Opa Mau Makan Nasi Rames

Category: Bakusedu Manado

Opa dari Manado pi jalan-jalan ke Jawa mo lia si Tole cucu kesayangannya, mahasiswa di Jogja.

Suatu pagi, Tole ndak sempat sedia makang makanan vor Opa.

Tole: "Opa, kita so mo brangkat kuliah, kalo opa mo makang ni pagi deng makang siang
sabantar, pi jo di warong nasi di sabla jalang neeh."

Sampe di warong, Ine, mbak yang bajaga warong batanya, "Mau apa, Pak?"

Opa: "Ada sadia apa saja?"

Nasi rames telur. (Foto: Istimewa)Nasi rames telur. (Foto: Istimewa)Ine: "Ada rames daging, ada
rames telor Pak, mau yang mana?"

Dengar tu jawaban mbak Ine, opa kaget butul & heran. Soalnya, di Manado ndak ada itu warong
dengan jasa rupa itu.

Akhirnya, sambil babise deng malu-malu, opa bilang: "Ramas telor jo… mar plan-plan ne… kita
so tua..."

Depe Nama Nangka

Category: Bakusedu Manado

Ada ini sopir mikro (angkot) jurusan Aermadidi-Kauditan orang Advent (aliran agama Kristen
yg melarang makan babi). Waktu ba muat penumpang di hari pasar Aermadidi, ca' so bilang
memang pa calon penumpang, nimbole muat boke (babi) pa depe oto.

Datang ini oom bawa karong kong dia iko muat di oto. Tu sopir yang curiga langsung batanya,
"Apa di dalam karong, oom?" Itu oom langsung
manyao, "Nangka."

Lantaran oto langsung fol (penuh) waktu itu oom nae, jadi sopir langsung berangkat.

Oto so bajalan agak jao kong tu karong rupa ba bagerak. Sopir langsung ba tengo ke belakang.
"Oom! Ada bagerak tu karong tadi?". Oom bilang, "Nyanda egh! Cuma sopir p perasaan itu."

Lanjut perjalanan. Pas sampe di Kaima ada jalan lobang kong oto ta tada di jalan lobang. Tiba-
tiba dapa dengar bunyi "Grrok.. Uikk.." dari arah karong, kong jelas-jelas dapa lia itu karong
balumpa. Sopir langsung brenti kong ba marah pa oom.

Sopir: "Boke itu kang?"

Oom : "I-iyo..."

Sopir: "Tadi kwa bilang nangka!! Ba towo (dusta) oom ini egh!"

Oom : "Nyanda eh! Ini boke pe nama Nangka!"

Sirang Bunga Di Muka

Category: Bakusedu Manado

"Lena.......",Tanta Mientje pangge pa depe pembantu dari ruang keluarga deeng suara keras.

"Kiapa nyonya?" Lena datang dari dapur sambil berlari-lari...

"Coba ngana sirang itu bunga-bunga di muka...nanti kita pe bunga so mo mati lagi..",perintah
tanta Mientje...

"Maar nyonya, sekarang kan lagi ujang......"

"Pe bodo sekali do' ngana. Pake payung no..."

Tunggu Oto Lewat

Category: Bakusedu Manado

Pagi-pagi itu alo yang umur 9 taon, kebetulan lagi libur skolah minta ijin pa mama

Alo : "ma kita mo pi bermaeng dulu pa ungke perumah....."

Mama : "eh alo..... ngana so sumokol?"

Alo : "sudah mama.....eleh papa pe nasi for dikobong ta so ambe akang sadiki...."

Mama : "ah ngana alo.., io pigi jo dang, mar kalo ba potong jalang tunggu oto lewat dulu baru ba
potong neh?"
Alo : "beres mama... sapa pe anak kwa...."

10 menit kemudian tu alo so bale, kong manangis pe kancang

Mama : "kiapa ngana alo...?" (mama so nae darah)

: "dong ada cubi pa ngana?"

: "atau ada tumbu pangana?"

: "oh dong nentau pa mama?"

: "capat jawab kiapa ngana manangis?"

Alo : "bukang mama..."

Mama : "kong apa dang?"

Alo : "abis mama bilang tunggu oto lewat dulu baru kita menyebrang, kita tunggu-tunggu nyanda
ada oto yang lewat...."

: "jadi kita nyanda lewat-lewat abis nyanda ada oto yang lewat...."

Oma Kerja Apa Dang?

Category: Bakusedu Manado

Oma sementara pamer oma p foto-foto waktu muda pa depe cucu; tole’...

