HUNDUGE U PUKALIOMANENG

SU PANGINGSUENG U WULANG
Senin, 31 Juli 2017

GMIST JEMAAT IMMANUEL DAME

1
 HUNDUGE U PUKALIOMANENG
SU PANGINGSUENG U WULANG

1.PANANADIA
(Jamaate dorongang dumarisi, i kite mugantare u ........!)
1. MAWU PUNGU KAKENDAGE (Ya Allah langit ku seru)
1.MAWU PUNGU KAKENDAGE SU KEBI UMATE
KAPIANE MANG SENTINIA SI KAMI ELANGE
PEHENGKE DALO SEMBAH KEBI KAWANUANE
SU MAWU KASELAHENGE RUATA KAWASA.
2.MAWU PUNGU TATALENTU TULUMANG KATENTUNG
SI KAMI KEBI MANGA ELANG DARODO MATELANG
NDAUNG SUSASIMPELO MALUKADE BAWELO
DORONGANG NAE TATINGANG O MAWU RENDINGANG.

(Masueng gantare lonceng katelune i puluntingihe)

2.KAKUI MANEMBA
Pangaha : Mahie i kite musuba manemba si Sie, mamulangeng sutengongu Mawu
nudiandi si kite.
Jamaate : Batu u ko i Sie Mawu Ruatangi kite, i kite umate ko nipaliharang-E, kere
domba lulukadeng-E.
Pangaha : Kaliomanengu pangingsuengu wulang i, i tahuntengade su ralungu arengu
Mawu ko nudiandi langi dingangu dunia, setiaNe sarang karengu-rengue,
dang tawe mamalang munarangu limaNe.
Karalunsemahe bou Mawu I Amang, Ahuse-E Yesus Kristus dang suralungu
pukakauhang dingangu Rohke Susi. AMING

2
3.GANTARE MUHINDO
Pangaha : Jamaate i kite mugantare bou :..............
2. I GHENGGONALANGI
1.I GHENGGONA LANGI DUATANG SARULUANG
LULAHIWA LAMBUNG MANIREDA BIHINGANG
SEMATA I SIE PENGANGUMBALERANG
KAKENDAGE TAMALAILANG.
 BOE MAHUNDINGANG MAHI MESENGGETANG
MEDOLONG BUNTUANG NUSANG TULUMANG
YESUS I PEDINGANG TAMANANENTANG.
2.LIGHARENG TULIANG, APENG TAKONSANG APA
APENG PAMUNAKENG ASEKINE SADIA
HAKIU NISEBA BANALANG DUATA
TA SUSANE TA ELLO MATA.
(Jamaate maiyang)
4.MANGAKUNGU KAKAKOAU PUBAWIAHE
Pangaha : Kamagengu su kanandu ello tamai naliu, i kami mangkate mududea
kasasuku, su ralungu purahale, arau i kami mangkate manahusu kakakala,
kawasa, dingangu kapapia, dang i kami tawe mupendung sinsulung i kami
taumata.
Jamaate : O Mawu, ampunge ko i kami, onggole ko ingate si kami, ko ketae i Kau
Mawu ko nangonggou pubawiahe pia mangalene. Koako i kami Mawu
tadeau, i kami botonge makapupapahia apang ko pia si kami, gunangu
taumata waline, batu u dingangu mangonggo i kami makatarima kakakala
bou I Kau Mawu.
Pangaha : Kamagengu suralungu pubawiahe i kami pira ello naliu, i kami mupatodeu
katatulase, katewe ualingu karalome, i kami masau susulene mataku
mananggong akibate.
Jamaate : O Mawu ampungeko i kami, dang tintiroiko i kami tadeau tatape satia
tumuhu kapulu-Nu, sadia musuniale u kapulungu watangeng i kami, maning
i kami sarung tapupendungang u taumata waline ualing i kami setia tumuhu,
si Kau Mawu.
Pangaha : Kamagengu su ralungu pubawiahe ello-ello, i kami maiwule mupendung su
taumata hina ko ene sureduhe i kami.
Jamaate : O Mawu ampunge ko i kami dang onggole ingate i kami, batu u I Kau Mawu
masingka patiku ko i puperlungi kami, tulungko i kami tadeau, i kami
mutarimakase dingangu apang ko pia si kami.

3
 P+J : Onggole ko ingate i kami O Mawu, batu u dingangu mupatode u kakendage
su taumata waline, i kami mupakalahe kakendage i kami si Kau, dingangu i
kami makapupapahia pubawiahe masuku ko seng nisadi-Nu si kami.
Jamaate mugantare :
3. SIGESA MASARIA (Di Tengah Kesukaran)
SIGESA MASARIA UALING DOSAKU
MANG MELELIWUNG SIA PENDANGENG MATAKU
DORONGANG SU MAWU MATALENTU
TUMAKING PEBIAHENGKU IA MAKI AMBANG
MANG IREDALUMPASIANG YESUS PEBAWUKIRANG.

5.SAMPERE / MUSIKE : ..........

6.BALONG HENGETANGU MAWU RUATA

a.Mukaliomaneng

b.Mubasa Binohe Susi

c.Jamaate Mugantare :
4. KARALOKO MAWU PUNGU KAWASA (Bagi Tuhan Hua)
KARALOKO MAWU, PUNGU KAWASA.
MEMAMIHING KASINGKA, SU TATUHU.
MANGA ELANG E, MAMBENG SU SASASAH
KERE SU KAPULUNU.
 PEDALO MAWU, PEDALO MAWU,
PEDALO MAWU,SU PEBAWIAHE.
TUHU HENGETANG E TATUALAGE
DALENGU SALAMATE.

d.Munase : ...........

