari Manase Mafefere.
Abavugabutumwa basigaye baca baravayo, abo
bamisiyonerikazi basigara ari bonyene mu kiringo
c’amayinga abiri. Hanyuma Pasitori Thomas Winberg
abarungikira umuvugabutumwa yitwa Chomachoma
Lubeni kw’igenekerezo rya 6/2/1941. Chomachoma
65
Lubeni amaze gusubira i Kongo mu gihugu ciwe,
yasubiriwe na Yohana Mchukiwa.
Nk’uko tubibona mu matohoza twagize, dusanga
abarongozi b’ishengero rya Kiremba barafashije bikomeye
mw’ishengero rya Mugara. Abo barongozi baravye
ingene ingendo abakristo bo ku Mugara bama bagira uko
ukwezi gutashe bagiye ku ruhimbi mw’ishengero ry’i
Kiremba zabacumukuza, baciye bafata ingingo yo guha
ubwigenge ishengero rya Mugara ku wa 12/12/.1942
Ishengero rya Mugara rica rihabwa inomero mu rutonde
muri Sweda rw’ayandi mashengero ya pentekote amaze
gutanguzwa mu Burundi. Pasitori Thomas Winberg ni we
yari arongoye iryo shengero afatanije no kuba umwungere
w’ishengero rya Kiremba.
Umubatizo wa mbere ku Mugara wabaye kw’igenekerezo
rya 28/12/1941. Kur’uwo musi habatijwe abantu 8;
babatizwa na Pasitori Kapitura Yakobo. Uwo musi Pasitori
Winberg n’umugore wiwe hamwe na Alda Holmström,
hamwe na Linnéa Halldorf ni ho bari. Uwo musi mukuru
wari witabwe n’abakatolike, n’abaislamu, n’abapagani, eka
n’umuganwa Nyambikiye ari kumwe n’ibisongerezi vyiwe,
bazanana n’abandi barorerezi benshi, bashika hafi nka
150.
Abo bose baronse umwanya wo kwumva ubutumwa bwiza
no kwibonera igihushane c’inkuru bahora bumva yerekeye
ishengero rya pentekote n’ivyarikoregwamwo.
Abaje kubatizwa n’uwababatiza bururukira mu mazi.
Pasitori Thomas Winberg agahagarara ku nkombe y’uruzi,
agaheza akavuga amajambo yo kubatiza amanitse
ukuboko hejuru ati: “Ndakubatiza mw’izina rya Data wa
twese n’iry’Umwana n’irya Mpwemu Yera”. Uwabatiza
agaca yibiza mu mazi uwuriko arabatizwa.
66
Pasitori Kapitura yashishikaye kubatiza mu mibatizo
yagiye ikwirikirana kugeza ku mubatizo ugira gatatu.
Pasitori Yakobo Kapitura yaruhiye kugwa mu caha, ntiyaba
akizezwa amabanga akomeye mw’ishengero. Yitavye
Imana mu mwaka wa 1978 ari umukozi w’Imana mu
bubwiriza bw’i Bwatemba.
Umubatizo ugira kane wagizwe na Pasitori Madengo
Abedunego, abatiza abantu 23. imbere yo kubabatiza,
habanje kubaho inyigisho za Bibiliya zamaze iyinga ryose.
Izo nyigisho zatanzwe na Pasitori Thomas Winberg ari
kumwe na Madengo Abedunego n’umutumire Harris
Gapiga yava i Nzega muri Tanzaniya. Ishengero rica rigira
inyota ya Mpwemu Yera. Kw igenekerezo rya 18/11/1944,
abakristo bari bakoraniye hamwe bariko barasenga, ni ho
Mpwemu Yera yururukira kuri bane muri bo babatizwa muri
Mpwemu Yera. Mur’abo harimwo uwitwa Barengako
Yohana wo mu Rumonge yabaye mu ba mbere bavuze mu
zindi ndimi. Pasitori Madengo Abedunego yashishikaye
kubatiza ku Mugara mu ruzi Kagunguzi kugeza ku
mubatizo ugira 6.
Mu mwaka wa 1944, Batolomayo Hajayandi w’i
Bwatemba, muri komine Vyanda, yabatirijwe i Kiremba mu
mwaka wa 1938, yaciye arobanurwa kuba umuzezwa-
shengero wa mbere mw’ishengero ryo ku Mugara, ryari
rirongowe na Pastori Thomas Winberg. Aca aja kuba i
Burima kuko yatinya Malariya: Aho i Burima hari hatanguye
mu mwaka wa 1938. Aho nyene i Burima ni ho yagiriye
ubukwe mu mwaka wa 1946. Kubera ko aho i Burima
hamubera kure yo ku Mugara, yagiye arunguruza ava i
Burima aja mu Nyentonga, yungururiza mu Kirungu,
ashika ku Mugara mu mwaka wa 1961.
Mu kwezi kwa kabiri k’umwaka wa 1944, Batolomayo
afatanije na Yosiya yatunganije amashikanwa mur’iryo
67
shengero atarinze kugisha inama abarongozi b’ishengero
rya Kiremba. Mu kwezi kwa kane k’umwaka wa 1944 nta
muzungu canke umuzezwashengero yamanutse ava i
Kiremba kugirishayo ikanisa. Batolomayo Hajayandi aca
afata uburenganzira bwo kurongora inama y’ikanisa y’iryo
shengero ryari rikiri mu minwe ya Pasitori Thomas Winberg
umwungere w’ishengero rya Kiremba.
Mu mwaka wa 1945, Siri Karlsson na Axelia Lundström,
bagiye mu buruhuko muri Sweda, basigarigwa
n’abamisiyoneri Hana na Aina. Mur’ico gihe abakristo
bashika 450. Aina na Hana bagiye mu buruhuko mu
mwaka wa 1946, habakoreye mu ngata umumisiyoneri
yitwa Olle Yohansson n’umugore wiwe Marianne
Yohansson.
Uwo Olle Yohansson yabaye umuvugabutumwa muri
Sweda, hanyuma arungikwa kuba umumisiyoneri muri
Kongo no mu Burundi mu mwaka wa 1946 inyuma
y’intambara y’isi yose.
Mur’uwo mwaka wa 1946, ni ho Misiyoneri Olle Johansson
ari kumwe n’umugore wiwe Marianne Yohansson bashika
mw’ishengero ryo ku Mugara. Iryo shengero rimaze
kuronka umumisiyoneri w’umugabo arirongora, ryaciye
ryemererwa ku mugaragaro ko ribaye ishengero rya
68 69
pentekote rifise ubwigenge rirongowe n’uwo mu misiyoneri
mu mwaka wa 1947, gurtyo rero rica rironka ububasha bwo
kwitunganiriza ivyaryo ritarinze kugisha inama ishengero
rya Kiremba canke ngo ririhe raporo. Pasitori Batolomayo
Hajayandi ni we yakorana n’uwo mu misiyoneri
nk’umuzezwashengero.

Misiyoneri Olle Yohansson ni we yaciye aba umwungere

w’ishengero rya Mugara kuva mu mwaka wa 1947 mu
gishingo ca Pasitori Thomas Winberg. Amashure ya
Mugara, Rumonge, Cabara, Gatete, Mwange, Buruhukiro,
Mutambara, Rubindi, Burima, Mukungu, Buganga,
Kabwayi, Mirago, Mazinga, Busebwa, Gakumba na
Bukanda ni yo yakukira ishengero rya Mugara. Mugabo
rero ishure rya Bukanda ryaruhiye gusubira mw’ishengero
rya Kiremba mu mwaka wa 1972.

Kw’igenekerezo rya 17/1/1947 ishengero rya Mugara

ryatunganije uruhimbi rwa mbere ruhagarikiwe na Olle
Yohansson hatarimwo abatumwe n’ishengero rya Kiremba
canke ngo hatangwe raporo y’ivyabaye. Olle Yohansson
n’umugore wiwe bagiye kuruhuka baciye basubirirwa na
misiyoneri Yonas Westman n’umugore wiwe Bettan
Westman.
Uwo mumisiyoneri Pasitori Olle Yohansson yitavye Imana
avuye mu miga yabereye mu rusengero rwa Filadelufiya i
Stockholm, mu gihe yari yiteguriye kugirisha amiga ya
“Missiologie” i Solna.
Westman Yonas n’umugore wiwe Bettan Westman bagiye
mu buruhuko, basubirirwa na Herge Westin n’umugore
wiwe Sara westin mu mwaka wa 1951
Ishengero rya Mugara rifashijwe n’amashengero yo muri
Sweda ryatanguye kwubaka urusengero runini rurimwo
n’aho kubatiririza mu mwaka wa 1953. Umumisiyoneri
Herge Westin, ni we yari ahagarikiye ibikorwa vyo kwubaka
urwo rusengero.
Mu mwaka wa 1955; agasengero kwubakishijwe ibiti
gasakajwe ivyatsi kaciye gasenyuka, bariko barahera-
heza ibikorwa vyo kwubaka urusengero rushasha rwinjiwe
kw’igenekerezo rya 23/6/1956.
Umusi mukuru wo kwinjira urusengero watewe iteka
n’abatumire benshi harimwo umukuru w’intara ya Bururi
(administrateur territorial), Umuganwa Nyambikiwe
n’abatware biwe, abamisiyoneri, abakuru b’amashengero,
n’abavugabutumwa, hamwe n’abakristo benshi cane bo
mu Burundi, mu Rwanda, no muri Kongo.
70
Uko ibikorwa vyaguka ni ko haja hararungikwa
abamisiyoneri babikoramwo nka Linnéa Halldorf, Clarsson
Lilly, Eva Bodén, Karin Ferström, Viola Lindgren, Per Axel
Winberg, Kerstin Fransson, Clara Lingren, Ingrid Akstrom,
Solveig Bergman, Gunnar Norman, Berit Norman, Bernt
Hardemborg, Anne Hardemborg, Hugo Lindholm
n’umugore wiwe Elna Lindholm, Yoël Säker, Els Marie
Säker, Staffan Magnunita Stenlund, Elgot Edlund, Elsa
Edlund, Yan Atterlint, Bigitta Atterklint, Sivert n’umugore
wiwe, Yanne Mattsin, Anita Mattsin, Ake öhrling, Carina
öhrling, Henry Stälgren, Anna-Carina Stälgren, Margit
Söderlund na Kristina Yonzen.
Siri Karlsson na Exelia Lundström barongeye kugaruka ku
Mugara, barahakorera, imbere yo kuja gukorera mu
Gakwende mw’ishengero rya Kiremba. Mu mwaka wa
1960, baciye baja kubandaniriza ibikorwa vy’Imana mu
Rwanda.
Mu gihe amashengero ya pentekote yatangujwe mu
Burundi n’abamisiyoneri yaronka intahe yo kwikukira
akarongogwa n’abenegihugu mu mwaka wa 1960, haciye
hatogwa Pasitori Batolomayo Hajayandi ngw abe
71
umwungere wa mbere. Mu kibanza c’umwungere wa
Kabiri hagenwa Pasitori Simeyoni Gasindi.
Ikiza ca 1972, cateye ishengero rya Mugara rifise
abungere babiri n’abazezwashengero 9. Ni bo b’aba:
Nyabenda Bowasi, Magorwa Abedunego, Nsanzurwimo
Isaka, Nyamanza Timoteyo, Ndikunkiko Kosani,
Ntirwinyegeza Gaburiyeli, Madugu Eliya, Barampangaje
Gidiyoni na Sindatuma Samusoni. Gaburiyeli
Ntirwinyegeza yabandanirije ibikorwa vy’Imana
mw’ishengero rya pentekote rya Kiremba inyuma y’ikiza
cateye mu mwaka wa 1972.
Mu mwaka wa 1972, umwungere Batolomayo Hajayandi
hamwe n’umwungere wa kabiri Gasindi Simiyoni baciye
bahitanwa n’urwimo. Simeyoni Gasindi yari yavukiye ku
Mugara mu mwaka wa 1910, abatirizwa i Kiremba mu
kwezi kwa ruheshi 1941. Aca aba uwa kabiri yatiwe mu
mabanga yo kuba umuzezwashengero mw’ishengero rya
Mugara. Hageze ko ishengero rya Mugara rihabwa intahe
yo kwikukira, Simiyoni Gasindi ni we yagenywe ngw’abe
umwungere wa Kabiri w’ishengero rya Mugara.
Yahitanywe n’ikiza aheruka kugirisha umubatizo wabereye
mu Kirundo ku wa 19/9/1972. Mur’ico kiza ca 1972,
harapfuye n’abandi bazezwashe-ngero nka Ndikunkiko
72
Kosani na Magorwa Abedunego. Abandi barashoboye
guhunga nka Nsanzurwimo Isaka yitavye Imana amaze
igihe gitoya ahungutse.
Ico kiza ca 1972, catumye abakristo basanzara, ibintu
birononekara, insengero zirasamburwa. Ishengero rya
Kiremba ni kwo gufata ingingo yo kuramira ishengero rya
Mugara. Rica rirungika abakozi b’Imana kwugurura
amashure rihereye ku banyamugara bari bahungiye i
Kiremba nka Bamporeye Eliya na Ntahomereye Sadoke.
Ryongera rirungika Bizabigomba Yosefu.
Mu bamisiyoneri bashitse ubwa mbere kwegeranya abantu
n’ibintu harimwo umumisiyonerikazi yitwa Kerstin
Fransson hamwe na Yoël Säker n’umugore wiwe Els Marie
Säker. Ijambo ry’Imana rimaze kuvugwa, abantu baciye
batangura kwegerana. Minani Aroni, Rurimwishiga Peresi
na Bampoyubusa Salomo bari mu bafashije cane mu
kwegeranya ishengero rya Mugara ryari ryasinzikajwe
cane n’ico kiza ca 1972.
Kw’igenekerezo rya 10/12/1972 ni ho ishengero rya
Kiremba ryashikiriza abandi bungere ishengero rya
Mugara. Umwungere wa mbere aba Rurageze Andereya,
uwa kabiri na we aba Makobero Lazare. .
Pasitri Andereya Rurageze yari yavutse mu mwaka wa
1931 Yabaye mu banyeshure ba mbere bemeye
gutangura kwiga mw’ishure ryari ritangujwe n’imisiyoni ya
Kiremba hafi y’i wabo. Igihe yakizwa yari amaze imyaka 8
y’amavuka. Yipfuje kubatizwa ubwo nyene, mugabo baca
baramurorereza kugeza akwije imyaka 10. Ni ho yaca
abatizwa mu mwaka wa 1941. Kuva ico gihe yaciye
atangura kwinjira mu bikorwa.
73
Abo ni bo
basubiriye
Batoromayo
Hajayandi na
Simeyoni
Gasindi
bahitanywe
n’ikiza ca 1972
Pasitori Andereya Rurageze amaze kwumva
umuhamagaro w’Imana wo kwinjira mu bikorwa vyayo,
yaciye arobanurwa mu bikorwa vyo kuvuga ubutumwa i
Kiremba, abimaramwo imyaka 10. Yaciye akorana
n’abandi bavugabutumwa mu mashure yari amaze
gutanguzwa na Kiremba. Mur’ico gikorwa, ntibari
borohewe, kuko bahuye n’abakirwanya bikomeye, mugabo
baca bamenya neza kw’amasengesho ariyo ashobora
guhindura ibintu. Mur’ico gihe cose, Andereya Rurageze
yari umuntu akunda cane gusenga.
Mu myaka ya 1959-1960, Andereya Rurageze
yashishikaye inyigisho mw’ishure y’i Buvira. Arangije kwiga
yaciye asubira i Kiremba, akora mu mabanga
y’ubuzezwashengero ahantu henshi, gushitsa agenywe
ngw’abe umwungere wa mbere w’ishengero rya Mugara
mu mwaka wa 1972. Yinjiye mur’ayo mabanga ku musi
ugira 10 w’ukwezi kwa 12, aca aguma mur’ayo mabanga
kugeza yitavye Imana.
74
Kuva igihe Andereya Rurageze atanguriye kurongora
ishengero rya Mugara, ryaciye rigwira cane riva ku bantu
3 000 rishika ku bantu 32 900. Abantu bose baba
abakristo, abategetsi canke abatari abakristo baramwu-
baha, kuko yari umuntu w’igitinyiro. Ivyo vyatumye
ishengero rirema inyuma y’ikiza ca 1972. Yararonse
umwanya wo kugendera amashengero ya Sweda, n’ayo
mu Bubirigi, mbere n’ayo mu Bufaransa mu mwaka wa
1990:
75
Mu mwaka wa 1959 ni ho Pasitori Makobero Lazaro
yatirwa mw’ibanga ryo kuba umuzezwashengero. Uwo
Pasitori Makobero Lazaro yize ishure rya Bibiliya i Buvira
mu mwaka wa 1956, ahabwa kurongora ububwiriza bw’i
Bwatemba aho yamaze imyaka 13 mur’ayo mabanga. Uwo
mwungere wa kabiri yitavye Imana kw’igenekerezo rya
27/5/2006 amaze imyaka 33 arongoye ishengero rya
Mugara. Apfa yisaziye amaze imyaka 84.

Pastori Rurageze Andereya, umwungere wa mbere

w’ishengero rya Mugara yitavye Imana ku musi ugira 11
w’ukwezi kwa 3 mu mwaka wa 1993. Yari amaze imyaka
20 arongoye ishengero rya Mugara. Kw’igenekerezo rya
12/9/1993, ishengero rya Mugara ryaciye rirobanura
Pasitori Ntunzwenayo Augustin, ngw asubirire umuhisi.
Umwungere wa mbere Ntunzwenayo Augustin, yari
asanzwe mu bari barongoye ububwiriza bwa Mugara.
Yasengewe kuba umuvugabutumwa mu mwaka wa 1983,
aba umudiyakoni mu mwaka wa 1988, arobanurirwa
amabanga y’ubuzezwashengero mu mwaka wa 1990.

Uwo Pasitori Rurageze Andereya yasubiriwe na Pasitori
Ntunzwenayo Augustin yari afise umugore wiwe yitwa
Elisabeth bavyaranye abana 8. Pasitori Ntunzwenayo
Augustin yamaze igihe arongoye iryo shengero, aca
ahitanwa n’indwara 15 ruhuhuma mu mwaka wa 2015,
ishengero rya pentekote rya Mugara rica rirobanura Pr
Barankunda Simoni Pitero ngw’amusubirire mu mabanga
y’ubwungere bwa mbere.
Pasitori Makobero Lazaro yagenywe n’ishengero rya
Kiremba ngw’abe umwungere wa kabiri w’ishengero rya
Mugara, yavutse mu mwaka wa 1922, abatizwa i Kiremba
ku wa 28/5/1939. Yaciye yatirwa mw’ibanga ry’ubudiyakoni
mu mwaka wa 1950.
Ni ho kw’igenekerezo rya 25/6/ 2007 ishengero rya
pentekote rya Mugara ryarobanura Pasitori Barankunda
Simoni Petero mu mabanga yo kuba umwungere wa kabiri
w’ishengero rya pentekote ryo ku Mugara ngw asubirire
umuhisi Pasitori Makobero Lazare yaheruka kwitaba
Imana.
Uwo mupasitori Barankunda Simoni Petero, yari asanzwe
arongoye ububwiriza na Centre ya Karonda. Yari
yasengewe kuba umuvugabutumwa mu mwaka wa 1973,
aba umudiyakoni mu mwaka wa 1986, ahabwa amabanga
y’ubuzezwashengero mu mwaka wa 1991.
 76
Aba ni bo ari
abungere
b’ishengero
rya pentekote
ryo ku Mugara
Ubu ishengero rya Mugara rirongowe n’umwungere wa
mbere Pasitori Barankunda Simoni Petero yahora ari
umwungere wa kabiri w’umuhisi Pasitori Ntunzwenayo
Augustin, afashijwe na Pasitori Ntiranyibagira Jonathan,
umwungere wa kabiri yasubiye mu kibanza cahoramwo
umwungere wa mbere.
V.4. Ishengero rya Gishiha
Abamisiyoneri babonye ingene abakristo barushaho
kwongerekana mu karere k’i Bukurira n’ingene bibagora
kuhashika, baciye bafata ingingo yo gutanguza imisiyoni
ya pentekote i Gishiha. Kuva ku musi wa pentekote wo mu
mwaka wa 1945, abakristo b’i Bukurira ntibongeye kuja
kubatizwa mu Kayogoro, baciye batangura kubatizwa i
Gishiha. Bahejeje kubatiza abakristo bashasha, haca
haba isangira ryera. Abamisiyoneri baca bagena Ndirabika
Petero na Nisubire Yohana kuba abarongozi b’iryo
shengero mu mwaka wa 1947. Baca bakorana na wa
mumisiyoneri w’umwigeme yitwa Alice Kjellberg.
Nkuko twabibonye, Nisubire Yohana n’umugore wiwe
Eramu Mugunge baturuka mu Gasenyi ku mutumba wa
Buhinga. Babatirijwe ku musi umwe ku noweli y’umwaka
wa 1936. Nisubire Yohana ni we yari umuvugabutumwa
arongoye ishure ry’i Kibingwe, umugore wiwe na we
77
akitaho abana. Ukw ari babiri bigisha abakristo ba mbere
kwandika no gusoma. Umwe mu banyeshure bigishije ni
Samiye Lazaro. Mu mwaka wa 1946 ni ho Nisubire Yohana
yarobanurirwa kuba umuzezwashengero, akurikirwa na
Ndirabika Petero yarobanuriwe ubuzezwashengero mu
mwaka wa 1947.
Kugira ngo ishengero ry’i Gishiha rironke uburenganzira
bwo kwitunganiriza ivyaryo, rishobore kwifatira ingingo
ritarinze gusaba impanuro ayandi mashengero,
ryategerezwa kuronka umumisiyoneri arirongora
w’umugabo. Mu ntango z’umwaka wa 1948 haciye haza i
Gishiha umumisiyoneri yitwa Elof Hjette; mu kwezi kwa
gatandatu k’umwaka wa 1948 ishengero rya pentekote ry’i
Gishiha rica rironka ubwigenge. Mu mwaka wa 1949
ishengero rya Gishiha ryari rifise ububwiriza 16 n’abakristo
500, abavugabutumwa 20 n’abazezwashengero
(Pasteurs) 2. Habatijwe muri uwo mwaka abantu 130 mu
banyagice 160 ariko mu Kayogoro mur’uwo mwaka nyene
habatijwe 49 kuko abaragane vyabagora kwakira
ubutumwa bwiza.
Pasitori Ndirabika Petero na Pasitori Nisubire Yohana ni bo
bari bashinzwe amabanga yo kuba abazezwashengero ba
mbere bo mur’iryo shengero rishasha. Umwalimu
w’umutama yitwa Baragomwa Dawidi wo mu bubwiriza
bw’i Muhororo, yemeza ko igihe yabatizwa hari hamaze
kurobanurwa abazezwashengero batatu mw’ishengero ry’I
Gishiha, aribo Pr Nisubire Yohana, Pr Ndirabika Petero na
Pr Marabe Yosefu. Yemeza ko Marabe Yosefu ari we
yamubatije. Umuzezwashengero Yosiya Buhagaze,
yarobanuwe inyuma y’uwo Yosefu Marabe. Uwo Yosefu
Marabe ntiyaramvye, yaciye ahitanwa n’indwara avuye
kwivuza i Nyamasovu i Tanzaniya. Yosiya Buhagaze
yarobanuwe kuba umuzezwashengero mu mwaka wa
78
1952. Mu mwaka wa 1948, yigisha kw’ishure ry’intango
mu misiyoni y’i Gishiha.
Dutohoje mu kahise k’ishengero ry’ i Gishiha, tubona ko
Ndirabika Petero na Nisubire Yohana aribo bari
abarongozi b’ukuri b’ishengero ry’ i Gishiha. Ni vyo
vyatumye umumisiyoneri Elof Hjelte atamaraho igihe
kirekire.
Haheze igihe kitari gito yasubiriwe n’umumisiyoneri yitwa
Rhode Struble. Uwo na we amaze kugenda, yasubiriwe
n’umumisiyoneri yitwa Stenlund Paul. Uwo na we yoba
yahavuye aja gukorera mw’ishengero ry’i Nyanza-
Lac.Pasitori Ndirabika Petero na Pasitori Nisubire Yohana
baciye baja mu gikorane gihuza abapentekote uko
umwaka utashe mu Burundi cabereye ku Mugara. Hari
hakijemwo abamisiyoneri babiri bagarutse bavuye mu
buruhuko muri Sweda aribo b’aba: Jonas Westman na
Bettan Westman.
Abo bamisiyoneri ukw ari babiri, bari bamaze gukorera i
Pinga muri Kongo no ku Mugara. Nta ngingo n’imwe yari
bwafatwe yerekeye aho bari bagiye gukorera. Umusi
umwe bari mur’ico gikorane, umurundi umwe yegera
Yonas Westman amubwira ko hari benedata babiri
bagomba kuvugana na we. Westman aca akurikira uwo
79
muntu. Uwo na we amushira Pasitori Ndirabika Petero na
Pasitori Nisubire Yohana.
Pr Ndirabika Pierre
Umwungere wa mbere
w‘ishengero ry’i Gishiha
Bamaze kuramukanya, Pasitori Ndirabika Petero aca afata
ijambo aramubwira ati: “Twebwe i Gishiha, twarasenze
Imana ngw iturungikire umumisiyoneri, twizera kw’ari
wewe ugiye kuza i wacu”. Pasitori Nisubire Yohana aca
araryuhira, aravuga ati: “Turizeye rwose kw’ari wewe
uzoza i wacu. Imisozi y’i Bukurira irakwiteze
n’abanyagihugu baba muri yo”.
Yonas na Bettan Westman baca bareguka, bemera ko
ubwo ari ubugombe bw Imana bwo kuja i Gishiha, aho
babaye kuva mu mwaka wa 1952 gushitsa 1958.
Ababitohoje neza, bemeza ko ryabaye irya mbere
kw’ishengero rya pentekote ryo mu Burundi ryihitiramwo
umumisiyoneri batumira kurangura igikorwa c’ishengero.
Pasitori Nisubire Yohana, yagize ingorane nyinshi ziturutse
ku babanyi biwe bo mw’ishengero. Abonye kw
atagishoboye guhangana n’ibibazo yaterwa n’abo bakristo
b’ababanyi, yaciye ahitamwo kuva mu gikorwa
c’uburongozi, asigara ari Umushingantahe w’Ishengero
yubashwe cane muri Gishiha no mu mashengero yose ya
pentekote gushitsa apfuye ahitanywe n’ikiza c’ubwicanyi
80
cabaye mu mwaka wa 1972. Pasitori Petero Ndirabika na
we, ni we yashikirijwe amabanga yo kuba umwungere wa
mbere w’Ishengero ry’i Gishiha mu mwaka wa 1960
ishirahamwe ry’abamisiyoneri rimaze gushikiriza
amabanga yose y’uburongozi bw’amashengero
abazezwashengero (pasteurs) b’abarundi ngo babe
abungere b’ayo mashengero.
Petero Ndirabika yavukiye i Kiyazi nko mu mwaka wa
1915. Kw ishure abana barabagabira utuntu, bakabaha
n’umunyu wo kurigata. Mugabo abavyeyi ntibabikunda
kuko batinya ko vyobagirira nabi. Umwigisha wa mbere
yakoreye i Gishiha, yari umunyamulenge yitwa Saul
Karekesi. Abamisiyoneri bamaze gutanguza ishure i
Gishiha, Petero Ndirabika yatowe n’abatware ngw aje
kwiga. Mur’ico gihe abavyeyi ntibakunda kurungika abana
babo kwiga kuko batinya kw abazungu bobarya.
Abatware babonye kw abavyeyi banse kurungika abana
babo kw’ishure, baciye batoranya umwana umwe-umwe
mu muryango wose aja kwiga, abavyeyi baca bemera
gutanga uwo mwana umwe kw ikimazi c’umuryango
abazungu bahawe ngo barye kuko batinya gupfungwa.
Saul Karekesi yigisha kwandika no gusoma akaba
n’umuvugabutumwa i Gishiha. Mur’ico gihe, abanyeshure
ntibitaho ivyo gukizwa, bikundira cane-cane kwiga
kwandika no gusoma.
Haheze igihe, Saul Karekesi yasubiriwe na Samweli
Ntakandi n’umupfasoni wiwe bose b’abanyamulenge.
Samueli Ntakandi n’umugore wiwe, ni bo bashoboye
gutahuza abanyeshure ivy’agakiza, baca barajijuka, hafi
abanyeshure bose bakira ijambo ry’Imana bemera
kwihana. Petero Ndirabika aca abatizwa n’umumisiyoneri
yitwa Gösta Werlinder mu mwaka wa 1937 mu Kayogoro.
81
Amaze kubatizwa baciye bamusaba gufasha kwigisha no
kuvuga ubutumwa bwiza.
Mu mwaka wa 1938, yarobanuwe n’umumisiyoneri Lemuel
Karlsson kuba umufasha w’umuvugabutumwa no kwigisha
ahembwa amafaranga 6 ku kwezi. Mu mwaka wa 1939
Pasitore Ndirabika Petero ni we yari ajejwe ishure rya
Kiyazi n’ishure rya Runda afashijwe n’icegera ciwe Filipo
Nyandwi. Hahezi igihe, Filipo Nyandwi yarungitswe
gukorera mu kiyaya c’i NyanzaLac, aca asubirirwa na Luka
Shingagenuka.
Mu mwaka wa 1941 baza bararonse ikibanza co
kwubakamwo urusengero rw’imetero 36 kuri 10. Urwo
rusengero rwari rwubakishijwe amatafari adaturiye,
rusukajwe ivyatsi. Haheze igihe kitari gito, harabonetse
amabati, baca bakurako ivyatsi barusukaza amabati.
Mu mwaka wa 1947 ni ho Ndirabika yatiwe mu mabanga
y’ubupasitori, ishengero rya Gishiha rica rironka
ubwigenge mu mwaka wa 1948 habonetse umumisiyoneri
w’umugabo yitwa Elof Hjette. Mu nyuma y’iwe haraje
gukorera i Gishiha abandi bamisiyoneri.
Abo bamisiyoneri ni
bo bagize uruhara
runini mu kwatira
mu mabanga
y’ibikorwa vy’Imana
Petero Ndirabika
82
83
Abakristo bashishikaye kwegeranya amahera, hanyuma Mur’uwo mwaka wa 1960, imisiyoni y’i Gishiha yari
baca biyubakira urusengero rwa kijambere ruriho ubu. irongowe n’umuryango w’umumisiyoneri yitwa Gustav
Ibikorwa vyo kwubaka urwo rusengero vyari bihagarikiwe Struble.
n’umumisiyoneri yitwa Yonas Westman. Pasitori Tito
yahitanywe n’ikiza ca
1972. Ababonye
ingene apfa bemeza ko
yabanje kuririmba baca
baramurasa/ Amaraso
yiwe aca aduga mu
kirere ntiyigera ashika
kw ‘ isi

Pr Ndirabika Petero Pr Ntibarekewe Tito

Aba ni abamisiyoneri bakoze mw’ishengero ry’i Gishiha
Petero Ndirabika ni we yatorewe kuba umwungere wa
mbere w’ishengero rya Gishiha mu mwaka wa 1960 rimaze
guhabwa intahe yo kwikukira. Pasitori Yosiya Buhagaze na
we arobanurirwa amabanga yo kuba umwungere wa
kabiri. Yamara Buhagaze Yosiya yahavuye agwa aca
akurwa mur’ayo mabanga.
Umwungere wa mbere Umwungere wa kabiri
Uwo mu misiyoneri yashira imbere Yosiya Buhagaze ngw
abe ari we aba umwungere wa mbere. Abonye hatowe
Ndirabika Petero, ntivyamuguye neza, yaciye akura meza.
Ayo mabanga, Petero Ndirabika yayagumyemwo gushitsa
yitavye Imana ayafashijwemwo na Pr Ntibarekewe Tito
imbere y’amagume ya 1972 na Pr Musa Muhandanyi
inyuma y’ayo magume nk’abungere ba kabiri.

