DS Bahasa Kadazandusun

KEMENTERIAN PELAJARAN MALAYSIA
KURIKULUM STANDARD SEKOLAH RENDAH

BAHASA KADAZANDUSUN
TAHUN DUA
2011
DRAF
DOKUMEN STANDARD
KURIKULUM STANDARD SEKOLAH RENDAH
(KSSR)
BAHASA KADAZANDUSUN
TAHUN 2
MODUL TERAS ELEKTIF
BAHAGIAN PEMBANGUNAN KURIKULUM
Cetakan Pertama 2011
Kementerian Pelajaran Malaysia
Hak Cipta Terpelihara. Tidak dibenarkan mengeluar ulang mana-mana bahagian artikel, ilustrasi dan isi kandungan buku ini dalam
apa juga bentuk dan dengan cara apa jua sama ada secara elektronik, fotokopi, mekanik, rakaman atau cara lain sebelum
mendapat kebenaran bertulis daripada Pengarah, Bahagian Pembangunan Kurikulum, Kementerian Pelajaran Malaysia, Aras 4-8,
Blok E9, Parcel E, Kompleks Pentadbiran Kerajaan Persekutuan, 62604 Putrajaya.
iii
RUKUN NEGARA
BAHAWASANYA negara kita Malaysia mendukung cita-
cita untuk mencapai perpaduan yang lebih erat dalam
kalangan seluruh masyarakatnya; memelihara satu
cara hidup demokratik; mencipta masyarakat yang
adil bagi kemakmuran negara yang akan dapat
dinikmati bersama secara adil dan saksama; menjamin
satu cara yang liberal terhadap tradisi-tradisi
kebudayaannya yang kaya dan berbagai-bagai corak;
membina satu masyarakat progresif yang akan
menggunakan sains dan teknologi moden;
MAKA KAMI, rakyat Malaysia, berikrar akan menumpukan
seluruh tenaga dan usaha kami untuk mencapai cita-cita
tersebut berdasarkan atas prinsip-prinsip yang berikut:
KEPERCAYAAN KEPADA TUHAN
KESETIAAN KEPADA RAJA DAN NEGARA
KELUHURAN PERLEMBAGAAN
KEDAULATAN UNDANG-UNDANG
KESOPANAN DAN KESUSILAAN
iv
Pendidikan di Malaysia adalah suatu usaha
berterusan ke arah lebih memperkembangkan
potensi individu secara menyeluruh dan
bersepadu untuk melahirkan insan yang
seimbang dan harmonis dari segi intelek,
rohani, emosi dan jasmani berdasarkan
kepercayaan dan kepatuhan kepada Tuhan.
Usaha ini adalah bertujuan untuk melahirkan
warganegara Malaysia yang berilmu
pengetahuan, berketerampilan, berakhlak
mulia, bertanggungjawab dan berkeupayaan
mencapai kesejahteraan diri serta
memberikan sumbangan terhadap
keharmonian dan kemakmuran keluarga,
masyarakat dan negara.
Draf Dokumen Standard Sikul Tosiriba' Boros Kadazandusun Toun 2

1
KOPOINTUTUNAN
Boros Kadazandusun nopo nga' iso' mato palajalan i po'ia'on id sikul tosiriba' om takawas. Status nopo do mato palajalan
diti id kurikulum perdana nga' mato palajalan elektif. Po'ia'on o boros diti kumaa tangaanak mantad tinaru Kadazan om
Dusun. Po'ia'on nogi' o boros diti kumaa tangaanak mantad tinaru suai i aanangan minsingilo do boros diti.
Hontolon nopo do pongia'an om pambalajalan Boros Kadazandusun id sikul tosiriba' nga' popoingkawas do kabaalan
boros miagal ko' kabaalan mokinongou, moboros, mambasa', monuat, koilaan kolumison boros om nogi' koilaan puralan
boros. Oponsol kopio do inoboson o kabaalan boros diti tu' iti no kabaalan touvai i koponguhup id pomogunaan boros
Kadazandusun id pangaan sikul takawas.
Winonsoi o Kurikulum Standard Boros Kadazandusun Sikul Tosiriba' diti montok manahak kosiwatan kumaa tangaanak
do minsingilo do boros Kadazandusun id kohuboyoon di kohiok mooi do kikotumbayaan sondii' o tangaanak soira' do
miromut om nogi' kaanu papasarabak pomusarahan di okreatif, imaginatif om okritis. Maya' do kurikulum diti, kaanu
tangaanak minsingilo do boros Kadazandusun id pongia'an di otolinahas, poimpunong om oulud. Pongia'an om
pambalajalan boros Kadazandusun id sikul kapanahak do kosiwatan kumaa tangaanak do mongintutun, monginonong,
guminawo om popotilombus do adat, koubasanan, kotumbayaan sandad om tungkus tinaru Kadazan om Dusun.
Pongia'an om pambalajalan do boros Kadazandusun diti nogi' kaanu manahak do kosiwatan kumaa tangaanak mantad
tinaru suai i aanangan minsingilo do boros Kadazandusun montok mongintutun om mangarati' adat, koubasanan,
kotumbayaan sandad om tungkus tinaru Kadazan om Dusun.


2
Pongia'an om pambalajalan Kurikulum Standard Boros Kadazandusun id sikul tosiriba' diti monokodung do angkab
Rukun Negara, Dasar Pendidikan Kebangsaan om Falsafah Pendidikan Negara montok do momodimpot do
kotoronongon om piunungan toinsanan tinaru id pogun Malaysia. Suang nopo do pongia'an om aktiviti kurikulum id
Kurikulum Standard Boros Kadazandusun Sikul Tosiriba' diti nga' kokomoi do toilaan, kabaalan boros, koubasanan, woyo'
toluud, tungkus koubasanan om kotumbayaan tinaru i koponguhup do popoingkawas koburuon koinanon, sunduan,
pomusarahan om topurimanan tangaanak.
TUDU
Tudu nopo do Kurikulum Standard Boros Kadazandusun montok sikul tosiriba' diti nga' momogonop kabaalan boros
tangaanak mooi do kaanu nodii yolo' momoguno do boros Kadazandusun di kotunud, oulud om olinuud id piromutan di
mogisuai-suai koyuuyuon.
DIMPOTON
Id kolimpupuson do Toun 6 kaanu tangaanak do :
Miromut miampai kotumbayaan sondii kumaa tambalut om tulun suai id koyuuyuon formal om au' formal.
Mambasa' om mangarati' do suang mogikawo-kawo teks id boros Kadazandusun montok mananom sunduan do
aanangan mambasa'.
Momonsoi mogisuai-suai kawo ponuatan di kotunud, oulud om olinuud.
Monginonong om mangarati' ponuatan di okreatif id boros Kadazandusun om mananom sunduan guminawo
kolumison boros.
Momoguno puralan boros di kotunud id lisan om ponuatan.
Popotilombus tungkus koubasanan tinaru Kadazan om Dusun.

