BATISKU

Ulahan; MUTTAKIAH,S.Pd

Wayah basubuhan hayam batungkuak kung…kuruyuk….mahabarakan ari panambayan

subuh.matahari bamula bacunggul. Si Utuh basiap handak mandi habis ngitu makan tulak ae

lagi kasakulahan. Si Utuh nginih hajin di antaraakan nang abah kasakulahan. Pas hari ngitu

nang abah kada kaubar maantarakan si utuh kasakulahan . Tulak ai si utuh kasakulahan

saurangan basapida tinjak until ampun nang abah.lawas maninjak sapida kadalawas sampai jua

disakulahan. Inya balajar wan karamian banar bagayaan wan kakawanannya.

Ari panas mambarangat kakanakan rahat bulikan sakulah, asing – asingnya bahancap

maninjak sapida tamasuk si Utuh. Si Utuh nginih ngaran arinya liwar panas inya mayubarang

kartak kada balilihat kakiwa kakanan.rahatan manyubarang si Utuh di rumpak sapida mutur

brok …… prak….., rabah si utuh balaluka awak wan batisnya badarah - darah .

Habut banar orang sakampungan melihat si utuh rabah kacalakaan. Banyak banar yang

mendatangi si utuh.Habis ngituh langsung ae si utuh di bawa karumah sakit yang

taparak.Sakalinya pas di periksa duktir batis si utuh patah,tulangnya ramuk.harus di tatak

sabalah.

Bahari - hari Si utuh kada mau batamuan lawan siapa haja nang mailangi Inya di rumah sakit.

Inya masih kapikiran batisnya. Rasa nang kaya mimpi, kakanak nang masih banyak baisi cita-cita wan

kahandak nitu wahini kada baisi batis sabalah lagi. . sabarataan marasa sadih wan jua maras malihat

si utuh hilang sumangatnya. Imbah nintu timbul usulan handak bakumpulan manukarakan kursi roda

gasan si utuh.

Akhirnya si utuh mandapat kursi roda. Hari tarus barlalu sampai minggu atawa bulan si utuh

menyadari dangan kaadaannya nang kaya nginih, Inya manarima dangan lapang dada kanyataan hidup

nang manimpanya. Si utuh bahagia banar karana inya disayangi banar ulih abah mamanya, bahkan

kaluarga lainnya.