BABAK 1 ( Jalan Desa ) Penduduk : Maling ….maling,……… Maling 1 : He,… yok opo iki awak dewe wis dikepung penduduk Maling 2 : Nek wis ngene iki carane yo tawur Maling 1 : Tawur…??? Gendeng koen awak dewe iki mek 3 lah musuh wong sak kampong Maling 3 : Lha iyo ,… yek opo carane,??? Sing onok awak dewe iki malah ajur kabeh, … asu koen iku Maling 2 : Maling kok wedi mati coy………….. nyalimu endi? Maling 1 : Nek mati temen lakyo sara lho!!!! Maling 2 : Halah, wis gk ngurusi! Ayo maju……. Penduduk 1 : Heh, maling… jo mlayu koen! Reneo tak gepuki koen! Maling 2 : renea tak enteni! (tawuran) Maling 1 : hahaha,……. Modelmu ae kate nantang aku?!?!? Koen gak ngerti aku sopo?? Penduduk 1 : aku ngerti sopo koen,…. Koen iku maling sing sering nyusahne warga kene. Maling 1 : hahaha ,.. goblok!!! Kenalno iki, jarwo pemimpin maling sing nguasai desa iki, hahah,…. Penduduk 1 : maling ae bangga,……. Sing modele kaya awakmu iku penyakite masyarakat. Maling 1 : terus..??? Penduduk 1 : kudu disingkirna,..!! Maling 1 : iwak ati rasa keju, lalapane sayur bayem,…… lek wani ayo maju, gak usah kakean cangkem!! (tawuran) Penduduk 2 : kolang kaling digawe buko tambah sego Maling 2 : artine,…???? Penduduk 2 : maling ndang bongko mlebu neraka Maling 2 : cethek geni karo sapi ompong,… lek pancen wani gak usah kakean omong Penduduk 2 : jangkrik,….. tampanana iki,… (tawuran) Penduduk 3 : he maling,… sek wanimu mbobol omah-omah nang desa iki Maling 3 : iku urusanku,….lapo koen melu-melu?? Penduduk 3 : iku saiki dadi urusanku, soale gara-gara awakmu kabeh , wes akeh penduduk kene resah Maling 3 : terus,… ape lapo koen marang aku??? Penduduk 3 : sayur bacem segone sak pethi Maling 3 : artine??? Penduduk 3 : gak usah kakean cangkem, koen bakal mati Maling 3 : hahaha,….. nang Jakarta lewat yogya, numpak bis sumber kencono Penduduk 3 : artine ??? Maling 3 : kadohen, larang goblok,…. Majuo, iki patimu!! (tawuran)
BABAK 2 ( Rumah Pak Suyono )
Suyono : apes temen dina iki, bengi-bengi omah kemalingan,…Ganggu wong kelon ae. Yayuk : opo seh pak,… wes talah sing ikhlas, sing ilang kan isa dituku maneh Suyono : lha yo bu, aku lho bingung maling saiki padha pinter marang sing digoleki, ,.. yek opo maling jaman biyen iku sing diincer gelang, kalung, jam, mas-mas’an, tv. Lha sak iki HP, lapotop, iku ae kudu sing model anyar,… lek lawas gak usah digowo. Yayuk : ya wes, timbang bingung-bingung tuku maneh ae, duwit yo nggangur, timbang njamur kan luwih apik dihambur Suyono : bener bu,… endi keceng iki?, wes mari tah ngumbah mobil’e mau?,… ceng…..keceeeng!!! Keceng : nggeh den,….. Suyono : waduh, mlaku klemar-klemer koyok putri solo ae Keceng : lha pripun toh den, kula kan rajane,.. Suyono : dapuranmu ngunu ae koyok raja solo, pantese iku raja kaya. Keceng : nggeh sekarep den mawon,… niki wau wonten napa toh den? Kok nimbali kula? Suyono : tolong awakmu saiki budhal nang toko, ibu tukok’e HP model anyar karo laptop sing canggih, gantine sing kemalingan mau bengi, nyoh 20 juta, lek kurang ngomongo ojo lali njaluk bon Keceng : kok bon seh den? ,…. Kwitansi toh? Suyono : sembarang sing penting tanda bukti, ben gak mbok tilap susuk’e Keceng : walah den,…. Kok pritungan nemen,.. Suyono : opoooo?!?!? ,….Balenana? Keceng : mboten den, lagi itung-itung Suyono : ndang budhal kana! Yayuk : wes pak,… ayo ndang mangan sek Suyono : ayo.