3

DOKUMEN STANDARD KURIKULUM
Id suang do Dokumen Standard diti poinhanggum o Standard Ponuangan om Standard Pambalajalan.
Standard Ponuangan nopo nga' taang koimpohon do koilaan, kabaalan om koinabasan di minog dimpoton do tangaanak
id kolimpupuson do Toun 6 id sikul tosiriba'.
Standard Pambalajalan nopo nga' iso' nuludan koilaan, kabaalan, koinabasan om taang koonuan di minog do dimpoton
do tangaanak id iso'-iso' Toun id sikul tosiriba'.
PRINSIP DO PEDAGOGI KURIKULUM STANDARD
Ponginsamakan do pongia'an om pambalajalan do Kurikulum Standard diti nopo nga' maya' prinsip-prinsip di pinatayad:
i. Ponginabasan do kabaalan touvai
Oponsol kopio do pasandadon mantad id kotimpuunon o ponginabasan do kabaalan touvai miagal ko' kabaalan
mokinongou, moboros, mambasa', om monuat tu' kabaalan diti no o poimpahan do karaaralano' pambalajalan do
tangaanak. Kabaalan touvai i oinobos do tangaanak koponguhup tangaanak do popoingkawas kabaalan boros montok
momodimpot taang di takawas.
ii. BaIajaI id koyuuyuon di kohiok, kirati' om kidimpoton
Pambalajalan di poposontol konteks di kirati' miampai papaamung toinsanan kabaalan boros i kaanu manahak kosiwatan
kumaa tangaanak minsingilo maya' aktiviti di kohiok.


4

iii. Poinlongkod do tangaanak
Mogisuai-suai kabalantasan, koporokisan, ralan balajal, koinabasan om koburuon tangaanak id pambalajalan do Boros
Kadazandusun. Mooi do odimpot o potensi pambalajalan tangaanak, oponsol do papanahon o pongia'an di momoguno
mogikawo-kawo ponginsamakan, teknik om kakamot pongia'an di kagayat do ginawo tangaanak. Ponginsamakan
masteri kaanu manahak kasakadayan kumaa tangaanak do monginobos toinsanan standard pambalajalan Boros
Kadazandusun di noulud.
iv. Pomogunaan teknologi wagu
Id abad ko-21 diti, oponsol o koilan momoguno komputer tu' teknologi nopo diti nga' teknologi piromutan di gunoon do
timpu baino montok maganu om papatayad koilaan. Pomogunaan kakamot media elektronik om kapamansayan pionitan
id internet kaanu manahak kosiwatan di tosima' kumaa tangaanak do miromut om mogiilang toilaan. Ogumu' koilaan di
aanu mantad Teknologi Koilaan om Pionitan diti. Soira' momproses do koilaan di naanu kiguno o pomusarahan di okritis
montok momili' koilaan di kosudong. Oponsol o koilaan do tangaanak do momoguno boros Kadazandusun mooi do kaanu
papatayad do koilaan di efektif, kotunud, okreatif om kohiok. Aspek woyo' toluud om mamasok oponsol nogi' do
pasandadon mooi do kitonggungan om kidisiplin o tangaanak soira' mogihum, momproses om poposunud kawagu do
koilaan.
v. Pontaksiran Pambalajalan
Pontaksiran pambalajalan nopo do gunoon nga' pontaksiran di potilombus. Pontaksiran di potilombus kaanu manahak
koilaan kumaa mongingia' kokomoi taang koinabasan tangaanak do standard pambalajalan. Pointilombus o pontaksiran
woyo' formatif diti om okon ko' miagal do pontaksiran woyo' sumatif tu' papanahon id koowian iso'-iso' timpu

5
pambalajalan. Kawasa' do papanahon o pontaksiran woyo' formatif maya' pongintangan om maya' mogikawo-kawo
aktiviti lisan om ponuatan. Koduo-duo pontaksiran diti kaanu popokito koyuuyuo' kalantayon pambalajalan tangaanak.
vi. Kapasarabakan ponginIaaban kowoowoyoo'
Prinsip di pasandadon id Kurikulum Boros Kadazandusun nopo nga' papapanggor sahsiah di tosonong. Pasandadon
nogi' toinsanan woyo' toluud id pambalajalan Boros Kadazandusun mooi do awangun songulun mamasok di kiwoyo'
toluud, kiimatu om otoronong .
PONGINSAMAKAN KURIKULUM MODULAR
Timpu pongia'an do mato palajalan Boros Kadazandusun nopo nga' tolu timpu sominggu'. Pongia'an do Kurikulum
Standard Sikul Tosiriba' diti manahak kopomogiratan do kabaalan momoguno boros Kadazandusun id tinimungan
tangaanak ngawi'.
Kurikulum Standard Sikul Tosiriba' Boros Kadazandusun diti minanganu ponginsamakan woyo' modular i popohontol
om manahak kosulimbangan kumaa toinsanan kabaalan boros miagal do kabaalan mokinongou om moboros, mambasa',
monuat, kolumison boros om puralan boros.
d pongia'an om pambalajalan do Boros Kadazandusun id kalas, onuan panatalan toinsanan kabaalan boros id iso'-iso'
timpu pongia'an. Sabaagi iso' poomitanan, onuan panatalan o kabaalan mokinongou om moboros id pongia'an ontok
timpu koiso' do minggu' koiso'. Ontok timpu koduo,panatalan do pongia'an nopo nga' kabaalan mambasa' om timpu
kotolu onuan panatalan kabaalan monuat. Timpu koiso' om koduo do minggu' sumusuhut gunoon montok pongia'an
kolumison boros om timpu kotolu gunoon montok pongia'an puralan boros. Kawasa' mongingia' do momoguno duo timpu
montok mongia' isoiso' kabaalan soira' do osubai. Pongia'an om pambalajalan do iso'-iso' topik kawasa' do papanahon id
kalas daasom duo minggu'.

