PARTURE NI MINGGU

MINGGU SEPTUAGESIMA
&
PABORHATHON
Pandita HKBP Ressort Tanah Jawa
Pdt.Hasudungan Manalu, S.Th

Minggu, 31 Januari 2021

Topik Minggu:

“Gok Huaso do Hata ni Tuhan Jesus”

Di
HKBP TANAH JAWA
I. PANGARADEON:
1. Acara Serah Terima di Konsistori
a. Marende + Tangiang Pamuhai : (MPSD)
b. Manjaha berita Acara Serah Terima dohot Memory Pelayanan sian Pdt.
Hasudungan Manalu, S.Th
c. Panangkasion sian Praeses taringot tu Berita Acara Serah Terima dohot
Memory Pelayanan.
d. Penandatangan Berita Acara Serah Terima laos Serah Terima.
e. Tangiang Panutup : MPSD

I. PARMINGGUON:
U : Huria na hinaholongan ni Tuhanta. Selamat ari minggu ma di hita.
Nunga masuk hita tu minggu SEPTUAGESIMA (70 pulu ari andorang
so haheheon). Beta ma hita manungkap marsomba, marsinggang
ma hita tu adopan ni Jahowa, Sitompa hita.
R : Ai Ibana do Debatanta, jala hita bangso pinarmahanNa jala
birubiru niiringiring ni tanganNa.
U : Topik ni minggunta sadari on mandok tu hita: GOK HUASO DO
HATA NI DEBATA. Antong di bagasan serep dohot unduk ni roha
marsaor ma hita rap dohot Debata, mamuji dohot pasangaphon
Ibana. Ai marhuaso do Debata paluahon hita sian nasa haholomon
marhite asi ni rohaNa. Tapangiar ma soaranta mamuji dohot
pasangaphon Ibana. Marende ma hita.
02. Marende BE No. 15: 1,2 AUT NA SARIBU HALI GANDA BL. 103
 Aut na saribu hali ganda saringar ni soarangki.
Naeng nasa gogo bahenonhu mamuji Debatantai.
Paboa las ni rohangki, hinorhon ni pambaenNa i.
 Tung sura sahat soarangku tu ujung ni portibi on. (Jongjong)
Naeng nasa jolma haraonhu mamuji Debata tongtong.
Tama do nasa hosangki hubaen pasangap Tuhan i.
03. VOTUM – INTROITUS – TANGIANG:
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot
tano on. Amen. Songon on didok Tuhan Jesus: Ro ma hamu tu Ahu,
hamu angka na loja jala na sorat, Hupasonang pe hamu. Buat hamu
ma augangKu tu hamu, guruhon hamu ma sian Ahu, ai na lambok do
1
 Ahu jala na serep marroha, asa dapotan paradianan hasonangan
tondimuna. Haleluya.
R : (Mangendehon): Haleluya, Haleluya, Haleluya!
U : Martangiang ma hita: Ale Tuhan Debata, Amanami na di banua
ginjang. Asi ma rohaM di hami halak na gale on. Diida Ho, na gogo
do musunami, sai talu do hami dibahen ala ni hagaleonnami.
Dibahen i hupangido hami tu Ho: Sai pargogoi jala pamonang ma
hami maralohon musu i marhitehite panaonon ni Anak haholongan
ni rohaM, Tuhan Jesus Kristus. Amen. (Hundul)
04. Marende BE No. 23: 2 JESUS HAMI RO DISON BL. 78
 Holom rohanami be, nang parbinotoannami.
Molo so ro TondiMi manondangi rohanami.
Ingkon Ho do paturehon dalannami sidegeon.
05. PATIK:
U : Tangihon hamu ma Patik ni Debata di Minggu SEPTUAGESIMA
sadari on ima sian Patik I – IV.
(Antong rap mangido gogo ma hita sian Tuhan Debata)
R : Ale Tuhan Debata, sai pargogoi ma hami mangulahon na
hombar tu PatikMi. Amen.
06. Marende BE No. 441: 1,2 DI AU TUHAN JESUS BL. 297
 Di au Tuhan Jesus, na salpu do sudena,
na dokdok, nang dosa, nang uhum tu au.
Ringkot do rohangku marhatopothon, Jesushu, Tuhanhu,
ditobus Ho au. Disesa Tuhanhu do angka dosangku
nang ho, ale dongan, di tobus nang ho.
 Di au do dameNa, na sonang do rohangku, (Jongjong)
mangolu, nang mate, di Jesus au on.
Di ribur ni tano, nang las ni roha,
ndang dapot dameNa, rumar rohangku, disesa………….
07. MANOPOTI DOSA:
U : Tatopoti ma dosanta na godang i tu adopan ni Debata, martangiang
ma hita :
(tingki na hohom . . : Musik ........BE No. 686: 1 )

