Ram puma Kohhran & KTP inkhawm leh a kaihhnawih thiltih (activities) a tam ang ai hian kan

ram leh hnamin hma kan sawn lohziate, Crime rate a san dante, Eiruk, ruihhlo leh Sex &hurna
kawnga kan tlan nasat ziate han chhut hian, hetiang hi ka rilruah a lo awma –

1) Pathian hming kan thiltih a tam ang hu ai hian Amah nena kan tih dun hi a tam lo a ni
maithei..
2) Miin Isua hmuh an duh a, an mamawh ber a nih lai hian ani lo zawk thil mawi leh ropui
dang kawhhmuh kan tum zawk fo a ni maithei.
3) Hruaitu, rawngbawltu leh active member-ten Mi nun kan va veia, kan veia ten min lo vei
let ve tho va. Midang nun veiin kan buaia, Kan invei tawna, mahni kan invei leh tak tak
chuang si lo.
4) Mihring inkungkaihna (fellowship) lamah kan zeia kan that em em lai hian Pathian nena
kan inkungkaihna (relationship) lam erawh kan hlamchhiah deuh a ni maithei..
5) A huho rawngbawlna leh intihchakna kan uar viau lai hian Mahnia Pathiana intihchak hi
kan uar tawk lo bawk. A huho nun leh mimal fianrial Pathian biakna hi kalkawp tlat a ni.
Ngaihthah theih a ni lo ve ve.. Thlan tur zawk ni ta sela chuan mimal nun hi a pawimawh
zawk awm e.
6) Pathian malsawmna kan dawnte hi malsawmtu Pathian aiin kan buaipui zawk ve thei tlat.
Damchhung khawsak lungkhamna leh nawmsakna kan buaipui luatah Pathian be hman lo
lek hian kan buai mah mah a ni mahna..
7) Inkhawm leh activity a tam ang huin kan tawngtai tlem. Mimal fianrial nun phei chu kan
nei tlem khawp mai. Evangelical deuh taka hma han lak tak tak dawn phei hi chuan a
hruaitu lam pawh kan buai chuah chuah zel mai a ni. Tawngtai leh Pathian thu zir ho
lama kal nat tak tak dawn chuan Prog. kan ngah kan tia, Hnatlang - sum tuak leh tlema a
nuam leh Huauhuau lamah chuan kan phur viau. |awngtai leh fehchhuah lamah chuan
kan buai leh sup² zel. Evangelical deuh hi chu a peihawm loh ve bawka, kan uar lutuk
chuan kan invaw chau ang te kan ti.. Tawngtai nasat avangin nunram a chau ngai lova,
tawngtai tlem avangin a chau thin zawk.
8) A chang chuan member tam zawk hi chuan fianrial leh a huhova Pathian kan biakna hi
kan biakna hmunah hian kan tawp san fo mai ni hian a lang. Khawi hmunah pawh
chhawm zel tur zawk kan ni.
9) Kan Inkhawma, kan hnatlana, hla kan zir chuan kan duhtawk em em.Kan \awng\aia Bible
kan chhiar chuan kan duhtawk leh em em.Ti \ha intih mai a awl. Kan ti chhe lo, a \ha
lutuk, mahse kan duhtawk tur a ni reng reng lo. Khami piah lam kha a la tam lutuk..
Ringtu nun a la in\an dawn chauh a ni zawk.