7.MANGAKUNGU PANGANGIMANG (Jamaate Dumarisi)

Pangaha : Suralungu kasasimbau dingangu apang taumata sahani ko ene su apang
tampa dang sukanandu u tempo, i kite singka pangakungu pangangimang
tau sahani, i kite mubera :
P+J:
IA MANGIMANG SU MAWU RUATA I AMANG, TATAHUANGU KAWASA, KO NUNDIANDI
LANGI DINGANGU DUNIA. DANG SU MAWU YESUS KRISTUS AHUSE-E KO MANG

4
 SIMBAU, MAWUNGI KITE KO NIPUPAHIAMA BOU ROHKE SUSI, NIWANTELEI
PARAWANG MARIA, KO NUTATAHANG SINSARA SU ALUNGU PARENTANGI PONTIUS
PILATUS, NIPAKUANG SU KALU KOROISE, NAPOHONG NATE TINAMPA, DIMELUSE
SARANG TAMPA U TAUMATA NATE. SU ELLO KATELUNE SAU NUBANGUNG KAPIA
BOU TALOARANG TAUMATA NATE, NAPUA SARANG SORGA, KIMAIANG SU
KUANENGU MAWU RUATA I AMANG KO LIMEMBONG KAWASA, DANG BOU EE
SARUNG DUMENTA KAPIA MAMONESE KO BIAHE DINGANGU KO NATE.
IA MANGIMANG SU ROHKE SUSI, PIA JAMAATE U MAWU KO SUSI DANG NASIMBAU,
PUKAKAUHANGU TAUMATA KO NIAPAKASUSI, KALAAMPUNGU ROSA DANG
PUBAWANGUNG WADANG DINGANGU PUBAWIAHE SARANG KEKAL. AMING

Jamaate Mugantare :
5“AMING ROHKEKU MUDALONG U HENGETANG U MAWU”

(Jamaate Mangiang)
8.MANGONGGO U SASEMBA SU MAWU
Deiaking : Mawu ene e mapia su patiku taumata dang napeneu tatalentue su patiku
apang diandikang-E. Dang kalawou apang ko nidiandikang-U mu tarimakase
su tengo-Nu dang apang kalawou taumata ko i kukendag-U sarung
mudalongu areng-U
(Pondingu sasembah i paraleng jamaate mugantare :
6. KAKENDAGU MAWU MAHUMPALIU
(Bila Kulihat Bintang Gemerlapan)
1.KAKENDAGU MAWU MAHUMPALIU SU KANANDUNG PETATUMBIAHE
TULUMANGE PINAHUNTINAMBANE DINGANGU HAGHING KAPAPIANE.
 TARIMAKASE SI KAU MAWU
I SEMBAH MANGA ELANGU
SU TENGONG PAHESU MAWANTUGE
RUATA IAMANG MAKENDAGE.
2.TAKAWULENANG DANG KATAHENDUNGANG
SU RALUNG NAUNG OH SU ENDUMANG
TULUMANG U MAWU PINAHUNDINGANG PEBAWIAHU MANGA ELLANGU.

 Mukaliomaneng : (Jamaate Dumarisi)

 Jamaate Mugantare : ...............
7. KAPIANG MAWU RUATA ( Ragam : Aku Hendak Memasyurkan )
KAPIANG MAWU RUATA SU KANANDUNG BIAHE
MELEHIKING SENTINIA MENGONGGO ALAMATE.
 DALUASE MASARIA NILAHE E SU KAWASA
NELIUNG HOMBANG SIGESA

5
 DUDENDINGANG SEMATA
MEDEDORONG SU RUATA PETULUNG PENAHIMATA
ELANGGU MENAGHULIMAMUNARA SU DUNIA.
9.KALIOMANENG PATIKU (Syafaat)

10.MUSAMPERE / MUSIKE : ..............

11.GANTARE PANGUNGSIKANG :
8. DUNIA PEBIAHENGKU
DUNIA PEBIAHENGKU APAE REDEAKENGU
ARETA KALENGGIHANGE MAWANTUGE TASIHINGE.
 BULAENG SALAKA INTANG,
SEMATA MAPIA SUMATA
ARETA U SORGA ENE
NANGILEMBONG KAWANTUGANGE
MENDOLONG BULUDE SION, MEBAWA PELAHARAPE
SENE SARUNG MAKASILO MAKAHOMBANG SALAMATE.

12.PANARAKANGU WATANGENG : (Jamaate Dumarisi)

Pangaha : Jamaate i kukendage, i kite manarakangu watangeng su tintanude-U Mawu, i
kite mubera : O I Amang onggoko si kami kawawahani dang kakakuate
gunangu manepase pubawiahe dang tawakalingi kami su ello dello,
su wulang kasione ko sarung darentangi kami.
Jamaate : Onggoko lai si kami daluase su tempongi kami tumatengo haghing papeto,
sungkalangu pubawiahe su tempo kadentane.
Pangaha : Jamaate i kukendage !
Pempetamaie su ralungu pudarame dang tarimae alamate bou Mawu :
“Mawu mangalamate si kemu dang manirung si kemu. Mawu manualage si
kemu dingangu ghati-Ne, dang mangonggo si kemu tatalentuE, Mawu
mupatengongu ghatiNe si kemu dang mangonggo si kemu pudarame
masuku. Aming

Jamaate : Mugantare :
9. “O MAWU TANUDE ELANGU
O MAWU TANUDE ELANGU
RENDINGANG SU APANG DALENGANGKU.
SARANG ELONG PEBIAHENGKU.