Digaga raban pengajar: Jexson, Alvira, Josephine, Magdalene, Salu

BAGI A : KARANG
TAGA JAM : 1 JAM 30 MINIT
[ 50 MARK ]

Tulis siti karang pasal siti ari pekara ti di baruh tu. Pemanjai karang nuan enda kurang ari
300 leka jaku.

1. “…..berengkah ari nya, aku udah nesal laban udah ngelaban jaku apai indai aku.
Aku mega besemaya ngasika jaku apai indai udah tu ila”.
Tulis siti cherita beujungka genteran di atas.

2. Pemanah kaul antara apai indai enggau anak nentuka pemenyana anak sida.
Saraka penemu tu.

3. Nuan dipinta ngenataika licha ba mua mayuh ngenang pasal “Pemujur pelajar
nembiak sekula datai ari pengeras ati enggau disiplin iya empu”.
Sediaka teks licha nuan nya.

4. Perang enggau penyarut agi balat bendar nyadi ba sekeda menua di dunya tu.
Kerandau empas negatif penusah tu.

5. Peratika enggau silik gambar di baruh tu. Pejuraika chara kitai ulih ngenanka main
asal tu.

1
Digaga raban pengajar: Jexson, Alvira, Josephine, Magdalene, Salu

BAGI B : KARANG KEDUT

TAGA JAM : 25 MINIT
[ 15 MARK ]

Bacha enggau silik teks di baruh tu. Udah nya tulis karang kedut. Pemanjai karang kedut nya enda
lebih ari 100 leka jaku

Semua kitai endang nemu, komputer nya mesin tauka perengka ti digaga bala saintis ti
balat bendar beguna ngagai kitai mensia. Tambah mega, komputer mega siti kereban ti
dikena kitai besehari-sehari sekalika di opis tauka di rumah. Nyadi, siti pemanah bekenaka
komputer nya iya tau nyimatka jam enggau duit kelimpah ari ti ngenyampat sereta
ngemudahka pengawa.

Kelimpah ari nya, komputer mega ulih dikena nyimpan informasyen diri empu tauka
maklumat ti bekaul enggau pengawa ti dikereja. Kebuah pia, kelia kitai besimpanka pekara ti
baka tu dalam fail keretas. Berindik ari nya mega, komputer mudah amat rusak sereta lubah
laban lama nyilakka fail begigaka tuduh penemu. Enti diperatika, bala pengajar mega berasai
nyamai laban mayuh Software udah bisi digaga ti tau nyadika kereban dikena sida maya
ngajar ba sekula. Software ti baka tu ulih ngemuntangka bala nembiak meretika sesebengkah
pekara ti diajar pengajar sida dalam kelas. Nyata bendar masuk aja ngagai internet lalu taip
aja ba aplikasyen “Google”, sida ulih ngiga kereban ti digiga nya enggau mudah sereta
jampat.

Nambahka nya mega, bala doktor balat bendar begunaka komputer laban nya
ngemudahka sida ngiga bansa penyakit orang ke sakit ngambika sida jampat agi ulih ngubat
penyakit nya. Nya alai kemaya hari tu semua hospital besai perintah tauka swasta bekenaka
komputer magang-magang. Enti diperatika, ba menua ti udah maju, komputer ulih
ngelancharka pejalai kereban pengangkut nengah sistem lampu isyarat bekomputer.Ambika
chunto, ba menua Jepun. Sida ngena sistem tu kena ngemudahka sida nemu jalai ke sekut
ditengah tauka enda. Nyemetak bendar, pekara tu tau nyeliahka sida tepagang ba rantau jalai.

Nya alai tiap iku kitai patut nemu sereta belajarka komputer. Kemaya hari tu semua
kitai patut nemu sereta ngembuan pengelandik ngena komputer ngambika kitai ulih maju
sebaka enggau orang bukai. Kitai deka disemaka baka pama di baruh tachu laban agi pabu
penemu laban nadai ngembuan penemu lebih ari orang bukai.

2
Digaga raban pengajar: Jexson, Alvira, Josephine, Magdalene, Salu

BAGI C : MERETIKA TEKS

TAGA JAM : 35 MINIT
[ 20 MARK ]

Tanya 7 ngagai 14

Bacha enggau silik genteran teks tu. Udah nya saut semua tanya ti nangkanka nya.

