Contoh Pangenter Acara (MC) Wanti Warsa Sekolah (Ulang Tahun Sekolah)

Pangenter baos Ulang Tahun Sekolah

Titiang nunas uratian majeng ring ida dane sareng sami, riantukan acara Wanti Warsa
Sekolah jagi kekawitin

Pinih rihin ngiring sareng sami ngaturang ngastiti bakti majeng ring Ida Sang Hyang
Widhi Wasa, sangkaning antuk pasuecan Ida, iraga prasida mapupul iriki, tur
ngamolihang kerahayuan lan kerahajengan. Malarapan antuk ngucarang pengastunkara.

Om Swastyastu
1. Sane murdayang  titiang bapak kepala sekolah SMP Negeri Denpasar
2. Sane mustikayang titiang  Wakil Kepala sekolah SMP Negeri Denpasar
3. Para guru-guru lan Pegawe SMP Negeri Denpasar sane suksmayang titiang
4. Lan para undangan sane sampun prasida rauh, taler para siswa sane banget tresnain
titiang.

Garjita manah titiang riantukan mangkin ring rahina Wrespati, 17 Maret 2022 jagi
kemargiang acara wanti warsa SMP Negeri Denpasar jagi kekawitin.
Tetujon kawentenan acara puniki, inggih punika: Pelepasan para siswa-siswi kelas IX
SMP Negeri Denpasar, mangda ngerumaketan rasa menyama keluarga ageng SMP
Negeri Denpasar.
Ngenenin indik dudonan acara inggih punika sekadi ring sor:
1.      Pamabah atur sane sampun mamargi
2.      Panguacenan doa
3.      Nembangang tembang Indonesia Raya
4.      Sambrama  wacana saking Bapak Kepala sekolah SMP Negeri Denpasar
5.      Sambrama wacana saking wakil kelas IX
6.      Igel-igelan tari sekar jagat
7.      Karaoke  
8.      Nembangang tembang perpisahan
9.      Acara sane pinih untat inggih punika pemuput

Inggih sumangde nenten nelasang galah, sane mangkin acara jagi kelanturang antuk
pangwacenan doa, titiang nunas majeng ring ida dane mangda ngadeg, majeng ring sang
sane kajudi inggih durusang.

Ida dane sareng sami, titiang nunas sampunang dumun malinggih. Sane mangkin acara
pacang kelanturang antuk nembangang tembang Indonesia Raya. Majeng ring sang sane
kajudi inggih durusang.

Majeng ring ida dane sareng sami, durusang malinggih.

Nglantur acara selanturnyane, inggih punika sambrama wacana olih Bapak Kepala SMP
Negeri Denpasar. Majeng ring Bapak ………………………….. inggih durusang.

Sane mangkin kelanturang sambrama wacana saking wakil kelas IX. Mejeng ring wakil
kelas IX, durusang.
Sane mangkin kalanturang antuk acara hiburan. Hiburan igel-igelan tari sekar jagat.

Iwau hiburan igel-igelan, sane mangkin ngelantur hiburan karaoke tembang Bali sane
majudul Taksu, Bungan sandat, miwah sane tiosan. Sane kajudi inggih durusang.

Acara hiburan sampun kemargiang. Acara salanturnyane, sareng sami nembangang

tembang perpisahan. Majeng ring ida dane sareng sami, titiang nunas mangda ngadeg.
Inggih durusang.

Inggih ida dane sareng sami durusang malinggih. Acara selanturnyane, acara sane pinih
untat inggih punika pamuput.

Inggih wantah asapunika dudonan acara sane prasida aturang titiang.

Titiang aturang suksma, majeng ring ida dane sane sampun prasida rauh ring acara
puniki.Yening wenten atur titiang sane nenten manut  ring kayun, titiang nunas geng
rena sinampura.
Maka panguntat puputang titiang antuk parama santih.

Om Santih, Santih, Santih Om.