KHUTBAH BAHASA MANGKASARA

KHUTBAH
IDUL FITRI 1435 H
2014

2014

PATTIRO - GOWA
 2

Assalamu alaikum warahmatullah

wabarakatuhu. Allahu Akbar 9 X
Allahu akbar kabirang walhamdulillahikasira, wasubhanallahi
bukratan wa asila, wahabal ahsaba wahdah, Laailaha illallah Allahu
Akbar, Allahu akbar, Allahu Akbar walillahilhamdu.

ALLAHU AKBAR 3X WALILLAHIL HAMDU

Umma Islam julu bangsaku, julu borikku niaka hadere.
Ammujiki nakisukkuru, rannuki ki dingin-dingin, naki pakajai
takabberetta, pangnye’reang siagang pammuji (Takbir, Tahmid,
siagang Tahlil) mange rikaraeng masarro pammopporoka,
namasarro angngamaseang, lanri niattangasengmo ta’rapi rianne
allowa allo pallappassang Idul Fitri allo poro ikambe umma
islamnga, allo sannaka nikarannauanna siagang nikatteneanna.
Kakammaji namassing-massing tassimbaramo rupanta, massing
tangkasa pake-pakeanta , kacinikangi muri-muria allambangi
rasanna bauna mingnya-minyatta,
Iamianne allo pallapassang pammetang, allo katarompokanna umma
islam matappaka, Labbipaiya sukkurutta nasaba allo bulang
rumallanga anne taunga sipadangi siagang pesta demokrasita
pemilihan presidenga 2014-2019 apaji ikambe ikatte niaka attalassa
nilabbuiangki umurutta Allah taala katambangi kesempatan siagang
waktu tallasatta ritompona anne linoa. Naiajia teamamaki
takkaluppai rise’rea kananna nabita Muhammad saw rinakana :
 3

“battuanna : sibaji bajina tau iamiantu nitambaianga umuru’na

nakatambantong gau baji’na. Nasikodi kodina tau iamiantu
nitambaiangi umuruna nakatambangtong gau kodina.
Nia tau kaminang maupaka anne allowa iamiantu tau sukkuka
puasana, silenarangana jakka’na, siagang tau akkullea angngampaki
hawa nafsuna, siagang kodia, kammayyatompa tangkasa atinna
napassabakki wassele didikanna puasana sibulang sallona.
Naia tosseng tau anggappaia karugian, rugi amala, rugi umuru, rugi
kesempatan rugi waktu, iyamiantu tau ammatu-matuangngai bulang
rumallanga sibajibajina, bahkan appakajai dosa, kurang
sambayanna, kurangtongi baca qur’anna, tasilalongngangngai
puasana sassalalangi kalebbakkanna,
naiajia resesena ikambe tau maupa teaki tetteredudu merasa maupa,
naikatte nirekenga tau rugi teaki tappu panrannuang. Barang labbuji
umurutta, barang nisareijaki waktu ambajiki panggaukangta toba
appala poporo ri Allahutaala ampattojeng-tojengi amala
pakkusianga, rioloang tenana nabattu ajjala kamateanta, ammotereki
insyaf – sadar angngurangi lanri takkaluppata rigau dosa kasalanta
rilebba laloa.
Niaki napakasingara Karaeng Allah taala ri qur’an malabbirika
angkana :
Wamayya’mal suu’an awyadlimu nafsahu summa yastagfirullaha
yajidillaaha gafuurang rahiimaaa.
Battuanna : Iya iyannamo tau lebba anggaukang gau dosa iyareka
anggappa-ngi kapanrakang kalenna nanampa toba ri Allah taala
nagappami antu pammopporo pangngamaseanna Allah Taala,
 4

Allahu Akbar, Allahu Akbar, Allahu Akbar walillahillhamdu.

