Pas - Manjapuik Marapulai

PASAMBAHAN MANJAPUIK ANTA MARAPULAI
DI RUMAH MARAPULAI (LAKI-LAKI)
1. PASAMBAHAN KA MAKAN ( DI RUMAH MARAPULAI).
Setelah tamu ( si alek ) yang akan menjemput marapulai naik dan duduk,
hidangan diletakkan oleh sumando dari tuan rumah (silang nan bapangka), setelah
hidangan siap, salah seorang sumando dari tuan rumah meminta kepada salah seorang
niniak mamak yang ada untuk melihat hidangan apakah ada yang kurang, dilakukan
dengan cara pasambahan sbb:
St.Tunaro : Mamak St.Sati …!!!

St.Sati : Manitah lah sutan (ambo )… !!! ( kemudian mematikan rokok kalau sedang
merokok, dan memperbaiki duduk serta pakaian dan minta izin ke kiri dan ke
kanan), kemudian berkata : lalukanlah sutan …!!!
St. Sati : Manitahlah sutan ( ambo )…!!!
St.Tunaro : Sambah tibo kaharibaan mamak,( tangan diangkat dan diturunkan setelah
mamak St.Sati menurunkan tangan lebih dahulu ).
St.Sat : Lalukanlah sutan (ambo).! (tangan diangkat )
St.Tunaro : Sambah jo titah dipulangkan kapado Allah, bana nan bajapuik ka haribaan
mamak jo pasambahan, aatolah bana nan bajapuik- pihak hidangan nan ka
tangah– pandang jauah mintak dilayangkan- pandang dakek mintak
ditukiakan, mintak dilengong kiri jo kanan, alah ko sacukuik saganoknyo- dan
alah ko elok di pabasokan ka si alek kito nan pai satampuah lalu pulang
sabondong suruik, itulah bana nan bajapuik kaharibaan mamak jo pasambahan
( tangan di angkat, dan diturunkan setelah mamak St. Sati mengangkat dan
menurunkan tangan lebih dahulu ).
St.Sati : Sutan Tunaro…!
St.Tunaro : Manitah lah …mamak !!!
St.Sati : Sambah juo tibo kaharibaan sutan (ambo )… !!!(tangan diangkat).
St.Tunaro : Lalukanlah mamak…!!! (tangan diangkat).
St.Sati : Apotolah nan manjadi buah panitahan dari Sutan tadi tu; tantang hidangan nan
katangah - pandang jauah mintak dilayangkan- pandang dakek mintak
ditukiakkan, mintak dilengong kiri jo kanan, alah ko sacukuik saganoknyo-
dan alah ko elok di pabasokan ka si alek kito nan pai satampuah lalu- pulang
sabondong suruik, kan iyo kiro-kiro baitu buah panitahan Sutan tadi
St.Tunaro : Iyooo…lah !!!.
St.Sati : St.Tunaro…!!!
St.Tunaro : Manitahlah mamak
St.Sati : Sambah juo tibo kapado sutan (ambo) …!!! (tangan diangkat)
St.Tunaro : Lalukanlah mamak..!!! (tangan diangkat ).
St.Sati : Sapanjang buah panitahan sutan (ambo ) tadi, lah dalam adaik dalam
pusako, lah taracak diundang pun lah tasungkuik di limbago, bagaipun baitu
sakali, karano niniak mamak panghulu nan gadang basa batuah sarato nan
tuo-tuo lai ado adok adang pulo di tangah rumah gadang nangko, di baok juo
kato jo mufakaik mancari bana kabari nyo duduak mananti sutan (ambo)
sakiro-kiro lai ko dalam adaik, sekian sambah bakeh sutan (ambo).! (tangan
diangkat)
St.Tunaro juga mengangkat tangan , kemudian menurunkannya lebih dahulu setelah itu
baru menjawab sbb:
St.Tunaro : Mamak…St.Sati !!!

2
St.Sati : Manitahlah sutan (ambo ).

St.Tunaro : Sambah juo tibo laharibaan mamak …!!! (tangan diangkat )
St.Sati : Lalukan lah sutan (ambo )…!!! (tangan diangkat )
St.Tunaro : Dalam sambah manyambah - buah panitahan mamak juo nan di anjuang
tinggi di amba gadang, lah rancak bana tunyo mamak paiyokan …!!!
St.Sati : Dek kato lah rancak duduak mananti sutan (ambo) jo panitahan..!!!
St.Tunaro : Dinanti malah mamak…!!!
Kemudian mamak St.Sati baiyo jo mamak nan lain, serta memperhatikan hidangan nan lah
di sajikan, kalau sudah cukup dan tidak ada yang kurang, baru mengembalikan
pasambahan kepada St.Tunaro, sbb:
St.Sati : Sutan Tunaro … !!!

St.Tunaro : Manitah lah mamak …
St.Sati : Sambah dikumbalikan bakeh sutan (ambo)…!!!(tangan diangkat )
St.Tunaro : Lalukanlah mamak …!!! ( tangan diangkat ).
St.Sati : Sapanjang buah panitahan sutan (ambo ) tadi kok di mamak lah bapakaikan
manuruik adaik, di adaik kato baiyo- jalan bamulah, lah bajalang niniak jo
mamak sarato nan tuo-tuo, nan adok adang di tangah rumah gadang nanko,
Alhamdulillah lah dapek nan ka buah barinyo, aatolah nan ka buah barinyo,
pihak hidangan nan katangah alah salangkok saganoknyo – iyo lah elok di
pabasokan ka sialek kito nan pai satampuah lalu- pulang sabondong suruik, itu
lah sambah nan dikumbalikan ka bakeh sutan …!!! (tangan diangkat )
St.Tunaro : Mamak St.Sati… !!!
St. Sati : Manitah lah sutan (ambo).
St.Tunaro : Sambah juo tibo kaharibaan mamak …!!! (tangan diangkat )
St.Sati : Lalukanlah sutan (ambo).
St.Tunaro : Sapanjang buah panitahan nan tabik dari hambo tadi – kok dimamak lah
bapakaikan manuruik adaik, di adaik kato baiyo- jalan bamulah, lah bajalang
niniak jo mamak sarato nan tuo-tuo- nan adok adang di tangah rumah gadang
nanko, Alhamdulillah lah dapek nan ka buah barinyo, aatolah nan ka buah
barinyo, pihak hidangan nan katangah alah salangkok saganoknyo – iyo lah
elok di pabasokan ka sialek kito nan pai satampuah lalu- pulang sabondong
suruik, sarato jo niniak mamak- sarato nan tuo-tuo, maliputi sanak jo sudaro
nan adok adang ditangah rumah gadang nanko , kan iyo kiro-kiro baitu buah
panitahan mamak tadi …???
St.Sati : Iyooo………lah !!!
St.Tunaro : Mamak St.Sati…!!!
St.Sati : Manitah lah sutan (ambo).
St.Tunaro : Sambah juo tibo kaharibaan mamak..!!! (tangan diangkat).
St.Sati : Lalukanlah sutan (ambo)…!!!, (tangan diangkat)
St.Tunaro : Dek karano pintak lah babari- kandak lah balaku, sanang lah hati
manarimonyo, ciek lai ulak bakeh mamak, karano si alek kito lai baduo jo
batigo ragu lah mato dek mamandang nyo, kok lai kato nan kamanjawab
gayuang nan ka manyambuik ka sia ko sambah ka ditibokan, sekian sambah
bakeh mamak …!!! (tangan di angkat).
St.Sati juga mengangkat tangan setelah menurunkan nya kemudian menjawab sbb:
St.Sati : Sutan Tunaro…!!!

St.Tunaro : Manitah lah mamak…!!!
St.Sati : Sambah juo tibo ka bakeh sutan (ambo)…!!! (tangan diangkat)
St.Tunaro : Lalukan lah mamak…!!! ( tangan diangkat )
2
3
St.Sati : Apotolah nan manjadi ulak sutan (ambo ) tadi, karano si alek kito nan datang
lai baduo jo batigo, ragu lah mato dek mamandang nyo, kok lai kato nan
kamanjawab gayuang nan ka manyambuik ka sia ko sambah ka ditibokan, kan
iyo kiro-kiro baitu buah panitahan sutan (ambo) tadi…!!!
St.Tunaro : Iyooo…lah …
St.Sati : Sapanjang buah panitahan sutan (ambo ) tadi lah dalam adaik dalam pusako
lah taracak diundang pun lah tasungkuik di limbago, bagaipun baitu sakali
karano si alek kito nan datang kamari nanko lai baduo jo batigo, di baok juo
kato jo mufakaik, mancari nan kabuah barinyo- duduak mananti sutan (ambo)
sakiro-kiro dalam panitahan, lai ko dalam adaik, sekian sambah bakeh sutan
(ambo) …!!! (tangan diangkat).
St.Tunaro : Dalam sambah manyambah, buah panitahan mamak juo nan di anjuang
tinggi di amba gadang, lah rancak bana tunyo mamak paiyokan …!!!
St.Sati : Dek kato lah rancak duduak mananti sutan (ambo) jo panitahan tu..
St.Tunaro : Dinanti malah mamak…!!!
Kemudian St.Sati berunding dengan salah seorang alek yang datang, menanyakansia k
nan ka jadi wakil atau juru bicara dari si alek, sbb:
St.Sati : Ambo St. Batuah…!!!
St. Batuah : Manitahlah mamak , ( kemudian merapikan duduk dan pakaian, serta minta
izin kepada kawan yang ada di kiri dan kanan), setalah itu baru menjawab
St.Batuah : Lalukan lah mak…!!!
St. Sati : Ambo St.Batuah …!!!
St. Batuah : Manitah lah mamak…!!!

St.Sati : Sambah tibo kaharibaan ambo…!!! (tangan diangkat )
St.Batuah : Lalukanlah mamak…!!! ( tangan diangkat )
Sta. Sati : Sambah jo titah samo-samo kito pulangkan kapado Allah , kito barundiang
sambia duduak, aatolah sambah nan di tibo kan kabakeh ambo, lah tibo pulo
ulak dari sumando silang nan bapangka- karajo nan bapokok, aatolah nan
manjadi ulak, karano si alek nan datang kamari nanko lai baduo jo batigo,
ragulah mato dek mamandang nyo, kok lai kato nan ka manjawab- gayuang
nan ka manyambuik ka sia ko sambah di tibokan, kok di mamak kato alun
bajawab, gayuang alun basambuik, nan kabuah barinyo bajapuik ka ambo jo
pasambahan, itulah sambah nan di tibokan ka bakeh ambo…!!! (tangan
diangkat, St.Batuah juga mengangkat tangan ).
St.Batuah : Mamak St.Sati…!!!
St.Sati : Manitahlah ambo…!!!
St.Batuah : Sambah juo tibo kaharibaan mamak…!!! (tangan diangkat)
St.Sati : Lalukanlah ambo …!!! (tangan diangkat)
St.Batuah : Sambah jo titah samo- samo kito pulang kan kapado Allah kito barundiang
sambia duduak, aatolah nan jadi buah panitahan mamak tadi; lah tibo pulo
ulak dari rang sumando- silang nan bapangka- karajo nan bapokok, aatolah
nan manjadi ulak, karano kami si alek nan datang kamari nanko lai baduo jo
batigo ragulah mato dek mamandang nyo, kok lai kato nan ka manjawab-
gayuang nan ka manyambuik, ka sia sambah di tibokan, kok di mamak kato
alun bajawab, gayuang alun basambuik, nan ka buah barinyo bajapuik ka
hambo jo pasambahan, kan iyo kiro-kiro baitu buah panitahan mamak
tadi…???
St.Sati : iyooo…lah!!!
St.Batuah : Sapanjang buah panitahan mamak tadi lah dalam adaik dalam pusako lah
taracak diundang - pun lah tasungkuik di limbago, bagaipun baitu sakali
karano kami si alek nan datang kamari nanko lai baduo jo batigo, di baok juo
kato jo mufakat mancari nan ka buah barinyo duduak mananti mamak jo
pasambahan lai ko dalam adaik, sekian sambah bakeh mamak…!
3
4
St.Sati : Dalam sambah manyambah, buah panitahan ambo juo nan di anjuang tinggi di
amba gadang, lah rancak bana tunyo ambo paiyokan …!!!
St.Batuah : Dek kato lah rancak duduak mananti mamak jo panitahan tu..
St.Sati : Dinanti malah ambo…!!!
Kemudian St.Batuah berunding dengan si alek yang lain, setelah dapat kesepakatan
kemudian mengembalikan pasambahan kepada mamak St.Sati sbb:
St.Batuah : Mamak St.Sati…!!!
St.Sati : Manitah lah ambo…!!!
St.Batuah : Sambah dikumbalikan kabakeh mamak …!!! (tangan diangkat)
St.Sati : Lalukanlah ambo …!!! (tangan diangkat )
St.Batuah : Aatolah sambah nan dikumbalikan kabakeh mamak, kok talambek talalai
Mamak dek mananti samantaro kami bariyo- rela jo ma’af kami mintak . !
St.Sati : Kapado Allah ..!!!

