POEMA

Kanekua sesi p’ikuarherasïnka ji, enkani niaraka

k’umanchekuarhu enka TATA KUERAJPIRIRIKA;
kanekua tzïpesïnka mintzïta jinkuni sesi
p’ikuarhersïnka ka piresïnka; piresïnka ka uarhasïnka
pireparini, mintzïta jinkuni mayamukua arhintasïnka,
enkarini intzkuka ini jurhiatekua sesikua irekani: Uni
tzïnharin, uni jahuaran, ka jatzïn ampe t’ireni;
Kanekua sesi p’ikuarhersïnka enkani ùeraka ka
tzïtzïkichani exeani; ka mayamukua arhintani TATA
KUERAJPIRINI, jimpokatuni uska erateani iamendu
jucheti familiani; ka santeru tzïpekjinkuni pirekuntani
isï arhiparini, eskarini no meni kentitachaaka jucheti
p’ikuarenekua enkani niaraka imeri k’umanchekuaru;
Ji sesi p’ikuarhersïnka.                                          
joperu tatzekua menderu uersïnka ka k’uiripuni xeni
jucheti ireta jimpo anapuechani, ka maruechaksï no
ma ampe jatzïkorheni; Ka materuechaksï kanekua
ampe jatzïkuarheni, ka p’ikuarersïnka
tataksapirhaticha enkaksï menis noma ampe
kampka, ka isï uantasïnka meni TATA KUERAJPIRIN
JINKUNI, ka isï kurhakusïnka eskarini sani tzïpekua
inskuaka parani ji imani uani jarhuatani. Ka
xanarapasïnka iahuani jamperi, niarani astaka
menteru na jandioku jauhaka parani menderu uni
uhantani imani jinkuni. Ka menderu sani
tzipekuarsïnka. Ka isï ihamendu k’uiripu TATA
KUERAJPIRINKSI uantapsïndi, ka tsïpenksï ka
uarhakusïntiksï ka pirekusïntiksï; menichani
kuincheni ka t’irekua ampe kanksïndi TATA
KUERAJPIRINI Diosmayamukua arintani; Ka
tzïpekua jinkuni iamendu k’uiripu komu arhisïntiksï
para iamu ampe sesi jukantani. Ka isi nirhasïntiksï
juatarhisï kokuani ninasïnti para anchekuarhenani, ka
pakuarhenasïnti t’irekua ampe amanhechakua ampe,
menisïksï pasïnti sapirhatichani paraksï jarojpeni, tzïri
ampe jatzïni t’atzïnitu ampe jatzïkuni, o menichani
etzukua ampe p’ikuni, ka tzïpekua jinkunksï
nirasïntiksi desde kokuani enka joskua andaraka. Ka
tzïpekua jinkuni TATA KUERAJPIRINI sesi exesïnka.
Ixu jarhaska joskua kuatzïtarhu ma p’urhenkuarheni
jurhaska; Xu ueratini erajpaska eska jini echerindu
anapuecha, na komu arhinaka KUERAJPIRINI enka
ixu ji jinkuni jaka, ka KUERAJPIRI isï uhantasti ka
k’eri k’eri ma motzetarakuani axasti, ka k’uiripuechani
taantasti enkaksï jini echerindu komu arhani jaka, ka
imani sapiichani enkaksï komu nitamakuarheni japka;
Paasti karhanchetani, jini mitetarasti ka uanekua
ampeksï xesti, xestiksï imani echerini enka notki
niarani jaka, joperuksï jurhenkuaresti uhanekua
ampe; ka noteruksï uekastia nintani, imaxsï
menterueni xukuparhastia, imaksï tiamueri ampe
jukasïnti; enkaksï no tiamueri ampe jukaaka
k’uripetaksï kakarhekuarsïnti, sesiksï jarhasti usïntiksï
materu joskuarhu tzankuarani,  jimpokaksï
xukuparhakuechani enkasï ima jukaka, jukastiksï
enka p’akaka enkaksï ima jini ka jini nirajka motzeni;
kanekua tzïpekuarhenaxati. ima Luz enka komu
arhikuarenjapka KUERAJPIRINI, ima ixueni
iamentuechani juramukuaxati nenenkaksi jamaka, ka
ampemenkaksi uaka. Kurikaveri emanka xeantaka
imani sapichani ima kurikaveri, utasï nirasti xeantani
materu enkaksï jini ketzekua pakaran japka, ka ima
xani jarhuatakampe inteksï menteru jirinantaxati
llamendu ampe, ka nintzkuekaxatiksa ketzemantani,
enkaksi isï imani uhakasïchani etzukua ampe
p’ikuaka  nonanimaruesti k’uiripu; Uhanekua ampeksi
xesti materu parhakpeni, joperuksi tzïtisti jini niantani
materu parhakpeniru enkaksi japka, jimajkani ji
enkani xani sesi p’ikuarherenka TATA
KUERAJPIRIRI ampe, ka isï kumani imani sapichani
ueranti jupintichani enkaksi nompema jatzikuarejpka,
ka materu k’uripuechani enkaksï xani sesi nirenka
uharakuani, mayamukua arhintani KUERAJPIRINI,
jimpuesti jimakani eskachi jucha, jurhenkoreaka eska
iamendu ampe enka xani jaka ixu parakpeni
kuerakateska. jituni kuerakateska jimposini sesi
p’ikuarerka KUERAJPIRINI ampe uantaxeni, kurhani
p’ikuarherani irekani; juje iamentuecha jakakuni
KUERAJPIRIRI jucharini, isi eska na jaka TATA
KURAJPIRI, istu jarhasti nana kuerajpiri. ka isïue.