(Galatia 3 : 28.

c)
U : Nueng pe, nungnga tapapungu pelean parsombaonta tu Debata, ala ni
i, tatangianghon ma pelean on, martangiang ma hita... (Agenda)
17. TANGIANG PANGUJUNGI
a. Tangiang Pelean, Tangiang Ale Amanami, Pasupasu
II. HATA HUHUASI: ( Boi Ma Diatur Hobar Tu Ringkotna )

PARTANGIANGAN BONA TAON

PUNGUAN RAJA SILAHISABUNGAN
BORU, BERE DOHOT IBEBERE
PORSEA PARDAMEAN BATU IV

Tema : Sada Di Bagasan Kristus.

DIBAGAS NI
OP. HASOLOAN TAMBUNAN/BR.SIALLAGAN
Rabu, 11 Januari 2017

PODA SAGU-SAGU MARLANGAN

 INGKON MASIHAHOLONGAN MA HAMU SAMA HAMU RO DI

POMPARANMU. SI SADA ANAK SI SADA BORU, NA SO TUPA
MARSIOLIAN, TARLUMOBI POMPARAN MU NA PITU DOHOT
Sub Tema:
POMPARAN NI SITAMBUN RAJA ON.
Marhite Partangiangan Bona Taon
 INGKON HUMOLONG ROHAMU NA PITU DOHOT
Dohot Arisan Punguan Silahisabungan,
POMPARANMU TU BORU POMPARAN NI ANGGIMU SITAMBUN
RAJA ON, SUANG SONGON I NANG HO TAMBUN RAJA DOHOT
Naeng Lam Tangkas Tarida Hasadaonta
POMPARANMU INKON HUMOLONG ROHAM DI BORU Marhite Pambahenanta,
POMPARAN NI HAHAM NA PITU ON. Ai Ido Na Hinalomohon Ni Debata.
 TONGKA DOHONONMU NA UALU NA SO SA AMA SA INA HAMU
TU PUDIAN NI ARI.
 TONGKA PUNGKAON BADA MANANG SALISI TU ARI NA NAENG
RO. MOLO ADONG PARBADAAN MANANG PARSALISIHAN DI
HAMU, INGKON SIAN TONGA – TONGAMU MASI TAPI TOLA,
SIBAHEN UHUM NA TINGKOS NA SOJADI MARDINGKAN, JALA
NA SO TUPA HALAK NA ASING PASAEHON.
Acara Partangiangan Bona Taon Inkulturasi 7 Gr. Anggiat Martua Tambunan Acara Partangiangan Bona Taon Inkulturasi 0 Gr. Anggiat Martua Tambunan
I. PARTANGIANGAN
01. JOUJOU TU PARSOMBAON
U : Hamu amang raja, inang soripada , haha, anggi dohot pinaribot,
angka parroha na uli, na hinahaholongan di bagasan Goar ni
Tuhanta Jesus Kristus, jalo hamu ma tabe sian hami: Selamat Taon
Baru ma di hita saluhutna.
H : Selamat Taon Baru ma tutu !
U : Di na marpungu hita nuaeng, patupahon Partangiangan Bona
Taon Punguan Raja Silahisabungan, Boru, Bere dohot Ibebere
, adong do na tuat sian dolok, adong na nangkok sian toruan,
adong na ro sian habinsaran jala adong na sian hasundutan.
Marhite pandonganion ni Tuhanta, nunga tasalpuhon taon 2016
jala dipabongot hita tu taon na imbaru taon 2017. Tama situtu
pasahatonta hamauliateon ni rohanta tu adopan ni Debata. Sai sai
asi ma rohaNa, jala sai manumpak ma Debata Mulajadi tu hita on.
Sai dilehon ma di hita ragam ni pasupasu di taon 2017 on, asa
simbora gukguk, di julu ni tapian. horas jala gabe hita luhut, jala
dapotan parsaulian.
