Pawarta basa jawa

Berikut adalah Contoh Pawarta bawa jawa atau teks pawarta basa jawa yang bisa kamu jadikan contoh pedoman untuk

membuat berita atau pawarta dalam bahasa jawa

Umat Hindu Nindakaken Upacara Melasti

Gunungkidul,Dungkap Dinten Riyaya Nyepi, warsa enggal Saka 1935, tanggal 12 Maret benjing, atusan Umat Hindu saking

wewengkon Ngayogyakarta lan sakiwa tengenipun nindakaken upacara Melasti, ing Pesisir Ngobaran, Gunungkidul. Ancasing

upacara kangge sesuci dhiri utawi buwana alit, lan buwana agung utawi jagat raya.

Upacara Melasti kangge mahargya Dinten Riyaya Nyepi, tandha gumantosing warsa enggal Saka 1935, dipun tindakaken ing

Pura Segara Wukir, Pesisir Ngobaran, Saptosari, Gunungkidul dinten Senen (25/2) siyang. Upacara Melasti dipun estreni

dening atusan Umat Hindu sawewengkon Ngayogyakarta lan sakiwa tengenipun, kalebet Umat Hindu saking 15 pura ing

Gunungkidul. Umat Hindu katingal tumemen nindakaken upacara dipun pandegani dening Pendheta Puja Bratha Jati. Miturut

Ketua Persatuan Hindu Dharma Indonesia (PHDI) Gunungkidul, Purwanto, Upacara Melasti mengku werdi sesuci dhiri lan

jagat raya, kangge manunggalaken trihitakarana, sarta minangka rerangkening upacara lan brata penyepian ingkang badhe

dhateng. Kajawi punika, Melasti ugi mengku ancas kangge sesuci asil pertanian, kanthi nyawisaken sesaji utawi banten,

pekuluh, tumpeng, sarta gunungan.

Upacara Melasti, dipun pungkasi kanthi nglarung sesaji dhateng seganten, kangge mbucal enem watak manungsa ingkang

awon, kama utawi nafsu biologis, srakah, murka, mada, utawi wuru, bingung sarta drengki lan srei.

(Anjar Ardityo)

Perajin Tenun Stagen Betah Bantuwan Pemkab

Klaten, Kawontenan perajin tenun stagen lan selendang ing Dhusun Patoman, Kedungampel, Cawas, Klaten, mrihatosaken,

jalaran ngantos samangke kirang dipun gatosaken dening pemerintah. Samangke nalika regi benang mindhak, para perajin

namung saged pasrah dhateng kawontenan.

Bab punika ingkang dipun andharaken dening salah satunggaling perajin stagen lan selendang ing Dhusun Patoman, Santo

Miharjo. Santo Miharjo nelakaken kekirangan pawitan, kamangka regi benang ugi awis. Sakawit regi benang Rp 5.000,00

samangke Rp 11.000,00 saben kilo. Kamangka regi stagen namung Rp 4.000,00 ngantos Rp 5.000,00. Benang sakilo saged

kangge ndamel stagen cacah sekawan, satemah bebathen para perajin mepet.
Nyumerepi kawontenan kasebat, satunggaling sesepuh masyarakat dhusun, Tumirin rumaos prihatin dhateng sesanggan

gesang para perajin stagen lan selendang ing wewengkonipun. Ngantos samangke, para perajin dereng nate pikantuk

pembinaan punapadene bantuwan pawitan saking dinas ingkang kawogan. Pangajabipun, pemerintah sageda gatosaken para

perajin, supados gesangipun saged murwad.

(Purwanto)

PAWARTA

LENGEN BAYI DIGUNTING IBUNE DEWE

Lengene Bayi digunting Ibune Dewe

Jombang.Miris banget kelakuane Nur Inani Ana,33,warga dusun Ngudirejo kec.Diwek.marang putrine dewe.dheweke tega

ngunting tangan bayine kang isih umur 7 wulan dek wingi(25/8).nyebabake lengen kiwo bayine meh pedhot.