St.Batuah : Sapanjang buah panitahan nan tabik dari mamak tadi – kok hambo lah
bapakaikan manuruik adaik, di adaik kato baiyo- jalan bamulah,lah bajalang
sialek nan pai satampuah lalu – pulang sabondong suruik Alhamdulillah lah
dapek nan kabuah barinyo, aatolah nan ka buah barinyo, kok kato nan
kamanjawab - gayuang nan ka manyambuik , tibokan lah buah pasambahan ka
ambo St. Salin, itulah sambah nan dikumbalikan kabakeh mamak…!!!( tangan
diangkat, St.Sati jmengangakat tangan )
St.Sati : Ambo..St.Batuah…!!!
St.Batuah : Manitahlah mamak.
St.Sati : Sambah juo tibo kaharibaan ambo..!!! ( tangan diangkat )
St.Batuah : Lalukanlah mamak…!!! ( Tangan diangkat ).
St. Sati : Sapanjang buah panitahan nan tabik dari mamak tadi – kok di ambo lah
bapakaikan manuruik adaik, di adaik kato baiyo- jalan bamulah, lah bajalang
si alek nan pai satampuah lalu – pulang sabondong suruik. Alhamdulillah lah
dapek nan kabuah barinyo, aatolah nan ka buah barinyo kok kato nan
kamanjawab - gayuang nan ka manyambuik , tibokan lah buah pasambahan ka
ambo St. Salin, kan iyo kiro-kiro baitu buah panitahan ambo tadi..???
St.Batuah : Iyooo….lah …!!!
St.Sati : Ambo…St.Batuah…!!!
St.Batuah : Manitahlah mamak…!!!
St.Sati : Karano pintak lah babari- kandak lah balaku, sananglah hati manarimo lah
elok diantakan ka asanyo tu ambo…???
St.Batuah : Sarancak nyo bana mamak…!!!
St.Sati : Karano lah rancak baparantian awak lai…???
St.Batuah : Sakiro- kiro mamak…!!!
St.Sati kemudian mengembalikan pasambahan kepada pihak sumando yang mananyakan

tadi ( St.Tunaro ), sbb:
St.Sati : ( ambo) Sutan Tunaro…!!!

St.Tunaro : Manitahlah mamak…!!!
St.Sati : Sambah dikumbalikan kabakeh sutan (ambo).!!! (tangan diangkat)
St.Tunaro : Lalukanlah mamak…!!! (tangan diangkat )
St.Sati : Sapanjang bana nan datang dari Sutan(ambo) tadi tu samantaro alah mamak
baok bariyo kahadapan si alek kito, Alhamdulillah lah dapek nan
ka buah barinyo, aatolah bana ka buah barinyo, kok kato nan ka manjawab-
gayuang nan ka manyambuik, ka ambo St. Salin lah sambah ditibokan, sakian
sambah dikambalikan ka Sutan (ambo).
St.Tunaro : Mamak St. Sati…!
St.Sati : Manitahlah Sutan.
4
5
St.Tunaro : Sambah juo tibo kaharibaan mamak…!!! (tangan diangkat).
St.Sati : Lalukanlah sutan (ambo) …!!! (tangan diangkat).

St.Tunaro : Sapanjang bana nan datang dari hambo tadi , samantaro alah mamak baok
bariyo kahadapan si alek kito nan pai satampuah lalu pulang sabondong
suruik, Alhamdulillah lah dapek nan ka buah barinyo, aatolah nan ka buah
barinyo kok kato nan ka manjawab gayuang nan ka manyambuik, ka ambo
St.Salin lah sambah ditibokan, kan iyo kiro – kiro baitu buah panitahan
mamak tadi ..???
St.Sati : Iyooo…..lah !!!
St.Tunaro : Mamak … St.Sati…!!!
St.Sati : Manitahlah sutan (ambo).
St.Tunaro : Sambah juo tibo kaharibaan mamak,…!!! (tangan diangkat)
St.Sati : Lalukanlah sutan…!!! (tangan diangkat )
St.Tunaro : Karano pintak lah babari- kandak lah balaku, sananglah manarimonyo lah
elok disagirokan tu mamak…!!!
St.Sati : Sarancak nyo bana…!!!
St.Tunaro : Karano lah rancak, baparantian lai awak mak…!!!
St.Sati : Sakiro-kiro.
St.Tunaro : Singkek ba uleh- kurang batukuak tu mamak…!!!
St.Sati : Insya Allah…!!!
2. PASAMBAHAN MAMPABASOKAN HIDANGAN.
Terlebih dahulu St.Tunaro minta izin kekiri dan kekanan, dan minta dibantu kalau nanti
ada yang salah dalam menyampaikan pasambahan ( singkek mintak diuleh- kurang mintak
ditukuak ), setelah merapikan pakaian, memulai pasambahan dengan terlebih dahulu
memberikan salam penghormatan kepada orang yang patuik sarato mungkin (Panghulu,
Panungkek, Alim Ulama, Cadiak Pandai dll) yang hadir, sbb:
St.Tunaro : Angku Datuak Tunaro…!
5
6
Dt.Tunaro : Manitahlah sutan.

St.Tunaro : Sambah tibo kaharibaan angku, ( tangan diangkat).
Dt.Tunaro : Pado Allah, ( tangan diangkat).
St.Tunaro : Panungkek angku Datuak Tunaro…!
Pnk.Dt.Tnr : Manitahlah Sutan.
St.Tunaro : Bari Izin…!!! ( tangan diangkat).
Pnk.Dt. Tnr : Dibari, ( tangan diangkat).
St.Tunaro : Angku Haji Sulaeman…!
H.Sulaeman : Manitahlah Sutan.
St.Tunaro : Assalaamu’alaikum.wr,wb, ( tangan diangkat).
H.Sulaeman : Wa’alaikum salaam wr,wb (tangan diangkat).
St .Tunaro : Sungguhpun nan baduo- batigo Panghulu ini bakeh hambo manyambahkan
sambah, nak sarapeknyolah niniak-mamak panghulu nan gadang basa
batuah sado nan hadir di rumah gadang nanko bakeh hambo
manyambahkan sambah. Indak di atok namo- dibilang gala nak jo
sambahlah hambo muliakan. Kamudian dari pado pangkaik panghulu di
piliah - di Imam di khatib - di nan baiak - di nan mulia -di nan gadang basa
batuah - di juaro karapatan nak sakalilah hambo manyambahkan sambah.
Sambah tibo ka panghulu – salam tibo ka ka tuanku - buah pasambahan di
tibokan kapado ambo St. Salin.( tangan diangkat ).
St.Salin : Manitahlah ambo St.Tunaro,(tangan diangkat, kemudian merapikan
pakaian dan minta izin kekiri dan kekanan, kurang mintak ditukuak
singkek mintak diuleh ), setelah itu menjawab kembali sbb:
Lalukanlah ambo ….!!!
St.Tunaro : Sambah tibo kaharibaan ambo…!!! (tangan diangkat).
St.Salin : Lalukanlah…ambo…!!! ( tangan diangkat)
St.Tunaro : Apotolah sambah nan ditibokan ka bakeh ambo, tantang hidangan nan ka
tangah nan ka tangah, pandang jauah lah di layangkan - pandang hampia lah
di tukiakkan, lah dilengongkan kiri jo kanan- alah di pandang hilia jo
mudik, jamba cukuik - hidangan ganok, baa di nan kini nanko: kok nasi
talatak mintak dimakan-aia ta isi mintak di minum- juadah nak mintak di
parenai,aia dingin pambasuah tangan,sado iyo mintak ditarimo jo hati nan
suci-jo muko nan janiah. di sialek nan pai satampuah lalu pulang sabondong
suruik, sarato niniak mamak panghulu nan gadang basa batuah sarato nan
tuo-tuo, maliputi sanak jo sudaro nan adok-adang di tangah rumah gadang
nangko, Itulah sambah nan di tibokan kaharibaan ambo, (tangan di angkat ).
St.Salin : Ambo St.Tunaro..!
St.Tunaro : Manitahlah ambo St.Salin.
St.Salin : Sambah juo tibo kaharibaan ambo…!!! (tangan diangkat).
St Tunaro : Lalukanlah ambo …!!! (tangan diangkat)
St.Salin : Sungguhpun ambo surang bakeh hambo manyambahkan sambah nak
sarapeknyolah niniak-mamak- Panghulu nan Gadang Basa Batuah
sado nan hadir di tangah rumah gadang nanko - tampek hambo
manyambahkan sambah, indak di atok- dibilang gala nak jo sambah lah
hambo muliakan, kamudian bukan toh hambo raso ka malampau ka
malinteh- di hadapan niniak dengan mamak, dek karano alah kato jo
mufakat, dari ambo tabiknyo sambah, manjawek buah panitahan
hambo.Sambah kumbali kaharibaan ambo, (tangan diangkat ).
St.Tunaro : Lalukan lah…. Ambo …!!! (tangan dingakat)
St.Salin : Apotolah nan manjadi buah panitahan dari ambo tadi tu – tantang hidangan
nan ka tangah, pandang jauah lah di layangkan - pandang hampia lah di
tukiakkan, lah dilengong kiri jo kanan- alah dipandang hilia jo mudik, jamba
cukuik- hidangan ganok, baa di nan kini nanko kok nasi talatak mintak
dimakan-aia ta isi mintak di minum- juadah nak mintak di parenai, aia
6
7
dingin pambasuah tangan, sado iyo minta ditarimo jo hati nan suci-jo muko
nan janiah, ka kami si alek nan pai satampuah lalu- pulang sabondong
suruik, sarato jo niniak –mamak panghulu nan gadang basa batuah sarato
nan tuo-tuo, maliputi sanak jo sudaro nan ado adang di tangah rumah gadang
nangko, kan iyo kiro-kiro baitu buah panitahan ambo tadi tu …?
St.Tunaro : Iyo…Lah …!!!
St.Salin : Ambo St.Tunaro …!!!
St.Tunaro : Manitahlah ambo…!!!
St.Salin : Sambah juo tibo kaharibaan ambo… ( tangan diangkat )
St.Tunaro : Lalukanlah ambo…!!! ( tangan diangkat).
St Salin : Sapanjang bana nan katangah dari ambo tadi tu, alah dalam adaik dalam
pusako, lah tarancak di undang- pun alah tasungkuik di limbago, bagaipun
baitu sakali, karano kami si alek nan datang kamari nanko lai baduo jo
batigo - di elo kato jo mufakat, mancari kato nan ka buah barinyo, duduak
mananti ambo jo pasambahan lai ko dalam adaik? Sakian sambah
kaharibaan ambo.(tangan diangkat)
St.Tunaro : Juga mengangkat tangan dan menurunkan lebih dahulu, setelah itu baru
menjawab sbb: ambo St. Salin…
St.Salin : Manitahlah ambo…!!!.
St.Tunaro : Sambah juo tibo kaharibaan ambo …!!! ( tangan diangkat)
St.Salin : lalukanlah ambo…!!! (tangan diangkat).
St.Tunaro : Dalam sambah manyambah - buah panitahan ambo juo nan di anjuang
tinggi di amba gadang, lah rancak bana tunyo ambo paiyokan …!!!
St.Salin : Dek kato lah rancak, duduak mananti ambo sakiro-kiro..?
St.Tunaro : Dinanti sakiro-kiro ambo.
Kemudian St. Salin berunding sesame alek yang datang. (St.Mudo)
St.Salin : Ambo.Sutan Mudo..!
St.Mudo : Manitahlah ambo Sutan Salin.
St.Salin : Sambah tibo kaharibaan ambo.
St.Mudo : Lalukanlah ambo …!!!.
St.Salin :Sambah-manyambah kito pulangkan pado Allah , kito barundiang sambia
duduak. Sungguahpun sambah nan ditibokan kaharibaan ambo, ujuik nyo
bana nan bajapuik. aatolah bana nan bajapuik, lah tibo pulo ulak dari silang
nan bapangka- karajo nan bapokok, kapado kito si alek nan pai satampuah
lalu- pulang sabondong suruik, aatolah nan manjadi ulak : tantang hidangan
nan ka tangah, nasi talatak mintak dimakan-aia ta isi mintak di minum-
juadah nak mintak di parenai, aia dingin pambasuah tangan, sado iyo mintak
ditarimo jo hati nan suci-jo muko nan janiah, kapado kito sialek nan pai
satampuah lalu- pulang sabondong suruik, sarato jo niniak mamak panghulu
nan gadang basa batuah sarato nan tuo-tuo, maliputi sanak jo sudaro nan
adok adang ditangah rumah gadang nangko.kok di hambo kato alun
bajawab-gayuang alun basambuik nan kabarinyo bajapuikkan kaharibaan
ambo jo pasambahan. Sakian sambah ditibokan kaharibaan ambo..!!
( tangan di angkat).
St.Mudo : Ambo Sutan Salin..!
St.Salin : Manitahlah ambo.
St.Mudo : Sambah kumbali kaharibaan ambo.(tangan diangkat )
St.Salin : Lalukanlah ambo…!!!.
St.Mudo : Sapanjang bana nan katangah dari ambo tadi tu, alah dalam adaik dalam
pusako, lah taracak di undang, pun alah tasungkuik di limbago, bagaipun
baitu sakali karano kito si alek nan datang kamari nanko lai baduo jo batigo
- di elo kato jo mufakat, mancari kato nan saiyo, duduak mananti ambo jo
pasambahan…lai ko dalam adaik...? Sakian sambah kambali kaharibaan
ambo.(tangan diangkat)
7
8
St.Salin : Ambo St.Mudo

St.Mudo : Manitahlah ambo…!!!.
St. Salin : Sambah juo tibo kaharibaan ambo …!!! ( tangan diangkat)
St. Mudo : Lalukanlah ambo…!!! (tangan diangkat).
St. Salin : Dalam sambah manyambah - buah panitahan ambo juo nan di anjuang
tinggi di amba gadang, lah rancak bana tunyo ambo paiyokan.
St. Mudo : Nan kato lah rancak, duduak mananti ambo sakiro-kiro..?
St. Salin : Dinanti sakiro-kiro ambo.
Kemudian St. Mudo mampaiyokan dengan si alek yang lain setelah dapat kesepakatan
baru di kembalikan kepada St. Salin, sbb :
St.Mudo : Ambo … St. Salin…!!!

