BAHAN SERMON & BARITA SERMON

Minggu, 28 Mei 2023: Pentakosta I (Parningotan Ari Hasasaor Ni Tondi Pabadia)

Topik: Jangkon Ma Tondi Parbadia
(Terimalah Roh Kudus) Selasa, 23 Mei 2023
============================================================
Ep. 1 Samuel 10 ; 6 - 13
Patujolo : Ia turpuk on i ma pangurasion ni si Saul tu si Samuel gabe raja di Israel, manang
mangusengkon miak tu ulu na songon tradisi ni halak Israel dohot hakristenon patudos tu I
Joh 2 : 20 : Naung ni miahan ni na badia i do hamu, jala saluhut hamu umbotosa. i ma
symbol pangalehon ni tondi. Si Samuel na mangurapi ulu ni si Saul dohot miak na
marlapatan Debata na magurapi si Saul dohot TondiNa laho patoguhon rohana memimpin
bangso Israel napinillitNa i. Marragam do angka na binahen ni si Samuel tu si Saul dung
pangurasion i laho patoguhon rohana na botul-botul do i na ro sian Debata.
Hatorangan :
1. Tondi ni Debata patupahon hita gabe jolma na imbaru, si Saul sarupa do i dohot hita,
ibana anak ni si Kish sian suku Benyamin, jala satolop do Debata mamillit gabe
pemimpin ni bangsoNa dohot mangurapi ibana. Tondi ni Debata pe marhuaso di ibana
jala mambahen ibana gabe jolma na imbaru, jala mangolu dibagasan hikmat dohot
hagogoon na sian Debata. Laos i do na bo i sahat tu hita nuaeng gabe jolma na imbaru i
ma na mangolu na marharoroan sian Debata. Laos i do na boi sahat tu jolma i asa
manjalo ngolu na ro sian Debata, jala na boi mangolu dibagasan hagogo on ni Tondi ni
Debata jala manjalo hagogo on ni Tondi Parbadia, jala mangaloas tondi i mangula
dibagasan rohana. Di tingki na jolo Debata mangalehon TondiNa secara terbatas tu halak
angka naung pinillitNa, laos di tingki i ro do Debata mangusehon TondNa marlobi-lobi
patudos tu Yoel 3 : 1 : “Jadi dung songon i : PangusehononHu ma TondingKu tu nasa
sibuk, gabe manurirangi ma angka anakmuna dohot borumuna, marnipi ma angka
sintuamuna, jala maralatan ma angka doli-dolimuna”. Ala ni gabe porsea ma hita jala
mengalami sude na porsea tu Jesus Kristus dohot naung tardidi dibagasan goar ni Ama,
Anak dohot Tondi Parbadia, huhut naung niurupan ni Tondi i tu sude na porsea.
2. Ala ni i porsea ma hita tu Ibana tanpa raguragu jala unang lomos di pandonganionNa i ai
nunga di didi hita dibagasan Tondi Parbadia, sai mangolu ma hita holan mangasahon
hagogo on ni Tondi i jala i ma na mangula dibagasan sude nasa panggulmitonta on.
Hagogo on dohot khitmat na ro sian Tondi i bo i do i merobah dohot paturehon roha
dohot pingkiran dohot sude parngoluonta on. Hagogo on dohot pangulaon ni Tondi i do
na pasangguphon hita gabe boi muba, gabe ditinggalhon dosa, pamatehon kebiasaan
dohot sangkap -sangkap na jahat di bagasan ngolunta on. Laos mangolu ma hita di
parngoluon na imbaru, dohot hasintongan dohot holong na sian Debata. Molo so
dibagasan hagogo on ni Tondi Parbadia si Saul tetap do ibana si Saul na dibagasan
hahurangan / kelemahan jala jolma na terbatas do ibana. Hagogo on dohot sahala na sian
Tondi i do ibana torus manorus margogo dipaimbaru gabe jolma na imbaru ibana jala na
boi mangolu sempurna dibagasan hasangapon ni Debata.

