Latih: Bacha teks di baruh tu.

Udah nya garis leka jaku Adjektif

Teks 1:
Sawit, asal iya tumbuh ba kampung tebal savanna enggau tropical ba tanah
ti ami sereta bepasir. Sawit ditanam secahara komersial ba dandang mit ulih M.
Adrian Hallet dalam taun 1911 di Sumatra. Belabuh ari nya dandang sawit ti besai
pan berengkah ngerembai ba Asia Tenggara. Nama saintifik sawit ari Afrika Barat tu
Elaeis guineensis sereta sebilik enggau bansa kau ti bedaun gadung dikumbai
palmae.

Teks 2
Tuai rumah Imang suah meri jaku gerah ngagai sida serumah ngambika
bagas sereta rajin nurun gawa. Enti enda pia, anak diri deka pedis laban ti enda
chukup pemakai. Sida deka lepi laban suah pungkang pemakai. Tuai rumah nya
mega ngansak sida serumah nyengulaka anak diri dataika tikas universiti. Anak ti
udah mujur ulih ngelempungka pengawa apai indai. Apai indai ti udah tuai patut
enda ngereja pengawa ti berat.

Teks 3
SMK Sebemban enda jauh ari pasar Bungai Raya. Nembiak ti besekula ditu
mayuh bansa Iban. Bansa bukai mimit aja. Sekula tu beresi taja pan digaga ari kayu.
Semua blok kelas dichat ngena chura biru lalu asrama ngena chura kuning. Semina
siti blok kelas iya nyau chundung. Blok bukai agi tegap magang.
Nembiak ti berundang ke sekula endang tumu pagi udah mupuk ari rumah
diri. Taja pan mayuh penanggul maya besekula, nembiak enda kala jera sereta
ngelusu. Sida rajin sereta sikar lebuh maya belajar. Mayuh udah pandai sereta bulih
pengawa ti menyana.

Teks 4
Pagi nya, iya laun dani pagi. Demalam iya ninga munyi merechun ti
bedegum. Nya ti ngasuh peninduk iya baka tinduk manuk.
Iya pan ngeliat dulu lalu bejalai lubah ngagai bilik mandi. Udah tembu mandi,
iya terus ke dapur laban napatka pemakai ti udah disediaka ba mija makai. Laban ti
lapar, iya pan makai empat igi pau enggau sepinggai mi guring. Nya baru iya
kenyang. Sebedau pansut ke ruai, iya sempat ngirup ai teh ti kurang manis.