St.Salin : Manitah lah ambo…!!!
St. Mudo : Sambah kumbali kaharibaan ambo… !!! ( tangan diangkat)
St. Salin : lalukanlah ambo… !!! ( taangan diangkat ).
St. Mudo : Sapanjang bana nan katangah dari ambo tadi tu, kok di hambo lah
bapakaikan manuruik adaik – di adaik kato bariyo jalan bamulah, ka bukik
lah badakikan- ka lurah lah baturuni, Alhamdulillah lah dapek nan ka buah
barinyo, aatolah nan kabuah barinyo: sapanjang parmintaan silang nan
bapangka karajo nan bapokok kapado kito si alek nan pai satampuah lalu
pulang sabondong suruik, kok pintak lai raso ka buliah-kandak lai raso
kabalaku, limbak nan dari pado itu, ateh kadatangan kito kamari nanko,
gadang mukasuik nan di jalang - pasan bicaro nan di baok Samantaro
sabalun minum jo makan…alah ko buliah bana di katangahkan.?!, Itulah
sambah nan di kumbalikan kaharibaan ambo..! (tangan diangkat ).
St.Salin : Ambo … St. Mudo…!!!
St. Mudo : Manitahlah ambo…!!!
St.Salin : Sambah juo tibo kaharibaan ambo…!!! ( tangan diangkat)
St.Mudo : Lalukan lah ambo…!!! ( tangan diangkat).
St.Salin : Sapanjang bana nan katangah dari hambo tadi tu, kok di ambo lah
bapakaikan manuruik adaik – di adaik kato bariyo jalan bamulah –ka bukik
alah ambo dakikan – ka lurah alah ambo turuni, Alhamdulillah lah dapek
nan ka buah barinyo, aatolah nan kabuah barinyo: sapanjang parmintaan
silang nan bapangka karajo nan bapokok kapado kito si alek tadi tu, kok
pintak lai raso ka buliah – kandak lai raso kabalaku, limbak nan dari pado itu
ateh kadatangan kito kamari nanko, gadang mukasuik nan di jalang - pasan
bicaro nan di baok, aso ka disabuik sabalun minum jo makan, kaduo ka di
katangah kan sasudah minum jo makan kan iyo kiro-kiro baitu buah
panitahan ambo tadi…?!
St.Mudo : Iyooo…lah !!!
St.Salin : Karano pintak lah babari - kandak lah balaku sanang lah hati manarimonyo,
alah ko elok diantakan ka asanyo ambo…???
St.Mudo : Sarancaknyo bana…!!!
St.Salin : Karano lah rancak baparantian awak lai ambo…???
St.Mudo : Sakiro-kiro.
St.Salin : Singkek bauleh – kurang batukuak tu ambo…!!!
St.Mudo : Insya Allah.
Kemudian St. Salin mengembalikan pasambahan kepada St Tunaro, sbb:
St.Salin : Ambo St. St.tunaro…!!!

St.Tunaro : manitah lah ambo…!!!
8
9
St.Salin : Sambah dikumbalikan kabakeh ambo…!!! ( tangan diangkat)

St.Tunaaro : Lalukanlah ambo…!!!
St.Salin : Aatolah sambah nan dikumbalikan bakeh ambo, kok talambek talalai ambo
mananti samantaro kami baiyo rela jo ma’af hambo mintak.
St.Tunaro : Kapado Allah
St.Salin : Sapanjang bana nan katangah dari ambo tadi tu, kok di hambo lah
bapakaikan manuruik adaik – di adaik kato baiyo jalan bamulah – ka bukik
lah badakikan ka lurah lah baturuni, ka bukik lai raso dapek angin nan
salasai- ka lurah lai raso dapek aia nan janiah, limbak nan dari pado itu, ateh
kadatangan kami si alek kamari nanko, gadang mukasuik nan di jalang -
pasan bicaro nan di baok , samantaro sabalun minum jo makan,alah ko
buliah bana di katangah kan …???, itulah sambah nan dikumbalikan ka
bakeh ambo ( tangan diangkat)
St.Tunaro : Ambo… St.Salin.
St. Salin : Manitahlah ambo.
St.Tunaro : Sambah juo tibo kaharibaan ambo…!!! ( tangan diangkat)
St.Salin : Lalukanlah Ambo…!!! ( tangan diangkat)
St.Tunaro : Sapanjang bana nan katangah dari hambo tadi tu, kok di ambo lah
bapakaikan manuruik adaik – di adaik kato baiyo jalan bamulah – lah
bajalang si alek nan pai satampuah lalu- pulang sabondong suruik,ka bukik
lah badakikan ka lurah lah baturuni, kok ka bukik lai raso dapek angin nan
salasai- ka lurah lai raso dapek aia nan janiah. Limbak nan dari pado itu ateh
kadatangan kami si alek kamari nanko gadang mukasuik nan di jalang pasan
bicaro nan di baok, samantaro sabalun minum jo makan alah buliah bana di
katangahkan ..?!,kan iyo kiro-kiro baitu buah panitahan ambo tadi..?!
St.Salin : Iyooo…lah…
St.Tunaro : Ambo St. Salin…!!!
St.Salin : Manitahlah ambo…!!!
St.Tunaro : Sambah juo tibo kaharibam anbo…!!! ( tangan diangkat).
St.Salin : Lalukanlah ambo…!!! (tangan diangkat).
St.Tunaro : Sapanjang bana nan katangah dari ambo tadi tu, alah dalam adaik dalam
pusako, alah taracak di undang, pun alah tasungkuik di limbago, bagaipun
baitu sakali karano niniak mamak panghulu nan gadang basa batuah sarato
nan tuo-tuo lai adok adang pulo ditangah rumah gadang nanko - di baok kato
jo mufakat, mancari nan ka buah barinyo, duduak mananti ambo jo
pasambahan lai ko dalam adaik...? Sakian sambah kaharibaan ambo.(tangan
diangkat).
St.Salin : Dalam sambah manyambah buah panitahan ambo juo nan di anjuang tinggi-
di amba gadang- lah rancak bana ambo paiyokan…!
St.Tunaro : Dek kato lah rancak, duduak mananti ambo sakiro-kiro..?
St.Salin : Dinanti sakiro-kiro ambo.
Kemudian St.Tunaro mampaiyokan jo niniak mamak nan ado, sbb:

St.Sati : Manitahlah sutan ( ambo).
St.Tunaro : Sambah tibo kaharibaan mamak …!!! (tangan diangkat)
St.Sati : Lalukanlah sutan (ambo)…!!! (tangan diangkat)
St.Tunaro : Sambah jo titah samo- samo kito pulangkan kapado Allah, bana nan
bajapuik kaharibaan mamak jo pasambahan, aatolah bana nan bajapuik
sapanjang parmintaan kito ka si alek nan pai satampuah lalu- pulang
sabondong suruik, Alhamdulillah … pintak lai raso kabuliah- kandak lai
raso kabalaku, limbak nan dari pado itu, kadatangan si alek kamari nanko
9
10
gadang mukasuik nan di jalang – pasan bicaro nan di baok, aso ka disabuik
sabalun minum jo makan kaduo ka dikatangah kan sasudah minum jo
makan, kok di hambo kato alun bajawab-gayuang alun basambuik, nan ka
buah barinyo bajapuik kaharibaan mamak jo pasambahan, itulah sambah
nan ditibokan kabakeh mamak…!!! ( tangan diangkat).
St.Sati : ( ambo) sutan Tunaro.
St.Sati : Sambah juo tibo kapado sutan ( ambo) …!!! (tangan diangkat).
St.Tunaro : Lalukanlah mamak…!!! ( tangan diangkat)
St.Sati : Aatolah nan jadi buah panitahan sutan ( ambo ) tadi, sambah jo titah
dipulangkan kapado Allah, bana nan bajapuik ka mamak jo pasambahan
aatolah bana nan bajapuik : sapanjang parmintaan kito ka si alek nan pai
satampuah lalu- pulang sabondong suruik, Alhamdulillah pintak lai raso ka
buliah kandak lai raso kabalaku, limbak nan dari pado itu, kadatangan si alek
kamari nanko gadang mukasuik nan di jalang –pasan bicaro nan di baok, aso
ka disabuik sabalun minum jo makan kaduo ka dikatangah kan sasudah
minum jo makan, kok di sutan (ambo) kato alun bajawab- gayuang alun
basambuik, nan ka buah barinyo bajapuik kaharibaan mamak jo
pasambahan, kan iyo kiro-kiro ba itu buah panitahan sutan (ambo ) tadi ..??
St.Tunaro : iyooo…lah
St.Sati : Sapanjang bana nan katangah dari sutan (ambo) tadi tu, alah dalam adaik
dalam pusako, lah taracak di undang, pun lah tasungkuik di limbago,
bagaipun baitu sakali karano niniak mamak panghulu nan gadang basa
batuah sarato nan tuo-tuo lai adok adang pulo ditangah rumah gadang nanko
- di baok kato jo mufakat, mancari nan ka buah barinyo, duduak mananti
sutan (ambo) jo pasambahan lai ko dalam adaik...? Sakian sambah kumbali
kaharibaan sutan (ambo)…!!! (tangan diangkat).
St.Tunaro : Dalam sambah manyambah buah panitahan mamak tu juo nan di anjuang
tinggi-di amba gadang-lah rancak bana mamak pariyokan.!!
St.Sati : Dek kato lah rancak, duduak mananti ambo sakiro-kiro..?
St.Tunaro : Dinanti sakiro-kiro mamak…!!!.
Kemudian mamak St.Sati mampaiyokan nyo jo (punungkek) sbb:

St. Sati : mamak St.Kayo …!!!
St.Kayo : Manitahlah ambo... ( merapikan pakaian dan memperbaiki duduk).
St.Sati : Sambah tibo kaharibaan mamak…!!! ( tangan diangkat).
St.Kayo : Lalukanlah ambo…!!! ( tangan diangkat)
St.Sati : Sambah jo titah dipulangkan kapado Allah, bana nan bajapuik ka mamak jo
pasambahan, aatolah bana nan bajapuik : lah tibo pulo ulak dari rang
sumando kito silang nan bapangka – karajo nan bapokok , aatolah nan
manjadi ulak : sapanjang parmintaan kito ka si alek nan pai satampuah lalu-
pulang sabondong suruik, Alhamdulillah….. pintak lai raso kabuliah-
kandak lai raso kabalaku, limbak nan dari pado itu, kadatangan si alek
kamari nanko gadang mukasuik nan di jalang – pasan bicaro nan di baok,
aso ka disabuik sabalun minum jo makan, kaduo ka dikatangah kan sasudah
minum jo makan, kok di hambo kato alun bajawab- gayuang alun
basambuik, nan ka buah barinyo bajapuik kaharibaan mamak jo
pasambahan, itulah sambah nan ditibo kan kaharibaan mamak.!
St.Kayo : (mengangkat tangan setelah diturunkan baru menjawab): sbb
Ambo St.sati…!!!
St.Kayo : Sambah juo tibo ka ambo …!!! (tangan diangkat)
St.Sati : Lalukanlah ambo…!!! ( tangan diangkat)
10
11
St.Kayo : Aatolah nan jadi buah panitahan ambo tadi : lah tibo pulo ulak dari rang
sumando kito silang nan bapangka – karajo nan bapokok , aatolah nan
manjadi ulak : sapanjang parmintaan kito ka si alek nan pai satampuah lalu-
pulang sabondong suruik, Alhamdulillah pintak lai raso kabuliah- kandak lai
raso kabalaku, limbak nan dari pado itu, kadatangan si alek kamari nanko
gadang mukasuik nan di jalang – pasan bicaro nan di baok, aso ka disabuik
sabalun minum jo makan, kaduo ka dikatangah kan sasudah minum jo
makan, kok di ambo kato iyo bajawab- gayuang alun basambuik, nan ka
buah barinyo bajapuik kaharibaan ambo jo pasambahan, kan iyo kiro-kiro
baitu buah panitahan ambo tadi… ???
St.Sati : Iyooo…lah.
St.Kayo : Sapanjang bana nan katangah dari ambo tadi tu, alah dalam adaik dalam
nan tuo-tuo lai adok adang pulo ditangah rumah gadang nanko - di elo kato
pasambahan lai ko dalam adaik...? Sakian sambah kumbali kaharibaan
ambo.(tangan diangkat).
St.Sati : Dalam sambah manyambah buah panitahan mamak tu juo nan di anjuang
tinggi-di amba gadang-lah rancak bana mamak pariyokan…!!
St.Kayo : Dek kato lah rancak, duduak mananti ambo sakiro-kiro..?
St.Sati : Dinanti sakiro-kiro mamak…!!!.
Kemudian mamak st.Kayo ( panungkek) mampaiyokan pula dengan niniak mamak

( panghulu ), setelah dapat kesepakatan baru dikembalikan kepada St.Sati, sbb :
St.Kayo : Ambo St.Sati…!!!
St.Kayo : Sapanjang bana nan katangah dari ambo tadi tu, kok di hambo lah
bapakaikan manuruik adaik – di adaik kato bariyo jalan bamulah – lah
bajalang niniak jo mamak sarato nan tuo-tuo nan ado adang di rumah gadang
nanko, Alhamdulillah lah dapek nan ka buah barinyo, aatolah nan kabuah
barinyo: karano adaik lai nan malingka- pusako lai nan maronggoh, adaik
nanko babuhua sentak, kaganti suri jo tuladan, jikok batanyo lapeh arak
jikok barundiang sasudah minum jo makan, baa dinan kini nanko karano
hidangan alah katangah nan parundiangan di tatapkan sasudah minum jo
makan, itulah nan kabuah barinyo, sekian sambah dikumbalikan ka bakeh
ambo…!!! ( tangan diangkat).
St.Sati : ( juga mengangkat tangan, setelah menurunkan baru menjawab) sbb:
Mamak St.Kayo…!!!
St.Kayo : Manitah lah ambo…!!!
St.Sati : Sambah juo tibo kaharibaan mamak… !!! ( tangan diangkat).
St.Kayo : lalukanlah ambo…!!! ( tangan diangkat ).
St.Sati : Sapanjang bana nan katangah dari hambo tadi tu, kok di mamak lah
bajalang niniak mamak panghulu nan gadang basa batuah sarato nan tuo-tuo
nan adok adang di rumah gadang nanko, Alhamdulillah … lah dapek nan ka
buah barinyo, aatolah nan kabuah barinyo: karano adaik lai nan malingka-
pusako lai nan maronggoh, adaik nanko babuhua sentak, kaganti suri jo
tuladan, jikok batanyo lapeh arak- jikok barundiang sasudah minum jo
makan,baa dinan kini nanko karano hidangan alah katangah nan
parundiangan di tatapkan sasudah minum jo makan, kan iyo kiro-kiro baitu
buah panitahan mamak tadi…???
St.Kayo : Iyooo…lah.
11
12
St.Sati : Karano pintak lah babari, kandak lah balaku,sananglah hati manarimonyo,
alah ko elok diantakan ka asanyo mamak…???
St.Kayo : Sarancaknyo bana…!!!
St.Sati : Karano lah rancak baparantian awak lai mamak…???
St.Kayo : Sakiro-kiro.
St.Sati : Singkek bauleh – kurang batukuak tu mamak…!!!
St.Kayo : Insya Allah.
Kemudian St.Sati mengembalikan pasambahan kepada St.Tunaro, sbb:
St.Sati : ( ambo) Sutan Tunaro…!!!

