Latih Maya Pemisi Hari Raya Puasa

Bahasa IBan 2015

Meretika Teks
SET 1
Tanya 1 ngagai 5
Bacha enggau silik genteran teks tu. Udah nya saut semua tanya ti nangkanka nya.
Sapa nemu kini tunga Jelawai? Nama iya lalu enda datai sekula? ku pengajar Jalin
nanya sida Jelawai sekelas.
Aku udah ngelawa rumah iya tang nadai iya ba rumah. Ketegal malu nanya orang
bukai aku enda nemu kini penunga iya pengajar. Menyadi iya bisi ba rumah tang iya enda
nyaut lebuh aku nanya iya. Engka malu kini. Saut Chemenda madah ngagai pengajar
Jalin.
Udah lebih seminggu Jelawai diau ba sepital nguan indai iya ti lalu bedau ngeleda
taja pan seput iya agi bisi. Taja diau ba sepital, Jelawai enda ngelengkaka pengawa sekula
iya. Iya belajar kediri sambil ke ngibun indai iya.
Chemenda, betul rumah ke dilawa tua tu? Anang aja tu ukai rumah sida Jelawai?ku
pengajar Jalin irau ati.
Betul mih tu pengajar. Aku suah kitu enggau Jelawai, saut Chemenda
Nyin menyadi Jelawai dih pengajar. Aram tua ngelawa iya. Ku Chemenda nunjuk
ke menyadi menyadi Jelawai.
Chemenda enggau Pengajar Jalin beguai-guai ngelawa menyadi Jelawai iya nya
James laban nangika iya ngelari kediri lagi. Menyadi Jelawai sigi enda entu deka bebakih
enggau orang ke enda dikelala iya laban selalu ninga cherita pasal apai nyamun ari aya
Jimmy. Aya Jimmy tu suah meri seduai Jelawai belanja lebuh ti bisi rembus ke rumah
sida.
James bejalai enda berumban laban iya irau ati meda orang ke enda dikelala iya baka
Chemenda enggau pengajar Jalin. Taja pan Chemenda suah ngagai rumah sida, James
tetap enda ngelala Chemenda laban iya suah nadai ba rumah lebuh maya Chemenda
enggau Jelawai pulai ke rumah.
Nama utai? ku James bejaku seleka dua aja.
Kini tunga Jelawai nadai sekula? ku Chemenda ngepunka cherita.
James lalu enda mansutka leka jaku tang ai mata iya nerutu naya. Chemenda enggau
pengajar Jalin tegepang ati meda James nyabak tekala nya laban baka ke seduai iya nganu
James.
Nama ga nuan nyabak James?ku pengajar Jalin lalu murus belakang James.
Jelawai ba sepital.Saut James.
Nama! Nama penyakit iya?ku Chemenda tekenyit ninga utai ti dipadah James.
Ukai iya sakit. Indai kami sakit. Lalu empai ngeleda sampai diatu. Nya mih kebuah
Jelawai enda nurun sekula. Iya ngibun indai ba sepital din.Saut James.
Riman tulang belakang iya. Nganti maya deka beputung mih iya.ku James tusah
ati.
Aram mih pengajar. Enda nyamai ati aku tu. Kasih ku ninga berita nya. Ku
Chemenda. Enti pia, mupuk kami duai, James. Nyaga diri manah nuan,ku pengajar
Jalin ngagai James.
Mupuk, au. Ku Chemenda enggai enda.

Latih Maya Pemisi Hari Raya Puasa

Bahasa IBan 2015

Tanya 1 ngagai 5
Ba siti-siti tanya empat iti pilih saut A, B, C enggau D. Pilih siti saut ti betul nitihka
lebas tanya nya.
1

Sapa ti enggau Jelawai serumah?

A Indai iya, madi iya James enggau Chemenda.
B Aya Jimmy, indai iya enggau James.
C Indai iya enggau aya Jimmy.
D Indai iya enggau madi iya James

Nama reti apai nyamun?

A Orang ti enda dikelala sereta deka mai bebakih
B Orang ti dikelala sereta bisi niat ti enda manah
C Orang ti jarang dipeda sereta suah meri duit
D Orang ti suah dipeda tang deka nulung

Padahka kebuah James nyabak?