2
U : Ale Tuhan Debata, Amanami na di banua ginjang! Ho do Debata na
gogo jala na marhuaso di sandok ngolunami. Ho do Debatanami jala
hami do birubiru na pinarmahanMu. Mansai longang do hami
marnida pambahenanMu di bagasan ngolunami jala marsahala do
HataMi di hami. Asa molo songgop tondi na hodar bali do saluhut,
ala Ho do Debata na marhagogoon. Ho ale Debata na gok huaso asi
ma rohaM di hami, ai jotjot do hami talu di bahen portibi on. Asi ma
rohaM di hami ai jotjot do hutinggalhon hami Ho gabe madabu hami
tu bagasan parmainanon, hahodaron, pargadombuson,
hasipelebeguon, hadatuon, parmusumusuon, parbadabadaon,
pangiburuon, rimasrimas, pargutugutuon, parsalisian,
partahitahion, bunubunu, parmabuhon, haormuson jala angka na
suman tusi.
R : Ale Tuhan Debata na gok huaso, asi ni rohaM palua ma hami.
U : Ale Tuhan Debata, Amanami na di banua ginjang! Ho do na
patupahon hasesaan ni dosa di hami halak na dangol on marhitehite
Anak haholongan ni rohaM. Sai asi ma rohaM di hami, angka na
mangarsakhon dosanami. Sai sahapi ma tu bagasan rohanami
hasesaan ni dosanami i. Lehon ma tu hami TondiM na badia i, asa
unang ganggu rohanami di asi ni rohaM, alai asa hot rohanami
marhaporseaon laho manggotaphon nasa dosa dohot roha portibi
on, asa hupasahat hami dirinami tu Ho, gabe pelean na mangolu jala
na badia marhitehite Tuhan Jesus Kristus Tuhannami. Amen.
R : (Mangendehon): BE No. 686: 1,3 RAMUN DO AU
 Ramun do au di joloMi,
gok dosangki urasi au.
O, Jesus, birubiru i,
dison do au patau ma au.
 Ala denggan ni basaMi
Ro au tu Ho, o Jesuski.
Parbadiai ma rohangki,
dison do au patau ma au.
U : Tabege ma hata bagabaga taringot tu hasesaan ni dosa: Songon
on do panghaholongi ni Debata di portibi on, pola do AnakNa na
sasada i dilehon, asa unang mago ganup na porsea di Ibana, asa

