Pangenter baos Ulang Tahun Sekolah

Inggih titiang nunas uratian majeng ring ida dane sareng sami,
riantukan acara perpisahan sekolah jagi kekawitin
Pinih rihin ngiring iraga sareng sami ngaturang ngastiti bakti
majeng ring Ida Sang Hyang Widhi Wasa, sangkaning antuk
pasuecan Ida iraga prasida mapupul iriki, tur ngemolihang
kerahayuan lan kerahajengan. Malarapan antuk ngucarang
pengastunkara.

Om Swastyastu
· Sane murdayang titiang Ibu kepala sekolah SMP Taman Rama
Jimbaran
· Sane mustikayang titiang Wakil kepala sekolah SMP Taman
Rama Jimbaran
· Taler pare guru-guru lan Pegawe SMP Taman Rama Jimbaran
sane suksmayang titiang
· Lan pare undangan sane sampun prasida rauh taler para siswa
sane banget tresnain titiang.
Rumasa garjita pisan manah titiang riantukan mangkin ring
rahina Soma tanggal masehi 5 Juni 2021 jagi kemargiang acara
perpisahan sekolah sane jagi kekawitin. Tetujon kawentenan
acara puniki, inggih punika:

- Pelepasan para siswa-siswi kelas IX SMP Taman Rama

Jimbaran
- Mangda ngerumaketan rasa menyama keluara ageng SMP
Taman Rama Jimbaran

Ngenenin indik dudonan acara inggih punika sekadi ring sor:

1. Pemabah atur sane sampun memargi

2. Penguacenan doa

3. Nembangang tembang Indonesia Raya

4. Sambrama wacana saking Ibu kepala sekolah SMP Taman

Rama Jimbaran
5. Sambrama wacana saking wakil kelas 3.

6. Igel-igelan tari sekar jagat

7. Karaoke

8. Nembangang tembang perpisahan

9. Acara sane pinih untat inggih punika pemuput

Inggih sumangdenya nenten sami nelasang galah. Sane
mangkin acara jagi kelanturang antuk pengwacenan doa, titiang
nunas majeng ring ida dane mangda ngadeg ring ajebos.
Majeng ring sang sane kajudi inggih durusang.

· Ida dane sareng sami,titiang nunas sampunang dumun

malinggih. Sane mangkin acara pacang kelanturang antuk
nembangang tembang Indonesia Raya sareng sami. Majeng ring
sang sane kajudi inggih durusang.

· Majeng ring ida dane sareng sami, inggih durusang malinggih.

Nglantur ring acara selanturnyane, inggih punika sambrama
wacana olih Ibu Kepala Sekolah SMP Taman Rama Jimbaran.
Majeng ring Ibu Kepala Sekolah inggih durusang.

· Iwau sambrama wacana saking bapak sekolah. Sane mangkin

kelanturang sambrama wacana saking wakil kelas IX. Mejeng
ring wakil kelas IX, inggih durusang.

· Inggih sane mangkin kelanturang antuk acara hiburan. Hiburan

igel-igelan tari sekar jagat.
· Iwau hiburan igel-igelan, ngelantur hiburan karaoke tembang
Bali sane majudul Taksu. Sane kajudi inggih durusang.
· Acara hiburan sampun kemargiang. Acara selanturnyane
nembangang tembang perpisahan sareng sami. Majeng ring ida
dane sareng sami titiang nunas mangda ngadeg ring ajebos.
Inggih durusang.
· Inggih ida dane sareng sami durusang malinggih. Acara
selanturnyane acara pinih untat inggih punika pamuput.

Inggih wantah asapunika dudonan acara sane prasida aturang

titiang. Titiang aturang suksma, majeng ring ida dane sane
sampun prasida rauh ring acara puniki.Yening wenten atur
titiang sane nenten manut ring kayun, titiang nunas geng rena
sinampura. Maka panguntat puputang titiang antuk parama
santih.
Om Santih, Santih, Santih Om.