Pasitori Ndirabika Petero na Pasitori Musa Muhandanyi

bamaze kwitaba imana, ishengero ryaciye rirobanura
abungere bashasha. Umwungere wa mbere aba Yakobo
Ngenda yari arongoye ishure rya Bibiliya ryo mu Kayogoro,
uwa kabiri aba Simbabawe Eliachim.

Abo ni
abungere
b’ishengero
rya pentekote
ry’i Gishiha

Pr Simbabawe Eliachim
Pr Ngenda Jacques Pr Simbabawe Eliachim
Umwungere wa mbere Umwungere wa kabiri
84
V.5. Ishengero rya pentekote rya Nyanza-Lac
Nk’uko tubisanga mu gatabo kateguwe n’ishengero rya
pentekote rya Kayogoro mu mwaka wa 1985 mu gihe
ryigina yubile, ubutumwa bwiza bwashishikaye kuvugwa
mu kiyaya c’Imbo. Mu mwaka wa 1936 abamisiyoneri baja
batanguye gukorera mu bice vyo mu kiyaya ca
Tanganyika.
Umumisiyoneri Gösta Werlinder ni we yajanyeyo
ubutumwa mur’ico kiyaya. Mu bandi bamisiyoneri
bahakoreye twovuga nka Hjelte Elof ari kumwe
n’umufasha wiwe. Baca batanguza insengero i Bukeye,
Kumariba, Gifuruza, Nyabigina na Kibungwe.
Mu vyo twatohoje twasanze ko Filipo Nyandwi yarungitswe
gukorera mu mashure yo mu kiyaya c’i Nyanza-Lac.
Mur’ico gihe, Samiye Lazaro yakorera kw’ishure ry’i
Gifuruza.
85
Mu mwaka wa 1950, abamisiyoneri Annie na Elof Hjelte
bakora i Nyanza-Lac baciye baja mu buruhuko, bahasiga
Pasitori Rwitaba yakobo nk’umuzezwashengero mu
misiyoni yose ya Nyanza-Lac, agakorana n’umumisiyoneri
yitwa Paulo Stenlund, ishengero rica rironka ubwingenge
mur’uwo mwaka wa 1950.
Pasitori Rwitaba Yakobo yaruhiye kugwa mu caha
c’ubushakanyi aca akurwa mu mabanga yose yo
kurongora ishengero rya Nyanza-lac. Nyambirigi Thomas
yari yasengewe mu mwaka wa 1959, na we nyene
yahitanywe n’icaha c’ubusambanyi. Mu makuru twatohoje
dusanga ko uwitwa Kidebuye Yonatani yaza
yararobanuriwe amabanga yo kuba umuzezwasengero, ari
we yaciye asubirira Yakobo rwitaba mur ‘ayo mabanga yo
kurongora ishengero ryose rya pentekote rya Nyanza-Lac.
Umumisiyoneri w’umwigeme yitwa Ulla Svensson yari
asanzwe akorana na Paul Stenlund ni we yasigaranye
imisiyoni Paul Stenlund agiye mu karuhuko. Uwo mu
misiyonerikazi yakorana n’umuzezwashengero Kidebuye
Yonatani yari arongoye iryo shengero.
86
Pr Kidebuye Yonatani
yatowe mu mabanga
y’umwungere wa
mbere w’ishengero rya
Nyanza-Lac mu
mwaka wa 1960
Hageze kuronka intahe yo kwikukira, umuzezwashengero
Kidebuye Yonatani ni we yaciye atogwa kuba umwungere
wa mbere w’ishengero rya Nyanza-Lac. Dutohoje
twasanze umwungere wa kabiri yari Pr Ntirwahavuye
Thomas. Uwo na we amatohoza yemeza ko yaguye mu
caha c’ubusambanyi, n’uwamusubiriye ni co camuhitanye.
Uwakora nk’icegera c’umwungere, Pasitori Kidebuye
Jonathan, yari Pasitori Eliya Bwimponyi.
Mu kiza ca 1972, Pasitori Kidebuye Yonatani yaciye
ahungira muri Tanzaniya, agenda ajanye hafi abakristo
bose b’iryo shengero, aca ashikira mw’ikampi ry’impunzi
ry’i Gatumba aho yasanze Pasitori Gabo Gabriel ari we
arongoye ishengero mur’iryo kampi. Gabo Gabriel abonye
umwungere Kidebuye Yonatani ashitse, yaciye amubisa
mu burongozi, ashikiriza ishengero yari arongoye Pasitori
Kidebuye Yonatani.
Pasitori Yonatani Kidebuye yaciye ashishikara igikorwa
c’Imana ari umwungere wa mbere w’ishengero ryo mw
ikampi y’i Gatumba. Filipo Nyandwi yari yarungitswe
n’ishengero rya Nyanza-lac mu Rwandwa mu mwaka wa
1962, yaciye agaruka mu Burundi mu mwaka wa 1986, aca
arobanurirwa kuba umwungere wa kabiri w’ishengero rya
Nyanza-Lac, aca afashanya na Pasitori Niyungeko Yonasi
87
atari bwarangize ikiringo ciwe muri CEPBU, kwegeranya
abakristo bari batanguye guhunguka.
Pasitori Niyungeko Yonasi, arangije ikiringo ciwe muri
CEPBU aho yari yagiye gusubirira Pasitori Mbonihankuye
Eliya mu mabanga y’icariho c’uwaserukira CEPBU muri
Leta, Karorero Barunaba, ishengero rya Kayogoro ryaciye
rimugena ngw abe umwungere wa mbere w’ishengero rya
Nyanza-Lac.
Inyuma y’igandagurwa ry’umukuru w’igihugu Melchior
Ndadaye na bamwe mu bamufasha kurongora igihugu mu
mwaka wa 1993, habaye icuka kibi mw’ishengero, kugeza
n’aho ryigaburamwo kubiri, Pasitori Nyandwi Filipo aca
ahitamwo kurivamwo aja mu rindi dini ajanye n’igice kitari
gito c’abakristo. Mur’ iryo dini rindi ni ho yarangirije
ubuzima. Ishengero rya Nyanza-Lac rica rimusubiriza
Pasitori Kameya Enoshi.
Pasitori Kidebuye Yonatani yaciye ahunguka nko mu
mwaka wa 2000 azananye n’abakristo benshi hamaze
gutegwa igikumu ku masezerano yo guhagarika intambara
no gutahukana impunzi i Pretoriya muri Africa y’epfo.
Ashitse mu Burundi, yashikiye mu mabanga y’
umuzezwashengero. Haheze igihe kitari gito, kubera
umwumvikano muke wari mur’iryo shengero, Pasitori
Niyungeko Yonasi yaciye yemera gusubira mw’ishengero
rya Kayogoro ryari ryamutumye, Kameya Enoshi na we
nyene yashimye kwimukira mw’ishengero rya Kayogoro.
Haca haba ibisikanya mu mabanga y’ubwungere bwa
mbere hagati ya Pasitori Niyungeko Yonasi na Pasitori
Kidebuye Yonatani. Ibirori vyahagarikiwe n’intumwa ya
Leta, Apôtre Nduwumukama Charles. Uwo Pasitori
Yonatani Kidebuye yari ageze mu za bukuru, yumvise
igikorwa c’Imana kimuremereye, yasavye ishengero
kumuha umwungere wa kabiri amufasha.
 88 89
azananye n’umugore wiwe Anna-Lisa. Uwo mumisiyoneri
yakorana n’uwo munyekongo yitwa Enoki Yambayamba.

Alfred Andersson n’umugore wiwe, bamaze hafi imyaka 20

Ishengero rya Nyanza-Lac rica ritumako Karenzo Charles,
umumisiyoneri ryari ryatumye i Mozambike ngw’agaruke
gusubirira Kameya Enoshi mu mabanga y’ubwungere bwa
kabiri.
Bidatevye Pasitori Yonatani yaciye yitaba Imana
kw’igenekerezo rya 19/4/2020. Ishengero rica rirobanura
Pr Charles Karenzo mu mabanga y’ubwungere bwa
mbere, umuzezwashengero Niyungeko Sylvère agenwa
kuba umwungere wa kabiri mu kwezi kwa kane k’umwaka
wa 2021.
bakorera i Bujumbura, ariko Enoke Yambayamba yaciye
asubira mw ishengero ryiwe i Buvira mu mwaka wa 1960,
aho yarobanuriwe ubuzezwashengero. Uwakoranye n’uwo
mumisiyoneri Alfred Andersson, yavuze ko ariwe
yatanguje ubutumwa bwiza hejuru mu misozi iri mu ntara
ya Bujumbura. Hariho imisozi ihagaze cane, mu
kuyidugako babanza kumwambika imigozi mu nda,
bakagenda baramukwega kuko bitashoboka ko
bamurerura ngo bamucane mur’iyo misozi.
Ishengero rya pentekote rya Bujumbura ryatanguriye mu
Bwiza. Bakorera mu nzu y’ubunywero bari bakose. Mu
gitondo baca bakoranira mur’iyo nzu bakayisengeramwo
Imana, hagera ku mugoroba na ho igahinduka ubunywero.

