KF:​ SGP responsavel ba ezekusaun 30% hosi OGE no atualmente funsionariu publiku nain tolu

neebe okupa kargu nomeasaun substituisaun iha SGP, maka esperiente no apar ona ho
servisu sira iha SGP no sekretariado sente satisfaz ho sira nia desempenu servisu. Sekarik iha
mudansa ruma ba sira, sei afeta tebes ezekusaun tomak iha sekretariadu no propoin karik bele
mudansa so bele realiza deit iha Janeiru no Fevereiru tanba prosesu ezekusaun seidauk
makas, no fulan sira seluk labele tanba ezekusaun komesa sae no ezizi sira hodi halao servisu.
Sekarik funsionariu foun neebe troka sira nia fatin iha mediu ka fim do ano hanesan Setembro
2019, sei afeta tebes ba ezekusaun tanba seidauk apar ho sistema no prosesu tomak, no
desempenu servisu SGP sei lao ladiak. Tanba nee propoin hodi realiza mudansa refere iha
janeiru ka Febereiru 2020.

AB​: Konkursu ba Prosesu selesaun por meritu fahe ba oin rua maka konkursu publiku no
internu. Iha konkursu publiku loke ba publiku tomak no iha konkursu internu limitadu loke ba
funsionariu Sekretariadu Grandes Projetos deit. Iha buat rua esensial tuir Decreto Lei 2005/16
haruka maka Minimu grau ba xefe departamentu maka Grau D no minimu grau ba diretora
nacional maka grau C. Nomoos, tenke konfirma didiak ho mapa orsamentu 2019 iha Libru No. 2
iha MoF, katak orsamentu ba kargu diresaun no xefia neebe atu rekruta nee iha ka lae? Atu
nunee ita bele hetan pareser antes konaba ba adekuasaun orsamentu ba kargu hirak nee, Liliu
kargu xefia sira nee sei setan salariu oin-rua maka salariu baze ho salariu xefia.

CR: Prosesu konkursu tuir Regime de Funsaun Publika fahe ba parte tolu maka hanesan
Konkursu Publiku, Internu no Asesu Limitadu.

AC:​ Sekarik rekrutamentu maka lao too Setembru 2019, husu ba Sr. Presidete Juri atu estende
tan kargu nomeasaun substituisaun too hetan kargu xefia foun.

KF​: Maibe sekarik rekrutamentu tarde no hetan fali pesoal sira asume kargu foun iha Setembru
2019, sei afeta tebes ba ezekusaun (Delay payment) no hus karik bele hetan ema foun iha
Jeneiru ka Fevereiru 2020, diak liu tanba sira sei bele hatoman-an antes ezekusaun sae makas
iha fulan hirak tuir mai.

AB​ : Agora ita hetan ona desizaun hosi Prezidente CFP no bazeia mos tir lai, , prosesu
rekrutamentu labele halao liu too tinan ida. Rekrutamentu nee so bele dura hosi fulan 3 ba 4 nia
laran deit. Akresenta mos katak karik iha tempu tuir mai prezidente Juri okupadu makas bele
delega ba tekniku ruma tanba ida nee lei mos fo-dalan.

AC, AB no KF​: Deskuti no konkorda malu hamutuk katak Juri sira tenke haree didiak no
deskuti hamutuk oinsa maka bele defini Termus referensias neebe loloos atu nunee prosesu
tomak tuir mai sei reflete hosi ToR neebe preparadu ona.

AB​ : Prosesu definisaun ToR too entrevista tenke klaru atu nunee bele prevene reklamasoens
neebe bele akontese no bele lori ba too iha Tribunal. Tanba nee husu ba panel sira hodi
konsidera didiak definisaun ba ToR too entrevista no tomada de posa ba ema foun. Sekarik
mosu reklamasaun ruma, rekursu reklamasaun nee sei diriji ba Prezidente CFP no karik rekurus
refere evidente duni, prezidente CFP sei hatun fali desizaun foun hodi reinisia fali prosesu
rekrutamentu tuir etapa hosi rekuru nee hatete. Akressenta mos katak, publikasun ToR ba vaga
hirak nee so hetan deit aprovasaun (Asinatura) hosi prezidente Juri.

AC​: Hanesan opsaun seluk ba SGP, bele mos loke konkursu puliku (Lateral-Entry) ba kuakler
vaga neebe iha. Konkursu publiku nee sei loke ba publiku no funsionariu publiku no see deit
maka sente kualifikadu no esperiente be aplika vaga refere. Manan-nain ba konkursu refere sei
kontrata too tinan-4 no bele estende tuir nesesidade. Salariu no benefisiu ba ba manan-nain
vaga nee sei estabelese bazeia ba tabela salarial funsaun publika (Montante masimu maka 955
USD/Fulan).

AB​: Kontratu Termu Sertu iha CFP iha oin rua ida uluk kontratu termu sertu ba ajente
administrativu no ida segundu maka kontratu termu sertu duni neebe implementa ona iha
ministeriu balun. Iha kontratu termu sertu hetan estensaun tuir prioridade instituisaun no
normalmente kada fulan 6 ka kada tinan.

Hafoin diskusaun, panel sira kontinua ba haree no deskuti TOR no proseu rekrutamentu neebe
tuir mai :
1. Akipa uri konsege finaliza revizaun ba ToR no prontu atu anunsia ba publiku hafoin
aprovasaun hosi Prezidente Juri;
2. Determina katak pergnta ba ezame tékniku (Komputarizadu) ho 25% hanesan pergunta
jeral preparadu hosi Banco das Perguntas iha CFP no 75% hanesan perguntas
especificas no sei prepara hosi SGP;
3. Deskuti mos konaba preparasaun entrevista.