SOAL

PENILAIAN TENGAH SEMESTER 1 (PTS)

Mata Pelajaran : MULOK
Nama : .............................
Hari / Tanggal : ............................
Kelas : V (Lima)

TETEWAA MORAMO
Moramo ieto o’aso okambo laa ikeni iwuta ndoolaki. Keto onggo lako meopako
immune tiamoako And’onohu. Keto onggo lako I Moramo ari Kandari tle’ilaa 40 okilo. Keto
pe’oto menggauno taruku’I osala tule’I aso daa. Isi.
I Moramo ieto lahaa’ano iwoi tinamoako tetewaa. Iwoi teopopo tengga-tengga ronga
dadio. Keto totoa’I hende iwoi motonda. Lapo hae nggiro iwoi lala’ie mo’iono ronga owatu’ako
laa-laa ikiro ki’oki nopesonaru. Leto keto pebaho-baho ki’oki nobuna totesilooro. Onggo
mbu’upu’uno, okasu’ako ki’oki notintue, leto ano lala’ikaa meloluno. Lepo hae keto monao-nao
kadu’I nosanaa penaodo. Te’embe hae opua laa-laa ikiro mbuoki hori mokosisi. Dadi onggo
molako-laki, menao-nao. Hendeakono oleo minggu leto ikiro me’ambo ano.
Keto’onggo lako ato poawo oto dowo,laa’iki ikiro ndee pona’a, la toono dumagai’I
iamo nonio sumosaa’I. toono modagai ndee pinoweehi odoi reke pesewando karitiisi tooruo
osowu.
Ikiro itoono laa toono mebalu-balu kina ronga inenu-enu, ano kina-ngga. Laha’aro
mbebalu-balu kiro iwowano. Ari ieowano pe’eka mbone laha’ano owpo tinamoako tetewaa tule’I
laa rua’etu torea meetere. Tomolako-lako nggare tule’I laa hopulo monii ato dunggu. Ikita
iwawono laa laika niowaino pamarenda ndee pe’euse’a kato onggo mebaho-baho ronga leto
arindo hae mebaho-baho. Keto poawo kina dowo, dadi’ikaa hae toawe lalo’I ikita wawono
nolanggai laika ari sunumee. Dadi ketolako metarambu’u mo’oru-oru, dadi’ika kiniwiapo ato
mbule.

I. Jawablah pertanyaan dibawah ini!!

1. Opio okilo mondaeno ari’I Kendari lako I moramo?
2. Ohawo tamono iwoi laa-laa ikiro I Moramo?
3. Ohawo ambono ikiro iwoi I Moramo?
4. Mbaako’I ano onggo me’ambo tomonao-ano ikiro I tetewaa moramo?
5. Opio meetere mondaeno ari I Wawono pe’eka I tetewa?
6. Te-ember keto onggo me’eusa keto’onggo mebaho-baho rongakero arindo mebaho-baho
ikita I tetewa?
7. Mbaako’I ano taa buna totesiloro ikiro I tetewa moramo?
8. Opio ndee posewano karitisino p’oto?
9. Humbee peopakoando keto onggo lako I Moramo?
10. Opio odaa to ruku’I osala ari Kendari lako I Moramo?

II. Terjemahkan kedalam bahasa Indonesia kata-kata dibawah ini?

1. Okambo ….. 6. Tesiloro ….
2. Tinamoako…… 7. Pinoeehi ….
3. Menggauno …. 8. Toto’a …
4. Mo’iono …. 9. Menggaka ….
5. Owatu’ako …. 10. Modagai …