V.6. Ishengero rya pentekote rya Bujumbura

Akahise k’ishengero rya pentekote rya Bujumbura

kerekana ko mu mwaka wa 1933 haza hari agasengero mu
Gatumba kakukira ishengero rya pentekote ry’i Buvira. Ni
ryo ryabaye ishure rya mbere rya pentekote mu Burundi.
Muka Harroi yari Burumatari yatwara Uburundi yari
Imisiyoni ya Bujumbura, yitwa station Kanyosha
umuswedwakazi, avyumvise ni ho yaca asabira
yatangujwe n’umumisiyoneri yitwa Gösta Palmertz yaje
abamisiyoneri ikibanza co kwubakamwo urusengero
ava i Buvira azananye n’umunyekongo bakorana yitwa
n’amazu arushigikiye yo gukoreramwo. Baca baronka
Enoki Yambayamba mu mwaka wa 1948. Hageze kw
ikibanza kinini cane cavuduka kuri Albatros, kigashika
akorerwa mu ngata, umumisiyoneri yitwa Alfred Andersson
hariya hubatswe inzu y’amakoraniro (salle polyvalente),
yigeze gukorera mu misiyoni y’i Gishiha, ni we yaciye aza
90
kigakevya kigaca ku ruzi ntahangwa kijana ibarabara rya
mbere ryo mu Buyenzi.
Kubera ko abo bamisiyoneri ata co bariko barakorera
mur’ico kibanza, abategetsi baciye bakibaka, babasigariza
ikibanza kiri musi y’ibarabara ryitiriwe Peuple Murundi.
Baca bubaka urusengero mfatakibanza hepfo y’’ibarabara
rwabereyemwo inama yo gushikiriza intahe yo kwikukira
amashengero ya pentekote. Mu mwaka wa 1964 ni ho
baca bubaka urusengero rwiza, urwahahora na rwo
baruhebera ishure ya Ntahangwa. Abamisiyoneri bose
b’abaporoti mu Burundi baca bararugomwa, bahitamwo
kuba ari rwo bama basengeramwo kuva isaha zibiri kugeza
isaha zine zo mu gitondo. Amiga yaba mu rurimi
rw’Igifaransa. Urwo rusengero rwari rwubatswe harya hari
urusengero rushasha runini rufise igisenge co
kwicaramwo.
Abakristo ba mbere b’abarundi bo mw’ishengero rya
pentekote ry’i Bujumbura babatirijwe i Buvira mu mwaka
wa 1949. Ntituramenya neza umwaka hatanguye
kuboneka umuzezwashengero kavukire w’i Bujumbura. Ico
tumaze kumenya ni uko inama yafatiwemwo ingingo yo
guha intahe yo kwikukira amashengero 6 yari amaze
kuronka ubwigenge ; no gutora abungere bayarongora,
yabereye mu nzu z’ishengero rya pentekote ry’i
Bujumbura, harya ku Ntahangwa. Ni ho haciye hatogwa
umwungere wa mbere w’ishengero rya Bujumbura yitwa
Pasitori Jerôme Bagwiza, Pasitori Kiburugutu Petero na
we agenwa mu mabanga yo kuba umwungere wa kabiri.
Abo bungere ntibabaye abungere beza kuko baciye
bagomba kurihindura kugira ngo ricike irya FECABU. Mu
kubaresha, abo mw’ishengero rya FECABU bababwira kw
abamisiyoneri b’abaswedwa ata co babamariye kuko ata
bikorwa vy’iterambere bariko bararangura mw ishengero.
91
Umukristo Ribagi amaze kumenya ivyariko birategugwa,
yaciye abimenyesha abo bakorana, yoba yaciye ahitana
ikete ryemeza ko iryo shengero ririho (personnalité civile)
agenda kurinyegeza i Kiremba.
Amatohoza aracabandanya kugira ngo tumenye kw’iyo
personnalité civile yoba yarasubijwe ishengero ry’i
Bujumbura. Haciye harobanurwa Mukariza Yosefu mu
mabanga yo kurongora ishengero, asubirira Jerôme
Bagwiza. Uwo mwungere Mukariza Yosefu, yaciye yitaba
Imana mu kwezi kwa 12 k’umwaka wa 1972 agandaguwe
n’ababisha bamusanze aho yari apfukamye mu rusengero
ariko arasenga.
Kuva ico gihe, ishengero rya pentekote rya Bujumbura,
ryaciye rirongogwa na Pasitori Manase Mafefere,
umwungere wa kabiri w’ishengero ry’i Kiremba, yahora
arongoye ADEEP mu Rwanda no mu Burundi, aca
asubirirwa na Pasitori Ndikunkiko Eliya mu kibanza
c’umwungere wa kabiri w’ishengero ry’i Kiremba.
Umwungere wa mbere w’ishengero rya pentekote ry’ i
Bujumbura, yunganigwa na Pasitori Sikibelo Zacharie
ava muri Kongo. Uwo Sikibelo Zacharie ni we yari
umwungere wa kabiri w’iryo shengero rya Bujumbura.
Pasitori Samuel
Niyungeko yasubi-
riye Pr Manase
Mafefere yitavye
Imana amaze
kwegeranye
ishengero ryari
ryasinzikajwe
n’ikiza ca 1972
92
Ishengero rya pentekote rya Ntahangwa i Bujumbura, ryari
rigizwe ahanini n’abanyekongo, bamwe bari baje ari
impunzi, abandi baje kuba mu gisagara ca Bujumbura.
Abarundi bararikengera cane kuko abenshi bari
abakatolike bateye imbere cane. Baryita ishengero
ry’ababembe. Ntibiyumvira k’umuntu azi ubwenge
yoshobora kwinjira mur’iryo shengero. Batanguye kujijuka
babonye abanyeshure bo muri kaminuza y’Uburundi, bari
n’umurwi w’abaririmvyi kandi bakagenda bakwiza
ubutumwa bwiza bashingira intaye Yesu Kristo irya n’ino
kuva mu mwaka wa 1978.
Mu myaka ya 1978-1979 higeze kuba icuka kibi hagati ya
Kongo yitwa Zayire mur’ico gihe n’Uburundi. Umukuru
w’igihugu c’Uburundi Yohana Baptiste Bagaza aca afata
ingingo yo kwirukana abanyakongo. Ishengero rya
Bujumbura, rica rirahungabana, ku buryo hasigaye
abakristo bari ku rushi. Umwungere Manase Mafefere, ni
ho yanyiganira ingene yari yaragorewe mur’iryo shengero
mu kuryegeranya none Leta ikaba yongeye kurisambura.
Inyuma y’ivyo haciye haba umuvyuro ukomeye, abarundi
batangura kwisuka cane, barihana, ishengero ritangura
kugwira no gukomera. Mur'ico gihe umwungere yaciye
afatwa n’ingwara, arasinzikara cane. Yumvise aremvye,
aca yongera kuvuga ko yari yaragorewe mur’iryo
shengero, none mu gihe ryari ritanguye kugwira agira ace
yitaba Imana.
Umwungere wa Mbere Manase Mafefere yari yavutse mu
mwaka wa 1922, yitavye Imana ku musi ugira 8/2/1980,
umwungere wa kabiri na we aca aramukurikira mur’uwo
mwaka nyene. Mu mwaka wa 1980, umwungere wa mbere
n’uwa kabiri b’ishengero rya pentekote rya Bujumbura
bamaze kwitaba Imana, mu nama y’abungere
b’amashengero yose ya pentekote yabereye ku Mugara,
haciye harobanurwa Pasitori Niyungeko Samweli,
93
ishengero rya Bujumbura ryari ryashize imbere, ngw
aribere umwungere wa mbere avuye kwiga Bibiliya
(Théologie) i Bukavu.
Mur’uwo muvyuro, ibintu ntivyari vyoroshe. Abantu
bemeye kwakira Yesu Kristo nk’umukiza wabo, bama
baturatujwe, mbere bakanabata mw’ibohero. Umwungere
agiye kubaraba bari mw’ibohero, har’ aho baca
babasohora, bagatangura kubakubitira imbere yiwe.
Bahejeje kubakubita bagaca babasubiza mw’ibohero,
bakamubwira ngo nta rusengero rwiwe ruzokwubakwa
ngaho i wabo bakihatwara. Igihe kimwe babivuze agiye
kuraba abakristo bo mu Gikoto iyo bari mw’ibohero.
Avyumvise yaciye azana ubwo buhanuzi aho twari
dukoraniye turiko turasenga. Aca adusaba ko twosenga
bakavaho nk’uko bavyivugiye urusengero rukabona
kwubakwa. Tumaze gusenga, mu misi mikeya baciye
bakurwa mu burongozi, urusengero rwo mu gikoto rubona
kwubakwa.
Umuvyeyi umwe yari afise abana babiri biga mw’ishure
ry’intango ryo ku Ntahangwa. Amaze kumenya kw’abo
bana bihannye bakakira Yesu nk’umwami n’umukiza
wabo, yaciye aja muri PSR, ahitana ijipi y’igisirikare irimwo
abapolisi 12. Bashitse kur’iryo shure baca baruruka, bitera
mw ishure batangura guhamagara amazina yabo bana.
Bagize ngo barahaguruka, kera-kera baba bamaze
kubashirako amapingu ku maboko no ku maguru
bahagarikiwe n’uwo muvyeyi wabo. Abandi bana bigana
babibonye, bagira ubwoba baja mu vyo kurira. Bahejeje
kubadadagira, baca babaterera mw’ijipi baboshe
nk’abaterera umwavu, babajana muri PCR.
Babashikanye, umukuru w’abo bapolisi, abwira abo bana,
ati: « Ni mwemera guheba ivyo mwinjiyemwo,
mukabivamwo, tuca tubarekura mwisubirire mw’ishure
kubandanya ivyigwa. ». Umuhungu yitwa Ndayisaba
94
Blaise aca yishura uwo mukuru w’abapolisi, ati:
« Agasanga ari co mwadufatiye ata kindi caha twakoze,
turabamenyesheje ko tudashobora kwihakana Yesu
Kristo ». Arababwira ati: « Mutabivuyemwo turabakubita
nta kabuza ». Na we ati: « Si ugukubitwa gusa, mushaka
ni muduce amazosi, mutwice, kuko tudashobora
guhemuka ».
Se avyumvise arashungumirwa, abwira abo bapolisi, ati: Ni
jewe ndabahaye abo bana banje, ni mubakubite bashake
bapfe ndabihambira ». Baca babadukamwo, barabakubita
inkoni nyinshi, bagera aho ico bahitanye cose bapfa
gutako. Barabakubita rwose, barabanoza kugeza n’aho
abo bana bataba bacumva inkoni. Bashishikara
kubakubita kugeza aho bata ubwenge, bamera
nk’abapfuye. Baca barabaterura babaterera mu gasho.
(Cachon). Bari mu gasho, ni ho Ndayisaba Blaise yabona
umugabo muremure ahagaze imbere yiwe. Uwo mugabo
aramubwira ati: « Rema, ntimutinye kunshingira intahe,
ehe ndi kumwe namwe! ». Uwo mwana na we aramubaza
ati: « None ni kuki twakubiswe nk’uku nturuhe udutabara?»
Na we ati: « Humura, aya makuba muciyemwo
ntimuzongera kuyacamwo ukundi».
Bamaze guhembuka, bukeye bari bavyimvye buzuyeko
imimyore y’inkoni, abo bapolisi baca babajana kubavuza
mu bitaro vya Prince Régent Charles, babatahana muri
PSR. Se abonye kw’abana biwe bananiranye, aca aja guta
ishavu ku bakozi b’Imana, abatuka kugeza n’aho
yubahuka gucira amate mu maso y’umwungere
w’ishengero Pr Niyungeko Samweli. Abo bakozi b’Imana,
baca baramurahira ko abo bana ari ab’ishengero kandi ko
badashobora kwihakana abana babo. Se w’abo bana
yarinze apfa acuzuye ishavu ryinshi. Uwo muhungu wiwe
mukuru ari we Ndayisaba Blaise ubu ni
umuzezwashengero mw ishengero rya Pentekote ryo ku
95
Ntahangwa, murumunawe na we yagiye kuvuga
ubutumwa bwiza bw’ubwami bw’Imana mu bihugu vyo
hanze.
Mur’ico gihe hariho umuvyuro ukomeye cane mw
ishengero ry’i Bujumbura ku buryo urusengero
rwababanye ruto. Baca bahitamwo kurusubiriza urundi
rushasha rufise igisenge (balcon) rwubatswe ata
mumisiyoneri arinze gutumwako ngw ahagarikire ibikorwa.
Ni rwo rwabaye urusengero rwa pentekote rwa mbere mu
Burundi rufise igisenge abantu bicaramwo. Haciye igihe
kitari gito umwungere wa mbere Pr Samweli Niyungeko
akora wenyene atagira umwunganira, yaciye asaba
ishengero ngo rimuhe umwunganira. Mu mwaka wa 1987
ni ho harobanurwa umwungere wa kabiri w’iryo shengero
yitwa Pasitori Rukwiririkanya Onesphore.
Pr Niyongeko Samuel yamaze igihe kinini akitswe
n’amagara aca aja kwivuza muri Amerika. Amaze igihe
kirekire atagarutse, yaciye arungika intumwa zo gufasha
gushiraho inzego zirongora ishengero.
Aba ni abungere
b’ishengero rya
pentekote ry’i
Bujumbura
Ibirori vyo gushiraho inzego nsha vyahagarikiwe na Pr
Eliya Ndikunkiko, umwungere wa mbere w’ishengero rya
Pentekote ry’i Kiremba. Inama y’abazezwashengero ica
ishira imbere Rukwiririkanya Onesphore ngw’abe
umwungere wa Mbere, mu kibanza c’umwungere wa kabiri
96
ishira imbere Pasitori Nahimana Daniyeli, hari kw’italike
28/7/2021. Ishengero rica ryemeza ingingo yafashwe
n’abazezwasengero.
Mu vyo tumaze gushikako kugeza ubu, amatohoza
yerekana kw’amashengero ya pentekote atatu Kiremba,
Mugara na Gishiha, ari yo yoba yarashoboye guhagararira
ubwigenge bwayo yahabwa n’amategeko yo kutemera
kuvogerwa n’irindi shengero mu nzego zifata ingingo no
gutunganya ibikorwa vy’ishengero. Mur’ayo atatu, Gishiha
ni ryo gusa ryashoboye kwironderera abamisiyoneri
barirongora kuva mu mwaka wa 1952 kugeza mu mwaka
wa 1958.
VI. IVYARANGUWE MU MASHENGERO IMBERE NO
HANYUMA Y’AHO ARONKEYE INTAHE YO
KWIKUKIRA
Imbere y’uko amashengero ya pentekote aronka intahe yo
kwikukira, hari hamaze gukorwa vyinshi vyerekeye
iterambere ry’igihugu, nk’amashure, amavuriro, n’ibindi
nk’ivyo, bica birongerekana inyuma y’intahe yo kwikukira.
VI.1. Ivyerekeye amashure
Mu mwaka wa 1948 Leta irongowe n’Ababirigi yafashe
ingingo ivuga ko kuva mur’uwo mwaka abaporoti batari
Ababirigi baronse uburenganzira bwo gusaba imfashanyo
y’ivyerekeye amashure ya misi yose. Mur’uwo mwaka,
bwabaye ubwa mbere umupasitori yitwa Lewi Pethrus yari
arongoye umuhari w’abapentekote utazwi n’amategeko ya
Leta ya Sweda, yitavye inama yaba uko umwaka utashe
yabereye i Buvira.
97
Yari umupasitori arongoye
ishengero rya Filadelufiya i
Stokolme akaba ariwe arongoye
umuhari w’abapentekote muri
Sweda.
Mur’iyo nama ni we yashoboye kugondoza abamisiyoneri
kugira ngo bemere iyo mfashanyo. Kuko abamisiyoneri
cane-cane b’abakenyezi batashaka gufatirirwa
n’amabanga yo kwigisha amashure y’imisi yose bakwirikije
indinganizo (programme) ya Leta, bagaheba kuja mu
mihana no mu masoko kuvuga ubutumwa. Abamisiyoneri
b’abagabo nta co bari banezwe mu vyerekeye amashure.
Lewi Pethrus yashikirije iciyumviro ca nyuma mu nama
yabaye mur’uwo mwaka wa 1948, kivuga
kw’abamisiyoneri bategerezwa kwemera gufasha Leta
kwigisha mu mashure ya misi yose, bakemera no kuja
gusaba imfashanyo muri Leta. Abari mur’iyo nama baca
bahitamwo inyigisho igereranye hakwirikijwe inama Linea
Halldorf bita Kayanyabuyange abagiriye. Mu mwaka wa
1950, ni ho amashure akukira amashengero ya pentekote
yatangura kuronka imfashanyo za Leta. Mur’uwo mwaka
amashure yose yarashoboye kuronka imfashanyo, kiretse
ayakukira Kayogoro yatanguye kuyironka mu mwaka wa
1956. Mur’ico gihe abamisonerikazi ni bo bari barongoye
amashure y’intango kuko hatari bwaboneke imvukira
zibishoboye.
 98
Mu mwaka wa 1950 ni ho haca hugururwa ishure
ry’inderabigisha i Remera muri Kivu. Abiga mur’iryo shure
bahabwa urupapuro rw’umutsindo bamaze imyaka itatu
biga. Amashengero ya pentekote yose yo mu Burundi aca
asabwa kurungika abanyeshure babiribabiri. Ariko kubera
yuko Kayogoro na Gishiha habuze abanyeshure bakwije
ivya ngombwa barungikwa mur’iryo shure, ishengero rya
Mugara ryaciye rirungika bane. Mur’abo barungitswe
n’ishengero ryo ku Mugara, harimwo Bowasi Nyabenda na
Ezekiya Biyorero. Abarungitswe n’ishengero rya Kiremba
bari Stefano Gahimbiri na Zakayo.
Mu mwaka wa 1953, haciye hatanguzwa ishure itegura
abigisha (Ecole d’apprentissage Pédagogique) EAP
y’imyaka ibiri ngaho nyene i Remera muri Kivu. Mu mwaka
wa 1954, ishengero rya Mugara rica rirungikayo abigeme
babiri babaye aba mbere mu Burundi kwiga mur’iryo shure.
Abo bigeme umwe yari Merita uwundi na we yari Sippora.
Sippora yamazeyo umwaka umwe aca aravayo ariko
Merita arashishikara, agaruka afise impamyabushobozi
mu vyerekeye kwigisha (Institutrice).
Amashengero ya pentekote ya Kayogoro na Gishiha
yaratevye cane kurungika abanyeshure kwiga i Remera
kuko yatanguye kubarungika mu mwaka wa 1964. Uwize
99
mur’iryo shure, yategerezwa gukorera imisiyoni
aturukamwo imyaka itanu. Iyo myaka yaragabanuwe iva
kur’itanu ija kuri ibiri.
Dusomye mu bitabo, twasanze ko uwitwa Batolomayo
Ntibansiga yaturuka ku Mugara yigishije muri EAP,
Stefano w’ i Kiremba na we yigisha mw’ishure itegura
abigisha (moniteurs), Amosi Singira wo ku Mugara yigisha
inyigisho zitegura abigisha mw ishure rigereranye
ry’imyaka itatu (Ecole Moyenne). Mu mwaka wa 1960,
abarundi 42 bariko barakwirikira inyigisho i Remera.
Mur’abo 36 biga mw’ishure rigereranye (Ecole moyenne),
bandi 6 biga mw’ishure ritegura abarezi (EAP).
Nta vyinshi tuzi mu vyabera mu Kayogoro, kuko
abagerageje gusesangura ivyahabereye mu ma raporo
yatangwa, basanze umumisiyoneri yari arongoye
ishengero ryo mu Kayogoro yitwa Gideon Yosefsson
atatanga raporo n’imwe ku vyerekeye imigenderanire yari
afitaniye n’abatwara igihugu mur’ico gihe.
VI.2. Ivyerekeye amavuriro
Ku vyerekeye ubuvuzi, ivuriro rya mbere ryatanguye
kwubakwa mu misiyoni yo mu Kayogoro mu mwaka wa
1947. Iryo vuriro ryubakishwa n’umumisiyoneri yitwa Gösta
Werlinder. Ryuguruwe mu kwezi kwa mbere mu mwaka wa
1951.Uwatanguye kuvurira mur’iryo vuriro ni umuformo
yitwa Anna Lissa Karlsson yahembwa na Leta. I Gishiha
na ho ivuriro ryaho ryuguruwe mu mwaka wa 1962.
Uwatanguye kuvurira muri ryo ni umumisiyoneri
w’umuforomokazi yitwa Else Marie Pettersson.
Uwo agiye mu karuhuko, yasubiriwe n’umuforomokazi
w’umumisiyoneri yitwa Inga Sandberg yigeze gukorera
mw’ivuriro ryo mu Kayogoro, bakaza barakabukanya
n’umumisiyonerikazi yirwa Solveig Bergman yigeze
100
gukorera mw’ivuriro ryo ku Mugara. Bakorana
n’umuforomo yitwa Ntakuwundi Samusoni wo mw
ishengero ry’abadivantisito yamuka mu Kayogoro. Uwo
Ntakuwundi Samusoni, yari yigiye ivyerekeye ubuvuzi i
Tanzaniya. Amagume yo muri 1972 ateye, Ntakuwundi
Samusoni yaciye ahungira i Tabora muri Tanzaniya. Mu
nyuma ibikorwa bimaze kugwira haje umumisiyoneri yitwa
Anne-Marie azananye n’umugabo wiwe bafise akana
k’akigeme. Umugabo yaciye afatwa n’ingwara, aca asubira
inyuma muri Sweda kugwaza umugabo wiwe. Hashize
igihe gito cane, uwo mugabo wiwe yaciye apfa. Amaze
kubura umugabo yaciye agaruka ashishikara gukora
kw’ivuriro ry’i Gishiha; bamwita Kanyamwana kuko
yapfakaye avyaye umwana umwe w’umwigeme yakuriye
kwa nyina aho i Gishiha.
Mu mwaka wa, 1959 haciye hatanguzwa igikorwa co
kubungabunga amagara y’abantu mw ishengero rya
pentekote rya Mugara, bihera kw’ivyariro ryari mu nzu Leta
yatije Ishengero ryo ku Mugara mu bitaro bikuru vyo mu
Rumonge. Ico gikorwa catangujwe na Kerstin Fransson.
Kubera ko mu Rumonge habaye kure y’imisiyoni yo ku
Mugara, itongo ryari ryubatswemwo inzu ya mbere y’ivyatsi
yabamwo abamisiyoneri ryahavuye ryubakwamwo inzu
y’ivyariro (maternité).
101
Ibikorwa vyo kwubaka iyo nzu vyahagarikiwe na Misiyoneri
Olle Yohansson, ica yinjirwa ku musi ugira 28 w’ukwezi
kwa 5 mu mwaka wa 1968.
Abatanguye kuyikoreramwo bari abamisiyonerikazi babiri
aribo Kerstin Fransson na Anne Hardenborg. Ishengero
rica ryongera kwubaka inyubakwa yo kuvuriramwo
abarwaye (Dispensaire) yinjiwe ku musi ugira 8 w’ukwezi
5 mu mwaka wa 1971, itanguzwa na Clara Lindberg na
Ingrid Akerström bose bari abamisiyonerikazi bava muri
Sweda.
Abo baforomokazi
babiri ni bo
batanguje ivuriro
ryo ku Mugara
Misiyoneri Kerstin Fransson yatanguje ibikorwa vy’iyakiriro
mu Rumonge, yari umuhizi akomeye, kuko ari we yabaye
mu ba mbere basubije ibintu mu buryo vyari vyononywe
n’ikiza cateye mu Burundi mu mwaka wa 1972.
Yafatanije ibikorwa vyo kuvura no kuvuga ubutumwa irya
n’ino mw ishengero rya Mugara. Amaze imyaka 33 akora
mw ishengero rya Mugara, yaciye aja gukorera ibikorwa
vy’Imana mw ishengero rya pentekote rya Rusagara mu
ntara ya Cibitoke.
Mur’iryo vuriro ryo ku Mugara, haraje abandi bamisiyoneri
kuvura kugeza habonetse abarundi bafise
impamyabushobozi yo kuvura baciye babakorera mu
ngata. Aha twovuga nka Solveig Bergman, Margaritta
Olsson, Mariane Liolé, Ingrid Brodin, Anitha Magnusson.
Ubu ishengero rya Mugara rifise amavuriro 7.
102
VI.3. Ivyerekeye amashure ya Bubiliya
Kugeza mu mwaka wa 1960 amashengero ya pentekote
ageze kwikukira, nta shure rya Bibiliya na rimwe ryari
bwatangure mu Burundi.
Abungere b’amashengero bamaze kugenwa mur’ayo
mabanga bari bakwiye kwiga kugira ngo baronke
ubumenyi bubabashisha kurangura ayo mabanga. Haciye
haza iciyumviro co gushiraho ishure ritegura abakozi
b’Imana nk’iryari risanzweho i Buvira muri Kongo.
a. Ishure yo gufasha abigisha EMAP ku Mugara
Mu mwaka wa 1961, Linnéa Halldorf yaciye atanguza
ishure yo gufasha abigisha EMAP (Ecole moyenne
d’apprentissage pédagogique). Habanje kuyigamwo abari
bagenywe mu mabanga yo kuba abungere
b’amashengero ya pentekote mu Burundi no mu Rwanda.
Mu nyuma hajamwo n’abandi bizigiwe bakarungikwa
n’amashengero yabo.
Abarangije iryo shure, bamwe bashishikaye gukorera
Imana, abandi baba abigisha mu mashure mato-mato,
kuko mu vyigwa bahabwa harimwo ivyerekeye
inderabigisha. Iryo shure barimaramwo imyaka ibiri
bagaca bahabwa impamyabushobozi.
Uwo mumisiyonerikazi Linnéa Halldorf yayigishamwo
afadikanije na Pasitori Bigirabagabo Yoweli yari
yarungitswe ku Mugara n’ishengero rya Kiremba.
103
Abo ni bo bigisha
muri EAP yatangujwe
na Linnéa Halldorf
Linnéa Halldorf Pr Bigirabagabo Yoweli
b. Ishure rya Bibiliya mu Kayogoro
Ishure rya mbere rya Bibiliya ry’imyaka ibiri ryatangujwe
mu Kayogoro n’umumisiyoneri yitwa Norman Gunnar mu
mwaka wa 1962. Iryo shure abaryigamwo barungikwa
n’amashengero yose ya pentekote. Umumisiyoneri Jonas
Westman yarongoye iryo shure igihe kire-kire, ayo
mabanga akayafatanya no kwigisha. Yakorewe mu ngata
na Pasitori Yakobo Ngenda arangije ishure rya Bibiliya
(Théologie) i Bukavu.
c. Ishure rya Bibiliya ryo ku Mugara (IBM)
Kw’igenekerezo rya 19/10/1980 ni ho ishure rya Bibiliya
(IBM) ryatangura ku Mugara. Iryo shure ryatangujwe
n’umumisiyoneri yitwa Pasitori Stenlund Roland. Amaze
kuritanguza, yabaye umuyobozi waryo kugeza mu mwaka
wa 1982. Ivyo bikorwa babifashanya na Pasitori Algot
Edlund n’umugore wiwe bari baje mu Burundi mu mwaka
wa 1981, bavuye kwigisha mu mashure ya Bibiliya i Kongo
no mu Rwanda. Iryo shure ryatanguranye abanyeshure 17
bava mu mashengero atandukanye.
 Abo ku Mugara bari Ntunzwenayo Augustin,
Ndikumana Emmanuel, Karihanyi David, Barambona
Sharutiyeri, Banyicanzi Ferdinand.
104
 Ab’i Kiremba bari Niyungeko Silas, Nyambirigi
Ezekiyeri, Ciza Aloys, Ngomirakiza Eliya na
Bucabanga Zakayo.
 Ab’i Kayogoro bari Niyungeko Emmanuel, na Minani
Eliya.
 Ab’i Gishiha bari Barasukana Ezekiya, Mpangaje
Natanayeli, na Sindayigaya Fanuel.
 Uw’i Bujumbura yari Nshimirimana Léonard
 Uwo mu Rusagara yari Barateranya Fidéli
Abo banyeshure ni bo babaye imfura mur’iryo shure IBM,
barangije mu mwaka wa 1983 bayimazemwo imyaka 4
babona guhabwa impamyabushobozi.
Algot Edlund n’umugore wiwe baciye bafatanya kwigisha
mu mashure ya Bibiliya, iryo ku Mugara n’iryo mu
Kayogoro. Pasitori Elgot Edlund n’umugore wiwe bitabiye
Imana ku Mugara ari abigisha mur’iryo shure, baca
bahambwa ngaho ku Mugara.
Mu mwaka wa 1982, Pasitori Stenlund Roland asubiye
muri Sweda yakorewe mu ngata na Yan Atterklint
afadikanije n’umugore wiwe Bigittha Atterklint gushika mu
mwaka wa 1985.
Kuva mu mwaka wa 1985 kugeza mu mwaka wa 1987 ni
Misiyoneri Margit Söderlund yayirongoye afatanije
n’abigisha b’abarundi. Mu mwaka wa 1987 Margit
Sôderlund yagiye mu buruhuko, aca aja kubandanya
kwiga muri Amerika, ishure ica isigara irongowe na
Misiyoneri Sivert yakora mw’ishengero rya Karama i
Muyinga. Mu mwaka wa 1989, Margit Söderlund yaciye
agaruka kuyobora iryo shure kugeza mu mwaka wa 1990,
aca akorerwa mu ngata na Misiyoneri Pasitori Henry
Stälgren afadikanije n’umugore wiwe Anna-Carin Stälgren.
105
Uwo Henry Stälgren ni we yarondeye imfashanyo yo
gusubiramwo amazu y’ishure ashaje, yubakisha uburaro
bw’abanyeshure, yubakisha aho barira n’ibiro vy’ishure.
Aca yongeramwo ibindi vyigwa bitahora bitangwa nko
kwandikisha imashini, ashiraho n’aho gushingura no
gusomera ibitabo (Bibliothèque).
Abo bamisiyoneri
barateje imbere cane
ishure rya Bibiliya ryo
ku Mugara mu kanya
gato bamaze
barirongoye
Mu mwaka wa 1993, Misiyoneri Rolan Björkested
n’umugore wiwe Lena Björkested baciye bakorera mu
ngata umuryango wa Pasitori Henry Stälgren, baca
barongora iryo shure kugeza mu mwaka wa 1994.Mu
mwaka wa 1995, Margit Söderlung yongeye kugaruka
kurongora iryo shure.
Mu mwaka wa 1998 ni ho Margit Söderlung yaronka
umumisiyonerikazi yitwa KristinaYonzén aje kumufasha
mur’ayo mabanga yo kurongora iryo shure. Bageze
gukukuruka, uwitwa Fafari ni we yaciye arongora iryo
shure. Uwo na we yahavuye agwa asubirirwa na
Simbananiye Olestin mu burongozi bw’iryo shure kugeza
n’ubu. Imana ishimwe cane ko Fafari yongeye kuvyuka.
Mu gihe umwe mur’abo bayobozi yaba afatiriwe mu bindi
bikorwa, ishure ryahagarikirwa n’umumisiyoneri
106
yumvikanyweko n’amashengero ahurikiye mw’ishiraha-
mwe CEPBU.
Uwo mwigeme, yigeze
gukora mw’ishure
y’inderabigisha ya
Kiremba ari mu
barongozi bamaze igihe
kire-kire barongoye
ishure IBM ku Mugara
Aha twovuga nka Karin Ferström mu mwaka wa 1989 na
Viola Lindgren mu mwaka wa 1990. Uwo
mumisiyonerikazi Viola Lindgren yari yarigeze kuba
umuyobozikazi w’amashure mato-mato ku Mugara,
arigisha abapasitori, arigisha yongera arongora ishure rya
Bibiliya. Kandi uwo mumisiyonerikazi yarakoze cane i
Kiremba aho yamaze igihe yigisha mw’ishure rya Bibiliya
ry’imyaka ibiri agafasha no mw’iyandikiro ry’ibitabo.
Abayobozi b’iryo shure bakorana n’abigisha bava irya n’ino
mu Burundi nka Niyuhire Léopold yaguye ku Mugara
ahitanywe n’amagume mu mwaka wa 1997, Vyimana
Eliyazari, Kajondogori Petero, n’abava i Kongo nka Fedha,
Rikky Bukulikile, Rusagara Yosefu na Masiriki
Mwambutsa.
VI.4. Iyandikiro ry’ibitabo n’ibinyamakuru
Kugeza mu mwaka wa 1960 amashengero ya pentekote
ageze kwikukira, nta yandikiro ry’ibitabo ryariho mu
107
mashengero ya pentekote mu Burundi atari i Kivu muri
Kongo.
Uwo mwigeme yakoze mu
mashure ya Bibiliya ya
Mugara na Kiremba
arongera afasha
mw’iyandikiro ry’ibitabo i
Kiremba
Iyandikiro ry’ibitabo ryatanguye mu mwaka wa 1974 mw
ishengero rya Kiremba. Mur’uwo mwaka habaye ikanguro
mw’ishure ry’inderabigisha ry’i Kiremba (Ecole Normale de
Kiremba) no mw’ishure ry’inyigishamibano ry’abigeme
(Foyer social).
Baca barondera kumenyesha ayandi mashengero ibiriko
biraba. Mur’ico gihe nta mashine zo kwandika ibitabo
zariho, baciye bikora ku mashine zo mu biro, zakoresha
stinciles, bagaca bagwiza impapuro bakoresheje imashini
yitwa stincileuse. Ni mur’ubwo buryo haciye hatangura
kwandikwa ikinyamakuru citwa “Ijwi rya pentekote”.
Ni ho umumisiyoneri yari umuyobozi w’iryo shure
ry’inderabigisha, yitwa Bengt Halldorf, yaca agira
iciyumviro co kurondera imashine zo kwandika ibitabo muri
Sweda, izo mashine zibonetse iyandikiro ry’ibitabo ryaciye
rikomera cane kugeza n’aho ayandi mashengero
n’amashirahamwe atandukanye arihurumbira.
VI.5. Irerero ry’impfuvyi n’ikigo c’abana bagendana
ubumuga
Kugeza amashengero yikukiye nta bigo nk’ivyo vyari
bwatanguzwe. Ariko mu nyuma ivyo bigo vyaciye
108
bitanguzwa n’abamisiyoneri i Kiremba no mu Gakwende.
Twovuga nk’umwigeme yitwa Inger-Britt Ahlström yakoze
cane mw’irerero ry’impfuvyi ry’i Kiremba, akorana
n’abigeme babiri mu burongozi bw’iryo rerero ari bo Perusi
na Orepa.
VI.6. Amashure nyigishamibano (Foyers sociaux)
Igikorwa ca mbere abamisiyoneri batanguriyeko, cari ico
kwumvisha abantu ko bakwiye kurungika abigeme
mw’ishure. Abavyeyi babona ko abakobwa bakwiye
kumenya kurima no guteka gusa atar’ uko badashobora
kuronka abagabo. Bamaze kujijuka, ishengero rya Mugara
ryabaye irya mbere ryatanguje ishure ry’abigeme
b’imiyabaga. Mu mwaka wa 1943, ni ho umumisiyonerikazi
Siri Karlsson yatanguza ishure ry’abakenyezi ririmwo
abanyeshure 12.
Ico gikorwa carateye imbere gica gitanguzwa irya n’ino mu
bundi bubwiriza. Abamisiyoneri batari bake barakoze
mur’ayo mashure aha twovuga nka Eva Bodén, Karin
Fernström n’abandi bafadikanije n’abigisha b’abarundi.
Ivyo bikorwa vyaratangujwe no mw’ishengero rya Kiremba
aho bashoboye gusohora abigeme benshi barangije
amashure, abenshi muri bo bafasha mu mavuriro akukira
amashegero.
VI.7 Umutwenzi
Igihe abamisiyoneri bashika mu Burundi, ikintu ca mbere
baherako kw’ari ukwigisha abantu gusoma no kwandika,
hamwe no guharura. Bigishirizwa ku bitambara,
bagakoresha n’ibitabo bimwe bimwe vyari mu rurimi
rw’igiswahili, ibindi vyari mu kirundi nk’icuririzo, ivyatowe
n’ibindi. Ivyo vyafashije benshi kuko nk’abaronka
109
umuhamagaro wo gukorera Imana baba bazi gusoma no
kwandika mbere bazi no guharura.
Amashengero ya pentekote amaze kubona ubukene
abakristo bari bafise bwo kumenya gusoma no kwandika,
mu mwaka wa 1982, afashijwe na CEPBU, yaciye
atanguza umugambi wo kurwanya ubujuju mu kwigisha
abantu gusoma no kwandika, hamwe no guharura bise
«Umutwenzi» mu mashengero yose. Mur’ivyo vyigwa,
hakoreshwa indinganizo (programme) bise “Umutwenzi”
ya Robert Rice.
Uwo mugambi umaze kwemerwa n’amashengero yose,
waciye utanguzwa. Intumbero yawo kwari ukwigisha
gusoma no kwandika be no guharura abantu bakuze
bataronse amahirwe yo kuja mw’ ishure. Ico gikorwa cari
gihagarikiwe na Bucabanga Zakayo afatanije
n’umumisiyonerikazi yitwa Marione mu gihugu cose. Kandi
uwo mugambi wabaye ngirakamaro cane kuko wafashije
benshi kumenya gusoma, kwandika no guharura.
VI.7 Ibindi vyaranguwe.
Amashengero yararanguye imigambi myinshi
y’iterambere. Aha twovuga nko gukwiragiza mu mihana no
mu mashure amazi meza, gutera ibiti, kwubaka inganda
(ateliers), amashure y’abana yo ku musi w’Imana (sundy
scool) n’ibindi vyinshi tutadondaguye.
VII. INGENE AMASHENGERO YATANGUJWE N’A-
BAMISIYONERI YIKUKIYE
Igikorane c’abamisiyoneri caba uko umwaka utashe, ni co
cari gifise ububasha bwo kwereka abamisiyoneri iyo baja
kurangurira imirimo, hagafatirwamwo n’ingingo zo
gutanguza imisiyoni mishasha kugeza ku mwaka wa 1960-
110
1961. N’aho vyari bimeze gurtyo carazira kikaziririzwa
kwivanga mu vyerekeye ingingo zifatwa n’ishengero rya
pentekote rimaze kuronka ubwigenge (Autonomie).
Mu mwaka wa 1959, mu gikorane ben’ico, ni ho hafatwa
ingingo yuko hakwiye gutegugwa igikorane cihuta i
Bujumbura uwo mwaka utarashira, kikitabwa
n’abazezwashengero n’abamisiyoneri gusa.
VII.1. Inama y’abamisiyoneri n’abazezwashengero bo
muri Kongo no muri Rwanda-Urundi yabereye i
Buvira
Ababirigi bamaze gushinga ko kw igenekerezo rya 30
ry’ukwezi kwa gatandatu mu mwaka wa 1960 Kongo
mbirigi izoca yikukira, mu kwezi kwa gatatu k’uwo mwaka,
abazezwashengero (anciens) bo muri Kongo n’abo muri
Rwanda-Urundi baciye batumirwa mu nama
y’abazezwashengero n’abamisiyoneri, itumweko na
Pettersson Simon yaserukira ishirahamwe
ry’abamisiyoneri MLS, na Yohana Ruhigita tutibagiye John
Schenell. Iyo nama yabereye i Buvira muri Kongo.
Abamisiyoneri bo mu mashengero ya pentekote bama
bemeza abantu yuko intumbero yabo ari ugutanguza
amashengero ya pentekote afise ubwigenge arongowe
n’abanyafrika. Mugabo kugeza mur’ico gihe nta shengero
na rimwe mu karere bakoreramwo ryari rirongowe
n’umunyafrika. Nk’uko tubisoma mu gitabo canditswe na
Kayogoro mu gihe co kwigina umwaka wa yubile,
abamisiyoneri ni bo bari barongoye ibikorwa vyo mw
ishengero ariko abarundi barabafasha muri bimwe-bimwe.
Iyo abamisiyoneri bagiye kuvuga ubutumwa, abarundi
bamaze kumenya igiswahili barabafasha gusobanura mu
kirundi. Ariko hariho ibikorwa vyari bigenewe gusa
abamisiyoneri nko kurongoza n’ibindi1. Abatigwa mu
111
mabanga yo kuba abazezwashengero ntibigera bamenya
amategeko agenga ishengero. .
Abo ni bo batumyeko inama yo kwiga ikibazo c’umuzo wo kwikukira i Kongo
Mur’iyo nama abamisiyoneri batanze ivyiyumviro bitatu
kugira ngo abarongozi b’amashengero b’abanyafrika
bihitiremwo ico bagomba:
1. Ibintu bikwiye kuguma uko vyahora;
2. Hakwiye kuba amategeko ngenderwako abiri rimwe
rikagenga amashengero irindi rikagenga iryo
shirahamwe ry’abamisiyoneri (MLS);
3. Ishirahamwe ry’abamisiyoneri rikwiye kuhava, abari
muri ryo bo n’ubutunzi bwaryo bikinjira mu
mashengero.
Ivyo vyiyumviro bimaze gushikirizwa mur’iyo nama,
abanyafrika baciye bahitamwo iciyumviro kigira gatatu.Ni
ukuvuga ko ishirahamwe MLS ryategerezwa gufutwa,
uburongozi ryahorana mu bikorwa vy’amashengero ya
pentekote bukaja mu minwe y’abenegihugu haba mu
butunzi, mu vyerekeye amashure no mu vyerekeye
ubuvuzi.

