NASKAH RABALAS LAWAS

(Masuk 2 pemuda)

Iyek : (tam-tam-tum) sabeling boa

Jambul : ih iyekkkk, ba ya si luk-luk dean ke?

Iyek : ih bekuda kau gina?

Jambul: Ba apa de mu boat dean?

Iyek : Be nom ingo ke? Muntu tu belajar ta

Jambul : aina iyek ya mu belajar apa, selong ke roa mu licik.

(masuk 2 dadara)

Iyek : eh na endi nong, kesepet mata ku gita tu swai ana

Jambul : aina iyek, kuda puti kuning belikat tode swai ana, yam tasi elar ku gita kau.

Iyek : ao tutusi, jangke ke teleko-teleko na puti

Jambul : tom mo tu alo peri

(kedua taruna menghampiri 2 dadara)

Jambul : ooooo....adi....

Siti : ih ba mengkuda bua ngo-ngo tu leng tau selaki ana roge?

Roge : ao tutusi, man serewa. Apa sate modus ka dean

Jambul : aina iyek. sepan kita modus. Oh iyasi adi e

Iyek : coba beang lawas dunung kadu ma ya to sai kita ta

Jambul : oooo.....adi ....ma menong lawas ku ta

Menong seda leng ate ta

mara leng basa tu barat
i lope yu we andi e

Roge : ainaa, i lope you koa. Selong rupa yam black lawin

Jambul: owe adi, sepan aku pisak yam black lawin?

Coba sanenge lawas ku ta adi.

Tutu luket ku ta pisak

konang jenang ku ta nantak
rapang tulang rafi ahmad

Roge : ainaa.... sepan diri yam rafi ahmad koa. Eh kaka,,, ma sanenge lawas adi de gera
nonda jangka ta

No mo aku tu raret tuna

lamen tuna tu sabedo
rujak bantin tu marente

Siti: No mo aku tu taruna

lamen tu taruna gedo
rusak batin rusak ate

Iyek : na mu sepan kami gedo

lamen kena mo ke nya iyek
mengas mata nonda jangka

Jambul: ado adi ku intan ne

Ta nyonde rajin balajar

Runtung tin dapat juara

Siti : ihhhhh..... Ya si ke...., nakena juara ramanjeng

Jambul: ee adii

No mo susa lako aku

mana liwat pitu janda
samanta adi de ku sayang

Roge : eh kakak, be no sia kengila ke sarea dewan juri de tamat sakola na, tapi sia sate
serusak ke boat remanjeng-remanjeng bae?

Jambul : aida tutusi mara leng tode swai ana iyek. Man peno lok tu buya cara tu sate
remanjeng apa

Siti : naaaa...to si bekerante balong ampa. E kaka... to ta ne, man mo peno luk sia.rures
mo sia belajar bau sia tamat sakola, ke bau nyaman telas pang ano mudi. Melok pang kau
Roge?

Roge : ao tutusi leng kau nakwai. Iyasi kaka ee. Ruris mo sia sakola. Mara leng lawas
 Sai tu bungkak sakola
jarang gina bakalako
mara kayu mate manang

Siti : sai tu no basakola

mara palangan tau buta
roa lantar batu batang

Iyek : ainaa kam sepan kita batu batang na

Jambul : ku kengila benar ta iyek. Tem tu remalek

Siti : ihhh Roge. Kuda ya bilen tu leng kaka nan?

Roge : ao si, be ta ku kelek nong. Eehhh kaka, ya me kena sia?

Jambul : be ta sate tu lalo. Apa nom tu tua ceramah leng nene

Siti : ehhh kakak balong. Ba tu tutupmu nong

Roge : ao, bau lema tu gita tampil ade lin

Iyek dan jambul : aoaoaoaoao

Semua: O sarea tau manto

Nan mo jangka kaleng kami
lebe kurang saling maap
tingka leng sala ke khilaf

Kami pamit mo sia e

na buya batang parana

totang lawas tu bae mo