Otot lengene pedhot,sawise diwenehi pangrumatan,bayi kasebut terus dirujuk menyang RSUD dr.Soetomo Surabaya,atur

dr.Agung,dokter jaga UGD RSUD Jombang.

Agung ngrujuk bayi kasebut menyang RSUD dr.Soetomo sawise nyuwun palilah menyang dokter spesialis.sawise tatune

ditutup,bayi langsung karujuk menyang RSUD dr.Soetomo.ujare.kahanan balunge pedhot opo ora during iso menehi

katrangan kang rinci.kawulo dereng ngantos mreksani kahanan balunge langsung kawulo rujuk.ujar dr.Agung.

Aisyah(jenenge bayi kasebut) digawa keluargane menyang RSUD Jombang jam 10.00 kahanane parah banget. Awake

lemes,amergo ngetokake getih waras saka lengen kiwone. Nganti ora bisa nangis naming misek-misek lan luh mripate dredes

terus.

Tekan rumah sakit Aisyah gak kesuwen terus di infuse liwat sikile,sedelo banjur iso nangis.tangis Aisyah leren amergo bakake

menehi dot susu formula.

Aisya putri kang kapisan pasangan.Arifin,31 lan Nur Inani Ana. Kedadean diwiwiti saka tangise Aisyah,ora ngerti sebab opo

kok nangis terus saka isuk. Ing omah gedhe iku,ana mung Aisyah,ibune lan simbah putri,Saadah,48. Arifin bapake Aisyah

wiwit isukwis budhal menyang pasar cukir dodolan sayuran.aku keprungu tangise wiwit jam 05.30kandane salah sijine paman

Aisyah omahe ora adoh saka omah korban.tak kiro nangis lumrah.tangise kok ora kaya biasane,tangisane kok suwe

banget,padahal biasane bocah kuwi ceria banget.Ature pamane.

Jam 09.30, dheweke ngajak Saadah niliki Aisyah ing kamare,sakarone kaget banget eruh tangane Aiayah ngetokake geteh

nganti nelesi seprei lan jogan. Ibune dhewe mung mandeng wae.

Ora kepingin putune tambah parah,Sa.adah lan putrane(paman Aisyah)gawa Aisyah menyang RSUD Jombang. Sawetara

Aiyah dirujuk menyang RSUD dr.Soetomo Surabaya di kancani bapake dhewe jam 11.30, Saada mulih niliki kahanan ibune

korban.

Arifin kaget banget weruh kahanan kaya mankene.wektu kadadean aku isih ning par.saka pasar aku langsung budal

mrenekandane Arifin.
ALAS RUSAK GAJAH-GAJAH PADHA NGAMUK

Desa cacah 9 ing wewengkon kabupaten Organ komering ulu (OKU) selatan, Sumatra Selatan dilapurake diserang
gerombolan gajah, Selasa (2/11). Gajah-gajah mau ora mung ngrusak pategalan duweke warga wae nanging uga
mlebu desa lan mgobrak-ngabrik omahe pendhudhuk ing Desa Serupumpum, Sipin, Tanjung Sembilan, Danau Kuning
Lan Buai Pamanan Miturut pejabat sementara Bupati OKU Selatan, Ruli Rawi, Gajah-gajah mau wis wani nyerang
manungsa lan nyebabke wong siji tiwas kepidak.

Ruli ngaku pihake sarwa salah anggone nangani perkara gajah kuwi,arep dibedhili wedi nerak aturan amarga gajah
kalebu kewan kang diayomi dening pemerintah. nanging yen ora dipateni grombolan gajah kasebut wis mbebayani
tumrap warga padesan.

kang bisa dilakoni dening rawi mung aweh pengumuman marang masyarakat supaya waspada marang pangamuke
gajah-gajah mau.