A Meda orang ti enda dikelala ngangauka iya
B Indai iya enggau Jelawai ba sepital
C Indai iya sakit sereta empai ngeleda
D Kasihka diri diau siku aja di rumah

Nama sempama ti ulih nipakka ulah Jelawai ti ditinggang penusah indai iya sakit
lalu iya enda teputar diri ngujungka iya enda besekula.
A Enda tau muai empeleman ba mata diri empu.
B Liur ke diludah enda ulih ditelan agi.
C Arang abis besi enda bepijar.
D Nganti sungai enda beulu.

Siti di baruh tu ukai nyerita pasal Chemenda enggau Jelawai?

A Chemenda enggau Jelawai sama sekula.
B Chemenda enggau Jelawai diau ba rumah panjai ti sama
C Pengajar Jalin bisi ngajar Chemenda enggau Jelawai.
D Seduai endang bebakih amat.
Tanya 6 ngagai 10
Saut tanya di baruh tu ngena ayat penuh.
6
Nama reti leka jaku tegepang ?
7

Nama kebuah pengajar Jalin ngiga tunga Jelawai?

Nama perangai manah ti ulih diambi ari Chemenda nya?

Baka ni James nyaga pengelikun diri lebuh diau kediri ba rumah?

10

Ba penemu nuan, patut tauka enda Jelawai terus nyaga indai iya ba sepital?Nama
kebuah nuan madah baka nya?

Latih Maya Pemisi Hari Raya Puasa

Bahasa IBan 2015

Latih 2
Bacha enggau silik genteran teks tu. Udah nya saut semua tanya ti nangkanka nya.
Pengawa kami ke jai enda ulih ditusui enggau sera leka sebana. Kami udu ngelaban
atur sekula. Kami udu enda mereti tang Pengajar Nori endang semampai ransing ngajar
kami. Iya nerima pemalui kami. Tegar singkang iya bejalai nuju kelas kami tumu pagi.
Jaku sindir iya alus, tang nyemetak didinga. Nya mih ti ngasuh kami sekelas berasai rindu
datai ke sekula, ransing duduk dalam kelas laban nganti penatai Pengajar Nori. Kami
ngasi sereta mendingka jaku ajar iya. Laban iya landik mansutka jaku sereta nyagam
runding kami, enda berasai kami ngaku penyalah diri.
Aku nandu jaku aku baru. Anang agi ngereja pengawa jai. Anang ninggalka nama
jai kita di sekula,ku Pengajar Nori. Iya bediri degi-degi ba mua kelas. Kami ngendukka
pala, enda berani merening ngagai iya.
Kita mesti bisi pengeliat ati. Kati kita enda nemu apai indai kita ke nyau bekikis
bulu betis, bebuai bulu gundai nyengulaka kita? Enti enda mujur, nama penyadi kitai,
pulai ke menua gisai-gisai ngapa laban nadai utai ulih! Dini alai ngengkahka mua dih?
Nesal dudi nadai reti. Berubah mih kitaku pengajar Nori.
Udah pansut Pengajar Nori ari kelas, kami pan tak diau nadai bejaku. Udu bisa jaku
Pengajar Nori. Sepemanjai hari nya, kami jenuh nadai ragak. Semua pengajar ke ngajar
kami merening kami siku-siku, tang sida nadai nanyaka kebuah kami ngetu bejaku, enda
bekangauka pangan diri agi maya belajar. Seminggu....dua minggu... Nyau apus taun,
kami nadai agi manchal.
Pengajar Nori mujur ngubah runding kami. Nya alai, enti nyambut Hari Pengajar,
kami endang semampai deka ngelantangka ati pengajar Nori.
Anang agi kita beberika aku pemeri. Aku lantang ati enti kita berubah nyadi nembiak ke
manah. Kita mih pemeri aku ke pemadu berega,ku pengajar Nori. Kami sekelas mulir ai
mata laban kelalu gagit ati ninga jaku iya.
Tu bungai okit kampung, tang nadai bau, pengajar. Aku udah nyium iya,ku aku.
Aku mantaika bungai okit ke agi dibalut ngena daun pelat ke diyas enggau daun resam.
Pengajar Nori lalu nachakka bunga okit nya ngagai idung lalu disium iya. Sium iya baru.
Amat munyi ku nuan, Jang. Chura badas amai, tang nadai bau. Aku gaga ati nerima
pemeri nuan, Jang. Nyelinting taun, pemeri nuan ngelantangka ati aku,ku pengajar Nori.
Agi benung bejalai mulaika diri ke belakang, pengajar Nori merempas tesudu. Mua iya
puchat kelat. Iya luput. Bala nembiak begau. Aku meda Badam belanda ngagai Opis
Pengajar. Aku lalu deka nitihka iya, tang enda ulih nyingkang. Aku lalu teduduk. Pala aku
mangka mija. Mata aku repa enda meda utai agi. Pending aku tak bengal. Nyawa Endu
Badong ke nyerauh nyau rapas didinga aku. Tulang lembut sereta ngelilingi aku petang.
Aku pan nadai nemu utai agi.
Lebuh aku menchelakka mata, peda aku tak ini nyabak sikuk-sikuk. Bediri ba
belakang, kami sebilik enggau sekeda kami sekelas.
Nama kebuah kita tak bekelilingika aku dih, Badam?Dini alai kitai tu?tanya aku.
Nya mih, Jang. Panjai cherita. Nuan luput lalu enda ngeleda dua hari. Sama enggau
pengajar Nori. Bungai okit, pemeri nuan nya ngembuan ipuh. Bungai nya bedau kala
ditemu orang. Diatu bala sida ari Opis Biodiversity deka mansik bungai nyaku Badam
nyambung jaku iya. Benung Badam ke agi deka bejaku, tama pengajar Nori ke agi
bengepan baju sepital. Aku kesal meda iya tang iya tuchum merening ngagai aku. Anang
tusah ati nuan, Jang, Petara agi ngemata. Tua sama bela gerai nyamai,ku pengajar Nori.