BABAK 3 ( Jalan Depan rumah Marsudi)
Bolot : lho iku lak keceng ,… ceng keceng,…. Teka endi? Keceng : mari belanja Bolot : belanja opo ae? Keceng : iki pesenane juragan Suyono tuku barang ngganti seng kemalingan mau bengi Bolot : Sek ndelok kenee! Keceng : akeh lot,.. enek laptop canggih, enek Hp model anyar iku loh,… opo arane yo? Bebek blek blek ngono. Blekberi opo pie ngono Bolot : hah?? Blek krupuk?? Gawe opo juraganmu tuku blek krupuk barang? Ape digawe dodol krupuk ta? Keceng : ndasmu koyok blek krupuk,….. black berry lot,.. Bolot : mboh opo arane iku,… juraganmu iku aneh-aneh ae sing dituku Keceng : maklum juraganku wong kadung sugih lot, sembarang yo isa dituku, gak koyok juraganmu , aku ae ambe juraganku ditukokne HP BB kok. Bolot : mosok??? Keceng : iyo BB,.. tapi sing biri-biri, pokoke gak koyok juraganmu medit,…. Hahahah wes yo tak mulih sek, dienteni juraganku __________________________________________________________________________ BABAK 4 ( Rumah Pak Marsudi ) Bolot : wah hebat juragane keceng iku, tuku opo ae isa atek jjarene juragane gelem nukukne keceng HP pisan Marsudi : iki lapo kok ngomong dewe, aku iki ngerti arek iki sedeng ket baiyen, tapi lek gendeng baru tumon saiki, lot,….boloot, lot,…boloooott!! Bolot : eh nggeh gan,… wonten napa? Marsudi : koen iku nggremeng dewe ae,… nggremengi opo koen? Bolot : niku lho gan,.. keceng mau dikengken juragane belanja, mborong pisan Marsudi : belanja opo ae suyono iku? Bolot : katah gan, wonten laptop, wonten HP, lan liyane, lha keceng niku mawon ditumbasaken HP pisan lho gan,……nggeh kulo kepengen Marsudi : iyo sesuk tak tukoke Bolot : saestu gan? Marsudi : yo, tapi mene koen gak tak bayar setahun Bolot : oalah gan,… Marsudi : gendeng suyono iku, sek sombonge dikira aku gak isa tuku be’e,… sawangen lek suyono isa, aku ya isa luwih malahan, lek meh belanja ngono tok kecil,….. Ipah : ya loh pak, mosok ape kalah, dikira sing duwe duit mek de’e thok, saiki mending sampeyan karo bolot budhal tuku belanja pisan, kudu luwih apik, sek suyono iku gak sombong Marsudi : ngono yo bu? Ipah : iya pak, ojo mek tuku iku thok, sing akeh pisan, lek perlu kabeh barang neng omah iki dianyari pisan Marsudi : yo wes,… ayo lot budhal borong belanja Bolot : hah? Sundel bolong belanja?? Marsudi : ayo budhal (menjewer kuping bolot) Bolot : aduh-aduh,… nggeh gan
BABAK 5 ( Dalan Desa )
Suyono : ceng,… sapi sing sek tas manak iku kate tak dol, kate tak ijolne sapi brahman Keceng : byoh-byoh, sapi ae enek jenenge barang seh ndara? Suyono : yo iyo, sapi brahman iku teko luar negeri, regane yo larang banget sek larang kuwi timbang awakmu Keceng : mosok seh ndara? Suyono : diomongi kok ngeyel ae Keceng : berarti kula niki mboten wonten regane Suyono : sapa apene ngregani koen iku? Wes jarang adus, wajah pas-pasan, kemproh pisan, nyawang ae gak doyan Keceng : lha ndara kok taseh purun ndadeke kula babu? Suyono : kepeksan ceng,…. (marsudi dan bolot datang dengan membawa belanja’an mereka) Marsudi : pencene repot dadi wong sugih, nek belanja mesti kudu akeh, lot awak dewe mau belanja opo ae? Bolot : nggeh gan,… wau tumbas sawi, wortel, brambang, Lombok, empon- empon….. Marsudi : goblok,.. iku kan belanjane ibumu mau isuk, belanja sing iki mau lho,.. Bolot : oalah gan,…. Wau tumbas mas-mas’an ½ kilo, wonten HP 10juta’an, laptop sing isa digawe tivi Marsudi : iku sing cilik-cilik, lha sing engko sore diterne gawe mobil iku opo ae? Bolot : wonten kulkas, AC, DVD, motor,.. barang gres langsung saking tokone Suyono : halah wong yo ngono ae kok dipamer-pamerna Marsudi : gak masalah, lha wong duwitku akeh, dipangan pitung turunan gak entek Suyono : koyok gak enek sega ae mangan duwit Marsudi : ayo lot mulih, ngomong karo wong gak duwe duwit panceng angel!! Gak level, ambek ngenteni mobile mau lho wediku nyasar neng omahe suyono Bolot : nggeh mangga gan,…. ___________________________________________________________________________
