NASKAH LENONG : BELI TELOR

Pemain :
Yuda sebagai Boljun
Sindi sebagai Mpok Surti
Rosa sebagai Ipeh & Dalang
Tedy sebagai Babe Sukirman
Roy sebagai Preman
Tia sebagai Enyak

Assalamu’alaikum wr.wb
Oi penonton, kenalin ni aye dalang pade cerite ni, ngomong ngomong elu pade udah tau gak cerite “Beli
Telor” ? Cerite ini diangkat bukan dari cerite kehidupan aye, tapi dari tetangge aye yang disono-sono no.
Kalo gitu nyok kite saksikan ceritenye
Pade suatu hari ade keluarge yang rempong bener. Enyaknye punye sipat pelupe. Nah, si Babenye lain
lagi, kalo ngomong gak pernah lurus. Etdah datang ni anak sulungnye, diemban semua sipat enyak
babenye. Anak bungsunye aje yang normal
Dari pada penasaran mending kite tonton aje ceritenye.

SCENE 1
Penonton! Di siang hari yang angetnye kayak dipantai, si Boljun lagi berjemur di depan rumehnye. Tibe-
tibe enyak yang lagi pake masker muka keluar rumeh nyamperin Boljun.
Enyak : Eh Jun, bantuin enyak beli telor sono.
Boljun : (boljun terkejut liat enyaknye yang pake masker sampei jatuh dari kursi) Eh, buset!
Enyak : Kenape lagi lu? Kesambet?
Boljun : enyak sih ngagetin aaaaa
Enyak : (nepuk punggung Boljun)
Boljun : aje
Enyak : Lu pikir enyak setan ape? Cepet deh lu pegi sono beliin enyak telor, satu kilo.
Boljun : Kok aye sih. Si Ipeh aje tuh.
(Ipeh datang sambil bawa tas)
Ipeh : ngape bang. Nyebut nyebut name aye kangen?
Boljun : kagak. Lu nya aja yang kegeeran.
Ipeh : Kalo kangen telpon aje bang. Iphone aye aktif terus kok.
Boljun : buset songong banget lu.
Ipeh : Iye lah secara aye tuh lebih gaul,lebih normal dari lu ye bang.
Enyak : Masyaallah peh. Gak baik bilang abang lu sendiri kayak gitu. Kualat.
Ipeh : (ekspresi menyesal) Iye nyak sorry.
Boljun : rasain lu.
Ipeh : (mandang sinis ke boljun) yaudeh nyak aye mau ke mall dulu. Abang beli telor aje dah sono
Boljun : ( mencibir ke ipeh)
Ipeh : bye bye nyak.. bang..( sambil cipika cipiki sama enyak dan dengan enggan salam sama boljun yang
malah dijitak yang buat ipeh elus kepala)
Enyak : Nah jun sekarang lu beli telor sono.

Internal
Boljun : iye nyak. Aye pegi dududu
Enyak : (enyak nepuk punggung boljun lagi) dudududu ape?
Boljun : dulu ye.
Enyak : Iye deh, cepetan.

SCENE 2
Oi penonton. Nah tadi si boljun kan disuruh enyaknye beli telor. Boljun pun pegi ke warungnye mpok
surti.
Boljun : eh eh eh eh..
Mpok : bang jono kenapa kau tak pulang-pulang.
Boljun : (Ikutan joget)
(musik berhenti)
Mpok : eh eh kenape jun?
Boljun : eh aye mau beli telor
Mpok : mau berape kilo telornye jun ?
Boljun : Oi oi oi penonton inget kagak enyak suruh beli telor berape kilo tadi. setengah kilo aje deh
mpok,
Mpok : tunggu bentar ye
(Setelah nunggu beberape menit, Mpok surti balik lagi sambil bawak kantong plastik berisi telor)
Mpok : nih jun, semuenye lime ribu aje
Boljun : (Boljun masukin tangannya kesaku dan gak nemu duit. Die baru inget kalo enyak belum ngasih
duit) makasih banyak ye mpok, mpok cantik banget dah
Mpok : ah lu bise aje jun, mpok ni kan mantan none betawi. Udah banyak yang bilang mpok cantik
Boljun : Oh ye udeh pok, aye pegi dulu, makasih ye mpok!
Mpok : Iye same-same Jun. Balik lagi ye.
(Boljun pergi dari warung ntu. Nah si mpok surti baru nyadar si boljun nye belum bayar)
Mpok : oy bocah! Duitnye mane!!
Boljun : ampun mpok! Nanti enyak aye yang bayarin