St.Sati : Sambah dikumbalikan kabakeh sutan (ambo)…!!! ( tangan diangkat)
St.tunaro : Lalukanlah mamak…!!! ( tangan diangkat).
St.Sati : Atolah sambah nan dikumbalikan ka sutan ( ambo) kok talambek talalai
sutan ( ambo) dek mananti, samantaro mamak bariyo rela jo ma’aaf banyak-
banyak.
St.Tunaro : Kapado Allah.
St. Sati : Sapanjang bana nan katangah dari sutan (ambo) tadi tu, kok di mamak lah
bajalang niniak jo mamak- sarato nan tuo-tuo nan adok adang ditangah
rumah gadang nanko, Alhamdulillah …lah dapek nan ka buah barinyo,
aatolah nan kabuah barinyo: karano adaik lai nan malingka- pusako lai nan
maronggoh, adaik nanko babuhua sentak, kaganti suri jo tuladan, jikok
batanyo lapeh arak- jikok barundiang sasudah minum jo makan, baa dinan
kini nanko karano hidangan alah katangah, nan parundiangan di tatapkan
sasudah minum jo makan, itulah sambah nan dikumbalikan ka sutan (ambo),
tangan diangkat
St.Sati : Manitah lah sutan ( ambo)…!!!
St.Tunaro : Sambah juo tibo kaharibaan mamak…!!! ( tangan diangkat).
St.Sati : Lalukanlah sutan ( ambo) …!!! ( tangan diangkat).
St.Tunaro : Sapanjang bana nan katangah dari hambo tadi tu, kok di mamak lah
bajalang niniak jo mamak sarato nan tuo-tuo nan adok adang ditangah
rumah gadang nanko, Alhamdulillah …lah dapek nan ka buah barinyo,
aatolah nan kabuah barinyo: karano adaik lai nan malingka- pusako lai nan
maronggoh, adaik nanko babuhua sentak - kaganti suri jo tuladan, jikok
kini nanko karano hidangan alah katangah nan parundiangan di tatapkan
sasudah minum jo makan, kan iyo kiro-kiro baitu buah panitahan mamak
tadi…???
St.Sati : Iyooo….lah
St.Tunaro : mamak St.Sati…!!!
St.Sati : Manitahlah sutan (ambo).
St.Tunaro : Sambah juo tibo kaharibaan mamak …!!! ( tangan diangkat).
St. Sati : Lalukanlah sutan ( ambo).
St. Tunaro : Karano pintak lah babari - kandak lah balaku, sananglah hati manarimonyo,
alah ko elok diantakan ka asanyo tu mak…???
St.Sati : Sarancaknyo bana…!!!
St.Tunaro : Karano lah rancak baparantian awak lai mak…???
St.Kayo : Sakiro-kiro.
St.Sati : Singkek bauleh – kurang batukuak tu mak…!!!
St.Kayo : Insya Allah.
12
13
Kemudian St.Tunaro mengembalikan pasambahan kepada St.Salin, sbb:
St.Tunaro : Ambo St.Salin…!!!

St.Tunaro : Sambah dikumbalikan kabakeh ambo…!!!( tangan diangkat)
St.Salin : Lalukanlah ambo!!! ( tangan diangkat).
St.Tunaro : Atolah sambah nan dikumbalikan ka ambo, kok talambek talalai ambo dek
mananti, samantaro kami baiyo rela jo ma’af banyak- banyak.
St.Salin : Kapado Allah.
St.Tunaro : Sapanjang bana nan katangah dari ambo tadi tu, kok di hambo lah
bajalang niniak jo mamak, sarato nan tuo-tuo nan adok adang ditangah
rumah gadang nanko, Alhamdulillah lah dapek nan ka buah barinyo, aatolah
nan kabuah barinyo: karano adaik lai nan malingka- pusako lai nan
maronggoh, adaik nanko babuhua sentak, kaganti suri jo tuladan, jikok
sasudah minum jo makan,itulah sambah nan dikumbalikan ka sutan (ambo),
tangan diangkat.
St.Salin : Ambo St. Tunaro …!!!
St.Tunaro : Manitah lah ambo…!!!
St.Salin : Sambah juo tibo kaharibaan ambo…!!! ( tangan diangkat).
St.Tunaro : Lalukanlah sutan ( ambo) …!!! ( tangan diangkat).
St.Salin : Sapanjang bana nan katangah dari hambo tadi tu, kok di ambo lah
bajalang niniak jo mamak sarato nan tuo-tuo nan adok adang ditangah
rumah gadang nanko, Alhamdulillah lah dapek nan ka buah barinyo, aatolah
nan kabuah barinyo: karano adaik lai nan malingka- pusako lai nan
maronggoh, adaik nanko babuhua sentak – kaganti suri jo tuladan, jikok
sasudah minum jo makan, kan iyo kiro-kiro baitu buah panitahan ambo
tadi…???
St.Tunaro : Iyooo…lah.
St.Salin : Jadi ka ditetapkan sasudah minum jo makan tu ambo…???
St.Tunaro : Iyooo…lah…!!!
St.Salin : Di mulai dari si pangka tunyo ambo …!!!
St.Tunaro : Samo- samo di Bismillah kan se … tunyo ambo…!!!
Setelah selesai makan, kemudian pasambahan di mulai oleh si alek yang datang, dengan
terlebih dahulu merapikan pakaian serta minta izin ke kiri dan ke kanan dan memberikan
salam penghormatan,kepada yang patuik sarato mungkin yang hadir seperti yang
dilakukan oleh pihak tuan rumah silang nan bapangka.
3. PASAMBAHAN MANJAPUIK MARAPULAI
St. Salin : Sungguhpun nan baduo- batigo Panghulu ini bakeh hambo manyambahkan
sambah, nak sarapeknyolah niniak-mamak panghulu nan gadang basa
batuah sado nan hadir di rumah gadang nanko bakeh hambo manyambah
13
14
kan sambah,Indak di atok dibilang gala nak jo sambah lah hambo muliakan.
Kamudian dari pado pangkaik Panghulu di piliah - di Imam di khatib - di nan
baiak - di nan mulia - di nan gadang basa batuah –di juaro karapatan nak
sakalilah hambo manyambahkan sambah. Sambahtibo ka panghulu – salam tibo
ka tuanku - buah pasambahan di tibokan ka ambo St. Tunaro.
St.Tunaro: Manitahlah ambo St.Salin…!,(tangan diangkat), kemudian merapikan
pakaian dan minta izin kekiri dan kekanan, (kurang mintak ditukuak singkek
mintak diuleh), setelah itu menjawab kembali sbb: Lalukanlah ambo…!!!
St.Salin :Sambah tibo kaharibaan ambo…!!!
St.Tunaro :Lalukanlah…ambo…!!!
St. Salin :Apotolah sambah nan ditibokan ka bakeh ambo, rimbun rampak karambia
pagai- tumbuah sabatang ateh munggu- munggu nak rang koto lalang, bulan
tampak janjilah sampai, lah patuik nyo hambo kanai tunggu diateh janji nan
dikarang, atolah janji nan dikarang, padan nan ba ukua: kok makan lah tibo di
nan kanyang, minumlah taraso sajuak, maisok alah sabatang duo- duduak pun
alah sakiro-kiro, ba-a tunyo kini lai, kok lai nan takana dihati – tak ilan di mato,
alah ko buliah bana di katangahkan, itulah sambah nan ditibokan kabakeh
ambo…!!!
St.Tunaro : Ambo St.Salin..!!!
St. Salin : Manitahlah ambo St.Tunaro.
St.Tunaro : Sambah juo tibo kaharibaan ambo…!!!
St. Salin : Lalukanlah ambo …!!!
St.Tunaro : Sungguhpun ambo surang bakeh hambo manyambahkan sambah, nak
sarapeknyo lah niniak-mamak- Panghulu nan Gadang Basa Batuah
hambo muliakan, kamudian bukan toh hambo raso ka malampau ka malinteh-
di hadapan niniak dengan mamak, dek karano alah kato jo mufakat, dari ambo
tabiknyo sambah, manjawek buah panitahan hambo.Sambah kumbali
kaharibaan ambo.
St.Salin : Lalukan lah…. Ambo …!!!
St.Tunaro : Apotolah nan manjadi buah panitahan dari ambo tadi tu – rimbun rampak
karambia pagai- tumbuah sabatang ateh munggu- munggu nak rang koto
lalang, bulan tampak janjilah sampai, lah patuik nyo ambo kanai tunggu
diateh janji nan dikarang, atolah janji nan dikarang- padan nan ba ukua
kok makan lah tibo di nan kanyang, minumlah taraso sajuak, maisok alah
sabatang duo- pun alah sakiro-kiro, ba-a tunyo kini lai, kok lai nan takana
dihati ta’ilan di mato, alah ko buliah bana di katangahkan, kan iyo kiro-
kiro buah panitahan ambo tadi tu …???
St.Salin : Iyo…lah …!!!
St.Tunaro : Ambo St. Salin …!!!
St. Salin : Manitahlah ambo…!!!
St. Tunaro : Sambah juo tibo kaharibaan ambo.!!!
St. Salin : Lalukanlah ambo…!!!
St. Tunaro : Karano alah janji nan dikarang- padan nan di ukua, lah rancak tunyo ambo
katangahkan, supayo siang bak hari- tarang bak bulan… !!
St. Salin : Jadi ka dikatangahkan lai ambo…!!!
St. Tunaro : Sarancak nyo bana,
St. Salin : Kami nan ko- di ateh picak nan satapiak- bulek nan sagolong, kok picak lah
buliah dilayangkan – bulek lah buliah di golongkan,lah samupakaik niniak
jo mamak, sarato nan tuo-tuo, sarato rang sumando, dikorong kampuang
Pili, anak buah angku datuak Sinaro, maujua- malapeh kami babarapo urang
sumando nyo, masuak ka korong kampuang Koto, anak buah angku datuak
Tunaro, manjapuik marapulai namonyo, japuik ko manuruik adaik,
14
15
ditingkek janjang- ba tapiak bandua, japuik ko japuik tabao- sarato jo urang