Tole’ : "Oma, ini foto dimana?" (difoto dapa lia oma masi muda, bermerek samua le oma da ba
pake, kong ba dandan p pasung dang).

Oma : "Oh itu waktu oma di Amerika.. gaga kang oma?"

Tole’ : "Iyo eh gaga skali.. kalo yang ini dang?"

Oma : "Di Itali itu cuma nyak lama kwa waktu itu."

Tole’ : "Oh.. kalo yang ini dang?"

Oma : "Di Paris itu..."

Tole’ : "Ih.. gaga-gaga egh oma p foto, mantap e oma pigi-pigi ka luar negri trus..Banyak doi
kang oma?! Oma kerja apa dang?"

Oma : "Nyanda kerja!" (dengan santai oma menjawab).

Tole’ : "Haaaaaaaaaaaaaaaaaa? Nda kerja? Kyapa boleh pigi-pigi kaluar negri dang? Jangan-
jangan... jangan-jangan oma lonte (pelacur)?"

Oma : "No apa dang......!!!"

Oma Pigi Jambore

Category: Bakusedu Manado

Suatu malam ada oma yang so sekarat, somo 'lewat' oma.. oma titip pesan pa opa..

Oma : "Opa, kita somo mati ini, kita pe pesan cuma satu, se pake akang kita pe baju pramuka
dulu lengkap deng depe kacu deng piso ne sebelum ngoni semaso di peti pa kita.."

Opa : (sambil menangis) "Iyo oma."

Depe eso, di kebaktian penguburan, pendeta abis ba khotbah berdoa, dia lia samua so manangis-
manangis ini, mari jo torang satu dalam doa..

Pendeta : "Di akhir doa pendeta bilang, "jangan menangis samua.. oma nyanda pigi kamana-
mana (samua ta kage, apa ni pendeta pe maksud, so tau-tau oma so mati), oma cuma pigi
Jambore..."

Sapi Lebe Berguna

Category: Bakusedu Manado

Di kampung di Manado ada Oma deng opa tinggal dirumah khas manado yaitu rumah panggung.

So malam oma deng opa tidor, kong tiba-tiba oma rasa pipis, lantaran so malam oma so malas
mo turun ke wc dibawah rumah panggung terpaksa oma ke dapur.

Didapur ada lubang kecil antara papan lantai kong oma langsung ba jongko di situ kong pipis.

Rupanya di bawah rumah panggung tadi sore opa ada ika akang sapi, trus waktu oma pipis pas
kena sapi pe kapala.

Sapi langsung bajilat tu aer pipis kong dia cari dari mana itu aer sampe dia dapa langsung tu
sumber aer pipis kong dia jilat trus sampe bersih tu berdiri kong bale ulang ka kamar.

Pe sampe dikamar opa so batunggu pe lama kong opa ba marah...

Opa : "Kiapa kong pe lama skali tu ba pipis?"

Oma : "Haa... Badiam situ ngana, so sapi lebe berguna dari ngana.

Opa jadi bingo lantarang oma bilang bagitu

Ungke Pelit Sama Opa

Category: Bakusedu Manado

Suatu hari ungke deng opa ada baku janjin mau mamancing di laut karna ungke tako kelaparan,
ungke bawa pisang goreng. Pas sampe di laut ungke pe pancing tagate di karang

Ungke : "Mau manyalam napa pisang goreng belum habis opa mw makang nanti, lantaran ungke
pe pelit tu pisang goreng ungke bawa menyelam pas pe muncul di parahu"

Opa : "Ungke, ngana dapa dimana tu pisang goreng"

Ungke : "Di bawa laut opa"

Opa : "Kalo bagitu opa mau menyelam mau cari tu pisang goreng"

Dengan semangat opa menyelam cari tu pisang goreng tiba-tiba opa pe kapala tatoki di karang jd
opa nae dengan kepala berdarah

Ungke : "Opa pe kapala kenapa badarah"

Opa : "Io ungke, bagimana ungke pe pisang goreng belum di bayar sudah itu dorang dapukul
pakita dibawa"

Kata-kata Kotor
Category: Bakusedu Manado

Ada itu anak oki umur 3 taong ada pulang di manado deng depe kaluwarga serta so sampe, depe
sudara-sudara ajar akang kata-kata kotor bagini depe carita

ngana peBABIcara sama deng PEMAIsuri ba nae KUDACUKI pinjam bolPEN DOK
Kong itu anak oki kase dengar pe depe ma' kong badarah tole no depe bibir!!!