6
Ponginsamakan woyo' modular diti kaanu popisoungko toinsanan kabaalan boros di strategik montok tudu do
popoingkawas kabaalan boros miagal di poinsuat id standard ponuangan om pambalajalan. Sabaagi iso' poomitanan,
soira' do mongia' do kabaalan kolumison boros, kopisoungko nogi' o kabaalan suai miagal ko' kabaalan mokinongou,
moboros, mambasa' om monuat id pongia'an dii. Ponginsamakan woyo' modular diti manahak nogi' do panatalan kumaa
pongia'an om pambalajalan kabaalan boros di touvai kumaa kabaalan boros di apangkal miagal id siriba' diti:
Kabaalan Mokinongou om Moboros
Kabaalan Mambasa'
Kabaalan Monuat
Kolumison Boros
Puralan Boros
Tema
Ponuangan montok tikid gana' pomogunaan boros id pambalajalan Boros Kadazandusun nopo nga' pinoimpou tema di
kosudong montok tangaanak id sikul tosiriba'. Tema nopo ngawi' diti nga' :
Tinan Sondii'
Susuyan
Toilaan


7
KURIKULUM BOROS KADAZANDUSUN TOUN 2
Panatalan nopo do pongia'an om pambalajalan Boros Kadazandusun id Toun 2 nga' papapanggor koilaan kokomoi do
pimato, putul boros, boros, frasa om ayat-ayat di toniba'. Ponginabasan do kabaalan boros di touvai miagal ko kabaalan
mokinongou om moboros, mambasa', monuat om kolumison boros nga' onuan nogi' do kapanatalan id pongia'an om
pambalajalan do mato palajalan diti. Suai ko' mantad dii, koilaan kokomoi tungkus koubasanan tinaru Kadazan om
Dusun om koilaan momoguno do puralan boros di kotunud nga' po'ia'on nogi' kumaa tangaanak id Toun 2.
1.0 KABAALAN MOKINONGOU OM MOBOROS
Id kolimpupuson do Toun 2, kaanu o tangaanak do mongintutun, momungaran om monugut tuni di norongou, kaanu
mamarait 29 pimato boros Kadazandusun, kaanu tumanud ponontudukan do mongingia' montok mongintutun om popouni
tuni vokal tanaru, vokal toniba' om tuni konsonan noolos, kaanu mamarait mogikawo-kawo boros di kisigot, kituni /b/ om
/d/ poloputon om /b/ om /d/ au' poloputon, Kaanu mamarait boros tumanud putul boros, kaanu mokinongou, mongintutun
om popoboros do koilaan, kaanu monguhot om manahak sisimbar, kaanu popokito koilaan kumaa isoiso' ponuhuan om
pokionuon, kaanu mokinongou, monugut om tumanud ponontudukan do mongingia' montok popoindalan do pibarasan,
manahak ponuhuan, poposunud pokionuon om popolombus do ponguhatan, kaanu momili' boros pomolohou di kotunud,
kaanu monguyad do koilaan kokomoi ahal sondii', kaanu monorita' kokomoi nunu i okito id gambal, kaanu tumanud
ponontudukan mongingia' montok popointalang do isoiso' ahal.

Poinhanggum nopo id standard pambalajalan diti nga' kabaalan mokinongou om popolombus kawagu do tuni, boros,
frasa om ayat di norongou mantad mogisuai-suai tadon. Mokinongou om moboros nopo nga' iso' kabaalan di touvai
montok literasi. i nodii poogi' do unsubon o tangaanak do minsingilo do woyo' mokinongou di kotunud om tumimpuun do
minsingilo do moboros mantad taang popolombus do tuni di kotunud om kumaa nogi' do popolombus do boros, frasa om

8
gisom no do kaanu popolombus do ayat di kotunud, oulud om olinuud montok mogikawo-kawo koyuuyuo'. Oponsol nogi'
do po'ia'on kumaa doid tangaanak o loyuk om rima di kotunud montok popolombus isoiso' tuni, boros, frasa om ayat.
Suai ko' mantad dii, minog nogi' do po'ia'on kumaa doid tangaanak o koilaan miromut maya' lisan om okon ko' lisan.
Aktiviti nopo di kosudong do papanahon montok do kabaalan diti nga' aktiviti minsingumbal, manahak tisuli', mangarati'
om momoguno do koilaan di norongou. Toinsanan aktiviti diti kawasa' do huliton mooi do kogirot o pomogunaan do
pancaindera do tangaanak om pointounda' tomoimo do miromut.
2.0 KABAALAN MAMBASA'
Id kolimpupuson do Toun 2, kaanu o tangaanak do mongintutun bontuk om ngaran do 29 pimato Boros Kadazandusun,
kaanu mongija' boros kivokal tanaru om toniba', boros kisigot om kikonsonan /b/ om /d/ poloputon om au' poloputon,
boros mintootoiso' om nogi boros nosugku, kaanu mongintutun do tanda basa', kaanu mongintutun om mambasa' ngaran
do nunu i okito, orongou, oroso, osingud, akama om opurimanan, kaanu mambasa' om monindu' komoyon boros, kaanu
momoguno do komoiboros, kaanu mongintutun do sompuruan boros, kaanu minsingumbal do popolombus do boros
momoguno pomoroitan di kosudong, kaanu mambasa' do opuhod do frasa, ayat om teks mantad mogisuai-suai tadon,
kaanu mambasa' montok maganu, mongintutun, papasanarai om popoboros do koilaan di nabasa', kaanu tumanud
ponontudukan do mongingia' montok poposodia do peta minda montok popoilo' kawagu do isoiso' koilaan di nabasa',
kaanu popoboros do topurimanan kokomoi teks di nabasa' om kaanu momili' om manahang do watak id susuyan.
d kabaalan diti, oponsol do kaanu o tangaanak do mongintutun tuni do 29 pimato Boros Kadazandusun tu' iti nopo nga'
koilaan di touvai no kopio montok kabaalan mambasa'. Koilaan diti koponguhup id kabaalan popolombus boros, frasa,
ayat mintootoiso' om ayat di mogikawo-kawo loyuk om kopolombusan. Montok iso' pongia'an kabaalan mambasa' di
kohiok, unsubon o mongingia' do momoguno teks mantad sinding, hiis, tangon toi ko' bukakak, tu' kounsub iti do

