Sadar Ku sorangan

Pamaen :

Guru : yoga

Bapana siti : undang

Indungna siti : yesti

Murid : siti

: elisa

: syara

: almeira

: nisa

: imas

Tempat : ruang kelas

Enjing-enjing keneh dina hiji kelas aya sakelompok barudak anu ngefans pisan kana artis
korea. Nyaeta imas, elisa, jeung siti. Eta artis korea teh bade konser di Indonesia. Maranehna teh
hoyong nongton kana eta konser, tapi maranehna teu garaduheun artos sareng bari deui bade
mayunan ujian. kacaritaken elisa nuju ngalamun na korsi bari nanggey gado, teras datang imas
sareng siti anu langsung ngareuwaskeun elisa anu nuju ngalamun.

Imas : Elisaaa..! ( nakol korsi bari ngagorowok )

Elisa : woooooooow..! ( reuwas )

Siti : ngalamun wae atuh da. ( bari langsung calik )

Imas : hehe

Siti : ngalamunken naon atuh?

Imas : kabogohh?

Elisa : ih sanes. Abdi mah nuju ngalamunken konser. Konser korea anu bade di gelar di
Indonesia.

Imas : ohh muhun nyaa. nonton yu !

Siti : muhun yu urang nonton. Abdi tos gaduh ieu artos na ( bari nembongken artos)

Imas : ih seueur pisan.

Elisa : tangtos ge muhun hoyong nonton. Tapi teu aya artos na, upami aya mah hayu urang
nonton.

Imas : muhun ketang nya el! (bari naggey gado bari tanggah ka luhur)

( Teras syara, nisa sareng alma datang langsung calik na korsi )

Alma : nuju nyarita naon ?. ( bari mukaan buku )

Elisa +siti+imas : konser korea.. ( bari molotot sareng ngagorowok ka arah si alma )

Syara : busetttttt..

Nisa : meni serempak kanu kitu mah. Ari di ajak kana paduan suara pabacakar.

Syara : muhun!

Teu lami kadangu sora bell lebet di sada, terus guru lebet ka eta kelas rurusuhan bari
langsung calik.

Guru : asalamualaikum WR.WB.

Kabehan : waalaikum sallam WR.WB.

Guru : pelajaran ayeuna bagian ngabahas drama. Cung saha nu terang naon eta drama?

Elisa : abdi pa..

Guru : nya sok naon drama teh?.

Elisa : duka pa

Guru : yeh ai Elisa sugan teh terang. Drama teh nya eta karya sastra anu dina wangun
paguneman atanapi dialog anu di pentasken (nerangken bari nulis na bor)

Pas guru nuju nerangken, eta barudak kalah ngarumpi nyaritaken masalah konser korea.

Imas : eh urang nongton yu. Masalah artis mah urang ukeun we ka kolot arurang. bade ?

Elisa : Muhun atuh yu, demi nongton konser urang uniko.

Siti : ah abdi mah moal kosi uniko. Abdi mah tos gaduh ieu,

Syara : syutt syutt gandeng,guru nuju nerangken tuh. ( bari nyarios lalaunan )

Nisa : muhun nya ehh, teu sopan kadar ge konser

Alma : muhun nu kitu ge meni di rumpiken. Nu kedah di rumpiken mah masalah ujian dua
bulan dei.

Elisa+siti+imas : jempe we atuh. nyambung wae. (bari ngagorowok ka arah si alma)

Guru : yehh atuh jadi kalah rebut, sugan teh narulis. Nuju naraon atuh meni rame rame
teuing ( nada mulai naek). Nya atos atuh lah ari alim nulis mah moal ngajar na oge. ( langsung
calik)

Barudak caricing bari tungkul. Teu lami aya nu ngetok panto, sugan teh tuang ibu sareng
tuang rama na siti. Terus lebet.

Bapa na siti: asalamualaikum ( nyamperken bari sasaliman )

Guru : waalaikum salam. Bade peryogi naon nya?

Indung na siti : tah bade ka pun anak ( nunjuk bari molotot ka arah siti)

Guru : siti kadieu (ngagupayan)

Siti : aya naon ma pa ?

Bapa na siti : naon naon, kadieukeun artos, tuman artos sisimpenan kolot na lomari di candak ,
tangtos kangge naur hutang, ( bari ngajewer cepil siti) tuh tinggal gara gara hutang teu di bayar
ayeuna rorompok disita (nunjuk ka luar)

Siti : atuh naha hutang teu di bayar? Bari kalah abdi nu di carekan na,

Indung na siti : ampun. Siti bade dibayar kumaha. Artos sisimpenan ema sareng bapa kalah
kalah di candak. ( nyarios tarik bari ngjedigken siti) kunaon eta artos kalah di candak? Haah

Siti : kanggo nongton konser maaa.

Guru : konser naon? (bari olohok)

Barudak : korea pa..( serempak)

Bapa na siti : ampun gustii. Tos ayena mah hayu urang uih .Candak tuh kantong na.

Siti terus tungkul bari angkat nyandak kantong.indung sareng bapana nyandak siti balik ti
sakola. tos kitu guru nyarita.

Guru : kade barudak ulah dugi ka kitu. ngabelaan nongton konser korea teras nyandak artos
sepuh anu kanggo mayar hutang. Yeuh ayena mah mending keneh ngapalken mangkaning dua
bulanan dei ujian. Ulah sapertos si imas sareng si elisa nu padamelana ngurusken hal nu te
penting. Sapertos eta nu nembe konser korea.

Barudak : muhun pa..

Elisa : ah henteu paaa.. abdi mah sok di ajar giat pa.

Imas : muhun abdi ge pa.

Nisa : bohong ketang pa. ti kawitan oge ngarumpi sareng badami bade nongton konser.
( nyarios tarik)

Imas : ih henteu

Alma + syara : muhun ketang pa. (serempak ngagorowok)

Guru : sok wae bade nongton konser korea dugi ka soca kaluar ge. Asal ulah siga si siti. Upami
bade wawartos ka sepuh heula. mih dipasiham artos langkung.

Bell istirahat disada, guru angkat kaluar rurusuhan. Saatos guru kaluar, sadayana barudak
kalaluar bade istirahat. Tapi elisa sareng imas teu kaluar. Nu dua eta kalah ngarumpi deui
ngurusken konser.

Elisa : mas bade moal ? ( bari nepak tak tak si imas)

Imas : moal ahh

Elisa : naha?

Imas : ah di pikir pikir deui mah kanggo naon nongton nu kitu. Mending artos na peserkeun
kanu kaperluan sakola.

Elisa : muhun nya.. ah ketang ieu jing jingan tos soek ( bari ngangkat jing jingan). ah wios we
teu nongton konser ge. Asal jing jingan baru, hehe..

Elisa sareng imas teu janten nongton konser, maraneh na kalah baradami bade meser jing
jingan anyar anu sami warna na.