BABAK 6 ( Rumah Pak Suyono )
Yayuk : (ngudarasa) eyalah,. Yo,..yo,.. urip wes enak, sandhang pangan wis kecukupan, omah yo wis magrong-magrong, nanging kok enek sing kurang ya, sampe saiki aku kok durung isa ngekek’i anak ning mas suyono Suyono : ono opo sih dek? Disawang-sawang kok koyok susah, mobok yo crito neng mas Yayuk : gak kok mas,.. Suyono : temen? Yayuk : iya Suyono : dek,… aku wes sandhingan karo sampeyan ampir 10 tahun lho, dadi lek sampeyan lek enek apa-apa mas iki yo hapal,…. Jujur nang mas, enek opo toh sampeyan? Opo aku ono kurange nang sampeyan? Yayuk : gak mas,.. sampeyan gak kurang opo-opo Suyono : lha terus? Yayuk : ngene loh mas, awak dewe iki wes urip bareng hamper 10 tahun, opo-opo wes keturutan, tapi sampe saiki kok durung duwe keturunan Suyono : yo sing sabar dik, awak dewe iki y owes berusaha, tapi yek opo maneh, wong Gusti Allah durung maringi Yayuk : tapi aku gak enak karo sampeyan, aku gak pantes dadi bojone sampeyan (nangis) Suyono : aku gak opo-opo kok dik, aku wes seneng urip karo sampeyan, aku janji bakal gawe sampeyan bahagia Yayuk : temen mas,….sampeyan janji? Suyono : iya dek mas janji Yayuk : lek ngunu sampeyan kudu rabi maneh Suyono : opo?!?! Yayuk : iya,.. sampeyan kudu rabi maneh Suyono : gak dek,… aku mesakne sampeyan,….aku moh ngemadu sampeyan Yayuk : tapi aku gak opo-opo mas,…. Sampeyan wes janji bakal gawe aku bahagia Suyono : tapi gak ngene carane dek Yayuk : gak opo-opo mas,… kanggo aku Suyono : ,……… yo wis, demi sampeyan aku rabi maneh, tapi janji karo mas lek sampeyan kudu lilo Yayuk : iya mas,….aku seneng banget Suyono : padha,.. mas tak berusaha adil ___________________________________________________________________________
BABAK 7 ( Rumah Pak Marsudi )
Marsudi : lot,… bolot,…. Loot,.. bolooooot!!! Bolot : nggeh gan,… wonten napa? Marsudi : ancen susah lek duwe gedibal kopok koyok koen iki Bolot : napa gan??? Bantal kapuk? Marsudi : kopok lot,.. bolooot Bolot : kula niki sakjane mboten kopok lho gan,… Marsudi : lha terus?? Bolot : Cuma gangguan sakedhik Marsudi : padha ae iku,….gak usah ngomong aneh-aneh, iki maeng aku lewat ngarep omah e Suyono, tapi kok ono rame rame, ono opo iku? Bolot : lek krungu-krungu, suyono iku ape rabi maneh gan,.. Marsudi : opo rabi maneh??!! Sing temen koen iku!! Bolot : juragan dikandhani kok ngeyel,.. nggeh saestu, dados duyono sakniki nggadah bojo 2 gan,. Marsudi : jangkrik wong iku,… ngene carane ngejak saingan, dudu’ marsudi lek nyerah ngono ae,… aku kudu rabi maneh Bolot : mantap gan,…. Marsudi : pah,..ipaaah, endi seh arek iku? Ipah : ya mas,… sabar po’o, lagi masak kok, ono opo bengak-bengok Marsudi : pah,.. aku pengen rabi maneh Ipah : opo mas?!?!?,… coba balenana Marsudi : aku apene rabi maneh Ipah : gak isa mas,… moh ,… aku moh dimadu mas,… lapo sampeyan rabi maneh?!? Marsudi : yo pokok’e kudu rabi maneh Ipah : opo iki gara-gara saingan iku mas?? Lek ngene carane mas mending gak usah, aku gak rela Marsudi : gak isa dek,…. Engko aku kalah karo suyono, gelem tah aku diguyu suyono Ipah : mending ngono mas,… timbang aku lara ati Marsudi : wes dek,.. rela’na aku,.. ayo lot budhal! Ipah : mas,… maaaaaass!!! ___________________________________________________________________________
