PENGENTER BAOS PERPISAHAN SEKOLAH

Acara perpisahan SMK Dwijendra Denpasar warsa duang tali petang

likur jagi kakawitin
Om Swastyastu
 Sane Mustikayang titiang ketua Pembina Yayasan Dwijendra
Denpasar, kasarengin para angga pembina
 Sane wangiang titiang Ketua Pangurus Yayasan Dwijendra
Denpasar, kasarengin panyarikan miwah patengen
 Sane wangiang titiang Ketua Pangawas Yayasan Dwijendra
Denpasar, kasarengin para angga pangawas
 Sane wangiang titiang Kepala SMK Dwijendra Denpasar
 Taler Bapak/ibu wakasek, bapak/ibu guru lan Pegawai
sane suksmayang titiang
 Taler para sisya sane banget tresnain titian
Pinih ajeng, lugrayang titiang ngaturang rasa angayu bagia, majeng
ring Ida Sang Hyang Widi Wasa, duaning, sangkaning sih pasuecan
Ida iraga prasida mangguh karahajengan saha prasida rawuh ring
galahe kadi mangkin. Nenten lali titiang ngaturang suasti prapta, saha
matur suksma majeng ring kaledangan Ida-dane ngrauhin
parikramane puniki.
Mungguing dudonan acara ring parikrama puniki, inggih punika:
1. Pamungkah
2. Pangrastiti utawi doa
3. Nembangang lagu Indonesia Raya miwah Himne dwijendra
4. Sembrama wacana saking Kepala sekolah SMK Dwijendra
Denpasar
5. Sembrama wacana saking Ketua Pembina Yayasan Dwijendra
Denpasar
6. Pengalungan gorden majeng ring sisia kelas roras SMK
Dwijendra Denpasar
7. Pramana Patra katur majeng ring sisia Kelas roras SMK
Dwijendra Denpasar
8. Atur piuning saking Wakil kelas roras SMK Dwijendra
Denpasar
9. Acara sane pinih untat inggih punika pamuput
Para atiti sane wangiang titiang, Pinaka panyembrama pacang
katurang sasolahan “Sekar Jagat”. Majeng ring pragina miwah
panabuh galah kaatur,durusang.
Inggih ida dane sareng sami, sane mangkin acara jagi kalanturang
antuk pangrastiti utawi doa, titiang nunas majeng ring para atiti
miwah uleman, mangda ngadeg riin ajebos. Majeng ring sang sane
polih amongan,durusang
Ida dane sareng sami, titiang nunas sampunang dumun malinggih.
Sane mangkin acara pacang kalanturang antuk nembangang lagu
Indonesia Raya, kalanturang antuk Hymne Dwijendra. Majeng ring
sang sane polih amongan,durusang.
Ida dane sareng sami, durusang malinggih. Acara selanturnyane,
inggih punika sambrama wacana saking ketua Pembina Yayasan
Dwijendra Denpasar. Majeng ring ketua Pembina Yayasan Dwijendra
durusang.
Matur suksma majeng bapak ketua Pembina Yayasan Dwijendra
Denpasar. Sane mangkin kalanturang sambrama wacana saking
kepala sekolah SMK Dwijendra Denpasar. Majeng ring ibu kepala
sekolah durusang.
Sane mangkin acara pacang kelanturang “pengalungan Gordon ring
sisia kelas XII. Majeng ring sisia kelas XII. Majeng ring sisya sane
kajudi, durusang ngrereh genah sane sampun kasiagayang.
Ida dane sane wangiang titiang, acara pengalungan Gordon sampun
kamargiang, sane mangkin jagi kalanturang antuk nyukserahang
Pramana Patra majeng ring sisia kelas XII. majeng ring sisisa sane
ngamolihang Jayanti kapertama mangda ngarereh genah sane sampun
kasiagayang,
Ida dane sane wangiang titiang, acara selanturnyane atur piuning
saking wakil kelas XII. majeng ring wakil kelas XII durusang.
Para Atiti miwah Uleman sami sane wangiang titiang
Duaning sampun puput parikrama "perpisahan" rahinane mangkin,
mawastu puput taler parikrama "perpisahan puniki. Maka kirang
langkung atur titiang, lugrayang titiang nunas gung rena pangampura.
Pinaka panguntat atur, puputang titiang antuk Parama Santih.

Om Santih, Santih Santih Om.