“Aku enggai berengkah ngajar kita enti sekeda ari bala kita agi enda mendingka aku ti bejaku ba mua
diatu. Aku minta semua bala kita duduk jenuh lalu peratika ajar aku. Mereti kita utai ku aku?”
“Mereti pengajar.”
“Enda nemu, pengajar!”
“Aku deka bira, pengajar.”
“Aku deka pansut enda lama, pengajar.”
“Aku deka macha novel aku tu dulu, pengajar. Badas cherita tu, pengajar. Nah .... pengajar
deka macha, udah aku tembu lagi? Ha...ha...ha.....” Sengaja Jimmy mandangka kulit bup ti diias
enggau gambar siku indu bajik. Lapa perangai nembiak ba sekula tu jai amai? Enda mukai-mukai
Pengajar Luat nanya diri dalam ati. Apai indai sida tu tentu orang ti bisi pelajar sereta ngembuan reta
tengkira ti mayuh. Enti enda, baka ni sida tu ulih bebelika rumah enggau kerita di nengeri ditu? Tang
nama kebuah anak sida tu baka orang ke enda chukup ajar? Amat tauka enda sida tu udah lama
tepejuh lalu enda dikeibuhka apai indai sida? Engka rampit ari empas tempias, daya idup kemaya hari
tu? Panjai serabana Pengajar Luat dalam ati.

Gidan amat ati iya. Tetenguk amai iya deka nampar mua Jimmy ngena bup ti dirampas iya
tadi. Tang ati iya tetap liat. Kenyau ari tama kelas 3F tadi darah iya udah lama gesak. Mimit agi kaki
jari iya tekelanjur, ba tubuh nembiak ti pansut sepeneka ati ari bilik kelas nya. Nasit amat iya agi
ingat. Bala pangan iya kala nangkan iya.
“Jimat-jimat pengajar. Anang kasar enggau nembiak kitai. Nembiak ditu endang baka nya.
Anang negu sida. Lagi datai bala pangan sida ti bepantang-pantang kitu. Tusah pengajar. Mayuh
orang udah kena. “
Luat endang suah ninga pasal perangai enggau ulah nembiak sekula ba nengeri sebedau iya
pindah kia.
“Sekula tu ukai baka sekula pengajar di menua pesisir suba. Enti amat-amat deka nyadi
pengajar, enda ibuh disebut mih. Deka nyadi pengajar ti profesional? Nadai jaku nya...!”
Iya begaru pala enda gatal, ninga jaku Badrul. Iya enda tentu mereti. Lapa enda ulih nyadi orang
profesional? Enda ga raban pengajar endang orang profesional? Sapa enda ngelala pengajar di dunya
tu! Lapa enda ulih nyadi pengajar amat-amat di sekula tu? Lama Luat gegenung nengkadah ke atas
siling. Iya enda tetilap meratika dua iku tichak ti benung belanda-landa ngagai pangan diri meling
ruas lampu neon ba siling semin nya.
(Dibali ari Harry Usup Umbar, Surat Kangau )

Tanya 7 ngagai 9
Ba siti-siti tanya bisi empat iti pilih saut A, B, C enggau D. Pilih siti saut ti betul nitihka lebas tanya
nya.

Nembiak ditu endang baka nya. Anang negu sida.

7. Ayat ti pemadu engkeman dikena ngayanka ulah nembiak sekula nya iya nya sida.....
A. enda nguna jam enggau manah
B. enda bebasaka pengajar
C. enda tau datai jari
D. enda badas ulah

3
Digaga raban pengajar: Jexson, Alvira, Josephine, Magdalene, Salu

8. Leka jaku bepantang-pantang bepelasarka teks di atas sama reti enggau...

A. belikau-likau
B. bechura-chura
C. bepetik-petik
D. beukir-ukir

9. Ni bagi saut di baruh tu ukai nerangka pasal Pengajar Luat ?

A. Liat ati taja pan suah dilaban bala nembiak
B. Berunding panjai sebedau ngereja pengawa
C. Lengkar sereta jampat datai jari
D. angkun sereta siruka nembiak

10. Baka ni gaya ulah nembiak dalam kelas nya? (1 mark)

11. Nama kebuah pengajar Luat berasai gidan amat ati iya ? ( 2 mark)

12. Beri siti ajar manah besereta chunto ti bisi ba tibak cherita di atas. ( 2 mark)

13. Padahka dua kebuah nembiak patut bebasaka pengajar? ( 2 mark)

14. Enti nuan kepala pengajar, baka ni chara nuan mutarka penanggul disiplin ba sekula.( 2 mark)

4
Digaga raban pengajar: Jexson, Alvira, Josephine, Magdalene, Salu

Tanya 15 ngagai 20

Bacha enggau silik genteran leka pantun tu. Udah nya saut semua tanya ti nangkanka nya.