nan ka maantakan sapanjang adaik, itulah sambah nan di tibokan kabakeh
ambo…!!!
St. Tunaro : Ambo … St. Salin…!!!
St. Tunaro : Sambah juo tibo kaharibaan ambo…!!!
St. Tunaro : Aatolah nan jadi buah panitahan ambo tadi; kami nan ko- di ateh picak nan
satapiak- bulek nan sagolong, lah samupakaik niniak jo mamak, sarato nan
tuo-tuo, sarato rang sumando, dikorong kampuang Pili, anak buah angku
datuak Sinaro, maujua- malapeh babarapo urang sumando nyo, masuak ka
korong kampuang Koto, anak buah angku datuak Tunaro, manjapuik
marapulai namonyo, japuik ko manuruik adaik, ditingkek janjang- ba tapiak
bandua, japuik ko japuik tabao- sarato jo urang nan ka maantakan sapanjang
adaik, kan iyo kiro- kiro baitu buah panitahan ambo tadi…???
St. Salin : Iyooo…lah.
St. Tunaro : Sapanjang bana nan katangah dari ambo tadi tu, alah dalam adaik dalam
pasambahan lai ko dalam adaik...? Sakian sambah kaharibaan ambo!!!
St. Salin : Dalam sambah manyambah buah panitahan ambo tu juo nan di anjuang
tinggi-di amba gadang-lah rancak bana ambo pariyokan…!!
St. Tunaro : Dek kato lah rancak, duduak mananti ambo sakiro-kiro..?
St. Salin : Dinanti sakiro-kiro …!!!.
Kemudian St. Tunaro mampaiyokan dengan sumando yang lain, boleh juga langsung
kepada niniak mamak, ninik mamak juga ba iyo dengan niniak mamak yang lain. Sbb:
St. Tunaro : Mamak St. Sati … !!!
St. Sati : Manitah lah ssutaan ( ambo ).
St. Tunaro : Sambah tibo kaharibaan mamak…!!!
St. Sati : lalukanlah sutan ( ambo ).
St. Tunaro : Sambah jo titah di pulangkan kapado Allah, bana nan bajapuik ka haribaan
mamak jo pasambahan, aatolah bana nan bajapuik, lah tibo ulak dari si alek
kito nan pai satampuah lalu- pulang sabondong suruik, aatolah nan jadi ulak;
kami nan ko- di ateh picak nan satapiak- bulek nan
sagolong, lah samupakaik niniak jo mamak, sarato nan tuo-tuo, sarato rang
sumando, dikorong kampuang Pili, anak buah angku datuak Sinaro, maujua-
malapeh babarapo urang sumando nyo, masuak ka korong kampuang koto,
anak buah angku datuak Tunaro, manjapuik marapulai namonyo, japuik ko
manuruik adaik, ditingkek janjang- di tapiak bandua, japuik ko japuik tabao-
sarato jo urang nan ka maantakan sapanjang adaik, kok di hambo kato alun
bajawab- nan gayuang alun basambuik, nan ka buah barinyo ba japuik
kaharibaan mamak jo pasambahan, itulah sambah nan di tibo kan kabakeh
mamak…!!!
St. Sati : ( ambo ) sutan Tunaro…!!!.
St. Tunaro : Manitahlah mamak…!!!
St. Sati : Sambah juo tibo kaharibaan ambo ( sutan)..!!
St. Tunaro : Lalukanlah mamak…!!!
St. Sati : Aatolah nan jadi buah panitahan sutan ( ambo) tadi; lah tibo ulak dari si alek
kito nan pai satampuah lalu- pulang sabondong suruik, aatolah nan jadi ulak;
kami nan ko- di ateh picak nan satapiak-bulek nan sagolong, lah samupakaik
niniak jo mamak, sarato nan tuo-tuo, sarato rang sumando, dikorong
kampuang Pili, anak buah angku datuak Sinaro, maujua- malapeh babarapo
15
16
urang sumando nyo, masuak ka korong kampuang koto, anak buah angku
datuak Tunaro, manjapuik marapulai namonyo, japuik ko manuruik adaik,
ditingkek janjang- di tapiak bandua, japuik ko japuik tabao- sarato jo urang
nan ka maantakan sapanjang adaik, kok di sutan (ambo) kato alun bajawab-
gayuang alun basambuik, nan ka buah barinyo ba japuik kaharibaan mamak
jo pasambahan, kan iyo kiro-kiro baitu buah panitahan sutan ( ambo)
tadi…???
St. Tunaro : Iyooo… lah.
St. Sati : Sutan ( ambo ) Tunaro…!!!
St. Tunaro : Manitah lah mamak…!!!
St. Sati : Sambah juo tibo kaharibaan sutan ( ambo)…!
St. Sati : Sapanjang bana nan katangah dari sutan ( ambo) tadi tu, lah dalam adaik
dalam pusako, lah taracak di undang, pun alah tasungkuik di limbago,
batuah, sarato nan tuo-tuo lai adok adang pulo ditangah rumah gadang
nanko, di elo kato jo mufakat, mancari nan ka buah barinyo, duduak
mananti ambo jo pasambahan lai ko dalam adaik...? Sakian sambah kumbali
kaharibaan ambo…!!!
St. Tunaro : Dalam sambah manyambah buah panitahan mamak tu juo nan di anjuang
tinggi-di amba gadang-lah rancak bana mamak pariyokan…!!
St. Sati : Dek kato lah rancak, duduak mananti sutan (ambo) sakiro-kiro..?
St. tunaro : Dinanti sakiro-kiro …!!!.
Kemudian St. Sati mampaiyokan dengan niniak mamak yang lain, serta dengan orang tua
calon marapulai,sbb:
St.Sati : Mamak St.Kayo…!!!
St.Kayo : Manitahlah ambo…!!!
St.Sati : Sambah dikumbalikan kaharibaan mamak…!!!
St.Kayo : Lalukanlah ambo…!!!
St.Sati : Sambah jo titah di pulangkan kapado Allah, bana nan bajapuik ka haribaan
mamak jo pasambahan, Aatolah sambah nan ditibokan kaharibaan mamak ;
lah tibo pulo ulak dari si alek kito nan pai satampuah lalu – pulang
sabondong suruik, aatolah nan jadi ulak; kami nan ko- di ateh picak nan
satapiak-bulek nan sagolong, lah samupakaik niniak jo mamak, sarato nan
tuo-tuo, sarato rang sumando, dikorong kampuang Pili, anak buah angku
datuak Sinaro, maujua- malapeh babarapo urang sumando nyo, masuak ka
korong kampuang Koto, anak buah angku datuak Tunaro, manjapuik
marapulai namonyo, japuik ko manuruik adaik, ditingkek janjang- ba tapiak
bandua, japuik ko japuik tabao- sarato jo urang nan ka maantakan sapanjang
adaik, kok di hambo kato alun bajawab-gayuang alun basambuik, nan ka
buah barinyo ba japuik kaharibaan mamak jo pasambahan, itulah sambah
nan di tibokan kaharibaan mamak…!!!
St.Kayo : ambo …St. Sati…!!!
St.Sati : Manitah lah mamak…
St.Kayo : Sambah juo tibo kaharibaan ambo…!!!
St.Sati : Lalukanlah mamak…!!!
St.Kayo : Aatolah nan jadi buah panitahan ambo tadi : lah tibo pulo ulak dari si alek
kito nan pai satampuah lalu – pulang sabondong suruik, aatolah nan manjadi
ulak ; kami nan ko- di ateh picak nan satapiak-bulek nan sagolong, lah
samupakaik niniak jo mamak, sarato nan tuo-tuo, sarato rang sumando,
dikorong kampuang Pili, anak buah angku datuak Sinaro, maujua- malapeh
babarapo urang sumando nyo, masuak ka korong kampuang Koto, anak
buah angku datuak Tunaro, manjapuik marapulai namonyo, japuik ko
16
17
manuruik adaik, ditingkek janjang- ba tapiak bandua, japuik ko japuik tabao-

sarato jo urang nan ka maantakan sapanjang adaik, kok di hambo kato alah
bajawab- gayuang alun basambuik, nan ka buah barinyo ba japuik
kaharibaan mamak jo pasambahan, kan iyo kiro-kiro baitu buah panitahan
ambo tadi…???
St.Sati : iyooolah…!!!
St.Kayo : ambo St.Sati…!!!
St.Sati : Manitahlah mamak…!!!
St.Kayo : Sambah juo tibo kaharibaaan ambo…!!!
St. Sati : Lalukanlah mamak…!!!
St.Kayo : Sapanjang bana nan katangah dari ambo ( sutan) tadi tu, lah dalam adaik
dalam pusako, lah taracak di undang, pun lah tasungkuik di limbago,
batuah sarato nan tuo-tuo lai adok adang pulo ditangah rumah gadang nanko
-di elo kato jo mufakat, mancari nan ka buah barinyo, duduak mananti ambo
jo pasambahan lai ko dalam adaik…sekian sambah kumbali kaharibaan
ambo
St.Sati : Mamak St.Kayo …!!!
St.Kayo : Manitah lah ambo…!!!
St.Sati : Sambah juo tibo ka haribaan ambo…!!!
St.Kayo : Lalukanlah ambo…!!!
St. Sati : Dalam sambah manyambah, buah panitahan mamak tu juo nan di anjuang
tinggi di amba gadang, lah rancak bana tu nyo mamak paiyokan…!!!
St.Kayo : Dek kato lah rancak duduak mananti ambo jo panitahan…!!!
St.Sati : Dinanti malah mamak …!!!
Kemudian mamak St.Kayo mampaiyokan jo mamak nan lain, kalau ada panghulu, kato
putuih oleh panghulu, tapi kalau hanya ada panungkek kato putuih oleh
panungkek.mampaiyokan jo panghulu atau panungkek sama seperti mampaiyokan yang
lain, khusus untuk malapeh anak kamanakan, orang tua marapulai diajak juga
bermusyawarah.ketika pasambahan (panitahan) sampai kepada panghulu (panungkek)
yang akan memberikan kato putuih, jawaban dari panghulu adalah sbb:
Dt.Tunaro : Sapanjang bana nan katangah di mamak tadi, kok di danga lah baiak
bunyi di pandang lah baiak rupo, dek karano parmintaan si alek tu lai manuruik
adaik mako ba pambari lah kito sapanjang adaik, itulah nan ka buah barinyo,
sekian sambah bakeh mamak.
Kalimat : kok di danga lah baiak bunyi – kok di pandang lah baiak rupo, artinya adalah
tidak ada lagi niniak mamak yang di ajak mampaiyokan ( kato putuih), namun demikian
biasanya se orang panghulu atau panungkek yang akan mengambil kato putuih ini
berbasa- basi juga dengan niniak mamak yang lebih tua,atau dengan panghulu yang lain,
kalau ada hadir dalam acara malapeh marapulai.namun kato putuih tetap di tangan
seorang panghulu atau panungkek.niniak mamak atau panghulu yanglain ini hanya
menjawab:”Sapambari se awak tu”Setelah itu baru di kembalikan kepada sbb:
St. Sati : Sutan ( ambo) Tunaro…!!!
St. Sati : Sambah juo di kumbalikan kaharibaan sutan (ambo)…!
St. Sati : Aatolah sambah nan dikumbalikan, kok talambek talalai sutan (ambo)
mananti samantaro kami ba iyo rela jo ma’af mamak mintak,
St.Tunaro : Kapado Allah…!!!
St.Sati : Sapanjang bana nan katangah dari sutan( ambo) tadi tu, kok di mamak lah
bapakaikan manuruik adaik, kok ka bukik alah ba dakikan- ka lurah alah ba
turuni, lah bulek aia ka pambuluah-lah bulek kato jo mufakat, Alhamdulillah
lah dapek bana nan ka buah barinyo- aatolah nan ka buah barinyo: dek
karano parmintaan si alek tu lai manuruik adaik- mako ba pambari malah
17
18
kito sapanjang adaik, itulah sambah nan di kumbalikan ka haribaan sutan

(ambo).
St.Sati : Manitahlah sutan (ambo)…!!!
St.Tunaro : Sambah juo tibo ka haribaan mamak…!!!
St.Sati : Lalukan lah sutan ( ambo)…!!!
St.Tunaro : Aatolah sambah nan ditibokan ka haribaan mamak; sapanjang bana nan ka
tangah di hambo tadi, kok di mamak lah bapakaikan manuruik adaik, di
adaik kato baiyo jalan ba mulah, lah ba jalang niniak mamak panghulu nan
gadang basa batuah sarato nan tuo- tuo nan adok adang di tangah rumah
gadang nanko, kok ka bukik lah mamak dakikan–ka lurah lah mamak turuni,
ka bukik lah dapek angin nan salasai- ka lurah lah dapek aia nan janiah,
dek karano parmintaan si alek lai manuruik adaik, mako ba pambari malah
kito sapanjang adaik, kan iyo kiro-kiro baitu buah panitahan mamak
tadi…???
St.Sati : Iyoolah…!!!
St.Sati : Manitahlah sutan (ambo)…!!!
St.Tunaro : Sambah juo tibo kaharibaan mamak…!!!
St.Sati : Lalukanlah sutan (ambo)…!!!
St.Tunaro : Dek karano nan dijuluak lah lareh nan di japuik lah tabao, lah elok di anta
ka asa nyo tu mamak…!!!
St.Sati : Sarancak nyo bana sutan (ambo)…!!!
St.Tunaro : Singkek ba uleh kurang ba tukuak tu mamak…!!!
St.Sati : Insya Allah …!!!
St.Tunaro : Ba parantian awak lai mak …?!
St. Sati : Sarancak nyo …!!!
Kemudian di kembalikan ke pada si alek sbb:
St.Tunaro : Sambah di kumbalikan ka haribaan ambo…!!!
St.Salin : Lalukan lah ambo…!!!
St.Tunaro :Aatolah sambah nan di kumbalikan ka haribaan ambo, kok talambek
talalai ambo mananti samantaro kami ba iyo, ma’af jo rela hambo minta’
St.Salin : Kapado Allah….!!!
St.Tunaro : Sapanjang bana nan ka tangah di ambo tadi, kok hambo lah bapakaikan
manuruik adaik, di adaik kato baiyo jalan ba mulah, lah ba jalang niniak
mamak panghulu nan gadang basa batuah sarato nan tuo –tuo nan adok
adang di tangah rumah gadang nanko, kok ka bukik lah hambo dakikan–
ka lurahlah hambo turuni, ka bukik lah dapek angin nan salasai- ka lurah lah
dapek aia nan janiah, Alhamdulillah lah dapek nan ka buah barinyo, aatolah
nan ka buah barinyo, dek karano parmintaan si alek lai manuruik adaik,
mako ba pambari malah kami sapanjang adaik, itulah sambah nan di
kumbalikan ka haribaan ambo…!!!
St.Salin : Ambo St.Tunaro…!!!
St.Salin : Sambah juo tibo ka haribaan ambo..!!!
St.Tunaro : Lalukan lah ambo…!!!
St.Salin : Aatolah sambah nan di tibokan ka haribaan ambo ; Sapanjang bana nan ka
tangah di hambo tadi, kok ambo lah bapakaikan manuruik adaik, di adaik
18
19
kato baiyo jalan ba mulah, lah ba jalang niniak mamak panghulu nan
gadang basa batuah sarato nan tuo-tuo nan adok adang di tangah rumah
gadang nanko, kok ka bukik lah ambo dakikan – ka lurah lah ambo turuni,
ka bukik lah dapek angin nan salasai- ka lurah lah dapek aia nan janiah,
dek karano parmintaan kami si alek lai manuruik adaik, mako ba pambari
malah ambo sapanjang adaik, kan iyo kiro – kiro baitu buah panitahan
ambo tadi…?!
St.Tunaro : Iyooo…lah…!!!
St.Tunaro : Manitah lah ambo …!!!
St.Salin : Sambah juo tibo ka haribaan ambo…!!!
St.Tunaro : Lalukan lah ambo …!!!
St. Salin :Karano pintak lah babari kandak lah balaku, sananglah hati manarimonyo,
suruah basiap lah marapulai…!!!.
St.Tunaro kemudian menyuruh marapulai untuk bersiap- siap, setelah itu St.Salin kembali
memulai pasambahan, untuk menanyakan gala dari marapulai, sbb:
St.Salin : Ambo St. Tunaro…!!!