Rawi nduga pangamuke gajah gajah mau disebabake enteke pasedhiyan mangan lan ngombe merga alas alas kang
sasuwene iki minangka habitate kewan kesebut wis rusak bosah baseh dening tumindake menungsa. miturut Dinas
Kehutanan Simatra Selatan, saka total ambane alas 3,7 hektar, 60 % ing antarane jroning kahanan rusak amarga
panembangan liar. kajaba kuwi alas produksi kang ambane 1,2 hektar saka total 2,4 hektar uga jroning kahanan
gundhul

ing taun 80-an uga tau kadedean ana grombolabne gajah kang nyerbu perkampungan warga. nanging nalika iku
gajah mau bisa digiring menyang Taman Nasional Way Kambas Lampung kanthi nggunakake helicopter duweke
kodam Sriwijaya. Miturut Rawi bisa wae cara kang kaya ngono dibaleni meneh, nanging mbutuhake ragad kang
gedhe

Kuwatos Dumados Tsunami Misaya Mina Kendel Makarya

Kulonprogo, www.jogjatv.tv Sumebaripun pawartos badhe dumados tsunami awit pangaribawa lindhu ageng
ingkang tumempuh ing Chile, kadang misaya mina pesisir Kabupaten Kulonprogo, dinten Kemis (3/4) enjing,
wurung makarya.
Kadang misaya mina sarta wisatawan Pesisir Trisik Kulonprogo rumaos ajrih nalika mireng pawartos saking
BMKG lan BPBD ingkang nelakaken badhe dumados tsunami awit pangaribawa lindhu ageng Chile kala wingi.
Miturut pawarta saking BMKG, tsunami dipun dugi dumados jam 7.30 enjing ngantos jam 9.00 enjing, dene
titikanipun alun seganten minggah setengah meter. Awit saking punika, para misaya mina lan wisatawan dipun
ajab nebihi pesisir. Petugas tim SAR dipun kerigaken kangge nyemak aluning seganten, wondene sawetawis
kadang misaya nanjakaken kalodhangan kasebat kangge ndadonsi jala lan perahu ingkang bocor. Sinaosa
samangke saweg mangsa panen ulam bawal, lan reginipun nggayuh Rp 200.000 rupiyah, nanging jalaran
kadang misaya mina kendel makarya, tempat pelelangan ikan dados sepen.

Siaga Tsunami, Siswa SD Tetep Sekolah

Wondene miturut panyemaking Jogja TV, kawontenan Pesisir Jatimalang, Kecamatan Purwodadi Purworejo,
Jawa Tengah, dinten Kemis (3/4) siyang, lumampah kados padatan. Sawetawis misaya mina katingal saweg
makarya, dene saperangan katingal saweg ndandosi jala. Alun pesisir jatimalang, mila langkung ageng, dene
BMKG sampun nelakaken siaga tsunami . Salah satunggaling kadang misaya mina, Cipto Sumarto
mratelakaken, tsunami boten dumugi ing pesisir jatimalang pramila aman kangge makarya.

Makaten ugi kridha pamulangan ing SD Jatinegoro ingkang dumunung sacelak pesisir, ingkang boten libur.
Kepala SD Jatinegoro, Ana Pujiastuti mratelakaken, ingkang libur namung siswa kelas I ngantos III, awit siswa
ajrih menawi dumados tsunami, ingkang dipun dugi tumempuh wiwit jam gangsal ngantos jam sanga enjing.

Wiwit malem Kemis, BPBD Purworejo, sampun ngungelaken sirine bebaya tsunami lan ngindhakaken status
siaga tsunami ing Pesisir Jatimalang lan sakiwa tengenipun. (Tim Liputan)

Kangge mahargya Hari Bahasa Ibu sadonya, Lembaga Pelestarian Pengembangan Sejarah Dan Budaya Regol
Kencana tembayatan kaliyan maternity guru basa Jawa sa Ngayogyakarta, dinten Setu (18/2) enjing ngadani
pirembagan bab pasinaon basa Jawa. Kridha ingkang dipun adani ing aula Kantor Pelestarian Pengembangan
Sejarah, Dan Budaya Jogjakarta, dipun kepyakaken wiwitipun dening Kepala Dinas Kebudayaan DIY, GBPH
Yudaningrat.

