KISAH BUAYA TEMBAGA

( CERITA RAKYAT MALUKU )

Katong pung pulau Ambon termasuk salah satu pulau yang cukup terkenal di Kawasan
Indonesia sebelah Timur. Katong pung pulau ini akang bagus lai, karna akang di bentuk oleh dua
jazirahya yaitu jazirah Leihitu dan Jazirah leitimur. Kedua Jazirah ini akan berhadapan dengan
satu tanah genting yang biasa dong bilang akang par tanah genting baguala. Tanah genting ini jua
akang biasa kasi baku dapat di teluk ambon deng teluk baguala.
Pada masa perang dunia ke II, Tantara Jepang berusaha mau kasi putus akang supaya
dapat dibuat satu jalan gampang par pi ka Kota Ambon, tapi usaha Jepang seng jadi, barang pas
dong mau gale bagini, hee…… apa yang terjadi, kaluar darah di tampa badai itu.
Menurut carita orang tatua dolo-dolo, di teluk Baguala ada seekor buaya besar, akang pung
panjang amper 5 meter, deng akang pung warna kulit paleng kuning amper sama dengan warna
tembaga, karna itu dong kasi nama akang par buaya tembaga. Buaya itu akang hidop di Teluk
Baguala bae-bae saja. Karna masyarakat/penduduk di sekitar Teluk Baguala hidop jua bae-
bae. Hal ini menunjukan bahwa buaya itu di sombah oleh masyarakat di sekitar Teluk Baguala.
Sementara di pesisir pante (Pantai) selatan pulau buru hidup seekor ular besar. Ular itu
akang hidop di atas sebatang pohon bintanggor. Pohon bintanggor ini akang biasa hidop di pante
deng akang salalu miring kaarah (arah) aermasing (air laut). Ular itu paleng kajahatang deng
adanya ular itu baganggu (mengganggu) ketentraman masyarakat/penduduk di sekitar laut
itu. Sagala macam ikang, buaya yang hidop di sekitar itu abis di makan oleh ular itu.
Pernah babarapa kali terjadi bakalai/bakupukul antara ular deng babarapa ekor buaya, tapi
buaya-buaya itu samua mampos (mati) dong dapat membunuh ular itu. Oleh karna itu dong
bakumpul untuk akor (cari jalan kaluar) agar dong dapat membunuh ular itu. Pada saat dong
bakumpul ada satu keterangan yang dapat dipercaya bahwa ada jagoan (penantang) yang dapat
mengalahkan ular itu hanya buaya dari teluk baguala.
Keterangan itu dan bahwa buaya tembaga punya kemampuan yang dapat dipercaya. Maka
hasil akor memutuskan untuk mengirim utusan dari baku dapa (bertemu) dari buaya tembaga.. Di
samping itu panitia bersepeda untuk kedatangan buaya tembaga. Lalu dong biking pesta, dong
barsuka sebelum parang antara buaya tembaga deng ular itu. Selesai bakumpul utusan itu
barangkat keteluk baguala untuk baku dapa deng buaya tembaga. Pas utusan sampe di sana dong
bilang dong pung maksud, buaya tembaga tarima dong deng senang hati dan untuk mau tolong
dong. Lalu dong pi deng buaya tembaga menuju pante selatan pulau Buru. Buaya tembaga di
terima deng satu upacara yang rame paskali. dong badendang deng bersuka salama dua hari deng
buaya tembaga.
Pada hari ketiga buaya tembaga mulai melaksanakan. Dia mulai bajalang kasana kamari,
par cari ular itu, pas dekat pohon bintanggor dong dua baku dapa. Mulai balingkar dia pung ekor
di pohon bintanggor, lalu dia kasilunjur dia pung badang ka aermasing (air laut) tarus dia patok
buaya tembaga. Dong dua mulai baku lipa (saling baku pukul) buaya tembaga lalu hantam (pukul)
kapala ular tadi deng ekor. Parang tanding terjadi amper tiga hari di saksikan oleh samua
masyarakat laut.
Perang sumasuk hari katiga dong baku lipa tarus langsung ular itu balingkar ekor karas-karas di
batang pohon bintanggor lalu dia tarik dia pung balakang deng satu gerakan yg paleng capat
bergerak lalu dia patok ka arah mata buaya tembaga.Tapi buaya tembaga dapat menghindar,
tarus buaya tembaga pukul deng ekor paleng kuat ka bagian kapala ular yang su babarapa kali
dapat pukol dari buaya tembaga. Pukulan dari buaya tembaga memang pukulan yang paling tepat
sasaran dan cukup keras sehingga daya tahan ular yang balingkar di pohon bintanggor itu suseng
mampu lai, akhirnya ular itu talapas ka aer masing (air laut) lalu mampos (mati).
Pas dong lia ular su mati he dong samua barsuka paskali, dong barsuka somba (sembah)
buaya tembaga. Tarus dong bakumpul kombali par barunding par oleh-oleh apa yang dong kasi
par buaya tembaga di atas kelelahannya sehingga dong samua su talapas dari gangguan ular
itu. Lalu dong samua akor untuk dong kasi penghargaan berupa oleh-oleh yang sesuai deng buaya
tembaga pung lala. Akhirnya dong ambil sabuah tagalaya basar, lalu dong isi tagalaya itu deng
babarapa macam ikan, seperti ikan make, ikan papere, deng ikan salmaneti. Lalu oleh-oleh itu di
berikan par buaya tembaga untuk di bawa sebagai tanda mata di teluk Baguala. Dong samua antar
buaya tembaga ka teluk Baguala, pas sampe di teluk Baguala, tagalaya itu dong taruh akang di
situ, seng lama lai ikang-ikang itu akang batalor tarus jadi banyak paskali. Sampe sakarang orang-
orang Parcaya kalo buaya tembaga itu timbul dan kas tunju muka, maka satu dua hari lai macam-
macam ikan tadi masuk di labuang dan menjadi sumber anusang (rejeki) bagi orang-orang di
sekitar teluk Baguala. Dari oleh-oleh yang buaya tembaga dapat itu menempatkan buaya tembaga
pada kedudukan penting sehingga buaya tembaga di somba (disembah) dan dihormati oleh orang
per orang karena kedatangannya membawaa nusang (rejeki) bagi masyarakat Baguala.
Menurut carita orang tatua dolo-dolo ,Buaya tembaga ini lama-lama akang su paleng tua,
lalu akan mati, tapi dia pung badang akang karas deng berubah jadi tanah genting yang par kasi
sambung Jazirah Leihitu dan Leitimur, tepatnya akang ada di Desa Passo deng Suli. Kalo katong
badiri sore-sore di pinggir pantai Natsepa dan lia ka Barat, maka katong lia dataran di sana akang
sama deng Buaya yang ada tidor.
Ha! Daric arita ini to, dapat katong ambel berharga berharga par katong samua, yaitu:
Sebagai orang basudara katong musti hidop laeng sayang laeng.
Jang paskali par bersepeda orang susah.
Kalo satu susah ke katong musti bantu, sama deng yang tadi BuayaTembaga su bersepeda
tu. Sebab, katong ni samua satu bangsa, satu tanah aer deng satu bahasa, itulah Indonesia tercinta.