St.Salin : Sambah juo tibo kaharibaan ambo…!!!
St.Tunaro : Lalukanlah ambo…!!!
St.Salin : Aatolah sambah nan ditibokan kaharibaan ambo, pihak ka diri marapulai
iyo juo bak mamang di nan tuo- tuo, pakaian kito nan mudo-mudo: Basaluak
batimbo deta-bakain panjang sahalai-di baok nak rang koto tuo, batanyolah
kami ka nan pangka- sia ko gala marapulai- nak sanang hati mambao, itulah
sambah nan ditibokan kaharibaan ambo.
St.Tunaro : Ambo St.Salin.

St.Salin : Manitah lah ambo.
St.Tunaro : Sambah juo tibo kaharibaan ambo
St.Salin : Lalukanlah ambo…!!!
St.Tunaro : Aatolah nan jadi buah panitahan ambo tadi, pihak ka diri marapulai: iyo juo
bak mamang di nantuo, pakaian kito nan basamo Di dalam Luhak Tanah
data- Rapeklah Basa Ampek balai-Mangaji adaik jo Limbago, Batanyo lah
kami ka si pangka – sia ko gala marapulai- nak sanang hati mambao, kan
iyo- kiro kiro baitu buah panitahan ambo tadi ..???
St.Salin : iyooolah …!!!
St.Tunaro : Sapanjang buah panitahan ambo tadi lah dalam adaik dalam pusako , lah
taracak di undang- pun lah tasungkuik di limbago, bagaipun baitu sakali, dek
karano niniak mamak, sarato jo bako-bakonyo lai adok adang pulo di rumah
gadang nanko , di baok juo kato jo mufakat – mancari nan ka buah barinyo,
duduak mananti ambo dalam panitahan lai ko dalam adaik, sekian sambah
bakeh ambo…!!!
St.Salin : Indak rago ka diulang buah panitahan ambo tadi,dalam sambah manyambah
buah panitahan ambo juo nan di anjuang tinggi- di amba gadang , lah rancak
bana tunyo ambo paiyokan,
St.Tunaro : Dek karano hambo ka pai jo rundiangan, ambo ka tingga jo mupalaik duduak
mananti ambo sakiro-kiro tu…!!!
St.Salin : Asa banamo kain putiah bialah labiah pangguntiangan- asa kandak lai ka
buliah lamo jo lambek kami nantikan…!!!
St. Tunaro : Dek kato lah rancak, duduak mananti ambo sakiro-kiro..?
19
20
Kemudian St. Tunaro mampaiyokan dengan kepada niniak mamak, ninik mamak juga ba
iyo dengan niniak mamak yang lain. Serta dengan bako bako marapulai.sbb:
St. Tunaro : Mamak St. Sati … !!!

St. Sati : Manitah lah sutaan ( ambo ).
St. Tunaro : Sambah tibo kaharibaan mamak…!!!
St. Sati : lalukanlah sutan ( ambo ).
St. Tunaro : Sambah jo titah di pulangkan kapado Allah, bana nan bajapuik kaharibaan
mamak jo pasambahan, aatolah ban nan bajapuik, lah tibo ulak dari si alek
kito nan pai satampuah lalu- pulang sabondong suruik, aatolah nan manjadi
ulak, pihak ka diri marapulai: iyo juo bak mamang di nantuo, pakaian kito
nan basamo, Di dalam Luhak Tanah data- Rapeklah Basa Ampek balai-
Mangaji adaik jo Limbago, Batanyo lah kami ka si pangka sia ko gala
marapulai- nak sanang hati mambao. kok di hambo kato alun bajawab-
gayuang alun basambuik, nan ka buah barinyo ba japuik kaharibaan
mamak jo pasambahan, itulah sambah nan di tibo kan kabakeh mamak…!!!
St. Sati : Sutan ( ambo) Tunaro…!!!.
St. Tunaro : Manitahlah mamak…!!!
St. Sati : Sambah juo tibo kaharibaan sutan ( ambo )..!!!
St. Sati : Aatolah nan jadi buah panitahan sutan ( ambo) tadi ; lah tibo ulak dari si alek
kito nan pai satampuah lalu - pulang sabondong suruik, aatolah nan jadi
ulak, pihak ka diri marapulai: Di dalam Luhak Tanah data- Rapeklah Basa
Ampek balai- Mangaji adaik jo Limbago, Batanyo lah kami ka si pangka sia
ko gala marapulai- nak sanang hati mambao. kok di sutan (ambo) kato alun
bajawab-gayuang alun basambuik, nan ka buah barinyo ba japuik
kaharibaan mamak jo pasambahan, kan iyo kiro –kiro baitu buah panitahan
sutan ( ambo ) tadi…?
St.tunaro : Iyooo… lah.
St. Sati : Sutan (ambo) Tunaro…!!!
St. Sati : Sambah juo tibo kaharibaan sutan (ambo)…!
St. Sati : Sapanjang bana nan katangah dari sutan ( ambo) tadi tu, alah dalam adaik
dalam pusako, alah taracak di undang, pun alah tasungkuik di limbago,
bagaipun baitu sakali karano niniak jo mamak sarato nan tuo-tuo lai adok
adang pulo ditangah rumah gadang nanko - di elo kato jo mufakat,
mancari nan ka buah barinyo, duduak mananti ambo jo pasambahan lai ko
dalam adaik...? Sakian sambah kumbali kaharibaan ambo…!!!
St. Tunaro : Dalam sambah manyambah buah panitahan mamak tu juo nan di anjuang
St. Sati : Dek kato lah rancak, duduak mananti ambo sakiro-kiro..?
St. tunaro : Dinanti sakiro-kiro …!!!
Kemudian St. Sati mampaiyokan dengan niniak mamak yang lain, dalam pemberian gelar
(gala ) ini biasanya niniak mamak mengajukan calon gala dari pusako 2 (dua) buah,
setelah ada calon gala dari pusako niniak mamak menanyakan kepihak bako tentang gelar
(gala) dari bako, caranya sbb:
St.Kayo : Ambo Sidi Bagindo …!!!

Sd.Bagindo : Manitahlah mamak…!!!
St.Kayo : Sambah tibo kaharibaan ambo…!!!
Sd.Bagindo : Lalukanlah mamak…!!!
20
21
St.Kayo : Atolah sambah nan ditibokan ka haribaan ambo pihak ka diri marapulai, kok
ketek iyo lah di bari banamo gadang tantu di bari ba gala, kok di kami di
mamak ka calon gala nyo lai 2 ( duo) , yaitu: St.Palimo jo St.Pangeran kini
mamintak pulo kami ka pihak bako nyo tantang ka calon gala anak
kamanakan kito ko…, itulah sambah nan di tibokan ka haribaan ambo!!!
Sd.Bagindo : Mamak St.kayo….!!!
St.Kayo : Manitahlah ambo Sidi Bagindo…!!!
Sd.Bagindo : Sambah juo tibo ka haribaan mamak…!!!
St.Kayo : Lalukan lah ambo…!!!
Sd.Bagindo : Dahulu kato basitinah kudian kato basicapek, basicapek sajo di jawab buah
panitahan mamak tadi tu, artinyo bana; indak rago ka di ulang buah
panitahan mamak tadi tu, pihak ka gala anak kamanakan kito ko, kok di
mamak lai calon gala 2 ( duo) dari pusako , kini mamintak pulo mamak ka
kami pihak bakonyo, sia ko calon gala anak kamanakan kito ko, kan iyo
kiro-kiro baitu buah panitahan mamak tadi tu
St.Kayo : Iyooo lah…!!!
Sd.Bagindo : Kok di bako nyo lah samupakaik pulo kami tadi ka maagiah gala St.Sati atau
St.Batuah, itu tunyo nan kajawab nyo, sekian sambah di kumbalikan ka
mamak …!!!
St.Kayo : Ambo Sd.Bagindo…!!!
Sd.Bagindo : Manitah lah mamak…!!!
St.Kayo : Sambah juo tibo kaharibaan ambo…!!!
Sd.Bagindo : Lalukanlah mamak…!!!
St. Kayo : Dek karano calon gala lai 4 ( ampek) duo dari pusako duo pulo dari limbago
atau bako , iyo ba hukum awak ka nan mamakai tunyo.
Kemudian dari 4 ( empat ) calon gelar ( gala ) ini di sampaikan kepada marapulai yang
mana yang akan di pakai nya, apabila calon marapulai memilih gala dari pemberian
mamak, gala ini boleh diturunkan kepada anak nya nanti, tapi kalau yang dipilih oleh
marapulai gala limbago ( dari bako), tidak boleh diturunkan kepada anaknya atau diebut
dengan istilah adat : Sapai kuciang- sa hilang ngeong.
Setelah di pilih oleh marapulai, mamak St.Kayo mengembalikan pasambahan kepada
St.Sati, dari St.Sati dikembalikan kepada St.Tunaro di kembalikan kepada si alek sbb:
St.Sati : (Ambo) St.Tunaro…!!!
St.Sati : Sambah juo tibo ka haribaan sutan ( ambo)..!!!
St.Tunaro : Lalukan lah mamak…!!!
St.Sati : Aatolah sambah nan di tibokan ka haribaan sutan (ambo) ; kok talambek
talai (ambo ) sutan dek mananti rela jo ma’af mamak mintak. Sapanjang
bana nan ka tangah dari sutan ( ambo) tadi, kok di mamak lah bapakaikan
manuruik adaik, di adaik kato baiyo jalan ba mulah, lah ba jalang niniak
mamak panghulu nan gadang basa batuah sarato nan tuo sarato jo bako-
bakonyo nan adok adang di tangah rumah gadang nanko, kok ka bukik lah
mamak dakikan – ka lurah lah mamak turuni, ka bukik lah dapek angin nan
salasai- ka lurah lah dapek aia nan janiah, Alhamdulillah lah dapek nan ka
buah barinyo, aatolah nan ka buah barinyo, pihak ka diri maarapulai, ketek
di bari banamo Ismet gadang di bari bagala St.Pangeran kok basuo di
labuah nan golong – tapian nan rami , di desa nan ba dusun di nagari nan ba
jorong atau di alek jamu sarupo kini, ko St.Pangeran lah ka di himbaukan
galanyo, limbak nan dari pado itu kok lai nan ka tukuak tambahnyo iyo ba
ilmu St.Tunaro tantang itu, sekian sambah di kumbalikan ka haribaan sutan (
ambo).
St.Sati : Manitahlah (ambo) sutan Tunaro…!!!
St.Tunaro : Sambah juo tibo kaharibaan mamak…!!!
21
22
St.Sati : Lalukanlah ( ambo )sutan…!!!

St.Tunaro : Sapanjang bana nan katangah nan dari hambo tadi kok di mamak lah
bapakaikan manuruik adaik, di adaik kato baiyo- jalan ba mulah, ka bukik
lah mamak dakikan – ka lurah lah mamak turuni, Alhamdulillah lah dapek
nan ka buah baarinyo, aatolah nan k buah barinyo, pihak ka diri marapulai
ketek diagiah banamo Ismet, gadang mamak agiah gala St.Pangeran, kok
basuo di labuah nan golong – tapian nan rami, di desa nan ba dusun- nagari
nan ba jorong atau di alek jamu sarupo kini St.Pangeran lah ka dihimbaukan,
limbak nan dari pado itu kok lai nan ka tukuak tambah nyo ba ilmu
st.Tunaro tantang itu , kan iyo kiro-kiro baitu buah panitahan mamak tadi ...?
St.Sati : iyoo…lah..!!!
St.Tunaro : Indak do lai mak karano nan di japuik lah tabao- nan di mintak lah babari lah
elok di antakan ka asa nyo tu mak..!!!
St.Sati : Sarancak nyo bana…!!!
St.Tunaro : Singkek bauleh- kurang ba tukuak mamak …!!!
St.Sati : Insya Allah…!!!
Kemudian St.Tunaro mengembalikan kepada si alek,
St.Tunaro : ambo St.Salin…!!!
St.Tunaro : aatolah sambah nan dikumbalikan ka haribaan ambo,kok talambek talalai
ambo mananti samantaro kami ba iyo rela jo ma’af hambo mintak.
St.Salin : kapado Allah…!!!
St.Tunaro : Sapanjang bana nan katangah nan dari ambo tadi kok di hambo lah
lah hambo dakikan – ka lurah lah hambo turuni, Alhamdulillah lah dapek
nan ka buah barinyo, aatolah nan ka buah barinyo, pihak ka diri marapulai
ketek diagiah banamo Ismet, gadang di agiah gala St.Pangeran, kok basuo di
labuah nan golong – tapian nan rami, di desa nan ba dusun- nagari nan ba
jorong atau di alek jamu sarupo kini St.Pangeran lah ka dihimbaukan,alah ko
sanang hati ambo mambao, itulah sambah nan di kumbalikan ka haribaan
ambo…!!!
St.Salin : ambo St.Tunaro…!!!
St.Tunaro : Manitahlah ambo...!!1
St.Tunaro : Lalukanlah ambo …!!!
St. Salin : Sapanjang bana nan katangah nan dari hambo tadi kok di ambo lah
lah ambo dakikan – ka lurah lah turuni , ka bukik lah dapek angin nan
salasai- ka lurah lah dapek aia nan janiah lah bulek aia ka pambuluah lah
bulek kato jo mupakaik, Alhamdulillah lah dapek nan ka buah barinyo,
aatolah nan ka buah barinyo, pihak ka diri marapulai ketek diagiah banamo
Ismet, gadang mamak agiah gala St.Pangeran, kok basuo di labuah nan
golong – tapian nan rami, di desa nan ba dusun- nagari nan ba jorong atau di
alek jamu sarupo kini St.Pangeran lah ka dihimbaukan, kan iyo kiro-kiro
baitu buah panitahan ambo tadi …?!
St.Tunaro : iyoo…lah..!!!
St.Salin : Indak do lai ambo karano nan di japuik lah tabao- nan di mintak lah babari
sanang lah hati kami mambaok…, suruah basagirolah marapulai .!
Kemudian St.Tunaro memanggil kembali St.Salin, karena dalam panitahan dari mamak
St.Sati tadi ada pesan nan ta sirek, yaitu: limbak nan dari pado itu kok lai tukuak tambah
nyo ba ilmo St.Tunaro tanatang itu, artinya:St.Tunaro diminta untuk minta ma’af ka si
alek kalau ada yang kurang berkenan dalam acara ini, caranya sbb:
22
23