3
 hangoluan na saleleng ni lelengna di Ibana. Hasangapon ma di
Debata na di ginjang!
R : Amen
08. Marende BE No. 557: 1 DAO DUMENGGAN
 Dao dumenggan, asi ni rohaM, dao umarga sian ngolungkon.
Sai pujionhu ma Ho Tuhanhu, dao umarga, asi ni rohaM.
09. E P I S T E L :
U : Hata ni Debata turpuk Epistel di Minggu SEPTUAGESIMA sadari on,
tarsurat di Psalmen 111: 1 – 10. Pujionhu ma Jahowa sian nasa
roha di luhutan ni angka partigor dohot di huria i.
R : Balga do angka pambahenan ni Jahowa, hinalungunhon ni sude
angka na lomo roha disi.
U : Hamuliaon dohot hasangapon do parulaonNa i, jala hot do jongjong
hatigoranNa i salelenglelengna.
R : Nunga dibahen Ibana sada parningotan di halongangan angka
na binahenNa i, pardengganbasa jala parasi roha do Jahowa.
U : Nunga diparbohali angka na manghabiari Ibana, diingot do padan
binahenNa i ro di salelenglelengna.
R : Nunga dipabotohon tu bangsoNa gogo ni pambahenanNa i
mangalehon tu nasida parjambaran ni angka parbegu.
U : Hasintongan dohot uhum do angka pambahenan ni tanganNa,
sintong do sude angka patikNa i.
R : Hot do angka i ro di salelenglelengna, dibahen do angka i di
bagasan hasintongan dohot habonaron.
U : Nunga ditongoshon Ibana haluaon tu bangsoNa, dipatik do padan
binahenNa i salelenglelengna, nabadia jala na songkal do goarNa i.
R : Biar mida Jahowa do parmulaan ni habisuhon, maruli
hapistaran na sumurung do sude angka na mangulahonsa; hot
do baritana i ro di salelenglelengna.
U : Ima sahatna. Martua ma angka na tumangihon Hata ni Debata jala
na umpeopsa. Amen.
10. Marende BE No. 489: 1,2 SAI HAPOSI TUHANMI BL. 331
 Sai haposi Tuhanmi nang dihagogotan i.
4
 Nang tung jut pe rohami, sai haposi Tuhanmi.
I tutu, pos rohangki di Ho, ale Tuhanhi.
Paima sahat au tu Ho, tongtong haposanhu Ho.
 Gok dameNa rohami, molo sai pos rohami (Jongjong)
DipanarihonNa i, borngin nang arian i.
I tutu…
11. MANGHATINDANGHON HAPORSEAON:
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok:
R : Ahu Porsea….. (Hundul
12. TINGTING + TANGIANG PANGONDIANON
13. Marende BE No. 178: 1-- RO MA TU JESUS (P. Ia, Ib) BL. 196
 Ro ma tu Jesus, ro ma tibu, bege hataNa jangkon burju.
Na ro do Jesus, pangolu ho, asal porsea ho.
Mansai las rohanta i muse, molo ias sian dosa pe.
Sai ro ma hita tu surgo i, laos sonang ma disi.
 Ro ma tu Jesus undukhon ma, pambahenanmu na so tama.
Naeng sesaonNa do dosami, dibaen mudarNa i.
Mansai las rohanta i muse, molo ias sian dosa pe.
Sai ro ma hita tu surgo i, laos sonang ma disi.
------Musik-------
 Ro ma tu Jesus hatop ho ro, ai so ditulak Jesus be ho.
Na asi roha do Jesus i, sai pos ma rohami.
Mansai las rohanta i muse, molo ias sian dosa pe.
Sai ro ma hita tu surgo i, laos sonang ma disi.
 Ro ma tu Jesus na holong do, rohaNa i di halak na ro.
Ai dipalua tondinta i, unang be mago i.
Mansai las rohanta i muse, molo ias sian dosa pe.
Sai ro ma hita tu surgo i, laos sonang ma disi.
14. JAMITA: Lukas 4: 31 – 37
15. Marende BE No. 443: 1-- DUNG TUHAN JESUS BL. 393 (Pel. II tu
Pusat)
 Dung Tuhan Jesus nampuna au, songgop dameNa, biarhu lao.
Taripar gogo ngoluNa i, nasa dosangku naung sae do i.
5
 Tabaritahon holongNa i, di dia Tuhan, tudoshon i?
Tuk manumpahi, tarlobi da? Sasada Jesus pinuji ma.
 Di Ho ngolungku, las rohangki jumolo Jesus siluaMi.
PangiringonMu, tolongMu i, mangalo dosa nang rohangki.
Tabaritahon…..
-----Musik-----
 Hibul ma ahu, Jesus di Ho, sonang rohangku, tarapul do.
Mian di au ma baen hataMi, paima das au tu lambungMi
Tabaritahon…..

