WAWANCAN JAK KELAMA

Assalamu’alaikum warahmatullahi wabarakatuh....

Tanpa lamon pubalah hinji dandananne anjak kelamane ZIRWAN FIKRI.

Pengengok penghanggumne Khaja Titian Batin jama puakhine sai wat dija.
Sikam ngehakhap keantonan dandanan hinji sa. Hinji wat tambahan pengengok
penghanggum anjak kelama, liwat wawawncan sebagai hasa sayang ,kahutne
jama anak nambai sai wat dija.

1. NABIK PUN NABIK TABIK

MAHAP WIH NGALAM PUKHA
AJO WAWANCAN CUTIK
PENYUMUK JAK KELAMA

2. AJO SIKAM NYAMUKA

CUKUP LAMON BILANGNE
ANJAK PIHAK KELAMA
ANJAK KELAMANE ZIRWAN FIKRI

3. LAIN KHUMASA PENTOKH

CAWA TUTUK SEGATA
BUBALAH KEKALAU YA BENOKH
KHENA DAYYA PIKNE BAYA

4. CUKUP LAMON TIBILANG

JAK TIUHNE ZUHRO DIPARDASUKA
NIAT NGEBALIN SUBANG
PENGHANGGUM MID DI ZIRWAN FIKRI

5. LAIN NGEKHASA DACOK

SIKAM NGEBALNI SUBANG
KIDANG YA KENYIN HALOK
WAT TANDA KASIH SAYANG
6. NGELAMA JAK PARDASUKA
KHADU LAIN KABUPATEN
ASALNE HULUN TUHA
TIULIH MA PUPINSAN

7. KINANDI SIKAM LIYOM

KEKHAMIK ‘AN GA MID DIJA
KIDANG YA KENYIN KHANGGOM
BUKADAYOK JEJAMA

8. KALAU BUJALAN SEHAT

KHESAN DI AHLI WAKHI
TUTUK KHANGGOM MUFAKAT
KASI DELOM MUAKHI

9. LOHOT JAK MAMAK-MAMAK

KHIK SEUNYINE IBUNG
KHETAK DANG LUPA DI BAWAK
JAGUNG DANG LUPA DI BASUNG

10. TINGKAH LAKU TIKHUBAH

SELALU KHAM NGAJI DIKHI
BULAMBANAN SA MAK MUDAH
BIYAK TANGGUNG JAWABNE

11. KANTU KUNSIMU SALAH

TEKHI KO PEPAPATAN
NAWAI DANG SAMBIL MAKHAH
NYIN BUKENA DITIYAN

12. NIKU WIH PANDAI-PANDAI

NGEJAGA KHUMAH TANGGA
KANTU BANG WAT SAI NAWAI
JAJAKKO WEWAH MUKA

13. NIKU WIH ZIRWAN FIKRI, GANTA JI KHADU KHAGAH

LAIN MEKAHANI LAGI
TINGKAH LAKU TIKHUBAH
DANG GEGOH KAKHWA NAMBI
14. SIKAM MAK SALAH TAWAI
MAK MONEH SALAH DU’A
KALAU NIKU TEMAKAI
CAKHA BUKHUMAH TANGGA

15. SIKAM MAK NGEDOK TENGUSUNG

BAWAN HANANE LIMA JAKHI
NYAKHEBONGKO SUBANG DALUNG
LAIN HAK MAS SAI MURNI

16. WASSALAM KHAM SALAMAN

PEMUPUT KHAM PUTUNGGA
ANTAK IJA WAWANCAN
KARANGAN KHADU BELA

17. KARANGAN KHADU BELA

KETUTUK TINTANE PAKHEPOTAN
KANTU WAT SALAH KATA
SIKAM NGAKILU KEMAHAPAN

Kantu khena da puakhi segata pengghanggum anjak kelama di Pardasuka,

lebih kukhangne sikam ngilu mahap .
Akhirul kalam, Billahi taufik wal hidayah.....
Wassalamu’alaikum warahmatullahi wabarakatuh....