3 pamuda naraek taksi, 3 pamuda nu keur marabok nyetop taksi. Ceuk Sopir Taksi na jero
hatena: "ieu jelema gawena ngan marabok wae, digawean siah ku aing".
Sanggeus eta 3 pamuda naraek taksi, supir ngahurungkeun mesin sakeudeung trus dipareuman
deui.
Supir : "Parantos dugi den, mangga tarurun"
Pamuda ka-1 turun bari mayar, nu ka-2 sasalaman bari ngomong nuhun.
Ari pamuda ka-3 pas turun kalah nyabok, bari ngambek: Engke deui mun mawa taksi tong
ngebut2 kitu lah bahaya! kalem we nyupirna!=D X_X.
Supir taksi: Dasar jelema garering..:/ :D =)) =D
Diudag Pulisi
Keur anteng ngagebér motorna, Odoy ngareret kana spion ari breh teh ditukangeun aya saurang
pulisi keur ngudag manehna. Najan haben dikalaksonan, Odoy jongjong ngagas motorna, teu
malire da ceuk pamikirna teu rumasa ngalanggar. Dasar motor nu ditumpakan Odoy kaluaran
taun heubeul, diuber ku motor king taun panganyarna, atuh ngan sasiet oge kaberik. Kapaksa
Odoy eureun, dina hatena gogolono, pasti cenah urusan jeung pulisi mah ujung ujungna duit.
Mangkaning dina dompetna ngan ukur dua puluh dua puluhna, eta ge meunang nyanyapa tina
handapeun kasur basa samemeh indit.
"Aya naon pa, make nguber ka abdi ?" tanya Odoy bari mukakeun helem.
"Ari ujang teh tatangga bapa anu dilembur tea sanes ?" ceuk pulisi negeskeun
"Sanes, abdi mah teu gaduh tatanggi anu janten pulisi Pa !"
"Punten atuh ari sanes mah, eta we apal ka helemna, geuning sami jeung tatangga bapa, tadina
mah bade wiat saur ka indung budak dilembur, yen bapa moal kalembur salami tilu dinten, aya
dines !"
"Oh kitu nya !" ceuk Odoy nahan piseurieun.
Keur guntreng kitu kalalaran aya motor ngaliwat nu numpakna make helem persis pisan jeung nu
dipake ku Odoy.
"Boa boa itu tatangga bapa mah, punten nya jang tos ngarerepot !" ceuk eta pulisi ngabius
ngudag motor nu karek ngaliwat, bari haben kalaksona ditabeuh sapapanjang jalan.
"Salamet..salamet !" Odoy nyenghel bari ngusapan dompetna.