Sayur Rebung
Category: Bakusedu Manado

Ada seorang turis yang datang jalan-jalan di Kota Manado, dia melihat lihat Kota Manado
bersama seorang pemandu wisata.

Waktu jam makan siang tiba, turis ini dibawa masuk oleh pemandu wisata ke salah satu rumah
makan khas manado. Singkat cerita mereka berdua memesan makanan yang mereka sukai,
pemandu wisata ini memesan sayur bambu muda (sayur rebung) yang dimasak pakai santan.

Sementara mereka makan, pemandu wisata ini menawarkan sayur tersebut ke turis tadi untuk
mencobanya sambil menerangkan bahwa sayur tersebut terbuat dari bambu yang masih muda.
Turis ini pun mengambilnya. Saat memakannya turis ini merasakan bahwa sayur itu enak sekali.

Selesai mereka berdua makan, turis ini berkata kepada pemandu wisata, "Wah ... orang Manado
pintar masak sayur, ya! Bambu yang masih muda saja sudah enak kalo dimasak, apalagi bambu
yang sudah , ya!?"

Pemandu wisata ini cuman tersenyum saja mendengar komentar turis tadi. Tapi dalam hati dia
berkata dalam logat manadonya yang kental, "Coba jo ngana masak kong makang tu buluh yang
so tua kalo enak he ... he ... he ...

Kita Nda Lia No

Category: Bakusedu Manado

Di suatu malam yang sunyi dan senyap ada tu tiga orang pokpok (setan yang biasanya makan
bayi atau oroknya) da bacarita mo cari tau sapa da lebe jago.

Pokpok1 : "Eh,coba torang tiga baku uji sapa dang yang lebe jago."
Pokpok2 & Pokpok3 : "Boleh,ngana pe kira torang mo tako"

Kong sudah dorang tiga mulai baku suten(suit) sapa yang te dapa bagian pertama.Nah,ini
pokpok1 dapa bagian pertama for kase tunjung tu jago.

Dia langsung tarbang secepat kilat,nda lama baru 2 menit dang dia so bale ulang sambil dari
depe mulut da kaluar-kaluar darah segar,kong dia bilang pa depe tamang laeng,
Pokpok1 : "Ngoni da lia itu desa di sana?"
Pokpok2 & Pokpok 3 : "Iyo..."
Pokpok1 : "Samua rata,kita so kase abis!" (Sambil ta tawa puas)

Pokpok2 nda mo kalah,kong dia langsung tarbang lei secepat kilat,nda lama barang 3 menit dia
so bale sambil dari depe mulut,deng depe tangan badarah-darah segar.Trus dia langsung pamer
pa depe tamang-tamang.

Pokpok2 : "Ngoni da lia tu kota di seberang itu?"

Pokpok1 & Pokpok3 : "Iyo....."
Pokpok2 : "Samua rata,kita so makang dorang samua!" (Sambil ta tawa puas)

Pokpok3 lei nda mo kalah, kong dial langsung tarbang macam tu kilat.Mar nda lama 1 menit
kemudian dia so bale tapi depe mata,idong,mulut,deng depe baju kaluar darah segar.

Dua Pokpok laeng pe dalam hati "pe mai dia lebe jago dari torang dua e".Kong ini pokpok3
tanya pa depe tamang-tamang

Pokpok3 : "Ngoni dua lia tu tiang listrik di perempatan sebelah?"

Pokpok1 & Pokpok2 : "Lia...."
Pokpok3 : "Pe mai kita nya liat"

Opa di Kambuna
Category: Bakusedu Manado

Waktu Km Kambuna sandar di pelabuhan Bitung,banyak skali penumpang yang da nae dari pel
bitung, saking banyak penumpang nae kong banhyak juga keluarga penumpang ba antar,jadi Km
kambuna fol deng orang.

Sampe saat somo berangkat banyak penumpang kapal baku dada-dada deng keluarga yang da ba
antar di dermaga,,pas lagi rame-rame itu,tiba-tiba ada anak jatuh dari kapal ke laut di dekat
dermaga,,tu anak pe orang tua so manangis babanting minta tolong deng tako jang dorang pe
anak mo jadi apa apa..

Nda lama kemudian ada opa yang terjun kelaut juga kong ba bantu angka tu anak dari laut...

