CHHIATNI THATNI INKAIHHRUAINA REVISED EDITON 2024

1. THATNI : Hengte hi Thatni bika Branch YMA Rualalung inkaihhruai dan tur a ni ang.
1) INNEIH:
1) YMA Member zingah Kohhran Dan puitlinga innei an awm in Branch YMA min lo pun a nih
chuan a tul dan ang anga puih thin tur a ni ang.
2) YMA Member zingah Kohhran Dan puitlinga innei an awm in, Lawmpuina Citation pek thin
tur a ni ang.
3) Kohhran Dan puitlinga YMA Member Innei an awm a, Branch YMA Properties hman tulna a
awm a nih chuan hman theih a ni ang.

2) Pass/Birthday/Hna thar hmuh lawm:

1) Zirna lama hlawhtlinna changte, Piancham lawmna te, Hna thar hmuh lawmna leh
chhungkuaa thil lawmawm lampang lawmpui tura Branch YMA min sawm a nih chuan,
lawmpuina hun hman thin tur a ni ang.
2) Lawmpuina Programme hi Branch YMA Executive Committee in a siam ang.
3) YMA Properties hman thin tur a ni ang.

3) Zirlai ti tha chawimawina:

1) Zirna lama khawtlangin hma kan sawn zelna tur atan HSLC chung lam a hlawhtlinna
changtu te hnenah Chawimawina Citation pek thin an ni ang.
2) Zirlai ti tha Chawimawina Programme hi hun remchang hmasa ber ah hman thin nise.

2. CHHIATNI: Hengte hi Chhiatni bika Branch YMA Rualalung inkaihhruai dan tur a ni ang.
1) NATNA:
1) Kan Khawtlangah Damlo na zual an awmin, tlaivar pui ngaih chang a awm a nih chuan
Tlaivar pui thin a ni ang.

2) RIK RUM THILA CHHIATNA:

1) Thli/Kang mei/Lei min vanga In leh lo chan kan khawtlangah an awm a nih chuan Branch
YMA hminga tanpui thin nise, Khawtlangah Vehbur khawn sak thin tur a ni ang
2) Chenna In chhia te chu a rang thei ang bera thawm that/din sak leh turin hmalak thin tur a
ni ang.

3) THIHNA:
1) Kan khawtlangah Mitthi an awmin, a hma thei ang berin Information Mic ah puanzar thin
tur.
2) YMA Member Boral an awm in, ruang chungah Pangpar Branch hminga dah tur a ni ang.
3) YMA Member Boral an awm in, puan dum sin a thlah liam thin tur.
4) YMA Member Hmun danga Boral an awm a, kan khua lo panpui tur a nih chuan, khaw daia
lo hmuaha ruang zawn thin tur a ni.
5) Kan khaw mi leh sa hmun danga boral an awmin Ruang lak a tul chuan chak taka hma lak
a ni ang.
6) YMA Member boral an awmin, YMA Flag a ngul chanve a zar thin tur a ni.
7) Kan Khua atanga Ruang chhuak tur=chu kuang siamsak thin a ni ang.
 8) Mitthi an awmin, a theih chen chenah YMA Properties hman thin tur a ni.
9) Kan khawtlangah chhiat tawk an awmin In tinah Buhfai No 1 leh Thing fak 3 emaw Rs. 10
khawn thin tur. Ruang thlak hnuah khawn thin tur a ni.
10)Thlanmual Fee pe an nih chuan ruang awm chhunga thingpui in na senso hi Thlanmual Fee
atanga tum tur a ni.
11)Kan khawtlangah chhiat tawk an awmin YMA in kuang a siamsakte chu kuang chei loh tur.
12)Kan khawtlangah chhiat tawk an awm in, YMA in kuang a siam sak, Thlanmual Fee pe te chu
kuang tuam tur a ni.
13)Kuang thla lakpui hi vawi 30 aia tam hmeh loh ni se. Thlalak dan tur hi Branch YMA in
ruahmanpui nise.
14)Pawl emaw mimalin emaw kuang an tum dawn a nih chuan, a pawisa faiin Rs. 2000 aia
tlemlo YMA an pe ang a, kuang siam erawh YMA tihtur a ni ang.
15)Thlanmual Fee pe lo te chuan Kuang senso engkim an tum ang a, YMA in a siamsak ang.
16)Nausen Thla 3 (Ni 90) tlinglo a thi chu hlamzuih a ngaih a ni a. Zualko kal, Buhfai leh
thingfak khawn, Khawhar in riah te hi YMA in tih loh tur a ni.
17)Hlamzuih a thi an awmin, a phumna hmun thu-ah YMA Hruaitute biak rawn a, Thlanmual
emaw hmun dang zawkah pawh phum theih a ni.
18)Hlamzuih a thi te hi Thlanmual Fee pe an nih chuan YMA in kuang a tum sak ang.
19)Mitthi lumen hi Thalaite mawhphurhna a ni a, YMA Member tawh phawt chu Mitthi
Lumenna ah a tel ngei tur a ni.
20) Zan dar 12 hmalama thi te chu Lumen a chhiar a ni ang a, zan dar 12 hnulama thite chu
lumena chhiarloh tur.
21) YMA hun zan thum chhung hi Ruang tlak zan atanga chhiar tan tur a ni.
22) YMA hun zan thum khawhar lenpui chhung hian Thingpui leh a hmeh sem loh tur a ni.
23) YMA Member boral an awm in, YMA hun zan tawp berah Ralna bawm dawh/hun a, a
tlingkhawm chu YMA zan tawpah vek hian Mitthi chhungte ral nan hlan thin ni se.
24) YMA Zan bika khawhar lenpui hi Kohhran Inkhawm zanah chuan Inkhawm banah zai tan
tur a ni ang a, Inkhawm loh zanah chuan Kohhran dar rik hun vela zai tan thin tur.
25) Ruang lu men a nih chuan zing karah thlan laih thin tur a ni.
26) Thlan hi Ruang thlak ni in siam nghal tur a ni.
27) Thlan nghah ni ah Khawhar chhungte puih tur a ni a, a tul ang ang thawhpui tur a ni.
28) Khawhar in riah hi Tlangvalte tihtur a ni a. Khawhar in riak tur hi in ruat thin nise.
29) Khawhar in riak te tana chaw ei tur siamsak hi tih loh tur a ni.
30) Khawhar in riah hi a nawlpui chuan zan thum riah pui nise.
31) Mitthi chhungte Branch YMA-in hun khat eirawng bawl sak theih a ni a, nih chuan Section-
in mawh a la ang.
32) YMA hun tawp-ah Properties seng hawi thin tur a ni a, Section-in lo buaipui thin se.
33) Mitthi an awm in Zualko flyer siam nise, a zau thei ang bera thawn chhuah thin tur a ni.
34) Khawhar in len zan 2 na tawpna hun hi Section kutah dah nise.
35) Vuina Programme leh khawhar In len chhung hian zai hruaitu in ruat thin nise.

3. KHAIKHAWMNA:
1) Chhiatni Thatni Inkaihhruaina a ziah lan loh leh eng emaw tul bik thil chu Hruaituten
ngaihtuah chawp mai se.
2) Chhiatni Thatni dan hi ennawn fo theih a ni a, siam that ngai leh siam belh ngaite belh thin
nise.