112
Abamisiyoneri baca bagwa mu gahundwe, barababara
cane, kuko batahuye kw’abanyafrika bahisemwo
kubirukana bagasubira iyo baje bava. Baca bafata ingingo
yo kuja kwiherera ari bonyene kugira ngo bige ico kibazo.
Bavuye mu mwiherero, uwari arongoye inama, Simon
Pettersson, yaciye amenyesha abitavye inama,
kw’abamisiyoneri bemeye kw’amashengero ya pentekote
asaba kwemererwa kubaho muri Leta, kugira ngo abone
gukora ku mugaragaro (Statut civil canke personnalité
civile) atari mu kibaba ca MLS.
Inama igira kabiri ya bose yabereye i Bujumbura. Imbere
y’uko inama iba, umumisiyoneri umwe wenyene Gosta
Palmertz, yari umwe mubamisiyoneri ba kera, ni we
yashigikiye abanyafrika nk’uko biri mw’ikete yandikiye Ake
Boberg yari agiye gusubirira Samuel Nystrom yari
umunyamabanga w’imisiyoni y’i Filadelufiya, i Stokolme.
VII.2. Impari zabereye muri Sweda kuvyerekeye
ivyavugiwe mu nama y’i Buvira
Kw igenekerezo rya 27 na 28 z’ukwezi kwa 4 k’umwaka wa
1960, abaserukira amashengero ya pentekote yo muri
Sweda, hamwe n’abamisiyoneri bari bagiye mu buruhuko
muri Sweda bavuye aho barangurira igikorwa c’Imana muri
Kongo, muri Rwanda-Urundi no muri Tanzaniya, baciye
bahurira i Stokolme kugira ngo bihweze ivyavuye mu nama
yabereye i Buvira. Bamaze kuvyumviriza no guca hirya no
hino ivyo vyiyumviro, abaserukira amashengero ya
pentekote yo muri Sweda, baciye bashikiriza ko
ishirahamwe ry’abamisiyoneri ryitwa “Mission Libre
Suédoise” MLS ryofutwa. Baca batora abapasitori bane
baserukira amashengero ya pentekote yo muri Sweda ngo
bitabe
-------------------
Ishngero rya Pentekote ryo mu Kayogoro ikigabane ca 13
113
inama yariko itegurwa i Bujumbura, bazanywe no
gushikiriza ico ciyumviro cavuye mu nama yo muri
Stokolme no kumenyesha aho ayo mashengero
abarungitse ahagaze. Abapasitori batowe n’aba bakurikira:
 Lewi Pethrus na Willis Säve bo mw ishengero rya
Filadelufiya ry’i Stokolme,
 Harald Gustafsson wo mw’ishengero Goteborg
 August Brissler wo mw’ishengero ryo muri Ostersund.
Abo ni bo barungitswe guserukira ayo mashengero mu
nama y’i Bujumbura no gushikiriza ivyavuye mur’iyo nama
yabereye i Stokolme.
VII.3. Ingene habaye ibisikanya mu burongozi
bw’amashengero n’ingingo zafatiwe ishiraha-
mwe MLS ry’abamisiyoneri
Intumwa z’ayo mashengero yo muri Sweda, zaciye zifata
urugendo rwo kuza mu Burundi. Bashitse i Bujumbura, abo
bapasitori babanje kugira inama ukwabo hamwe
n’abamisiyoneri kw’itariki 30 na 31 z’ukwezi kwa gatanu. Ni
ho Lewi Pethrus yashikiriza raporo y’ivyavugiwe mu nama
yabereye i Stokolme.
Hageze inama y’abatumire bose, Lewi Pethrus ni we
yatanguye gufata ijambo. Mw’ijambo yashikirije,
yamenyesheje abitavye inama ko ibikorwa vyose
vy’ishengero bitegerezwa kwegukira abanyafrika ijana
kw’ijana nk’uko Bibiliya ivuga. Aca ashikiriza abari bitavye
inama ko ishirahamwe ry’abamisiyoneri ryitwa MLS
ritegerezwa gufutwa.
Nk’uko twari twamaze kubibona, abamisiyoneri ntibari
bwigere biyumvira kw amashengero barongoye
bazoyakwa, maze uburongozi bwayo bugashikira
abanyafrika. Abo bamisiyoneri ni bo bari bazi amategeko
bisunga mu kurongora amashengero aho bagenda
114
bayatanguza. Abazezwashengero barobanurirwa kuvuga
ubutumwa, kubatiza, gusangiza, kurongoza n’ibindi nk’ivyo
mugabo batazi amategeko agenga ishengero. Kanatsinda
ntibigera bicarana n’abamisiyoneri mu manama bagira iyo
batumiwe mu bikorane vyaba uko umwaka utashe ngo
bige amategeko akoreshwa mu burongozi bw’
amashengero. Hageze inama, abamisiyoneri baca
biyonjorora bakaja ukwabo kwiga ibibazo vyo mu
mashengero bakoreramwo n’ivyerekeye amategeko
agenga amashengero.
Mur’iyo nama yabereye i Bujumbura, Pasitori Willis Save
ni we yaciye yunganira Pasitori Lewi Pethrus, aca arafata
ijambo, ashikiriza uko abaserukiye amashengero ya
pentekote yo muri Sweda biyumvira ko vyogenda mu
gushikirizanya amabanga yo kurongora amashengero:
 Ishengero ryose ritegerezwa kwisabira muri Leta
urupapuro rwemeza ko ririho (personnalité morale)
kugira ngo rishobore kuronka uburenganzira bwo
kugura, kudandaza amazu canke amatongo, kugira
ubutunzi no kurangura imirimo yose itegekanijwe
n’amategeko y’igihugu.
 Kandi ku buryo bw’umwihariko, urwo rupapuro
rwemeza kubaho rwategerezwa gusabirwa amazu
y’abamisiyoneri, i Kivu na ho rugasabirwa ishure
ry’abaswedwa, hamwe n’iyandikiro ry’ibitabo.
 Mu gihugu kimwe-kimwe hategerezwa gutanguzwa
ishirahamwe ryo gufashanya mu vyerekeye ivy’imibano
n’iterambere rifise amategeko arigenga n’uruhusha rwo
gukora ku mugaragaro (Statut civil).
Mur’iryo shirahamwe igitigiri c’abanyafrika categerezwa
kungana n’ic’abamisiyoneri. Kand’ imbere y’ubutegetsi
bw’igihugu, rigaserukirwa n’abantu babiri: umunyafrika
n’umuswedwa.
115
Izo ngingo zimaze gufatwa, abamisiyoneri b’abagabo bari
barongoye amashengero vyarabagoye kurekura. Harald
Gustafsson yagerageje kubahumuriza ko bazoshishikara
kwigisha mu mashure ya Bibiliya bagira batanguze ariko
biranka. Ah’ubwo abenshi mur’abo bamisiyoneri baciye
batangura kuva mu gihugu c’Uburundi mu ntango
z’umwaka wa 1961.
Haciye hategugwa itegeko rigenga ishengero iry’ariryo
ryose rivugwamwo inzego zitegerezwa gufata ingingo
mw’ishengero ni zo z’izi:
 Ihuriro ry’abajejwe kurongora ishengero rigizwe n’abungere
n’abazezwashengero, (Conseil de l’Eglise)
 Inama y’abagize ishengero ryose ijejwe gutora abinjira
mw’ihuriro ry’abajejwe kurongora ishengero (Assemblée
Générale)
Mur’iyo nama yabereye i Bujumbura, ni ho habereye
amatora y’abungere ba mbere, hagenwa n’abungere ba
kabiri b’amashengero ahawe intahe yo kwikukira uko ari
atandatu.
VII.3. 1. Ibisikanya mu burongozi bw’amashengero
Mur’iyo nama yariko irabera i Bujumbura, babanje
kwumvikana ingene amatora akwiye kugenda. Uwatorwa
kugira ngo asubirire umumisiyoneri yaba ari
umuzezwashengero w’umurundi yahora akorana n’uwo
mu misiyoneri mu bikorwa vyo kurongora ishengero.
Bahejeje gutora umwungere wa mbere, baca batora
n’umwungere wa kabiri mu bari basanzwe baratiwe mu
mabanga yo kuba abazezwashengero.
Bamaze kwumvikana ingene bikwiye gutunganywa mu
gushiraho inzego zirongora ayo mashengero ahawe intahe
yo kwikukira, baciye batora abayarongora. Abatowe rero
 116
uwa mbere yaba umwungere wa mbere w’ishengero,
icegera ciwe akaba umwungere wa kabiri.
Abatowe mur’urwo rwego rwo kurongora amashengero ya
pentekote nk’uko vyari bihejeje kwumvikanwa mur’iyo
nama ni aba bakurikira:
1. Mw’ishengero ry’i Kiremba hatowe Pasitori Abedunego
Madengo ngw abe umwungere wa mbere, uwa kabiri
aba Pasitori Manase Mafefere;
2. Mw’ishengero ryo mu Kayogoro hatowe Pasitori Lazaro
Samiye ngw abe umwungere wa mbere, uwa kabiri aba
Pasitori Daniyeli Ntampera;
3. Mw ishengero ry’i Gishiha hatowe Pasitori Ndirabika
Petero ngw abe umwungere wa mbere, uwa kabiri yari
Pasitori Yosiya Buhagaze;
4. Mw ishengero ryo ku Mugara, hatowe Pasitori
Batolomayo Hajayandi ngw’abe umwungere wa mbere,
uwa kabiri aba Pasitori Simiyoni Gasindi;
5. Mw ishengero ry’i Nyanza-Lac hatowe Pasitori
Yonatani Kidebuye ngw abe umwungere wa mbere,
uwa kabiri aba Pasitori Ntirwahavuye Thomas;
6. Mw’ishengero ry’i Bujumbura, hatowe Jerôme
Bagwiza ngw’abe umwungere wa mbere, uwa kabiri
aba Kiburugutu Petero.
VII.3.2. Gushiraho ishirahamwe risubirira MLS
Ivyo birangiye, baciye bemeza gushiraho ishirahamwe ryo
gufashanya risubirira ishirahamwe ry’igenga
ry’abamisiyoneri b’abaswedwa, MLS. Iryo shirahamwe
rihurikiyemwo amashengero ya pentekote yo mu Rwanda
no mu Burundi, bamaze kurishinga baciye baryita
Associations d’entraide des Eglises de Pentecôtes
(ADEEP). Pasitori Manase Mafefere, aca atorwa mu
117
mabanga yo guserukira iryo shirahamwe muri Leta ari
kumwe na misiyoneri Ake Boberg. Ibihugu vy’Uburundi
n’Urwanda bimaze kwikukira mu mwaka wa 1962, igihugu
kimwe ukwaco caciye kigira ADEEP yaco.
Ivyo birangiye, Pasitori Manase Mafefere yaciye afata
ijambo, akengurukira abamisiyoneri bari barongoye
amashengero ko babareze neza kandi ko bemeye
kubisikanya mu mabanga yo kurongora amashengero mu
mu mwumvikano ntangere.
Abo ni bo
batowe
guserukira
ADEEP
muri Leta
Inyuma y’ivyo, umumisiyoneri yafashe ijambo ryo gukeza
abatowe kubasubirira mu mabanga yo kurongora
amashengero, yavuze ijambo rikomeye ati: “Abirabura
mugiye gusubira mu kibanza twahoramwo co kurongora
amashengero. Mugabo ntimwiyumvire ko mugiye kuja
hejuru, natwe tugasubira hasi. Tuzoguma hejuru, namwe
mutegerezwa gukura mukaduga kugira ngo mudushikire”
Amategeko ngenderwako y’iryo shirahamwe amaze
kwandikwa nk’uko vyasabwe, yaciye ajana n’ivyete bisaba
kw ishengero rya pentekote ryose ryemererwa ko ririho
(Personnalité morale) gurtyo ishengero ryose ukwaryo
rikabona kuronka uruhusha rwo gukorerako ku
118
mugaragaro no kugira ijambo ku butunzi bwaryo, rikaronka
n’uburenganzira bwo kugira ibibanza vyo kwubakamwo
amasengero canke amazu akenewe, no kugira amatongo,
kugira amashure canke amavuriro n’ubundi butunzi bwose
bw’ishengero.
Mu kwezi kw’icumi k’umwaka wa 1960 uguhana amatungo
n’amatongo hagati y’abamisiyoneri n’abarongozi
b’amashengero ahawe kwikukira vyari vyamaze
gutegurwa neza, biba birarangiye. Mu kwezi kwa gatatu
k’umwaka wa 1961 ADEEP iba iremewe.na Leta. Inyuma
y’amezi atandatu ishirahamwe ry’abamisiyoneri (MLS) rica
rirafutwa, uburongozi bw’amashengero ya pentekote mu
Burundi buca bwegukira abarundi.
Pasitori Mafefere Manase yaserukira ADEEP muri Leta,
yabaye mu bazezwashengero ba mbere bashoboye
kuronka ibakwe ryo kugendera amashengero ya pentekote
yo muri Sweda.
119
Mu mwaka wa 1973, iryo shirahamwe ADEEP ryagize
ingorane zikomeye, kuko Umukuru w’igihugu c’Uburundi,
Mikaheli Micombero yafashe ingingo yo kurifuta bo
n’iradiyo CORDAC y’ishirahamwe ry’amashengero
y’abaporoti (Alliance des Eglises Protestantes) ayagiriza
ko ari yo akwiragiza amakuru yo gurtyoza igihugu
c’Uburundi mu makungu
Iyo ngingo yo gufuta iryo shirahamwe, imaze kuvugwa mu
nsamirizi y’Uburundi ku musi wa gatandatu, bukeye
abasirikare b’i Bururi baciye bazinduka gushira amagufuri
ku miryango y’urusengero rw’i Kiremba, kuko bagira ngo
hafuswe ishengero rya pentekote. Mur’ico gihe, Pasitori
Musa Muhandanyi wo mw ishengero rya Gishiha ni we yari
yagenywe guserukira iryo shirahamwe muri Leta, asubiriye
Pasitori Manase Mafefere. Ivyo vyashitse vyahuriranye
Barunaba Karorero imfura ya Pasitori Madengo
Abedunego yariko ararangiza amashure mu Buswise, yaje
mu buruhuko.
Umwungere wa mbere Madengo Abedunego yaciye
amanuka gusaba umubonano ku kirimba c’umukuru
w’igihugu aherekejwe n’umuhungu wiwe. Baca baja mu
mpari, bemeza Mikaheli Micombero ko hafuswe
ishirahamwe ry’amashengero ya pentekote ariko ko
ishengero ryose rizwi muri Lera (rifise personnalité
morale).
Aca amwumvisha kw’ ishengero riramutse rikosheje, ariryo
ryohanwa, kw’amashengero ya pentekote adakwiye
gufatwa mu kivunga. Umukuru w’igihugu Mikaheli
Micombero, abuze ishengero yagiriza ko rikwiragiza
amakuru yo gurtyoza igihugu, canke iryo shirahamwe
ADEEP, yaciye yemera ko iryo shirahamwe ryohindurirwa
izina kuko yanse kwivuguruza, mugabo aca afata ingingo
120
yo kwirukana abamisiyoneri bose bo mu mashengero ya
pentekote yo mu Burundi.
Abamisiyoneri bose baza bamaze kwegeranira mu
gisagara ca Bujumbura, bagira bafate indege ibasubiza i
wabo. Amavuriro yari arongowe n’abamisiyoneri yaciye
abura abavuzi, aca arugarwa. Impari zarashishikaye
kugeza aho iyo ngingo ifutwa abo bamisiyoneri bamaze
kwegeranirizwa ku kibuga c’indege ca Bujumbura. Ivuriro
ry’i Gishiha ryari rirongowe n’abigeme babiri, Solveig
Bergman na Inga Sandberg baciye bagenda i Bujumbura
basiga ryugaye. Bagarutse kuryugurura abantu bamerewe
nabi.
Iryo shirahamwe rya ADEEP ni ko guca rihinduka CEPBU,
rigaca rirongogwa na Barunaba Karorero yariserukira muri
Leta (RL) igihe kire-kire, Mbonihankuye Eliya ni we
yahamubera iyo afatiriwe n’ayandi mabanga (RLS).
VII.3.3. Ibisikanya mu migambi y’iterambere
Muri make, ibisikanya mu nzego zirongora, amashure
canke amavuriro igihe amashengero yahabwa kwikukira
mu mwaka wa 1960 vyagenze neza nk’uko tubibona aha
munsi.
VII.3.3.1. Ibisikanya mu burongozi bw’amashure
Mu mashure mato-mato, abigisha baronse inyigisho
zibaha ubumenyi bwo hejuru baciye basubirira
abamisiyoneri, baba abarongozi b’amashure. Mur’ico gihe,
Ake Boberd na Olof Djurfeldt bakorana na Ezekias Kabura
mu bugenduzi bw’amashure mato-mato yose akukira
amashengero ya pentekote mu Burundi. Ezekias Kabura
yaciye yitaba Imana ahitanywe n’indwara amaze igihe gito
mur’ayo mabanga.
121
Kugeza ico gihe nta shure ryisumbuye ryari bwaboneke mu
mashengero ya pentekote yo mu Burundi. Ayo
mashengero yarungika abanyeshure mu mashure
yisumbuye i Kongo cane-cane i Lemera.
Kugira ngo haboneke incabwenge, haciye hafatwa ingingo
ko abahejeje ishure ryisumbuye bafise amanota meza
borungikwa kwiga i Bulaya. Abagiye kwiga i Bulaya ba
mbere bari Karorero Barunaba imfura y’umwungere wa
mbere w’ishengero rya Kiremba Abedunego Madengo,
hamwe na Meshaki Mananga bagiye kwiga muri Swise
bakagaruka bafise impamyabushobozi ya Licence.
Abo ukw ari babiri barajejwe amabanga akomeye muri
Kaminuza y’Uburundi, Mananga Meshaki yari ajejwe
ivyerekeye uburaro n’ubutunzi (régie des oeuvres
Universitaire) Karorero Barunaba na we yamaze igihe ari
icegera c’umuyobozi wa Kaminuza afadikanije ayo
mabanga no kuba umuserukizi w’ishirahamwe CEPBU
ryasubiriye ADEEP imbere ya Leta. Mu gihe cose
yaserukira CEPBU imbere ya Leta, Pasitori Mbonihankuye
Eliya ni we yahamubera igihe afatiriwe n’ayandi mabanga.
Karorero Barunaba yaciye agenwa mu mabanga akomeye
kugeza n’aho aba umuyobozi wa Kaminuza y’Uburundi.
I Kongo hamaze kwononekara kubera intambara
z’urutavanako, abamisiyoneri bamaze kubona ko
batagishobora kurungika abanyeshure kwiga i Kongo,
baciye baja inama n’abamisiyoneri b’ayandi mashengero
haba ay’abasamwesi (Eglise anglicane) canke
ay’abagenzi (Eglises des amis) yari amaze kuronka
amashure yisumbuye, kugira ngo babarungikire
abanyeshure bo mu mashengero ya pentekote.
122 123

Uwarongoye Abo ni bo bagiye

CEPBU mu bakurakuranwa
ntango n’icariho mu buyobozi
ciwe bw’ishure
ry’inderabigisha
ry’i Kiremba

