ACARA KEBAKTIAN MALAM KELUARGA MINGGU PAOPATHON BULAN APRIL 2022
GKPI RESORT PASAR TUKKA WILAYAH VI ( SILINDUNG – PAHAE – TAPSEL – TAPTENG )
( DIPATUPA GANUP RUAS DIBAGASNABE, HOMBAR TU TINGKI NAUNG DITONTUHON DI JEMAAT MASING- MASING )
I. Pangaradeon
1. Diparade ma Bibel – Buku Ende
2. Ditontuhon hian ma, angka ise na martugas ( Uluan, Manguluhon Ende, Tangiang
pangondianan )
II. Acara Partangiangan
01. Joujou tu Parsaoran ( U : Uluan/Namanguluhon, S : sude )
U : Horas ma di hita saluhutna dibagasan borgin on, Tama do mandok mauliate hita
tu Tuhanta pardenggan basai, ala boi dope hita marpungu lao marsaor dohot
Tuhanta, marhite partangiangan keluarga dibagasan borngin on, antong tapujima
Debata na tongtong mangaramoti ngolunta, jala tapanghilalahon ma saluhutna
angka pasupasuna naung dilehon tu ganup keluarganta be.
S : Puji ma Jahowa, ale tondingku, jala unang tung halupahon denggan ni basana
sudena.
U : Antong tapaunduk jala tapahibul ma rohanta, laho mamuhai partangiangan
borngin on, martangiang ma hita dibagasan rohanta be.
02. Marende sian Buku Ende No. 205 : 1 – 2
 Ale Jesus Tuhannami, bereng hami na dison!
PinarmahanMi do hami saluhutna na dison.
Sai asi rohaM di hami, sai pangolu hami on.
 Ale Jesus, togu hami asa unang mago be,
Manang ise sian hami, sai porsea ma sude.
Sai na hot di Ho ma hami, dao ma jea sasude.
03. Votim – Introitus – Tangiang
U : Partangiangan keluarga dibagasan borngin on, dipungka dibagasan goar ni Debata
Ama, Anak dohot tondi Parbadia.
S : Amen
U : Martua ma halak, na so olo mangihuthon tahi ni angka parjahat, jala na so olo
jongjong tu dalan ni angka pardosa, jala na so olo sahundulan dohot angka
pangarehei. Haleluya. Martangiang ma hita: Ale Tuhan Debata, Pargogo na so
hatudosan ! Holan ala ni asi ni rohaM sambing do, umbahen na tarbahen hami
marpungu di joloM dibagasan borngin on, alanii marsada ni roha martangiang tu
Ho. Diparbagabaga Ho do di bagasan HataM: Molo adong dua manang tolu halak
marpungu marhitehite GoarMu, lehononMu do na pinangido nasida. Ale Tuhan
pasaut ma bagabagaM i, tangihon ma pangidoan nami, lehon ma na tau
hangoluannami. Lehon ma di hami saleleng di hasiangan on parbinotoan di
hasintonganMi, dohot di hangoluan salelenglelengna marhitehite AnakMu, Tuhan
Jesus Kristus, Tuhan nami. Amen.
04. Marende sian Buku Ende No. 25 : 1
 HataM i, ale Tuhanku, arta na ummarga i,Sai paian di rohangku, unang so hutiop i.
Molo so be sitiopan hata na badia i, aha nama haojahan ni haporseaon i?
05. Renungan : Psalm 119 : 2, “Martua ma halak angka na mangaradoti angka
panindangionna i, angka na mangalului Ibana sian nasa roha”.
Di hita na hinaholongan dibagasan Jesus Kristus, Hea do disungkunhon halak
tu Bunda Theresa: “ai aha do na manggohi roham, umbahen na olo ho marhansithansit
mangurupi angka na hassitan i. Hira na so ringkot do di ho mangurus haulion ni rupa,
hira na so ringkot do di ho hepeng. Hira na so ringkot di ho natorasmu dohot angka
sisolhotmu”. Jempek do dialusi Bunda Theresa, “nang pe marhansithansit ahu, alai on do
parbue ni haporseaonku dohot pangoloionku tu Debatangku, martua do ahu siala ni i
sude”.
