GAGAK PINTER

Kacaritakeun di urang kungsi halodo banget. Nu dimaksud ku halodo banget teh halodo pisan. Dina jaman kitu cai
kurang pisan. Henteu ari nepi ka teu aya mah. Nu ngarala cai kudu jauh sabab di nu deukeut mah geus teu aya.
Wahangan saat,talaga goletrak,sirah cai ge nu biasana ngalenggeng ka luarna ukur sagede cinggir. Sumawona
sumur geus teu caian.
Waktu halodo banget nu susah teh lain ukur jelema. Sato hewan jeung tutuwuhan ge saenyana susah. Kacaritakeun
dina jaman kitu,aya gagak kacida halahabna hayang nginum. Neangan cai ka wahangan jeung talaga mah teu
manggih. Ngan kabeneran atuh dina gentong di hiji saung nu jauh ka ditu ka dieu bet aya cai. Hanjakal caina saeutik
ukur sapertiluna meureun.

Si Gagak teh eunteup dina biwir gentong tuluy nyoba-nyoba ngarongkong cai ku pamatukna. Ngan hanjakal teu
katepi teu antel-antel acan. Ari rek anclub sieuneun tilelep. Ku sabab kitu gagak teh bati gereget,kieu teu bisa kitu teu
bisa,ari cai sidik aya.
Gagak uleng mimir cara ngala tina gentong.
Sanggeus kapikir,susuganan cai tea beak rek dibaledog ku batu. Upama aya nu ngancret gancang dipacok.
Ku cara kitu sugan bisa ngubaran halahabna. Tiori eta ku manehna dipraktekeun. hanjakal hasilna kurang
nyugemakeun. Ku kitu mah newak cai nu ngacret ku pamatuk henteu gampang.
Tapi bakat ku mindeng maledogna batu kana gentong,beungeut cai naek. Sihoreng saban batu ngelelep,nyeredkeun
cai ka luhur. Tina pangalaman pamaledog,gagak beuki getol ngasupkeun batu kana gentong. Teu dibaledogkeun
deui kawas tadi,da najan aya nu ngacret oge hese newakna,diasupkeun biasa we.
Sanggeus manehna bulak-balik ngasupkeun batu aya kana ratusna kali,tetela beungeut cai dina gentong naek ka
luhur,sarta bisa dirongkong ku pamatukna. Geus kitu mah gagak teh ngeleklek we nginum saseubeuhna. Sato-sato
mah usum halodo banget harita ripuh neangan cai. Manehna mah alhamdulillah da boga dina gentong.

SALSABILA
XII IPA 2