Ngiring Arsayang pisuguh titiang amatra sane sampun sayaga ring ajeng ngiring durusang (jika

ada konsumsi)

Sinambi ida dane ngarsayang pisuguh sane mangkin jagi aturang titiang sesolahan sekar jagat.
Majeng ring para panitia, durusang.

Inggih wantah kadi asapunika sesolahan sane prasida katur, mungguing kekirangan ipun,
ampurayang..

Ida dane sareng sinamian, sadurung acarane pacang kelaturang, pinih riin jagi wacen titiang
dudonan acarane sekadi mangkin,
Acara kapertama inggih punika pamahbah
Acara kaping kalih sambutan saking Perbekel Desa Kintamani, ngelantur sambutan saking kelian
Desa adat Desa Kintamani, raris sambutan saking Koordinator Mahasiswa KKN PPM XI Desa
Kintamani Universitas Udayana Warsa Kalih Tali Molas. Acara kaping tiga jagi aturang titiang
sesolahan Condong saking murid-murid SD 2 Kintamani, Acara Kaping pat penyerahan plakat,
Acara kaping lima pemuput.
Inggih wantah kadi asapunika dudonan acara sane prasida katur.
Sane mangkin jagi riiinin titiang ring acara kapertama inggih punika pemahbah. Kaping ajeng
para sulinggih sane suciang lan subaktinin titiang, Bapak Perbekel Desa Kintamani sane
Kusumayang titiang, Bapak Kelian Desa Adat kintamani sane kusumayang titiang, para
undangan sane wangiang titiang, lan ida dane sareng sami sane prasida rauh ring rahinane sekadi
mangkin sane banget tresna asihin titiang.
Om Swastyastu
Kaping ajeng titiang ngaturang suksmaning manah ring sepengrauh ida dane sinamian semaliha
geng rena pengampura lungsur titiang duaning genahe nyanggra ida dane wantah kadi asapuniki
kewentenane dumogi ledang ngampurayang.
Ida dane sareng sinamian, saking sweca Ida Sang Parama Wisesa mawastu iraga sareng sinamian
prasida mepupul ring rahinane sekadi mangkin, inggih punika wuku Merakih warsa kalih tali
molas jagi ngemargiang acara Perpisahan KKN PPM XI/PPD 74 Desa Kintamani.

Inggih wantah kadi asapunika pamahbah saking titiang, sane mangkin ngiring lanturang acara
kaping kalih inggih punika Sambutan saking perbekel desa Kintamani, majeng ring Bapak
durusang.
(abis pidato) Suksma antuk sambutan sane sampun kaicen saking Bapak Perbekel Desa
Kintamani. Ngiring lanturang acara kaping tiga sambutan saking Bapak Kelian Desa Adat
Kintamani. Majeng ring bapak, durusang.
Suksma antuk sambutan sane sampun kaicen saking Bapak kelian Desa Adat Kintamani. Ngiring
lanturang acara kaping pat sambutan saking Koordinator Mahasiswa KKN Desa Kintamani.
Inggih durusang.

Acara selanturnyane inggih punika jagi aturang titiang sesolahan Condong saking murid-murid
SD 2 Kintamani. Majeng ring sane jagi mesolah, durusang.

Inggih jagi lanturang titiang acara kaping lima inggih punika penyerahan plakat saking
mahasiswa KKN Kintamani sane jagi kewakilin olih Kordinator Mahasiswa KKN Desa
Kintamani. Majeng ring bapak perbekel lan Koordinator Mahasiswa KKN Desa Kintamani
durusang
Majeng ring bapak perbekel ngiring durusang melinggih.

Pamuput
Inggih jagi katurang titiang acara kaping untat inggih punika pemuput. Ring acara pemuput
puniki titiang saking mahasiswa KKN PPM ngelungsur geng rena sinampura ped prada wenten
kirang langkung atur titiang nyanggra utawi misuguhin. Malih pisan titiang ngelungsur
pengampura. Siosan ring punika titiang taler ngerastiti bakti ring Ida Sang Hyang Parama Kawi
dumogi malih bosbos labda karya pamargine mantuk samaliha rahajeng ring genahe soangsoang. Inggih suksma. Om Santih Santih Santih Om.