Nasa jolma na hipas roha dohot pingkiran sude do manghasiholi hatuaon. “Martua
ho inang, ganjang umurmu, sehat jala denggan sude angka ianakhonmu”. Nang tu na
baru mardongan saripe pe, i do tadok asa gabe rumatangga na martua nasida. Tuhanta
pe, i do dihalomohon sian hita, songon na tarida di Jamita Dolok na tarbarita i. Jala
sangkap ni Jahowa pe tu hita jolma sangkap hatuaon do. Molo tung ro pe angka
hasusaan na ro sian portibion do i, asa lam togu do haporseaon ni angka na porsea tu
Ibana jala marsihohot dibagasan panghirimon. Alai nang pe songon i, ndang sai sude
jolma martua di bagasan ngoluna, songon i nang panindangion ni par Psalmen on
dibagasan turpuk on, patuduhon tu hita, ia hatuaon masa tu angka na marsitutu
mangaradoti panindangionna do, jala tarida doi di angka parngoluonta dohot ulaonta
siganp ari. Adong deba halak marsitutu do mangula angka siulaonna na marragam i,
sampe so sanga deba tu gareja dohot pajumpang tu donganna sahaporseaon, hape
Debata Jahowa do nampuna ujung ni sude ulaonta, taula do angka ulaonta, alai ndang
parduli hita tu lomo ni roha ni Debata Jahowa, adong do jabatanta, adong gogonta,
adong upah kerjanta, alai ndang hombar tu lomo ni roha ni Jahowa Panghorhonna, loja
hita alai ndang adong hiras ni roha dohot minar ni bohi, Tu aha ma i sudena?. Alani i,
joujou sian pengalaman ni Parpsalmen on, mansai arga: asa olo hita mangaradoti
panindangionta tu Debata Jahowa, jala mangalului Ibana dibagasan ngolunta dohot
angka ulaonta siganup ari i. Unang ma lupa hita, marhite angka ulaon i, huhut do hita
mangalului Debata Jahowa, asa martua hita. Amen.
06. Marende sian Buku Ende No. 216 : 2
 Na nidok ni Debatangku patut huundukhon i,
Sai mangolu do tondingku molo huihuthon i,
Asi ni rohangku do ndang na munsat sian ho.
07. Tangiang Pangondianon
08. Marende sian Buku Ende No. 12 : 2 ( Huhut Papungu Pelean )
 Huboto, Ho do mual ni na denggan sasude.
Dilehon Ho do sian i, godang di hami be.
09. Tangiang Pelean – Tangiang Ale Amanami
U : Ale Debata, Amanami na di banua ginjang, dison hupasahat hami do pelean
hamauliateon nami tu Ho. Sai jalo jala pasupasu ma pelean nami on asa dipangke
HuriaM hombar tu lomo ni rohaM. Pasupasu ma hami nang ulaon nami, asa
singkop nasa na ringkot di ngolu nami, jala dibagasan las ni roha hami mangoloi
 ACARA KEBAKTIAN MALAM KELUARGA MINGGU PAOPATHON BULAN APRIL 2022
GKPI RESORT PASAR TUKKA WILAYAH VI ( SILINDUNG – PAHAE – TAPSEL – TAPTENG )
( DIPATUPA GANUP RUAS DIBAGASNABE, HOMBAR TU TINGKI NAUNG DITONTUHON DI JEMAAT MASING- MASING )

Ho, dibagasan anakMu Tuhan Jesus Kristus. Amen, Rap mandok ma hita Tangiang
Ale Ama nami.
S : Ale Ama nami na di banua ginjang……………………….……………………………………………du
S : Amen – Amen – Amen .