Latih Maya Pemisi Hari Raya Puasa

Bahasa IBan 2015

Tanya 1 ngagai 5
Ba siti-siti tanya empat iti pilih saut A, B, C enggau D. Pilih siti saut ti betul nitihka
lebas tanya nya.
1
Padahka kebuah sida sekelas ransing sehari nya?
A Pengajar Nori nerima pemalui sida sekelas.
B Nganti penatai pengajar Nori.
C Deka ninga jaku sindir ari pengajar Nori.
D Jaku ti dipansutka pengajar Nori ngasuh sida mereti.
2
Reti bekikis bulu betis, bebuai bulu gundai nitihka teks nya...
A Ngarapka utai ti enda tau meri asil.
B Pengabis ati belajar nyentukka pandai taja pan nadai bisi pemintar
C Sampai nya bekerepas enggau beamat-amat ngulihka juluk ati.
D bebendar ngulihka pemujur taja enda ulih enggau orang ngiga iya lebih agi.
3
Nama pangka jaku Pengajar Nori iya nya pulai ke menua gisai-gisai ngapa laban
nadai utai ulih! Dini alai ngengkahka mua dih?
A Badu besekula sereta ninggalka semua barang di sekula.
B Enda ambis besekula ketegal ulah ti kelalu enda manah.
C Malu nadai bulih pemujur laban enda belajar enggau bebendar.
D Nadai nemu utai ulih dikereja agi laban udah tembu peresa.
4
Ni bagi pekara di baruh tu nerangka nyabak sikuk-sikuk?
A Sesedan
B Dedui
C Rerauh
D Reregung
5
Siti ari pekara ti baruh tu ukai pekara ti dipadah cherita nya tadi?
A Ini enggau sida penulis sebilik bisi ngabas iya ba sepital.
B Badam enggau Endu Badong nya sekelas enggau penulis.
C Penulis luput meda Pengajar Nori merempas tesudu dalam kelas.
D Bungai okit ti nyadi pemeri penulis nya bedau kala ditemu orang mayuh.
Tanya 6 ngagai 10
Saut tanya di baruh tu ngena ayat penuh.
6
Beri reti sempama nesal dudi nadai reti?

Nama kebuah sida penulis berubah manah ulah sereta mereti?

Nama pemeri ti pemadu berega nitihka jaku pengajar Nori?

Nama ajar ti manah ti diulih ari pengajar Nori?