SCENE 3
Setelah dari warung mpok surti, Boljun lari-lari di jalanan komplek dan gak sengaje nabrak preman.
Gimane kelanjutannye? Nyokk kite pantengin.
Preman : oi, bocah berenti lu.
Boljun : Ye ncang?
Preman : lu berani-beraninye nabrak orang paling kuat di kampung ni
Boljun : sory ncang. Aye kagak sengaje.
Preman : sorry-sorry. Lu kira justin bieber.Sekarang serahin semua duit-duit lu!
Boljun : aye kagak punye duit ncang
Preman : Ah bohong lu. Ape perlu gue ambil sendiri?
Boljun : suer ncaang. Kagak bohong aye. Duit aye uuuuuu
Preman : (nepuk punggung boljun)
Boljun : udah diambil same mpok surti. Die lebih kuat dari ncang.
Preman : siape yang lebih kuat dari aye? Aye kudu datengin nih si mpok mpok. Udah lu anterin aye ke
tempat mpok tu

Internal
SCENE 4
Nah, Boljun same Si preman pun pergi ke warung mpok surti yang katenye Boljun lebih kuat dari si
preman. Boljun boljun.. ade-ade aje. Nyok deh kite saksikan.
Preman : Ini warungnye?
Boljun : iye ncang. Kalo gitu aye pegi dulu ye ncang?
Preman : kagak-kagak. Lu kawanin aye.
(disaat preman lengah, boljun kabur)
Preman : oy bocah! Jangan kabur dulu lu!
(preman pun ngedeketin mpok surti sendirian)
Preman : eyy penonton, [pantun betawi]?
Mpok : aye bang, ngape emangnye?
Preman : aye denger, mpok lebih kuat daripade aye,
Mpok : oh lu mau nantangin aye. Ayo sini maju lu. (narik lengan baju sambil siap dengan posisi mau
ninju)
Preman :  eh aye mah kagak takut same model kayak mpok. Palingan sentil dikit doang langsung
melayang .
Mpok : wah elu jangan belagu jadi orang
Babe tibe-tibe datang
Babe : eh eh ade ape nih?
Mpok : eh ? babenya boljun ? inih nih preman cap teri ni nantangin aye duel.
Babe : Wah elu. Berani nye same perempuan aje. Sini lu lawan aye.
Preman : (preman takut liat babe boljun yang tinggi banget) eh, kagak ncang. Tadi aye cuman..
Babe : cuman ape?
Preman : cuman... kabur....
Babe : oy lu malah kabur. Kalo ketemu lagi gugugu
Mpok : ( nepuk punggung babe)
Babe : gue jadiin santen lu
(Si preman pun kabur. Sekarang tinggal babe same mpok)
Mpok : yaelah makasih ye babenya boljun (gentayangan di lengannya babe)
Babe : iye. Buat lu ape sih yang kagak. hati aye aje aye kasih buat lu sur
Mpok : ah lu bise aje man. Gue rela deh jadi simpanan lu
Babe :  Ah ade-ade aje lu sur, nanti ketahuan enyaknya si boljun. Bisa dipotong lidah gue.
Mpok : Walaupun lidah elu kepotong gue tetep cinta kok.
(terdengar lagu, Babe dan mpok joget)
Mpok : oh iye, gue baru inget si Boljun tadi belum bayar
Babe : ape boljun belum bayar, kabur
Mpok : Oy sukirman! Et dah ni anak sama babenye same aje. Udah rayu-rayu gue abis ntu pergi. Ini hati
bang bukan kacang mede.