9
tangaanak om nogi' kagayat do ginawo diolo'. Montok kabaalan mongija', potimpuunon do popo'ia' mantad mongintutun
tuni pimato kumaa tuni do fonem om putul boros gisom no owonsoi iso' boros di kotunud.
3.0 KABAALAN MONUAT
Id kolimpupuson do Toun 2, kaanu o tangaanak do popiromut do titik montok poposiliu do isoiso' bontuk, kaanu poposurat
do pimato tumanud bontuk, kaanu papatayad do pimato om numbul 1- 10 tumanud nuludan di kotunud, kaanu poposuat
do ngaran nunu i okito, orongou, oroso, osingud, akama' om opurimanan, kaanu monuat kawagu do frasa om ayat, kaanu
mongulud boros om frasa sumiliu do ayat, kaanu momonsoi frasa om ayat, kaanu momonsoi ayat mantad boros di
pinatahak, kaanu momonsoi ayat mintootoiso' tumanud gambal, kaanu momonsoi mogikaakawo ponuatan miampai
momoguno tanda basa' di kotunud.
Timpuunon nopo do popo'ia' id kabaalan diti nga' kabaalan mongigit pinsil di pointunud. Oponsol do pasandadon
kabaalan diti mooi do oubas dii o tangaanak do monuat momoguno ralan di pointunud. Panatalan nopo do kabaalan diti
nga' papawakas tuhat tunturu' om longon, popomogot kabaalan motor, popoingkawas kabaalan visual om koordinasi
mato om longon mooi do kaanu dii o tangaanak monginobos kabaalan monuat di touvai kopio. Suai ko' mantad dilo',
hontolon nogi' id kabaalan diti o koilaan monuat pimato miampai momoguno ralan di pointunud mooi do kaanu o
tangaanak do monuat boros, frasa om ayat di poimpunong, otolinahas om oulud.
4.0. KABAALAN KOLUMISON BOROS
Id kolimpupuson do Toun 2, kaanu o tangaanak do tumanud ponontudukan mongingia' montok popolombus kawagu
koilaan maya' aktiviti momonsoi buuk tonini', poster, kolaj, kad, origami, mobail, poskad om suusuai po. Kaanu o
tangaanak do tumanud ponontudukan mongingia' montok popokito koilaan di notimung maya' aktiviti manangon,
suminding, minsingkono', sumayau om popolombus hiis, kaanu o tangaanak do tumanud ponontudukan mongingia'

10
montok monimung koilaan maya' mogikawo-kawo aktiviti kokomoi do koubasanan, kotumbayaan, basaan, karamayan,
taakanon om tiinumon do tinaru Kadazan om Dusun.

Pongia'an do kabaalan kolumison boros montok Toun 2 diti manahak panatalan kumaa pambalajalan di kohiok maya'
aktiviti di kohiok om kagayat ginawo miagal ko' momonsoi buuk tonini', poster, kolaj, kad, origami, mobail, poskad om
nogi' maya' aktiviti manangon, suminding, minsingkono', sumayau om popolombus hiis. Maya' kabaalan kolumison boros
diti kaanu nogi' o tangaanak do kosiwatan mongintutun, minsingumbal om monginonong do tungkus koubasanan tinaru
Kadazan om Dusun maya' mogikawo-kawo aktiviti di kohiok om kosudong. Aktiviti-aktiviti diti kaanu papasarabak
kaanangan do tangaanak kumaa minsingilo do boros Kadazandusun om nogi' kaanu popoingkawas imaginasi tangaanak.
Komponen diti manahak kosiwatan kumaa tangaanak do mokinongou boros Kadazandusun mantad mogisuai-suai tadon
miagal ko' mantad sinding tangaanak, hiis koubasanan om susuyan di kosudong. Suai ko' mantad dii, kaanu nogi' o
tangaanak ngawi' do momoguno do boros Kadazandusun id koyuuyuo' di mogisuai-suai miagal ko' id pamansayan buuk
tonini', poster, kolaj om kaad om nogi' maya' aktiviti manangon, suminding, minsingkono', sumayau om popolombus hiis.
Oponsol kopio do unsubon o tangaanak maya' boros pangarayou montok iso'-iso asil di nowonsoi toi ko' pinolombus.
Pongunsuban kaanu popogirot kotumbayaan sondii' do tangaanak om kaanu nogi' poposunduan do aanangan balajal.
Suai ko' mantad dii, kaanu nogi' iti do mananom topurimanan do monginsonong asil kalaja' om nogi' mongunsub
pomusarahan di okreatif.
5.0 SISTOM BOROS
Abaagi o sistom boros Kadazandusun id piipiro komponen: fonetik om fonologi, sistom ija'an, puralan boros, tukadan,
kopomoroitan ginumu' om tinimungan boros. Oponsol do po'ia'on koilaan momoguno puralan boros kumaa tangaanak di
minsingilo do boros Kadazandusun mooi do kaanu o tangaanak do momoguno boros Kadazandusun di kotunud om
oulud.

11
5.1 Fonetik om Fonologi
Oponsol do posunudon kumaa do tangaanak o koilaan mamarait om momoguno loyuk om kopolombusan di pointunud
mooi do koilo o tangaanak do mamarait boros om ayat, om nogi' kaanu o tangaanak do popolombus komoyon di kotunud
kumaa tulun suai. Suai ko' mantad dii, oponsol nogi' o koilaan diti mooi do kaanu o tangaanak do mangarati' boros om
komoyon do tulun suai id pilumaagan tikid tadau. Kawo ayat di oponsol do oilaan tangaanak do popolombus miampai
momoguno pomoroitan om loyuk miagal id siriba'.
a) Ayat Toomod
b) Ayat Pongudi
c) Ayat Ponuhuan
d) Ayat Kotigagan

5.2 Sistom Ija'an
Oponsol kopio do posunudon kumaa do tangaanak o sistom ija'an boros Kadazandusun mooi do kaanu o tangaanak do
momonsoi ponuatan di pointunud om oulud. d sistom ija'an minog do inoboson do tangaanak o piipiro aspek mooi do
kaanu do momonsoi ponuatan di poimpunong. Pointayad id siriba' diti, toinsanan aspek di oponsol do oilaan:
a) 29 pimato boros Kadazandusun
b) pomogunaan do sigot / '/ id ponuatan
c) pomogunaan do / b / om / d / id ponuatan
d) vokal tanaru om diftong id ponuatan om pomoroitan
e) pomogunaan konsonan on vokal noolos id ponuatan