Miturut GBPH Yudanngrat, minangka tiyang Jawa, basa Jawa minangka sarana sesambetan gadhah
kalenggahan lan piguna kadosdene basa sanesipun. Basa Jawa boten namung minangka sarana sesambetan
kemawon, nanging ugi minangka lambang kapribadhen, alusing bebuden lan trapsila. Awit saking punika ,
nglestantunaken basa Jawa kalebet nglampahaken amanat konstitusi salebeting penjelasan UUD 1945, lan
amanat kasebat taksih gadhah wibawa. Kacihna pamarentah samangke taksih kupiya nglestantunaken basa Jawa
, kanthi nglebetaken salebeting muatan lokal wiwit SD ngantos SLTA. Awit saking punika kridha kanthi
maternity pasarta maternity guru SD ngantos SLTA sa Ngayogyakarta trep sanget kangge kupiya
nglestantunaken basa Jawa.

Pirembagan bab basa Jawa ingkang dipun estreni dening maternity guru punika ngrawuhaken sawetawis
narasumber antawisipun, Timbul Haryono ingkang ngrembag bab standarisasi materi pembelajaran bahasa Jawa
tingkat SD, SLTP, dan SLTA, Yuwono Sri Suwito ngrembag bab maksud dan tujuan pembelajaran bahasa
Jawa, sarta Suyamti kanthi makalah problematik pembelajaran bahasa Jawa di Yogyakarta

Ngayogyakarta, www.jogjatv.tv Kangge nyuda angka pengangguran ing Kitha Ngayogyakarta,

Dinsosnakertrans Kota Yogyakarta badhe nindakaken pelatihan kerja lan wirausaha kangge 3.000 warga
masyarakat Ngayogyakarta ingkang mbetahaken. Pasarta pelatihan dipun tengenaken kangge warga
masyarakat kalangan ekonomi madya mangandhap utawi ingkang gadhah Kartu Menuju Sejahtera.
Salebeting pepanggihan kaliyan juru warta dinten Rebo (2/4) siyang ing Ruang Pertemuan Humas Pemerintah
Kota Yogyakarta, Dinas Sosial Tenaga Kerja dan Transmigrasi Kota Yogyakarta nelakaken rantamanipun badhe
nindakaken gladhen kangge 3.000 pengangguran ing Ngayogyakarta, inggih ing babagan pakaryan lan
wirausaha. Kepala Dinsosnakertrans Kota Yogyakarta, Hadi Muhtar mratelakaken, gladhen punika langkung
katujokaken kangge warga masyarakat kalangan ekonomi madya mangandhap utawi warga masyarakat ingkang
gadhah Kartu Menuju Sejahtera. Gladhen punika ugi tinarbuka kangge para gelandhangan, pepriman utawi para
wandu ingkang mbetahaken, sauger nyekapi sarat sarana lan gadhah KTP Kota Yogyakarta.

Salebeting kridha kasebat, Dinsosnakertrans Kota Yogyakarta badhe suka gladhen bab pakaryan lan wirausaha.
Gladhen kangge lampah pakaryan inggih punika satpam, nyopir mobil, perhotelan, spa terapis, travel agent,
komputer grafis, aplikasi komputer, teknisi komputer lan laptop, greji, tata boga, damel kuweh, teknisi sepeda
motor, las, tata rias, lan ugi pemasaran. Wondene kangge wirausaha nyakup gladhen greji, damel kuweh, bathik,
jumputan, teknisi HP, bordir dasar, tata boga, kerajinan deling, akupuntur, produksi audio visual, lan kerajinan tas
batik. Lumantar gladhen kados makaten, Dinsosnakertran Kota Yogyakarta sampun kasembadan nyuda angka
pengangguran, sabotenipun nggayuh 18 persen. Ing taun 2012, kathahipun tetiyang nganggur wonten 17.000
warga, lan ing taun 2013 suda dados 16.064 warga. (Maria Utami)