Karung mengandai peruji ati

Semilan bulan semilan hari
Nuan mai kami
Ke ulu enggau ke ili
Sanggup tusah diasaika diri
Sanggup napi tubuh diri
Nyentukka kami ada di dunya

Ari mit nyentukka besai

Maya kami sakit enggau maya kami gerai
Maya tusah nuan enda kala madah
Maya nyamai kami ke ngasai
Bulan enda meruan manchar
Bisi maya hari enda selalu beseri
Bisi maya ujan labuh ba laman
Tang karung mengada tangkai nyawa

Sanggup bekikis bulu betis

Sanggup bebuai bulu gundai
Meruan ngiring sereta ngembing
Meruan nyukung sereta nulung
Ari mit nyentukka besai
Maya nuan tusah kami nyamai
Maya nuan gerai kami ngasai
Bisi ga maya nuan sanggup nyadi arang
Maya abis besi enda bepijar
Nya mih maya kami ke enda masuk ajar
Bisi maya kitai enggai ninga
Bisi maya kitai enggai mending
Karung mengandai semampai ngemata
Karung mengandai semampai berunding
Semampai baka alu belunjak tutuk
Semampai bejaku balat tatuk
Jaku mengandai mih ngasuh kitai pandai di chunggai
tunjuk tiga
Ngasuh kitai napi pemansang dunya
Ngasuh kitai bejalai nujah menua
Ngasuh kitai bulih reta bulih tengkira.

(Dibali ari Majalah Pegari Vol. 60 Februari 2017: Pelandai Karung Mengandai)

15. Sapa karung mengandai dalam leka main tu?

A. Indai ti siru
B. Indai ti ngada
C. Indai ti mereti
D. Indai ti ngibun

5
Digaga raban pengajar: Jexson, Alvira, Josephine, Magdalene, Salu

16. Nama reti jaku sempama bekikis bulu betis, bebuai bulu gundai?
A. Beabis reta tengkira kena ngidupka diri.
B. Beabis ati rindu ngagai bala anak
C Beabis tulang ngereja pengawa.
D Beabis runding ngajar anak.

17. Nama kebuah karung mengandai bejaku balat tatuk?

A. Ngambika ulih nyukung nulung idup nyamai.
B. Ngambika pandai ulih napi pemansang dunya.
C. Ngambika semampai ulih ningaka jaku ajar.
D. Ngambika kitai ulih nyaga pengerai.

18. Nama bansa leka main di atas nya tadi? (1 mark)

19. Terangka dua chara bala anak patut bebasaka orang tuai. (2 mark)

20. Ba penemu nuan, patut tauka enda anak nganjung apai indai ngagai rumah pengandai
tuai? Beri kedalih nuan. (2 mark)

6
Digaga raban pengajar: Jexson, Alvira, Josephine, Magdalene, Salu

BAGI D : SISTEM JALAI JAKU

TAGA JAM : 20 MINIT
[ 15 MARK ]

Tanya 21 ngagai 27

Pilih saut ti engkeman dikena ngisi endur lapang dalam teks di baruh tu.

Chara nyediaka lada burak bebida enggau lada chelum. Buah lada ti udah mansau digumpul
____(21)____ disimpan dalam guni jut tauka guni bebulu. Buah lada ke dalam guni nya tadi manah
_____(22)____ enti direndam ba ai ti anyut tauka anak sungai. Kebuah pia, awakka ai dalam guni
nya ____(23)_____ betukar lalu buah lada mega deka nyadi burak, nadai demaram sereta chelum.
Bau buah lada ke direndam ba ai ke anyut pan manah lalu iya mega ______(24)_____ berupai beresi.
Nambahka nya, ai ti anyut mega nadai _____(25)_____ luchak enggau daun kayu. Guni lada ke
______(26)_____ mesti ditanchang ba pun kayu awakka iya enda anyut lebuh ai besai. Guni lada ti
direndam mesti ____(27)____ ninting tiga hari sekali awakka enda banggar. Baka nya mih chara
ngerendam lada burak.