10

Ba penemu nuan, bakani chara ti manah dikena ngintu Hari Pengajar?

Latih Maya Pemisi Hari Raya Puasa

Bahasa IBan 2015

Latih Sempama
1. Aki Emang nya nelap bendar. Semua ti kala nemuai ngagai iya tak barang pemisi utai
ba kebun iya diberi ngagai kitai.
Sempama ti ulih nipakka ulah aki Emang iya nya
A. Baka empeliau bedua iku
B. Baka kepayang ngadaka dilah
C. Baka asam gulai garam
D. Baka rumput di tisau jalai
2. Nama sempama ti mai reti takut amat lebuh ngereja utai laban enggaika tinggang
penusah.
A. Asai ke megai telu
B. Buah rampu begulai enggau rian
C. Mandi enda basah, tinduk endak jenak
D. Ngenung baka empelekung mabuk ambuh, ngetu baka puyu mabuk keruh.
3. Kami serumah ke benama Dom nemu bendar nusui utai ti tau bendar ngasuh ketawa.
Nama sempama ti ulih nipakka penerang di atas?
A. Rangkai ngeli
B. Rangkai mata
C. Rangkai bulu
D. Rangkai daun
4.Lebuh bejaku, kitai mesti bejimat. Kebuah pia, laban jaku ti bisi salah kitai kena
__________.
A. pansa bulu babas
B. tebak sengkilu diri
C. geraji mata dua
D. dinding bulu
5. Orang nya enda manah laban ba mua aja muji tang ba belakang lagi macham-macham
penyai kitai ditusuika iya.
A. Pandak mulut engkerasak panjai mulut kitai
B. Mulut nyebut patung enda nyaut
C. Mulut pulut ati keladi
D. Mayuh mulut
6. Nama sempama ti ulih madahka orang ti nepu diri ngagai penusah.
A. Rarika ribut tetemuka ujan, rarika sungkup tetemuka pendam.
B. Lepas ari nyawa baya, masuk mulut rimau.
C. Nganjung paung empa jani.
D. Bemayau gila.

Latih Maya Pemisi Hari Raya Puasa

Bahasa IBan 2015

7. Iya benasit manah. Udah ga jadi enggau orang ti pemisi. Tambah mega diberi entua iya
tanah ti udah ngemansut asil. Enda agi iya kiruh ngepunka nanam sawit.
Nama sempama ti ulih nipakka penerang di atas?
A. Asi ti udah disungkit, sapa ti enggai makai
B. Chapi empu ai tusu, kerebau ke bempu nama
C. Baka manta sepeneka ati ngaga,dilinut tau, ditumpi tau
D. Untung nemu beiung enda ngambuh, nemu peredah enda ningkuh
8. Nama reti sempama Makai telu bangah
A. Enggai bekereja ngambi ulih kediri empu.
B. Ngembuan penemu ti manah amat, enda bebagi kia-kia
C. Bulih upah sama baka orang bukai taja nadai gawa
D. Utai ke mimit endang enda ulih digaga nyadi mayuh.
9. Sida Jang sekaban endang chukup kering sereta enda mudah enti bemain bol ba menua
sida iya ba Ulu Naning tang enti ba menua bukai enda kala bulih pemujur.
A. Udah ga mudah, agi ga nawar.
B. Remaung di rumah, raung di tanah.
C. Iku ukui dipurus pan agi mih bingkuk.
D. Mayuh tai nyumbuh, banyak tai badak.
10. Aya Muja enggai dibai sida sekaban ngasu. Iya bepenti laban bini benung ngandung.
Nama sempama ti nipakka ulah aya Muja nya?
A. Buah jari.
B. Bengkak jari
C. Berat jari
D. Basah jari
12. Ku sekeda leka biau aki Imban ti dingatka iya, Nadai apa, nadai nama, gayu guru
gerai nyamai,.
Nama reti jaku dalam nadai apa, nadai nama nya tadi?
A. Nadai bulih utai di dunya tu.
B. Bedau diberi nama sereta gelar.
C. Madahka gerai sereta lantang sentang.
D. Semina bulih pemedis tang udah gerai.
13. Sida Linda serumah semampai tusah irau ati laban ujan enda ngetu-ngetu tiga hari.
Sida nemu lama laun ampuh mih rumah nya. Nama sempama ti ngayanka pengirau ati
sida nya?
A. Asaika betangas
B. Asaika diau ba baruh punggu
C. Asaika dipandam dada
D. Asaika dibuai empeleman