Setelah so di kapal ulang tu anak deng tu opa,, tu anak pe orang tua sangat berterimakasih pa tu
opa kong dorang mo kase hadiah

Anak pe orang tua: "Opa trimakase banya neh so tolong akang torang pe anak"

Opa : "Nda apa-apa,biasa itu"

Anak pe orang tua: "Sebagai torang pe ucapan terimakasih pa opa,apa yang opa minta torang
akan kase,, kong opa mo minta apa dang?"

Opa : "Opa nda mo minta apa-apa kasiang, opa cuma mo tanya siapa yang da tola pa opa tadi
sampe opa jatuh ke laut?"

Tuturuga Batolor
Category: Bakusedu Manado

Ada cowo ba apel pa cewe pe rumah.so jam sepuluh malam tu cowo belum pulang dari rumah
cewe,kong tu cewe pe papa so pastiu,, cewe pe papa pangge depe anak kong bilang supaya depe
cowo so boleh pulang karna so malam.

Saat somo pulang tu cowo masih suka mo bacirita deng tu cewe,makanya dia bilang pe itu cewe
nanti malam dia mo datang ulang di bawah jendela kamar pa itu cewe supaya boleh mo bacirita
ulang..

Kong depe kode kalo tu cowo so ada di dekat jendela kamar pa itu cewe dia manyanyi lagu
tuturuga batolor,rupanya dorang dua ada baku janji itu ,tu cewe pe papa da dapa dengar..

Pas malam tu cowo so pulang kong tu cewe somo maso kamar somo tidor, dia pe papa pangge tu
cewe kong bilang supaya tu cewe tidor deng depe mama di kamar sebelah,jadi cewe pe papa
yang da tidor di kamar pe tu cewe.

nyada lama di luar jendela kamar pa tu cewe so babunyi lagu tuturuga ba tolor,itu berarti tu cowo
so datang..

kong tu cewe pe papa buka jendela, tu cowo pe kira dia pe cewe yang buka jendela,nintau kote tu
cewe pe papa.

cowo : "Bulan pake payung tuturuga batolor"

pas tu cewe pe papa buka jendela,

cewe pe papa : "Ehhhh,tuturuga,,,pigi batolor di sana ngana,jang batolor disini,jang dapa potong
ngana pe tolor."

Tu cowo lari nintau mati dapa dengar tu cewe pe papa pe suara.

Ci deng Ungke
Category: Bakusedu Manado
Suatu siang Ci(orang cina perempuan)baru klar bacuci baju(rok), Di rumah Ci juga ada piara
burung yang baru abis ko(orang cina laki) kase mandi kong ada jemur, karna Ko senang dengar
suara burung.

Waktu Ci mo tidor siang,dia pesan pa ungke yang kerja di rumah pa ci,

Ci : "Ungke ,,kalo somo ujang tolong angka akang ci pe rok kong kase maso itu burung."
(maksudnya biar nda kehujanan tu burung deng rok jemuran)

Ungke : "Iyo ci.."

Pas hujan..ungke langsung masuk pa ci pe kamar, Ci lagi da tidor kong ungke angka ci pe rok
kong kase maso tu burung,sesuai perintah ci tadi, Ci kage bangun kong marah-marah,

Ci : "Ungke,,apa ngana da bekeng ini ?"

Ungke : "Ci bilang kalo somo ujang, angka ci pe rok kong kase maso tu burung."

Ci : "Adooo ungke, bukan itu ta pe maksud.."

Karna ci le so rasa sadap,,ci sambung lagi

Ci : "Mar capat jo ungke, jang ko dapa riki

Waktu Perang Dulu

Category: Bakusedu Manado

Opa deng Ungke di kase tinggal di rumah,orang tuanya Ungke ada pi ke pasar.Trus opa ba cerita
sama ungke tentang waktu opa iko perang dulu.

Opa : "Waktu opa perang dulu, opa badiri paling muka."

Ungke : "Opa jago e,trus opa..."
Opa : "Opa tembak dorang samua dengan senjata. 20 orang, 30 orang, 50 orang samua dorang
opa tembak. Trus bagitu,pas waktu dorang datang dengan 100 orang opa nyanda mundur."
Ungke : "Opa nya tako dorang mo tembak pa opa?"
Opa : "nyanda.."
Ungke : "Memang kita pe opa ini dang paling jago deng barani se Menado."
Opa : "Opa bukan jago ato barani ungke,tapi karna dibelakang nya opa itu ada jurang, jadi nya
bisa mundur."
Ungke : "Pe mar butul ni opa."

