Sadaya Puji kaagungan Alloh Rabbul Izzati. Hayu urang manjatkeun syukur ka mantena.

Sabab kalayan qudrat sareng iradatna, alhamdulillah urang sadayana masih

dipaparinan umur dugika dinten iyeu, nyaeta dinten Jum'at anu pinuh ku kamuliaan
Shalawat sinareng salam mugia salamina tetep dilimpahkeun ka jungjunan urang
sadaya, Kanjeng Nabi Muhammad SAW, Oge ka sadaya kulawargina, para Sahabatna, sareng
ka sadaya pengikutna dugikeun ka akhir zaman
Henteu aya anu langkung pantes dina kasempatan Jum'at ieu kecuali urang saling
nasehatkeun dina wasiat taqwa, khususna kanggo diri simkuring pribadi sareng umumna
kasadaya jama'ah, hayu urang sami-sami Taqwa ka Alloh SWT, kalayan kataqwaan anu
sabener-benerna. Nyaeta kujalan, ngalaksanakeun naon rupi anu diparentahkeun ku Alloh
SWT, sareng nebihan sagala rupi anu dilarang-Na.

Para Hadirin Sidang Jumat Rahimakumullah

Satiap jalmi tangtosna pasti ngagaduhan kahayang, ngagaduhan cita-cita jeung
rencana. Nanging henteu satiap kahayang, satiap cita-cita, jeung henteu satiap rencana urang
tiasa kahontal ku urang. Terkadang urang mikahayang hiji perkara anu menurut urang sae,
tapi ternyata anu datangna perkara anu lain, anu ku urang teu dipikaresep.
Lebah dieu urang ditungtut kudu sadar bahwa eta mangrupikeun salah sahiji ujian ti
Allah SWT. Jeung urang kedah uninga, bahwa henteu satiap anu dipikahayang ku urang
selalu sae dina pandangan Alloh SWT, mungkin wae bakal ngajadikeun kacilakaan atawa
ngajadikeun kamadlorotan ka diri urang. Mungkin wae perkara anu datang ka urang bari
henteu dipikaresep, eta leuwih hade keur urang mungguh Alloh. Allah langkung uninga kana
naon anu dibutuhkeun ku urang dina satiap waktu, nyaeta anu ku Alloh dipasihkeun ka urang.

QS Al-Baqoroh; 216 : Boleh jadi kamu membenci sesuatu, padahal ia amat baik bagimu,
dan boleh jadi (pula) kamu menyukai sesuatu, padahal ia amat buruk bagimu; Allah
mengetahui, sedang kamu tidak mengetahui.

Jadi dimana hiji waktu urang ngusahakeun hiji perkara, terus dibarengan ku ngadoa
ka Alloh, bari dibarengan ku kayakinan yen Alloh bakal ngabulkeun kana doa urang, tapi anu
datang ternyata henteu sesuai jeung anu dipenta ku urang. Eta lain harti Alloh henteu
ngabulkeun, tapi Alloh ningali kana naon anu sabenerna dibutuhkeun ku urang.
Contona lamun urang nyaah ka anak, sagala anu diusahakeun ku urang eta pasti keur
kapentingan anak, sedengkeun anak the umurna karek 5 taun, lamun eta anak menta duit keur
jajan 10,000 pasti moal dibere sanajan aya. Tapi dimana eta anak geus manjing umur 17 taun,
tong boro 10,000, menta 100,000 ge dibikeun. eta sababna urang sebagai kolot ngabogaan
alesan anu teu kudu dibejakeun ka anak.
Nyakitu deui Alloh oge ngagaduhan rahasia anu urang henteu apal, naon sababna
Alloh henteu masihan naon anu dipenta ku urang.

QS. Al Mulk ; 14 : Apakah Allah Yang menciptakan itu tidak mengetahui ? dan Dia Maha
Halus lagi Maha Mengetahui?

Tapi terkadang urang sebagai manusa sok berburuk sangka ka Alloh, naha beut kiyeu,
naha beut kitu ?, menta senang malah susah, menta naek gajih malah dipecat, menta naek
jabatan malah turun, menta kakayaan malah jadi miskin. Eta mangrupakeun salah sahiji ujian
kaimanan keur satiap jalma

QS. Al ankabut; 2 : Apakah manusia itu mengira bahwa mereka dibiarkan (saja)
mengatakan: "Kami telah beriman", sedang mereka tidak diuji lagi?