21. A tang 25. A ngelekat

B sambil B ngemeran
C enggau C ngundan
D lalu D ngandut

22. A agi 26. A berendam

B amat B direndam
C bendar C ngerendam
D pemadu D perendam

23. A semampai 27. A dikalihka

B jarang B ngalihka
C semak C bekalihka
D bejarit D pekalihka

24. A dipeda
B diserenih
C diperati
D ditimpai

Tanya 28 ngagai 29

Pilih ayat ti betul lalu tentuka saut nuan nya engkeman.

28 I Ikan kering ke disumai indai chukup nyamai.

II Kuli batak nya chukup kering laban ulih ngesan tiga guni baja sekali.
III Gari ke dijembi Umang udah kering laban hari kelalu angat.
IV Kitai patut kering ati lebuh napi pemar enggau penusah
A. I enggau III
B. I enggau IV
C. II enggau III
D. II enggau IV

7
Digaga raban pengajar: Jexson, Alvira, Josephine, Magdalene, Salu

29 I Kami sebilik enda kala enggau orang bebunuhka jelu babas.

II Sida Lapik enda nyadi enggau menyadi iya bekereja batang.
III Dungan enda kala bejaku jai enggau sida serumah.
IV Ganing enggai makai buah rian enggau buah pedalai.
A. I,II enggau III
B. I,II enggau IV
C. I,III, enggau IV
D. II,III enggau IV

30. I Jang meli dua tangkai lensat ba tamu.

II Apai tuai nya nerantangka sigi gong.
III Dom teempaka tiga lungkit buah rian.
IV Apai ngelulun dua ruas asi pulut.
A. I enggau II
B. I enggau IV
C. III enggau IV
D. II enggau III

Tanya 31 ngagai 32

Pilih ayat ti engkeman dikena nipak ayat di baruh tu.

31. “Aku deka meli bup ti sebaka enggau enggi Ajan,” ku Dana.

A. Dana madahka aku deka meli bup ti sebaka enggau enggi Ajan.
B. Dana madahka diri deka meli bup ti sebaka enggau enggi Ajan.
C. Ajan madahka Dana iya deka meli bup ti sebaka enggau enggi aku.
D. Ajan madahka aku Dana deka meli bup ti sebaka enggau enggi iya.

32. Bala nembiak mai kereban ti diguna lebuh sida memarin di tebing Tasik Sematan.

A. Bala sida nembiak di tebing Tasik Sematan mai kereban ti diguna lebuh memarin.
B. Lebuh memarin bala sida nembiak di tebing Tasik Sematan mai kereban ti diguna.
C. Mai kereban ti diguna lebuh sida memarin di tebing Tasik Sematan bala nembiak.
D. Lebuh nembiak di tebing Tasik Sematan sida mai bala kereban memarin ti diguna.

Tanya 33 ngagai 35
Pilih saut ti pemadu engkeman belalauka penerang tauka sempama ti diberi di baruh tu.

Tuai rumah Jalung enda bechiping lebuh ngatur penyarut sida serumah.

33. Pengawa tuai rumah Jalung nya ulih diterangka ngena sempama…
A. baka idung entara mata, baka dilah entara nyawa.
B bingkuk batang empasa, lurus ulu lungga
C. bisi niki pinang, bisi niki nibung
D. dampa ngumbaka langkau, tangga ngumbaka lalau

8
Digaga raban pengajar: Jexson, Alvira, Josephine, Magdalene, Salu

34. Enda ulih dirika tali basah, enda ulih dudukka mangkuk belah.
Sempama tu ulih diterangka ngena reti...

A.enda ulih diempu barang ti ukai engggi kitai.

B.enda ulih kingatka nama orang ti panjai.
C.enda ulih kemas rumah orang kelalu kamah.
D.enda ulih ditulung orang ke kelalu salah

35. Sempama “Rayah nitihka gendang, begau nitihka terantang” nya mai reti
A.pengawa nitihka atur tuai
B.ngikak diri ngemataka ulah orang
C.pengawa ke enda nemu tembu
D.megau orang enggau nadai kebuah-buah