12
5.3 Puralan Boros
Abaagi o aspek Puralan Boros id duo boogian : morfologi dan sintaksis.
5.3.1 Morfologi nopo nga' iso' gana' toilaan i' monoriuk pamansayan iso'-iso boros id aspek struktur, bontuk om
ponompipian boros. Pointayad id siriba' diti nopo nga' aspek di okito id morfologi.
(a) Struktur Boros
i) Boros Sandad
ii) Boros Noolos

(b) Bontuk Boros
i) Boros Mintootoiso'
ii) Boros Nosugkuan
iii) Boros Misompuru
iv) Boros Misaup

(c) Karaaralano' pamansayan boros:
i) Ponugku'
ii) Ponginsoupan
iii) Ponompuruan

(d) Sompuruan Boros:
i) Boros Ngaran
ii) Boros Maan
iii) Boros Ula
iv) Boros Toguangon


13
5.3.2 Sintaksis nopo nga' iso' ponoriukan kokomoi pamansayan ayat. Aspek sintaksis di oponsol do oilaan do tangaanak
id sikul tosiriba' nopo nga' miagal di pointayad id siriba' diti :
a) Karaaralano' momonsoi boros, frasa, klausa om ayat.
b) Pamansayan ayat nopo nga' tumanud nuludan VSO (Boros Maan, Subjek om Objek).
c) Kawo ayat: ayat toomod, ayat pongudio, ayat ponuhuan om ayat kotigagan.
d) Kawo pamansayan ayat: ayat toomod, ayat mintootoiso'

5.4 Tanda' Basa'
Oponsol do koilo o tangaanak momoguno do tanda' basa' id piromutan mooi do kaanu popolombus boros
Kadazandusun di pointunud om oulud id kobooboroso' om nogi' id ponuatan. d piromutan maya' ponuatan oponsol
do kaanu o tangaanak momoguno do tanda' basa' di kotunud mooi do kaanu popolombus pomusarahan toi ko'
koilaan di pointunud om kirati'. d piromutan lisan, oponsol do koilo o tangaanak momoguno do tanda' basa' miagal
ko' koma om nokta mooi do kolombus kopio nunu o komoyon diolo'.
5.5 Tukadan
Poinhanggum no id tukadan o boros mikagos, poiradan om poniriban i oponsol do po'ia'on kumaa tangaanak
mooi do kaanu nodii mongintutun om momoguno do tukadan id lisan toi ko' ponuatan montok popokito iso'
ponginabasan do boros di takawas.

Nota: Montok popomogot toilaan kokomoi puralan boros Kadazandusun kawasa' do momorujuk do buuk Puralan Boros
Kadazandusun id Sikul i pinalabus do Boogian Popotounda Kurikulum, Komontirian Palajalan Malaysia.

14
6.0 PONUANGAN KURIKULUM
Ponuangan kurikulum nopo nga' iso' poingkawasan kawawagu id ponginabasan koilaan om oponsol do onuan
kapanatalan tu' iti no kabaalan di koponguhup do tangaanak id koposion tikid tadau om id ponginabasan toilaan.
Ponuangan kurikulum i pasandadon id pongia'an boros Kadazandusun nopo nga' miagal id siriba'.
i. Kabaalan Momusorou
Kabaalan momusorou di okritis om okreatif pinosuang id standard pambalajalan mooi do kaanu o tangaanak do
monolibamban kobolingkangan, maganu kootuson om kaanu popolombus do koilaan di kotunud kokomoi iso'-iso' ahal
miampai momoguno boros di efektif.
ii. Kabaalan BaIajaI KaraaraIano' Balajal
Pasandadon o kabaalan diti id standard pambalajalan mooi do kitonggungan o tangaanak id pambalajalan diolo'.
Poinhanggum id kabaalan diti o kabaalan balajal om kabaalan maganu koilaan montok popotounda' do tangaanak do
monginobos koilaan di potilombus.
iii. Kabaalan Momoguno Teknologi Koilaan om Piromutan
Kabaalan momoguno do Teknologi Koilaan om Piromutan nopo nga' kabaalan abad ko-21. Kabaalan nopo di
poinhanggum nga' kabaalan momoguno kakamot multimedia miagal ko' komputer montok momonsoi om momongo
kalaja' sikul om nogi' momoguno mogikawo-kawo koilaan mantad multimedia miagal ko' mongintong dokumentari
televison om maganu koilaan mantad internet. Suai ko' mantad dii, kaanu nogi' do kosiwatan o tangaanak do papaatod
om monorimo do e-mel, mamalayag piromutan elektronik montok mogihum om papatayad koilaan om milumaag
miampai tulun suai maya' piromutan sosial miagal ko' Facebook om Twitter.

15
iv. Woyoo' ToIuud om Sunduan Mamasok
Oponsol do pasandadon o woyo' toluud miagal ko' woyoo' guminawo pogun sondii' om kopuriman sunduan mamasok id
standard pambalajalan mooi do awangun o tangaanak di kiwoyo' toluud om oupus tomoimo do pogun sondii'.
v. Mogisuai-suai koporokisan
Okito nogi' id suang do standard pambalajalan diti o koponoinaan do koporokisan tangaanak di mogisuai-suai. Okito iti id
suang do standard pambalajalan, miagal ko' koponoinaan koporokisan kinestetik maya' aktiviti di noulud id standard
pambalajalan kabaalan kolumison boros.
vi. Kopogonuan Toilaan
Koilaan om ponuangan nopo di pohontolon id standard pambalajalan nga' koilaan di naanu mantad mogikawo-kawo
gana' miagal do gana' koilaan Sains om Teknologi, Geografi, Sejarah, posorili' do tangaanak om koilaan konsumerisme.
Suai ko' mantad dii, ponuangan boros aanu nogi' mantad surat abal om isu-isu timpu baino.
vii. Mongindapu'
Mooi do kaanu o tangaanak ngawi' do monoguang karaaralano' koposion timpu baino, minog nogi' do pasandadon id
pomusarahan do tangaanak o kabaalan mongindapu'. Montok popoburu' koposion tangaanak, elemen mongindapu'
miagal ko' kreativiti, inovasi om inisiatif oponsol do posunudon kumaa tangaanak.


