Pilihan Putri
Mitraku….
Ayo, angkaten tanganmu
Bukaken jendhelane langit
Ilekna banyu udan saka kamare
Papagen playune dina-dina kang utama
Peneken andha pengarep-arep
Kang sumendhe ing tembok-tembok pabrik
Kang dumunung ing beteng-beteng kantor
Kang mancep ing eskalator-eskalator plaza
Kabeh pada bae, aja ndadak milih lan milah
Aja tidha-tidha mitraku
Mumpung angin isih sumilir
Age, jangkahna sikil
Srengenge lan lintang-lintang kae
Bakal ngancani kowe*
GURIT KAGEM IBU
(Mbah Brintik)
GURUKU PAHLAWANKU
(Baerotun)
gumuruh swarane……
"bangsa iki kudu gentur tapa brata
brastha nepsu lan angkara murka"
Kandhane layang Arjunawiwaha.
Negara Kertagama Jumerit
"aja lena, aja ngersula kang ngambra-ambra
ayo tangi, ayo bangkit!!!"
"eling lan waspada"
Kalatidha aweh sasmita
"Gemah ripah loh jinawe
ayem tentrem karta raharja
loh subur tanpa kinira
ora mung dogeng lan carita
nanging kasunyatan kang nyata"
kocape Pustaka Raja Purwa.
Wow…Endahe ukaramu
Wow…Manise basamu
kanthi subasita lan ngemu rasa
Sasmitamu aweh pratandha
Piwulangmu luhur
Gegayuhanmu tulus
Memayu hayuning bawana
Tumrap bangsa lan negara