Script Lenong Beli Telor

Assalamu’alaikum wr.wb
Oi penonton, kenalin ni aye dalang pade cerite ni, ngomong ngomong
elu pade udah tau gak cerite “Beli Telor” ? Cerite ini diangkat bukan dari
cerite kehidupan aye, tapi dari tetangge aye yang disono-sono no. Kalo gitu
nyok kite saksikan ceritenye
Pade suatu hari ade keluarge yang rempong bener. Enyaknye punye
sipat pelupe. Nah, si Babenye lain lagi, kalo ngomong gak pernah lurus.
Etdah datang ni anak sulungnye, diemban semua sipat enyak babenye. Anak
bungsunye aje yang normal
Dari pada penasaran mending kite tonton aje ceritenye.

SCENE 1
Penonton! Di siang hari yang angetnye kayak dipantai, si Boljun lagi
berjemur di depan rumehnye. Tibe-tibe enyak yang lagi pake masker muka
keluar rumeh nyamperin Boljun.
Enyak : Eh Jun, bantuin enyak beli telor sono.
Boljun : (boljun terkejut liat enyaknye yang pake masker sampei jatuh dari
kursi) Eh, buset!
Enyak : Kenape lagi lu? Kesambet?
Boljun : enyak sih ngagetin aye
Enyak : (nepuk punggung Boljun)
Enyak : Lu pikir enyak setan ape? Cepet deh lu pegi sono beliin enyak telor,
sekilo.
Boljun : Kok aye sih. Si Ipeh aje tuh.
(Ipeh datang sambil bawa tas)
Ipeh : ngape bang. Nyebut nyebut name aye kangen?
Boljun : kagak. Lu nya aja yang kegeeran.
Ipeh : Kalo kangen telpon aje bang. Iphone aye aktif terus kok.
Boljun : buset songong banget lu.
Ipeh : Iye lah secara aye tuh lebih gaul,lebih normal dari lu ye bang.
Enyak : astagfirullah peh. Gak baik bilang abang lu sendiri kayak gitu.
Kualat.
Ipeh : (ekspresi menyesal) Iye nyak sorry.
Boljun : rasain lu.
Ipeh : (mandang sinis ke boljun) yaudeh nyak aye mau ke mall dulu. Abang
beli telor aje dah sono
Boljun : set dah gaya bet lu peh
Ipeh : emang ngape sih bang kaga boleh?
Enyak: eh udah udah jangan pada rebut
Ipeh dan Boljun: Iye nyak maap
Ipeh: Yaudah bye bye nyak.. bang..
Enyak : Nah jun sekarang lu beli telor sono.
Boljun : iye nyak. Aye pegi du..du..du
Enyak : (enyak nepuk punggung boljun lagi) dudududu gagap lo
Boljun : dulu nyak maap
Enyak : Iye deh, cepetan.

SCENE 2
Oi penonton. Nah tadi si boljun kan disuruh enyaknye beli telor. Boljun pun
pegi ke warungnye mpok surti.
Boljun : eh eh eh eh..
Mpok : bang jono kenapa kau tak pulang-pulang.
Boljun : (Ikutan joget)
(musik berhenti)
Mpok : eh eh kenape jun?
Boljun : eh mpok aye mau beli telor dong
Mpok : mau berape kilo telornye jun ?
Boljun : Oi penonton tadi enyak minta beli berapa kilo yak?, Setengah kilo
aja kali yee
Mpok : tunggu bentar ye
(Setelah nunggu beberape menit, Mpok surti balik lagi sambil bawak kantong
plastik berisi telor)
Mpok : nih jun, semuenye lime ribu aje
Boljun : (Boljun masukin tangannya kesaku dan gak nemu duit. Die baru
inget kalo enyak belum ngasih duit) makasih banyak ye mpok, mpok cantik
banget dah
Mpok : ah lu bise aje jun, mpok cantik gini kan mantan none betawi. Udah
banyak yang bilang mpok cantik
Boljun : Oh ye udeh pok, aye pegi dulu, makasih ye mpok!
Mpok : Iye same-same Jun. Balik lagi ye.
(Boljun pergi dari warung ntu. Nah si mpok surti baru nyadar si boljun nye
belum bayar)
Mpok : oy bocah! Duitnye mane!!
Boljun : ampun mpok! Nanti enyak aye yang bayarin

SCENE 3
Setelah dari warung mpok surti, Boljun lari-lari di jalanan komplek dan gak
sengaje nabrak preman. Gimane kelanjutannye? Nyokk kite pantengin.
Preman : oi, bocah berenti lu.
Boljun : Ye ncang?
Preman : lu berani-beraninye nabrak orang paling kuat di kampung ni
Boljun : sory ncang. Aye kagak sengaje.
Preman : sorry-sorry. Lu kira justin bieber.Sekarang serahin semua duit-duit
lu!
Boljun : aye kagak punye duit ncang
Preman : Ah bohong lu. Ape perlu gue ambil sendiri?
Boljun : suer ncaang. Kagak bohong aye. Duit aye abis
Preman : (nepuk punggung boljun)
Boljun : udah diambil same mpok surti. Die lebih kuat dari ncang.
Preman : siape yang lebih kuat dari aye? Aye kudu datengin nih si mpok
mpok. Udah lu anterin aye ke tempat mpok nya