Keluarga Biongo
Category: Bakusedu Manado

Disuatu desa tinggal seorang anak yang bernama alo dia hanya tinggal dengan opa dan omanya.
Pada suatu siang alo baru pulang dari sekolah.....!!!

Alo : "Siang……………"
Opa : "Siang alo ….alo sini dulu ngan opa m tanya…!"
Alo : "Kiapa opa….?"
Opa : "Dari mana ngana…?"
Alo : "Dari sekolah no opa masa nda lia ada pake seragam……….!"
Opa : "Butul ngana dari sekolah kalo bagitu opa mau tes dulu pa ngana….!"
Alo : "Tes jo ….!"
Opa : "Kalo 10x10 berapa dang? klo ngana dari sekolah paling ngana tau..!
Alo : "Ado opa talalu banyak kita pe tangan nyanda sampe m ba hitung, ado kita nintau..!
Opa : "Ngana memang bodok masa bagitu le nintau mulai besok ngana brenti jo sekolah bekeng
abis doi jo ngana..!" (sambil marah-marah)
Alo : (sambil menangis) Oma napa opa ada ba marah pa kita..!
Oma : "Ado kasiang kiapa ngana mara-mara pa alo bru pulang sekolah le kasiang s dapa marah,
kiapa le..?"
Opa : "Napa alo p biongo masa dari sekolah nintau 10x10, bekeng abis doi jo dia sekolah lebe
bae berenti sekolah kong ba jual kukis pisang tau-tau dapa doi.."
Oma : "Kiapa ngana tau so kong rupa tu butul-butul ba marah pa alo…?"
Opa : "Tau no nga kira kita biongo rupa alo..!"
Oma : "Brapa dang..?"
Opa : "20 no kiapa sooo..?"
Oma : "Nyanda no kita kira opa so lupa ternyata masi inga 10x10=20 "

Bae-bae Jang Kana

Category: Bakusedu Manado

Ada ini opa deng depe cucu,depe nama Ungke.Ungke ini paling sanang skali barmain
katapel.Pas bagitu,ini opa tu dia ada ba duduk-duduk di kursi di bawah pohon mangga sambil ba
baca koran.

Kong dia da liat ungke da barmain deng depe katapel,ba tembak-tembak blek-blek(kaleng) yang
so disusun.

Opa : "Ungke,bae-bae ne jang sampe kanal pa opa depe batu."

Ungke : "Nyanda katu' opa." (sambil dia main trus)

Kong depe beberapa menit berikut......

opa : "Ungke..."
ungke : "Kiapa so opa?"
opa : "Bae-bae jang sampe kanal tu katapel pa opa ne."
ungke : "Nyanda katu' opa.nya' mungkin kana pa opa." (sambil dia main trus)

Kong depe beberapa menit berikut lei......

opa : "Ungke..."
ungke : "Kiapa so opa ini dang?"
opa : "Bae-bae jang sampe kanal tu katapel pa opa ne.klo ngana tembak tu blek kong depe batu
pantul pa opa ngana dapa memang..."
ungke :(dia langsung ba pikir,butul juga e yang opa bilang soalnya dari tadi dia main tu katapel
nda ada yang pernah kanal di tu blek) "Kalo bagitu opa....kita tembak jo pa opa supaya depe batu
ta pantul kong bisa kanal di kaleng..."
opa : ?$%#@&*

Panggil Mangga
Category: Bakusedu Manado

Seorang Mama memperhatikan seorang Kondektur ditaksi yang ditumpaginya.

Mama jadi heran dan timbul pertanyaan dalam hatinya, karena melihat sang kondektur menyapa
setiap cewek-cewek SMP dan SMU yang berjalan dengan sapaan 'Mangga'.

Sang mama karena terlalu penasaran jadi langsung bertanya pada kondektur, katanya:

Mama : "Kondetur, kenapa setiap ko lihat cewek-cewek SMP atau SMU dorang, ko panggil
dong dengan sebutan 'Mangga'?"

Kondektur : "Mama, 'Mangga' itu sebutan gaul untuk cewek-cewek SMP atau SMU jaman
sekarang. Kenapa jadi?"

Mama : "Kalau macam kitong yang sudah mama-mama begini, kitong pu sebutan gaul itu
apakah?"

Kondektur : "Kalau macam mama kamu itu, biasa kitong panggil dengan sebutan 'Nangka'..."

Sang Mama langsung kaget dan heran sambil berkata kepada kondektur, katanya "Yei..mangkali
kitong ba getah kappa eh..?"