Jadi dimana hiji jalma menta kebaikan keur dirina, terkadang eta jalma sok diuji heula
ku Alloh, nyakitu deui dimana hiji jalma dek ditingkatkeun darajatna ku Alloh, maka eta
jalma bakal diuji heula ku mangrupa-rupa bentuk ujian. naha eta jalma the bakal tetep kuat
dina iman ka Alloh, atawa bakal melemah, naha tetep bakal menta ka Alloh atawa bakal
putus asa jeung euren ngadoana ? Maka sing saha jalma anu lulus tina ujian, eta jalma bakal
ditingkatkeun darajatna Henteu saeutik jalma anu tadina rajin sholat, leket ka masjid, rajin
ibadah, tiba-tiba jadi ngedul, ninggalkeun sholat jeung ninggalkneun ibadah. Eta tandana
jalma henteu lulus tina ujian. Maka dimana henteu lulus tina ujian, moal naek kelas, nyakitu
deui darajatna tetep didinya. Dawuhan Rasululloh

Sesungguhnya besarnya pahala tergantung dengan besarnya ujian. sesungguhnya, apabila

Allah mencintai suatu kaum, maka Dia mengujinya. Siapa yang ridha dengan ujian itu, maka
ia akan mendapatkan keridhaan-Nya. Siapa yang membenci ujian itu, maka ia akan
mendapatkan kemurkaan-Nya. (HR. Tirmidzi dan Ibnu Majah)

Para Hadirin Sidang Jumat Rahimakumullah Ari ujian Alloh teh sanes ngan saukur
musibah wungkul tapi seueur pisan bentukna, tiasa wae gering ku panyakit, kasusahan,
kacilakaan, Kamiskinan, pangkat, jabatan, kapingpinan, kakuasaan, popularitas, bahkan
kakayaan jeung kasenangan oge mangrupikeun ujian, Abdurrahman bin Auf kantos
ngagambarkeun beuratna ujian anu ngajadikeun seueur jalmi henteu lulus tina eta ujian,

Kami diuji dengan kesusahan-kesusahan (ketika) bersama Rasulullah SAW dan kami dapat
bersabar. Kemudian kami diuji dengan kesenangan-kesenangan setelah beliau wafat, dan
kami pun tidak dapat bersabar. (HR. Tirmidzi)

Dumasar eta hadits, tiasa ku urang kauninga, bahwa ternyata kakayaan jeung
kasenangan teh sanes ukuran hiji jalma dimuliakeun ku Alloh, tapi mangrupikeun ujian keur
eta jalma. Naha eta jalma teh tambah getol ibadahna atanapi jadi ngedul ? Henteu sauetik
jalma anu nalika diuji ku kamiskinan, eta jalma bisa sabar.
Tapi sawaktu dibere kakayaan jeung kasenangan, eta jalma poho ka Alloh. Singkatna
naon wae anu perkara menimpa ka jalma muslim, dipikaresep atawa teu dipikaresep, senang
atawa susah, boh kakayaan atawa kamiskinan, eta sadayana mangrupikeun ujian ti Alloh.
jeung aya anu lulus aya nu henteu.
Para Hadirin Sidang Jumat Rahimakumullah
Selain sebagai ujian dimana urang ditimpa kasusahan jeung kasulitan bertubi-tubi,
bari terus-terusan dina waktu anu panjang, urang oge perlu muhasabah, ngaji kana diri bilih
aya hiji dosa anu ngajadikeun doa-doa urang henteu diijabah ku Alloh, diantawisna 10 dosa
besar anu ngajadikeun jalma susah;
1. Dosa Syirik, nyaeta menyekutukan Alloh
2. Ninggalkeun kawajiban Shalat
3. Durhaka ka indung bapa
4. Zina
5. Rizqi anu Haram atanapi Nuang katuangan anu diharamkeun
6. Mabok atanapi minum khamar / minuman keras
7. Megatkeun Silaturrahim, diantawisna goreng jeung dulur, goreng jeung tatangga jeung
sajabina.
8. Bohong atanapi kasaksian palsu atanapi Sumpah Palsu atanapi janji palsu sapertos Nadzar
anu teu dilaksanakeun sareng sajabina
9. Kikir atanapi pelit, tara ngaluarkeun zakat jeung sedekah
10. Ghibah atanapi ngomongkeun kagorengan batur
Tah eta rupina 10 dosa besar anu ku urang kudu dijadikeun muhasabah dina diri
urang. Terkadang jalmi terhindar tina sebagian dosa anu tadi, tapi henteu terhindar tinu
lainna, sahingga eta jalma doana henteu ditarima ku Alloh. Maka eta jalma kudu tobat ka
Alloh ku Taubatan nasuha, nyaeta tobat anu bener-bener kaduhung jeung moal ngalakukeun
deui eta dosa.
Tapi lamun urang henteu rumasa ngalakukeun 10 dosa besar anu tadi, tapi urang
masih keneh aya dina kasusahan, eta hartosna urang keur diuji. Maka kudu dihadapi kalayan
sabar jeung pasrah diri.

QS Al-Baqoroh; 45 : Jadikanlah sabar dan shalat sebagai penolongmu. Dan

sesungguhnya yang demikian itu sungguh berat, kecuali bagi orang-orang yang khusyu'

Ujian itu akan selalu menimpa seorang hamba sampai Allah membiarkannya berjalan di atas
bumi dengan tidak memiliki dosa. (HR. Tirmidzi dan An-Nasai)

Mudah-mudahan urang salamina terhindar tina rupi-rupi dosa besar anu ngajadikeun
hirup urang aya dina kasusahan, jeung doa urang henteu ditarima ku Alloh, jeung mudah-
mudahan urang dipaparinan kakiatan sareng kasabaran dina narima ujian ti Alloh SWT.
Aamiin.
Khutbah Kedua