Umma Islam juluborikku niaka ngaseng hadere.
Napilarimaki bulang rumallanga nabokoimaki bulang malabbirika
angngimbolonga majai kabajikang, barakka siagang
panggamaseang, risubangngiji risa’ra allowa nappalakkana
rikattengaseng tolandallekang rikaraeng Allahu taala anrampe-
rampei ampe pangngadakkanta, amala pakkusiangnganta sibulang
sallona, ajjari towana rimassing pa’balla-ballakanta ampilangngeri
kana-kananta, anciniki ampe-ampeta, na anne allowa nabokoimaki
ilalang niatta rannu, rigau niatta sedih, tamuriki naki simpung
anggalluruki dingin-dinginga ribarambanta, alleteki je’ne matanta,
paccei nyawata, lonna kiurangi angkanayya tenamo nattantu
kirapikanna kabattuanna rigauna tampolea, amminasaki lattallasa
sanggenna taung labattua, ingka anranggaselaki punna ninawa-nawa
kabattuanna ajjala kamateanga, inai langngassengi gassingka
iaminne rumallang kalabbusang rikalenta, gassingka iyaminne
allowa, allo pallappassang perpisahan siagan buranenta, anatta,
bainenta, bija-bija pammanakangta, siagang riballa
pammantanganta, riseppe-seppe ballata kammayya tompa
parallakkengta. Iya ngasengmi anne appakasinai atinta,
ampakappaccei nyawata lanri matea pallaki tammaling-maling,
battui tani burittai taniassengai nicandakang, taena nammile waktu,
tena najule ritaurungka tau lolowa, ritugarring iyareka
ritusalewanganga, kammayatompa ritukalumannyang, kasi-kasia,
labbipaiyya paccena nyawata dingin-dingin pa’maita lonna niruntu
ninawa nawa taumatenta salloa iyareka berua ambokoi, risesena
ikambe tenayyamo anrong manggena, risaribattanta lebbaka
kamateang, ana lebbaka kamateang pabbali-baliangna, riana ana
makukanga, nakukang ripanggai tau towa, lanri nacinina paranna
 5

ana-ana’ nirenreng riamma’na rimanggena iayasenna tabbayang-

bayangi anne allowa, niurangi riwattunta massing sileporang
sipakkasiasi, sipakkamase-mase angkanyamei suka-dukana
nikanayya katallassang. Nani nawa-nawai tongi pole sare sarenta
ansombalangi tallasatta, rikasimpirikanna panggappanga ritallassatta
ansessai kalenta amboyai dalle hallalatta, rikajjala’na ballinna apa-
apa kiparalluanga, rinisawalana nipasikola nipangngaji anatta, lanri
erotta appassinrupai paranna tau, tanipisa’ringiai tanggalaka, wattua
siagang cuacaya simata-mata poro ampakanrei ampicare-carei anatta
siagang bainenta. Niurangi tongi pole anne allowa paranta tau
lebbaka niagang sisala-sala situmpa kana sisalapahang, sikalarroi
sikabirisi saribbattanta ritenana kisipattau anrong manggeta bija-bija
pammanakangta, seppe-seppe ballata, siagang agang sipanjama-
jamanta, apaji nanikaerokangmo simaafkanga, ajjamataeng
sipammappori, siraka sikarruki, siagang ruaya tautowata, saribattang
polong parrutta, kammaya tompa pammanakangta lebbaka niagang
sisala-sala, iamianne allowa allo kaminang labbiri nipajjari allo
sitangkasi, simaafkan, sipammappori risimbangenna paranta tau,
kinampa toba ri karaeng masarro pammopporo pangngamaseanga,
iayaminne allowa angngerangki mange rikatangkasanga ammotere
singai sikamaseang, appatimboi siri’ pacceta antoddo puli tojenga
ribarambanta.

Allahu Akbar 3 x Walillahillham.

Umma islam kupakalabbirikangaseng niaka hadere.
Kipajjarilaloi kalenta tau baji nakate’neang paranta tau,
nakate’neang tong Allahutaala, narampei nabbita Muhammad SAW
rise’rea haddese’na angkana:
 6

Arbaatu wanisyaanu minassya-aadati zikrussunuubil madiati

wanissyanul hasanaatil maadiyati wanadzarahuu ilaa manfaukahu
fiddiini wanadzaruhu ilaa mandunahu fidduniaa.
Battuanna: Appaki pammateinna tau angngappaia kabajikang :
1. Tuli nau’rangi sikamma dosa-dosana allalo-lalowa. 2.
Tulinakaluppai sikamma gau baji’na allalo-lalowa, 3. Accini’
naiki ripassala’na agamaya, 4. Accini naungi ripassala’na
katallassang linoa.
Abbatuangngi anne angkanayya kiu’rangi dosata sollanna
nammumba sassa’ lalanga siagang tobaka rikalenta, naki kaluppai
laloi gau bajika rikalenta sollanna natena kipuji kale iyareka tappa
ripassalana gau bajika, angngalle contoki ritau niaka anggaukangi
passuroanga, narippassala’na tallasa kalinoangta teaki kacini-
cinikang, teaki passai kalengta rianu taenayya kimampu ampa’niaki,
ingkaji ripassimbangenta sibalekangi panggaukangna siagang anne
nirampea, alleang pila bellai rikabajikanga nasaba teai dosana
nau’rangi ingka sangging gau baji’na, sangnging jasana narampe
nasampe, sangnging amala pakusiangnganna napabborro-borroang
rilebba’na natulung paranna tau, lebba’na assare sumbangang ri
agamaya tenalebbakai nakaluppai, nampa dosa kasalanna, gau
kodina, ateka salana butu nakaluppai, kammatonji anjo ripassalana
gau bajika passuroang agamaya teai tau anggaukanga naturuki
mingka naturuki tau kuttua tau tenaya nassambayang, kuttua
angngonjo masigi nampa silaku laku-naalle contoh rikatalassang
allo-allona, ripanggappa-gappanga ripabbarang-barangngang teai
tau kasi-kasia naciniki, sangnging tau niaka natanggara allo-allo,
sangnging tau nakullea kalenna ero naturuki, sialleang tenamo
nakassukkurangi anu niaka rikalenna. Pa’risi nyawana, dangngala
ulunna, sigenra-genra bainenna kalebbakkanna nagaukangmi gau
 7

