TUGAS BAHASA BALI

OLEH :
Nama : Ni Kadek Ayu Rosa Intari Dewi
Kelas : IX E
NIS : 11418
Hari/ Tanggal : Kamis, 30 Juli 2020

SMP NEGERI 1 KERAMBITAN

TAHUN PELAJARAN 2020/2021
 TEKS PENGENTER BAOS (UGRAWAKIA)

Inggih titiang nunas uratian majeng ring ida dane sareng sami, riantukan acara perpisahan
sekolah jagi kekawitin
Pinih rihin ngiring iraga sareng sami ngaturang ngastiti bakti majeng ring Ida Sang
Hyang Widhi Wasa, sangkaning antuk pasuecan Ida iraga prasida mapupul iriki, tur ngemolihang
kerahayuan lan kerahajengan. Malarapan antuk ngucarang pengastungkara.

Om Swastyastu
Sane murdayang titiang bapak kepala sekolah SMP NEGERI 1 KERAMBITAN
Sane mustikayang titiang Wakil kepala sekolah SMP NEGERI 1 KERAMBITAN
Taler pare guru-guru lan Pegawe SMP NEGERI 1 KERAMBITAN sane suksmayang titiang
Lan pare undangan sane sampun prasida rauh taler para siswa sane banget tresnain titiang.

Rumasa garjita pisan manah titiang riantukan mangkin kemargiang acara Perpisahan sekolah
sane jagi kekawitin. Tetujon kawentenan acara puniki, inggih punika:
- Pelepasan para siswa-siswi kelas IX SMP NEGERI 1 KERAMBITAN
- Mangda ngerumaketan rasa menyama keluara ageng SMP NEGERI 1 KERAMBITAN
Ngenenin indik dudonan acara inggih punika sekadi ring sor:
1. Pemabah atur sane sampun memargi
2. Penguacenan doa
3. Nembangang tembang Indonesia Raya
4. Sambrama wacana saking Bapak kepala sekolah SMP NEGERI 1 KERAMBITAN
5. Igel-igelan tari sekar jagat
6. Karaoke
7. Nembangang tembang perpisahan
8. Acara sane pinih untat inggih punika pemuput
- Inggih sumangdenya nenten sami nelasang galah. Sane mangkin acara jagi kelanturang antuk
pengwacenan doa, titiang nunas majeng ring ida dane mangda ngadeg ring ajebos. Majeng
ring sang sane kajudi inggih durusang.
- Ida dane sareng sami,titiang nunas sampunang dumun malinggih. Sane mangkin acara
pacang kelanturang antuk nembangang tembang Indonesia Raya sareng sami. Majeng ring
sang sane kajudi inggih durusang.
- Majeng ring ida dane sareng sami, inggih durusang malinggih. Nglantur ring acara
selanturnyane, inggih punika sambrama wacana olih Bapak Kepala Sekolah SMP NEGERI 1
KERAMBITAN . Majeng ring Bapak Kepala Sekolah inggih durusang.
- Iwau sambrama wacana saking bapak sekolah. Sane mangkin kelanturang sambrama wacana
saking wakil kelas IX . Majeng ring wakil kelas IX , inggih durusang.
- Inggih sane mangkin kelanturang antuk acara hiburan. Hiburan igel-igelan tari sekar jagat.
- Iwau hiburan igel-igelan, ngelantur hiburan karaoke tembang Bali sane majudul Taksu. Sane
kajudi inggih durusang.
- Acara hiburan sampun kemargiang. Acara selanturnyane nembangang tembang perpisahan
sareng sami. Majeng ring ida dane sareng sami titiang nunas mangda ngadeg ring ajebos.
Inggih durusang.
- Inggih ida dane sareng sami durusang malinggih. Acara selanturnyane acara pinih untat
inggih punika pamuput.

Inggih wantah asapunika dudonan acara sane prasida aturang titiang. Titiang aturang suksma,
majeng ring ida dane sane sampun prasida rauh ring acara puniki.Yening wenten atur titiang sane
nenten manut ring kayun, titiang nunas geng rena sinampura. Maka panguntat puputang titiang
antuk parama santih.

Om Santih, Santih, Santih Om.