TATA TERTIB ACARA NATAL KELUARGA PPTSB (UNGARAN, AMBARAWA DAN SALATIGA)

I. II. III.

Tangiang pembuka Kata sambutan (Ketua PPTSB) Acara Kebaktian A. Marende sian BE 57 : 1+3 (Nunga Jumpang) Nunga jumpang muse ari Pesta i, Hatutubu ni Tuhanta Jesus i, tuat do Ibana sian surgo i mebat tu hita on ReffHasangapon di Debata dame,dame ma di joilma, las mi roha ni Debata hajolmaon muse ** Sombanami ma di Ho na tubu on, Ho siboan dame tu portibion, sai pasaorhon ma tu rohanami on dameMi O Jesus Reff hasangapon B. Doa pembuka ibadah C. Votum Introitus U Marhitehite Goar ni Debata Ama. Debata na songkal jala marmulia do Ibana Sitompa langit, tano dohot nasa isina. Ibana do Ama ni Tuhanta Jesus, laos Ama ni angka na porsea. Di Ho ma pujipujian dohot hasangapon ro di saleleng ni lelengna. Dohot Goar ni Anakna Tuhan Jesus kristus. Debata situtu do Ibana na tuat sian banua ginjang, gabe jolma situtu na mian di tongatonga hita on. HatutubuNa do na italashon sadarion, di bara ni pinahan di Betlehem; na mate tarsilang di Golgata, hehe di ari patoluhon jala manaek tu siamun ni Ama i, paima mulak muse manogu angka na porsea tu ampuan- Na di banuaginjang i. Hasangapon ma di Debata di ginjang, dame ma di tano on, di angka jolma halomoan i. Dohot Goar ni Tondi Porbadia, Tondi ni Debata na mian di bagasan ngolu ni angka na porsea dohot di ngolunta be. Ibana do pangapul di na marsak , silehon las ni roha jala sipasabam roha ni angka na mandate. Hasangapon ma di Debata di ginjang, dame ma di tano on, di angka jolma halomoan i. Dungi gabe daging ma hata i,
1

H U

H U

H U

H U

Jala maringanan di tonga-tonga ni hita on, Jadi huida hami ma hasangaponNa songon hasangapon ni anak sasada na sian Ama i, gok asi ni roha dohot hatutuon, Haleluya! (mangendehon) Haleluya!....Haleluya!....Haleluya! Martangiang ma hita! Ale Tuhan Debata, Amanami na dibanua ginjang! Mandok mauliate do hami tu Ho, ala godang ni asi dohot holong ni rohaM di hami ; Ai dibasa-basahon Ho do anakMu nasasadai tu hami na dipardangolan on, asa malua hami marhite-hite ibaNa sian dosa dohot sian hamatean saleleng ni lelengna. Hupangido hami tu Ho, sai sondangi ma roha nami na holom i marhite-hite Tondi Parbadia i ; angkup ni i sai parrohai ma hami , asa huboto hami mandok mauliate tu Ho, asa tarapul situtu rohanami di hagogotan dohot dipangunjunan marhite anakMu, Tuhan Jesus Kristus Tuhan nami. Amen! (hundul).

H U

D. Marende No. 48 : 1 2 (Ria Ma Hita Sasude) Ria ma hita sasude mamuji Debata Girgir ma paradenta be, ai i do na tama ai i do na tama Diungkap Debatanta i, Banuaginjang i Disuru do AnakNa i, Hangoluanta i,:,: E. Manopoti dosa : Huria jongjong U Ale Debata Amanami na dibanua ginjang, diparhatopot rohanami do balga ni holong dohot asi ni rohaM di hami, disuru Ho do anakMu tu portibion laho paluahon hami sian dosa, uhum dohot hamatean; hape jotjot nai ndang huhamauliatehon hami holong ni rohaM tu hami. Ai ndang huhaholongi hami Ho sian nasa gogo dohot rohanami. Jala ndang huhaholongi hami dongan nami doshon dirinami. Tuhan, asi ma rohaM di hami, sesa ma dosa nami Mangendehon BE No 51:2 (Tole Puji ma Tuhanta) Dosa dohot hamatean, bolis dohot hamagoan. Talu ala naung diboan Jesus hangoluan i U Ale Tuhan Jesus Kristus. Nungga ro Ho tu portibion manaon haleaon, ditadinghon Ho do hamuliaonMu di banua ginjang. Dipatutoru Ho do diriM marhite na tubu di bara ni pinahan laho paluahon jolma pardosa. Alai jotjot do huhalupahon hami pambahenanMi tu hami. Ai ndang huihuthon hami Ho, ndang olo hami patutoru diri nami maradophon dongan nami jolma; mura tarhirim jala tarrimas hami molo so hombar tu rohanami sikap dohot pambahenan ni dongannami. Mangendehon BE No. 51:2 (Tole puji ma Tuhanta) Dosa dohot hamatean, bolis dohot hamagoan. Talu ala naung diboan Jesus hangoluan i.
2