Baciye bavyemera, baca barungika abanyeshure
mw’ishure ry’inderabigisha ry’abigeme ry’i Buhiga n’ishure
ry’inderabigisha ry’i Kibimba ry’abahungu.
Abize mur’ayo mashure twovuga nk’umwigeme Magi wo
ku Mugara yaronkeye impamyabushobozi yo kwigisha
(moyenne pédagogique) i Buhiga na Bukuru Novi w’i
Kiremba yatanguriye i Buhiga agahereza i Kiremba na
Macumi Eugénie etc.
Abamisiyoneri n’abungere b’amashengero ya pentekote
yo mu Burundi, bahuriye mu nama yabereye mw ishengero
ryo ku Mugara mu mwaka wa 1962 kugira ngo bige ingene
hoboneka ishure ryisumbuye riramura abigisha bafise
ubumenyi nyabwo kuko batari bagishobora kurungika
abanyeshure kwiga i Lemera.
Mur’iyo nama, haciye hafatwa ingingo ko hotanguzwa
ishure ryisumbuye ry’inderabigisha. Ryari gutangurira ku
Mugara, mugabo kubera ko batari bafise amazu, baca
bahitamwo ko riba riratangurira i Kiremba. Iryo shure
ry’inderabigisha ry’i Kiremba rica ritangura mu mwaka wa
1963.
Abayobozi b’iryo shure bagiye barakurakuranwa bari Henri
Stollgrën na Bengt Halldorf kugeza habonetse umurundi
yitwa Kanyabitabo Andereya, umukristo wo mw ishengero
rya pentekote rya Kiremba, yari azanye impamyabusho-
bozi ya Licence yo kwigisha, ahawe na kaminuza
y’Uburundi mu mwaka wa 1976.
Abo bamisiyoneri ukw ari babiri, bakoze neza cane ku
buryo ishengero rya Kiremba ryabagomwe
rikabarobanurira amabanga y’ubuzezwashengero.
Kanyabitabo Andereya amaze igihe gito yigisha, yaciye
agenwa mu mabanga y’ubuyobozi bw’ivyigwa (Prefet des
Etudes).
Mu mwaka w’ishure wa 1986-1987 ni ho yagenwa mu
mabanga yo kuyobora ishure rya Kiremba, aca akorera mu
ngata abo bamisiyoneri, ayobora iryo shure kugeza
akukurutse.
Mu nyuma, vyaragaragaye cane ko kurungika
abanyeshure kwiga i Bulaya bisaba uburyo bwinshi, baca
bahitamwo kurungika abanyeshure ba mbere baciye
ubwenge bari barangije ishure ry’inderabigisha ry’i
Kiremba kwiga muri kaminuza y’i Kisangani muri Kongo,
umutekano wongeye kugaruka. Mu banyeshure ba mbere
124
barungitsweyo, harimwo Léon Ndikunkiko na Yeremiya
Nisubire yazimanganiye iyo yari kwiga i Kisangani.
Uwo ni we yakoreye mu ngata
abazungu ayobora Lycée ya
Kiremba kugeza akukurutse
Kanyabitabo André
Abo bagiye bakwirikira Bigawa Samueli ava mw ishengero
rya Gishiha. Léon Ndikunkiko, agarutse yakoreye cane mu
biro kwa Perezida ari umujenama, Bigawa Samweli na we
yarigishije muri Kaminuza y’Uburundi, yongera araba
n’umushikiranganji w’indero mu mashure ya Kaminuza.
VII.3.3.2. Ibisikanya mu vyerekeye ubuvuzi
Mu vyerekeye ubuvuzi, nta barundi bari bwige amashure
y’ubuvuzi ngo babashe gusubirira abamisiyoneri mu
mwaka wa 1960. Ivyo vyatumye amavuriro yari amaze
gutangura n’ayatangujwe inyuma yo kwikukira yagumye
mu minwe y’abamisiyoneri. Amashengero afise amavuriro,
yaciye arungika abanyeshure i Bukavu, baja kwiga
ivy’ubuvuzi mw ishure ry’ubuvuzi ry’i Kaziba.
Bavuyeyo, baca basubirira abamisiyoneri mur’ico gikorwa
co kuvura no kurongora ayo mavuriro. Mur’abo harimwo
Niyungeko Japhet na Yakobo Nizigama bo mw ishengero
rya pentekote rya Gishiha, na Magenge Enoce
w’ishengero rya pentekote rya Mugara, na Ndayishimiye
Esron wo mw ishengero rya pentekote rya Kayogoro.
Barangije amashure bategerezwa gukora mu misiyoni
125
yabatumye imyaka itanu, bagakorera mu mavuriro akukira
amashengero yabarungitse kwiga.
VIII. INGENE ISHENGERO RYA GISHIHA RYABA-
YEHO RIMAZE KWIKUKIRA
Ishengero rya Gishiha rimaze kwikukira, umumisiyoneri
yari ahari yaciye agenda. Hagiye haraza abandi
bamisiyoneri bajejwe ivy’ubuhinga haba ubwo kwubaka,
ubwo kuvura canke gukorera mu nganda (ateliers).
VIII.1. Ingene ishengero rya Gishiha ryari ryifashe
imbere y’ikiza ca 1972 n’inyuma yaho.
Kuva rimaze kwikukira, ishengero rya Gishiha ryarateye
imbere cane, ku buryo ryaza rifise umuvugabutumwakazi
rurangiranwa yitwa Nyangoma. Ishengero ryateye rija
imbere kugeza n’aho ritangura kurungika
abavugabutumwa mu Burundi bwa ruguru mu mwaka wa
1965. Ryari rifise umuzezwashengero yabaye Musitanteri
w’ikomine ya Vugizo yitwa Gabo Gabriel yayitwaye imyaka
cumi. Yamara rero mu mwaka wa 1972, ikiza c’intambara
cateye mu Burundi carononye cane ishengero rya Gishiha.
Mur’ico kiza abarimu benshi barapfuye, mbere n’abakristo
benshi b’ingirakamaro harimwo n’umwungere wa kabiri
yitwa Pasitori Ntibarekewe Tito. Abasigaye baciye
bahungira muri Tanzaniya, bajana n’umumisiyonerikazi
yahatanguje yitwa Alice Kjellberg hamwe na Pasitori Gabo
Gabriel na Pasitori Mavumbo Simoni hamwe n’uwo
muvugabutumwakazi Nyangoma. Gabo Gabriel na
Nyangoma, bitabiye Imana i Tanzaniya ariko Mavumbo
Simoni yarahungutse agwa mu Burundi
.
Ishengero ryasigayemwo urwaruka abenshi bari musi
y’imyaka 15. Amashengero yari amaze gutanguzwa mu
Burundi bwa ruguru aca arabura ikiyarongora kuko
126
abavugabutumwa ishengero ryari ryarungitseyo baguyeyo
bahitanywe n’ikiza c’ubwicanyi ca 1972. Haciye haduka
ukwitwara nabi mu bakristo bo mw’ishengero rya Gishiha
cane-cane mu kunywa ivyo bita imitobe itaze, kugira ngo
ikare bashiramwo imbizo. Nta ho yari itaniye n’inzoga
zambiye. Mbere kuko abakatolike n’abapagani babona
kw’abaporoti bafise amahera, ntibatinya kuyungurura
inzoga zambiwe, bagahenda abantu ngo ni imitobe.
Ico kibazo c’imitobe cari gikomeye cane ku buryo
n’abaririmvyi canke abavugabutumwa eka mbere
n’abazezwashengero bari baramogoreye kuyinywa,
bamwe ugasanga basigaye baririmba canke bavuga
ubutumwa baborewe.
Abaririmvyi b’i Gishiha basabwe kuja mu gikorane cariko
kirategurwa n’ishengero rya pentekote ry’i Kiremba mu
mwaka wa 1976. Baca batangura gutegura indirimbo
bazoririmbira mur’ico gikorane. Umusi umwe turiko
turategura ico gikorane, twumvise dufise inyota yo
gusenga kugira ngo twuzure Mpwemu Yera. Umugoroba
umwe, duhejeje gutegura indirimbo, aho gutaha
umurongozi aca asaba ko abafise ibibagoye i muhira
botaha, abandi na bo bagasigara barasenga Imana.
Duca twinjira mu masengesho. Haheze igihe kitari gito,
buhwibiriye, ni ho umuriro wa Mpwemu Yera wururuka,
abaririmvyi benshi batangura kuvugishwa mu ndimi
zitamenyekana.
Umwigisha wo kur’iyo shure, yariko ararengana kw’
ibarabara, yumvise turiko turasenga, vyaramuteye ubwoba
kuko atavyo yari amenyereye. Ni ko guca aza arihuta
guhagarika ayo masengesho, ahahurira n’umumisi-
yonerikazi yari arongoye ivuriro ry’i Gishiha Inga
Sandberg. Bahashitse, basanga turarangije gusenga.
127
Uwo mwigisha aca avuga kw’Imana ariyo yatumye ahaca
kugira ngo ahagarike ivyo bintu, kuko kubw’iwe twagira
dusare. Ariko uwo mumisiyonerikazi yari abimenyereye,
yari yiteganye uwo muvyuro igishika cinshi kuko yari
yaravyeretslwe. Aca atangura gushima Imana, aca
aratubwira ko yari yareretswe imvura nyinshi igwa mu
karere k’i Bukurira. Iyo mvura ica ikwira igihugu cose, haba
umuvyuro ukomeye mu gihugu.
Kuva ico gihe ku musi w’Imana, abatari bake mu baririmvyi,
bazinduka mu masengesho kuva isaha imwe y’igitondo
gushitsa isaha zibiri hageze gutegura indirimbo baririmba.
Abaririmvyi baca batangura guhura imitobe itaze, amajwi
yabo aca ararongoroka, batangura kuririmba neza
n’amajwi meza ajana n’ikinanda n’inanga.
Umupfasoni w’umudiyakonikazi yitwa Ruth Nkundukize
yanyiganiye ivyamushikiye bari mu rubanza rw’ubukwe.
Harimwo umuzezwashengero w’umubwiriza. Hageze
kuzimanwa, uwo muzezwashengero aca afata ikirahuri
kirimwo umutobe uhiye, agiha uwo mupfasonikazi. Kubera
yuko yari agihawe n’umupasitori akaba n’umubwiriza
wiwe, biramugora kumwankira, aca aracakira, aranywa.
Agishize uwo mutobe mu kanwa, yumva ijwi
rimukankamira, ngo : « Urasubiriye narakubujije ». Aca
yumva iseseme rirabize, aca yihuta gusohoka, aja
kudahwa. Yambwiye ko yadashwe iyo nzoga gusa
itavanze n’ikintu kindi na kimwe kandi bari bahejeje
gufungura. Kuva ico gihe ntiyongeye kuyikoza ku munwa.
Igikorane kigeze, duca dufata urugendo tuja i Kiremba.
Mur’ico gikorane, hari umuriro w’Imana udasanzwe.
Dutanguye kuririmba, ikoraniro ryose ryarahezagirwa.
Umugoroba umwe, baduhaye umwanya wo kuririmba. Ico
gihe, Pasitori Thomas Wimberg ni ho yar’ari. Tuca
128
turirimba tuvuza ikinanda ururirimbo nanditse ruvuga ngo :
« Baba wetu wa mbinguni, tunasogelea wewe, tunawomba
nguvu yako, ili tuishi nawe, Washa moto ndani yetu, wa
roho mutagatifu, tunaomba wewe bwana, tunakuomba
wewe…. ». Ku musi ukurikira, Pr Thomas Wimberg, afashe
ijambo, yaciye asaba ko twokwongera kuririmba iyo
ndirimbo. Turiko turayiririmba, acarahezagirwa cane.
Turangije, aca avuga n’ijwi rirenga ngo : « Haleluya !
Abarundi baramenye kuririmba! Nari narabigishije
kuririmba birabananira kugeza n’aho nduha ngaheba. »
Turirimvye ishengero ryarahezagirwa, ku buryo abaririmvyi
bari bavuye mu gihugu cose, bumvise uko turirimba, baca
bipfuza kuririmba nk’abanyagishiha. Indirimbo
z’abaririmvyi b’i Gishiha zica ziba rurangiranwa mu gihugu
cose mu bikorane vyagiye birakurikirana haba i Kiremba,
mu Kayogoro canke i Gishiha nk’uko wa mu misiyoneri yari
yareretswe.
Kuva ubwo, n’aho hatari bwashingwe itegeko ryo kubuza
kunywa imitobe itaze, abakristo baciye batangura guheba
kunywa imitobe itaze n’icitwa ikiboreza cose.
Abarongoye ishengero rya Gishiha bamaze kubona ingene
ishengero ricitse iyondoyondo kubere iyo mitobe itaze,
baciye bafata ingingo yo kubuza kunywa ikiboreza cose
uhereye kuri iyo mitobe.
Batanguye gushikiriza iyo ngingo kw’ikanisa uruhimbi
rurangiye. Umwungere Ndirabika Petero yatangaje
kw’abazezwashengero bose banywa imitobe itaze,
basubiriye kuyinywa, kw’ikanisa rikurikira batazoja ku
meza y’Umwami. Umuzezwashengero umwe gusa yitwa
Pasitori Ntibutumirwa Matayo, ni we yanse kuziheba
ahitamwo kuja mu barimu n’abadiyakoni. Kw’ikanisa rigira
kabiri, umwungere Ndirabika Petero, yaciye atangaza
129
kw’abarimu n’abadiyakoni bose banywa imitobe itaze
batazoja ku ruhimbi rw’Umwami rukurikira. Uwo mupasitori
na ho nyene yaranse guheba imitobe itaze ahitamwo
kwibera umukristo asanzwe.
Abakristo bazimogoreye, batangura kuvuga ko
bazibabujije bazoca bigira mu yandi madini. Kw’ikanisa
rigira gatatu, umwungere Ndirabika Petero yongeye
gutangaza k’umukristo wese akinywa imitobe itaze,
atayihevye atazokwongera kwegera ameza y’Umwami.
Aca avuga ijambo rikomeye, ati: “Nopfuma nsigarana
abakristo amajana atatu hako ngira ibihumbi n’ibihumbi,
kw’iherezo ngasanga navunikiye ubusa”.
Uwo muzezwashengero yari yananye, abonye ingingo
ifashwe no ku bakristo banywa imitobe itaze, yaciye asaba
imbabazi, ngo bamusubize mu bubwiriza nk’umuzezwa-
shengero. Ariko ingingo yaza yafashwe yo kwemeza ko
yikuye mu gikorwa c’Imana ntiyahindutse, yarinze arangiza
ubuzima bwiwe ari umukristo asanzwe.
VIII.2 Ingene ububwiriza bwa Kididage n’ububwiriza
bwa mbizi bwegukiye Ishengero rya Kayogoro
Abakristo bo mu Kididagi no ku Mbizi, ntibakiriye iyo ngingo
neza yo kubuza abakristo kunywa imitobe itaze n’ibindi
biboreza. Basavye kworoherezwa bagashishikara banywa
ubushera kubera ko i wabo hatamera ibitoke, kandi nta
yindi mitobe yashobora kuboneka atari ubushera.
Nta bundi buryo bari basigaranye bwo gutegura imisi
mikuru atari ku bifise bashobora kugura amafanta. Kubera
ko ubushera na bwo nyene babutara bugasha, mbere
bigashoboka ko habamwo n’inzoga z’impeke, ishengero
rya Gishiha ryaranse kuborohereza, umwungere Ndirabika
Petero aca afata ingingo yo gukurayo abarimu.Umwigisha
130
w’i Kididagi yitwa Habonye Pierre, yaza yatanguje ishure i
Busango mu Rutana, avuye mu Kididagi, ico kibanza
caciye kibura uwugikwirikirana. Mur’ico gihe ishengero rya
Kayogoro ryaremera kw’abakristo baryo banywa
ubushera. Ni mur’ubwo buryo, ishengero rya Gishiha
ryaciye rihebera ishengero rya Kayogoro ububwiriza bwa
Kididagi n’ububwiriza bwa Mbizi.
Ayo mashure ya Kididagi na Mbizi, ntiyigeze asubizwa
ishengero rya Gishiha, yaciye yegukira ishengero rya
Kayogoro n’aho ivyete vyerekana kw’akukira ishengero rya
Gishiha bikibitswe i Gishiha kugeza n’ubu. Mu nyuma, hino
ya Kididagi, ishengero rya Pentekote ry’i Gishiha ryaciye
ritanguza amashure abiri ariyo Gisumo na Muharuro.
VIII.3 Ingene ikibazo c’imitobe cahagurukiwe n’ama-
shengero yose ya Pentekote.
Ico kibazo cadutse co kunywa imitobe itaze caza caramaze
kwimonogoza mu mashengero yose ya pentekote.
Abarongoye amashengero ya Pentekote mu Burundi
bamaze kubona ingingo zafashwe n’ishengero rya
Gishiha, baciye bacigira hamwe mu nama yabereye ku
Mugara mu mwaka wa 1980. Mur’iyo nama basanze
amashengero yose yaramaze kwandura akaborerwe,
inzoga z’ubuki zari zimonogoje i Kiremba, kandi
haremezwa kw’izo nzoga bazishiramwo wisky kugira ngo
zikare. Imitobe na yo ugasanga n’inzoga zambiwe
bayunguruye. Icari gihambaye cane n’uko zambirirwa mu
kinyegero, abo mu yandi madini mbere n’abapagani
babonye kw’abakristo b’abapentekote bafise amahera,
baca babanza kuziyungurura kugira ngw abo bakristo
babone kuzinywa ata co binona.
131
Haciye hafatwa ingingo yo kubuza burundu imitobe itaze
mu mashengero yose ya pentekote mu Burundi harimwo
n’ubushera bwashobora kwitiranywa n’inzoga z’impeke. Ni
mur’iyo nama hafatiwe ingingo ibuza k’umugore wo
kw’ihari agira kabiri abatizwa, kandi ko kizira gusambuza
urugo rw’umunyakatolike yihannye.
Naho ingingo yo kubuza kunywa imitobe itaze yari yamaze
gufatwa, abantu ntibihutiye kwemera kuyishira mu ngiro
mu mashengero atari make. Igihe kimwe Pasitori
Sindabavimbere Lameke yari arongoye ububwiriza bw’I
Rwizingwe mu karere ka Murambi mu ntara ya Bujumbura,
yagendewe n’umwungere Pr Samweli Niyungeko. Haca
havugwa ubutumwa bwari bwuzuye ubushobozi bwa
Mpwemu Yera. Hafi ishengero ryose n’abakozi b’Imana
bikubita hasi, dayimoni zitangura gutaka, haba
uruyogoyogo mw’ishengero. Baca bafata umwanya wo
gusenda izo mpwemu mbi zari zuzuye mu bantu, ibintu
bibona gusubira mu buryo.
Ku musi w’Imana ukurikira, hongeye kuvugwa ubutumwa
bw’Imana, rya shengero hafi ryose n’abakozi b’Imana
bongera gutembagazwa hasi n’impwemu mbi. Abarongoye
iryo shengero bibaza ico bivako, barazazanirwa.
Bakizazaniwe, ni ho bumva ivyo bisigo vyatura, ngo n’aho
mudusenda ntituzobaheba, kuko bakunda utuyoga, natwe
turadukunda. Bamaze gusenda izo mpwemu mbi, Pasitori
Lameke aca afata ingingo ko bakwiye guhagarika kunywa
icitwa umutobe utaze mu karere arongoye. Abemeye
gukwirikiza iyo ngingo ni ko guca babita Abalameke.
132
Uwo mupasitori yari
yavutse mu mwaka wa
1942 ni we yari yigeze
kurongora ububwiriza bw
i Rwizingwe, none
aheruka kwitaba Imana
mu kwezi kwa 3 umwaka
wa 2023.
Pr Sindabavimbere Lameke
132
Mur’ico gihe, abakristo bava mu ntara zo hagati mu gihugu,
ni bo bakunda kumanukana imitobe itaze i Bujumbura,
ishengero rya Bujumbura rija mu ngorane kubera ivyo.
Umwungere Pr Samweli Niyungeko aca amara igihe
yihaniza ko umukristo wese ava mw’ishengero iry’ari ryo
ryose rya pentekote azongera kumanukana imitobe itaze
kuboreza abakristo b’i Bujumbura azofatirwa ingingo
zikaze zo kumuhagarika mw’ishengero kandi ko azoca
amutangira raporo mw’ishengero avamwo
agasagamurwa. Ni mur’ubwo buryo ishengero rya
pentekote ry’i Bujumbura ryabonye gutekana, umuvyuro
ubona gushishikara na bugingo n’ubu.
VIII.4 Ivyabaye inyuma y’ifatwa ry’ingingo yo kubuza
kunywa ibiboreza
Inyuma y’ifatwa ry’ingingo ibuza kunywa ibiboreza, haciye
haba ikanguro rikomeye mw’ishengero rya Gishiha no mu
mashengero yose ya pentekote mu Burundi. Ishengero rya
Gishiha rica ryongera kuronka abavugabutumwa rirungika
mu Burundi bwa ruguru. Amashure yari yarononekaye
arasubirwamwo, harimwo n’ivuriro n’amazu y’abamisi-
yoneri. Hubakwa n’inzu yo kuzimaniramwo abashitsi
y’akarorero. Ibikorane bihuza amashengero ya pentekote
133
vyongera kubera i Gishiha. Bukeye kabiri, umwungere
Ndirabika Petero yaciye yitaba Imana amaze igihe kirekire
arwaye, ishengero rya Gishiha risigara rirongowe
n’umwungere wa kabiri Musa Muhandanyi afatanije no
kugenzura ibikorwa vy’abamisiyoneri b’imvukira
barungitswe n’ishengero rya Gishiha mu Burundi bwa
ruguru.
Hageze kurobanura umwungere wa mbere asubirira
Ndirabika Petero, umwungere wa kabiri Pasitori Musa
Muhandanyi aca arapfa ahitanywe n’impanuka y’imodokari
ariko araja mu bikorwa vy’Imana i Muyinga.Ishengero rica
rimara igihe ritagira umwungere, risigara rihagarikiwe
n’umubwiriza Pasitori Mpangaje Natanayeli yari icegera
c’uwaserukira CEPBU muri Leta ari we Pasitori Kabwa
Meshaki. Bidatevye haciye harobanurwa Pasitori Yakobo
Ngenda yari amaze igihe arongoye ishure rya Bibiliya ryo
mu Kayogoro ngw’abe umwungere wa mbere, Pasitori
Eliyakimu Simbabawe arobanurwa kuba umwungere wa
kabiri.
Naho hongeye gucamwo intambara yononye cane
amashure ya kabiri mu ndwi n’ububwiriza bwo mu karere
ko mu mitumba ihanamiye imbo inyuma y’igandagurwa
ry’umukuru w’igihugu Ndadaye Melchior na bamwe mu
bamufasha kurongora igihugu mu mwaka wa 1993,
abakristo benshi bagahungira hanze y’igihugu, ishengero
rya Gishiha ntiryababaye cane nko mu mwaka wa 1972.
Ni mur’ivyo bihe bigoye haciye hubakwa ishure
ryisumbuye (college de Gishiha,) ryakuze cane
rigahinduka Lycée.
Mur’ivyo bihe bigoye vya 1993, umwungere wa kabiri,
Simbabawe Eliyakimu, yaraturatujwe kugeza n’aho
ahungira mu gihugu ca Tanzaniya, aja kuba mw’ikampi
y’impunzi y’i Mutabira. Mur’ubwo buhungiro, yashishikaye
134
gukorera Imana mu mashengero agizwe ahanini
n’abakristo b’impunzi, ashishiikara kuvugana no gakorana
n’umwungere wa mbere w’ishengero rya Gishiha Pasitori
Ngenda Jacques. Mur’ayo mashengero yo mu buhungiro
hatiriweyo abakozi b’Imana batari bake mu mabanga
y’ubuzezwashengero. Twovuga nka Pr Niyokwizigira
Clauvis, Pr Ndikumana Shaduraka, Pr Barihwanya David,
Pr Sindatuma Samson, Pr Ntiranyibagira Jonas, Pr
Sindatuma Mathias, Pr Nintunze Albert. Hageze
guhunguka, abavuye mu mashengero yo mu makampi
y’impunzi haba abo mu Gatumba, haba ab’ i Mutabira
bazananye n’umwungere wa kabiri, bashikiye mu bikorwa
vy’Imana irya n’ino mu bubwiriza.
Ingorane zabaye ku mwungere wa kabiri Simbabawe
Eliyakimu, yaza yasubiriwe n’umwungere wa kabiri
w’infatakibanza Pasitori Nyandwi Alphonse kuko yanse
kumubisa mur’ico kibanza. Ivyo vyatumye haba ingorane
mw’ishengero, ariko inama y’abazezwashengero yaciye
ifata ingingo yuko Pasitori Simbabawe Eliyakimu yoba
araja kurongora ububwiriza bwo mu Gahandu mu kurorera
kw’ico kibazo gitorerwa inyishu. Haciye kabiri, umwungere
Nyandwi Alphonse yaciye yitaba Imana. Pasitori
Simbabawe Eliyakimu aca asubizwa mu mabanga yo kuba
umwungere wa kabiri w’ishengero rya Gishiha.
Ubu ishengero rya Gishiha ryifashe neza. Rirongowe
n’abungere babiri. Umwungere wa mbere ni Yakobo
Ngenda, uwa kabiri ni Simbabawe Eliyakimu. Rifise
abazezwashengero 64 Rifise ububwiriza buberamwo
amasangira 34. Ubwo bubwiriza uko ari 34 buhurira mu ma
centres 8. Abakristo bo mw’ishengero rya Gishiha bose
hamwe ni nka 35 000 hatarimwo ab’ i Karusi 10 000 n’ab’ i
Zambiya barenga 600.
135
Abakristo bose hamwe barongowe n’abungere
b’ishengero rya Gishiha ni hafi 45000. Rishishikara
gufasha ishengero ry’i Karusi rimaze kuronka ubwigenge
mu kuritegurira kwikukira. Kandi ishengero rya Gishiha
rimaze kuronka amashengero menshi muri Zambiya. Ubu
na ho rimaze kuja gutanguza ibikorwa muri Zimbabwe aho
hamaze kubatizwa abantu 10. Haheze imyaka itatu
ritanguje ibikorwa vyo kuvuga ubutumwa mu Budagi aho
riheruka guhezagira umuzezwashengero.
VIII.5. Ingene abarongoye ishengero rya Gishiha
bagiye bakwirikirana
Ishengero rya pentekote ry’i Gishiha, rimaze kwikukira, mu
matora yabereye mu nama yakoraniye i Bujumbura,
ryashikirijwe umwungere wa mbere yari asanzwe ari
umuzezwasengero Ndirabika Petero. Umwungere wa
kabiri na we aba Yosiya Buhagaze. Umwungere Ndirabika
Petero yaranguye ayo mabanga kuva mu mwaka wa 1960
arinda yitaba Imana yisaziye akiri mur’ayo mabanga mu
kwezi kwa 6 umwaka wa 1990.Umugore wiwe yitwa Ngohe
Magdalena. Yamuvyayeko abana 14, hakura abana 9.
Ariko umwungere wa kabiri Yosiya Buhagaze, yaraguye
mu vyaha ahitanywe n’ubusambanyi, aca akurwa mu
mabanga yo kuba umwungere wa kabiri, no mu burongozi
bwose bwo mw’ishengero. Yaciye agwa burundu
ntiyongeye kugaruka mw’ishengero. Yaciye aja gusaba
akazi k’ubucamanza i Makamba. Yishwe mu kiza
c’ubwicanyi cateye mu Burundi mu mwaka wa 1972 ari
umucamanza akorera Leta i Makamba.
Umwungere Yosiya Buhagaze, amaze gukurwa mur’ayo
mabanga, yasubiriwe n’umuzezwashengero yitwa
Ntibarekewe Tito. Uwo na we aca yicwa mu kiza
c’intambara cateye mu Burundi mu mwaka wa 1972. Aca
136
asubirirwa na Pasitori Musa Muhandanyi yavukana na
Pasitori Samiye Lazaro, umwungere wa mbere
w’ishengero rya Kayogoro. Umwungere wa kabiri
w’ishengero rya Gishiha, Pasitori Musa Muhandanyi,
yaguye mu Kayanza kw’ibarabara rija i Ngozi ahuye
n’impanuka y’umuduga aho yari agiye mu bikorwa
vy’Imana, kandi apfa wenyene abo bari kumwe
bararokoka.
Pasitori Musa Muhandanyi yitavye Imana hatarashirwaho
umwungere wa mbere asubirira Pasitori Petero Ndirabika
yaheruka kwitaba Imana. Abazezwashengero baciye
bagena Pasitori Yakobo Ngenda yari asanzwe arongoye
ishure rya Bibiliya ryo mu Kayogoro ngw’abe umwungere
wa mbere, na Simbabawe Eliyakimu ngw abe umwungere
wa Kabiri. Abungere b’amashengero ya pentekote yose yo
mu Burundi baca bemeza ingingo yafashwe
n’abazezwashengero, babarambikako ibiganza.
Mu nyuma y’urupfu rwa Ndadaye yari umukuru w’igihugu
wa mbere yatowe n’abenegihugu, habaye icuka kibi
catumye umwungere wa kabiri Eliyakimu Simbabawe ata
akomoka, agahungira muri Tanzaniya. Atevye guhunguka,
umwungere wa mbere Yakobo Ngenda, yaciye
amenyesha inama y’abazezwashengero ko ibikorwa
bimuremereye, aca asaba ko boba baramushiriyeho
icegera kimufasha amabanga yo kurongora ishengero mu
kurorera kw’umwungere wa kabiri ahunguka. Haciye
hagenwa Nyandwi Alphonse mur’ayo mabanga.
Umwungere Eliyakimu Simbabawe, amaze kugaruka
avuye mu buhungiro, ntiyashotse yemererwa gusubira mu
mabanga yahoramwo, kuko Pasitori Nyandwi Alphonse
atewe intege na CPEBU, yanse kumubisa mur’ayo
mabanga. Inama y’abazezwashengero y’i Gishiha ica iba
137
iramurungitse kurongora ububwiriza bwo mu Gahandu
mukurorera kw’ivyiwe bidadanuka.
Haheze imyaka mikeya, umwungere wa kabiri Alphonse
Nyandwi yaciye yitaba Imana, umwungere Simbabawe
Eliyakimu abona gusubira mu mabanga yo kurongora
ishengero ari umwungere wa Kabiri kugeza n’ubu.
IX. INGENE UBUTUMWA BWIZA BWASHISHIKAYE
GUKWIRAGIZWA MU BURUNDI
Amashengero atandatu yatangujwe n’abamisiyoneri,
amaze kwikukira, yaciye atangura kurungika
abamisiyoneri ba kavukire bafadikanije n’abamisiyoneri
b’abaswedwa bari bagisigaye mu Burundi, gukwiza
ubutumwa bwiza mu tundi turere tw’igihugu ata shengero
rya pentekote ryari bwashirweyo.
IX.1 Ingene amashengero yikukiye yatwaye ubutumwa
bwiza mu tundi turere tw’igihugu
Amashengero amaze kuronka intaye yo kwikukira, yaciye
afata imigambi yo gukwiza ubutumwa mu Burundi bwose.
Ahatari hake ayo mashengero yakorera hamwe,
agasangira uturere akoreramwo, bikenewe agahana
abavugabutumwa harimwo n’abamisiyoneri bari basigaye
mu Burundi.
Ni mur’ubwo buryo ico gikorwa cashishikaye kugeza
ubutumwa bwiza bwa Kristo Yesu bukwiye mu gihugu
cose.
138
a. Ishengero rya Mugara
Ishengero rya Mugara rimaze kuronka intahe yo kwikukira
ryaciye ritangura kurungika abavugabutumwa ahantu
hatari bwashike ishengero rya pentekote mu turere twa
Ruyigi, cankuzo, Kirundo na Cibitoke.
a.1. Igikorwa c’Imana mu karere ka Ruyigi
Ishengero ry’Imana ryo ku Mugara, ryatumye
abavugabutumwa babiri mu Ruyigi aribo Yekoniya
Ruranyaga na Paulo Minani ku wa 6/1/1966. Mu nyuma
rica ritumayo umuvugabutumwa Eliya Zirariye.
Kw’igenekerezo rya 1/10/1967 ryongeye gutuma abandi
bavugabutumwa gufasha abasanzweyo. Kuva mu ntango
kugeza mu mwaka wa 1972, ishengero rya Mugara
ryakorana n’ishengero rya Kayogoro mur’ako karere.
Ishengero rya Mugara, ni ryo ryaciye rirungika
umumisiyonerikazi wa mbere mur’ako karere
kw’igenekerezo rya 3/9/1967 yitwa Eva Bodën yamuka
muri Sweda.
Uwo mwigeme ni we
Misiyonerikazi wa mbere
yatumwe n’ishengero rya
Pentekote ryo ku Mugara
mu Ruyigi
Uwo mumisiyonerikazi yarungitswe gufadikanya ibikorwa
vy’Imana n’abavugabutumwa basanzweyo. Hari hamaze
gutanguzwa amasengero 15 ariyo aya: Nyamutobo,
139
Kiyabu, Rangi, Mugege, Rugari, Sanande, Rugungu,
Ntaruka, Butezi, Kayange, Gitwa, Murehe, Rutonganikwa,
Gisito na Nyamugari. Ico gihe hariyo abakozi b’Imana
batumwe n’amashengero ya pentekote ya Mugara na
Kayogoro bashika 12.
Mu ruhande rw’abakozi b’Imana batumwe n’ishengero rya
Mugara bakorera aha hakurikira:
 Rangi: hakorayo Minani Paulo
 Kiyabu: hakorayo Ruranyaga Yekoniya
 Rugari: hakorayo Ruribagiye Yeremiya
 Muyaga: hakorayo Sindabasizeho Michel
 Nyamutobo: hakorayo Labani Magorwa yigisha
kw’ishure yaho mu mwaka wa mbere n’uwa kabiri.
Kuva mu mwaka wa 1972 inyuma y’ikiza, ishengero rya
Mugara rimaze gusanzara, ntiryabaye rigishishikara
gukorera mur’ako karere. Yamara rero hari hamaze
kuboneka mu karere ryakoreramwo abakristo bashika 593,
ububwiriza 1 n’ishure ry’intango 1.
Ishengero rya Mugara rimaze gusanzara mu kiza ca 1972;
Ishengero rya pentekote rya Kayogoro ni ryo ryaciye
rishishikara gukorera mu Ruyigi gushitsa aho ishengero
rya pentekote ry’i Nyamutobo rironkeye intahe yo
kwikukira.
a.2. Igikorwa c’Imana mu Kirundo
Ibikorwa vy’Imana bimaze imyaka ibiri bitanguye mu
Ruyigi, ishengero rya Mugara ryaciye ritanguza ibikorwa
vy’Imana mu karere ko mu Kirundo mu mwaka wa 1968.
Ryatumyeyo umuvugabutumwa Eliya Zirariye na
Misiyoneri Bertil Yohansson n’abandi bavugabutumwa nka
Filimoni Murindatabu, Sadoke Ndabazaniye, Yosefu
Bucumi, Matayo Mayira, Yeriko Bangoneye, Nikodemu
140
Ntambuto, Ntahonziriye Onesimo, Basengo Gerisoni,
Gituwitaye Shaduraka, Ndabazaniye Sadoke na
Bangoneye Simoni.
Abo ni bo batanguje amashure menshi mu Kirundo ashika
21 ariyo aya: Kigozi, Renga, Murarambwe, Ntambuto,
Cindoyi, Kinyoni, Ceru, Rukuramigabo, Murambi,
Marembo, Nyakibara, Runyoni, Muyange, Karama,
Rwimbogo, Nyakibanda, Gisenga, Gahama, Canzikiro,
Nkoronko, Munyinya na Rambo.
Baciye bubaka insengero nyinshi z’infatakibanza n’izindi
nzu ntonto, baratera n’ibigazi mur’ako karere
bakoreramwo. Mu mwaka wa 1972, abavugabutumwa
benshi baciye bahitanwa n’ikiza nka Bangoneye Simoni,
Basemingo Gerisoni, Gituwitaye Shaduraka, Ntahonkiriye
Onesimo, Mayira Matayo na Ntambuko Nikodemu.
Ndabazaniye Sadoke yari asanzwe yiga mw’ishure rya
Bibiliya ryo mu Kayogoro yaguye mu nzira atashe.
Ishengero rya Mugara ryaza ryarasengeye Pasitori Eliya
Zirariye mu mabanga y’ubuzezwasengero. Mur’uyo
mwaka wa 1972, yari asanzwe akora mu Kirundo, aca
ahungira i Tanzaniya, agenda ajanye na Filimoni
Murindatabu, Yeriko Bangoneye na Bucumu Yosefu aho
babandanirije ibikorwa vy’Imana mu buhungiro.
Pasitori Zirariye Eliya yarabaye umwungere wa mbere
w’ishengero rya pentekote Ulyankuru kugeza yitavye
Imana ku wa 27/3/1988 asubirirwa na Filimoni
Murindatabu.
Imbere y’uko haduka ikiza ca 1972, ishengero rya Mugara
ryaza ryaramaze gutanguza ibikorwa vy’Imana i
Gashikanwa mu ntara ya Ngozi, aho ryaza ryaraguze
ikibanza c’imisiyoni congeye kugugwa n’ishengero rya
141
Kiremba ubugira kabiri kubera ko ikiza catumye ibintu
bidabadangana.
Mu mwaka wa 1972, ishengero rya Mugara rimaze kubura
abungere, abakristo bagasanzara, abatari bake bariko
barangurira ibikorwa vy’Imana mw’ishengero ryo mu
Kirundo bakagwayo, abandi bagahungira hanze y’igihugu,
abakristo bari bamaze kwegeranywa baciye batangura
gusanzara.
Ni ho ishengero rya Kiremba ryaca rirondera abafise
umuhamagaro ngo baje gutabara. Mu bitavye
umuhamagaro ba mbere harimwo Pasitori Paulo
Bamboneyeho, Pasitori Manwa Natanayeli, Pasitori
Makarakara Elisa, Pasitori Mahwanya Esau na Pasitori
Wilisoni Nkoraniwe. Ishengero ry’Imana rica rirakomera,
haba umuvyuro ukomeye cane mu myaka ya 1973-1976.
Mur’ico gihe, Pasitore Paulo Bamboneyeho na Pasitori
Manwa Natanayeli bakorera cane-cane mu ntara ya
Kirundo, no mu gice c’intara ya Ngozi n’ic’intara ya
Muyinga. Ishengero rya Kiremba ryaciye riha intahe yo
kwikukira ishengero rya Kigozi, Pasitori Manwa Natanayeli
aca arobanurwa mu mabanga yo kuba umwungere wa
mbere afashijwe na Pasitori Kubwimana Claver,
umwungere wa kabiri yamuka i Gatsinda muri Ngozi.
Umwungere wa kabiri amaze kwitaba Imana yasubiriwe na
Pasitori Vyimana Eliyazari. Uwo Vyimana Eliyazari ni we
yaciye asubirira Pasitori Manwa Natanayeli amaze kwitaba
Imana, mu mabanga yo kuba umwungere wa mbere, aho
yahora haca harobanurirwa Pasitori Gatari Wilson.
142 143
Haciye harobanurwa Pasitore Makarakara Elisa ngw
aribere umwungere wa Mbere.

Abo ni bo Hashize igihe kitari gito, Pasitori Makarakara Elisa yari

bungere umwungere w’iryo shengero yaritavye Imana, haca
b’ishengero harobanurwa aba tubona aha munsi ari bo Pr Nyabenda
rya pentekote
ry’i Kigozi
sylvestre ngw amusubirire mu mabanga yahoramwo
nk’umwungere wa mbere na Pr Ndarurerere Stanislas
umwungere wa kabiri. Abo babiri ni bo barongoye
ishengero rya pentekote ry’i Kagari kugeza ubu.
Pr Gatari Wilson Pr Ndayishimiye Jean-Marie
Umwungere wa mbere Umwungere wa kabiri
142 Aba ni bo bungere
b’ishengero rya
Uwo Vyimana Eliyazari na we amaze igihe kirekire mu pentekote ry’i
buhungiro kubera uruhagarara rwadutse mu mwaka wa Kagari
2015, aheruka gusubirirwa na Gatari Wilson yahora ari
umwungere wa kabiri aho nyene mw’ishengero ryo mu
Kirundo, haca harobanurwa Jean Marie Ndayishimiye
ngw’abe umwungere wa kabiri. Pr Nyabenda Sylvestre
Pr Ndarurerere Stanislas
Umwungere wa mbere Umwungere wa kabiri
Pasitori Makarakara Elisa na Pasitori Wilsoni Nkoraniwe
bakoreye cane-cane mu ntara ya Muyinga, bashishikara
ibikorwa vyari vyamaze gutanguzwa n’ishengero rya Pasitori Nkoraniwe Wilsoni yahavuye aja gukwiza
Pentekote ry’i Gishiha mw’ishengero rya Kagari. ubutumwa mu ntara ya Kayanza, aho yubakishije
Ishengero rya Kagari rimaze gutera imbere, ishengero rya insengero zibiri nini, urwa Maramvya ku cicaro c’iryo
pentekote ry’i Kiremba ryaciye ririha intahe yo kwikukira. shengero n’urwa Kirema ruri mu gisagara ca Kayanza.

Uwo mupasitori ni we Ishengero rya Kiremba rica riha intahe yo kwikukira

yarobanuwe ngw abe
umwungere w’ishengero rya
Kagari rimaze kwikukira
ishengero rya Maramvya. Ishengero rya Maramvya rironse
intahe yo kwikukira, Pasitori Nkoraniwe Wilsoni ni we
yaciye arobanurwa mu mabanga yo kuba umwungere
w’iryo shengero.

Umwungere Nkoraniwe Wilson, yari inseruka rukamvye,

yashoboye gukora cane mu gihe c’intambara ya Ntega na
Pr Makarakara Elisa n’umukenyezi wiwe Marangara mu kwezi k’umunani mu mwaka wa 1988
144
canke mu ntambara yadutse inyuma y’igandagurwa
ry’umukuru w’igihugu Ndadaye Melchior na bamwe mu
bamufasha gutwara igihugu mu mwaka wa 1993.
Igihe kimwe nafashe urugendo rw’akazi. Ngeze mu
Kayanza, nca naka indaro mw ihoteri ya Khalfani. Hageze
mw ijoro nca numva inkoho zikomakomeye zivuga,
wamenga ngo zivugira mu gisagara hagati. Bukeye mbajije
baca bambwira kw’ari imisiyoni y’i Maramvya yatewe kandi
k’umwungere Pr Nkoraniwe Wilson ariho yar’ari. Nari
nsanzwe nzi kw afise indwara y’umutima yari kumuhitana,
ariko nongeye guca mu Kayanza bambwira kw’akomeye
kandi kw’atahunze. Nca nja kumusuhuza. Ni ho yaca
anshingira intahe ingene vyagenze.
Hasigaye imisi itatu ngw’ico gitero kibe, yeretswe nko mu
nzozi abasirikare benshi barongowe n’intwazangabo
yambaye ikanzu ndende yera. Ashitse imbere yiwe, aca
amukubitira isarudi, aramubwira ati: « Tuzanywe no kwiga
ingene dukingira aha hantu ». Ahejeje, aca arahindukira
ategeka abo basirikare kugira imyimenyerezo. Uwo
mwungere aca abona batanguye kwirasa mu madirisha no
mu nzugi zugaye z’amazu yose birasa bwa myampi.
Bagenda baranyuragiranwa mw’ishamba ry’imikaratusi
rikikuje iyo misiyoni baguruka bwa muyaga.
Ariko aritegereza ibiriko biraba, yiha akamo ati:
« Twakabaye dukingiwe n’ingabo zitaneshwa! ». Barangije
iyo myimenyerezo baca baragaruka aho ari, wa mukuru
aca yongera akubitira uwo mwungere isarudi
ati:«Turarangije!». Uwo mwungere aca arikangura. Inyuma
y’imisi itatu haca haza igitero c’abarwanyi kivuye mu kibira
citwaje ibirwanisho bikomeye. Hari hagize imisi igihuha
kivuga yuko bazotera aho aba, bakamutoza intoke
bakamujana mw’ishamba, bagaca basaba impongano
ishengero kugira ngo babone kumurekura.
145
Uwo ni we yarobanuriwe
amabanga yo kuba umwungere
w’ishengero rya Maramvya mu
Kayanza rironse intahe yo
kwikukira
Bagize ngo bararasa, ibisasu vyose bateye mu misiyoni,
bishitse hejuru yayo, wamenga bihushwe n’umuyaga
ukomeye, bigaca bihusha bikaja kugwa mw’ishamba kure
y’imisiyoni. Abari ku maguru, baca baramanuka kugeza
n’aho binjira mu misiyoni. Bagerageje kwinjira mu mazu,
aho batumbereye hose, baca biha akamo, ngo hari
abasoda benshi, turapfuye, ntitubashobora ! » Baca barata
baromoka ata nzu n’imwe bashoboye kwinjiramwo.
Amasase barashe bari mu misiyoni, yahitanye
umunyezamu yari yaravuze kw’igitero kije azoca apfa.
Irindi rimwe mur’ayo masase ryaciye mw’idirisha rihitana
umugore yari arwaje umwana mw’ivuriro ritoya ngaho mu
misiyoni.
Mur’iryo joro abasoda bari kw’izamu mu misiyoni bari
bazangazanze, hasigara abasoda batarenga batanu. Abo
basoda bagerageje kwigwanira barananigwa mugabo nta
n’umwe yagize ic’aba. Baca bazinduka kare kuraba
umwungere Pr Nkoraniwe Wilson, baramubwira bati : « Ya
Mana musenga ni iy’ukuri, iyo itatugwanira, twebwe twari
twananiwe ! »
Ico gitero caragize amagorwa akomeye, kuko bukeye
abasirikare baciye baboma inyuma, babaka ivyo bari
basahuye vyose mu mazu yo mu mihana iri haruguru
y’imisiyoni, bamwe muri bo barapfa, abandi batari bake
146 147
barakomereka. Uwo mwungere aca yigumira mu misiyoni Iryo shengero rya Kiremba, rimaze kwihweza ingene
kugeza yitavye Imana yiryamira ata nkomanzi. ishengero rya Gashikanwa riteye imbere, ryaciye rifata
ingingo yo kuriha intahe yo kwikukira.