1
3. Panutup :
Hagogo on ni Tondi na sian Debata do na mangajari jala patauhon hita gabe porsea tu
Ibana, songon si Saul na gabe raja di Israel jala ingkon torus tunduk tu Debata. Dipasahat
Debata pe tu hita TondiNa i ndang asa gabe pasombongkon diri, jala asa unang pamer
gabe mangulahon lomo ni rohana. Ala ni i marhite turpuk on di paingot do hita asa ta
hangoluhon pangulaon ni Tondi i di hadirionta ala ni i do hita boi taulahon ulaonta.
Dung digohi Tondi Parbadia si Saul gabe boi do ibana margogo laho paboahon huhut
pararat Barita Na uli i songon angka panurirang i. Tondi Parbadia ndang hea maralo tu
hata ni Debata, Tondi i justru memampukan kita untuk memahami, menghayati jala
mangulahon dohot mambagihon hata ni Debata. Molo adong halak na mandok nunga
digohi Tondi i ala i olo mangulahon na maralo tu hata ni Debata, ndang toho i pargabus
do i. Jala adong na mandok nunga digohi Tondi Parbadia alai padaohon jala anggap
remeh di hata ni Debata pargabus do i. Ala Tondi ni Debata mamboan hita gabe jonok
jala mangolu dibagasan holong ni Tuhan i manghaporsea i sitaononNa hamatean,
haheheon, HananaekNa dohot hasasaor ni TondiNa Tondi Parbadia na nanaeng si
Pestahononta di Minggu on. Didok DS. PM. Sihombing : Veny Creator Sprit Us – Sai
roma Ho Tondi Parbadia. Ala Tondi Parbadia i Tondi na patauhon do, na marsuru do, na
mangajari do, na mandasdas do, na pauliulihon do, na paturehon jala na parmudumudu
hita do. Gr. Karmel Sitompul.
EV. Johannes 20 : 19 – 23
I. PATUJOLO
Dung diparsilangkon jala mate Tuhan Jesus, mabiar situtu do angka na mangihuthon
ibana maradophon halak Jahudi. Aha naung binahen ni halak Jahudi tu Jesus na boi masa
do nang i tu angka sisean i. Di tongatonga ni biar na songon i ma ro Jesus tu tongatonga
nasida. Adong tolu na mansai tangkas di haroro ni Jesus manguba keadaan nasida na
dibagasan biar i.
II. HATORANGON
Parjolo Ndang tarambat pintu manang dingding haroro manang kehadiran ni Tuhanta.
Ndang adong na boi membatasi hita jolma tu Tuhanta. Asa tung torang do huaso ni Jesus
dison. Tartopot Tuhanta do hita di nasa inganan nang partingkian pe. Ndang adong
nanggo sajongkal tano na so tartopot Tuhanta. Ndang adong na pamaolhu di Ibana laho
manopot hita. Naeng tangkas on tahaposi. Alai laos dipatuduhon i do na ro Ibana
manopot angka na porsea di tongatonga ni nasa na masa, tarlumobi na mangharingkothon
pangurupion.
Paduahon, di tongatonga ni biar ni sisean i didok Jesus, “Damema di hamu!” (ayat 19).
Ia dame (eirene) i ma tabe manang salam na somal di halak Jahudi (shalom) na
marlapatan “sai anggiat ma jumpangan na uli na denggan ho”, manang “malua ma hamu
sian angka hamaolon/ perungkilon”, manang “sai dilehon Debata ma di hamu na uli na
denggan”. Tung apala di tongatonga ni biar i ro Jesus mandok: “Dame ma di hamu!”. Uli
na i. Dilehon Tuhanta apana na hinaringkothon nasida di tingki na mansai lehet. Sai
songon i do dibahen Tuhanta di hamamasa ni na maol manang di hasosonggop ni biar
manang parungkilon. Taringot do panosak ni galumbang sahali di na tongon marparau
2
 Tuhan Jesus dohot angka siseanNa. Godang do na boi mambahen hita mabiar di
partingkian on, angka na mangago daging nang tondi pe. Alai hadir do Tuhanta nang di