Ale Tuhan Jesus Kristus, huhalashon hami do panghophopMu di hami pardosa jala na dangol on. Alai jotjotnai ndang huhamauliatehon hami panghophopMu di hami. Holan diri nami do husarihon hami . Jotjotnai ndang marroha panghophopon hami jala ndang parduli tu halak na dangol, na pogos, naso mardihadiha, angka na tartindas, na manghaporluhon pangurupion sian hami. Tuhan asi rohaM di hami, sesa ma dosa nami. Mangendehon BE No. 51:2 (Tole puji ma Tuhanta) Dosa dohot hamatean, bolis dohot hamagoan. Talu ala naung diboan Jesus hangoluan i

Ganup hita nungga mardosa tu Debata nang tu dongan jolma. Dibahen i tatopoti ma dosanta marsada-sada (tangiang na hohom). Baga-baga ni Debata taringot tu hasesaan ni dosanta Humophop hita, gabe dosa do IbaNa naso tumanda dosa dibahen Debata, asa gabe hatigoran ni Debata hita, marhite ibaNa. Hasangapon ma di Debata na diginjang.

U+H: Amen (hundul) F. Marende sian BE. No. 52 : 2 3 (Hatuaon Do) Hatuaon do, las ni roha do. HatutubuNi Jesus I, Domu do hita tu Debatanta, lasbe, lasbe ma rohanta I (2x) Hatuaon do, las ni roha do; HatutubuNi Jesus I. Lasma rohanta, mida Tuhanta. Las be, las be ma rohanta I (2x)

G. Liturgi 1) 2) 3) 4) 5) 6) 7) 8) 9) 10) 11) 12) 13) 14) Yes 40 : 28 Psalm 90:2 Joh 1: 3 4 Kol 1:16 17 Heb. 11 : 3 Rom 11 : 33 + 36 Psalm 33 : 6 7 Psalm 148 : 1+5 Psalm 33: 8-9 . Psalm 2: 11 A. Psalm 66: 2+4 Psalm 119: 89-90 Psalm 148: 2-3 Psalm 148: 11-13
3

H. Marende BE No 56 : 1 (Sai ro ma hamuna) Sai ro ma hamuna angka na porsea, sai ro ma hamuna tu Betlehem Ida dakdanak, Sipalua hita. Tasomba ma IbaNa, tasomba ma Ibana, ta somba ma Ibana Rajanta. I. J. Kotbah Marende no 49 : 6 7 (Sai Ro Ma Tu Bara) huhut papungu pelean Tung aha ulaning denggan di rohaM ? Silehononnami baen las ni rohaM ? Nang sere nang perak ndang pinangidoM Ai roha na ias sambing do lomoM Antong rohanami ma peleanMi O Jesus hasian sai jalo ma iIas jala sonang ma baen angka i Tongtong gabe domu ma tu rohaMi. K. Tangiang (pelean) L. Tangiang berkat IV. V. VI. VII. Tangiang lao mangan Marsipanganon Hiburan (acara lain-lain) Mandok hata selamat natal dan tahun baru 1) Bere / ibebere 2) Boru 3) Hula hula Marsipasaoran dame (ramah tamah / saling maaf memaafkan/salam salaman) Tangiang penutup

