KIDUNG PANCA YADNYA

Wargasari

Asep menyan majegau

Cenane nuwur dewane
Mangda ide gelis rawuh
Mijil saking luhuring langit
Sampun medabdaban sami
Maring giri meru reko
Ancangan sadulur
Sami pade ngiring.

Wargasari rikala nunas tirtha

Turun tirtha saking luhur

Ne nyiratang pemangkune
Makalangan muncrat mumbul
Mapan tirtha amertha jati
Paican bathara sami
Panglukatan dasa mala
Apang side lebur
Malane ring bumi.
Wargasari agal

Singgih ratu sasuhunan

Sang sampun auring sepi
Cingak tityang saking khayangan
Kawula manuhur bakti
Mangde ice ide tumurun
Mijil saking meru manic
Amuwe tirtha amertha
Simpenan kendi maniK.

Rikala nunas tirtha ( Pupuh Semarandana )

Sawuwus tityang mebakti

Wangsuh pada lungsur tityang
Mesarangan ring bijane
Sida ngardi tutug yusa
Sarwe roga sinam puhan
Pangicalang leteh letuh
Jagat sami kerahajengan
Pupuh Adri (Rikala Nunas Tirtha )

Tirtha utama
Sakti Manerus
Paican kawulane mangkin
Ne sandi mapasupati
Panglukatan lara agung
Saluiring lara kesapuh
Hilang moksa maring sunia
Letuh hilang ala ludus
Katibenin antuk tirtha
Paican ida bathara

Pupuh wicandasika/geguritan

Titiang mangkin
ngaturang kidung
Melantaran manah suci
Ngastawa ida ngastiti bakti
Mangda sweca ida
Ngicen rahayu
Asep wangi
Sampun katur
Mendak ida bathara sami
Wara nugraha hyang mami
Nunas ice ratu agung.

Tembang Gambuh
Medasar budi sadu
Saking lascarya aning kayun
Manunas panugrahan
Dewe dewi
Miwah pitara Lan leluhur
Mogi nemu kerahayuan.

Tembang gambuh

Ngaturang kukus harum

Pangiring puja
Bakti kaluhur
Maduluran canang gantal
Canang sari sahe kidung
Tembang gambuh
Katuring hyang widhi kawot.

Pupuh Dandang (Amad Pebaktian )

Om kesantawiya purwaning pamuji
Apan presangga ngagat betare
Sang amurbeng tri lokaning
Tinggalane pakulun
Sembahning Astiti bakti
Puspa make serane
Pengarcanane hati jugul
Saha Jenane
Lile sude
Mangredana
Sang pakestine
Kumelik
Sang anu semeng se anu.

Pupuh Semarandana (Pebaktian )

Singgih ratu sang Hyang widhi

Cingak pangebaktin tityang
Tityang damuh iratune
Ayat mengaturang sembah
Nora tame saranya
Mesarane antuk santun
Ledang ugi ngampurayang.

Pupuh ginada linggar petak

Swatiastu ne katurang
Maring para pamiragi
Parama Suksemaang tityang
Dening sampun suweca rawuh
Nagingin manut pidabdab
Sane mangkin
Nyangra karya dewa yadnya
Mapan tityang I manusa
Sisip patut nike pasti
Ledang ugi ngampurayang
Tuna luwih pun kasuguh
Basa pupuh kalih suara
Nenten becik
Nging kedeh katur sematra.

Pupuh Sudamala

Om Om mang namah siwaye

Maheswari durge dewi
Bhatara sanghyang usada
Ledang ratu ngicen taksu
Jumenek ring padme redhi
Saking suke tityang ngayat
Antuk yase canang sari
Matur mangda polih srada
Anggen kemulaning urip
Somye saking rage kali.

Pupuh sekar gadung

Tirtha hening ya tirtha hening

Sibuh emas mering ring sangku
Tibakin damuhe sami
Siratin sami purna
Wus maketis wus maketis
Ngawetuang manahe galang
Ngalebur lare rigede
Teduh landuh paripurna.

Pupuh Kamoksan

Asepe ye karegepan
Pasepane dewi partiwi jati
Geni sanghyang brahme iku
Kumenyanne betare siwe iki
Majegau sade siwe
Cenanane yang parama siwe
Dupane yang pramusti

Pupuh Ginada

Mangde kiap ten mangode

Daun bilene ketitik
Kasintungang ring telaga
Ical raris kiap ipun
Merawat ring sajeroning manah
Solah ipun
Maboros tan welas arse.

Pupuh Sadpada

Saking purwe ida tumurun

Penganggene Alus ngurub
Nyingak sarwe Sehanan maurip
Satia bakti hyang sinuhun
Bagia ide sang hyang widhi.

Pupuh murdaning gita

Pinake unteng pinunas

Mangungsi Wara nugraha
Paican ide ne Sujati
Amertaning sanjiwani
Lintang suci rahat utama
Utama jroning hati
Ngalilir ring siwe duare
Make sinar idane suci
Mangresepi jroning hati
Drede bakti anggen menyanggre.