U : Didok Tuhanta Jesus : Ai anggo pungu dua manang tolu pe marhite
Goarhu, sai dongananku do nasida. Didok Ompunta si jolojolo
tubu : Disi si rungguk, disi si tata. Ia disi hita juguk, disi Tuhanta
Debata.
H : Amen, Ima tutu !
U : Ditaon 2017 on, ta ingot ma pandohon ni ompunta si jolojolo tubu
na mandok: Rantosna do tajomna, rim ni tahi do gogona. Nuaeng
pe, rap ma hita sisada tangiang sisada haporseaon, martangiang
mangido tua sian Amanta Debata Sipanjadi, satahi jala saoloan ma
hita mamuji Debata, ai ro di salelengnilelengna do asi ni rohaNa.
Marende ma hita sian Buku Ende No. 70 : 1 – 2 “Naung salpu
taon na buruk i” BL. 36
02. MARENDE BE No. 70 : 1 -2 “Naung Salpu Taon Na Buruk I”
 Naung salpu taon na buruk i. Ho ma hupuji Tuhanki. Ai diramoti Ho
tongtong, tondingku dohot dagingkon. Ai diramoti Ho tongtong,
tondingku dohot dagingkon.
 O Jesus sai asi rohaM, paian denggan ni basaM. Muse di taon na
‘mbaru on di nasa huriaM tongtong. Muse di taon na ‘mbaru on di
nasa huriaM tongtong.
Acara Partangiangan Bona Taon Inkulturasi 1 Gr. Anggiat Martua Tambunan
16. PARSURUON
U : Hamu angka dongan, nunga patar taida asi dohot holong ni roha ni
Debata di hita. Dipataridahon do i marhite pangaramotionNa tu hita
mamolus taon na salpu i. Debata parasiroha jala pardengganbasa, i
ma na paborhathon hita mandalani taon 2015 on. Asa tingko ma
inggir – inggir, tingko rata – rata. Unang hita mabiar, Debata do
donganta. Dibahen i, baen ma Ibana haposanmu.
H : ( Mangendehon B.E. No. 66 “DEBATA BAEN DONGANMI” )
 Debata baen donganmi, lao mangula ulaonmu.
Baen Ibana haposanmu sai paserep rohami
Debata baen donganmi Debata baen donganmi
U : Tangiang jala pintapintata tu adopan ni Debata: Asi ma rohaNa, sai
di pasupasu ma Punguan Raja Silahisabungan, Boru Bere dohot
Ibebere. Sai torop ma dangkana, rugun ia bulungna. Horas jala
gabe hulahulana, songoni dohot boruna. Asa Tonggi ma sibahut,
tabo ma pora – pora. gabe ma hita luhut, jala sude ma hita mamora.
H : Amen. Ima tutu.
U : Ala ni i, tangkas ma hita mangaradoti hasadaon di bagasan
Haporseon na polin. taulahon ma na denggan tu saluhut jolma, ai
Kristus do na mangolu di bagasan hita. Molo marparange na
denggan hita di bagasan ngolunta. Pos ma rohanta, bangun bangun
sinuan, bangun bangun do salongan, molo nauli sinuan, nauli do
sijaloon.
H : ( Mangedehon BE No. 122:1 “Ida Hinadenggan Ni” )
 Ida hinadenggan ni Angka na saroha i, Parpambaenan na burju Nang hatana pe tutu.
U: Simbora gukguk, di julu ni tapian, Horas jala gabe hita luhut, jala
dapotan parsaulian. Martantan ma baringin marurat jabi – jabi,
mamora ma hita madingin, tumpahan ni Debata Mulajadi. Boras hata
ni Tarutung, parbue hata ni TOBA. Partangiangan Bona Taon nunga
marujung, mulak ma hita di bagasan las ni roha, jala mamboan
pasupasu ni Debata.
H : Amen! Ima tutu.
( Mangedehon BE No. 754:1 “Gok Las Ni Roha Do Au” )
Gok las ni roha do au di ngolungkon, Di ngolungkon di ngolungkon .