VIII. IX.

Ayat Liturgi
Jesaya 40:28 40:28 Atehe, ndang diboto ho, manang ndang dung dibege ho? Debata salelenglelengna do Jahowa, sitompa angka ujung ni tano on, ndang olo loja manang mandate ibana, jala ndang hadodoan pingkiranna i. Psalmen 90:2 90:2 Tagan so tubu dope angka dolok, jala tagan so adong dope ditubuhon tano on dohot portibi on, nunga adong hian Ho, ale Debata, sian salelenglelengna ro di salelenglelengna. Johannes 1 : 3 4 1:3 Saluhutna i marhite sian Hata i do, umbahen na manjadi; jala ndang adong nanggo sada sian naung jadi i, na so marhite sian 1:4 Di bagasan Hata i do hangoluan; laos hangoluan i do Panondang ni hajolmaon. Kolose 1:16 17 1:16 Ai marhite sian Ibana do ditompa saluhutna, na di banua ginjang dohot na di tano on, na tarida dohot na so tarida i, angka habangsa, angka harajaon, angka gomgoman, angka parhuasoon; saluhutna i do ditompa marhitehite Ibana, jala marhapatean tu Ibana. 1:17 Jala di jolo ni saluhutna do Ibana, jala saluhutna i do hot di bagasan Ibana. Heber 11 : 3 11:3 Hinorhon ni haporseaon do taantusi, naung marhitehite pandok ni Debata dipaojak angka hasiangan, asa sian na so tarida manjadi na tarida i. Rom 11 : 33 + 36 11:33 Bagasna i, antong, hamoraon, hapistaran dohot parbinotoan ni Debata! Na so hasigatan do angka uhumna jala na so habogasan do angka dalanna! 11:36 Ai sian Ibana do saluhutna ro, marhitehite Ibana jala marhapatean tu Ibana do sasudena i! Di Ibana ma hasangapon salelenglelengna! Amen.

Psalmen 33 : 6-7 33:6 Marhitehite hata ni Jahowa do manjadi angka langit, jala marhitehite hosa ni pamanganna sude angka paranganna. 33:7 Ibana papunguhon aek ni laut i, songon timbunan, angka parartaanna do angka lung i dibahen. Psalmen 148 : 1 + 5 148:1 Halleluya! Puji ma Jahowa, hamu ale angka sian banua ginjang, puji hamu Ibana di angka banua ginjang! 148:5 Ingkon pujionnasida ma goar ni Jahowa, ai mandokkon Ibana, jadi tartompa ma nasida Psalmen 33 : 8 9 33:8 Sai marhabiaran maradophon Jahowa ma sude tano on, jala marsomba tu Ibana ma sude pangisi ni portibi on. 33:9 Ai mangkuling Ibana, gabe manjadi do, mandokkon do Ibana, jadi jongjong ma. Psalmen 2 : 11 2:11 Oloi hamu ma Jahowa dohot biar ni roha, jala marolopolop ma hamu, huhut angka hitir. Psalmen 66 : 2 + 4 66:2 Endehon hamu ma hamuliaon ni goarna, marmulia bahen hamu pujipujianna! 66:4 Ingkon liat portibi on tahe marsomba tu Ho sogot, jala mangendehon Ho, mangendehon goarmu. Sela! Psalmen 119 : 89 90 119:89 Ro di salelenglelengna do hot hatami di angka banua ginjang, ale Jahowa. 119:90 Marsundutsundut do hasintonganmi, nunga dipaojak Ho tano on, jadi hot ma jongjong. Psalmen 148 : 2 3 148:2 Puji Ibana, sude hamu ale angka surusuruanna, puji Ibana, sude hamu ale angka paranganna!
6

148:3 Puji Ibana, ho ale mata ni ari dohot bulan, puji Ibana, sude hamu ale bintang angka na marsinondang i! Psalmen 148 : 11 13 148:11 Hamu ale angka raja ni tano on dohot sude angka bangso, hamu ale angka pangarajai ro di sude angka panguhum ni tano on. 148:12 Hamu ale angka dolidoli dohot namarbaju pe, hamu ale angka natuatua rap dohot angka na bajar. 148:13 Ingkon pujionnasida ma goar ni Jahowa, ai sasada goarna i do na timbul, diatasi hamuliaonna i do tano on dohot angka langit!