Aba ni bo Haciye harobanurwa Pasitori Bigirabagabo Yoweli mu

bungere mabanga yo kuba umwungere wa mbere, Pasitori
b’ishengero rya Sinzikubaza Canut arobanurirwa kuba umwungere wa
pentekote ry’ i kabiri.
Maramvya
a.3.Igikorwa c’Imana mu Cibitoke

Inyuma y’amagume yabaye mu mwaka wa 1972,

ishengero rya Mugara ryatanguye kunaguka. Iryo
Pr Banerwa Jacques Pr Ntunzwenimana Philbert shengero rya Mugara, rimaze kunaguka, ryaciye
Umwungere wa mbere Umwungere wa kabiri rishishikara kuvuga ubutumwa bwiza mu ntara ya Cibitoke.
Ishengero rya Rusagara ryatanguriye i Buhoro, ritangurira
Pasitori Nkoraniwe Wilson amaze kwitaba Imana, mu nzu y’umugoronome yitwa Mukuri Prosper yakora mw
ishengero ryaciye rirobanura Pasitori Banerwa Yakobo ‘ishirahamwe ry’icayi na kenkina. Hanyuma murumunawe
ngw’aribere umwungere wa mbere, uwa kabiri aba Pasitori Anatoli Baranshikiriye amusanzeyo, baca baja hamwe
Ntunzwenimana Philbert. n’abagore babo bakama bahurira mur’iyo nzu,
bagasengera hamwe, bagasoma ijambo ry’Imana,
Mu Gashikanwa na ho haciye hajayo Pasitori Bigirabagabo hanyuma buzuzwa Mpwemu Yera.
Yoweli aho yashishikaye akwiza ubutumwa mu ntara ya
Ngozi n’igice c’intara ya Kayanza. Ishengero rya Kiremba Mukuri Prosper yaciye yubaka iyindi nzu yiwe, iyo na yo
ni ryo ryakwirikirana ibikorerwa mur’iryo shengero. ihinduka urusengero mu mwaka wa 1975. Bateye akamo
umwungere wa mbere w’Ishengero ry’i Bujumbura Manase
Mafefere, yarahaciye barabonana, aca yemera
kubunganira mu bikorwa vy’intango. Aca asaba ishengero
Uwo ni we mwungere wa mbere rya Mugara ko ryoba ari ryo ribakurikirana, rikabandanya
w’ishengero rya pentekote ry’i ibikorwa vy’Imana vyari vyatangujwe n’abakristo bamuka
Gashikanwa afatanije na Pr
Sinzikubaza Canut umwungere wa ku Mugara.
kabiri
Ishengero rya Mugara ryaciye ryumva akamo ritewe,
rirungika i Buhoro umuvugabutumwa yitwa Eliyakimu
Pr Bigirabagabo Yoweli Surwavuba kw’igenekerezo rya 20/6/1976. Uwo
muvugabutumwa yasanze abo bakristo bamaze imyaka
148
itatu biyigisha. Uwo muvugabutumwa ashitseyo, igikorwa
c’Imana caragutse, baca bagura itongo ririmwo inzu
yahora ari ubunywero, hafi y’umugezi Nyabumbiri
waberamwo imibatizo.
Uwo muvugabutumwa Surwavuba Eliyakimu yaciye
arobanurirwa kuba umuzezwashengero ku wa 4/9/1977,
haca hasengerwa n’abandi bakozi b’Imana. Ibikorwa
vy’Imana mur’iryo shengero vyateye vyaguka. Ico kibanza
bakoreramwo gica kibabera gito, kuko kitashobora
kwubakwamwo imisiyoni. Haciye hafatwa ingingo
kw’imisiyoni yubakwa ku musozi Rusagara wagutse
mw’ikomine Mugina, aho i Buhoro hasigara ububwiriza.
Ubwo bubwiriza bwarateye imbere, busigaye bufise
amashure mato-mato n’ayisumbuye.
Ishengero rya Rusagara ryaciye rihabwa intahe yo
kwikukira n’ishengero rya Mugara, kw’igenekerezo rya
23/4/1995. Uwo musi hasengewe Pasitori Mukuri Prosper
kuba umwungere wa mbere na Pasitori Bizabigomba
Yosefu kuba umwungere wa kabiri, ritangurana abakristo
6 000. Ariko igice co mu buraruko bwa Cibitoke cari kigizwe
n’ububwiriza bwa Butara, Gatare, Buhogora, Sehe na
Nyarurinzi gisigara kirezwe n’ishengero rya Mugara.
Abo ni bo
barobanuriwe
kuba abungere
b’ishengero
rya Rusagara
ryikukiye.
149
Kuva umukuru w’igihugu Ndadaye Melchior agandagu-
ranywe na bamwe mu bafasha biwe mu mwaka wa 1993,
ibintu vyagumye vyononekara, igihugu cinjira mu magume
yahitanye umwungere wa mbere Pasitori Mukuri Prosper,
Yosefu Bizabigomba na we aca arata ahungira i Kiremba
mu bubwiriza bwa Murinda iyo yahora.
Bamwe mu bakozi b’Imana bo ku Mugara bari bararonse
umuhamagaro wo kuja gukorera mur’iryo shengero,
rimaze kwikukira bahisemwo kuguma bakorera mur’iryo
shengero. Abo ni nka Pasitori Mifyuri Gaburiyeli na
Pasitori Bankura Abeli. Ariko abandi nka Pasitori
Ntungantevye Sefaniya, Pasitori Mpanakanse Meshake,
Pasitori Nsengiyumva Léon n’abandi bigisha baciye
basubira kubandaniriza ibikorwa vy’Imana mw’ishengero
rya Mugara.
Pasitori Bamboneyeho Isaka na Pasitori Ciza Meshake
basubiye kubandaniriza ibikorwa vy’Imana mw’ishengero
rya Kiremba ryari ryabatije ishengero rya Mugara. Pasitori
Ndikumana Toma yari yatumweyo n’ishengero rya Mugara
ni yo yitabiye Imana mu mwaka wa 2008.
150
Ishengero ryo ku Mugara ryaciye ryongera gushiraho
abandi bungere babiri kw’igenekerezo rya 20/9/1996 aribo
Mpisumwamo Gadi, umwungere wa mbere, na
Baranshikiriye Anatole umwungere wa kabiri.
Pasitori Mpisumwamo Gadi yaritavye Imana mu kwezi
k’umunani k’umwaka wa 2016 aca asubirirwa na Pasitori
Baranshikiriye Anatole mu bwungere bwa mbere.
Abo ni bo bungere
b’ishengero rya
pentekote ryo mu
Rusangara mu
Cibitoke
Baranshikiriye Anatole Pr Ntahontuye Prosper
Umwungere wa mbere Umwungere wa Kabiri
Pasitori Ntahontuye Prosper ni we yaciye agenwa
ngw’asubire ahahora Pasitori Baranshikiriye Anatole
nk’umwungere wa kabiri. Ivyo vyabaye ku musi ugira 18
w’ukwezi kwa 2 mu mwaka wa 2018.
a. 4 Ishengero rya Butara
Ishengero rya Mugara ni ryo rikiriko rirarera ishengero rya
Butara. Iryo shengero riri muri komine Bukinanyana.
Rikorera mu makomine ya Murwi, Mabayi, no mu ntara ya
Bubanza. Iryo shengero, mu mwaka wa 2010, ryari rifise
ububwiriza 15. Abapasitori barirongoye bashika 20,
n’abavugabutumwa 72. Ryari rimaze kuronka abakristo
bashika 2 626.
151
b. Ishengero rya Kayogoro
Ishengero rya Kayogoro na ryo ryaciye rirungika
abavugabutumwa mu buseruko mu turere twa Ruyigi na
Cankuzo no hagati mu gihugu mu ntara ya Gitega. Ikiza ca
1972, catumye abavugabutumwa benshi bitaba Imana
abandi barahunga, ibikorwa batanguje mu Ruyigi bija mu
ngorane.
b.1 Ishengero rya pentekote ry’i Nyamutobo
Ishengero rya Kayogoro ryaciye rituma gufasha ishengero
ry’i Nyamutobo mu Ruyigi Pasitori Kamondo Esau yamuka
i Kiremba yari yavutse mu mwaka wa 1929. Amaze
gushikayo, Pasitori Esau Kamondo yarakoze cane,
igikorwa c’Imana kigenda neza ku buryo amashure menshi
yatangujwe mu Ruyigi no mu cankuzo.
Uwo muzezwashengero yakorana cane-cane n’umumisi-
yonerikazi yitwa Eva Bodén. Ishengero rya Kayogoro
rimaze kubona kw’ishengero rya Nyamutobo rimaze
gushinga imizi ryaciye ririha intaye yo kwikukira, haca
harobanurwa Pasitori Kamondo Esau kuba umwungere wa
mbere, uwa kabiri aba Pr Harindogo Ferdinand. Haciye
igihe bakorana, habaye kutumvikana hagati yabo.
Umwungere wa mbere Kamondo Esau aca afata ingingo
yo kumukura mur’ayo mabanga.
Yaciye amusubiriza pasitori Masugure Sébastien.
Ryabaye irya mbere umwungere wa mbere akura mu
mabanga umwungere wa kabiri akamusubiriza uwo
yishakira.
Bidatevye uwo mwungere wa kabiri yaheruka kugenwa
mur’ayo mabanga, yari yavutse mu mwaka wa 1949,
152
yaciye yitaba Imana mu mwaka wa 1998. Haca hagenwa
Pasitori Basabose Sebastien ngw’amusubirire.
Uwo ni we yagenywe ngw
asubirire Pr Masugure Sébatien
amaze kwitaba Imana
Pr Basabose Sébatien
Mu nyuma Pasitori Kamondo Esau yaciye arwara cane,
ariko yahitanywe n’impanuka y’abagizi ba nabi ari
kw’ibarabara atashe avuye i Bujumbura mu mwaka wa
2000 akwije imyaka 71.
Pr Kamondo Esau amaze kwitaba Imana, yaciye
asubirirwa na Pasitori Basabose Sebastien, yari asanzwe
ari umwungere wa kabira aca aba umwungere wa mbere
mu kibanza yahoramwo hagenwa Pasitrori Gapiya Jean
yari arongoye ububwiriza bw’i Ntende. Ishengero rya
Nyamutobo ryaramaze gutera imbere cane biturutse ku
muvyuro wadutse mur’ako karere.
Kugira ngo uwo muvyuro uboneke, Pr David Batenzi yari
umuserukizi w’ishengero rya pentekote i Tanzaniya, ni we
yasavye umwungere Sebastien Basabose ngw amwakirire
umunyeshurekazi w’ishure ya Bibiliya aje mu
myimenyerezo yo kurangiza amashure. Abimwemereye,
yaciye amurungikira umwigeme yitwa Suzana. Uwo
mwigeme yari umusenzi cane. Bemeza ko yaguma mu
masengesho, Mpwemu Yera agaca amwereka ishure
canke ububwiriza aja gukoreramwo kandi ahenshi atari
bwanahumve. Abajije abungere agasanga aho Mpwemu
153
Yera yamubariye hariho, yaca asaba umwungere
imodokari imujana aho hantu.
Uwo mwigeme aho ashitse hose ngw’atangure kuvuga
ubutumwa, harimwo ubushobozi bwatuma abantu
barimwo impwemu mbi baduka badahwa, mbere n’abakozi
b’Imana bagendera mu vyaha, harimwo n’abakora ivyaha
vy’ubasambanyi barihana. Haca haba umuvyuro ukomeye,
abakristo baca baraheba ibiboreza vyose. Ako karere
kwose karahinduka, abantu batangura kwijukira gusenga
no kwisonzesha. Abantu benshi barihana, barabatizwa ku
bwinshi, ishengero rica ririyongera cane mu turere twose
twa Ruyigi na Cankuzo. Kugeza n’ubu uwo muvyuro
uracabandanya.
Abantu bari bamogoreye kugendera mu vyaha bitwa ngo
ni abakozi b’Imana, babonye ivyabo bigiye ahabona,
bakaduka badahwa mu bandi, baca batangura kumuvuga
ukutariko, batangura kuvuga kw’igituma asengera abantu
bakadahwa, akorana n’abadayimoni. Abungere
babibonye, ni ko guca bamusezera ningoga arangije
imyimenyerezo, aca yisubirira i wabo.
Ivyo bibaye, Imana yaciye ibasezeranira ko igira ibasukire
imigisha. Iyo migisha yahereye ku kwubaka urusengero
rwiza rugezweko, n’amazu menshi yo kwakiriramwo
abashitsi, n’amazu yo kugiriramwo amanama, kugeza
n’aho batanguza kaminuza y’ishengero, ivyo bikaba mu
mahoro no mu mwumvikano ntangere.
Iyo Kaminuza iheruka gutanguzwa yitwa “Burundi shining
Star”. Ubu hariko harubakwa inzu zigeretse (étages).
Vyongeye, ishengero ry’i Nyamutobo ryaramaze kurungika
abamisiyoneri mu gihugu c’Ubuganda, kandi bamaze
gutanguza insengero mu turere dushika tune two mu
Buganda.
154
Abungere
b’ishengero rya
Pentekote ry’i
Nyamutobo
Pr Basabose Sébastien Pr Gapiya Jean
b.2.Ishengero rya Pentekote rya Gitega
Mu ntara ya Gitega, Pasitori Luka Kayaga ni we
yarungitswe n’ishengero rya Kayogoro gutanguzayo
ubutumwa bwiza. Mur’ico gihe hari harakwiragijwe inkuru
mbi kw’abapentekote barya abantu. Iyo babonye
umuvugabutumwa w’umupetekote baca batemesha
bakiruka. Luka Kayaga yarinze avayo ata shengero
rihabonetse. Aca asubirirwa na Pasitori Nyandwi
Nikodemu yatumwe n’ishengero rya Kiremba.
Umuvugabutumwa aturuka ku Murinda mw’ishengero rya
Kiremba ni we yatwiganiye ingene batanguye kuvugayo
ubutumwa. Uwundi mugabo yamukubise ijisho, aca
aravuduka ariruka. Na we kuko yari umusore akomeye,
aca amwoma inyuma, amaze kumushikira aca
aramucakira, aca aramubwira ati: “Humura, humura nta co
uba”. Abantu rero baca barashwabaduka baje gushe-
ngerera ibibaye, basanga yamwumiyeko, aca amufatishe
ukuboko kumwe ukundi arakumanika aca atangura
kubabwira ubutumwa bwiza.
Pasitori Nyandwi Nikodemu Imana yaramukoresheje,
ibitangaza birakoreka kugeza aho abarwayi benshi bakira,
harimwo n’umudiyakonikazi Mariya yemeza ko yakize
155
kanseri. Haca hubakwa urusengero rugereranye rwiza
rwinjiwe mu mwaka wa 1971.
Uwo mupasitori ni we yashoboye
gutanguza ishengero rya Pentekote
mu ntara ya Gitega, i Fota muri
Mwaro n’i Nyabikere muri Karusi.,
habona kwubakwa urusengero rwa
Pentekote i Gitega hari harananiranye.
Pr Nyandwi Nikodemu
Mu kanya gato, ishengero ryarakuze cane, abantu ntibaba
bagikwirwa mu rusengero, baca bubaka urusengero runini
i ruhande kugeza n’aho n’urwo na rwo rwarengewe
rwongera kwagugwa. Iryo shengero ryakomeye cane-cane
rimaze gutanguza ubutumwa bwiza i Bitare muri
Bugendana, i Nyabikere muri Karusi n’i Mutaho.
b.2.1 Ingene ububwiriza bw’i Mutaho bwatanguye n’uko
bwifashe
Ivy’ i Mutaho vyatanguye aho Dr Seheye Emmanuel
yatumwe n’ubushikiranganji bwo kubungabunga amagara
y’abantu kwugurura ibitaro bishasha vyari bihejeje
kwubakwa aho i Mutaho. Nshitseyo nasanze ata
rusengero na rumwe rwa pentekote ruriho. Iyo nkumbuye
gusengera muri pentekote narinda kuja i Gitega . Ni ko
guca nja gusengera mw ishengero ry’Abagenzi ry’i
Mutaho, aho nashoboye kuvuga ubutumwa bwiza n’ahandi
hitwa Cagura muri Ngozi. Bukeye kabiri, naciye nja
gusengera mu Gatabataba mw’ishengero rya FECABU.
Ngiyeyo ubugira kabiri baca bampa kuvuga ubutumwa.
Maze gushiraho urutonde rwiza rw’abitwa abavugishwa
156
badurumbanya ishengero, nca ntangura kwigisha mu
gacerere nta ngere.
Harimwo abakristo bari barababajwe n’akajagari kari
mur’iryo shengero. Dusohotse baca bambaza ko hoba
hariho ishengero umuntu ashobora kwumva ubutumwa
bwiza atekaniwe nk’uko vyari bihejeje kuba. Mur’abo
harimwo umusore Ruberintwari Léonard na
Kamwenubusa Misheli yari yubatse. Nca ndababwira ko
urutonde rwo mw ishengero rya pentekote ariko rumeze.
Baca bansaba ko nogira uko nshoboye kugira ngo iryo
shengero rishike i Mutaho.
Haheze imisi, nasimbiye mw’ishengero ry’i Gishiha, i wacu,
hari ku musi w’ikanisa. Nca mmenyesha abungere
n’abazezwashengero b’i Gishiha ingene vyifashe. Ko
hariho abanyotewe ubutumwa bwiza bwa pentekote, kandi
kw’aho hantu uwohashinga urusengero yoca akorera mu
ntara zitanu arizo Gitega, Karusi, Kayanza, Ngozi na
Muramvya. Nca mbasaba ko bogira ico bakoze kugira ngo
nanje nyene ndonke aho nsengera. Bavyumvise
vyarabanezereje cane, umwungere wa mbere aca
anyemerera ko bagiye kuvugana ico kibazo n’ishengero
rya pentekote ry’i Kiremba. Nanje nca ndabasaba
kw’ishengero rizorungika abakozi b’Imana aho i Mutaho,
ari ryo tuzoca dukorana. Baca barabinyemerera.
Bidatevye, abungere b’ishengero rya pentekote ry’i
Gishiha, baciye bashikiriza ico kibazo ishengero rya
pentekote ry’i Kiremba, barisaba gufasha ishengero rya
Gitega ritari bwashinge imizi neza kwubaka urusengero i
Mutaho. Abungere b’ishengero ry’i Kiremba, bamaze
kuvyemera ntibashotse babishira mu ngiro. Yamara
twaciye dukorana n’abo bakristo bashaka iryo shengero
dutangura kurondera ikibanza co kwubakamwo, gishobora
kwakira amashure matomato, n’ishure ya Bibiliya hamwe
157
n’aho gusomera no kudandariza ibitabo (bibliothèque).
Aho nashishikara kuvuga ubutumwa cane-cane mu
Bagenzi kuko aho mu Gatabataba muri FECABU,
umuzezwashengero waho yanyinuvye abitewe
n’abavugishwa bari bababajwe n’urutonde nashizeho. Aho
mu bagenzi haca haba umuvyuro ukomeye, abantu
batangura kwuzura Mpwemu Yera. Tumaze kuronka
ikibanza co kugura aho i Mutaho, ubushikiranganji
bwafashe ingingo yo kundungika gukorera i Murore mu
ntara ya Cankuzo. Nca mbwira abo basore bashaka
ishengero rya Pentekote ko bohabera magabo
bagakwirikirana ivy’ico kibanza mw’ishengero ry’i Kiremba.
Ruberintwari Léonard n’uwo Kamwenubusa Misheli baciye
bafata urugendo n’amaguru baja i Kiremba. Bashitseyo
baca baka indaro umwungere wa mbere w’i Kiremba, Pr
Madengo Abedenego. Baca baramwiganira ikibagenza.
Yumva arabakunze cane, impwemu yiwe n’iyabo zirahuza,
ku buryo yaciye afata ingingo yo kugura vyihuta ico
kibanza c’i Mutaho. Aca abwira Pr Ndikunkiko Eliya,
umwungere wa kabiri yari ajejwe gukwirikirana ibikorwa
vy’Imana mu ntara zo mu Buraruko ko ahita aragura
ikibanza i Mutaho mu rugendo yagira agire rwo kuja mu
Kirundo.
Umugoroba umwe, ntari niteze, Pr Eliya Ndikunkiko yaciye
aca i Mutaho, barabonana n’abo bakristo baca
baramwereka ikibanza, aca arakigura aca yandikisha
impapuro z’itongo muri komine. Uwo musi yaciye yaka
indaro aho twaba buca mu gitondo agenda mu Kirundo.
Imodoka yo kunyimura ica irateba kuboneka, nkama
ntekeye ibintu, nshishikara gufasha urwaruka rwo mu
bagenzi ndabigisha ivya Mpwemu Yera kugeza bakomeye.
Umupasitori yari aharongoye, atashaka kwumva
kw’abakristo biwe babatizwa muri Mpwemu Yera, yari
yararahiye ko ivyo biramutse vyaduka aca azimya. Ivyo
158
bibaye, yaragerageje kuzimya bimuta ku w’amazi. Abonye
ko mbitahura kandi ko nshobora kugira ico mfasha, ni ko
guca anshinga gufasha urwaruka . Bamaze gukomera no
kurema, baca barambwira bati : « Ubu ivyo
twakuronderako birahagije, ubu rero turakurekuye uje iyo
bagutumye i Murore. Ivyo kubatizwa muri Mpwemu Yera,
abantu bakavugishwa mu ndimi, twabiheruka mu gihe
c’abazungu b’abamisiyoneri. Vyari vyarazimanganye,
none ko twongeye guhembuka, ntituzongera
kwanjanjwa ».
Bamaze kunsezera, bwakeye imodokari yo kunyimura
ishika nca nja gukorera i Murore. Nca nsezerana na
Pasitori Ndikunkiko Eliya ko ibigiracumi vyose
nzobirungika i Mutaho nk’uko nari nabisavye abungere
b’ishengero ry’i Gishiha kugira ngo hubakwe urusengero.
Ivyo bigiracumi ni vyo vyaguze amatafari y’ubatse
urusengero rw’i Mutaho.
Urusengero rumaze kwubakwa, abungere b’ishengero ry’i
Kiremba baciye basaba Pr Nikodemu Nyandwi yakorera
mw’ishengero ry’i Gitega gushishikara ibikorwa mur’urwo
rusengero rushasha afatanije n’abakristo baho. Amaze
igihe akorerayo ishengero ry’i Mutaho ryaciye rikura cane.
Ishengero ry’i Gitega rica rishima kurungikayo abakozi
b’Imana harimwo pasitori Mpuyenuruzo Amoni.
Pasitori Mpuyenuruzo Amoni yaguye aho nyene i Mutaho
hamwe n’abavugabutumwa batari bake harimwo uwitwa
Ruberintwari Léonard na Kamwenubusa Misheli, abo bose
bahitanywe n’amagume yo mu mwaka wa 1993. Abakristo
bahungiye ku rusengero rw’abagenzi i Mutaho bagumye
bafatanye mu nda, kandi nta n’umwe yahitanywe n’ico
kiza.
Mu nyuma igikorwa c’Imana carashishikaye, haca
harobanurwa umuzezwashengero yitwa Pr Gahungu
159
Emmanuel. Imana ica iramukoresha cane ku buryo
ishengero ryongeye kuremerana, abakristo baragwira
cane n’amashure akukira ubwo bubwiriza arongerekana.
Urusengero rwahahora rubabereye ruto, baciye bafata
ingingo yo kwubaka urusengero runini rw’imetero 50
z’uburebure kuri 22 z’ubwaguke bakwirikije ikigereranyo
Imana yahaye uwo muzezwashengero. Urwo rusengero
Imana irukurikiranira hafi, hagize ikosa rinyuranye n’uko
Imana yaberetse, baca basanga ahari iryo kosa
hasambutse. Ni ko vyabaye bageze ku gusakara, ivyuma
babiteranije ukutariko, bica birasenyerana barinda
gusubiramwo.
Uwo mupasitori ni
we ariko arubaka
urusengero rw’i
Mutaho
Pr Gahungu Emmanuel n’umukenyezi wiwe
Haba ku vyuma biri imbere mu nkingi zirugumije na beto iri
hagati, ivyuma n’ubwoko bw’amabati birusakaye hamwe
n’amadirisha, vyose uwo muzezwashengero yemeza ko
yagiye avyerekwa n’Imana.
Bidatevya, abungere b’ishengero rya pentekore ry’i Gitega
babonye ko vyoba vyiza havutse ubundi bubwiriza bw’i
Nkongwe, baca bagabura amashure, ubwo bubwiriza
bushasha butwara amashure atandatu, Mutaho isigarana
amashure ane. None mu kanya gatoya, amashure y’i
Mutaho yariyongereye ageze kuri cenda.
160
Ibikorwa vy’Imana bitera bija imbere, kandi n‘urwubako
rw’urusengero rugeze ku rugero rushimishije. Amaraso
y’abakozi b’Imana yasesekeye aho ku rusengero rw’i
Mutaho yabaye intabire koko y’ubutumwa bwiza.
Urusengero ruriko rurubakwa i Mutaho
b.2.2. Ingene ububwiriza bw’i Bitare bwatanguye n’uko
bwifashe
Mwalimu Abel Ndabahinyuje ni we yari yatumwe
gutanguza igikorwa c’Imana i Bitare muri Bugendana.
Abamuherekeje, bamusizeyo ari wenyene, aca
atangurana n’abana ahitanye ku mwonga bari kuvoma.
Aca abakoraniriza musi y’igiti ; atangura kubaririmbisha
uturirimbo abavugiriza akagoma yari yitwaje. Amaze
161
kubaririmbisha ; yaciye abaha isango yo kugaruka ku musi
w’Imana, igikorwa c’Imana kiba kiratanguye. Na we nyene
yahitanywe n’ico kiza i Bugendana asiga amaze
kwubakisha urusengero n’inzu y’uburaro.
b.2.3. Ingene ububwiriza bw’i Nyabikere bwatanguye
Kugira ngo ishengero rya pentekote ryinjire muri komine
Nyabikere, hakijijwe umukristo avuka mur’iyo komine yitwa
Natani. Amaze gukirizwa mw’ishengero ry’i Gitega, nta
yinga na rimwe atasengera ikomine ya Nyabikere arira
atakamba kugira ngo abaho baronke ubutumwa bwiza.
Haheze igihe, ni ho ishengero rya Gitega ryatumayo
Pasitori Mahinja Batoromayo.
Mu gihe c’amagume yagumye mur’ako karere, amara igihe
kire-kire atawuzi inkuru ziwe. Agahengwe kabonetse aca
aragaruka i Gitega. Kumubona cari igitangaza kuko
habereyeyo agatikizo gakomeye. Mu batumwe, ni we
wenyene yavuye iyo yatumwe amahoro. Yimuwe haciye
igihe kinini, asiga ububwiriza bw’i Nyabikere bumaze
gutera imbere cane.
Abo ni bo bungere
b’ishengero rya
pentekote ry’i
Gitega
Ishengero rya Gitega rimaze gutera imbere, ishengero rya
Kiremba ryari ririreze, ryaciye ritora umuzezwashengero
162
yitwa Ngendakumana Claver yari yatumwe mu bubwiriza
bw’i Bitare, ngw aje gufasha Pasitori Nyandwi Nikodemu
yari ageze mu zaburukuru.
Ariko rero ntivyaguye neza Pasitori Nyandwi Nikodemu,
aca amusaba kuguma i Bitare akaja aramufasha
bikenewe. Haheze igihe gito Pasitori Nyandwi Nikodemu
yaciye yitaba Imana, Pasitori Ngendakumana Claver aba
ariwe asigarana ishengero kugeza rironse intahe yo
kwikukira mu mwaka wa 2019, aho yaciye arobanurirwa
kuba umwungere wa mbere; mu kibanza c’umwungere wa
kabiri hagenwa Pasitori Niyonzima Hermès.
c. Ishengero rya Gishiha
Ishengero ry’i Gishiha na ryo, ryabaye mu ya mbere
yarungitse abamisiyoneri mu Burundi bwo mu buraruko
bakunda kwita Uburundi bwa ruguru. Uwa mbere kwitaba
umuhamagaro wo kuja kuvuga ubutumwa bwiza i Muyinga
yari Pasitori Yona Ntaconayigize. Uwo na we yava mu
Kibira ca Vugizo. Yagiyeyo ajanywe mu modokari
n’umumisiyonerikazi Alice Kjellberg nko mu mwaka wa
1965 Ashitseyo, yaciye atangura kuvuga ubutumwa bwiza
no kwigisha abantu gusoma no kwandika mu Kagari.
Haheze igihe gitoya yaciye afatwa n’indwara ya malariya.
Bamuvanyeyo, yacikaniye mu nzira bataramushikana kwa
muganga nko mu mwaka wa 1968.
Mw ijambo rya nyuma yavuze yasize aremesheje
ishengero ngo ntirigire ubwoba ngo n’uko apfuye, ariko
arisaba gushishikara rirungika abakozi ati: “Kuko nsize
igikorwa c’Imana gitanguye”. Gishiha ica ituma abandi
bakozi bagenda bamara amezi make-make bagaca
basubira i wabo kubera ko batinya kwicwa na Malariya. Mu
mwaka wa 1971 Ishengero rya Gishiha ryarungitse
abavugabutumwa bashikira mu Kayenzi. Bashikiye mu
mihana yabamwo umwigeme Godeliva. Umwigeme
163
Mariselina yabatijwe haheze amayinga abiri yiga igice,
kandi mu Kayenzi hariho abandi banyagice benshi.
Yabatijwe na Pasitori NtibarekeweTito umwungere wa
kabiri w’ishengero rya Gishiha ahagarikiwe na Pasitori
Ndirabika Petero umwungere wa mbere w’ishengero ry’i
Gishiha na Pasitori Batoromayo Hajayandi, umwungere
wa mbere w’ishengero rya Mugara.
Inyuma yaho, ishengero ryashishikaye kurungika abandi
benshi. Mur’abo, harimwo Andereya Harakandi, Yeremiya
Buhoro, Shaltiyeli batazira Mwasomo w’umututsi,
Shaduraka umuhungu wa Rubaka, Fanuweli
w’umunyakiyazi, Sambura Dawidi umudiyakoni yava i
Kibingwe, yakora i Muyinga mu Kagari. Salomo yigisha mu
Gashoho hakukira ububwiriza bwa Mukoni.
Abo bakozi b’Imana bose baciye bahitanwa n’ikiza cateye
mu Burundi mu mwaka wa 1972. Bamaze kubegeranya
bagira babice, babonyemwo umututsi yitwa Shalutiyeli
batazira Mwasomo. Baca bamusaba kwitandukanya
n’abandi, kuko abasigaye bose bari abahutu. Aca
ababwira ko bose bajanywe no gukora igikorwa c’Imana.
Arababwira kw ico bazira ari co na we yagiye gukora, ko
babahoye ubusa na we apfana na bo kandi ko niba bazize
ibibi bakoze, babikoreye hamwe. Aca ababwira kw ari
ugupfa ari ugukira bagumana.
Baca bamwicana n’abo bandi bahutu. Sambura Dawidi,
umudiyakoni yava i Kibingwe yakorera i Muyinga mu
Kagari, bamutsinze mu Gashoho, imva yiwe iri haruguru
y’ibarabara rija mu Gashoho. Abatumwe gukorera mu
Burundi bwo mu buraruko bamaze guhura n’ingorane
nk’izo inkwirikizi ku mashengero yari amaze gutangura
zabaye nyinshi cane.
164
IX.2. Ingene amagume yadutse mu mwaka wa 1972
yononye igikorwa cari gitanguye co kuvuga
ubutumwa mu Burundi bwa ruguru n’ingene
igikorwa canagutse inyuma y’ikiza
Amagume yadutse mu gihugu c’Uburundi ku musi ugira 29
w’ukwazi kwa 4 k’umwaka wa 1972 yarononye cane
ishengero ry’i Gishiha. Abakozi benshi barapfuye, abandi
bahungira i Tanzaniya bajanye n’umwe wo mu
bamisiyonerikazi babiri batanguje imisiyoni ya Gishiha,
Alice Kjellberg yari i Gishiha mur’ico gihe.
Abari bagiye gukwiza ubutumwa mu Burundi bwa ruguru
baciye bagwayo. Amashure menshi yari amaze gutangura
arugagwa. Abakristo bari batanguye kwegerana baca
batangura gusanzara. Habonetse abigeme b’abahizi nka
Godeliva na Marcelline basigaye baregeranya abakristo.
Abo bigeme baciye bagerageza gutumako ishengero rya
Gishiha ngo ribarungikire abandi bakozi. Ishengero rya
Gishiha rica ribishikiriza inama y’abungere mu gikorane
caba uko umwaka utashe i Kiremba, risaba Ishengero rya
Kiremba ryari ricifashe neza, ko ryorungika abakozi
kwegeranya abakristo kugirango boye gusanzara, hari mu
mwaka wa 1974. Iyo nama yaciye ishinga kw’ishengero
rya Kiremba ryari ricifashe, ryorungika abakozi mur’ako
karere.
Pr Ndabarushimana François
Umwungere wa mbere
Abanyakiremba bashitse baciye baramira abakristo bo mu
mashure ya Kagari yari ageze habi kubera kubura abakozi.
Abo bakristo bari batanguye gusanzara. Mu mwaka wa
1977, ishengero rya Gishiha ryongeye kurungika abakozi i
Muyinga harimwo Misago Salomo na Makobero Ananias.
Ishengero rica rigena Pasitori Musa Muhandanyi,
umwungere wa kabiri w’ishengero ry’i Gishiha, ngw
agenzure ako karere bakoreramwo afatanije n’umwungere
165
wa kabiri w’ishengero ry’i Kiremba Pasitori Ndikunkiko
Eliya.
Abakozi batumwe n’Ishengero ry’i Gishiha, baciye
bakorera hamwe bafatanya n’abakozi batumwe
n’ishengero rya Kiremba, kandi abakristo baremeza ko
mur’ico gihe vyagenda neza cane. Mu myaka ikurikira,
haciye hatumwa abakozi benshi, cane-cane mu mwaka wa
1980. Muri bo harimwo Elisa Shiramarora, Thomas
Mundanikure, Godefroid Kabura, Nyanzira Kosani,
Bamboneyeho Nikodemu na Shaduraka Girukwigomba.
Uwo Girukwigomba Shaduraka ari mu batanguje
ishengero ry’i Karama n’iryo mu Kayenzi ryahavuye
ryimukira ku Mukoni.
Aba ni bo
bungere
b’ishengero
rya Mukoni
Pr Girukwigomba Chadrac
Umwungere wa kabiri
Ishengero rya pentekote ry’i Gishiha, rimaze kubona ko
ishengero ry’i Mukoni riteye imbere, ryaciye rifata ingingo
yo kurishikiriza intahe yo kwikukira. Haca arobanurwa
Pasitori Ndabarushimana François ngw aribere
umwungere wa mbere, umwungere wa kabiri aba Pasitori
Girukwigomba Chadrac.