salayya lanri tenana nipakaingaki ribainenna siagang lammana tappa

niaka ribarambanna.
UMMA ISLAM MALABBIRI NIAKA HADERE….
Ilalanna anne allo malabbirika, massing maeki angngurangi ansailei
bokota, attoaki bate onjotta, angkasu’mangi kasalanta, kinilai
kalenta sollanna naki asseng kalenta sanggengnami keremai gau
bajitta, matu-matunta ripa’rasanganta, ri agamata, ri parangta tau
siagang pakkusianganta ri Allahutaala. Tealaloki pakasibuki kalenta
riruwaya kasibukang, iyamiantu uru-uruna sibukki amparisi atinna
paranta tau rigau niatta ambicara ribokoi ampitinaki ansiriati siagang
rimaraengannaya, maka ruana sibukki anciniki, amboyai, siagang
ampau-paui mange-mange callanna paranta tau nampa tenaki ero
anciniki callanna kalenta, pada hal nakana Nabbita Muhammad
SAW
Battuanna: Maupami tau tuli ancinikiai callanna batang kalenna
natena naciniki callanna paranna rupatau,
iyamianne parallu nipare pa’mai, nasaba jai kamma-kamma anne
parangta tau sibuki appakajai amala, assambayang, appuasa,
appasulu jakka, naik hajji ribaitullaya ingka sanna nipassayana
nasaba sibu’ tongi anggaukan gau pappisangka siagang sibu tongi
apparisi paranna tau, anrampe rampai callana paranna tau nataeroka
anciniki callanna kalenna, iayaminne narampe Nabbita ri se’rea
riwaya, lebbaki se’re waktu akkutanangi nabbita ri sahabana
angkana :
Atadruuna almufhlis?, nuassengkaji angkana apa nikana al
muflish? Appualimi sahabana angkana al muflish fiinaaladir
hamalaha walamataa’un, nikanaya anmuflis iyamiantu tena
 8

doena natena tong barang-barangna, nakanamo nabbita teai

anjo kammayya kumaksud, ingka tau mufliska iyamiantu tau
battu riakhera sallang angngerangi majai amalana, baji amala
sambayanna, puasana, jakkana, hajjina, kammayatompa amala
baji’na mange-riparanna tau ingka jai tongi tau lebba napa’ri-
pa’risi lebba nasiriati nabicara riboko nacalla-calla nafitina
apaji naanjo amala’na nappassareangi Allah Taala mange ritau
lebbaka napa’risi, napunna labbusu amala’na nania inja tau
lebba napa’risi iayareka taena naganna amala bajina
nipabbageang mange ritau napa’risia apaji nadosana anjo tauwa
nisareangi anjo tau jaia amalana sumpaeng. Alleang sapu pala
kalebbakkangna. Iyamianne nikana al muflish, battuanna tau
sapu pala iyareka tau bangkrut.
Kammaminne riwaya’ kasingaranna narampea Nabbita Muhammad
Saw.
Maeki ampare-paressai kalenta gassingka jai ripassimbangenta
nataba anne napakkanaiya Nabbita, maeki ampisa’-pisammangi
lebbaka kigaukang siagang kana-kana lebbaka assulu ribawata
punna tenajaki rigolonganna anne tau sapu palaka sallang,
Alhamdulillah sukkuruki ri Allataala, ingkapunna niakki rikammaya
anjo maeki ampakasilinnarangi kabiasang kodita, tenapa
nakiterlambat kipalesangi garring-garring ati niaka rikalenta
sollanna nabaji passi-sambunganta mange riparanta tau, kipa’rupai
nikanayya ahlakul karima ri panggaukanta allo-allo
ALLAHU AKBAR 3 X WALILLAHILHAMDU
UMMA ISLAM TUNIPAKALABBIRIKKU NGASENG NIAKA
HADERE………..
 9