SCENE 4
Nah, Boljun same Si preman pun pergi ke warung mpok surti yang katenye
Boljun lebih kuat dari si preman. Boljun boljun.. ade-ade aje. Nyok deh kite
saksikan.
Preman : Ini warungnye?
Boljun : iye ncang. Kalo gitu aye pegi dulu ye ncang?
Preman : kagak-kagak. Lu kawanin aye.
(disaat preman lengah, boljun kabur)
Preman : oy bocah! Jangan kabur dulu lu!
(preman pun ngedeketin mpok surti sendirian)
Preman : eyy penonton, yang Namanya mpok surti mane sih
Mpok : aye bang, ngape emangnye?
Preman : aye denger, mpok lebih kuat daripade aye,
Mpok : oh lu mau nantangin aye. Ayo sini maju lu. (narik lengan baju sambil
siap dengan posisi mau ninju)
Preman : eh aye mah kagak takut same model kayak mpok. Palingan sentil
dikit doang langsung melayang .
Mpok : wah elu jangan belagu jadi orang
Babe tibe-tibe datang
Babe : eh eh ade ape nih?
Mpok : eh ? babenya boljun ? ini nih preman cap teri ni nantangin aye duel.
Babe : Wah elu. Berani nye same perempuan aje. Sini lu lawan aye.
Preman : (preman takut liat babe boljun yang tinggi banget) eh, kagak ncang.
Tadi aye cuman..
Babe : cuman ape?
Preman : cuman... kabur....
Babe : oy lu malah kabur. Kalo ketemu lagi gua jadiin Santen lu
Mpok : ( nepuk punggung babe)
(Si preman pun kabur. Sekarang tinggal babe same mpok)
Mpok : yaelah makasih ye babenya boljun
Babe : iye. Buat lu ape sih yang kagak. hati aye aje aye kasih buat lu sur
Mpok : ah lu bise aje man. Gue rela deh jadi simpanan lu
Babe : Ah ade-ade aje lu sur, nanti ketahuan enyaknya si boljun. Bisa
dipotong lidah gue.
Mpok : Walaupun lidah elu kepotong gue tetep cinta kok.
(terdengar lagu, Babe dan mpok joget)
Mpok : oh iye, gue baru inget si Boljun tadi belum bayar
Babe : ape boljun belum bayar, kabur
Mpok : Oy sukirman! Et dah ni anak sama babenye same aje. Udah rayu-rayu
gue abis ntu pergi. Ini hati bang bukan kacang mede.

SCENE 5
Setelah dari warungnye mpok surti, Si Babe berenti lari pas sampe di
persimpangan dan gak sengaje liat boljun lagi ngumpet dibalik pohon.
Babe : eh jun, lu ngapain di mari?
Boljun : ngumpet be.
Babe : kenape lu ngumpet?
Boljun : tadi ade preman.
Babe : oh tenang aje ntuh preman udah babe beresin.
Boljun : beneran be?
Babe : iye. Ya udeh kite pulang yuk?
Boljun : ayuk be.

SCENE 6
Boljun dan Babe pun kembali kerumeh. Enyak yang masih pake masker
keluar dari kamar.
Boljun & Babe : assalammu’alaikum
Enyak : walaikummussalam.. eh, dimane telor nye jun?
(Babe dan Boljun istighfar dan baca ayat kursi)
Enyak : ih ape sih? Kirain aye setan ape sampe baca ayat kursi?
Boljun : Enyak sih pake masker segala. Kan horor.
Enyak : sini deh telornye
Boljun : nih nyak...
Enyak : kok dikit banget jun. Enyak kan suruh beli satu kilo.
Boljun : bukannye setengah kilo nyak?
Enyak : yaelah jun. Kalo kayak gini nggak jadi bikin kue.
Boljun : yah nyak.
Enyak : Yaudah lu beli sono setengah kilo lagi pake kembaliannye.
Boljun : (boljun mau ngambil duit dari sakunye tapi kagak ada) nah dimane
ye?
(tibe-tibe Ipeh datang sambil bawa banyak belanjaan)
Ipeh : Hey everybody. Lagi ngapain nih?
Babe : hey hay hey hoy.. assalammu’alaikum.
Ipeh : Iye iye. Assalammu’alaikum. ( sambil salam sama babe,enyak dan
boljun)
Temennya ipeh : Peh kite pulang dulu ye
Ipeh : iye
Temennya ipeh : Assalamualaikum
Babeh boljun enyak ipeh : Waalaikumsallam
Enyak : Banyak banget belanjaan lu peh. Titipan masker enyak kagak lupe
beli kan?
Ipeh : Nggak dong. Aye kan gak kayak enyak, pelupe.
(Enyak mukul lengan Ipeh)
Enyak : anak durhake.
Ipeh : sorry nyak.
Enyak : O iye jun. Kembaliannye ade kan?
Babe : Nah tadi kate si surti, lu belum bayar jun
Boljun : oh iye, aye baru inget, enyak belum kasih duitnye.
Enyak : oh iye enyak lupe.
Ipeh : tuh kan betul kate ipeh. Enyak ntu pelupe.
Enyak : (mukul lengan ipeh lagi) Sebagai hukumannye. Lu sekarang pegi ke
warung mpok surti. Bayarin beli telornye.
Ipeh : yaelah nyak. Baru juga pulang dari mall. Capek serasa mau pingsan (
tiba-tiba ipeh pingsan beneran, babe langsung panik)
Babe : peh peh.. bangun bangun
Boljun : alah paling bohong aje tuh..
Enyak : daripade lu ngoceh mending lu ambilin ape gitu buat bangunin die..
Boljun : (boljun pun pergi ngambil kaus kaki) nih nyak
Enyak : bise ape pake kaus kaki?
Boljun : ada deh liat aje deh nyak
(tiba-tiba Ipeh bangun)
Enyak : lo peh udeh bangun aje cepet banget.
Babe : iye peh, lo gak ape-ape kan?
Ipeh : pale aye pusing nih be.
Boljun : alah, bohong aja tuh be. Gak mau ke warung kali
Enyak : bener peh?
Ipeh : (senyum –senyum sambil nunduk)
Enyak : nih anak, udah buat orang khawatir aje. Yaudeh lo pegi sono ke
warung, jgn lupe telor setengah kilo.
Ipeh : Iye iye. Aye kan kagak pelupe nyak.
Enyak : ( nepuk bibir ipeh) nih mulut bisa direm kagak.
Ipeh : hehe sorry nyak
Enyak : Yaudah sono beli telor nya setengah kilo lagi
Ipeh : mana duitnya nyak
Enyak : nih nih
Ipeh : Yaudah aye pergi dulu ye
(ipeh pun pergi ke warung mpok surti buat beli telor setengah kilo lagi
sekalian bayar telor telornye, ade ade aja ye si boljun ipeh dah yang jadi
korbannya)

