Sekretariat GMN Ngentak RT 02 Sumberagung Jetis Bantul | 1
PRANATACARA TIRAKATAN Aamiin
Assalamu’alaikum w.w
Bismillaahirrahmaanirrahiim
Alhamdulillaahirabbil’aalamin
Wabihinasta’inu ‘ala umuriddun yaa waddin, wassalatu wassalamu’ala asyrofil
anbiyai walmursalin, wa’ala alihi wa ashbihi ajma’in
Para sesepuh lan pini sepuh ingkang dahat kinabekten
Dhumateng ngarsanipun Kepala Dusun Ngentak nun injih Bapak Triyono
Abusrowi ingkang kula hormati
Dhumateng ngarsanipun Ketua RT 02 Ngentak nun injih Bapak Suwarno
ingkang kula hormati
Bapak ibu ingkang kula hormati, lan para rawuh ingkang kula tresnani.
Langkung rumiyin monggo kita ngunjukaken raos puji syukur dhumateng
ngarso dalem Allah SWT, ingkang sampun maringi kita mapinten-pinten
karahmatan, kanikmatan, saha kesehatan, saenggo ing wekdal ndalu puniko kita
saged kempal manunggal wonten papan punika saperlu anindakaken Tirakatan
Pengetan Dinten Kamardikan Negari Republik Indonesia Ingkang Kaping
Pitung Doso Tigo.
Mboten kesupen shalawat saha salam mugi katetepno dhumateng junjungan kita
Nabi Agung Muhammad SAW, ingkang kita antu-antu syafa’atipun wonten ing
yaumul qiyamah.
Para rawuh ingkang kula hormati, kula ing mriki angaturaken menggah
rantamanipun adicara ing ndalu punika :
Sepisan pambuka dipun lajengaken Lagu Indonesia Raya
Ongko kaleh atur pambagya harja
Ongko tiga tahlil
Ongko sekawan sambutan pidato .....................
Ongko gangsal Lagu Mengheningkan Cipta lan Bagimu Negeri
Ongko enem inggih puniko pembagian hadiah lomba
Lan ingkang ongko pitu inggih punika panutup
Bapak, ibu, para rawuh ingkang kula hormati, monggo enggal-enggal kita awiti
acara ongko sepisan. Monggo kita bikak kanthi waosan basmallah sesarengan
kula derekaken
Bismillaahirrahmaanirrahiim
Matur nuwun. Mugi-mugi kanthi waosan basmallah punika saged
anglancaraken acara wonten wekdal ndalu punika.
Dipun lajengaken Lagu Indonesia Raya. Para muda kaaturan tindak majeng.
Dhumateng para rawuh kasuwun jumeneng.
------(NYANYI LAGU INDONESIA RAYA)

Monggo kita lajengaken acara ongko kaleh inggih punika atur pambagya harja
saking Bapak Ketua RT 02 Ngentak.
Dhumateng Bapak Suwarno kula sumanggakaken.
Matur nuwun kula aturaken dhumateng Bapak Suwarno ingkang sampun paring
atur pambagya harja.
Kita lajengaken acara ongko tigo waosan tahlil ingkang dipun pimpin Bapak
Hadi Prayitno ingkang sakmangke dipun lajengaken potong tumpeng.
Dhumateng Bapak Hadi Prayitno kula sumanggakaken.
Kula aturaken agunging matur nuwun dhumateng Bapak Hadi Prayitno ingkang
sampun mimpin waosan tahlil.
------(PEMUDA LADEN)
Bapak ibu ingkang kula hormati, gegandhengan ing ngarsa panjenengan
sampun sumadya unjukan saha dhaharan, kula aturi ngunjuk saha dhahar kanthi
ndedonga kula derekaken. (berdo’a mau makan). Monggo
------(MAKAN & MINUM)
Para rawuh ingkang kula hormati, mboten ateges ngirangi kamardikan
anggenipun panjenengan sedaya angrahapi unjukan saha dhaharan, kita
lajengaken acara ongko sekawan inggih punika sambutan pidato
................................. ingkang dipun slirani dening Bapak Kepala Dusun
Ngentak, Bapak Triyono Abusrowi.
Dhumateng Bapak Triyono Abusrowi kula sumanggakaken.
Sekretariat GMN Ngentak RT 02 Sumberagung Jetis Bantul | 2
Kula aturaken matur nuwun dhumateng Bapak Triyono Abusrowi ingkang
sampun maos teks sambutan pidato .............................
Bapak ibu ingkang kula hormati, acara ongko gangsal inggih punika Lagu
Mengheningkan Cipta lan Padamu Negeri. Para muda kaaturan tindak majeng.
Dhumateng para rawuh kasuwun jumeneng.
------(MENGHENINGKAN CIPTA & BAGIMU NEGERI)
Para rawuh kasuwun lenggah.
Bapak ibu ingkang kula hormati, kita lajengaken acara ongko enem inggih
puniko pembagian hadiah lomba
Dhumateng ............................................ kula sumanggakaken.
Kula aturaken matur nuwun dhumateng ................................................. ingkang
sampun maosaken hasil lomba.
Bapak ibu para rawuh sedaya, kita lajengaken acara ongko pitu inggih punika
panutup. Ananging sakderengipun kula tutup, mbok bilih sakwau anggenipun
kula nderekaken acara ing wekdal ndalu punika pinanggih lepat, kula nyuwun
pangapunten. Monggo kita tutup kanthi waosan hamdallah.
Wassalamu’alaikum w.w