PEMERINTAH PROVINSI BALI

SMA KARYA WISATA SINGARAJA

Alamat :Jln. Sam RatulangiPenarukanSingaraja, Kab. Buleleng
e-mail :smakaryawisata_singaraja@yahoo.co.id

ULANGAN AKHIR SEMESTER

TAHUN PELAJARAN 2019/2020

MATA PELAJARAN : Bahasa Bali

KELAS/ SEMESTER : XI (GANJIL)
HARI/ TANGGAL :
ALOKASI WAKTU : 90 MENIT

OBYEKTIF
I. Jawab yang paling benar soal di bawah ini pada lembar jawaban yang telah disediakan dengan cara memberi
tanda silang (X) pada kolom A, B, C, D, atau E pada lembar jawaban !

Wacen wacana puniki tur saurin pitaken no. 1-10 !

SEMBRAMA WACANA
Ratu sulinggih sane suciang titiang,
Para Manggala adat miwah dinas sane singgihang titiang,
Ida-dane para athiti miwah undangan sane wangiang titiang

Sadurung titiang nglanturang matur, pinih riin ngiring sareng-sareng ngastiti bhakti ring
Ida Sang Hyang Widhi, mangdane karyane puniki prasida mamargi antar miwah labdhakarya
antuk ngojarang pangastungkara "Om Swastiastu".
Titiang sane nyledihin sang maderbe karya ngaturang swasti prapta, saha matur
suksma ping banget pisan mantuk ring Ida dane sareng sami,riantuk sampun ledang nagingin
pangaptin titiang, ngrauhin sekadi mangkin.
Mungguing karyan titiang rahinane mangkin wantah muputang pangupakaran pianak
titiange I Made Susastra. Ipun sampun nemuang jatukarma prasida mapikuren sareng Ni Luh
Susilawati saking Banjar Bojog, desa Sangeh, Abiansemal. Ring dinane mangkin gawenang
titiang ipun upakara matatah miwah pawidi-widanan saparipolah anak mapikurenan.
Tatujon titiange ngaturang mangda Ida dane sida rauh rahinane mangkin nenten tios
wantah pinaka saksi,ngupasaksiang sajeroning pawongan saha sareng ngrastitiang ring Ida
Hyang Widhi,lamukane pawiwahan sang kalih mangguh kasukertan manut sakadi
pangaptinnyane. Selanturnyane, banget pangaptin titiang mangda wenten sane ledang mapaica
piteket-piteket ring sang kalih sane alaki-rabi.
Inggih Ida-dane sareng sami, pinaka cihnan liang manah titiang saha mangda jangkep
gawe lan yadnyan titiang, mangkin titiang nunas mangda Ida-dane ledang mungguhang bhoga
samatra sane sampun kasayagaang.
Inggih Ida-dane sareng sami wantah asapunika atur panyembraman titiang. Bilih wenten
makatrunaluihipun, inggian ring panyembrama, miwah aturan panamiu, titiang sakaluwarga
nunas agung pangampura. Om Santih, Santih, Santih Om.

Saurin pitakene ring sor !

1. Wangun sesuratan baduur marupa bebaosan sane kawastanin….

a.
b. Dharma wecana
c. Sembrama wecana
d. Tutur
e. Dharma tula
f. Atur piuning
 2. Sasuratan baduur nganggen basa Bali sane kabaos….
a. Basa kasar d. Basa alus
b. Basa andap e. Basa mider
c. Basa madia

3. Bebaosan baduur kapaos antuk sane nyledihinin anake maderbe karya. Napi teges
kruna nyledihinin ring lengkara punika….
a. Ngentosin d. Ngangkenin
b. Ngawalinin e. Ngwakilin
c. Ngawakilin

4. Sane kabaos purwaka miwah pangastuti ring wecana baduur….

a. Paragraph kaping 1
b. Paragraph kaping 2
c. Paragraph kaping 3
d. Paragraph kaping 5
e. Paragraph kaping 6

5. Titiang sane nyledihinin sang maderbe karya, pacang matur samatra. Kruna maderbe
ngranjing sorohing kruna Alus Sor, sane alus singgihnyane….
a. Adrewe d. Madruwe
b. Madue e. Sami patut
c. Maduwe