166
IX.3. Ingene habaye igaburwa ry’uturere hagati
y’ishengero rya Kiremba n’ishengero rya
Gishiha
Mu mwaka wa 1980, ni ho habaye gusubizanya uturere
twagenzurwa n’ishengero rya Gishiha rifashijwe
n’ishengero rya Kiremba. Kubera uruhara runini ishengero
rya Kiremba ryagize mu gihe cose ishengero rya Gishiha
ryari rikiri mu magume, Gishiha yaciye ihebera ishengero
rya Kiremba ishengero rya Kagari yari yaratanguje.
Abarongoye ayo mashengero baca bemezanya ko
ishengero rya Kiremba ryokwiragiza ubutumwa kuva mu
Kagari ritera rija i Ngozi, ishengero rya Gishiha na ryo
ryasigaranye amashengero ya Karama na Kayenzi, rica
ryemeranya n’ishengero rya Kiremba ko rizoshishikara
gukwiza ubutumwa ritera rimanuka mu ntara ya Karusi.
Ishengero ryo mu Kayenzi ryaciye ryimukira ku Mukoni mu
gisagara c’i Muyinga. Ishengero rya Gishiha rica rikorana
n’ayo mashengero abiri y’i Muyinga ariyo Mukoni na
Karama mu gukwiza umutumwa ritera rija mu ntara ya
Karusi. Abatumwe i Muyinga baciye bamanuka i Karusi
bavuye ku Mukoni, binjirira i Mwakiro.
Mur’abo bakozi harimwo Pasitori Makobero Ananiyasi yari
umwungere wa mbere w’ishengero ry’i Karama ryari
ryamaze kwikukira, na Pasitori Girukwigomba Shaduraka
yakorera mw’ishengero ry’i Kayenzi ryaruhiye kwimukira
ku Mukoni. Abo bapasitori bakorana na Pasitori Nikodemu,
Pasitori Elisa Shiramarora na Pasitori Toma Mundanikure.
Uwo Mwungere wa mbere Makobero Ananiyasi yaruhiye
kugwa mu caha c’ubusambanyi aca akurwa mur’ayo
mabanga asubira mw’ishengero rya pentekote ry’I Gishiha
ryari ryamurungitse, ubu akaba ari umukristo asanzwe i
167
Gishiha. Yaciye asubirirwa na Pr Kubwimana Cassien,
afashijwe na Pr Ruberinkindi Isaac, umwungere wa kabiri.
Abo ni bo
bungere
b’ishengero rya
Karama
Pr Kubwimana Cassien Pr Ruberinkindi Isaac
Umwungere wa mbere Umwungere wa kabiri
Ishengero rya Kiremba na ryo ryasigaranye Kigozi, na
Kagari, rica ryinjira muri Ngozi no mu Kayanza, rirakevya
rihitana igice c’i Karusi bitari mu masezerano.
Ishengero ry’i Karusi riramaze gutera imbere cane ku
burwo rimaze kuronka ubwigenge bwo kwitunganiriza
ivyaryo rihagarikiwe n’ishengero rya pentekote ry’i Gishiha.
Iryo shengero kugeza ubu rirongowe n’umuzezwashe-
ngero yitwa Salvatori.
X.4. Ingorane abagiye kuvuga ubutumwa bakunda
guhura na zo
Abagiye kuvuga ubutumwa mu Burundi bwa ruguru
ntiborohewe. Hari huzuye ibintazi, hariyo abapfumu,
abarozi na ba nanga yivuza. Hariyo imiyaga mibi myinshi
cane kuburyo bari bafise igikorwa kinini co kwama bariko
barasenda ibisigo, baturira ibigirwamana vy’abemeye
kwihana. Ahari ba nangayivuza, hari umugirwa watuma

168
inzu yose iramukirwa uk’umwaka utashe gutanga umwana
w’umuhungu kw’ikimazi c’umuryango. Uwo mwana
w’umuhungu baramubaga bakamusangira mu muryango
wose.
Umwe mu bavugabutumwa bakoreye mur’utwo turere ari
umuzezwashengero muri kino gihe yitwa Pasitori Kabura
Godefroid ni we yatubwiye ivyigeze kubashikira. Mu
gitondo co ku musi w’Imana bariko baritegura ngo baje mu
miga mw ishengero ry’ i Karama. Bagize bartya, babona
abarozi baje nk’igitero bashika nka 20 bava mu karere ka
Nyamihondi. Bashitse babwira abakozi b’Imana bati:” Iyo
mwahereye mutwononera ibintu vyacu, uno musi
twarahiye ntimwigisha. Ni mwaramuka mwigishije uno
musi, Imana yanyu izoba ihambaye, tuca twemera
twihane”. Abo bakozi b’Imana baca barabakira neza
barababwira bati ni mugende mu rusengero mwicare aho
mubona mushaka, natwe turiko turitegura turaje
gutanguza amiga.
Baca baragenda bicara ku ntebe z’imbere. Abakozi
b’Imana baca barashika inyuma y’akanya gatoya, bicara
imbere y’ishengero nk’uko bisanzwe. Bari bashize ku
rutonde urongora amiga, n’abavuga ubutumwa babiri.
Uwatowe ngw arongora amiga agize ngo arahaguruka,
batangura kurungika imiyaga mibi, bakoresheje
amangetengete yabo. Mugabo we n’aho yabona ivyo
bariko baragira, ntivyamutera ubwoba. Ururirimbo rwa
mbere rurahera, basubira urundi, indirimbo z’abaririmvyi
zirasamirana.
Hagera aho abavugabutumwa bakuranwa kuvuga
ubutumwa ba barozi bariko barakora icari cabazanye.
Bararorera ko hagira ugwa bukumbi barabura. Kugeza aho
amiga yarangiye ata na kimwe kibaye ku bakozi b’Imana.
Amiga arangiye, abo bakozi b’Imana baca babwira ba
169
barozi, bati ubu na ho ntimubonye kw’Imana yacu ari
Imana y’ubushobozi. Ni mwihane tubasengere Imana. Na
bo bati: “Egome twabonye kw’Imana yanyu ihambaye,
mugabo ntituranyugwa. Hari intenderi yamaze abantu, ni
mwashobora kuyiturira duca twihana”. Intenderi rero ni
akantu k’agakunga canke akarende bakoresha mu kuroga.
Baca batuma umwe muri bo ngw aje kuyizana.
Ayishikanye, umupasitori yari arongoye abakozi b’Imana
aca arababwira ngo baje kuyiturira na we agenda
kuruhuka. Abavugabutumwa babonye abasize bonyene,
batangura gutinya, baravugana bati:”Na Pasitori aragize
ubwoba! Iyi ntenderi iratumara!” Ariko barashinga icinyo ku
kindi, barayitwara ku gicaniro aho bahora baturirira
ibigirwamana. Umunyota wari waraduze uba ikigunguzi.
Batangura gucana umuriro bashiramwo inkwi nyinshi.
Umuriro umaze gufatwa neza, abo barimu na bo bakikijwe
n’abo barozi bariko bararirimba, baca bafata ya ntenderi
bayinuga mur’uwo muriro. Ngo haciye haboneka
igitangaza, iyo ntenderi ica irataruka iva mur’uwo muriro
uhinda, irururuka neza muri ca kigunguzi c’umunyota,
iragenda yitembagaza hafi nk’imetero 10.
Abo barimu barabura uko bagira, mugabo ntibagira
ubwoba baguma baririmba ururirimbo ku rundi. Baza
babona irahindukiye, iragaruka igenda iratembagara,
ishitse iriyuriza wa munyota, igera no mu muriro ngo ba.
Ica irasha iratokombera. Abo barimu bahejeje kuyiturira,
babwira ba barozi, bati: “Ubu na ho ntimwiboneye ingene
Imana yacu ihambaye, ngo tuje mu rusengero mwihane”.
Ba bapfumu baca babwira abo barimu bati: “Nta kindi
gisigaye kw’ intenderi y’abandi ihiye, ntaho tuja, tutihannye
turapfa”. Baca baragenda mu rusengero, barihana,
baratura ivyaha vyabo vyose. Bahejeje, abo barimu
170
barabasengera. Mur’abo bapfumu bamwe ubu ni abakozi
b’Imana.
Naho biri uko, ijambo ry’Imana ryaramaze gushika mu
gihugu cose. Amashengero ashika cumi n’atanu aramaze
kuronka intahe yo kwikukira na yo ni aya:
 Ishengero rya Kayogoro, ishengero rya Gishiha
n’ishengero rya Nyanza-Lac mu ntara ya Makamba
 Ishengero rya Kiremba mu ntara ya Bururi,
 Ishengero rya Mugara mu ntara ya Rumonge,
 Ishengero rya Bujumbura mu ntara ya Bujumbura,
 Ishengero rya Nyamutobo mu ntara ya Ruyigi,
 Ishengero rya Gitega mu ntara ya Gitega,
 Ishengero rya Maramvya mu ntara ya Kayanza,
 Ishengero rya Rusagara mu ntara ya Cibitoke,
 Ishengero rya Gashikanwa mu ntara ya Ngozi,
 Ishengero rya Kagari, ishengero rya Karama
n’ishengero rya Mukoni mu ntara ya Muyinga,
 Ishengero rya Kigozi mu ntara ya Kirundo.
Amashengero abiri ariko arategugwa imbere y’uko aronka
ukwikukira na yo ni aya:
 Ishengero rya Butara mu ntara ya Cibitoke;
 Ishengero rya Karusi mu ntara ya Karusi.
X. INGENE AMASHENGERO YA PENTEKOTE YO MU
BURUNDI YASHISHIKAYE GUKWIZA UBUTU-
MWA MU BINDI BIHUGU
Haheze igihe kitari gito amashengero ya Pentekote
atanguye gukwiza ubutumwa bwiza mu bindi bihugu cane-
cane vyo muri Africa ahereye ku bihubu bikikije Uburundi.
Igikorwa c’abamisiyoneri batumwe gukorera mur’ivyo
bihugu kiriko kiragenda neza mu mwumvikano hagati
y’abo bamisiyoneri no hagati y’amashengero bamukamwo.
171
X.1. Ishengero rya Mugara
Igikorwa co gukwiza ubutumwa mu bindi bihugu
vyatanguriye mu gihugu ca Tanzaniya, aho ishengero rya
Mugara ryari ryarungitse abavugabutumwa Petero na
Yafeti bakorera mu ntara ya Lindi mu mpera y’umwaka wa
1960 no mu ntango y’umwaka wa 1970. Ico gikorwa caciye
kidindizwa n’ikiza cononye ishengero mu mwaka wa 1972.
Ico gikorwa co gukwiza ubutumwa bwiza mu bindi bihugu
cakomejwe biturutse ku rugendo umwungere wa mbere
w’ishengero rya Mugara Ntunzwenayo Augustin yagize
aherekejwe n’umuzezwashengero Hicintuka Juvénal mu
bihugu vya Zambiya, Zimbabwe na Malawi mu mwaka wa
2005.
Bavuye mur’urwo rugendo, haciye hategurwa inama yo
kumenyesha ishengero ingene ivyo bihugu bikeneye
ubutumwa bwiza. Baca bumvikana ko hakwiye gutumwa
intumwa za mbere mur’ivyo bihugu. Bidatevye mu kwezi
kwa 10 mu mwaka wa 2005, ishengero rya Mugara ryaciye
rituma intumwa za mbere zigizwe na Pasitori Nsengiyumva
Léon na Pasitori Hicintuka Juvénal mur’ivyo bihugu.
Abo bakozi b’Imana baciye bafata urugendo mu mwaka wa
2005, bashika batanguza ibikorwa mu bihugu vya Malawi,
Mozambike na Zambiya. Bamaze kudomeka umuriro
baciye bagaruka kuvuga inkuru z’ico gikorwa cari
gitanguye. Ni ho mu nyuma hagiye harasubirayo abungere
Ntunzwenayo Augustin na Simoni Petero Barankunda
bajanyeyo abandi bakozi. Ubu ibikorwa bigeze ku
ntambwe nziza cane mu kanya gato.
172 173
1. Mu gihugu ca Malawi. X.2. Ishengero rya Pentekote rya Kayogoro
Mur’ico gihugu gisumba Uburundi, intara zibiri gusa ni zo Ishengero rya kayogoro na ryo nyene ntiryatevye
zari zimaze gushingwamwo amashengero ya pentekote kurungika abamisiyoneri mu bindi bihugu.
kugeza kuri yubile yabaye mw’ishengero ryo ku Mugara
mu mwaka wa 2010. Iryo shengero ry’i Malawi ryari rifise 1. Muri Tanzaniya.
abazezwashengero 8, abavugabutumwa 19; abadiyakoni
36 n’abakristo bashika 466. Icicaro c’iryo shengero kiri i
Ishengero rya Kayogoro ryatanguye kurungika
Lumbadzi nko ku birometero 40 uvuye i Lilongwe ku murwa
umumisiyoneri mu gihugu ca Tanzaniya mu mwaka wa
mukuru wa Malawi, kandi nta bikorwa vy’iterambere
1969, yitwa Nzobe. Yakoreye ahantu hitwa Keza. Kubera
vyaribwatangure.
amagume yadutse mu mwaka wa 1972, yari yasinzikaje
cane ishengero, ibikorwa vyari vyatanguye vyaciye
2. Mu gihugu ca Mozambike
bihagarara. Ishengero ryasubiye kwiyumvira kurungika
abamisiyoneri hanze y’igihugu c’Uburundi haciye igihe
Mur’ico gihugu, ishengero rya Mugara mu mwaka wa 2010
kirere.
ryari rifise ibibanza 2 ari vyo Bobole na Manyisa.
Abasengera mur’ivyo bibanza bari 138. Ishengero rya 2. Urugendo rwo gutata aho gutanguza ubutumwa
Bobole ryaramaze kwemerwa na Leta.
Umwungere wa mbere Pasitori Samiye Lazare amaze
3. Mu gihugu ca Zambiya.
kwitaba Imana, ishengero rimaze kunaguka, ryaciye rituma
umwungere yamusubiriye Pastori Nizigama Esron
Mur’ico gihugu, ishengero rya Mugara ryatanguje ibikorwa
aherekejwe n’umwungere wa kabiri Pasitori Emmanuel
vy’Imana mu gisagara ca Lusaka, umurwa mukuru w’ico
Niyungeko gutata ingene ryorungika abamisiyoneri muri
gihugu. Ibindi bibanza vyashishikaye kwugururwa inyuma
Afrika y’uburengerazuba nko muri Sénégal, muri Mali
y’igisagara, nko mu gisagara kiri ku kivuko c’i Mpurungu ku
n’ahandi hari nko mu mwaka wa 2000.
kiyaga Tanganyika. Ibindi bibanza biri i Congwe, n’i
Kalinda.
Ariko kubera uburyo ntiryabaye ricihutira kurungikayo
abamisiyoneri mur’ivyo bihugu kuko haciye hajamwo ivyo
Aho i Zambiya, umuhisi Pasitori Bahema Isirayeli na
kwubaka ukundi gusha urusengero rwa Kayogoro rwari
Pasitori Ndikubukira Léopord bafadikanije n’abakozi
rwasambuwe n’inkuba. Ni ko guca rihitamwo guhera mu
b’Imana bandi hamwe n’ishengero rya Mugara, baramaze
bihugu vyo hafi.
kuhubaka urusengero rukomeye. Ishengero ryaho rifise
ibibanza 5 vyo gusengeramwo, abapasitori 3,
abavugabutumwa 5, abadiyakoni 10 n’abakristo bashika
240
174
3. Mu Buganda.
Ishengero rya Kayogoro ryaciye rituma gutanguza
ubutumwa bwiza mu gihugu ca Buganda. Mu bagiye
kuvuga ubutumwa bwiza mur’ico gihugu, harimwo
umuzezwashengero yitwa Ngendakuriyo Yonas.
Ishengero ryo mu Buganda rimaze gukomera, ishengero
rya Kayogoro ryaciye rigomwa uwo mupasitori, rimusaba
kugaruka kuba umwungere wa kabiri ngw’asubirire Pasitori
Nimpa Seth yari yitavye Imana.
4. Mu gihugu ca Mozambike
Ishengero rya Kayogoro ryumvise inzara n’inyota
abanyamozambike bafitiye ubutumwa bwiza bwa Yesu
Kristo, ryaciye rirungikayo abamisiyoneri, harimwo
Burikukiye Fréderic. Ubu ishengero rya Kayogoro
ryaramaze gutanguza amashure menshi harimwo
n’ububwiriza.
X.3. Ishengero rya Pentekote rya Gishiha.
Ishengero rya pentekote rya Gishiha ryashishikaye
gukwiza ubutumwa mu bindi bihugu. Ivyo vyafashijwe cane
n’impunzi zavuye i Gishiha zikaja mu bindi bihugu, hamwe
n’abarundi bajanywe no kurondera akazi.
Ubu ishengero rya Gishiha riramaze kurungika
abamisiyoneri mu bihugu bibiri vyo mu karere ka Afrika
y’ubumanuko hamwe no mu Budagi i Bulaya.
Muri Zambiya no muri Zimbabwe ishengero rya Gishiha
ryarungitseyo abamisiyoneri bagizwe n’abazezwashe-
ngero n’abarimu. Kandi kuvuga ubutumwa bwiza mur’ivyo
bihugu ntivyaboroheye. Nk’aho i Zimbabwe bari bamaze
igihe kitari gito bakorera, bama batewe n’abarozi,
175
bakongera bakama mu ntambara basenda abadayimoni
mu bantu.
Abo ni bamwe
mu bamisiyoneri
b’abazezwashen-
gero, bakorera
Imana muri
Zimbabwe n’i
Zambiya
Mbere basanze hariyo n’ibigatanya bisa n’abantu, bikagira
amaboko afutswe n’ amoya nk’ay’inyoni, afise ibiganza
nk’umuntu, bikagira ivyara birebire n’amaguru nk’abantu.
Ivyo bihume vyari vyaramaze abantu. Uwo bikubise urushi
yaca agwa ibinyanya, agakongatara, agakama amaraso,
inyuma y’imisi mikeya agaca apfa.
.
Rimwe na rimwe baraterwa n’ivyo bigatanya haba mu
mazu babamwo canke mu nsengero, bikabakubita
mugabo ntibapfe. Baciye babivira hasi, bakabihiga mu
mazu vyabateye, bakabicakira, bakabiboha, bakaja
kubiturira. Umwarimu umwe mur’aba tubona aha munsi,
bariko barakiboha cabateye mu nzu bararamwo,
camucumise urwara, amaraso aca aridunya.
Ababizi bemeza ko uwo kiriye urwara, amaraso aca
yidunya, kugeza ah’amaraso akama agaca apfa. Ariko we
yashishikaye gufatanya n’abandi bari kumwe,
barakigwanya, bagikubita hasi, barakiboha n’intsinga,
baca bacana umuriro, baragiturira gisigara ari inyama,
imbwa zica zirakirya bukeye basanga zaraye zikimaze.
176
Abaho bumvise iyo nkuru bariruhukije kuko cari
carabamariye abantu. Babonye abo bakozi b’Imana
ndetse n’uwo cari cakomerekeje ata co babaye, baca
baremera kw’Imana abo bakozi bayo bakorera ari iy’ukuri
kandi ihambaye. Abo bakozi b’Imana bashoboye
guhangana n’abarozi i Malende, aho abapfumu n’abarozi
mu gihugu cose ca Zambiya bari barigaruriye,
bakahashinga icicaro.
Abakozi b’Imana bagiye gukorerayo, uko bagize ngo
barazinduka aho bakoranira, basangaho amacumu
ashinze harimwo iririko agahanga k’umuntu, ngo hahere
akanya, akazimangana. Umusi umwe bariko barasengera
aho hantu, babonye inka nyinshi, n’inkende ku biti ata
muntu n’umwe yabasha kuzirukanisha kuzitera amabuye.
Abo ni bamwe mu barimu bafasha Abapasitori
kurwanya ivyo bigatanya
Baca barasenga cane. Barangije gusenga, basanga haba
izo nka canke izo nkende zakamanganye. Kuva ico gihe
ntibarasubira kuzibona canke ngo bongere kubona
amacumu aho hantu.
Abarozi bigeze gukoresha amangetengete yabo, Pasitori
Bucumi Onesphore yafashe ideni mw’ibanke, agira ngw
arangure umugambi, agiye kuraba aho yashize amahera,
asanga harera. Aca aja mu bagenzi abasaba amadeni
177
kugira ngo abone gusubiza ibanke amahera yayo, ayo
aronse ntiyakwira. Aca asaba abungere b’ishengero ry’i
Gishiha ryamutumye kuvuga ubutumwa, ngo
bamugurishirize inzu afise i Makamba, abone kuriha iryo
deni rya banke.
Bamaze kuyigurisha, uwayiguze biramwankira
kuyibamwo, aca afata ingingo yo kuyigurisha. Imana ica
ihagurutsa umuntu wo muri Amerika, asaba Pasitori
Bucumi Onesphore kuza kumuraba. Baca bahana isango
ko bazohurira ku kibuga c’indege, bavugana n’ingene
bazoshobora kumenyana. Yaje yambaye uduhuzu
tubayabaye nka turya baryamamwo, na we aca yambara
igikofero kinini kidasanzwe.
Aho ku kibuga c’indege, uwo mushitsi avuye mu ndege,
barabonanye baca baratorana bitagoranye bafatiye ku
bimenyetso bahanye, aca amujana i we. Amushikanye,
uwo mushitsi aca abwira uwo mupasitori, kw’Imana
yamutumye kugura inzu yaheruka kugurisha, ati: “Kandi
uwayiguze ariko arashaka kuyigurisha none rero ngira
ndayigure nce ndayigusubiza”. Pr Bucumi Onesphore
yaciye atelefona mu Burundi asanga koko ariko ashaka
kuyigurisha.
Bavugana k’ushaka kuyigura yomuha amadolare 25 000.
Uwo mushitsi ac’abaragura ayo mahera arayigura, aca
ayisubiza nyeneyo. Ahejeje kumusubiza iyo nzu, aca
amubwira kw’ahamagara abo aheraniye amadeni yose
akayariha.
Abo afitiye amadeni baje, ni ko guca yongera amuha
amadolari 25 000 yo kuriha amadeni kugira ngo abone
gukora afise umwidegemvyo. Ahejeje kuriha vyose,
bukeye aca amusubiza ku kibuga c’indege, asubira muri
Amerika iyo yari yaje ava.