Latih Maya Pemisi Hari Raya Puasa

Bahasa IBan 2015

14. Idup kitai endang semampai tusah belama laban bisi maya bulih penyenang baka
sempama.....
A. Raung ngalih
B. Lubuk tau nyadika lansar, lansai tau nyadi lubuk
C. Pitak buai di mata
D. Mati enda ulih dikerari, parai enda ulih dikeengai
15. Enti maya maya baum, bedau ambis jaku tuai rumah, sigi dom Luat belama ti
ngelampat jaku iya. Ulah dom Luat tu baka...
A. tuai pala upa.
B. ensuai nangkap ludah.
C. alah nyadi abu, menang nyadi arang.
D. Baru ngelangkah sesingkang, udah bekalau panjung neratang diri udah menang.
16. Sekumbang apai indai udah beserara, iya nyau nadai orang ngiring ngembing. Ulah
iya nyau enda menuku ba sekula.
Nama sempama setipak enggau penerang nya?
A. Baka keli ditetak ikuh
B. Baka timau jampat meda
C. Baka perau patah kemudi
D. Baka angat tai manuk
17. Nembiak ti baru pindah nya semina deka bekaban enggau Dom maya senang aja. Enti
Dom bisi penusah, iya lalu enda ibuh agi. Sempama ti engkeman dikena nipakka ulah
nembiak nya...
A. pendiau bunsu bubut.
B. baka ular ti udah nyilui.
C. duruk bubut seduai ruai.
D. menyadi perut jani, kaban perut ikan.
18. Udah tembu merarau, raban Opis Pengerai lalu ____________ laban pengawa sida
meresa pengerai kami serumah enggau pemeresi kandang rumah udah magang.
A. angkat beketan
B. mabu runding
C. empelita diri
D. alah ayu
19. Indu dara nyin dipeda baka sempama lekat di engkiung?
Nama reti sempama nya?
A. Gamal indu ti udu mayuh ngepan dikena iya
B. Anta dikena iya nyau ngasuh pera-pera.
C. Indu ti udah tuai tang ngemiakka diri.
D. Madahka dara biak ke bajik.

Latih Maya Pemisi Hari Raya Puasa

Bahasa IBan 2015

20. Nembiak ke baru pansut ari kelas belajar malam nyau beraban bebala mayuh sereta
besun-sun laban mulaika diri ngagai buding. Sida tu baka....
A. ikan ke ngaban
B. pansut ari babas
C. meda balak entua
D. api dipanjah ai.
Ayat Betul/Salah.
Pilih ayat ti betul lalu tentuka saut nuan nya engkeman.
1 I
II
III
IV
A
B
C
D
2 I
II
III
IV
A
B
C
D
3 I
II
III
IV
A
B
C
D

Kenuku jerita tuai suba munya, jelu enturun tu alai antu baka antu buyu ngarung
diri.
Kamil enggau Daut duduk ba atas geretak sambil berandau pasal cherita ti
dipeda seduai iya demalam.
Ketegal ti enda chukup ai dikena mandi, tubuh aki Inung empai selampur tubuh
basah.
Dom Luning nya tak cherida ngena utai ngujungka orang bukai enggai nyalika
iya barang.
I, II enggau III
I, II enggau IV
I, III enggau IV
II, III, enggau IV
Buluh engkerindu tu sebansa buluh tebal lalu bisi kuasa nyadi jayau, pemanis
tauka pemandang
Aya Umang enda berani deriba malam hari laban suah linsau mata ti dipanchar
lampu kerita bukai.
Semua ari nembiak pom empat nya bepadat duduk ba makmal komputer laban
deka belajar ngaga blog.
Indai Mengga manjung sereta bepencha lebuh tindikka ular getah ti dikumbai
iya ular amat
I enggau II
I enggau IV
II enggau III
III enggau IV
Tuai rumah sida ke baru tu enda tentu deka mending ka penemu nembiak redak.
Semua utai ti dipanduk iya sehari tu endang tabar bar magang.
Lebuh pengawa belian bebunuh, aki manang selalu ngangauka yang semang
laban minta bantu.
Apai indai ti nganjung anak sida besekula ngambika bulih lebih lilih ari orang
bukai.
I enggau II
I enggau IV
II enggau III
III enggau IV