BABAK 9 ( Dalan Desa )
Marsudi : dek,…. Mene ladang tebu sing 20 hektar iko, bakal dadi nggone sampeyan Lastri : sing temen mas,… Marsudi : iyo,.. gelem ta gak,.. Lastri : yo gelem mas,….tapi engko mbak ipah yek opo? Marsudi : halah ipah ae mbok pikir, gampang,….iku urusanku Lastri : yo gak ngono mas, awak dewe iki kan wes rabi, meski aku dadi bojo nomer 2 wes suwe koyok ngene kok durung isa kepethuk mbak ipah. Marsudi : wes gak usah,… engko aku tak ngomong dewe nang de’e,.. (ipah datang) Ipah : lho,.. mas,.. mas marsudi?? Marsudi : lho Ipah??!!! Ipah : aku,. Aku wes seminggu golek’I sampeyan mas,..,.. ayo mas mulih Marsudi : gak,.. aku moh mulih Ipah : lapo mas,…??? Aku wes kangen,…. Lho iki sapa karo sampeyan mas?? Lastri : aku lastri mbak,..bojone mas marsudi Ipah : bojo?!?!,.. bojone mas marsudi iku mek aku tok,.. ipah!! Marsudi : iyo,.. iki bojoku nomer loro Ipah : dadi awakmu sing gawe bojoku gak mulih?? Lastri : maksudte? Ipah : iya, mek wedok kegatelen sing wani-wani nggroyok bojone wong liya Lastri : heh,… sampeyan ojo ngawur lek ngomong, mas marsudi ancene sing pengen ngrabi aku kok Ipah : halah,.. alasan!! Lastri : pantes ae mas marsudi gak betah nang omah,.. lha nang omah ono demit’e Ipah : opo maksudmu?!?! Lastri : iya,… demit cerewet, bener ae mas marsudi luwih milih aku,…ancen aku sik ayu, seksi,enom,.. timbang awakmu!! Marsudi : he…. Wes, Ojo tukaran ae!!,..pah,… minggira aku ambe lastri apenen neng ladang tebu Ipah : moh mas,.. ayo mulih saiki! Lastri : pah,.. minggiro, gak krungu ta omongane mas marsudi? Ipah : ojo kakean omong koen las,.. Marsudi : wes,… pah saiki awakmu minggiro!! Ipah : maass,.. massssss!!! (marsudi & lastri pergi) Ipah : ngene iki gara-gara suyono, mas marsudi rabi maneh, gara-gara suyono keluargaku morat-marit,…. Pokok’e gara-gara suyono,…. Titenana suyono iku,….biasane yamene iki suyono mlaku-mlaku karo bojo-bojone,.. endi wong iku??,.. lha iku,…suyono!, suyonoo!! Suyono : opo toh pah,… nyeluk wong kok koyok ngunu,… aku iki gak budeg Ipah : gak usah kakean omong!! Kabeh gara-gara awakmu! Suyono : gara-gara aku? Ipah : iyo! Yayuk : he! Ono opo dasarmu nyalahne bojoku! Ipah : iyo yuk, gara-gara bojomu rabi maneh, mas marsudi melu rabi maneh, saiki aku dijarno aku gak diiurus maneh Yayuk : jogoen omonganmu pah! Bojoku rabi maneh pancen aku sing ngongkon, aku ikhlas, mas suyono isa adil, iku urusanmu yek marsudi rabi maneh, gak ono hubungane karo keluargaku, ancene marsudi sing kegatelen paling. Lek ora percaya takokno de Rahayu… Rahayu : Iyo….mbak Ipah. Aku rabi karo mas marsudi jalaran di kongkon karo mbak yayuk.. Ipah : nanging gara-gara iku mas marsudi rabi maneh, soale pengen saingan karo mas marsudi, sapa sing luwih hebat Rahayu : yok..iku urusane bojomu mbak.. Suyono : lah lek jarene bojomu ngono pah,… berarti de’e sing keliru,.. aku rabi maneh jalaran saka panjaluke bojoku yayuk, lek bojoku gak gelem aku rabi maneh, aku gak ngarah rabi pah,……gak koyok bojomu sing ngawur iku Ipah : (nangis) (marsudi datang dengan istri keduanya) Marsudi : ngomong opo koen yon!!,… wani-wanimu ngarani aku ngawur, koyok koen bener ae Yayuk : marsudi!! Ancene awakmu sing gak bener, sawangen ipah saiki mbok jarno, gak mbok urus!, ipah iku lara ati amarga awakmu rabi maneh! Yek