I NENGAH TEJA PURNAMA

31
XII MIA 5

PANGENTER ACARA PERPISAHAN SISYA SMAN 1

DENPASAR

Inggih titiang nunas uratian majeng ring Ida dane sareng sami, riantukan acara
perpisahan sekolah jagi kekawitin.
Pinih rihin ngiring iraga sareng sami ngaturang ngastiti bakti majeng ring Ida Sang
Hyang Widhi Wasa, sangkaning antuk pasuecan Ida iraga prasida mapupul iriki, tur
ngemolihang kerahayuan lan kerahajengan. Malarapan antuk nguncarang pangastungkara.

Om Swastyastu
Sane murdayang titiang Bapak Kepala SMA Negeri 1 Denpasar.
Sane mustikayang titiang Wakil Kepala SMA Negeri 1 Denpasar.
Taler guru-guru lan Staff Pegawai SMA Negeri 1 Denpasar sane suksmayang titiang.
Lan para undangan sane sampun prasida rauh taler para siswa-siswi sane tresnain titiang.
Rumasa garjita pisan manah titiang riantukan mangkin ring rahina Anggara pinanggal
8 Agustus 2017 jagi kamargiang acara perpisahan sekolah sane jadi kekawitin.

Ngenenin indik dudonan acara inggih punika :

1. Pamabah atur sane sampun memargi
2. Penguacen doa
3. Nembangang tembang Indonesia Raya lan Mars SMA Negeri 1 Denpasar
4. Sambrama wacana saking Bapak Kepala SMA Negeri 1 Denpasar
5. Sambrama wacana saking Wakil Kelas XII SMA Negeri 1 Denpasar
6. Igel-igelan Sekar Jagat
7. Nembangang tembang perpisahan
8. Acara sane pinih untat inggih punika pamuput

1. Inggih sumangdenya nenten sami nelasang galah. Sane mangkin acara jagi
kelanturang antuk pengwacen doa, titiang nunas majeng ring Ida dane mangda ngadeg
ring ajebos. Majeng ring sang sane kajudi inggih durusang.
2. Ida dane sareng sami, titiang nunas sampunang dumun malinggih. Sane mangkin
acara pacing kelanturang antuk nembangang tembang Indonesia Raya lan Mars SMA
Negeri 1 Denpasar sareng sami. Majeng ring ekstrakurikuler GKSS inggih durusang.
  ajeng ring Ida dane sareng sami, inggih durusang malinggih. Salanturnyane acara
inggih punika sambrama wacana olih Bapak Kepala SMA Negeri 1 Denpasar. Majeng
ring Bapak Kepala Sekolah inggih durusang.
4. Iwau sambrama wacana saking Bapak Kepala Sekolah. Sane mangkin kalanturang
sambrama wacana olih wakil kelas XII angkatan 55. Majeng ring Pradipta Wisesa,
inggih durusang.
5. Inggih sane mangkin kalanturang antuk acara hiburan tari Sekar Jagat. Antuk
Ekstrakurikuler Puspa Kencana Smansa inggih durusang.
6. Acara hiburan sampun kamargiang. Acara salanturnyane nembangang tembang
perpisahan sareng sami. Majeng ring Ida dane sareng sami titiang nunas mangda
ngadeg ring ajebos. Inggih durusang.
7. Inggih Ida dane sareng sami durusang malinggih. Acara pinih untat inggih punika
pamuput.
Inggih wantah asapunika dudonan acara prasida aturang titiang. Titiang aturang
suksma, majeng ring Ida dane sane sampun prasida rauh ring acara puniki. Yening wenten
atur titiang sane nenten manut ring kayun, titiang nunas geng rena sinampura. Maka
panguntat acara puputang titiang antuk parama santih.
Om Santih, Santih, Santih Om.