Teks MC 1

Parikrama nyangra wanti warsa Sekaa Truna Mekarjaya Br. Babakan, Desa Gulingan kaping 21
(Selikur) ring rahina Saniscara Pahing, tanggal 6 Januari Warsa Kalih talih pat likur (2024) jagi
kakawitin.

Om Suastiastu

Sane kaping singgihang titiang Bapak Camat Mengwi

Bapak Kapolsek miwah danramil Mengwi sane Baktinin titiang

Bapak Prebekel Desa Gulingan sane Kasumayang titiang

Jero Bendesa Adat miwah Kelian Adat lan Dinas sane wangiang titiang

Para Manggala miwah Krama Sekaa Truna Sinamian sane asihin titiang

Pinih ajeng lugrayang riin titiang ngaturang rasa angayubagia majeng ring Ida Sang Hyang
Widhi Wasa, duaning sangkaning asung kertha wara nugrahan Ida mawinan titiang pingkalih
Ida-Dane sinamian mangguh karahajengan saha prasida rauh wengine puniki. Nenten lali titiang
ngaturang swasti prapta, rahajeng wengi, saha matur suksma majeng ring kaledangan Ida-dane
ngrauhin parikramane puniki. Pinaka panyembrama, pacang kaunggahang sasolahan
“Puspanjali”. Para pragina miwah panabuh durusang titiang!

………………………Sesolahan Puspanjali………………………………………………

Para Atiti miwah uleman Sinamian sane baktinin titiang

Santukan pamungkah acarane sampun margiang titiang, mangkin nglantur ring acara
“nembangang lagu Indonesia Raya”. Antuk punika titiang nunas mangda Ida-dane ngadeg riin
ajebos! Sang sane ngenterang lagu rarisang titiang!

…………………….Lagu Indonesia Raya……………………………………………….

Ida dane, sane mangkin pacang kalanturang antuk parikrama Ngeningang Citta utawi
mengheningkan cipta. Antuk punika, tunas titiang kaledangan Bapak Camat ngenterang acarane
puniki! Bapak Camat durusang titiang!

……………………Ngeningang Citta……………………………………………………….
Bapak Camat miwah Ida-dane Sinamian sane wangiang titiang

Sane mangkin kalanturang antuk parikrama kaping tiga sane marupa atur piuning saking
manggala karya. Dane pamucuk Karya inggih punika Kelian Sekaa Truna Mekar Jaya Banjar
Babakan Gulingan Durusang titiang!

…………………………….Atur piuning Manggala Karya……………………………………

Para Atiti miwah Uleman sane Baktinin Titiang

Acara selanturnyane marupa sembrama wecana saking Bapak Prebekel Desa Gulingan. Antuk
punika Bapak Prebekel durusang titiang!

………………………………Sembrama Wacana Prebekel……………………………………..

Matur Suksma titiang ring Bapak Prebekel, sane mangkin Ida-dan pacang iring titiang mirengang
Dharma Wecana saking Bapak Camat Kecamatan Mengwi. Majeng ring Bapak Camat durusang
titiang!

……………………………..Dharma Wecana Bapak Camat…………………………………..

Ida-dane Para Atiti miwah Uleman Sane Kusumayang titiang

Sampun suwe Ida-dane iring titiang nyarengin parikramane iwawu, mangkin sampun panemaya
titiang jagi ngiring Ida-dane miarsayang parikrama kaping untat marupa panglila citta utawi
hiburan.

 Kapertama pacang katurang sasolahan “Tari Baris” saking karma seka truna druene.
Pragina lan panabuh ka durusang!
 Kaping kalih marupa sasolahan modern inggih punika Musik Dance saking karma sekaa
truna druene. Inggih durusang!
 Nglantur mangkin ring panglila citta kaping ungkur marupa sasolahan Arja Lanang
saking Sekaa Arja Coblong Pamor, Inggih durusang!