6. Ipun sampun nemuang jatukarma, prasida mapikuren sareng Ni Nyoman Susilawati.

Kruna jatukarma mateges….
a. Jodoh d. Suitra
b. Tunangan e. Gegelan
c. Mitra

7. Ring dinane mangkin gawenang titiang ipun upakara. Lengkara puniki kirang patut.
Sepatutnyane….
a. Ring dinane mangkin karyanang titiang ipun upakara
b. Ring rahinane mangkin gawenang titiang ipun upakara
c. Ring rahinane mangkin karyanang titiang ipun upakara
d. Ring rahinane mangkin gawenang titiang ipun upakara
e. Ring dinane mangkin titiang mekaryanang ipun upakara

8. Upakara anak mawiwaha patut nganutin tri upasaksi. Banten pawidi-widanan cihna….
a. Dewa Saksi d. Pitra Saksi
b. Manusa Saksi e. Sami iwang
c. Bhuta Saksi

9. Banten makalan-kalan utawi masakapan kabaos….

a. Dewa Saksi d. Pitra Saksi
b. Manusa Saksi e. Sami iwang
c. Bhuta Saksi

10. Tatujon titiange ngaturin mangda Ida dane rauh rahinane mangkin.
Kruna tatujon lian raosnyane….
a. Patitis d. Pangapti
b. Pamikukuh e. harapan
c. Tujuan

Wacen wacana puniki tur saurin pitaken no. 11-25 !

Teks Pidarta Sambutan

Om Swastiastu
Bapak Bupati Murdaning Jagat Badung sane dahat singgihang titiang,
Manggalaning DPRD Kabupaten Badung sane wangiang titiang,
Manggalaning PHDI Kabupaten Badung sane kusumayang titiang,
Miwah Ida dane para sameton krama Seka Truni sane tresna asihing titiang.

Pangayubagia aturang titiang majeng ring Ida Sang Hyang Widhi Wasa, duaning
majanten sangkaning pasuecan Ida Mawinan Bapak Bupati, Para manggala sami miwah titiang
krama seka truni Abdi Putra, Banjar Selat Sobangan, Mengwi, prasida mangguh karahajengan
wengine mangkin.
Majeng ring Bapak Bupati miwah para atiti tiosan, titiang krama seka truni Abdi Putra,
Banjar Selat Sobangan, Mengwi wantah prasida ngaturang rasa suksmaning manah ping
banget pisan, duaning sampun ledang nagingin pangaptin titiang, ngrauhin wengine mangkin.
Paican Bapak, Ibu, Iratu Ida dane sinamian tunas titiang, jagi anggen titiang nglanturang
pawangunan ring banjar druene. Mogi-mogi pacang nglantur wara lugrahan Ida Sang Hyang
Widhi Wasa, mawinan Ida dane setata mangguh karahajengan saha prasida kacunduk malih
ring galahe selanturnyane.
Mantuk ring saluir kakirangan panyagran titiang, lugrayang titiang nglungsur agung rena
pangampura. Inggih, puputang titiang antuk parama santi.

Om Santih, Santih, Santih Om

Saurin pitakene ring sor !

11. ritatkala mekarya pidarta ring purwaka/pemahbah patut madaging….

a. Pangastuti d. Nunas pangampura
b. Tema e. Parama santi
c. Unteng karya

12. Mantuk ring saluir kakirangan panyagran titiang, lugrayang titiang nglungsur agung rena
pangampura. Inggih, puputang titiang antuk parama santi. Lengkara ring ajeng wenten
ring….pidarta
a. Purwaka d. Parama santi
b. Pemahbah e. Daging pidarta
c. Pamuput
13. Pangayubagia uningayang titiang majeng ring Ida Sang Hyang Widhi Wasa, duaning
majanten wantah sangkaning pasuecan Ida, mawinan titiang pingkalih Ida dane prasida
mapupul iriki.
Lengkara ring ajeng kawastanin….ring pidarta
a. Pangastuti d. Pamuput
b. Pangayubagia e. Tema pidarta
c. Daging pidarta