Gok las ni roha do au dingolungkon tongtong di rohangkon. Mauliate gok las ni roha maringan holongMi Tuhan di
au. Mauliate gok las ni roha, Maringan holongMi Tuhan di au
Acara Partangiangan Bona Taon Inkulturasi 6 Gr. Anggiat Martua Tambunan
09. MANGHANGOLUHON HASADAON
U: Di na marlas ni roha hita sadari on Patupahon Partangiangan Bona
Taon Punguan Raja Silahisabungan, Boru Bere dohot Ibebere,
parhatopoton ni rohanta do tung na balga do asi ni roha ni Jahowa tu
hita saluhutna. Di bahen i tung tama do hita mandok mauliate tu
Jahowa Debata.
H: Amen. Ima tutu!
U: Di na martangiang Tuhanta Jesus Kristus tu Debata Ama Sipanjadi,
dipangidohon do, asa sada saluhut si ihuthon Ibana. Asa sun denggan
hasadaon ni angka siseanNa (Johannes17).Taingot ma,
namarhamaranggi do hita saluhutna di bagasan Tuhan i. Ai na tiniop
batahi, batahi pamarai. Ingkon sauduran jala satahi, angka na marhaha
maranggi.
H : Amen, Ima tutu!!
U: Asa Denggan ma pangalanka molo mangkuling ogung dohot sarune.
Si sada urdot si sada langka ma Punguan Raja Silahisabungan,
Boru Bere dohot Ibebere, tu joloan on songon parluga ni parsolu.
H : Ima tutu, dison do hami Tuhan, ihot ma hami marhitehite tondiM, asa
jumpang hasadaon di tongatonganami.
\
U: Amen, Ima na tutu, jala situtu.
10. MARENDE NO BE.123 :1, 3 “ALE DONGAN NA SAROHA”
 Ale dongan na saroha Manjalahi dame i, Dompak Jesus tapasada Holong ni rohanta i
Ai Ibana do ulunta Hita do ruasNa i. Tuhan Jesus do gurunta hita siseanNa i.
 Sai pasada ale Tuhan Angka na porsea i, Asa masihaholongan Songon na pinatikMi
Dibagasan hasintongan I do pinangidoMi, Sai padomu angka dongan Na tutu sinondangMi
11. TANGIANG PANGONDIANON:
12. MARENDE BE No. 753 : 1 “Dipardalanan Jesus di jolongku”
 Dipardalanan Jesus di jolongku, holong ni tanganMi manogu au. Nang di ngolungku Ho do
sombaonku, tung sonang mardalan raphon Ho. Huboto do tangkas panoguomMu, diiringiring Ho do
langkangki. Sahat ro di ujung ni pardalanku, togu ma au jonok tu lambungMi.
14. JAMITA:
15. MARENDE BE No. 119 : 1 -- “Martua Do Dohonanon ” (Pelean)
 Martua do dohonon Na marsaama i, Na tong marparrohaon Maniop dame i,
Na tong marparrohaon Maniop dame i.
 Sumorop anggo ombun Pabornok ladang i, Laos songgop hatuaon Tu angka dongan i,
Laos songgop hatuaon Tu angka dongan i.
Acara Partangiangan Bona Taon Inkulturasi 5 Gr. Anggiat Martua Tambunan
03. VOTUM – INTROITUS – DOA
U : Marhitehite Goar ni Debata. Debata mungka ni bona, Debata Raja
Sipanompa, Na manompa sian na soadong, na manjadihon sude
marhite hata. Ibana do mula ni hosa, ima Debata na manompa langit
dohot tano dohot nasaisina. Dohot Goar ni AnakNa Tuhan Jesus
Kristus, Raja Sipalua Tuhanta Parasiroha, namarhuraja jala
marmulia. Dohot Goar ni Tondi Parbadia, ima sigomgom jala
siparorot manisia, na tongtong satia mandongani hita, mangajari
hita, jala manogu-nogu langkanta, asa jumpang hita angka parsaulian
nang hagabeon.