SCENE 7
Ipeh : Mpok mpok surti, aduh dimana ye mpok surti, mpok
(ipeh Pantang Menyerah untuk memanggil mpok surti, zubaedah anaknya
mpok surti yang mendengar suara tersebut menghampiri ipeh)
Zubaedah : Eh, ipeh
Ipeh : eh baedah nyak lu mane dari tadi, aye panggil gak nyaut nyaut
Zubaedah : enyak lagi ngejemur peh
Ipeh : buset santai bener ni warung kagak ada yang jagain
Zubaedah : lah emang, lu tau kaga peh julukan warung aye?
Ipeh : Hah warung ada julukan?
Zubaedah : Ya pasti ada dong, lu kurang update sih
Ipeh : Emang ape sih julukan warung lu
Zubaedah : WTBMS warung ter the best mpok surti, warung damai anti
maling warung anti nyamuk
Ipeh : buset itu julukan ape beban pikiran banyak bener
Zubaedah : Ya emang itu julukannye, oiya lu kesini mau ngapain peh
Ipeh : aye kesini pengen beli telor setengah kilo, sekalian bayar utang nye
boljun
Zubaedah : oh yaudah tunggu bentar ye
( zubaedah pun mengambil telor setengah kilo lagi)
Zubaedah : Nih setengah kilo 5 ribu, boljun berape utangnye
Ipeh : tadi boljun beli setengak kilo sih
Zubaedah : berarti lu bayar 10 ribu peh
Ipeh : yaudeh nih dah uang nye makasih ye
Zubaedah : ye dating lagi yak

SCENE 8
Ipeh : Assalamualaikum
Babeh, Boljun : Waalaikumsallam
Ipeh : Enyak mana beh?
Babeh : Kagak tau gua mah liat aje kedalem
Enyak : Eh Ipeh mana telor nye
Ipeh : nih nyak
Enyak : Utang boljun dah dibayar kan
Ipeh : Dah kok santai aje

SCENE 9
(setelah beberapa jam kue Enyak pun siap dimakan)

Enyak : Junn! Boljun!

Boljun : iye nyaak
Enyak : sini bantuin enyak bawa kue
Boljun : iyee bentar
( boljun dan enyak pun membawa kue ke ruang depan)
Babeh : Buset bikin apaan lu jun
Boljun : bukan aye yang bikin enyak noh
Babeh : oh gua kira anak gua dah bisa masak
Boljun : emang aye dah bisa masak beh
Babeh : emang bisa masak apaan lu
Boljun : masak air doang si beh
Babeh : yaelah gkek gitu mah bayi juga bisa jun jun
Enyak : dah dah gausa rebut makan nih kue, ipeh mana jun
Boljun : Dikamarnya kali nyak
Enyak : peeh…ipehh!
Ipeh : iye nyak ngape
Enyak : nih makan kue dah enyak bikini
( babeh, boljun dan ipeh pun makan kue nya)
Boljun Babeh Ipeh: (pura pura muntah)
Enyak : eh ngape lu semua ampe muntah
Boljun babeh ipeh : NYAK KUE NYA GOSONG

semua: sekian lenong dari kami, Wassalamualaikum Wr, Wb

_______THE END_______