14. Rikala mekarya pidarta patut madaging….

a. Purwaka, daging, pamuput
b. Pangastuti, tema, parama santi
c. Pamahbah, purwaka, pamuput
d. Pangastuti, pasinahan angga, parama santi
e. Tema, pangastuti, pamuput

15. Cutetan daging pidarta ba duur nganinin indik….

a. Suksmaning manah ring para uleman
b. Pangayu bagia majeng ring Hyang Widhi
c. Pangaptin sang sane nganggra uleman
d. Dumogi prasida kacunduk malih
e. Nglanturang pawangunan ring banjar

16. Rasa suksmaning manah ring pidarta baduur wenten ring paragraph….
a. 1 d. 2
b. 4 e. 1-2
c. 3
17. Mantuk ring saluir kakirangan panyangran titiang, lugrayang titiang nglungsur agung
rena pangampura. Inggih, puputang titiang antuk parama santi.
lengkara ring ajeng kawastanin….ring pidarta
a. Pangastuti d. Pamuput
b. Pangayubagia e. Purwaka
c. Parama santi

18. Uli pidan tiang nyiksik bulu apang tawang kepelihane. Nyiksik bulu suksmannyane….
a. Bengong d. Ngidih pelih
b. Marasa-rasa e. Pati grepe
c. Ngalih bulu

19. Mogi-mogi setata rahajeng tur sidhaning don. Kruna sidhaning don suksmannyane….
a. Wikan d. Polih don
b. Doh saking rahayu e. Prasida rahayu
c. Manut ring tatujon

20. Dumogi labda karya, tan kirang pangan kinum. Labda karya suksmanipun….
a. Untung gegaen d. Mabati
b. Wikan e. Sami iwang
c. Rugi

21. Wangsa Jaba rikala matur ring Sang maraga Tri Wangsa patut mabaos….
a. Alus madia d. Alus sor
b. Alus singgih e. Alus
c. Alus mider

22. Ratu sampun ….orti dibi sanja

a. Miragi d. Ngrasayang
b. Ningeh e. Manggihin
c. Mireng

23. Lengkara "Dane Jero Mangku sane suciang titiang", mawaste lengkara….
a. Alus singgih d. Andap
b. Alus sor e. Alus madia
c. Alus mider

24. Ning, jemakang dadong tungked teken pabuan. Kruna pabuan alusnyane….
a. Pawiduhan d. Rarapan
b. Lanjaran e. Sungklit
c. Pacanangan

25. Titiang sampun nunas iwawu. Lengkara ring ajeng kawangun antuk kruna-kruna….
a. Ami, asi, ami, aso
b. Asi, asi, aso, andap
c. Aso, ami, asi, andap
d. Aso, ami, aso, ami
e. Asi, ami, aso, ami

26. Rasa penghayatan ritatkala maktayang pidarta mangda daging pidarta punika prasida
nuek pikayunan sang sane mirengang kawastanin….
a. Wicara d. Wiraga
b. Wirasa e. Wirama
c. Wesata

27. Basa baline sane kaanggen mababaosan ring pagubugan sarahina-rahina (sane nenten
resmi), kawastanin….
a. Basa pakraman d. Basa andap
b. Basa basita e. Basa kepara
c. Basa pasuitrayan
28. Sajeroning ngamiletin lomba mapidarta, wenten lelima kriteria sane sering katureksa
utawi kaicenin nilai sakadi ring sor puniki, sajabaning….
a. Penguasaan materi d. Bahasa
b. Amanat e. Tulisan
c. Pengelolaan tema

29. Tata suara sane mapaiketan ring suara miwah intonasi sane anut ring panggelan
lengkara mangda kapireng lengut kawastanin….
a. Wirama d. Wesata
b. Wirasa e. Wiraga
c. Wicara

30. Murdan pidarta miwah daging pidarta mangda manut ring….

a. Tema d. Penguasaan materi
b. Amanat e. Bahasa
c. Penampilan

31. Pasinahan anggan pamidarta ring wangun pidarta wenten ring….

a. Tetikesan mapidarta d. Pamuput
b. Purwaka/pamahbah e. Untat pidarta
c. Daging pidarta