St.Tunaro : Sambah juo tibo ka haribaan ambo…!!!
St.Tunaro : aatolah sambah nan ditibokan ka haribaan ambo, tantang 2 (duo) parkaro,
partamo tantangan duduak kok iyo jujua- kok iyo pangkua aturan katapi kok
katangah- aturan katangah kok katapi, kok indak duduak di kaduduak an nyo
manuruik adaik, dek karano rumah basampik-sampik, lagi urang sumando
baduo- batigo manduduak an, ka duo pihak hidangan nan katangah, kok
kurang sa asam sagaramnyo – kok kurang salauak sapauak nyo, kami ateh
namo silang nan bapangka- karajo nan bapokok, minta rela jo ma’af
kahadapan si alek nan pai satampuah lalu pulang sabondong suruik sarato
niniak mamak panghulu nan gadang basa batuah, sarato nan tuo-tuo maliputi
sanak jo sudaro nan adauak adang di ateh rumah gadang nanko, itulah
sambah nan di tibokan kaharibaan ambo…!!!
St.Salin : ambo St.Tunaro…!!!
St.Tunaro : Manitahlah ambo...!!1
St.Tunaro : Lalukanlah ambo …!!!
St.Salin : Aatolah nan jadi buah panitahan ambo tadi, tantangan 2 (duo) parkaro,
sanak jo sudaro nan adauak adang di ateh rumah gadang nanko, kan iyo kiro
– kiro baitu buah panitahan ambo tadi…?!
St.Tunaro : Iyooo….lah…!!!
St.Salin : ambo Tunaro…!!!
St. Tunaro : Manitah lah ambo…!!!
St. Salin : Sambah juo tibo kaharibaan ambo…!
St. Tunaro : Lalukanlah ambo…!!!
St. Salin : Sapanjang bana nan katangah dari ambo tadi tu, alah dalam adaik dalam
baitu sakali karano kami si alek nan datang kamari nanko lai baduo jo batigo
di cari kato jo mufakat, mancari nan ka buah barinyo, duduak mananti ambo
jo pasambahan lai ko dalam adaik...? Sakian sambah kumbali kaharibaan
ambo
St. Tunaro : Dalam sambah manyambah buah panitahan ambo tu juo nan di anjuang
St. Salin : Dek kato lah rancak, duduak mananti ambo sakiro-kiro..?
St. tunaro : Dinanti sakiro-kiro …!!!.
Kemudian St.Salin secara berbisik menyampaikan isi panitahan St.Tunaro keoada si alek
yang lain, setelah dapat kesepakatan baru di pulangkan kembali kepada St.Tunaro,

St.Salin : Sambah di kumbalikan ka haribaan ambo…!!!
23
24
St.Salin : aatolah sambah nan dikumbalikan ka haribaan ambo,kok talambek talalai

St.Tunaro : kapado Allah…!!!
St.Salin : Sapanjang bana nan katangah nan dari ambo tadi kok di hambo lah
nan ka buah barinyo, aatolah nan ka buah barinyo, partamo tantangan
duduak; kok nan tuo alah di tapi, nan mudo alah di tangah, alah tasanda di
tabiangnyo- alah tadacak di kudonyo, iyo alah duduak di kaduduak an nyo
manuruik adaik, kaduo; tantang hidangan nan katangah alah sa asam
sagaramnyo- alah salauak sapauknyo, ka duo-duonyo alah salamaik
samparono alah ko sanang hati ambo…???, itulah sambah nan di
kumbalikan kaharibaan ambo …!!!
St.Tunaro : Ambo St.Salin …!!!
St.Tunaro : Sapanjang bana nan katangah nan dari hambo tadi kok di ambo lah
lah ambo dakikan – ka lurah lah ambo turuni, Alhamdulillah lah dapek nan
ka buah barinyo, aatolah nan ka buah barinyo, partamo tantangan duduak;
kok nan tuo alah di tapi, nan mudo alah di tangah, alah tasanda di
samparono alah ko sanang hati ambo, kan iyo kiro-kiro baitu buah panitahan
ambo tadi …?!
St.Salin : Iyooo….lah…!!!
St.Tunaro : Dek karano pintak lah babari kandak alah balaku, iyo lah sanang hati kami.
Kemudian St.Salin memanggil St.Tunaro, sebelum pasambahan dihentikan, sbb;

St.salion : Sambah juo tibo kaharibaan ambo…!!!
St.Salin : Atolah sambah nan di tibokan ka haribaan ambo,iyo juo bak pituah urang
tuo-tuo, kok mangati samo barek- ma ukua samo panjang-ibaraik dagang
batimbalan, kami si alek nan datang satampuah lalu- pulang sabondong
suruik, capek kaki kok manaruang- ringan tangan kok mamacah,
tasingguang rago ka naiak- talantuang rago ka turun iyo mintak rela jo ma’af
ka hadapan silang nan ba pangka karajo nan bapokok itulah sambah nan di
tibokan kaharibaan ambo…!!!
St.Tunaro : Tando mukasuik nan lah jadi – nan di ama lah pacah samo di amakan sajo
tunyo ambo…!!!
St.Salin : Murai banamo murai batu-rintang mancotok-cotok buiah-tabang maraok ka
surian; kandak ambo alah balaku- kandak kami pun alah buliah alah ko elok
kito baparantian …???
St.Tunaro : Si Upiak si kambang manih – malenggok lalu ka tapian,
Sadang rancak –sadang manih, iyo lah rancak bana kito ba parantian.
Setelah selesai acara di rumah marapulai ( laki-laki), kemudian marapulai diantarkan oleh
urang sumando ke rumah pengantin perempuan, di Balingka yang menjemput marapulai
adalah urang sumando, yang jumlah nya paling kurang 3 ( tiga ) orang, dan paling banyak
6 ( enam ) orang, sedang kan yang menghantarkan terdiri dari urang sumando juga di
24
25
tambah dengan niniak mamak dari pihak laki-laki, gunanya untuk meng ingatkan rang
sumando supaya menitipkan marapulai ke pihak keluarga wanita jumlah yang
menghantarkan ini biasanya lebih 2 (dua ) atau 3 ( tiga ) orang dari jumlah yang
menjemput, dan tidak boleh kurang dari yang menjemput
Bukittinggi, April 2007

Penyusun
( Id Oeska Sd.mangkuto
4.PASAMBAHAN MENITIPKAN MARAPULAI
( DI RUMAH ANAK DARO )
Setelah marapulai di antarkan ke rumah anak daro, silang nan bapangka (rang sumando)
yang menjemput tadi kemudian mempersilahkan marapulai dan yang mengantarkan duduk,
kemudian menghidangkan makanan, setelah selesai menghidangkan meminta kepada si
alek untuk makan, cara nya sama dengan yangtelah dilaksanakan di rumah pihak laki-laki
tadi, setelah selesai makan kemudian pihak yang mengantarkan memulai pasambahan,
yaitu : pasambahan ka pulang sekaligus menitip kan marapulai ke pihak tuan rumah
caranya sbb:
St. Tunaro : Sungguhpun nan baduo - batigo Panghulu ini bakeh hambo
manyambahkan sambah, nak sarapeknyolah niniak-mamak panghulu nan
gadang basa batuah sado nan hadir di rumah gadang nanko bakeh hambo
manyambahkan sambah,Indak di atok namo- dibilang gala nak jo sambah
lah hambo muliakan. Kamudian dari pado pangkaik Panghulu di piliah - di
Imam di khatib - di nan baiak - di nan mulia - di nan gadang basa batuah di
juaro karapatan nak sakalilah hambo manyambahkan sambah. Sambah tibo
ka panghulu – salam tibo ka tuanku - buah pasambahan di tibokan ka ambo
St. Salin...!!!
St. Salin : Manitahlah ambo St.Tunaro…!, kemudian merapikan pakaian dan minta
izin kekiri dan kekanan, (kurang mintak ditukuaksingkek mintak diuleh),
setelah itu menjawab kembali sbb:
: Lalukanlah ambo…!!!
St. Tunaro : Sambah tibo kaharibaan ambo…!!!
St. Salin : Lalukanlah…ambo…!!!
St. Tunaro : Apotolah sambah nan ditibokan ka bakeh ambo, Ba bunyi gandang dari Buo-
ma arak basa ampek balai-manuju galanggang lenggogeni, sananglah hati
kiro-kiro, karano mukasuik nan lah sampai-nan di angan pun lah jadi, tando
mukasuik nanlah sampai- nan di angan nan lah jadi,kok makan lah tibo di
nan kanyang, minumlah taraso sajuak, maisok alah sabatang duo- duduak
pun alah sakiro-kiro, kok marapulai nan ambo bajapuik alah tabao, lah tibo
di rumah tanggonyo, ba-a tunyo kini lai, di caliak kapado hari-ditinjau
kapado maso, hari lah batambah laruik juo,kami di ateh namo si alek nan pai
satampuah lalu-pulang sabondong suruik,duduak iyo nak maurak selo-tagak
nak ma ayun langkah, nak pulang ka rumah masiang-masiang, sado iyo
mintak dilapeh jo hati nan suci muko nan janiah, itulah sambah nan
ditibokan kabakeh ambo…!!!
St. Salin : Ambo St.Tunaro..!
St. Tunaro : Manitahlah ambo St.Salin
St. Salin : Sambah juo tibo kaharibaan ambo…!!!
St. Tunaro : Lalukanlah ambo …!!!
St. Salin : Sungguhpun ambo surang bakeh hambo manyambahkan sambah, nak
25
26
sarapeknyo lah niniak-mamak- Panghulu nan Gadang Basa Batuah

hambo muliakan, kamudian bukan toh hambo raso ka malampau ka
malinteh- di hadapan niniak dengan mamak, dek karano alah kato jo
mufakat, dari ambo tabiknyo sambah, manjawek buah panitahan
hambo.Sambah kumbali kaharibaan ambo.
St. Tunaro : Lalukan lah…. Ambo …!!!
St. Salin : Apotolah nan manjadi buah panitahan dari ambo tadi tu – Ba bunyi gandang
dari Buo- ma arak basa ampek balai- manuju galanggang lenggogeni,
sananglah hati kiro-kiro, karano mukasuik nan lah sampai-nan di angan pun
lah jadi, tando mukasuik nanlah sampai- nan di angan nan lah jadi, kok
makan lah tibo di nan kanyang, minumlah taraso sajuak, maisok alah
sabatang duo- duduak pun alah sakiro-kiro, kok marapulai nan ambo
bajapuik alah tabao, lah tibo di rumah tanggonyo, ba-a tunyo kini lai, di
caliak kapado hari-ditinjau kapado maso, hari lah batambah laruik juo,kami
di ateh namo si alek nan pai satampuah lalu-pulang sabondong
suruik,duduak iyo nak maurak selo-tagak nak ma ayun langkah, nak pulang
ka rumah masiang-masiang, sado iyo mintak dilapeh jo hati nan suci muko
nan janiah, kan iyo kiro- kiro buah panitahan ambo tadi tu …?!
St. Tunaro : Iyo…lah …!!!
St. Salin : Ambo St.Tunaro …!!!
St. Tunaro : manitahlah ambo…!!!
St. Salin : Sambah juo tibo kaharibaan ambo.!!!
St. Tunaro : Lalukanlah ambo…!!!
St. Salin : Sapanjang bana nan katangah dari ambo tadi tu, alah dalam adaik dalam
tinggi- di amba gadang-lah rancak bana ambo pariyokan…!!
St. Tunaro : Dinanti sakiro-kiro …!!!.
Kemudian St. Salin mampaiyokan dengan sumando yang lain, boleh juga langsung
kepada niniak mamak, ninik mamak juga ba iyo dengan niniak mamak yang lain, setelah
dapat jawaban dari niniak mamak,kemudian baru dikembalikan kepada sialek,

nan ka buah barinyo, aatolah nan ka buah barinyo, kayu gadang ditangah
koto-urek nyo tampek baselo-batangnyo tampek basanda, daunnyo tampek
balinduang, rumah gadang tampek bamalam, di sinan rumah – disiko rumah,
26
27
di siko sajolah kito bamalam samalam nanko, barisuak kito pulang basamo-
samo, itulah sambah nan di kumbalikan kaharibaan ambo …!!!
St.Tunaro : Ambo St.Salin …!!!
ka buah barinyo, aatolah nan ka buah barinyo, kayu gadang ditangah koto-
urek nyo tampek baselo-batangnyo tampek basanda, daunnyo tampek
balinduang, rumah gadang tampek bamalam, di sinan rumah – disiko rumah,
di siko sajolah kito bamalam samalam nanko, barisuak kito pulang basamo-
samo, kan iyo kiro-kiro baitu buah panitahan ambo tadi ?
St.Tunaro : ambo st.Salin…!!!
St. Salin : manitahlah ambo…!!!
St.Tunaro : sambah juo tibo kaharibaan ambo…!!!
St. Salin : lalukanlah ambo…!!!
St.Tunaro : Kok nan ka bamalam, bialah marapulai nan bagala st.Pangeran, kami sialek
nan pai satampuah lalu- pulang sabondong suruik mintak di lapeh juo jo hati
nan suci muko nan janiah, itulah sambah nan ditibokan ka haribaan
ambo…!!!
St.Salin : ambo st.tunaro…!!!
St.Tunaro : manitahlah ambo…!!!
St.Salin : sambah juo tibo kaharibaan ambo…!!!
St.Tunaro : lalukanlah ambo…!!!
St. Salin : dek lah sakuaso tu smbo msmintak, kami lapeh malah jo hati nan suci muko
nan janiah…!!!
Kemudian St.Tunaro memanggil kembali St.Salin, untuk menitipkan marapulai sbb:
St. Tunaro : ambo St.Salin…!!!