Sang kondektur balik balas pertanyaan sang mama, katanya : "Bukan cuma Ba Getah saja tapi su
Ba Ulat"
Ada Dua Proyek mo Pica
Category: Bakusedu Manado

Istri seorang Sopir mikro kase tau pa depe laki :

Istri : "Napa torang pe tetangga so lebe hebat. Dorang so beli TV, kulkas deng sagala macam!
Kong torang dang belum dapa apa-apa?"

Kong depe laki bilang : "Tunggu jo ada dua kita pe proyek somo pica…"

Istri : "Proyek apa dang itu? "

Depe laki jawab : "Kalu bukang ngana pe mata yang pica, ngana pe bibir yang pica..!!!

Opa ma Cucunya
Category: Bakusedu Manado

Di sebuah desa tinggal lah sekeluarga yang harmonisss.....di keluarga tersebut ada seorang kakek
yang sudah 80 tahun dia mengidap penyakit mata .......!!!

Pada suatu hari kakek ini lagi nonton acara tv tiba-tiba penyakit matanya kambuh !!!!!!!!

kakek : "Alo cucuku ngana ada bekeng apa itu ?"

Alo : "Kita ada makang opa kiapa lagi !" (dengan sedikit kesal)

kakek : "Alo ambe akang opa pe obat tetes mata dang plisssssss !!!!!"

Alo : "Dimana opa ada taruh so ??"

kakek : "Coba ngana lia di meja dikamar pa opa ?"

Alo : "Nyanda ada opa, coba opa inga2 ada taruh dimana itu obat ?"

kakek : (sambil memikir sejenak) "Ohhh iyo ada di atas kulkas sto coba ngana lia ??"

Alo : "Yang panutup orange ??"

kakek : "Iyo bawa jo kamari !!!"

Alo : (alo datang menghampiri opa) "Ini opa ?"

kakek : "Adoh opa so nyanda mo dapa lia baca jo depe aturan pake !!!cpt jo opa pe mata so
saki !!"

Alo : "Teteskan dan diamkan selama dua menit !!"

kakek : (sambil mengambil obat lalu diteteskan d mata)

( dua menti kemudian )

kakek : "Alo kiapa opa pe mata so nyanda tabuka ???"

Alo : "Nintau dang opa !!"

kakek : "Coba ngan baca akang depe merek kalo apa ?"

Alo : (dengan keras alo membaca merek obat tetes mata tersebut) "ALTECO

Kaya Mendadak
Category: Bakusedu Manado

Alo jadi kaya mendadak.. tapi waktu alo jadi kaya dia jadi sombong .. pada suatu hari alo makan
di rumah makan, setelah alo makan dia ingin makanan penutup....seperti buah-buahan .....!!

Alo : "Pelayan kita mo pesan buah"

pelayan : "Buah apa pak ?"

Alo : "Apa yang ada jo mar yang kita blum pernah makan neh !!"

pelayan : (bingung lalu pelayan membawa buah jambu)

Alo : "Woooiiiiii ini buah pe banyak pa kita pe muka rumah !"

pelayan : (pelayan membawa buah kadondong)

Alo : "Ohhhh ini ada pa kita pe blakang rumah !! ganti"

pelayan : (dia so pastiu kong dia bawa apel pelayan p dalam hati paling dia blum prnh makan)

Alo : (dia makan mar depe 5 detik dia buang itu apel)

pelayam : (adohh abis kita dia so pernah makang le itu)

Alo : "Ngana m tipu pa kita kang, ini tombong kalapa kang kong ngana pilox !!! "

Salah Pengertian
Category: Bakusedu Manado

Tante Dorce punya pembantu baru dari udik.... namanya jo masih baru deng nyanda pernah ijang
Manado, jadi sering miscommunication deng depe majikan...

Satu hari pas tante Dorce lagi mandi, depe pembantu pangge pa depe majikan sambil toki2 tu
pintu kamar mandi...

" Nyonya......ada tamu di depan cari nyonya." Kata si Iyem, si pembantu...

" Oh iya....kita memang lagi tunggu pa dorang. Ngana sirang air panas jo for dorang ya?"

jawab tante Dorce dari kamar mandi...

" Iya, nya..." jawab Iyem sambil geleng-geleng kepala dengan bingo...

15 menit kemudian, tante Dorce keluar dari kamar mandi dan segera ke ruang tamu..

" Lho Yem, mana tamunya?" tanya tante Dorce..

