nyebut nya mainan recok. Mainan tembek ni ialah mainan yang makai 6 buting tutup botol dengan bola ntuk mainkan nya, bola ye dimainkan makai bola kasti,tahu ge makai bola ye ada di bekas deodorant ye dah habis. Cara mainkan nya tu kita bemain minimal 2 urang,urang nya harus suwit atau hompimpah dulu untuk nentukan sapa ye duluan main,cara main nya tu tutup botol nya di andek disalah satu tangan sekalian dengan bola nya habistu ambung bolanya sedeket beru tutup botolnya tu di hambur,untuk awal main pertama tutup botolnya tu telentang alak sebuting buting tutup botol nya sampai botol ke enam di ecek tutup botolnya beru alak due due tutup botolnya sampai seterusnya. amun dah enam buting alak segela tutup botolnya beru hambur telongkopkan tutup botolnya polah tegek awal,ntu di polah telentang telongkop sampai enam kali, amun dah sampai enam kali beru di hambur lagi masok ke akhir mainan ye namanya misfu.amun dah masok misfu, ye main tu ndi kawa ncarang segela mbuka sungut sampai ke alakan botol ye dah di tentukan,amun pemainya mati sebelum nyampai alakan botol ye di tentukan, pemain tu harus ngulang lagi di awal misfu sampai ye depat melalui alakan ye ditentukan. Zaman dulu mainan ni viral beneh dikalangan kanak- kanak. Dari hujung sampai ke hujung kampong urang main tembek segela. Contohnya tegek sida Tetew, uput, ekew, dengan udin, hari-hari sida tu main tembek maha tulak hambet sampai ke maghrib. “Etam main tembek yok? Aku ade bewak tembek ni” Bunyi tetew ke uput sambil nguarkan tembeknya dari kantong seloarnya. Nah harini gin sida handek main tembek lagi. “Seh leh tembek beru kah?” Sahut uput pas melihat tembek ye dijewat tetew maseh berseh ndik peyot-peyot tegek tembek ye dibewaknya haritu. “Au tadi mamakku habis meli sirup jedi ku alak tutupnya” Dah jedi kebiesaan kanak-kanak zeman dulu amun mamaknya habis meli sirup pasti tutupnya habis alaki side untuk main tembek. Tutup botol kaca ni iberatnya dah jedi harta karun lah untuk side. “Yok hak tapi etam bawaki Udin dulu bier rame” bunyi uput. “Au yok hak” Habistu pegi hak side tetew kerumah udin. Pas sampai disitu "UDIN OO UDIN MAIN TEMBEK YOK.."uje tetew meriak i udin Ndik sebrepa ade udin keluar pade rumah "Ayok hak etam main,tapi etam ngalak i ekew dulu supaya tambeh rame, depat etam main bekawan"uje udin sambil namakan sandel "Ayok hak tadi ade aku nelek ekew di lapangan bola"uje uput sambil side jelan Ndi sbrepa sampai side di lapangan bola "Tu ekew nya,tapi lagi bemain gulik ye, mau ndi ye yo main tembek kan etam"uje udin sambil nunjuk ke ekew "Nde ku tahu ge deh cobei hk dulu, dah mati ge tegeknya ekew nya tu, apa hak kanak nya diem maha di pinggir"uje di uput "KEW!.." meriak udin sambil side bejelan megi i ekew nya "Apa" uje ekew "Dah pupus kah kau main gulik tu, amun lah etam main tembek yok"uje tetew sambil nunjukan tembek beru nya "Yok, osok ge aku main gulik ni gesak mati sisa sedeket maha lagi guliku,main dmna Etam"uje ekew sambil nyimpuni sisa gulik nya "Main diwadehku haje parak pade sini"uje uput "Ayok hak"bunyi udin,tetew dengan ekew sambil side bejelan nuju ke rumah uput Sampai nya di rumah uput "Ayok, main bekawan haje etam hompimpah"uje ekew Hompimpah lah side, akhirnya uput dengan Udin sedangkan tetew dengan ekew,habis hompimpah suwit lah udin dengan ekew ntuk nentukan sapa ye duluan jelan,ternyata ekew ye menang jedi dluan jelan ekew dengan tetew "Alakan brepa ni bukaan misfunya"uje si ekew sambil main ngambung bola "Alakan 3 set 2 haje nde ye tapi payah" uje udin Akhirnya main side sampai ndi kerasaan dah maghrib "Eh dahan yok dah maghrib ni kela marahi mamaku aku, mpagi pulang etam melanjutkan main"uje tetew "Au yo ndi kerasan maghrib deh,ayok we etam mulang"uje udin sambil berdiri ndek makai sandel "Yok hak,kami mulang dulu put yoh mpagi pulang etam melanjutkan main"uje ekew
Dulu mainan tembek ni memang musim beneh. Sekali
etam dah main, habistu ndik akan berenti-berenti sampai ndik ingat lagi kan waktu. Sebenehnya sih maseh banyak mainan yang lain tapi tetaplah tembek dihati. Tapi sayangnya yo mini mainan tembek dah kurang diminati, kanak mini banyak yang ndik tahu dengan mainan tembek ni padahal ini adalah mainan tradisional etam di kukar. Selain itu kan mainan tembek ni gin bermanfaat untuk lingkungan etam, etam depat deur ulang sampah tutup botol dengan dijedikan mainan habistu depat membantu ngurangi sampah bierpun sedeket. Ayok mbok-mbok, busu-busu etam kenalkan lagi mainan tembek ni ke anak cucu etam bier mainan tembek ni ndik punah.