H : Amen.
U : Debata do haporusanta dohot hagogoonta, pangurupi situtu di ari
hagogotan. Dibahen i ndang mabiar hita, nang pe balik tano on,
jala lalolalo angka dolok.
H : Sai mangaranapi do matangku dompak angka dolok: Sian dia do
ulaning ro pangurupion tu ahu ?
U : Sian Jahowa sitompa langit dohot tano on sambing ro pangurupion
ianggo tu ho. Ndang tagamon nok mata ni Sijaga ho. Sai Jagaon ni
Jahowa do ho sian nasa parmaraan, sai jagaonNa do tondim. Sai
jagaon ni Jahowa do ho lao ruar dohot laho bongot olat ni on ro di
saleleng ni lelengna. Haleluya! Martangiang ma hita : Ale Tuhan
Debata Jahowa, Sitompa langit dohot tano, dohot nasaisina, Ama
ni Tuhan Jesus Tuhannami. Ho do Ama Siparasi, Debata
parasiroha na marpanari, jala na pasahat gok asi. Tama do hami
mandok mauliate ala ni pandonganionMu di hami sian taon na
salpu sahat tu tingki on. Tatap ma hami bangsoM, lumobi hami
Punguan Raja Silahisabungan, Boru Bere dohot Ibebere, di na
marsahata huhuasinami, laho patoguhon haporseaonnami,
pahothon panghirimonnami, jala patolhas tangiang do hami
mangelek Ho, laho mangido gogo sian Ho, ima na gabe ngolu ni
tondinami. Daulad-satahi do hami manomba Ho Tuhannami na
marmulia. Pasahat ende pujipujian do hami jala mananti tu
adopanMu. Manjujung poda na sian Ho do hami, asa mangampu
sorang parsaulian di ngolunami. Sai jagai ma pamatang dohot
tondinami di na mandalani taon naimbaru on hami. Asa lias hami
sian bonos, jala muli nasa holso, dao ma bobos, polin ma hami
Acara Partangiangan Bona Taon Inkulturasi 2 Gr. Anggiat Martua Tambunan
 marhaporseaon. Sai paimbaru rohanami asa tongtong Ho gabe
partanobatoan nami. On ma hupangido hami marhitehite Goar ni
AnakMu Jesus Kristus Tuhannami, na mangolu jala na
mangarajai, nuaeng, tongtong ro di saleleng ni lelengna. Amen !
04. Marende B.E. No. 743: 1 “ O Tuhan Togutogu ma Au”
 O Tuhan togu-togu ma au, tu dalan lomo ni rohaMi,
Raphon Ho sonang mardalan au, nang rahis maol sidalananki,
TondiMi baen manggohi au on, Margogoihon au naposoMon,
Pasangap Ho dingolungkon, Paima sahat tu surgo au on.
05. PATIK
U: Sinuan bulu sibaen na las, sinuan uhum sibaen na horas. Antong
taingot ma patik, uhum, aturan ni Debata ima natarsurat di Galatia
3: 26-28 : Alai saluhut do hamu anak ni Debata marhitehite
haporseaon di Kristus Jesus. Ai Kristus i do diparuloshon hamu,
sude hamu, naung tardidi tu bagasan Kristus.
H: Ndang mardiaimbar disi Jahudi manang Gorik, hatoban manang
anak mata, baoa manang parompuan.
U: Ai sada do hamu saluhutna dibagasan Kristus Jesus. I do sahatna.
Unang sumuan dulang, mangaithon jabi – jabi. Unang mambahen na
so uhum, mangulahon na so jadi. Marbunga ma siarum paet,
marparbue ma ansimun, tung na so jadi gait laho mangulahon uhum.
Antong rap mangido gogo ma hita tu adopan ni Debata laho
mangulahon patikNa i.
U+H:Ale Tuhan Debata, sai pargogoi ma hami mangulahon na hombar tu
patikMi. A m e n!