" Tadi aku udah siram air panas, nya....dua melepuh, tiga lari..:"

Jawab Iyem tanpa rasa bersalah... Padahal yang dimaksud tante Dorce adalah seduh teh...

walah......

Kirim Babi
Category: Bakusedu Manado

Ungke dari Sanger pindah ke Jakarta for kuliah di sebuah univertas ternama... Setelah beberapa
bulan kuliah di Jakarta, depe papa telpon pa dia mo tau apa yang terjadi di Jakarta...

" Ungke....gimana ngana pe kuliah di Jakarta?"

" Samua fine-fine jo...nyanda ada yang bekeng pusing."

" Trus..gimana deng ngana pe tamang-tamang kuliah?"

" Dorang bae-bae.....maar amper samua bawa kijang, kuda, bebek..." (maksudnya mobil kijang,
kuda dan motor bebek)

" Trus, ngana bawa apa dang?"

" Kita nyanda bawa apa-apa, pa.."

" Aduh, kasian sekali papa pe anak....Besok nanti papa kirim babi pa ngana..."

SANGER VS KEMA
Category: Bakusedu Manado

Ada tu orang sanger ( ungke ) dengan orang kema ( kema ) ba cerita kalu sapa pe kampung tu
yang lebe jago

kema : "Ungke, torng pe kangkong di kema.. be..h tikus boleh ja maso akang"
ungke : "Kalu torang pe kangkong kema, tikus tako ja maso..."
kema : "Kiapa bagitu dang ke..??"
ungke : "Ada tusa didalam !!!"

Depe beso dorang ley baku dapa ulang di warong kema nemau kalah pa ungke, dia langsung
angka suara lebe dulu

kema : "Ungke, ngana tau.. e dorang ada dapa tu ikang putih di kema, rupa sosiru depe besar...."
ungke : "Ah torang ley di sanger rupa sosiru dp besar..."
kema : "Ah nda mungkin noh ? sama dang ?"
ungke : "Jangan senang dulu kema... itu baru depa mata..."
kema : "##!@$"

Depe lusa kamari dorang dua ley ta baku dapa di warong kopi gara-gara kema so nafsu ungke
cuma ja dapa tindis depe cerita kema langsung angka cerita..

kema : "Ungke, ngana tau tu hari torang ada cabu ubi.."

ungke : "Kiapa ??"
kema : "Wuihh, depe batang di kema satu.. kong depe akar di kema dua....."
ungke : "Eh kema... asal ley ngn tau..."
kema : "Apa itu ?"
ungke : "Torang pe blanga goreng di sanger, depe talinga satu ada di tahuna kong tu satu ada di
tagulandang..."
kema : "Pemar... for apa ley tu blanga goreng so pe besar begitu ???"
ungke : "FOR MO GORENG AKANG NGANA PE UBI KUDA CUKI TU DIA NOH.....!!

Ba TATA
Category: Bakusedu Manado

Paitua so marah-marah, karena maitua tiap hari sibuk dan pulang lat.

Setiap tanya dari mana?....selalu maitua bilang ada urusan TATA BOGA, TATA RIAS, TATA
USAHA deng TATA-TATA yang laeng.

Paitua bilang, "E..e..e.. Maitua,...ngana cuma bingo urus-urus sagala macam TATA....???!!!
kong, Kita pe TATABEMBENG, TATAGANTONG cuma TATALUPA akang... Sampe so
Sampe so mo TATALIPA aaa..aaa...a.."

GOGOS terbuat dari apa?

Category: Bakusedu Manado

Jawabnya :
Gogos terbuat dari makanan Songkolo,
Karena kalau beras ketang pasti akan terhambur. Jadi beras ketang dimasak dulu sehingga
menjadi makanan Songkolo, kemudian di buat-lah GOGOS tidak terhamburkan... ?!!!

Baku Piara
Category: Bakusedu Manado

KEKE : "Utu tempo apa dang ngana mo kaweng pa kita, so malo kita orang lia lia so ba tinggal
deng ngana? Bulan Oktober jo neh !"
UTU : "Oh ... nemboleh no! soalnya kita ada banya urusan dikantor bulan Oktober"
KEKE : "Kalo bagitu November jo dang."
UTU : "Adoh... kasiang jo pa ngana..... November kita mo ada pelantikan kenaikan pangkat"
KEKE : "Oh kalo bagitu Desember jo neh... biar rame"
UTU : "December kua talalo rame karna hari Natal, sabar jo... nanti January taong datang"
KEKE : "Oh... jangan January bahaya... ngana mo geger otak..."
UTU : "Dari mana ngana tahu... tukang ramal so ngana?"
KEKE : "Kita bukan tukang ramal... maar kalo so' bulan January kita mo beking picah deng
botol ngana pe kapala..."
UTU : "!!/$@#?!!!"