16
viii. Kreativiti
Kreativiti nopo' nga' woyo' di popokito' kabaalan momonsoi iso'-iso' toinaon i au' po insan kowonsoi do tulun suai maya'
imaginasi tosonong do tosoosongulun. Soira' do kaanu o tangaanak do papabanta asil kalaja' toi ko' popokito' drama di
okreatif, okito do koimbulai o kaanangan do tangaanak, kotumbayaan sondii' om kopuriman do kounsikahan montok
kinalantayan sondii'.
7.0 PONTAKSIRAN
Pontaksiran standard pambalajalan kawasa' do papanahon maya' piipiro woyo' pontaksiran. Abaagi do duo kawo o woyo'
pontaksiran diti:
Pontaksiran Woyo' Formatif
Pontaksiran Woyo' Sumatif

Taang koinabasan tangaanak do momoguno boros milo tipongon maya' koduo-duo woyo' pontaksiran diti.
Pontaksiran Woyo' Formatif
Papanahon o pontaksiran woyo' formatif diti do poingompus toun do mongilo nunu o taang kalantayan do tangaanak.
Koindalan o pontaksiran diti maya' pongintangan mooi do kaanu nodii mongingia' do monipong kogisaman do tangaanak
monginobos boros ontok poingampayat id aktiviti pambalajalan boros. Pontaksiran woyo' diti kapanahak kounalan kumaa
mongingia' om tangaanak nogi'. Maya' pongintangan diolo', kaanu o mongingia' do koilaan kokomoi tangaanak di au'
kodimpot toi ko' au' kaampayat id aktiviti di papanahon id kalas. Soira' okito do mongingia' o kobolingkangan diti, oponsol
papanahon do mongingia' o aktiviti suai di kosudong om kaanu mongunsub do tangaanak dii do monginobos boros.
Kosudong nogi' o pontaksiran woyo' formatif montok mongintong kogisaman do tangaanak id kabaalan mokinongou om

17
moboros. Pongisamakan di kawasa' do gunoon montok pontaksiran woyo' formatif nopo nga' maya' folio, kalaja' id
tinimungan, pongimatan om maya' aktiviti monginobos boros miagal ko' mambasa' om kuiz.
Pontaksiran Woyo' Sumatif

Papanahon o pontaksiran woyo' sumatif maya' poniisan toi ko' panaasan formal. Maya' pontaksiran diti, kaanu o
mongingia' ngawi' do monimung profil di popokito koburuon do tangaanak id monginobos do boros Kadazandusun.
Kawasa' do papanahon o pontaksiran diti montok tosoosongulun tanak. Tudu nopo do pontaksiran woyo' sumatif nga'
monipong om monimung koilaan kokomoi standard om taang koinabasan do tangaanak minsingilo do boros
Kadazandusun.


18
Standard Ponuangan om Pambalajalan Toun 2 montok Kabaalan Mokinongou om Moboros
STANDARD PONUANGAN STANDARD PAMBALAJALAN
1.1 Kaanu o tangaanak do mokinongou, mongintutun
om mamarait do tuni di norongou mantad
mogisuai-suai tadon id kolimpupuson do Toun 6.
a) PosoriIi'
b) Kakamot
c) Boogian tinan sondii'
d) Loyuk om rima
e) Tuni kobooboroso'
1.1.1 Kaanu mongintutun tuni di norongou.

1.1.2 Kaanu tumanud ponontudukan do mongingia'
montok momungaran do tuni di norongou.

1.1.3 Kaanu monugut tuni di norongou.


19
1.2 Kaanu o tangaanak do mokinongou, mongintutun,
mamarait om popisuai tuni do pimato boros
Kadazandusun id kolimpupuson do Toun 6.

1.2.1 Kaanu mamarait 29 pimato boros Kadazandusun.

1.2.2 Kaanu tumanud ponontudukan mongingia'
mongintutun om popouni tuni vokal tanaru om
toniba'.

mongintutun om popouni tuni konsonan noolos.
/c/ om /f/, /q/ om /x/

mamarait boros kisigot / ' / om aiso sigot.

1.2.5 Kaanu tumanud ponontudukan mongingia' montok
mamarait boros kituni /b/ poloputon om /b/ au'
poloputon.

mamarait boros kituni /d / poloputon om /d/ au'
poloputon.


20
1.3 Kaanu o tangaanak do mokinongou, mongintutun
om mamarait do boros miampai momoguno
pomoroitan om loyuk di kotunud id kolimpupuson
do Toun 6.

1.3.1 Kaanu mamarait boros tumanud putul boros.

1.3.2 Kaanu sumugut do mongingia' montok mongintutun
om mamarait do boros kokomoi
x Boogian tinan
x Paganakan
x Kakamot
x Sikul
x Pomoinan
x Numbul
x Timpu
x Tayam
x Kinotuan
x Koua'an
x Padsakayan
x Kinoyonon
x Pakalajaan

1.3.3 Kaanu mamarait boros montok
x mamason kounsikahan
x popointutun tinan sondii'
x mintutun tulun suai
x magalap om monorimo pagalapan
x monongkosiou
x monuhu
x mongudio


21

1.4 Kaanu o tangaanak do manahak do tisuIi' kokomoi
koilaan di norongou id kolimpupuson doToun 6.

1.4.1 Kaanu mokinongou koilaan mantad:
x Sinding
x Susuyan
x Hiis
x Pibarasan
x Ponguhatan
x Ponuhuan
x Pokionuon
x Kopoilaan
x Surat

1.4.2 Kaanu mongintutun om popoboros do koilaan di
norongou.

1.4.3 Kaanu moguhot miampai momoguno boros di
kosudong om olinuud montok mokianu koilaan.

1.4.4 Kaanu manahak sisimbar di kosudong kumaa
isoiso' ponguhatan.

1.4.5 Kaanu popokito do pongorotian kumaa isoiso'
ponuhuan.

1.4.6 Kaanu popokito pongorotian kumaa isoiso'
pokionuon.


22

1.5 Kaanu o tangaanak do moboros miampai
momoguno do boros di kotunud, oulud om
olinuud tumanud koyuuyuon, status, umul om
koulunan id kolimpupuson do Toun 6.

