Wajeb iman

Wajeb iman dum geutanyoe akan nabi

Wajeb pateh peu nyang neukhen uleh nabi

Beutapateh nyang goh datang neupeukaba

Miseu mawot nyang that saket tapeurasa
Miseu neupeugah azeub kubu di siphee
Ureung maksit nyang tan taubat mate jahe

Ureung mukmin neubri nikmat dalam kubu

Niekmat syiruga tuhan buka keunan laju
Beutapateh uroe qiamat dudoe teuka
Nyan keuh uroe leusudahanharo hara

Buleun ngon uroe pih gurhana bintang meu hambo

Langet meulinggang bumoe meunguncang meuhubo hubo
Suroh tuhan israfiel yop sangkakala
Habeh matee bandum sare safan safa

Habeh matee bandum sare meulaenkan tuhan

Langet ngon bumoe kon lee meunoe kageusimpan

Wajeb iman

Umu peutploh thon nyang meunan nyan safan safa

Teuma tureun hujeun puteh maul haya

Habeh timoh bandum tuboh ka teuduk duk

Pakaian tan bandum tulhen bineh uruk
Teuma neuyob sangkakala le israil
meuwo nyawong bandum teuma tan matee

teuma geuren kageu himpon u padang mahsya

dum na rakyat ka geu hisab geupeureksa
oh mue himpon dumna rakyatgeu jok surat
teuma nyang cok wie ngon uneun ban nyang babat

teuma nyang cok dengon uneun mubahgia

teuma nyang roh ngon jaroe wie ka ceulaka
teuma geuceng dumna amai lam neuraca
get dengon jeuheut dum geupeului lam neuraca

nyang ghon amai keubaikan asoe syirga

teuma nyang phuidum geupeului lam nuraka

Wajeb iman