Latih Maya Pemisi Hari Raya Puasa

4 I
II
III
IV
A
B
C
D
5 I
II
III
IV
A
B
C
D

Bahasa IBan 2015

Jang Chaung gawa nyadi kuli ba menua Kuching seraya ti nganti pemutus peresa
SPM.
Kami serumah ti bekuli ba Brunei deka pulai ujung taun tu ila.
Pengguli nya seruran meri angpau rambau pengerami Taun Baru Cina ngagai kuli
iya.
Nembiak pom lima nya nguli nembiak nya nuchika iya gari.
I enggau III aja
II enggau IV aja
I, II enggau IV aja
I, III enggau IV aja
Dua minggu ti udah, sida Kabing serumah bisi bepadan bepangka ngelaban sida
Emparan serumah.
Kami sekelas sama bela kiruh ngelekatka tambai senisi jalai dikena ngelaluka
pemesai ti deka datai ke sekula.
Endu Jawai enda ke sekula sehari tu laban kena sakit berenguh
Ginti enggi Anchih tu endang beremakai ti ngujungka ikan enda ulih lepas.

6 I
II
III
IV
A
B
C
D

Iya diatu ngawa ngemudika bilun ari Kompeni Sayap Kiba.

Akau dipajakka apai indai iya bebini laban umur nyau deka lanjur .
Aki Indau diatu benung ngebanka perau.
Nembiak nya nyauka tetingkap disungkurka kaban iya.
I, II enggau III aja
I, II enggau IV aja
I, III, enggau IV aja
II, III enggau IV aja

7 I

Ini Alui nyual buah rembai lima gupung iya nya dua ringgit lalu buah kuini 3 igi
seringgit.
Tiga lumpung mulung ti dibai seduai menyadi iya nya deka ngerami pengawa
beterang malam tu legi.
Rumah panjai sida Empari ti baru tu bisi tiga puluh pintu lalu deka nambah agi
dua pintu.
Aling dipesan indai iya meli setungkul ubung enggau sekampit beras ba kedai Ah
Choo nya.
I, II enggau III aja
I, II enggau IV aja
I, III, enggau IV aja
II, III enggau IV aja

II
III
IV
A
B
C
D

Latih Maya Pemisi Hari Raya Puasa

10

Bahasa IBan 2015

A
B
C
D

Tanggui tau dianyam ari mayuh macham bila baka senggang, daun das, daun
apung enggau ti bukai.
Upah iya deka amat enggau orang nyabung nyau abis betis bakal dirait taji.
Mata ketam apai Liam nyauka serut lalu ngasuh pengawa sehari tu enda jampat
tembu.
Kepala pengajar nyemetak bendar bejaku ba mua apai indai ngambika
bebendar nyenggulaka anak diri.
I enggau II
I enggau IV
II enggau III
III enggau IV

11

I
II
III
IV
A
B
C
D

Terutu ai ujan ti labuh ari kaki atap ditimbun iya enggau bisin.
Endu Inai benung nesap tubu ti dibai indai iya ari umai.
Anak mit nya ribab-riab ngena baju sekula ti tekelalu amat besai ba iya.
Tukang masak nya enda terluitka tudung tin nya ti kelalu rat.
I enggau II
I enggau IV
II enggau III
III enggau IV

12

Sekretari kompeni sawit nya suba kala gawa nyadi ba tukang jait ba pasar
Limau Manis.
Belacan, gula, telu manuk enggau garam kasar aja barang ti dibeli iya ba kedai
nya.
Rumah ti dikeinginka ati iya mesti mayuh bilik tinduk, dapur ti besai sereta
lengkap enggau kereban elektrik.
Tengah hari tu legi, semua pengereja pengawa ba kompeni getah nya merarau
ba siti hotel ti tebilang ba menua tu.
I enggau II
I enggau IV
II enggau III
III enggau IV

II
III
IV

II
III
IV
A
B
C
D