PUPUH WAJIB

PUPUH SINOM

YEN CENING SAYANG RING RAGA ,

ANAKE MALU TRESNAIN,
WANTAH KETO SASULURNYA,
DA CENING IWANG MINEHIN,
ANAKE TAN BINA YUKTI,
SAYANGE RING RAGA PATUH,
SAMI MANGANTEBANG RAGA,
MASUWUK NGOPENIN URIP,
SIDA DURUS,
LANTUR MANGGUH KERAHARJAN

ARTOS :
INGGIH IDA DANE PAMIARSA, YENING SAYUAKTI I DEWA SAYANG KAPINING
PADEWEKAN
PAMEKAS SANE RIIN JADMA SANE TIOSAN DUMUN TRESNAIN
WANTAH ASAPUNIKA PAMARGI SANE KAPATUTAN
SAMPUNANG MALIH I DEWA MAPARILAKSANA IWANG SAHA MAPIKAYUNAN
SANE NANTEN PATUT
PARILAKSANA PUNIKA TAN MATIOSAN SARENG JADMA LIANAN
ASAPUNIKA TALER TRESNANE RING PADEWEKAN MANGDA TAN MABINA –
BINAYAN
NGIRING NGRASTITI BAKTI MAJENG RING PADEWEKAN
MANGDA SIDA SALANTANG TUUH RING KAURIPANE
DUMOGI UGI PAMARGIANNYANE
PAMUPUTNYANE I RAGA PRASIDA NGAMOLIHANG KARAHAYUAN LAN
KERAHARJAN RING KAURIPAN
PUPUH PILIHAN

PUPU GINADA

Palajahin apang tatas

Ragane sane suluhin
Agamane angge daasr
Tutur agamane luhur
Angge suluh suka duka
Mangda niki
Ajeg lan tetep sukerta

PUPUH DURMA

Mula sulit mamunahang saktin indrya

Yan tan tasaking samadi
Sangkan ya buatang
Suluhin ban sastragama
Susila maka pangabih
Ento gemetang
Uli rare kanti lingsir