1. PABORHATHON PANDITA RESSORT

A. PABORHATHON

1. Marende BE. No. 156 : 2 “Jahowa Tuhanki”

(Di tingki marende ro ma tu jolo Pdt. Hasudungan Manalu, S.Th dohot
keluarga, mangadophon Uluan)
♫ Sai tatap ma dison, O Jesus siseanMu./ Na jongjong di joloM mangido
lehononMu./ Tu ganup tondiMi, nang huasoNa pe./ Manogu bangsoMi, nang
pangajari pe.
2. Patujolo
U: Hamuna parhalado dohot ruas ni huria ni Tuhanta na di Ressort on.
Sadarion, paborhatonta ma Amanta Pdt. Hasudungan Manalu, S.Th sian
Ressort Tanah Jawa on di nalaho manguduti panghobasion nasida na
gabe Praeses di HKBP Distrik II Silindung, tabege jolo Surat Keputusan ni
Ephorus Huria Kristen Batak Protestan taringot tu parborhat nasida, na
jinahahon ni Sekdis.
3. Manjaha Surat Keputusan : ...................(Sekdis)

4. Paborhathon
U : Hamu Amanami Pdt. Hasudungan Manalu, S.Th Nunga dibege hamu
Surat Keputusan ni Ephorus Huria Kristen Batak Protestan taringot tu
parpindaonmun. Ala ni i, paborhatonnami ma hamu sian Ressort on
(masijalangan) : Ahu : Praeses HKBP Distrik XXIV Tanah Jawa, atas goar
ni Ephorus Huria Kristen Batak Protestan : Hupaborhat ma hamu laho
manguduti parsingkolaanmuna na gabe Praeses di HKBP Distrik II
Silindung, di bagasan goar ni Debata Ama, Anak dohot Tondi Porbadia.

6
 Dipasupasu, didongani jala dipargogoi Tuhan Debata ma hamu laho
manguduti panghobasionmuna i. Amen !

B. KATA-KATA SAMBUTAN
1. Hata Partadingan sian Pdt. Hasudungan Manalu, S.Th dohot keluarga
2. Sahalak Mewakili Ruas dht Parhalado HKBP Ress. Tanah Jawa
3. Hata Bimbingan sian Praeses.

 Marende BE. No.672 : 1 “Tung godang situtu” (Jongjong)

 Tung godang situtu ulaonmu, Dipasahat Tuhanta tu ho, ndang adong be
tingkim marnalemba tahe, ngolumi bahen tiruan tongtong, Sai patupa ma I
ala ni Tuhan I so mangkirim balosna tu ho. Debata do marnida na niulami,
Manang na adong parbue ni i.

C. PANGUJUNGI: (Jongjong)
U : Didok topik ni minggunta tu hita sadari on: GOK HUASO DO HATA
NI DEBATA. Antong unang mabiar be hita, HataNa i ma na mian di
bagasan hita asa mangula Hata ni Debata di bagasan hita. Gabe
margogo jala marhamonangan ma hita. Didok hata ni Debata: “Ai
na marngolu do hata ni Debata jala marpangkorhon, jala tumajom
sian nasa podang siduababa, jala torus do disirang hosa dohot
tondi, ringring dohot utohutokna, laos diuhumi do na sinangkap
dohot na piningkir ni roha.”
R: Hatami do sulusulu ni pathu jala hatiuron di dalanhu.
U : Antong, unang be taoloi sibolis i. Margogo ma hita mandalani
ngolu on di bagasan pos ni roha asa dapotan hagogoom na sian
Tuhan i marhitehite Tuhan Jesus Kristus Sipalua jala Sipamonang
hita, di keluarga, di huria, di parkarejoan nang di ngolu na
bermasyarakat. “Ruhut ni jolma ma huumpamahon ala ni hagaleon ni
dagingmuna: Ai songon naung pinasahatmuna angka ruasmuna gabe
pangoloi di hahodaron dohot di na so uhum, mangulahon na so uhum i;
songon i ma pasahat hamu nuaeng angka ruasmuna tu hatigoran, laho
pabadiahonsa”

7
17. Tangiang Panutup (Tangiang Pelean – Ale Amanami – Pasupasu )
II. Acara Ramah Tamah
Diatur tersendiri (HKBP Tanah Jawa)