1.5.1 Kaanu mokinongou om monugut model pibarasan di
norongou.

1.5.2 Kaanu momili' boros pomolohou di kotunud id
pibarasan toi ko' id pononsunudan.

1.5.3 Kaanu tumanud ponontudukan mongingia' montok:
x monongkosiou
x monuhu
x mongudio

montok manahak do ponuhuan di tangasaanang.

montok poposunud do pokionuon di tangasaanang.

montok popolombus do ponguhatan di
tangasaanang.

23

1.6 Kaanu o tangaanak do popolombus topurimanan
om pomusarahan di oulud om olinuud id intoraksi
sosial miampai momoguno do boros, pomoroitan
om koIooIoyuko' di kotunud id koIimpupuson do
Toun 6.

1.6.1 Kaanu popolombus do koilaan kokomoi ahal sondii'.

1.6.2 Kaanu monorita' kokomoi nunu i okito id gambal.

1.6.3 Kaanu tumanud ponontudukan do mongingia' montok
popointalang do isoiso' ahal.
a) kakamot
b) tulun


24
Standard Ponuangan om Pambalajalan Toun 2 montok Kabaalan Mambasa'
2.1 Kaanu o tangaanak do mongija' mogikaakawo
boros id kolimpupuson do Toun 6.

2.1.2 Kaanu tumanud ponontudukan mongingia' mongija'
boros
a) kivokal tanaru om toniba'
b) kisigot
c) kikonsonan poloputon /b/ om /d/ om au'
poloputon /b/ om /d/.

2.1.3 Kaanu mongija' boros tumanud putul boros.
a) boros mintootoiso'
b) boros nosugku

2.1.4 Kaanu mongija' mogikaakawo boros kokomoi

x Boogian tinan
x Paganakan
x Kakamot
x Sikul
x Pomoinan
x Numbul
x Timpu
x Tayam
x Kinotuan
x Koua'an
x Padsakayan
x Kinoyonon
x Pakalajaan

2.1.5 Kaanu mongintutun tanda basa'.

x Pimato tagayo
x Pimato tokoro'
x Koma (,)
x Titik (.)
x Tanda kotigagan (!)
x Tanda pongudio (?)

25

2.2 Kaanu o tangaanak do mongintutun om
momungaran nunu ii okito, orongou, osingud,
oroso , akama' om opurimanan id kolimpupuson
do Toun 6.

2.2.1 Kaanu mongintutun om mambasa' ngaran do:
x Boogian tinan
x Paganakan
x Kakamot
x Sikul
x Pomoinan
x Numbul
x Timpu
x Tayam
x Kinotuan
x Koua'an
x Padsakayan
x Kinoyonon
x Pakalajaan

2.2.2 Kaanu mambasa' om monindu' komoyon boros
tumanud konteks.

2.2.3 Kaanu momoguno do komoiboros montok mogihum
boros.


26
2.3 Kaanu o tangaanak do mambasa' mogikaakawo
boros miampai momoguno do pomoroitan di
kotunud id kolimpupuson do Toun 6.

2.3.1 Kaanu popolombus boros tumanud putul boros.

2.3.2 Kaanu minsingumbal do popolombus boros
a) kivokal tanaru om toniba'
b) kisigot
c) kikonsonan poloputon /b/ om /d/ om au' poloputon
/b/ om /d/.

2.3.3 Kaanu minsingumbal popolombus
a) boros mintootoiso'
b) boros nosugku


27

2.4 Kaanu o tangaanak mambasa' do frasa om ayat
miampai momoguno do pomoroitan om loyuk di

2.4.1 Kaanu minsingumbal popolombus do boros miampai
momoguno pomoroitan di kosudong.
x magahap om monorimo pagahapan
x monongkosiou
x monuhu
x mongudio
x mokianu

2.4.2 Kaanu mambasa' do frasa om ayat mantad

x Sinding
x Susuyan
x Hiis
x Pibarasan
x Ponguhatan
x Ponuhuan
x Pokionuon
x Poskad
x Kopoilaan
x Surat

2.4.3 Kaanu mambasa' do opuhod

x Sinding
x Susuyan
x Hiis
x Pibarasan
x Ponguhatan
x Ponuhuan
x Pokionuon
x Poskad
x Kopoilaan
x Surat


28
2.5 Kaanu o tangaanak do mambasa', mangarati' om
manahak do tisuIi' kumaa koiIaan di nabasa' id
kolimpupuson do Toun 6.

2.5.1 Kaanu mambasa' montok maganu koilaan mantad
x sinding
x susuyan
x hiis
x pibarasan
x ponguhatan
x ponuhuan
x poskad
x kopoilaan
x surat

2.5.2 Kaanu mongintutun om papatayad do koilaan di
nabasa'

2.5.3 Kaanu popoboros do koilaan di nabasa'.


29

2.6 Kaanu o tangaanak do popoilo kawagu do koilaan
di nabasa' miampai momoguno mogikaakawo
bahan id kolimpupuson do Toun 6.
a) Peta Minda
b) Carta
c) Bukakak
d) Jadual
2.6.1 Kaanu tumanud ponontudukan do mongingia' montok
poposodia do peta minda montok popoilo' kawagu do
koilaan di nabasa'.
2.7 Kaanu o tangaanak do manahang do teks di
nabasa' id koIimpupuson do Toun 6.
2.7.1 Kaanu popoboros do topurimanan kokomoi koilaan
di nabasa'

2.7.2 Kaanu momili' om manahang do watak id susuyan.


30
Standard Ponuangan om Pambalajalan Toun 2 montok Kabaalan Monuat
3.1 Kaanu o tangaanak momoguno do ralan ponuatan
di pointunud id kolimpupuson do Toun 6.