Ida-dane Para Atiti miwah Uleman Sane Kusumayang titiang

Rauh iriki titiang prasida ngenterang acarane puniki, maka kirang langkung atur titiang,
lugrayang titiang nglungsur geng rena pangampura. Pinaka panguntat atur, titiang ngaturang
parama Santih.

Om Santih Santih Santih Om

Teks MC 2

Pangenter Baos Perpisahan Sekolah

Inggih titiang nunas uratian majeng ring Ida Dane sareng sami, riantukan acara perpisahan
sekolah jagi kakawitin.

Om Suastiastu

Sane murdayang titiang Komite SMK Negeri 5 Negara

Sane mustikayang titiang Kepala SMK Negeri 5 Negara

Bapak/Ibu Guru miwah Pegawe SMK Negeri 5 Negara sane suksemayang titiang

Taler para siswa/siswi SMK Negeri 5 Negara sane tresna sihin titiang.

Pinih riin ngiring iraga sareng sami ngaturang ngastiti bakti majeng ring Ida Sang Hyang Widhi
Wasa, sangkaning antuk pasuecan Ida iraga prasida mapupul iriki, tur ngamolihang karahayuan
lan karahajengan.

Rumasa garjita pisan manah titiang riantukan mangkin ring rahina Soma, tanggal 4 Januari warsa
kalih tali pat likur (2024) jagi kamargiang acara perpisahan sekolah ring SMK Negeri 5 Negara.

Ngeninin indik dudonan acara inggih punika sekadi ring sor:

1. Pamahbah
2. Panguacenan Doa
3. Nembangang tembang Indonesia Raya
4. Sambrama wecana saking Kepala SMK Negeri 5 Negara
5. Sambrama wecana saking wakil kelas XII
6. Sasolahan Margapati
7. Karaoke
8. Nembangang tembang perpisahan
9. Pamuput

Ida dane sane wangiang titiang, pinaka pamungkah acara ring rahina mangkin ngiring piarsayang
sasolahan Panyembara. Antuk pragina lan panabuh galahe katur durusang!

………………………………..sesolahan panyembarama………………………………………
Sane mangkin acara jagi kalanturang antuk nembangang Indonesia raya. Titiang nunas ida-dane
mangde ngadeg abosbos, majeng ring sang sane kajudi inggih durusang!

………………………………..nembangang Indonesia raya…………………………………..

Ida dane sareng sami sampunang dumun malinggih, parikrama kalanturang antuk panguacenan
Doa. Majeng ring sang sane kajudi inggih durusang!

………………………………..ngwacen doa………………………………………………….

Ida dane durusang malinggih!

Ida-dane sane kusumayang titiang

Acara selanturnyane inggih punika sambrama wecana saking Kepala SMK N 5 Negara. Majeng
ring Bapak Kepala Sekolah galahe katur durusang titiang!

…………………………………Sembrama wecana Kepsek……………………………………

Suksma aturang titiang majeng ring Bapak Kepala. Kalanturang malih sambrama wacana saking
wakil kelas XII. Majeng ring wakil kelas XII inggih durusang!

Ida-dane Para Atiti miwah Uleman Sane Kusumayang titiang

Sampun suwe Ida-dane iring titiang nyarengin parikramane iwawu, mangkin sampun panemaya
titiang jagi ngiring Ida-dane miarsayang parikrama kaping untat marupa panglila citta utawi
hiburan.

 Kapertama pacang katurang sasolahan “Margapati”. Pragina lan panabuh ka durusang!

 Kaping kalih marupa karaoke saking kelas XII. Inggih durusang!
 Nglantur mangkin ring panglila citta kaping ungkur marupa nembangang lagu
perpisahan. Inggih durusang!

Ida-dane Para Atiti miwah Uleman Sane Kusumayang titiang

Rauh iriki titiang prasida ngenterang acarane puniki, maka kirang langkung atur titiang,
lugrayang titiang nglungsur geng rena pangampura. Pinaka panguntat atur, titiang ngaturang
parama Santih.

Om Santih Santih Santih Om