Untuk andi-andikku iyareka anak-anakku generasi mudayya, remaja

putra-putri islam nia laloko rikatallassang mabajika teako pa’ri-
pa’risinyawana ruayya taun-agnganakkang-ngannu teako pakasiriki
pa’rasangannu keluarga siagang agamanu, hindari iyareka batasi
nikanayya pergaulan bebas antara laki-laki dan perempuan,
berpakaianlah yang wajar dan pantas sopan dan layak dimata
masyarakat nasaba nanilaiki paranta tau battu ripake-pakeanta
iyareka ricarata ammake-makei. Battuanna manna tau bajiki punna
pakeanta tena nawajar iareka nipappakacinikangi iya siratanga
nitongko attantumi nakapangki tauwa ri takammayya terutama ribai-
bainea, namanna tong teaijaki-taulabbiri teaijaki-daeng, teaijaki-
karaeng tenatong sikolata, rakyat biasaji tau towata, mingka bajiki
bateta ammake-makei, tena kipakei pakean nacallaiya ada’ka
siagang agamaya tantumi nacinilabbiriki paranta tau, jari tea’laloki
turu-turukang (iareka latah) manna kicini napake tauwa, manna iya
nipassamarri punna menyolok mata iyareka memancing perhatian
dan nafsu birahi laki-laki teaki pakei, apalagi kateaiki artis, teaiki
biduan, iyatommo anjomange artis siagang biduanga amppakei
pakean kammayya iyatommo appisa’ringi resikona (resiko dunia
niperhatikangi siagang nafsu syahwat, nicau-nacui, nijai-jaikanai,
nikakka-kakkali, nituna-tunai, resiko akhirat nipantamai naraka
nanipijuluki bassi bambang bukkulenna iya napappicinikanga
riwattunna ammakeang) Naudzubillhiminzalik.
Nipappasanggang tongi mange rigenerasi mudata nikanayya
narkoba (narkotik dan obat obat terlarang) iya miantu niarenga
ekstasi, ganja, sabu-sabu, siagang nipan, iya ngasengna anne sannaki
lompona pammanrakinna nasaba punna lebbamo nikasia sikali ajjari
katagiammi napunna katagiangmaki natabamaki garring sarro
tenayya nakulle niballei, rua tallumi ana muda ajjari korban mate
 10

iyareka nagarring tena balleiyanna, mudah-mudahan anrini

ripa’rasanganta tenaja nakatularrang, lanri kammanaminjo
nanikillaiki waspada, terutama ikambe tau towayya siagang pemuka
masyarakatta, narampei Allahutaala ri qur’an malabbirika angkana :
Wamaa-atakumurrasul pahusuhu wamanaahum anhu maa-fantahu
watukallaha innallaha syadiidul ikabe.
Battuanna : Apa apa nasuroangko surona Allahtaala gaukangi,
apa apa napapisangkanga pakabellai numalla lalo ri Allahtaala
nasaba passessana antu ta’laloi battala’na

ALLAHU AKBAR 3 X WALILLAHILHAMDU

UMMAT ISLAM MALABBIRIKA NGASENG NIAKA HADERE
Maengasengmaki amberui sumangatta ambassukangi sikamma
pakkaresoang mabajitta, anttoddo’ puli atinta riero cinnata
ampabutti rikatojengan rikana kananta, siagang rirupa gautta
rima’nassana anne riempoang linota, pakkaresoang antuntuki
kesempoanna tallasatta sollanna nanikanyame angkanayya
masyarakat madaniah kammalebbaka napa’rupa Nabbita ri Madinah
naanjo sallang empoang akheratta kasalamakkangi Insya Allah.
Apaji nakikkareso lalo sipakkulle-kulleta antutuki kasalamakkanta
sallang riakherat
Minal aidzin walfaidzina Takabballallhu minna waminkum,
Barakallahu Lii Wa Lakum Fill Qur’aanil Azhiim
Wa Nafa’nii Wa Iyyakum Bima Fiihimaa Minal
Aayaati Wa Dzikril Hakiim
Wa Nafa’anaa Bi Hadii Sayyidal Mursaliin
 11

Wa Biqawlihiil Qawiim Aquulu Qawli Haadza

Wa Astaghfirullaah Al ‘Azhiim Lii Wa Lakum
Wa Lii Syaa-Iril Mu’miniina Wal Mu’minaat
Wal Muslimiina Wal Muslimaat
Min Kulli Dzanbii Fastaghfiruuhuu
Innahuu Huwas Samii’ul ‘Aliim
Wa Innahuu Huwal Ghafuurur Rahiim