St.Salin : manitahlah ambo…!!!
St.Tunaro : aatolah sambah nan ditibokan ka haribaan ambo…, iyo juo bak pituah urang
tuo-tuo, takalok biaso kamalingan – lupo biaso katinggalan, pihak ka diri
marapulai, nan bagala St.Pangeran, kok umua baru satahun jaguang,-- datrah
baru satampuak pinang, tinggi tababaok di rueh- gapuak tabaok di lamak,
sakali alun duo kali balun, baru sakali nanko barumah tanggo, kok kabukik
mintak di baok samo mandaki- kalurah mintak di baok samo manurun,
mandapek samo balabo kahilangan samo marugi, mintak di baok sahilia-
samudiak, saiyo sakato- jo niniak jo mamak –sarato nan tuo- tuo, sarato jo
urang sumando di korong kampuang nan kok pasan nan indak ka baturuik-i,
pitaruah nan indak bahunyikan, itulah sambah nan ditibokan kaharibaan
ambo…!!!
St. Salin : ambo…St.Tunaro…!!!
St.Tunaro : manitahlah ambo …!!!
St.Salin : sambah juo tibo kaharibaan ambo…!!!
St. Salin : aatolah nan jadi buah panitahan ambo tadi; iyo juo bak pituah urang tuo-tuo,
takalok biaso kamalingan – lupo biaso katinggalan, pihak ka diri marapulai,
nan bagala St.Pangeran, kok umua baru satahun jaguang,-- datrah baru
satampuak pinang, tinggi tababaok di rueh- gapuak tabaok di lamak, sakali
alun duo kali balun, baru sakali nanko barumah tanggo, kok kabukik mintak
27
28
di baok samo mandaki- kalurah mintak di baok samo manurun, mandapek

samo balabo kahilangan samo marugi, mintak di baok sahilia- samudiak,
saiyo sakato- jo niniak jo mamak –sarato nan tuo- tuo, sarato jo urang
sumando di korong kampuang nan ko.pasan nan indak ka baturuik-i,
pitaruah nan indak bahunyikan, kan iyo kiro- kiro baitu buah panitahan
ambo tadi…?!
St.Tunaro : iyooo…lah…!!!
St. Salin : ambo st.Tunaro…!!!
St.Tunaro : manitahlah ambo ambo
St.Salin : sambah juo tibo ka haribaan ambo…!!!
St. Salin : Sapanjang bana nan katangah dari ambo tu, alah dalam adaik dalam pusako,
alah taracak di undang, pun alah tasungkuik di limbago, bagaipun baitu
sakali karano niniak mamak panghulu nan gadang basa batuah sarato nan
tuo-tuo lai adok adang pulo ditangah rumah gadang nanko - di elo kato jo
mufakat, mancari nan ka buah barinyo, duduak mananti ambo jo
tinggi- di amba gadang-lah rancak bana ambo pariyokan…!!
St. Tunaro : Dinanti sakiro-kiro …!!!.
Kemudian St. Salin mampaiyokan dengan sumando yang lain, boleh juga langsung
kepada niniak mamak, ninik mamak juga ba iyo dengan niniak mamak yang lain, setelah
dapat jawaban dari niniak mamak ,kemudian baru dikembalikan kepada sialek,

nan bagala st.Pangeran, Insya Allah lai ka kami baok sahilia- samudiak ,
saiyo – sakato jo niniak jo mamak sarato jo nan tuo- tuo, sarato jo urang
sumando di korong kampuang nanko…alah kasanang hati ambo, itulah
sambah nan dikumbalikan kaharibaan ambo…!!!
St.Tunaro : ambo st.Salin…!!!
St.Salin : manitahlah ambo …!!!
St.Tunaro : sambah juo tibo kaharibaan ambo…!!!
St. Salin : lalukanlah ambo…!!!
nan bagala st.Pangeran, Insya Allah lai ka di baok sahilia- samudiak , saiyo
– sakato jo niniak jo mamak sarato jo nan tuo- tuo, sarato jo urang sumando
di korong kampuang nanko…alah kasanang hati ambo, kan iyo kiro- kiro
baitu buah panitahan ambo tadi…?!
St.Salin : iyooo…lah…!!!
28
29
St.Tunaro : indak do lai ambo…. Karano pintak lah babari kandak lah balaku, sanang lah
hati manarimonyo….!!!
Kemudian St Salin memanggil kembali St.Tunaro, untuk miminta ma’af kalau ada yang
kurang berkenan di hati caranya sama seperti yang di rumah marapulai tadi, yaitu sbb:
St. Salin : Ambo St.Tunaro…!!!

St. Salin : Sambah juo tibo ka haribaan ambo…!!!
St. Salin : aatolah sambah nan ditibokan ka haribaan ambo, tantang 2 (duo) parkaro,
sanak jo sudaro nan adauak adang di ateh rumah gadang nanko, itulah
sambah nan di tibokan kaharibaan ambo…!!!
St.Tunaro : ambo St.Salin…!!!
St. Salin : Manitahlah ambo...!!1
St.Tunaro : Sambah juo tibo kaharibaan ambo…!!!
St. Salin : Lalukanlah ambo …!!!
St.Tunaro : Aatolah nan jadi buah panitahan ambo tadi, tantangan 2 (duo) parkaro,
sanak jo sudaro nan adauak adang di ateh rumah gadang nanko, kan iyo kiro
–kiro baitu buah panitahan ambo tadi…?!
St. Salin : Iyooo….lah…!!!
St.Tunaro : ambo Tunaro…!!!
St. Salin : Manitah lah ambo…!!!
St. Tunaro : Sambah juo tibo kaharibaan ambo…!
St. Tunaro : Sapanjang bana nan katangah dari ambo tadi tu, alah dalam adaik dalam
baitu sakali karano kami si alek nan datang kamari nanko lai baduo jo batigo
di cari kato jo mufakat, mancari nan ka buah barinyo, duduak mananti ambo
jo pasambahan lai ko dalam adaik...? Sakian sambah kumbali kaharibaan
ambo
St. Salin : Dalam sambah manyambah buah panitahan ambo tu juo nan di anjuang
St.Tunaro : Dek kato lah rancak, duduak mananti ambo sakiro-kiro..?
29
30
Kemudian St.Tunaro secara berbisik menyampaikan isi panitahan St.Salin kepada si alek
yang lain, setelah dapat kesepakatan baru di pulangkan kembali kepada St.Salin,
St.Tunaro : aatolah sambah nan dikumbalikan ka haribaan ambo,kok talambek talalai
St. Salin : kapado Allah…!!!
St. Tunaro : Sapanjang bana nan katangah nan dari ambo tadi kok di hambo lah
nan ka buah barinyo, aatolah nan ka buah barinyo, partamo tantangan
duduak; kok nan tuo alah di tapi, nan mudo alah di tangah, alah tasanda di
samparono alah ko sanang hati ambo…???, itulah sambah nan di
kumbalikan kaharibaan ambo …!!!
St. Salin : Ambo St. Tunaro …!!!
St. Salin : Sambah juo tibo ka haribaan ambo…!!!
St. Salin : Sapanjang bana nan katangah nan dari hambo tadi kok di ambo lah
ka buah barinyo, aatolah nan ka buah barinyo, partamo tantangan duduak;
kok nan tuo alah di tapi, nan mudo alah di tangah, alah tasanda di
samparono alah ko sanang hati ambo, kan iyo kiro-kiro baitu buah panitahan
ambo tadi …?!
St.Tunaro : Dek karano pintak lah babari kandak alah balaku, iyo lah sanang hati kami.
Kemudian St.Tunaro memanggil St.Salin, sebelum pasambahan dihentikan, sbb;
St. Tunaro : Ambo St.Salin…!!!

St. Tunaro : Sambah juo tibo kaharibaan ambo…!!!
St. Tunaro : Atolah sambah nan di tibokan ka haribaan ambo,iyo juo bak pituah urang
tuo-tuo, kok mangati samo barek- ma ukua samo panjang-ibaraik dagang
batimbalan, kami si alek nan datang satampuah lalu- pulang sabondong
suruik, capek kaki kok manaruang- ringan tangan kok mamacah,
tasingguang rago ka naiak- talantuang rago ka turun iyo mintak rela jo ma’af
ka hadapan silang nan ba pangka karajo nan bapokok itulah sambah nan di
tibokan kaharibaan ambo…!!!
St.Salin : Tando mukasuik nan lah jadi – nan di ama lah pacah samo di amakan sajo
tunyo ambo…!!!
30
31
St. Tunaro : Murai banamo murai batu-rintang mancotok-cotok buiah-tabang maraok ka

surian; kandak ambo alah balaku- kandak kami pun alah buliah alah ko elok
kito baparantian …???
St. Salin : Si Upiak si kambang manih – malenggok lalu ka tapian,
Sadang rancak –sadang manih, iyo lah rancak bana kito ba parantian.
St.Tunaro : lah cukuik batu ka sandi rumah- manunggu tukang hanyo lai …
Lingkuik lapiak- sapulah rumah- assalamu’alaikam panyudahi…
St.Salin : Pahambatan ba pincuran padusi- koto hilalang ba tapian.
Salamaik jalan darikami- salamaik sampai ka tujuan,
wa’alaikum salam warahmatullahi wa barakatu…
Bukittinggi, Januari 2006.
Penyusun
Id Oeska Sd.Mangkuto
31

Pas - Manjapuik Marapulai

Diunggah oleh

Informasi Dokumen

Judul Asli

Hak Cipta

Format Tersedia

Bagikan dokumen Ini

Bagikan atau Tanam Dokumen

Opsi Berbagi

Apakah menurut Anda dokumen ini bermanfaat?

Apakah konten ini tidak pantas?

Hak Cipta:

Format Tersedia

Pas - Manjapuik Marapulai

Diunggah oleh

Hak Cipta:

Format Tersedia

PASAMBAHAN MANJAPUIK ANTA MARAPULAI

DI RUMAH MARAPULAI (LAKI-LAKI)

1. PASAMBAHAN KA MAKAN ( DI RUMAH MARAPULAI).

St.Tunaro : Mamak St.Sati …!!!

St.Tunaro : Mamak…St.Sati !!!

St.Sati : Manitahlah sutan (ambo ).

St.Sati : Sutan Tunaro … !!!

St.Sati : Sutan Tunaro…!!!

St. Batuah : Manitah lah mamak…!!!

St.Sati : Kapado Allah ..!!!

St.Sati kemudian mengembalikan pasambahan kepada pihak sumando yang mananyakan

St.Sati : ( ambo) Sutan Tunaro…!!!

St.Tunaro : Sambah juo tibo kaharibaan mamak…!!! (tangan diangkat).

St.Sati : Lalukanlah sutan (ambo) …!!! (tangan diangkat).

2. PASAMBAHAN MAMPABASOKAN HIDANGAN.

Dt.Tunaro : Manitahlah sutan.

St.Salin : Ambo St.Mudo

St.Mudo : Ambo … St. Salin…!!!

Kemudian St. Salin mengembalikan pasambahan kepada St Tunaro, sbb:

St.Salin : Ambo St. St.tunaro…!!!

St.Salin : Sambah dikumbalikan kabakeh ambo…!!! ( tangan diangkat)

Kemudian St.Tunaro mampaiyokan jo niniak mamak nan ado, sbb:

St.Tunaro : Mamak St.Sati…!!!

Kemudian mamak St.Sati mampaiyokan nyo jo (punungkek) sbb:

Kemudian mamak st.Kayo ( panungkek) mampaiyokan pula dengan niniak mamak

Kemudian St.Sati mengembalikan pasambahan kepada St.Tunaro, sbb:

St.Sati : ( ambo) Sutan Tunaro…!!!

Kemudian St.Tunaro mengembalikan pasambahan kepada St.Salin, sbb:

St.Tunaro : Ambo St.Salin…!!!

3. PASAMBAHAN MANJAPUIK MARAPULAI

ditingkek janjang- ba tapiak bandua, japuik ko japuik tabao- sarato jo urang

manuruik adaik, ditingkek janjang- ba tapiak bandua, japuik ko japuik tabao-

kito sapanjang adaik, itulah sambah nan di kumbalikan ka haribaan sutan

St.Salin : Ambo St. Tunaro…!!!

St.Tunaro : Ambo St.Salin.

St. Tunaro : Mamak St. Sati … !!!

St.Kayo : Ambo Sidi Bagindo …!!!

St.Sati : Lalukanlah ( ambo )sutan…!!!

St.Tunaro : Ambo St.Salin…!!!

St.Salin : Ambo St.Tunaro…!!!

St.Salin : aatolah sambah nan dikumbalikan ka haribaan ambo,kok talambek talalai

Kemudian St.Salin memanggil St.Tunaro, sebelum pasambahan dihentikan, sbb;

St.Salin : Ambo St.Tunaro…!!!

Bukittinggi, April 2007

sarapeknyo lah niniak-mamak- Panghulu nan Gadang Basa Batuah

St.Salin : Ambo St.Tunaro…!!!

Kemudian St.Tunaro memanggil kembali St.Salin, untuk menitipkan marapulai sbb:

St. Tunaro : ambo St.Salin…!!!

di baok samo mandaki- kalurah mintak di baok samo manurun, mandapek

St.Salin : Ambo St.Tunaro…!!!

St. Salin : Ambo St.Tunaro…!!!

Kemudian St.Tunaro memanggil St.Salin, sebelum pasambahan dihentikan, sbb;

St. Tunaro : Ambo St.Salin…!!!

St. Tunaro : Murai banamo murai batu-rintang mancotok-cotok buiah-tabang maraok ka

Bukittinggi, Januari 2006.

Anda mungkin juga menyukai