tongatonganta mandok, “Dame ma di hamu”. I ma mangalehon hadamean ni roha.
Patoluhon, dipatuduhon tanganNa dohot andoraNa dohot bugangNa naung malum tu
nasida. Dipatuduhon i do paboa Jesus na di adopan nasida nuaeng, tangkas do Jesus na
tarsilang i jala na mulak mangolu. Paingothon do i tu naung niuarihonNa na ingkon hehe
Ibana sian angka na mate.
Aha ma na masa tu angka sisean i dungkon diida jala ditangihon nasida na nidok ni
Jesus? Didok di ayat 20: “gabe las ma roha ni angka sisean i, ala naung diida nasida
Tuhan i.” Las ma rohanasida! Sian biar tu las ni roha. Rajumon ma on songon sada
silehonlehon na mansai arga sian Jesus. Jala jumpang i molo tangi jala rade manjangkon
Tuhan Jesus. Hata na somal do “las ni roha di hita”/ Alai andul sumurung do las ni roha
na nidokna dison sian las ni roha siala na dapotan hepeng, sepeda motor, jabatan dohot na
asing. Las ni roha na so tartuhor do dame na sian tuhan i, jala ndang tarbuat manang aha i
sian na porsea. Jadi, atik sipata ndang las rohanta di ngolu on, ingkon naeng
sungkunhononta, “porsea do ahu na dison, na rap ahu Tuhan i”? Molo sian pihak ni
tuhanta ndang adong keraguan, sai didongani do hita ganup ari sahat ro di ajal ni
hasiangan on hombar tu janjiNa (Mateus 28:20). Las ma rohanta tongtong, ala didongani
Tuhanta hita jala dilehon dame tu hita.
Parsuruon Mangasahon Ulaon ni Tondi Parbadia
Didok di ayat 20-21 “Dung i diulahi Jesus ma mandok tu nasida: Dame ma di hamu!
Songon sinuru ni Ama iAhu, suruonKu hamu. Jadi dung didok songon i, mangombus ma
Ibana dompak nasida, huhut ma didok: Jalo hamu ma Tondi Parbadia!
Diulakhon Jesus mandok “dame ma di hamu”, jala mangihut ma tusi parsuruon ni angka
sisean i. Laho manggohi parsuruon i dilehon do Tondi Parbadia (ay 22). “Mangombus ma
Ibana dompak nasida, huhut ma didok: Jalo hamu ma Tondi parbadia!”. Hata
“mangombus” dison paingothon hita di pangantusion tondi songon hosa hangoluan (1
Musa 2 : 7). Mangondolhon haimbaruon ni na sinuru do i, songon angka na pinargogohon
ni Tondi i, ndada sian gogo sandiri. Didok do dison huaso manesa dosa. Na marpartalian
do i tu ulaon ni Tondi i (boi tapadomu tu Mateus 16:19). “Manesa (mangampuni) secara
harfiah marlapatan do i “membebaskan” manang “ membiarkan pergi”. Na disuru do
huria ni Tuhanta laho patulushon hasesaan ni dosa pinatupa ni Jesus marhite huaso ni
TOndi Parbadia. Na sahat do hasesaan ni dosa i molo dijangkon. Ringkot do manat hita
mangalapati hata ni Tuhan Jesus di ay 23 i. Sai dibaritahon do marhite Bibel na holan
Debata do na marhuaso manesa dosa ni na porsea na manontuhon hasesaan ni dosa ni
jolma, alai marhite Tondi parbadia na nilehonNa i do. Ai di hatiha pangulaon ni angka
apostel i, dang hea nasida mambahen dirinasida na marhuaso laho manesa dosa ni jolma
(Pat. Ul. 10:23; 13:18). Alai dipatudu nasida do na Kristus sambing do na tau manesa
saluhut dosa ni hajolmaon. Alai tutu tugasta do masisesaan dosa sama hita.
III. Sipahusorhusoron
 Songon angka sisean i, sai boi masa do nang angka sihabiaran ala ni hasintongan dohot
ala ni na siihuthon Tuhanta hita di partingkianta. Ala tartopot Tuhanta do hita di dia pe

