2.

PASAMBAHAN
Tumbuah cando nan mangko
Di adapun angku niniak mamak
Manuruik pasa nan biaso
Adaik lamo, pusako jaman
Dibari jo balabek
Dilingka adaik jo pusako
Ateh sipatuik e kan iyo
Ba baokan, bataratik
Ba manjilih, balelo batorena
A upoe
Ditakuak an kapalo nan satu
Di unjaman lutuik nan duo
Di angkek tangan
Di lewaan samba
Ba kini
Tatatik manjilih nan samo
Kito baokan
Antangan taratik nan samba
Sarik mamancak dinan sampik
Sarik batenggang dinan bidak
Kini kato basabuik
Undiangan kadibaco
Bana di katangaan
Mamintak sakali kini

Jawaban :
Sampai kapalo mudo
Kato ko kabajawek lakeh’undiangan bulih capek
Karano tasungkuik di jalo
Tantu dapek sorang di pabulek
Dapek duo di paiyoan
Dapek tigo ditarik jo mufakaik
Manunggu kapalo mudo sakatiko
3. SIRIH JO PINANG

Taji-taji guntiang daulu

Di bawah kaliran taji
Samanjak mamak nan dahulu
Tigo limbago nan badiri

Nan partamo kato basitinah

Kailia la bamuaro
Mudiak e lah ba ulu
Kini tantang siriah
La tasuruah ta siayo/sayo
Anak mudo matah
Mangatiak siriah kagagangan
Ma mupuak pinang katampuak e
Dek untuang ka kadialah
Siriah dapek, pinan basuo
Di cukuikan urang limo badunsana
Mambali alaik kapasa
Di masuakan kampia siriah
Kok bajalan ba buah batiah
Kok malenggang babuah tangan
Mambaok siriah ka salangkok e
Makan lah siriah ko sa kapuak
Sorang, labih sakapua elok bana
Di makan lalu dimasakan.
 PASAMBAHAN
Tumbuah cando nan manangko di adapan angku niniak mamak lah, babauah adaik jo

pusako. Manuruik asa nan biaso, adaik lamo pusako jaman.

Di bari jo balabek

Di lingka adaik jo pusako, ateh sapatuik e,

Kan iyo babaoan bataratik, mamanjilih balelo bakurenah,

Ba upo jo tampan, batakuahan kapalo nan satu,

Baumjaman lutuik nan duo, basusun jari nan sapuluah

Di angkek tangan dilewaan sambah,

Taritik manjilih lah samo kito baokan

Tantangan anjang sambah saik nan mamancak dek nan sampik

Saik batenggangan dek nan tidak,

Ma abuik tantangan nan cana mamintak tantangan nan kabuliah

Tantangan sambah kito gantuang ka nan tinggi,

Mamintak sakali kini, katonyo kadisabuik, undiangannyo kadibaco, bana dikatangahan,

mamintak sakali kini, sakali kini, sakian diambo dulu.

 Sampai bak kato kabajawek undiangan bakambalian, dek tasungkuik dijalo

takungkuang dibongka, nan duduak samparan, tagak sapambatang, dek undang-undang

kapalo mudo, dek karano mamancung ndk sakali putuih, mangabek ndak sakali arek.

Tantu dan taserak bakamehan, tacicia nan kadibuktian, manunggu kapalo mudo nan

sakatiko.

Fai, dek karano tasungkuik dijalo, takungkuang dibongka, carilah golek nan sagolek,

picak nan salayang, baalah golek nan tibo dinan data picak nan salayang, manunggu ambo

nan sakatiko.

Dek karano galak nan sagaleh, tadi bajanji jo undiangan batapekan jo undiangan,

mancari golek nan sagolek picak nan salayang, dikaji awa dapek akhia, baa di awa tadi

kapalo mudo manantiang undiangan. Aparundian an e kapalo mudo-mudo tantang sambah

manuruik pasa nan biaso, adaik lamo pusako jaman, dibarih jo balabek dilingka adaik jo

pusako. Sapatuik e baharokan taratik manjaleh, balala bakuranah, upo jo tampan. Baa kami

duduak nan saamparan tagak sapambatang, mungkin golek e nan lah sagolek, picak e nan

salayang. Taantang kandak maagiah mintak kapado Tuhan, basarahan bulek-bulek kakapalo

mudo baa pulang kapalo mudo, lah pulang kami basamo, senteng e babelai lama a bataghu a.