SCENE 5
Setelah dari warungnye mpok surti, Si Babe berenti lari pas sampe di persimpangan dan gak sengaje liat
boljun lagi ngumpet dibalik pohon.
Babe : eh jun, lu ngapain di mari?
Boljun : ngumpet be.

Internal
Babe : kenape lu ngumpet?
Boljun : tadi ade preman.
Babe : oh tenang aje ntuh preman udah babe beresin.
Boljun : beneran be?
Babe : iye. Ya udeh kite pulang yuk?
Boljun : ayuk be.

SCENE 6
Boljun dan Babe pun kembali kerumeh. Enyak yang masih pake masker keluar dari kamar.
Boljun & Babe : assalammu’alaikum
Enyak : walaikummussalam.. eh, dimane telor nye jun?
(Babe dan Boljun istighfar dan baca ayat kursi)
Enyak : ih ape sih? Kirain aye setan ape sampe baca ayat kursi?
Boljun : Enyak sih pake masker segala. Kan horor.
Enyak : sini deh telornye (sinis)
Boljun : nih nyak...
Enyak : kok dikit banget jun. Enyak kan suruh beli satu kilo.
Boljun : bukannye setengah kilo nyak?
Enyak : yaelah jun. Kalo kayak gini nggak jadi bikin kue.
Boljun : yah nyak.
Enyak : Yaudah lu beli sono setengah kilo lagi pake kembaliannye.
Boljun : (boljun mau ngambil duit dari sakunye tapi kagak ada) nah dimane ye?
(tibe-tibe Ipeh datang sambil bawa banyak belanjaan)
Ipeh : Hey everybody. Lagi ngapain nih?
Babe : hey hay hey hoy.. assalammu’alaikum.
Ipeh : Iye iye. Assalammu’alaikum. ( sambil salam sama babe,enyak dan boljun)
Enyak : Banyak banget belanjaan lu peh. Titipan masker enyak kagak lupe beli kan?
Ipeh : Nggak dong. Aye kan gak kayak enyak, pelupe.
(Enyak mukul lengan Ipeh)
Enyak : anak durhake.
Ipeh : sorry nyak.
Enyak : O iye jun. Kembaliannye ade kan?
Babe : Nah tadi kate si surti, lu belum bayar jun
Boljun : oh iye, aye baru inget, enyak belum kasih duitnye.
Enyak : oh iye enyak lupe.
Ipeh : tuh kan betul kate ipeh. Enyak ntu pelupe.
Enyak : (mukul lengan ipeh lagi) Sebagai hukumannye. Lu sekarang pegi ke warung mpok surti. Bayarin
beli telornye.
Ipeh : yaelah nyak. Baru juga pulang dari mall. Capek serasa mau pingsan ( tiba-tiba ipeh pingsan
beneran, babe langsung panik)
Babe : peh peh.. bangun bangun
Boljun : alah paling bohong aje tuh..
Enyak : daripade lu ngoceh mending lu ambilin ape gitu buat bangunin die..
Boljun : (boljun pun pergi ngambil kaus kaki) nih nyak

Internal
Enyak : bise ape pake kaus kaki?
(tiba-tiba Ipeh bangun)
Enyak : lo peh udeh bangun aje cepet banget.
Babe : iye peh, lo gak ape-ape kan?
Ipeh : pale aye pusing nih be.
Boljun : alah, bohong aja tuh be. Gak mau ke warung kali
Enyak : bener peh?
Ipeh : (senyum –senyum sambil nunduk)
Enyak : nih anak, udah buat orang khawatir aje. Yaudeh lo pegi sono ke warung, jgn lupe setengah kilo.
Ipeh : Iye iye. Aye kan kagak pelupe nyak.
Enyak : ( nepuk bibir ipeh) nih mulut bisa direm kagak.
Ipeh : ( ketawa-tawa sendiri dan langsung pergi.)
---

Internal