3
 hita. Raphon hita do Tuhanta jala didok do nang tu hita “Dame ma di hamu”. Pos jala las
ma rohanta disi.
 Tajalo do parsuruon mamaritahon haluaon dohot hasesaan ni dosa, alai ndada dirinta
gogo ni Tondi Parbadia do. Siala ni i di bagasan dame dohot las ni roha ma hita
manghadapothon ulaon pinasahat ni Tuhanta. Dame dohot las ni roha ma haroronta dohot
ulaonta di dia pe hita. Naeng patar dame ni Debata marhite ngolunta. Bvr. Marince Siagian

Barita Sermon
I. Ressort + Distrik + Pusat
1. Pesta I dohot II Pesta Parningotan ari hasasaor ni Tondi Parbadia Tgl. 28 – 29 Mei 2023. Acara stensilan.
NHKBP & Remaja manghobasi Pelean/ Harentaon, SL Dengan memakai Ulos
2. Minggu, 28 Mei 2023 Pkl. 15.00 Part NHKBP Sa- Distrik XI Toba Hasundutan d HKBP Meat
II.Huria Balige
1.Pangaradeon Pesta Parolopon Huria Balige 2023
2.Minggu, 28 Mei 2023 : Ama III manopot Huria HKBP Barus na di uluhon ni Pandita .
3.Minggu, 04 Juni 2023 Pkl. 10.30 WIB Sakramen Pandidion Na Badia Marguru Tgl. 03 Juni 2023 Pkl. 10.30
4.Minggu, 28 Mei 2023 Kunjungan NHKBP Perumnas Simalingkar tu HKBP Balige di ari Sabtu – Minggu, Tgl. 03 –
04 Juni 2023
5.Berita : Lunggu, Seksi/ Dewan, Parartaon, Bendahara

Jadwal Minggu, 28 Mei 2023

Pukul Jamita Agenda Tingting Pelean Harentaon
06.00 Pdt. Porman L1. St. Partungkoan St. Jusman
Gultom Siahaan Napitupulu Remaja & NHKBP Remaja & NHKBP
L2. St. Rusdina
Aritonang
07.45 Bvr. Manrice - GSM
ASM Siagian
08.30 L1. St. Gordon St. Rosenti
Pdt. Antoni Npaitupulu Simamora Remaja & NHKBP Remaja & NHKBP
Manurung L2. St. Elly br
Simanjuntak
08.30 L1.St. Lambok St. Hotlan
(G.I) Pdt. Horas Sihite Pardede Napitupulu Remaja & NHKBP
L2. St. Jojor Sianipar
09.00 Pdt. Porman St. Sumardi Turnip Pel. Rutan Pel.Rutan Pel. Rutan
Rutan Gultom
10.30 Pdt. Same L1. St. OF.Pardede St. Mangapul
Siahaan L2. St. Ranap Siahaan Remaja & NHKBP Remaja & NHKBP
Simanungkalit
16.00 L1.St. Lauranto Diak. Lusianti
Pdt. Antoni Manullang Tampubolon Remaja & NHKBP Remaja & NHKBP
Manurung L2. St. Yosephin
Tpbolon
17.30 Pdt. Horas Sihite L1.St. Ramli Sitohang Gr. Karmel Remaja & NHKBP Remaja & NHKBP
L2. St. Pesta Sianturi Sitompul
Sihail2 Gr. Karmel - - - -
Sitompul
Siboru Diak. Lusianti - - - -
on Tampubolon
Jadwal Senin, 29 Mei 2023
Pkl: 10.00 : Jamita : Pdt. Porman Gultom
Agenda : St. Usner Manik
4