Tanta Ola Beli Kacamata

Category: Bakusedu Manado
Tanta Ola so rasa stress, lantaran, dia kalu lia orang so sadiki babayang.
Lantaran dia pikir depe mata so rusak, dia pigi di toko kaca mata.
Pelayan : "Siang tante, ada yang boleh kita bantu?"
Tanta Ola : "Kita pe mata so rusak ini noh...cari akang kacamata yang pas dang?"
Pelayan : "Tante so pernah pake kacamata?"
Tanta Ola : "Ohh..blum...."
Pelayan : "Kalu bagitu torang priksa dulu tante pe mata. Mari tante, torang ke tampa priksa."
Pelayan : "Tante, ini huruf apa ?" (sambil tunjung tu huruf yang sadiki basar )
Tanta Ola : "Nyanda jelas noh..."
Pelayan : "Kalu huruf ini dang?" (Sambil tunjung tu huruf yang lebeh basar)
Tanta Ola : "Masih nyanda jelas noh..."
Pelayan : "Ini komaling tanta huruf yang paling besar yang ada disini. Sekarang tanta bilang, ini
huruf apa?" (sambil tunjung huruf yang depe basar
rupa piring )
Tanta Ola : "Sama noh...masih nyanda jelas"
Pelayan : (sambil garo-garo kapala lantaran bingo) "Kiapa dari tadi nyanda jelas dang tanta?"
Tanta Ola : "Kita kwa nintau babaca, ngana kase tunjung huruf. Mana kita mo tau?"

Arti Kata Kanibal

Category: Bakusedu Manado

Alo : "Hei...Utu, ngana tau apa arti kata kanibal ?"

Utu : "Nintau noh..."
Alo : "Kalu bagitu skarang kita mo tanya pangana, kalu ngana makang ngana pe mama deng
papa, orang pangge apa dang pa ngana ?"
Utu : "Yatim piatu noh..."

Opa Deng Tomat

Category: Bakusedu Manado

Di sekolah, Endi so terkenal lantaran amper tiap hari dia datang terlambat.
Kong suatu waktu lantaran so pasti Endi selalu terlambat maso, de pe Engku so jaga kong mo
tanya apa lei depe alasan sampe dia terlambat maso skolah hari itu.

Engku : "Skarang apa lei ngana pe alasan terlambat maso sekolah pagi ini endi ?"
Endi : "Adoooh.., engku, kita pe keluarga ada musibah pagi ini."
Engku : "Hmm... musibah apa ?"
Endi : "Tape Opa meninggal tadi pagi di kobong belakang"
Engku : "Ba apa so ngana pe Opa pagi-pagi di kobong ?"
Endi : "Tape mama ada suruh pete tomat for mo beking smokol, Eeeh.. tunggu-tunggu tape opa
so nyanda muncul. Serta tape mama pi cek di
kobong, tape Opa so kras di sei pohong tomat, kong tu tomat so ancor dia
so tindis deng depe badan"
Engku : "Astagaaaaa....! Kong bagimana jo ngana pe mama waktu da lia ngana pe opa so dalam
keadaan bagitu?"
Endi : "Mama langsung pigi di pasar ba beli tomat"
Engku : "???"

Kase Maso Ulang

Category: Bakusedu Manado

Pulang dari greja, om Utu pe dua mata bangka deng' biru merah, sampe de pe istri kage skali...
Kong om Utu pe istri, tanta Mintje tanya "Utu, kiapa sampe bagitu tu' mata ?"
Om Utu : "Tadi kwa di greja samantara manyanyi, tiba tiba ada cewek fasung maso deng rok
pendek skali, maar de pe rok dang', ada tamaso kadalam pa de pe panta, karna dia badiri pas pa
kita pe muka, jadi kita hela akang de pe rok supaya rapi dang..., maar tu' cewek malah 'da tinju
akang kamari 'tu mata sablah kiri..."
Tanta Mintje : "Maar, kiapa 'tu mata kanan bangka dang...?"
Om Utu : "Karna kita kira dia nyanda' suka 'da hela de pe rok, kong terpaksa kita kase maso
ulang tu rok kadalang..., kong dia tinju tu mata sablah...