opo koen iku?!? Lek apene rabi maneh mikir sing bener! Marsudi : ojo kakean cangkem koen yuk!! Suyono : wanimu ngomong model ngunu nang bojoku!! Marsudi : opo terusan?!? ,… nanas banyune amber,… lek awakmu panas, ayo geger!! Suyono : bothok teri rasane legi,…. Lek iku karepmu di!,.. tampanono iki (tawur) Pak RT : hee,.. onok opo iku kok padha gelut?,.. eling wes padha tuwa Suyono : iku marsudi sing nggarai…!!!!!! Marsudi : ngawur!! Yo koen iku!! Suyono : cangkemmu rusak!! Pak RT : wes-wes ,…… saiki padha nang omahku kabeh, bareng-bareng dirembug ben kelar,…… ayo ___________________________________________________________________________
BABAK 10 ( Rumah Pak RT )
Pak RT : Kepriye….sakjane antawis keluarga pak suyono kaliyan pak marsudi niki wonten napa toh?? Suyono : ngeten lho pak, niki wau kulo kalean bojo-bojo kula badhe dateng peken, terus pas manthuk wau kok teng dalan dicegat kale Ipah niki Pak RT : bener ngunu pah?? Ipah : inggih pak,..kula niki emosi Suyono : lha terus, ipah niku muring-muring teng kula, dikirane kula niki, dadi penyebab marsudi niku rabi maleh Pak RT : pah,… bener jarene suyono iku ?? Ipah : nggeh pak,.. kula boten trima nek bojo kula niku rabi maleh Pak RT : lah opo hubungane karo suyono lek bojomu rabi maneh?? Ipah : soale mas marsudi niki iri kaleh suyono, nek suyono iku saged rabi maleh, terus mas marsudi nekad rabi maneh, nggeh kula boten setuju, kula nyalahne suyono sing dadi penyebabe, soale antawis suyono kaliyan mas marsudi niki saingan. Suyono : alah ancene bojomu ae iri pah Marsudi : ngomong opo koen!! Suyono : ancene nyatane ngunu,… aku rabi pancen bojoku sing ngongkon kok Yayuk : bener di,.. aku sing ngongkon mas suyono rabi maneh Rahayu : inggih,… kula angsal ijin saking mbak yayuk dadi bojone mas suyono nomer 2, mbak yayuk piyambak sing nyuwun kula purun rabi kaliyan mas suyono Marsudi : pancene awakmu diperalat wong iku kanggo nyaingi aku! Rahayu : mboten …. saestu Suyono : rungokna dewe di!! Marsudi : alah iki ancen akal-akalanmu yon!! Suyono : jangkrik koen iku!! Pak RT : wes-wes,.. ojo geger maneh,…pak pancen bener, lek enek masalah iku kudu dirembug bareng-bareng, musyawarah kanggo goleki dalan metu sing apik, lan adil,.. engko ben gak dadi koyok ngene iki, keluargane pak suyono karo pak marsudi dadi gegeran,..gak apik dirungakna tonggo-tonggo, apamaneh omah’e pak suyono karo pak marsudi kan tonggo tunggal gedhek,… Pak RT : wis timbang geger amarga saingan,….. mendhing di rembug apik-apikan disik aja kesusu emosi.. Ipah : inggih boten saged pak, kula boten trima lek mas marsudi rabi maneh…ora lilo…Atiku Lara pak…(nangis) Yayuk : di, rungokno omongane bojomu… Marsudi : gak nguruss…gak sah melu-melu koen yuk… Suyono : cangkemu…ngomong karo wong wedhok sing penak di Pak RT : wiss..gak usah tukaran…saiki jalukmu yo’ po…pah Ipah : aku jaluk, saiki Mas Marsudi kudu megat Lastri… Marsudi : gak iso…!!!!! aku gak bakal megat lastri… Ipah : (ambil pisau) lek ngono…aku tak mati ae… Semua : pah..aja pah…pikiren maneh pah… Pak RT : aja cekak pikirmu Pah, dalan sek dawa…pikiren disek apa sing kate kok lakoni… Marsudi : aja pah…ak yo tresno marang sliramu..nanging aku yo tresno karo Lastri… Ipah : Saiki sampeyan kudu milih, aku apa Lastri….???? Marsudi : gak iso pah,gak iso lek aku kon milih salah sijine…tresnaku wis kanggo awakmu karo lastri.. Ipah : lek ngono jalukmu mas…aku ae sing ngalah… lilakno aku mati (sambil menusukan pisau ke perut) Semua : IPAHHHHHHHHH………………