06. Marende BE.No. 171 :1-2 “ Tandai Ma Au”
 Tandai ma au, sungkapi ma dohot rohangku.
Uji ma au, pamanat huhut ma dalanku. Olo ditanda Ho au Debata.
 Asi ma rohaM, taringot tu pangalahongku.
Olo tutu, jotjot do na lilu dalanku. Sesa dosangku, sude Debata.
07. MANOPOTI DOSA
U: Tapaunduk be ma rohanta di adopan ni Debata tatopoti ma dosanta!
Ale Tuhan Debata, Amanami na di banua ginjang! Hujou jala
husomba hami ma Ho, ale Tuhan Debatanami, Debata silehon ruhut
na denggan, Debata silehon uhum. Dibagasan dosa do hami tubu, jala
magodang hami dibagasan hasalaan, jotjot do hutuntun hami lomo ni
rohanami, gabe balik tu panduduan, jala tarboan langka tuparpiloan.
Acara Partangiangan Bona Taon Inkulturasi 3 Gr. Anggiat Martua Tambunan
Jotjot do hami marpangalaho nagurgur sian solup, nalopo sian hatian.
Jotjot Suhar songon lapaon ihan, jala husor songon lapaon manuk,
targoar hami Kristen alai hutondonghami do dalan hamagoan. Luhut
do hami marroha hinamago.
H: Ale Tuhan Debatanami, Asi ma rohaM! Sesa ma dosanami. Asa ias
ngolunami songon itak, jala bontar songon hapas. Asa sombu uasnami
sian aek hangoluan, na pinaradeM tu hami marhitehite sampuran ni
holongMu. Asa denggan jala uli ngolunami
U: Hujou jala husomba hami ma Ho, ale Tuhan Debatanami. Tatap ma
hami! Sesa ma dosanami, asa salpu sude hasalaannami, songon
parsalpu ni na holom, di na binsar mata ni ari. Sai paombun ma
rimasMu songon panorop ni ombun di buhabuha ijuk. Asa tung
lambok huhilalahami.
H: Ale Tuhan Debatanami, Asi ma rohaM! Sesa ma dosanami. Asa ias
ngolunami songon itak, jala bontar songon hapas, asa denggan jala uli
ngolunami. Asa tung sombu uasnami sian aek hangoluan, na
pinaradeM tu hami marhitehite sampuran ni holongMu, ima Tuhan
Jesus Kristus Tuhannami .
U= Hariara madungdung tu pilo-pilo na maragar, tading ma tutu na
lungun roma na jagar. Taor pangabang, taor pangubungan, sipaulak
gogo tu pamatang, sipaulak rata naung matutung. Disesa do dosanta,
hamateanpe dirobo, jala dipadao nasa ribo. Asa disi ma hinajogina jala
disi ma hinagokna. Ai songonon do hata bagabaga ni Debata taringot
tu hasesaan ni Dosanta: “BuhaanNa ma disi mata ni halak na
mapitung, jala marbinege bahenonNa pinggol ni angka na nengel.
Dapotan hilas dohot las ni roha do nasida, maporus ma angka arsak
dohot hoihoi. Ndang be male nasida, ndang be mauas, ndang be
ditinggang las ni ari nasida. Apusan ni Debata ma nasa iluilu sian
mata nasida, ndang adong be hamatean nang arsak ni roha; nang
anggukangguk, nang na hansit, ndang adong be disi, ai nunga salpu
sudenai”. Hasangapon ma di Debata na di ginjang !
H= Amen!!!
08. MARENDE BE No. 697 : 1 “Molo Ho Do Huihuthon”
 Molo Ho do huihuthon dame sonang rohangki
Sai horas jala martua nasa hinophopMi.
Ho tongtong ihuthonongku, Jesus na palua au.
Ho sambing do oloanhu ala nii martua au.
Acara Partangiangan Bona Taon Inkulturasi 4 Gr. Anggiat Martua Tambunan