Tema: wanti warsa sekolah (SMA N 1 Blahbatuh)

Ketos : Wahyu
Sekre : Kencana
Bendahara : Gung Dian
Anggota :
- Enik
- Dera
- Marvel

Nyanggra rahina wanti warsa sekolah SMA N 1 Blahbatuh pinanggal 29 bulan Januari
warsa 2023, para angga pengurus OSIS jagi maparum ngenenin indik acara miwah hiburan
sane jagi kelaksanayang.

Wahyu : Inggih para angga pengurus OSIS sinamian, sadurung tiang ngelantur, becikne
iraga sinamian nguncarang panganjali umat “Om Swastyastu”.

Anggota : Om Swastyastu

Wahyu : Para angga pengurus OSIS tiang sinamian ngenenin indik wanti warsa sekolah sane
jagi kelaksanayang pinanggal 29 bulan Januari warsa 2023 napi wenten baospikayun sane
jagi kaaturang sakadi acara miwah hiburan sane jagi kelaksanayang.

Kencana : Suksma antuk galah sane sampun kaicen, sane mangkin titiang jagi ngewedar
baospikayun titiang inggih punika mangdane 5 dina sadurung acara puncak becikne ring dina
1 iraga nyelenggarayang jalan santai lan senam, ring dina salanturnyane iraga
nyelenggarayang lomba -lomba minakadi lomba estafet karet, estafet tepung, lan lomba
kebersihan kelas, anggen sisya SMA N 1 Blahbatuh. Inggih wantah asampunika antur
titiang, suksma.

Wahyu : Nggih suksma antuk baospikayun nyane, napi wenten malih sane lianan?

Marvel : Inggih titiang ngusulang ring rahina ke-3 miwah ke-4 nyelenggarayang lomba-
lomba, minakadi lomba mapidarta, nulis cerita cendet, mapupuh, lomba BSC lan essay
anggen sisya SMP. Suksma.

Dera : Nggih tiang wenten usulan malih, mangdane ring rahina ke-5 iraga nyiagayang
panggung lan gladi nganggen rahina puncak.

Gung Dian : Nggih patut sakadi raos sane sampun kawedar, manut ring usulan Dera, titiang
ngusulan mangdane ring rahina puncak wenten acara hiburan minakadi konser musik, sendra
tari miwah pentas seni.
Enik : manut ring usulan Marvel, tiang ngusulan mangdane ring lomba BSC punika iraga
kepah malih pelajahan IPA dadosnyane lomba BSC punika wenten (MTK, KIMIA, FISIKA,
BIOLOGI). Napi mawinan kakepah, manut ring kurikulum merdeka nyane mangdane iraga
prasida dados wadah sane prasida nyaluran minat lan bakat siswane lan presida ngamolihan
bibit sane berpotensi lan berprestasi.

Wahyu : Nggih tiang nerima usulan i wawu, usulan puniki lakar tiang sambatang ring
wakasek lan Kepsek. Wenten malih usulan utawi wenten pitaken?

Enik: Napi tema sane luih ring ulang tahun sekolah mangkin?
Marvel : Kene enik yen uli tahun-ketahun acara wanti warsa sekolah sube kasub ane madan
Blasera (Blasman Sport, Saint and Art Festival). Nah manut ring aab jagat ne jani, titiang
ngusulan mangdane acara sane kalaksanayang matema keresikan genah saking luu plastik.
Kencana : Nah tiang setuju ajak usulan Marvel, ape buin jani liu anak ane malomba-lomba
ngicalan luu plastik. Nah manut ring sasuluh agama Hindu, patut iraga melihara palemahan
iragane.
Dera : Yening manut ring usulan sane sampun kawedaran iwawu, yening acara sane jagi
kalaksanayang akeh, napi iraga prasida polih dana nganggen ngalaksanayang acara punika?

Enik: Kene Dera, de malu ngitungan masalah dana.

Dera: Amun sing ada dana, engkenang carane magae Enik?

Marvel: Ae Enik beneh to

Enik: Punapiang niki Gung?

Gung Dian : Nyautin petakon Dera lan Enik masalah dana, tiang ngusulan apang sasaran
pemilet lomba SMP tusing uli kabupaten Gianyar lan sekitar dogen, nanging ngeluas ke
kabupaten tanggu kauh minakadi Denpasar, Kuta, lan tanggu kangin Karangasem, Bangli.
Mangdane uli administrasi pendaftaran puniki iraga prasida ngemolihan dana anggen acara
puniki.
Enik: Nggih titiang setuju sekadi punika
Dera: Gung titiang madue usulan, yening OSIS ngerereh sponsor dados nggih?
Kencana: Kene Dera, yin sponsor suba sekolah sane lakar ngaliang iraga OSIS tusing dadi
buin ngalih sponsor.
Gung Dian: Yen dana sing cukup kudiang?
Enik : Titiang ngusulan pedprade irage nenten ngamolihan dana sane cukup anggen acara
puniki iraga sampunan ngalaksanayang konser musik, sane ngundang artis utawi grup band.
Puniki mawinan acara puniki ngundang sangkala lan kericuhan.
Marvel : Nanggepan raos enik, yening tusing ade konser pasti bek sisya Blasman ane protes
lan pasti bek ane melihan irage OSIS.
Dera : Rage setuju ajak usulan Enik, toh Blasman sube ade ekstra teater/drama, ade buin
sisya ane bise magending, to gen undang. Nah ne kan mare pedprade, tusing seken. Pastika
irage usaha apang maan dana.
Wahyu : Nggih mangkin masalah tema, dana, lan acara sampun kausulan. Sampun tiang
pupulan dados siki, jagi tiang sambatang ring Kepsek lan Wakasek. Mangkin masalah
sturktur kepanitiaan, sane lakar kasambatang olih Kencana.
Kencana : Ngih yening masalah struktur kepanitiaan, iraga nenten pedidi manten. Wenten
panitia sisya lan panitia guru sane lakar marengan iraga. Khusus sekretris ngurus surat,
proposal lan mapitungan sareng sekretaris saking panitia guru. Khusus bendahara ngitungan
anggaran biaya lan mapitungan sareng bendahara panitia guru. Lan sane dados koordinator
lomba punika lakar mapitungan sareng panitia siswa minakadi ekstra lan pembina ekstra
punika.
Wahyu : Nggih punika sane prasida aturan tiang ring rahina mangkin, selanturnyane tiang
jagi mapitungan sareng panitia guru dumun indik usulan iwawu. Yening sire manten sane
dados koordinator lomba lan anggota panitia punika lakar tiang sambatang yening sampun
kasusun olih sekretaris. Titiang nunas mangda angga pengurus OSIS satata siaga ring dina
mangkin, krana iraga lakar neren ngelaksanayang patemuan.
Inggih puputan tiang antuk paramasanti
Om Santi Santi Santi Om
Anggota : Om Santi Santi Santi Om