3.1.3 Kaanu popiromut do titik montok poposiliu do isoiso'
bontuk.
3.1.4 Kaanu poposuat do pimato tumanud bontuk
x a,c,e,o
x b, b,d,d,
x g, j, p, q
x m, n, u, w

3.1.6 Kaanu papatayad tumanud nuludan di kotunud do 29
pimato boros Kadazandusun.
a) pimato tagayo
b) pimato tokoro'

3.1.7 Kaanu papatayad do numbul tumanud nuludan di
kotunud 1 100.


31

3.2 Kaanu o tangaanak poposuat kawagu nunu i okito,
orongou, oroso, osingud, akama' om opurimanan id

3.2.1 Kaanu poposuat kawagu do ngaran kokomoi
x Boogian tinan
x Paganakan
x Kakamot
x Sikul
x Pomoinan
x Numbul
x Timpu
x Tayam
x Kinotuan
x Koua'an
x Padsakayan
x Kinoyonon
x Pakalajaan

3.2.2 Kaanu poposuat do ngaran do nunu i okito, orongou,
oroso, osingud, akama' om opurimanan.

mongulud om poposuat do pimato montok
momonsoi do boros.
Poomitanan:
uTaugn

T_ _ _ _ _ _


32
3.3 Kaanu o tangaanak do monuat mogikaakawo ayat
miampai momoguno boros, ayat om tanda' basa' di

3.3.1 Kaanu monuat do frasa om ayat tumanud rulud.

3.3.2 Kaanu monuat kawagu do frasa om ayat

3.3.3 Kaanu mongulud boros om frasa sumiliu do ayat.

3.3.4 Kaanu momonsoi do frasa om ayat montok
x monongkosiou
x monuhu
x mongudio
x mokianu

3.3.5 Kaanu momonsoi ayat mantad boros di pinatahak.

3.3.6 Kaanu momonsoi ayat mintootoiso' tumanud
gambal.

3.3.7 Kaanu monuat ayat miampai momoguno tanda'
basa' di kotunud.
x sinding
x susuyan
x hiis
x pibarasan
x ponguhatan
x ponuhuan
x poskad
x kopoilaan
x surat

33
Standard Ponuangan om Pambalajalan Toun 2 montok Kolumison Boros
4.1 Kaanu o tangaanak do koiIaan maya' mogikaakawo
aktiviti di kohiok id kolimpupuson do Toun 6.

popolombus kawagu do koilaan maya' aktiviti
momonsoi:
x buuk tonini'
x poster
x kolaj
x kad
x origami
x mobail
x suusuai po

montok popokito do koilaan di notimung maya'
aktiviti
x manangon
x suminding
x minsingkono'
x sumayau
x popolombus hiis
i. sudawil
ii. sundait
iii. tala'-ala'


34
Standard Ponuangan om Pambalajalan Toun 2 montok Kolumison Boros
4.2 Kaanu o tangaanak do koilaan kokomoi tungkus
koubasanan tinaru Kadazan om Dusun maya'
mogikaakawo aktiviti di kohiok id kolimpupuson do
Toun 6.

monimung do koilaan maya' mogikaakawo
aktiviti kokomoi do :
a) Kotumbayaan om karamayan
i. Kaadat-adato'
ii. Kaamatan

b) Basaan
i. Kakamot basaan koubasanan

c) Taakanon
i.Taakanon koubasanan (gamut, roun om tua')

d) Kakamot
i. Tinunturu'


35
MODUL 5.0 :PURALAN BOROS KADAZANDUSUN
5.1 Kaanu o tangaanak mongintutun om momoguno do
29 pimato Boros Kadazandusun id lisan om
ponuatan id kolimpupuson do toun 6.

5.1.1 Kaanu mongintutun bontuk, ngaran om tuni do 29
pimato Boros Kadazandusun.
5.1.2 Kaanu momoguno do sigot /'/ id lisan om ponuatan.
5.1.3 Kaanu momoguno do /b/ om /d/ poloputon om /b/ om
/d/ au' poloputon id lisan om ponuatan.
5.1.4 Kaanu mongintutun boros kivokal tanaru om toniba'
tumanud ponontudukan do mongingia'.


36
5.2 Kaanu o tangaanak do momoguno mogikaakawo
sompuruan boros id kolimpupuson do Toun 6.

5.2.1 Kaanu mongintutun Boros Ngaran.
5.2.2 Kaanu mongintutun Boros Maan.
5.2.3 Kaanu mongintutun Boros Ula
5.2.4 Kaanu mongintutun Boros Toguangon.
x kotigagan
x pongudio
x ponuhuan


37

5.3 Kaanu o tangaanak momonsoi mogikaakawo boros
om ayat miampai momoguno do tanda basa' di
kotunud id kolimpupuson Toun 6.

5.3.1 Kaanu momonsoi boros mintotoiso'.
mongintutun om momonsoi boros nosugku.
mongintutun om momonsoi boros misompuru.
5.3.4 Kaanu momoguno Tanda Basa'.


38

5.4 Kaanu o tangaanak do momonsoi mogikaakawo
ayat di agramatis id kolimpupuson do Toun 6.

5.4.1 Kaanu tumanud ponuntudukan do mongingia'
mongintutun Guas Ayat. FN + FN
Poomitanan : Mongingia' i tapa' ku.
5.4.2 Kaanu tumanud ponontudukan do mongigia' montok
mongintutun om momonsoi Ayat Mintootoiso. (VSO)
5.4.3 Kaanu tumanud ponontudukan mongingia' do
mongintutun om momonsoi kawo ayat .
x ayat toomod
x ayat pongudio
x ayat ponuhuan
x ayat kotigagan.


39

5.5 Kaanu o tangaanak do momoguno do
Kopomoroitan Ginumu id lisan om ponuatan id
5.5.1 Kaanu mongintutun Kopomoroitan Ginumu montok.
x tayam
x kakamot
x taakanon
x tanom
x tulun
5.6 Kaanu o tangaanak do momoguno Tukadan id lisan
om ponuatan id kolimpupuson do Toun 6.

5.6.1 Kaanu mongintutun om mongilo rati' do tukadan.

Terbitan:
BAHAGIAN PEMBANGUNAN KURIKULUM
KEMENTERIAN PELAJARAN MALAYSIA
Aras 4-8, Blok E9
Kompleks Kerajaan Parcel E
Pusat Pentadbiran Kerajaan Persekutuan
62604 PUTRAJAYA
Tel: 03-8884 2000 Faks: 03-8888 9917
http://www.moe.gov.my/bpk

DS Bahasa Kadazandusun

Diunggah oleh

Informasi Dokumen

Hak Cipta

Format Tersedia

Bagikan dokumen Ini

Bagikan atau Tanam Dokumen

Opsi Berbagi

Apakah menurut Anda dokumen ini bermanfaat?

Apakah konten ini tidak pantas?

Hak Cipta:

Format Tersedia

DS Bahasa Kadazandusun

Diunggah oleh

Hak Cipta:

Format Tersedia

KEMENTERIAN PELAJARAN MALAYSIA

KURIKULUM STANDARD SEKOLAH RENDAH

Anda mungkin juga menyukai