32. Yening Ida Pedanda Made Gunung mabebaosan Bali alus rikala wenten upacara
mendem padagingan mawasta….
a. Dharma wecana d. Simakrama
b. Dharma tula e. Atur piuning
c. Dharma suaka

33. Istilah sane wenten paiketanipun ring pidarta mabasa Bali inggih punika, sajabaning….
a. Dharma tula d. Dharma gita
b. Widya tula e. Sima krama
c. Dharma suaka

34. Sang sane mapidarta kawastanin….

a. Ugrawakia d. MC (pembawa acara)
b. Pamaos e. Pamidarta
c. Pemakalah

35. Bebaosan mabasa Bali alus sane nguningayang kawentenan karya sane kalaksanayang
kawastanin….
a. Pidarta d. Sembrama wacana
b. Dharma wecana e. Dharma tula
c. Atur piuning

36. Sapunapi paiketan basa Baline sareng budaya Baline….

a. Basa Bali pinaka titi pangancan ngrereh kaweruhan
b. Basa Bali patut kalestariang
c. Basa Bali lan budaya Bali, paiketannyane rumaket pisan
d. Basa Bali lan budaya Bali nenten wenten paiketan ipun
e. Malarapan malajahin bahasa Bali, iraga pacang prasida ngaresepang sesuduk
budaya Baline.

37. Manut pidarta punika napi sane patut karajegang….

a. Kesenian Bali d. Basa Bali
b. Sesolahan Bali e. Dresta ring Bali
c. Susastra Bali

38. Sapasira sane patut ngrajegang basa lan budaya Baline….

a. Guru bahasa daerah Bali d. Guru wisesa (pemerintah)
b. Jadma Baline sareng sami e. Alit-alite ring Bali
c. Guru pengajian
 39. Kruna sane rasa basannyane magenah ring pantaraning Alus Singgih miwah Alus Sor
kawastanin….
a. Kruna Alus Madia (AMA) d. Kruna Alus Sor (ASO)
b. Kruna Alus Mider (AMI) e. Kruna Kasar
c. Kruna Alus Singgih (ASI)

40. Kema Adi mulih. Jumah ngoyong apang tusing umahe suung. Lengkara punika
kawastanin….
a. Basa kasar d. Basa andap
b. Basa alus singgih e. Basa madia
c. Basa sor

41. Okan dane sane istri maparab Gusti Ayu Klatir. Kruna sane macetak tebel tur miring
ring sajeroning lengkarane punika kawastanin….
a. Kruna alus madia d. Kruna kasar
b. Kruna alus mider e. Kruna alus singgih
c. Kruna andap

42. Adin tiange sampun suud madaar di paon, sakewanten paksin tiange durung….
a. Ngajeng d. Neda
b. Madaar e. Nunas
c. Ngamah

43. Sane encen ring sor puniki kabaos lengkara Alus Singgih….
a. Titiang sampun nunas iwawu
b. Ngiring iraga sareng-sareng ngastiti Ida Hyang Widhi
c. Ida Ayu nenten mireng baos biangidane
d. Nyen ja adan timpal wayane?
e. Depang suba pang Bangka polone.

44. Lengkara Alus Singgih sering kawangun antuk kruna-kruna….

a. Alus singgih, alus mider, kruna mider
b. Alus mider, kruna mider, alus madia
c. Alus sor, alus mider, kruna mider
d. Kruna andap miwah kruna mider
e. Alus sor miwah alus mider

45. I Bapa mara pesan majalan lakar ngebah tiing tali. Lengkarane punika kabaos
lengkara….
a. Lengkara alus singgih
b. Lengkara alus sor
c. Lengkara alus madia
d. Lengkara alus mider
e. Lengkara andap

ESSAY

Napi sukseman utawi artin basa basitane ring sor !

1. Salunglung sabayantaka
Artinipun : ……………………………………
2. Saling asah, asih, asuh
Artinipun : ……………………………………….

Salin pupuh maskumambang ring sor antuk aksara Bali !

3. Sang pandita
…………………………………………………………
…………………………………………………………
4. Ngadegang weda pamuji
…………………………………………………………
…………………………………………………………
5. Sedan prabune ring Dirah
…………………………………………………………
…………………………………………………………