178
1. Mu gihugu ca Zambiya
Abarundi baba mu gihugu ca Zambiya bamuka
mw’ishengero rya Gishiha, babonye ubukene bw’aho
basengera Imana, baciye batumako ishengero rya Gishiha
ngo ribarungikire abakozi b’Imana. Ryaciye rirungika
umuzezwashengero yitwa Bucumi Onesphore.
1.1. Ishengero ry’i Libala
Pr Bucumu Onesphore ashitseyo i Zambiya, yaciye
atanguriza igikorwa c’Imana i Libala muri Lusaka umurwa
mukuru wa Zambiya.Ubu hari ishengero rigizwe
n’ububwiriza 10, 7 buri mu gisagara ca Lusaka bundi 3 buri
mu gihugu hagati. Rifise abakristo barenga 600. Iryo
shengero ryari rimaze kuronka abazezwashengero 17,
none babiri baheruka kuja muri Amerika, umwe
w’umunyazambiya na we aragwa. Ubu iryo shengero
risigaranye abazezwashengero 14 harimwo 11 b’abarundi
na 3 b’imvukira za Zambiya.
1.2. Ishure rya Bibiliya ry’i Libala
Haheruka gutanguzwa ishure rya Bibiliya ry’imyaka ibiri ry’i
Libala i Lusaka muri Zambiya . Uwagiye kuritanguza ni
Pasitori Yakaremye Prosper, umubwiriza w’i Nyabaheza
yajanye n’intumwa zirongowe n’abungere b’ishengero rya
Gishiha mu ntango y’ukwezi kwa 4 mu mwaka wa 2022.
Iryo shure ryatanguyemwo abanyeshure 75 barimwo
abava mu mashengero yatangujwe n’ishengero rya
pentekote rya Mugara, n’abava mu mashengero ya
pentekote yatangujwe n’ishengero rya Gishiha.
179
Abo ni abanyeshure bo mw’ishure ya bibiliya y’i Libala bari kumwe na Pr
Yakaremye Prosper umwigisha wabo akaba n’umuyobozi w’iryo shure.
Mur’uwo mwaka wa 2022, harangije ivyigwa abanyeshure
69, mugabo umwe muri bo yaciye yitaba Imana. Hitezwe
rero abanyeshure 68 mu mwaka ugira kabiri. Uwo mukozi
w’Imana yakoze ivy’ubuhizi kuko yagira kurongora iryo
shure no kwigisha ari wenyene, ivyigwa vy’umwaka wose
mu mezi atatu. Imana yabanye na we arangiza ivyo
bikorwa vyose ari muzima.
1. 3. Isgebgero rya pentekote ry’i Malende
Aho i Malende mur’ico gihugu ca Zambiya, harungitsweyo
umukozi w’Imana w’umuzezwashengero yitwa Kagoma
Gilbert aherekejwe n’umuvugabutumwa yitwa Safari.
Bashitseyo baciye batangura kuvugira ubutumwa bwiza
musi y’ikigazi. Aho i Malende, hari hagoye cane kuko hari
huzuye abarozi. Batanguye kuvugayo ubuwumwa bwiza
bagize ibibazo vyinshi batewe n’abo barozi bari
bahagurutse ngo babarwanye, gushitsa n’aho bagerageje
kubaroga, birabananira. None ubu haramaze gutangurayo
ishengero.
180
1.4. Ishengero rya pentekote ry’i Kahoma
Umuzezwashengero yitwa Gerevasi Minani na we yagiye
gukorera i Kahoma nko ku birometero 450 uvuye i Lusaka
werekeza muri Angola. Aho na ho harabereyeyo
umubatizo w’abantu 13, kandi aho haramaze gutangwa
ikibanza co kwubakamwo imisiyoni.
2. Mu gihugu ca Zimbabwe.
Mu ntango y’umwaka wa 2022, ishengero rya Gishiha,
ryaronse ubutumwa bwihuta busaba ko ryorungika abakozi
gufasha abantu bari i Zimbabwe bashaka ubutumwa
bwiza. Rica rirungika intumwa zija gutata uko vyifashe
zivuye i Zambiya. Kandi kujayo vyari bigoye kuko hari
abatanguje amashengero y’idini ritemera ubutumwa bwo
kwihana. Abarongoye iryo dini ntibashaka ko ubwo
butumwa bwinjirayo. Pasitori Bucumi Onesphore ni we
ishengero ryarungitse gutata uko vyifashe, arondeye
uwumuherekeza Mpwemu Yera aramwankira.
Mw ijoro buca afata urugendo, yumvise ijwi rimuremesha
ngo N’areme azokwakirwa n’umuntu ahambaye ageze ku
rubibe rwa Zambiya na Zimbabwe. Bukeya aca afata
urugendo aherekejwe na bamwe mu bo bakorana.
Bashitse ku rubibe, abari bamuherekeje baciye
bamusezera basubira inyuma, aca agenda wenyene,
yakirwa n’umukuru w’igipolisi c’i Harare. Pr Onesphore
Bucumi, yaciye aja kurondera indaro. Aca afata imigambi
yo gutangura kuvugira ubutumwa bwiza mw’ibarabara
yizigira ko hari abarundi bomwitaba. Atanguye kuvuga
ubutumwa haca haboneka abarundi batanu baje
kumwumviriza. Imana ica iriyerekana mu buryo bukomeye,
abantu batangura gukira indwara.
181
Ba banyedini babibonye baca bamukurira hasi bamuha
amezi abiri ko badashoboye kumwomora mur’ico gihugu
azoba yapfuye. Umurongozi akomeye mur’iryo dini ryabo
yari arwaye asinzikajwe cane n’indwara y’igisukari
(diabete) imiti yose yahora yifashisha yasenzwe.
Yumvise uwo mukozi w’Imana ingene imukoresha
ibitangaza, aca asaba ko bamuterura mw’ijoro
bakamushira uwo mukozi w’Imana ngw’amusengere.
Uwu muzezwa-
shengero ni we
Imana yatumye
kwugurura
igikorwa
c’Imana muri
Zimbabwe
Ashitse, aramusengera, amwaturirako kw’akize. Aca
amubwira kw’inyuma y’amayinga abiri azoca aja
kwisuzumisha kwa muganga ngw’arabe ko yakize. Buno
nyene aca atangura gufungura, aca arakira, amara amezi
atatu aja arasubira kwa muganga kwisuzumisha asanga
koko yarakize. Uwo munyedini yabaye umwe mu
bamufashije kwakira intumwa zagiyeyo gutanguza
ishengero zirongowe n’abungere b’ishengero ry’i Gishiha.
Uwundi musi, ariko aravuga ubutumwa bwiza, yagiye
abona wa mukuru w’abapolise yamwakirira ku rubibe, yari
umwe mu barongoye irindi dini, ariho ari. Pr Bucumi
Onesphore ahejeje kwigisha, yumva Mpwemu Yera
amugobera ngw amuhamagare aze imbere amusengere.
182
Ariko aramusengera aca amuvugishwako yuko bazoronka
ikibanza co kwubakamwo imisiyoni yamaze guhabwa
amabanga akomeye mu Gihugu ciwe. Bidatevye yaciye
ashingwa amabanga yo kurongora igipolise cose co muri
Zimbabwe.
Inkuru z’ivyo bitangaza Imana yakoresheje umusavyi wayo
zica zitangura gukwiragira irya n’ino. Maze ashishikara
kuvuga ubutumwa bwiza bwa Yesu Kristo, mu murwa
mukuru Harare. Hamaze kuboneka abantu bihana, aca
atanguza inyigisho zibategura ngo babatizwe. Hageze
kubatizwa, haciye hatumwa intumwa zija gutanguza
ishengero zirungitswe n’ishengero rya Gishiha zirongowe
n’umwungere wa mbere n’umwungere wa kabiri b’iryo
shengero. Izo ntumwa zatanguye urugendo
kw’igenekerezo rya 6 z’ukwezi kwa kane mu mwaka wa
2022
Mur’ico gikorwa co gutanguza ishengero, haciye haba
umubatizo wa mbere mur’ico gisagara, aho habatijwe
abantu cumi harimwo abanyazimbabwe cenda n’umurundi
umwe. Aho i Harare baramaze kuronka aho kwubaka
urusengero.
3. Mu gihugu c’Ubudagi.
Ubu na ho ishengero rya Gishiha riheruka gutuma
umuvugabutumwa mu gihugu c’Ubudagi i Bulaya yitwa
Nininahazwe Hilaire yari asanzwe ari umurundi yamuka
mw’ishengero rya Gishiha, ubu akaba asigaye aba mu
Budagi. Kandi uwo Hilaire yaramaze kuronka
n’ubwenegihugu bwaho. Aheruka gusengegwa mu
mabanga y’ubuzezwashengero mw’ishengero rya Gishiha.
Imbere y’ikiza c ‘indwara ya COVID 19; aho mu Budagi
hashobora gukoranira hamwe abantu bashika nka 8. Ikiza
giteye hafashwe ingingo ibuza abantu gukoranira hamwe,
ntibasubira kwegerana kugeza n’ubu.
183
Kubera iyo ngingo ibabuza gukoranira hamwe, basigaye
basangira ubutumwa bwiza bakoresheje ingurukana-
bumenyi. Hari umuntu umwe yashaka kubatizwa
akirindirijwe
X.4. Ishengero rya Pentekote rya Nyamutobo.
Umupasitori Birenzwamaso Fidèle, yari arongoye ishure
rya Bibiliya ry’i Nyamutobo, yari asanganywe
umuhamagaro wo kuja kuvuga ubutumwa bwiza mu
Gihugu c’Ubuganda. Mu mwaka wa 2006, yari yagiye
ajanye n’abanyeshure mu Bubwiriza bw i Ntende mu
Ruyigi, bahahurira n’abanyeshure bo mw’ishure rya
Bibiliya ryo ku Mugara, bari baje mu myimenyerezo. Mu
miga barimwo, umwungere wa mbere w’ishengero ry’i
Nyamutobo Pr Basabose Sébatien ni ho yar’ari, aca yumva
akwiye gufatanya n’abandi gukwiza ubutumwa .mu bindi
bihugu.
Uwu ni umumisiyoneri yatumwe
n’ishengero rya pentekote ry’i
Nyamutobo mu Buganda. Ni we
yari ahagarariye ibikorwa vy’Imana
mw ikampi y’i Kakuma mu karere
ka Turkana i Kenya imbere y’uko
ishegero ry’i Nyamutobo rishikiriza
ishengero ry’i Karama ibikorwa
ryari rihagarariye.
Asubiye inyuma, aca ashikiriza ico ciyumviro inama
y’ishengero. Mur’iyo nama haciye hafatwa ingingo yo
kurungika umumisiyoneri mu gihugu c’Ubuganda. Baca
basengera Pasitori Birenzwamaso Fidèle ngw’aje kuba
umumisiyoneri mur’ico gihugu. Bidatevye yaciye afata
urugendo rwo kuja i Buganda, aca i Gatuna ku rubibe rw’i
Rwanda na Buganda, ashika i Buganda ku musi wa 13
w’ukwezi kwa 7 mu mwaka wa 2006.
184 185

Ashitse i Buganda, yaronse umukristo wa mbere yemeye

gukorana na we yari asanzwe mw’ishengero ry’ababatiste
yitwa Robert Mwebesa yaba i Ntungamo. Robert Mwebesa
amaze kwemera gukorana n’uwo mumisiyoneri, yaciye
ashishikara gukwiza ubutumwa aho i Ntungamo, Pasitori
Birenzwamaso Fidèle na we ashishikarira igikorwa
c’Imana i Kampala.

Mu mwaka wa 2008, Pasitori Birenzwamaso Fidèle,

yumvise inkuru ko hariho abakristo b’abarundi bahungiye
Pr Birenzwamaso Fidèle Pr Mutabazi Melchior Pr Nsabimana Athanaze
mw’ikampi y’impunzi y’i Nakivale. Aca aja kwegeranya
abakristo bari mur’iyo kampi bari basanzariye mu yandi Aba tubona aha hejuru ni abapasitori ba mbere b’abarundi basengewe mu
mashengero. Bamaze kwegerana, haciye haboneka ko gikorane cabereye mw ishengero ry’i Ntungamo mu mwaka wa 2009 bari
kumwe na misiyoneri Pr Birenzwamaso Fidele.
hakwiye abakozi b’Imana bafasha abo bakristo ngo
babandanye mu nzira y’agakiza. Ubwo bubwiriza tudondaguye bugizwe n’amashengero ari
hanze y’ikampi. Ariko mw’ikampi y’i Nakivale na Chaka,
Ni ho mu mwaka wa 2009, mu gikorane cabereye i hari amasengero menshi.
Ntungamo, Umwungere Basabose Sebastien w’ishengero
rya pentekote ry’i Nyamutobo yaciye asengera X.5. Ishengero rya Pentekote rya Karama.
abazezwashengero batatu ba mbere ari bo b’aba: Robert
Mwebesa umuganda w’umunyankore, Mutabazi Melchior
Vianney na Nsabimana Athanase b’abarundi.
Uw’i bumoso ni
we misiyoneri i
Abo bazezwashengero bashasha bari bahejeje kwatirwa Buganda, uri
mur’ayo mabanga, baciye bafatanya n’uwo mu misiyoneri iruhande yiwe ni
Pasitori Birenzwamaso Fidèle kuvuga ubutumwa mur’ico we aserukira
gihugu c’ubuganda. Ibikorwa bica biratera imbere cane. ishengero rya
Kandi uko ibikorwa vyaguka ni ko hagiye harasengegwa Pentekote
imbere ya Leta
abandi bakozi. ya Uganda
Ubu igikorwa c’Imana carateye imbere cane, hamaze
kuboneka amasengero 26, n’ububwiriza butari buke nka
Bukomasindi i Kiryandogo, Masaka, Mubende, Mbarara,
Mu mwaka wa 2009, umuvugabutumwa yitwa Minani
Ntungamo na Gashasha i Ntungamo, Kiyenji na
Simiyoni yaciye i Nakivale agiye kuvuga ubutumwa i
Nyabubale muri Singiro.
Kenya. Ashitse i Nakivale, abazezwashengero baciye
186
bamuha ivyemeza kw’ari umuvugabutumwa agiye
gukorera mw’ikampi y’i Kakuma. Ashitseyo yaciye
atangura kwegeranya abakristo. Bamaze kwegerana aca
atumako misiyoneri Pr Birenzwamaso Fidele, agenda
ajanye na Pr Mutabazi Melchior. Mur’ico gihe haciye
haboneka umusore afise umuhamagaro wo kuja kuvuga
ubutumwa muri bene gihugu b’i Turkana yitwa Rukundo.
N’aho vyari bigoye uwo Rukundo Imana yaramukoresheje,
abaho batangura kwakira ubutumwa bwiza no kwihana.
Ubu ishengero ryarateye imbere, aza yararobanuriwe
ibanga ry’ubuzezwashengero.
187
Bamaze kubasengera, Umwungere w’ishengero ry’i
Nyamutobo yaciye yumvikana n’uw’i Karama ngo abe ari
we ashishikara gukorera mur’ako karere kuko yari
asanzwe afise umumisiyoneri akorera muri Kenya yitwa Pr
Ndururutse Julien. Ni ko guca basaba Misiyoneri Fidèle
Birenzwamaso gutegura ingene bazohererekanya
uburongozi bw’ishengero mur’ako karere. Uwo
mumisiyoneri Pr Birenzwamaso Fidèle, aca ajana mugenzi
we ari i Kenya Pr Ndururutse Julien kumwereka ako
karere.

Uwu mupasitori ni we yabaye uwa

mbere kwemera umuhamagaro wo
kuja kubwira ubutumwa bwiza
abenegihugu b’i Turkana akiri
umusore mutoya

Ishengero ryo mw’ikampi y’i Gakuma rimaze kugwira no

gutera imbere, Minani Simiyoni yarataye umurongo
ashaka kurongora ishengero ukutari ko, abakozi b’Imana
baca baramuhagarika. Bica bisaba ko Abakozi b’Imana
bakorera mu Buganda ari bo bashishikara gukurikirana Uwo mubona hagati y’aba banya Turkana ni Pasitori Birenzwamaso Fidèle.
ibikorwa vy’Imana mur’iyo kampi. Aho hantu hababereye
kure, babona ko batobishobora, baca batuma Misiyoneri Uwo mumisiyoneri arangije kubitegura neza, umwungere
Pr Fidele Birenzwamaso kumenyesha abungere wa mbere w’ishengero ry’i Nyamutobo yaciye ajana
b’ishengero ry’i Nyamutobo ingene vyifashe no kubasaba n’umwungere w’ishengero ry’i Karama. Bashitseyo,
kuja kwatira abandi bakozi b’Imana mu gishingo ca Minani umwungere w’ishengero ry’i Nyamutobo aca ashikiriza
Simiyoni yari yahagaritswe mu bikorwa. Umwungere ibikorwa umwungere w’ishengero ry’i Karama kugira ngo
w’ishengero ry’i Nyamutobo aca ajana n’umwungere abandanirize aho ibikorwa vyari bigeze, uwo na we aca
w’ishengero ry’i Karama mu mwaka wa 2010 i Kakuma. abishikiriza umumisiyoneri Pr Ndururutse Julien.
Bashitsyo baciye basengera abakozi b’Imana nk’uko vyari
bitegekanijwe.
188
Uwo Pasitori Ndururutse Julien, ishengero rya Karama
ryari ryamurungitse mu mwaka wa 2014. Uwo ni we yaciye
aja gushishikara ibikorwa vyari bitangujwe mur’iyo kampi
y’impunzi mu gihugu hagati ahantu hitwa Turkana hari
haribagiwe, ku buryo abantu baho bataribwaronke ico
Bambara.
Akarere akoreramwo ka Turkana, n’akarere kagira kabiri
mu turere tunini two muri Kenya, kangana n’ibirometero
kwadarato 58 680 ni ukuvuga ko gusumburuka ingere
kabiri ubwaguke bw’igihubu c’Uburundi.
Ashitseyo, Pr Ndururutse Julien yashishikaye kuvugira
ubutumwa bwiza mur’ako karere musi y’ibiti afatanije na
wa musore Rukundo yatangura kubwira ubutumwa bwiza
imvukira z’aho i Turkana.
189
Uwo mumisiyoneri ni we kugeza n’ubu agerageza
kwegeranya uduhuzu mu Burundi abashira kugira ngo bige
kwambara. Ubu rero haramaze gutangura ishengero kandi
ibikorwa biriko biragenda neza, haramaze no kuboneka
abavugabutumwa b’imvukira zaho hantu.
Uwu n’umwe mu bamisiyoneri
batumwe n’ishengero rya Pentekote
rya Karama mu gihugu ca Kenya.
Yatanguriye kuvuga ubutumwa
bwiza i Nayirobi aca asabwa
gukorera mw’ikampi yi Kakuma ni
ko guca yinjira mu karere ka
Turkana.
Kuva Pr Ndururutse Julien agiye muri Kenya, amazeyo
imyaka 8 avugayo ubutumwa bwiza. Mw ikampi y’i Turkana
hariyo insengero 4, hanze y’i kampi na ho hariko
harubakwa insengero zitatu. Hamwe n’ivyo, uwo
mumisiyoneri yashishikaye igikorwa c’Imana yari yamaze
gutangura i Nayirobi. Kandi na ho nyene ibikorwa biriko.
biragenda neza. Baramaze kuronka ikibanza co
190
kwubakamwo icicaro c’imisiyoni hamwe n’ibibanza bakota
vyo gusengeramwo.
X.7. Ishengero rya Pentekote rya Nyanza-Lac
Ishengero rya pentekote rya Nyanza-lac ntiryasigaye
inyuma mu gukwiza ubutumwa bwiza hanze y’Uburundi.
Mu mwaka wa 1962, ni ho ryatangura kurungika
umumisiyoneri wa mbere yitwa Nyandwi Filipo mu gihugu
c’Urwanda. Uwo mumisiyoneri yabayeyo imyaka 24 abona
kugaruka mu Burundi mu mwaka wa 1986. Kuva hateye
ikiza ca 1972, ishengero rigasanzara, ibikorwa vyo
gukwiza ubutumwa mu bindi bihugu ntivyabaye bigitera
imbere. Iryo shengero rimaze kunaguka, ryaciye ryongera
gutuma abamisiyoneri hanze y’igihugu c’Uburundi, baja
mu gihugu ca Mozambike.
Umumisiyoneri wa mbere ishengero rya pentekote rya
Nyanza-Lac ryarungitseyo rimaze kunaguka yitwa
Ntagogwera Marcel, ryongera rirungika Pr Kagoma Enoke
agiye gufatanya na Pr Ntagogwera Marcel. Uwo Pr
Kagoma Enoke yakoze cane ivy’ubuhizi mur’ico gihugu,
yaruhiye kugwa mu caha, aca arataha.
191
Kuva i bumoso tubona Pr Ngezahayo Phinéas na Pr Karenzo Charles bari
kumwe n’abafasha babo i Mozambike
Pr Ntagogwera Marcel ageze kuja mu karuhuko, ishengero
ryaciye rirungika Pr Karenzo Charles kumukorera mu
ngata, agenda ajanye na Pr Ngezahayo Phinéas mu
mwaka wa 2013.
Bashitse i Mozambike, baciye bakira Pr Ntazinda François
w’umunyarwanda. Mu nyuma ishengero rya Nyanza-Lac
ryongera gutuma Hakizimana Nestor.
Imana yakoresheje abakozi bayo ivy’ubuhizi, kuko mu
mwaka wa 2013 ; Pr Karenzo Charles na Pr Phineas
Ngezahayo bashitseyo haturiwe ibigirwamana vyinshi. Mu
mwaka wa 2019 birukanye abarozi 2 bari barazingamitse
ishengero.
Mur’uwo mwaka wa 2019 bateguye amasengesho
y’urutavanako yamaze imisi 40, abantu batari bake
babatizwa muri Mpwemu Yera. Mu kwezi kwa 3 umwaka
wa 2019, abakozi b’Imana bavuze ubutumwa mu
muryango uba ahitwa Tete, uwo muryango uca ubohoka
impwemu mbi.
192
Mur’ico gihugu, Imana yabanye na bo, ibikorwa biratera
imbere ku buryo hamaze kuboneka ibibanza vyo
gukoreramwo bishika 5. Ni vyo vy’ibi: Marracuene,
Campoane, Musumbuluko, Djonassi (Matola) na
Phazimane.
193
I Marracuene haramaze kwubakwa urusengero; i
Phazimane bashimye gutangurira kwubaka ishure
ryisumbuye kandi kugeza ubu ntirarangira; i Campoane
bariko barubaka urusengero. I Musumbuluko n’i Djossini
(Matola) ni ho gusa ata co baraharangurira.

Umubatizo wa mbere w’abantu b’i Marracuene wabaye mu
mwaka wa 2011. Kubera y’uko aho i Marracuene hatari
bwategurwe ahabera imibatizo, uwo mubatizo wa mbere
wabereye mu bubwiriza bwa Rwava hakorera ishengero
rya pentekote ryo mu Kayogoro. Habatijwe abantu batatu
b’imvukira za Mozambike aribo b’aba: Costa, Rayimonde
na Priscida Mobota. Babiri mur’abo barasubiye inyuma.
Uwu ni umwe mu bamisiyoneri
batumwe n’ishengero rya Nyanza-
Lac kuvuga ubutumwa bwiza
muri Mozambike
Ishengero ryaho ryarashoboye kurungika intumwa mu
birori vyo kwimika abungere bashasha mw’ishengero rya
Nyanza-lac mu kwezi kwa 4 mu mwaka wa 2021.
Uwagenywe kuba umwungere wa mbere, Pasitori Karenzo
Charles, nk’uko twamaze kubibona, yigeze kurungikwa
n’ishengero rya Pentekote rya Nyanza-Lac kuvuga
ubutumwa mur’ico gihugu. Haheze igihe Pasitori Karenzo
Charles akorera i Mozambike, ishengero ryaciye
rimutumako ngw’abe umwungere wa kabiri afasha
kurongora ishengero umutama Kidebuye Yonatani.

Uruhimbi rwa mbere rwabereye mw’ishengero ry’i

Marracuene rwabaye ku musi ugira 15 w’ukwezi kwa 1
k’umwaka wa 2012. Ubukwe bwa mbere bwabaye ku musi
ugira 11 w’ukwezi kw’icumi umwaka wa 2015. Mur’ubwo
bukwe habiranye Karorero Emmanuel na Irakoze
Claudine. Umuvugabutumwa wa mbere yasengewe ngaho
i Marracuene ku musi ugira 21 w’ukwezi kwa 5 k’umwaka
wa 2017, yitwa Isaac Beto Muchanga (Mombicano),
imvukira ya Mozambike, akaba yaramaze kwitaba Imana.
Abadiyakoni ba mbere basengewe ni Leontina Mwavita,
Elisa na Paula Florencia Muchanga. Kuva i bumoso tubona Pr Ntazinda, Pr Phineas n’umudiyakoni Vianey
194
ii. INDUNDURO YA VYOSE.
Imana ishimwe kw’amashengero ya pentekote yatangujwe
n’abmisiyoneri muri Sweda yashishikaye atera imbere,
kandi umuriro wa Mpwemu Yera ntiwigeze uzima kuva
watse mur’ ayo mashengero yatangujwe n’abo
bamisiyoneri kuva mu mwaka wa 1936, mbere n’inyuma
y’aho abamisiyoneri bamariye gushira ayo mashengero
mu minwe ya benegihugu amaze guhabwa intahe yo
kwikukira mu mwaka wa 1960. Ah’ubwo umuriro wa
Mpwemu Yera washishikaye kwaka si mur’ayo
mashengero gusa, mbere yashoboye no kudomeka ayandi
mashengero atari bwemere ko Mpwemu Yera akimanukira
ku bantu nko ku musi wa pentekote.
Uwo muriro wa Mpwemu Yera washishikaye urandagata,
none umaze gukwira igihugu cose, ku buryo amashengero
ya pentekote yashishikaye kugwira ava kuri atandatu mu
mwaka wa 1960, ashika kuri cumi n’indwi. Mur’ayo 15
aramaze kwikukira, yandi abiri aramaze kuronka
ubwigenge muri kino gihe.
Ikindi co gushimira Imana, n’uko uwo muriro wa Mpwemu
Yera utagarukiye mu Burundi gusa, ariko umaze
kudomekwa mu bihugu vyinshi muri Afrika nk’uko twamaze
kubibona. Mur’iki gihe abarundi barimukira cane mu
bihugu vyo hanze, eka nta karere k’isi katarimwo abarundi.
Abakristo bava mu Burundi, bashitse iyo bagiye ntibarera
amaboko, bashishikara kuvuga ubutumwa bwiza, no
kuvyura amashengero yasubiye inyuma cane-cane i
Bulaya no muri Amerika. Umugeni wa Kristo ariko
arategugwa neza. Mu kanya ak’ariko kwose twiteze
kw’inzamba ivuga, maze ishengero rikitahira. Yesu
n’ashimwe, ashirwe hejuru mw’ isi yose no mw’ijuru. Amen.
195
iii Abamfashije kwegeranya ivyabaye mu mashengero
ya Pentekote mu Burundi
 Pasitori Madengo Abdenego n’umupfasoni wiwe
Elisabeth.
 Pasitori Filipo Bwanike
 Umwalimu Baragomwa Dawid w’i Muhororo
 Umwalimu Zakariya Mucako
 Pasitori Yonas Ntiranyibagira
 Pasitori Shaduraka Girukwigomba
 Pasitori Salomo Misago
 Umupfasoni Mariselina w ‘i Muyinga
 Umupfasoni Godeliva w’i Muyinga
 Pasitori Godfroid Kabura w’i Gishiha
 Niyungeko Japhet, umuforomo arongoye ivuriro ry’i
Gishiha
 Ntezukobagira Justin, yigeze kuba umuforoma
mw’ivuriro rya Gishiha n’irya Mpinga
 Umupfasoni Capitolina Inyiminyeretse w’i Mutaho
 Pasitori Nibigira Josué w’i Kayogoro
 Pasitori Ngendakuriyo Samuel w’i Kiremba
 Niyonkuru Léonidas, umwe mu banditsi b’ibiba
mw’ishengero rya Pentekote ry’i Kiremba
 Pasitori Yakaremye Prosper
 Pasitori Ndururutse Julien misiyoneri i Kenya
 Pasitori Hilaire Nininahazwe mu Budagi
 Mme Inamuzungu Suzane, umukobwa asigwa
umuhisi Pasitori Manase Mafefere
 Pasitori Ngezahayo Phinéas, misiyoneri i
Mozambike
 Pasitori Hakizimana Nestor, misiyoneri i
Mozambike
196
iiii Ibitabo vyadufashije kwegeranya amakuru y’ivya-
baye mu mashengero ya Pentekote mu Burundi
 Igitabo c’anditswe n’Ishengero ryo mu Kayogoro
catanze icegeranyo c’ivyakozwe mw ishengero mu
gihe ca yubile
 Igitabo canditswe n’ishengero ryo ku Mugara
kirimwo icegeranyo c’ivyakozwe mw’ishengero rya
Mugara cashikirijwe mu gihe ca Yubile
 Igitabo canditswe n’umumisiyoneri yitwa Margit
Soderlund kivuga ivyerekeye Mission Libre
Suédoise mu Rwanda no Mu Burundi mu mwaka
wa 1995
 Igitabo canditswe na Gunilla Niberg cerekeye
itanguzwa ry’imisiyoni ya Pentekote mu Burundi
casohowe mu mwaka wa……
 Hally’s Bible handbook canditswe na Henry H.
Halley mu mwaka wa 1962
197
iiiii. Insobanuro y’amajambo amwe-amwe twa-
koresheje:
Ancien: umushingantahe w’ishengero
Association: Ishirahamwe
Chapelle-école: Ishure basengeramwo bakongera
bakaryigishirizamwo gusoma no kwandika
Chapelle: Ishure rya kabiri mu ndwi bigiramwo ijambo
ry’Imana bakarisengeramwo
Eglises libres de Pentecôte de Sweda : Amashe-
ngero ya Pentekote yigenga yo muri Sweda
Eglises de Pentecôte du Burundi : Amashengero ya
Pentekote yo mu Burundi
Mission Libre Suédoise : Ishirahamwe ryigenga
ry’Abamisiyoneri b’abaswedwa
Missionnaire : umumisiyoneri ni ukuvuga umuntu
yarungitswe n’ishengero kuvuga ubutumwa bwiza no
gushinga amashengero aho ubutumwa bwiza
butarashika
Mouvement: Umuhari
Pasteur: umuzezwashengero, Pasitori
Premier Pasteur=Evêque: Umwungere
Deuxième Pasteur : Vicaire, Umwungere wa kabiri
Personnalité civil=Statut civil : Urupapuro rutangwa
na Leta rwemeza k’umuntu abaho. Urwo rupapuro ni
rwo rutanga uburenganzira k’umuntu bwo kugura
canke kudandaza amatongo, amazu canke ubundi
butunzi no kurangura ic’arico cose cemewe
n’amategeko y’igihugu.
Personne morale : Urupapuro rutangwa na Leta
rwemeza kw ishirahamwe ribaho. Urwo rupapuro ni rwo
rutanga uburenganzira kw ishirahamwe bwo kugura
canke kudandaza amatongo, amazu canke ubundi
198
butunzi no kurangura ic’arico cose cemewe
n’amategeko y’igihugu.
Succursale : Ububwiriza
Représentant Légal : Uwuserukira ishirahamwe
imbere y’amategeko
Représentant légal suppléant : Icariho c’umuse-
rukizi w’ishirahamwe igihe afatiriwe n’ayandi mabanga.
199
iiiiii. Amajambo y’impfunyapfunyo yakoreshejwe.
ADEEP : Association d’entraide des Eglises de Pentecôte
CEPBU : Communauté des Eglises de Pentecôte du
Burundi
EAP : Ecole d’Apprentissage Pédagogique
EMAP : Ecole Moyenne d’Apprentissage Pédagogique
MLS : Mission libre Suèdoise
ONU : Organisation des Nations Unies
Pr : Pasteur =Pasitori, umuzezwasengero
PCR : Police spéciale de roulage
RL : Représentant Légal
RLS : Représentant Légal suppléant.
Urusengero rwa Pentekote i Mutaho